Bybelstudie – Page 39 of 40 – NG Kerk Groot-Brakrivier

2 November 202229 Desember 2022

Week 3 Dag 14 – Op my eie: Ons is die Plan – 9 weke van Transformasie

Week 3 Dag 14 Die Heilige Gees gee die krag

Dag 14
Die Heilige Gees bekragtig
Week 3
Die Heilige Gees & Die Plan

OP MY EIE

Die opskrif laat mens dink aan die TV advertensie: “I do it with only one hand!”

Miskien moet jy eers stil word en die Here bewustelik toelaat om albei jou hande te bind – sodat Hy (alléén) kan werk – sonder jou bydrae , soos die Engelse spreekwoord sê: “Let go and let God!”

Lees Hand 1:4, 8; 2:14, 36, 41-47; 4:31; 7:54-60; 2 Kor 4:13.

Hand 1:4, 8;

⁴Terwyl Hy met hulle saamgeëet het, het Hy hulle beveel: “Moenie uit Jerusalem weggaan nie, maar bly wag op die Vader se belofte wat julle van My gehoor het.

⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Hand 2:14, 36, 41-47;

¹⁴Daarop staan •Petrus op, verhef sy stem en spreek hulle toe: “Jode, en julle almal wat in Jerusalem woon – dit moet julle weet, luister goed na my woorde:

³⁶“Laat die hele huis van Israel dan vir seker weet dat God Hom Here en Christus gemaak het – hierdie Jesus wat julle gekruisig het.”

⁴¹Diegene wat sy boodskap aangeneem het, is gedoop, en op daardie dag is ongeveer drieduisend mense toegevoeg.

EERSTE GEMEENTE

⁴²Hulle het bly volhard in die leer van die •apostels, die verbondenheid met mekaar, die breek van die brood, en gebede. ⁴³Almal is met ontsag vervul en baie wonders en tekens het deur die apostels plaasgevind. ⁴⁴Al die gelowiges was bymekaar en het alles gemeenskaplik besit. ⁴⁵Hulle het hulle eiendom en besittings verkoop en aan almal uitgedeel volgens elkeen se behoefte. ⁴⁶Hulle het eensgesind volhard om die tempelterrein daagliks te besoek, aan huis die brood te breek en hulle maaltye met uitbundige blydskap en met opregte harte te geniet. ⁴⁷Hulle het God bly prys, en die hele volk was hulle goedgesind. En die Here het daagliks verlostes by hulle getal gevoeg.

Hand 4:31;

³¹Terwyl hulle gebid het, is die plek waar hulle bymekaar was, geskud en almal is vervul met die Heilige Gees, en het die woord van God met vrymoedigheid verkondig.

Hand 7:54-60;

⁵⁴Toe hulle dit hoor, was hulle woedend in hulle harte en het hulle op hulle tande begin kners oor hom. ⁵⁵Maar Stefanus, vol van die Heilige Gees, het stip na die hemel gekyk en die heerlikheid van God gesien, en Jesus wat aan die regterhand van God staan. ⁵⁶En hy het gesê: “Kyk, ek sien die hemele geopen en die •Seun van die Mens aan die regterhand van God staan.” ⁵⁷Maar hulle het luidkeels geskreeu, hulle ore toegedruk en soos een man op hom afgestorm. ⁵⁸Nadat hulle hom uit die stad uitgesleep het, wou hulle hom stenig. Die getuies het hulle boklere neergesit by die voete van ‘n jong man bekend as Saulus. ⁵⁹En hulle het Stefanus gestenig, terwyl hy uitroep: “Here Jesus, ontvang my gees!” ⁶⁰Hy het op sy knieë geval en met ‘n harde stem uitgeroep: “Here, reken hulle hierdie sonde nie toe nie!” En met dié woorde het hy ontslaap.

2 Kor 4:13

¹³Maar aangesien ons dieselfde Gees van die geloof het – soos geskryf staan, “Ek het geglo, daarom het ek gepraat” – glo ons ook, en daarom praat ons.

DIEPER DELF: Lees gerus ook Matt 10:19-20; Joh 15:26-27; Hand 4:31, 33; 10:38; Rom 15:19; Ef 3:16.

Matt 10:19-20;

¹⁹En wanneer hulle julle oorlewer, moet julle julle nie bekommer oor hoe en wat julle moet sê nie, want wat julle moet sê, sal op daardie oomblik aan julle gegee word. ²⁰Dit is immers nie julle wat praat nie, maar die Gees van julle Vader wat deur julle praat.

Joh 15:26-27;

²⁶“Wanneer die Parakleet kom wat Ek van die Vader af aan julle sal stuur, die Gees van die waarheid wat van die Vader uitgaan, sal Hy oor My getuig. ²⁷En julle moet ook getuig, omdat julle van die begin af by My is.

Hand 4:31, 33;

³¹Terwyl hulle gebid het, is die plek waar hulle bymekaar was, geskud en almal is vervul met die Heilige Gees, en het die woord van God met vrymoedigheid verkondig.

³³Die •apostels het ook kragtig getuig oor die opstanding van die Here Jesus, en groot genade het oor hulle almal gekom.

Hand 10:38;

³⁸hoe God Jesus van Nasaret met die Heilige Gees en met krag gesalf het. Hy het die land deurreis, goed gedoen en almal wat onder die mag van die Duiwel was, genees, omdat God met Hom was.

Rom 15:19;

¹⁹deur kragtige tekens en wonders, deur die krag van die Gees van God. Gevolglik het ek die verkondiging van die evangelie van Christus heeltemal voltooi, van Jerusalem af en rondom, tot sover as Illirikum.

Ef 3:16.

¹⁶Ek bid dat Hy vir julle na die rykdom van sy heerlikheid dít sal skenk:
om deur sy Gees met krag
na die innerlike mens versterk te word,

Kan ’n mens sê: Die Heilige Gees het iets te doen met my getuienis? Waarom sê jy so?

Kom ons vertel die verhaal van Die Mossie met die Spiere verder:
Elkeen van die diere het gedoen wat hulle kon doen. Leeu, buffel, renoster,
olifant en mossie het hulle eie vernuf gewys. Ons is dikwels as Kerk van die
Here Jesus Christus, net soos hulle. Ons voer ons eie kragtoertjies uit en ons
dink dan boonop dat dit darem nie te sleg met ons eie bediening gaan nie. Ons
doen ook net die goed wat vir ons moontlik lyk en wat met ons eie krag
uitvoerbaar is! Kan jy jouself indink dat leeu vir een oomblik getwyfel het oor sy
vermoë om die boomtak middeldeur te byt? Tog roep God ons om in sy krag
selfs dit te doen wat onmoontlik lyk en om in sy krag grense oor te steek na
waar niemand anders dit sou waag nie
In die Skrifgedeeltes wat jy hierbo gelees het, gee Jesus duidelik opdrag aan sy dissipels om in Jerusalem te wag op die gawe van die Gees. Hy beloof dat hulle krag sal ontvang om sy getuies te wees in Jerusalem, Judea, Samaria en tot aan die uithoeke van die wêreld.

Het hierdie belofte wáár geword? Waarom sê jy so? Kan jy aan
Bybelgedeeltes dink wat jou siening bevestig? Vertoon jou eie lewe die bekragtiging van die Gees? Reageer op bogenoemde:

Ons kan dus sonder twyfel aanvaar dat getuienis sonder die Heilige Gees kragteloos, kunsmatig en sonder enige effek sal wees, want alleen deur sy krag word voortvlugtendes kragtige getuies! Meer nog: Dit was nie die skielike ontdekking of benutting van hul eie talente wat die verskil gemaak het nie, maar die kragtige werking van die Heilige Gees! Wees dus versigtig vir die eeu-oue verskoning van: “Ek kan nie, ons het nie geld nie, daar is nie tyd nie, dis nie op die begroting nie, ons het nog nooit vantevore so iets gedoen nie, dit sal nooit werk nie”, ens. Hierdie stellings sê veel eerder iets van jou geloof in, ervaring en siening van, asook jou verhouding met God!

DIEPER DELF: Lees gerus ook Matt 10:19-20; 26:69-74; Hand 2:14; 4:19- 20; 10:1-3; Hand 10:13-20, 34-35; Fil 2:12-13; 4:13; 2 Tim 3:1-5.

Matt 10:19-20;

Matt 26:69-74;

VERLOËNING DEUR PETRUS

(Mark 14:66-72; Luk 22:56-62; Joh 18:15-18,25-27)

⁶⁹•Petrus het buite gesit, in die binnehof. ‘n Sekere diensmeisie het na hom gekom en gesê: “Jy was ook saam met Jesus die Galileër.” ⁷⁰Hy het dit egter voor almal ontken: “Ek weet nie waarvan jy praat nie.” ⁷¹En ‘n ander diensmeisie het hom na die poort sien loop, en sê toe vir die mense daar: “Hierdie man was saam met Jesus die Nasarener.” ⁷²Weer het hy dit ontken, met ‘n eed: “Ek ken die man nie.” ⁷³Ná ‘n rukkie het die omstanders nader gekom en vir Petrus gesê: “Jy is beslis ook een van hulle; trouens, jou uitspraak verklap jou.” ⁷⁴Daarop begin hy vloek, en sweer: “Ek ken die man nie!” En onmiddellik het ‘n haan gekraai.

Hand 2:14;

¹⁴Daarop staan •Petrus op, verhef sy stem en spreek hulle toe: “Jode, en julle almal wat in Jerusalem woon – dit moet julle weet, luister goed na my woorde:

Hand 4:19- 20;

¹⁹Petrus en Johannes het hulle egter geantwoord en gesê: “Of dit reg is voor God om eerder na julle te luister as na God, moet julle self oordeel; ²⁰want ons kan nie swyg oor wat ons gesien en gehoor het nie.”

Hand 10:1-3;

Hand 10:13-20,

¹³Toe kom daar ‘n stem tot hom: “Staan op, Petrus, slag en eet!” ¹⁴Maar Petrus het geantwoord: “Onder geen omstandighede nie, Here! Want ek het nog nooit iets wat besoedel of •onrein is geëet nie.” ¹⁵Maar die stem het weer, ‘n tweede keer, na hom gekom: “Wat God rein gemaak het, mag jy nie as onrein beskou nie.” ¹⁶Dit het drie maal gebeur, en die voorwerp is dadelik weer in die hemel opgeneem.

Hand 10:34-35;

Fil 2:12-13;

Fil 4:13;

¹³Tot dit alles is ek in staat deur Hom wat my krag gee.

2 Tim 3:1-5.

3¹Dit moet jy weet: In die laaste dae gaan daar moeilike tye kom; ²want die mense sal selfsugtig wees, geldgierig, grootpraterig, aanmatigend, godslasterlik, ongehoorsaam aan hulle ouers, ondankbaar, goddeloos, ³ongevoelig, genadeloos, beledigend, sonder selfbeheersing, wreed, sonder liefde vir die goeie, ⁴verraaiers, roekeloos, hooghartig, lief vir plesier eerder as vir God, ⁵mense wat wel ‘n skyn van godvresendheid voorhou, maar wat die krag van godvresendheid misken. Bly weg van sulke mense.

Wat beteken die stelling: ” you must talk to God about people before you talk to people about God!”, vir jou in die praktyk?

Die tong-in-die-kies opskrif (Sommer so op my eie) mag dalk meer waar wees as wat ons sou wou erken. Indien jy die behoefte het om weer voor God stil te raak en te reageer op sy Woord, doen dit met die verwagting dat Hy met jou sal praat.

DIEPER DELF: Ons is die Plan handboek, p 72-74
Lees gerus ook: Joh 15:5-8; Ef 3:20-21; Fil 4:10-13.

Joh 15:5-8;

⁵Ek is die druiwestok, julle die lote. Wie in My bly en Ek in hom, hy dra baie vrug, want sonder My kan julle niks doen nie. ⁶As iemand nie in My bly nie, word hy soos ‘n loot buite uitgegooi, en verdroog. Hulle maak dit bymekaar en gooi dit in die vuur, en dit verbrand. ⁷As julle in My bly, en my woorde in julle bly, vra dan wat julle wil, en dit sal met julle gebeur. ⁸Hierdeur word my Vader verheerlik, dat julle baie vrug dra en my dissipels kan wees.”

Ef 3:20-21;

²⁰Aan Hom, wat deur sy krag wat in ons werk, die mag het om oneindig meer te doen as alles wat ons bid of dink, ²¹aan Hom kom toe die heerlikheid in die •kerk en in •Christus Jesus, deur alle geslagte heen, vir ewig en ewig. •Amen.

Fil 4:10-13

¹⁰Ek is in die Here besonder bly dat julle nou uiteindelik opnuut aan my gedink het. Eintlik het julle wel aan my gedink, maar julle het net nie die geleentheid daarvoor gehad nie. ¹¹Ek sê dit nie omdat ek gebrek ly nie, want ek het geleer om in alle omstandighede tevrede te wees. ¹²Ek weet wat dit is om te min te hê, en ek weet wat dit is om oorvloed te hê; ek is in elke opsig in al hierdie dinge ingewy: om versadig te wees, sowel as om honger te ly; om oorvloed te hê, sowel as om gebrek te ly. ¹³Tot dit alles is ek in staat deur Hom wat my krag gee.

WENK: Stel jouself vandag daarop in om bewustelik op God die Heilige Gees te vertrou; op sy wil en vermoëns, eerder as op dit waartoe jy (op jou eie) in staat is of nie.

Onthou om die bladsy vir die week se groepgesprek te voltooi!

WEEK-3_GROEPGESPREK Laai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

2 November 202229 Desember 2022

Week 3 Dag 13 – Soos ek: Ons is die Plan – 9 weke van Transformasie

Week 3 Dag 13 God gebruik die verskeidenheid wat Hy geskape het tot voordeel van sy koningkryk

Dag 13
Ons belewing & Aanbidding van God verskil
Week 3
Die Heilige Gees & Die Plan

SOOS EK

God maak mense uniek. Dit veroorsaak dat ons God nie eenders beleef nie, maar juis op ’n eiesoortige manier hoor, aanbid en dien. Daar bestaan dus ’n verband tussen hoe jy deur God geskep is en hoe jy Hom beleef.

Wees dankbaar en bly oor jou unieke self
Een van die bevrydendste ontdekkings waartoe ’n mens kan kom, is dat jy jouself aanvaar soos God jou gemaak het. Ek bedoel hiermee, nie net die deel wat jy in die spieël kan sien nie, maar ook jou persoonlikheid en hoe God jou biologies aanmekaargesit het met sekere familie-eienskappe wat niks met sonde te doen het nie, maar met gene en DNA.

Wees dankbaar en bly oor jou spiritualiteit (die manier hoe jy God beleef en met Hom omgaan)
Sodra jy jouself aanvaar soos wat God jou gemaak het, sal jy ook groter vrede hê met die manier waarop jy God hoor, beleef, aanbid en dien. Jy sal nou-nou verstaan dat ’n groot deel van hoe jy God hoor, beleef, aanbid en dien te make het met hoe God jou aanmekaargesit het. Daar bestaan dus nie iets soos ’n beter of ’n slegter spiritualiteitstipe nie. Dit is wel so dat jy binne jou bepaalde spiritualiteit minder of meer gehoorsaam aan God kan leef.

Die kinderverhaal van Eben de Jager (2000), Die Mossie met die Spiere, help ons om nie net oor ons eie plek in God se koninkryk en kerk na te dink nie, maar ook oor die plek wat ander saam met ons inneem.

Die verhaal speel êrens in die bos af. Die groot en sterk diere spog onder mekaar oor wie nou eintlik die sterkste is. Koning Leeu byt ’n boomtak middeldeur dat jy net spaanders sien vlieg. Bof Buffel bestorm ’n boom en ontwortel dit. Ronnie Renoster rol met sy groot horing die boom om en om. Ollie Olifant slinger die groot boom met sy slurp tot binne-in die rivier. Wanneer daar ’n doodse stilte in die bos toesak, kom Manie Mossie parmantig vorentoe gevlieg. Manie Mossie sê daar is iets wat hy kan optel wat nie een van die bos se boelies sal kan optel nie. Dit ontlok ’n groot rumoer in die bos soos die diere reageer op Mossie se uitlating. Mossie steur hom aan min, buk agtertoe en pluk ’n veer uit sy lyf. Hy laat die veer val en daag toe al die sterk diere uit om die veer van die grond af op te tel. Onnodig om te sê dat nie een van die sterk diere van die bos die veer van die grond af kon optel nie. Toe dit sy beurt is, pik Manie Mossie met sy bekkie die veer op, swaai dit heen en weer en laat dit weer val Hierdie voorval het die boelies van die bos ’n bietjie oor hulleself laat dink. Hulle het ook oor hulle eie spiere nagedink en besef dat selfs Manie Mossie spiere het – maar, was sy spiere in sy bekkie of in sy kop?

Daar is vir almal plek in die bos – vir leeu, buffel, renoster, olifant en Mossie.
Elkeen se spiere verskil.
’n Mens kan maar net begin droom oor wat in die bos sou gebeur as die diere vir mekaar se spiere waardering sou hê, as hulle mekaar nie meer as kompetisie sou sien nie, maar as hulp en ondersteuning.

Dit sou ook ’n kwade dag wees as die bosbewoners vergadering hou en net olifant mag sy mening uitspreek en sy spiere gebruik.

Lees Ps 139:13-18; Ef 1:7-14, 22-23; 4:1-7, 11-16.

Ps 139:13-18;

¹³Dit is immers U wat my niere
geskep het,
my in die moederskoot geweef het.
¹⁴Ek prys U omdat ek
op ‘n ontsagwekkende,
wonderbaarlike wyse gemaak is.
Wonderbaarlik is u werke
en ek besef dit maar te goed.
¹⁵My skelet was nie vir U verborge
toe ek in die geheim gemaak is nie,
toe ek kunstig geweef is
in die dieptes van die aarde.
¹⁶U oë het my vormloosheid gesien.
En in u •boekrol is hulle almal
opgeteken –
dae wat beplan is,
toe nie een daar was nie.
¹⁷En vir my, hoe kosbaar
is u gedagtes, o God –
hoe oorweldigend
is die volle getal daarvan!
¹⁸As ek dit tel,
is dit meer as die sand.
Word ek wakker,
dan is ek steeds by U.

Ef 1:7-14, 22-23;

⁷In Hom het ons die bevryding deur sy bloed,
die vergewing van ons oortredings
uit die rykdom van sy genade,
⁸wat Hy oorvloedig aan ons geskenk het,
saam met alle wysheid en insig.
⁹Hy het die geheimenis van sy wil
aan ons bekend gemaak,
soos Hy dit goedgedink en in Christus voorgeneem het,
¹⁰om die volheid van die tye te bestuur,
en om alle dinge
– die dinge in die hemel en die dinge op die aarde –
onder een Hoof in Christus saam te bring,
¹¹In Hom is ons ook as erfgename uitverkies,
voorbestem volgens die voorneme
van die Een wat alles volgens sy raad en wil laat gebeur,
¹²sodat ons,
wat van die begin af ons hoop op Christus gevestig het,
kan bestaan tot lof van sy heerlikheid.
¹³In Hom is julle, toe julle die woord van die waarheid,
die evangelie van julle verlossing,
gehoor en tot geloof gekom het,
verseël met die Heilige Gees, wat beloof is.
¹⁴Die Gees is die waarborg van ons erfenis,
om ons los te koop as God se eiendom,
tot lof van sy heerlikheid.

²²Hy het alles onder sy voete gestel,
en Hom aan die kerk gegee,
as Hoof oor alles,
²³die kerk wat sy liggaam is,
die volheid van Hom
wat alles in almal vul.

Ef 4:1-7, 11-16

4¹Daarom spoor ek julle aan, ek, wat ter wille van die Here ‘n gevangene is, om so te leef dat julle die roeping waarmee julle geroep is, waardig is: ²deur mekaar met volkome nederigheid en saggeaardheid, en met geduld in liefde te verdra, ³en julle daarop toe te lê om die eenheid wat die Gees bewerk, te bewaar deur die band van vrede –
⁴een liggaam en een Gees,
soos julle ook deur julle roeping
tot een hoop geroep is:
⁵een Here, een geloof, een doop,
⁶een God en Vader van almal,
wat oor almal en deur almal
en in almal is.
⁷Maar aan elkeen van ons is ‘n genadegawe geskenk, soos •Christus dit uitgedeel het.

¹¹En Hy het sommige as •apostels, ander as profete, ander as evangeliste, en ander as herders en leraars gegee, ¹²om die •heiliges toe te rus vir hulle dienswerk, om die liggaam van Christus op te bou, ¹³totdat ons almal kom tot eenheid in geloof en in kennis van die •Seun van God, en tot ‘n volwassenheid wat in ooreenstemming is met die volgroeide gestalte van die volheid van Christus. ¹⁴Die doel hiervan is dat ons nie meer klein kindertjies sal wees nie, wat deur onstuimige golwe rondgeslinger word en rondgewaai word deur elke wind van lering, deur mense se slinksheid en die gekonkel waardeur hulle dwaling beplan; ¹⁵maar dat ons eerder, terwyl ons in liefde aan die waarheid vashou, in alle opsigte na Hom toe sal groei. Hy, Christus, is die Hoof ¹⁶uit wie die hele liggaam, harmonieus saamgevoeg en saamgebind, deur die ondersteuning van elke gewrig, volgens die werking van elke deel afsonderlik, die groei van die liggaam bewerk tot sy eie opbou in liefde.

DIEPER DELF: Lees gerus ook 1 Kor 12:3, 7; Joh 15:1-8, 16; Fil 2:12-13, 4:13.

1 Kor 12:3, 7;

³Daarom maak ek aan julle bekend dat niemand wat deur die Gees van God praat, sê “Jesus is vervloek!” nie, en niemand kan sê “Jesus is die Here!” behalwe deur die Heilige Gees nie.

⁷Aan elkeen egter word die openbaring van die Gees gegee, met die oog op wat bevorderlik is:

Joh 15:1-8, 16;

DRUIWESTOK EN LOTE

15¹“Ek is die egte druiwestok en my Vader is die landbouer. ²Elke loot aan My wat nie vrug dra nie, sny Hy weg; maar elkeen wat vrug dra, snoei Hy skoon, sodat dit meer vrug kan dra. ³Julle is egter reeds skoon deur die woorde wat Ek vir julle gesê het. ⁴Bly in My, soos Ek in julle. Net soos die loot nie uit sy eie vrug kan dra as dit nie in die druiwestok bly nie, so julle ook nie as julle nie in My bly nie. ⁵Ek is die druiwestok, julle die lote. Wie in My bly en Ek in hom, hy dra baie vrug, want sonder My kan julle niks doen nie. ⁶As iemand nie in My bly nie, word hy soos ‘n loot buite uitgegooi, en verdroog. Hulle maak dit bymekaar en gooi dit in die vuur, en dit verbrand. ⁷As julle in My bly, en my woorde in julle bly, vra dan wat julle wil, en dit sal met julle gebeur. ⁸Hierdeur word my Vader verheerlik, dat julle baie vrug dra en my dissipels kan wees.”

¹⁶Julle het My nie uitgekies nie, maar Ek het julle uitgekies en julle aangestel om uit te gaan en vrug te dra, vrug wat blywend is, sodat, wat julle die Vader in my Naam vra, Hy dit aan julle mag gee.

Fil 2:12-13, Fil 4:13.

LIGDRAERS IN DIE WÊRELD

Fil 4:13

¹³Tot dit alles is ek in staat deur Hom wat my krag gee.

Stel jouself nou oop voor God sodat Hy jou gedagtes kan vul met sy volmaakte wil, goddelike wysheid en liefde. Doen bewustelik afstand van jou vermoëns (spiere) en bely jou afhanklikheid van Hom (en sy vermoëns). Stel jou in op sy teenwoordigheid sodat jy sy stem kan hoor.

Skryf nou neer wat jy by God in sy Woord en deur sy Gees gehoor het.

Binne die Liggaam van Christus, die Kerk, is daar verskillende liggaamsdele wat bymekaar pas en saam ’n eenheid vorm. Elke lid van die Liggaam het ’n belangrike en unieke rol om te speel en ’n funksie om te vervul. Binne hierdie Liggaam, met die groot verskeidenheid, word almal wat daarvan deel is opgeroep om geduldig te wees, mekaar in liefde te verdra en eenheid na te streef. Ons het mekaar nodig en moet vir mekaar ruimte maak (1 Kor 12:12- 31).
Daarom mag ons nie die verskeidenheid binne die Kerk sien as ’n bedreiging nie, maar as wonderlike voorsiening deur God.

1 Kor 12:12- 31

¹²Want soos die liggaam ‘n eenheid is, maar uit baie ledemate bestaan, en al die ledemate van die liggaam, alhoewel hulle baie is, een liggaam vorm, so is dit ook met •Christus. ¹³En ons is tog álmal deur die een Gees in een liggaam in gedoop – Jode of Grieke, slawe of vrymense – en ons is almal met een Gees deurdrenk. ¹⁴Inderdaad, die liggaam bestaan nie uit een ledemaat nie, maar uit baie.

¹⁵As die voet sou sê,
“Omdat ek nie ‘n hand is nie,
behoort ek nie
aan die liggaam nie,”
behoort hy daarom nie
aan die liggaam nie?
¹⁶En as die oor sou sê,
“Omdat ek nie ‘n oog is nie,
behoort ek nie
aan die liggaam nie,”
behoort hy daarom nie
aan die liggaam nie?
¹⁷As die ganse liggaam oog was,
waar sou die gehoor wees?
As alles gehoor was,
waar sou die reuk wees?
¹⁸Maar nou het God die ledemate, elke enkele een van hulle, in die liggaam geplaas volgens sy besluit. ¹⁹As alles een ledemaat was, waar sou die liggaam wees? ²⁰Maar nou is daar wel baie ledemate, maar net een liggaam. ²¹Die oog kan tog nie vir die hand sê, “Ek het jou nie nodig nie,” of die kop weer vir die voete, “Ek het julle nie nodig nie.” ²²Inteendeel, die oënskynlik swakker liggaamsdele is baie meer noodsaaklik; ²³en daardie dele van die liggaam wat ons as minder eerbaar beskou, klee ons met meer as die gewone eer, en die minder elegante dele met meer elegansie, ²⁴terwyl ons meer elegante dele dit nie nodig het nie. Maar God het die liggaam so saamgestel, dat Hy meer respek toegewys het aan die deel wat dit die meeste nodig het, ²⁵sodat daar nie verdeeldheid in die liggaam sal wees nie, maar die ledemate in gelyke mate vir mekaar sal sorg. ²⁶As een ledemaat ly, ly al die ledemate saam; as een ledemaat vereer word, is al die ledemate saam bly.

²⁷Julle is die liggaam van •Christus, en elkeen individueel ‘n ledemaat. ²⁸In die •gemeente het God aangewys: eerstens •apostels, tweedens •profete, derdens leraars; daarna kragtige vermoëns, sowel as gawes van genesing, vermoëns om te kan help, om te lei, en verskillende soorte tale. ²⁹Is almal dan apostels? Is almal dan profete, of almal leraars? Het almal miskien kragtige vermoëns? ³⁰Het almal miskien gawes van genesing? Spreek almal dalk in tale? Kan almal dit dalk uitlê? ³¹Julle lê julle toe op die belangriker genadegawes, maar ek wys julle die heel beste weg.

Skryf jou gewaarwording oor die verskeidenheid van die Liggaam van Christus neer. Wees prakties en dink aan maniere hoe jy saam met ander gelowiges hande kan vat en ter wille van die Koninkryk van God kan saamwerk tot sy eer.

DIEPER DELF: Ons is die Plan handboek, p 69-72, 85-90
Lees gerus ook Joh 10:14-16.

Joh 10:14-16
¹⁴Ek is die goeie herder, en Ek ken my eie, en my eie ken My, ¹⁵net soos die Vader My ken en Ek die Vader ken. En Ek lê my lewe af vir die skape. ¹⁶Ek het ook ander skape wat nie van hierdie kraal is nie. Hulle moet Ek ook lei, en hulle sal na my stem luister, en daar sal een kudde wees, en een herder.

Sien Figuur 3 in Bylae 2, p 171

WENK: Dink hieroor na: Voel jy bedreig deur ander (wat van jou verskil) se teenwoordigheid, of voel jy verryk en soek jy na oplossings tot samewerking?

Onthou om die bladsy vir die week se groepgesprek te voltooi!

WEEK-3_GROEPGESPREK Laai af …

Inhoudsopgawe

Kopiereg
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

2 November 202229 Desember 2022

Week 3 Dag 12 – Ongerieflik: Ons is die Plan – 9 Weke van Transformasie

Week 3 Dag 12 Die andersheid van gelowiges word gesien in heilige lewens

Dag 12
Demonstreer ‘n verskil: Heiligmaking
Week 3
Die Heilige Gees & Die Plan

ONGERIEFLIK

Die Rabbi se Reis

’n Wonderlike storie oor die rabbi van Nemirov het die rondte gedoen. Op elke geestelike vakansiedag was hy heel oggend nêrens te vind nie. Sy volgelinge het gesê: “Maar dis duidelik – hy vaar sulke oggende op hemel toe om by God te wees!”

Die storie is oorvertel totdat dit deur die hele streek bekend was. Op ’n dag het ’n twyfelaar in Nemirov aangekom en besluit om dié simpel storie stop te sit deur dit wetenskaplik te ondersoek.

Een aand het hy in die rabbi se huis ingeglip en onder sy bed weggekruip. Uiteindelik het dit oggend geraak, tyd vir die rabbi om op te vaar hemel toe om by God te wees. Die twyfelaar het gehoor hoe die rabbi opstaan en sy oggendgebed doen. Toe doen die rabbi iets snaaks: Hy trek ’n ou baadjie, verslete broek en stewels aan en begin met ’n byl en ’n ou sak oor die skouer
aanstap woud toe – soos ’n tipiese houtkapper.

Die twyfelaar is agterna. Hy het gesien hoe die rabbi hout bymekaarmaak, dit kleiner kap en die sak vol maak. Die rabbi en sy agterdogtige waarnemer is toe dieper die woud in. Uiteindelik kom hulle by ’n klein huisie waar die rabbi aanklop. Die twyfelaar kon die swak stemmetjie van ’n ou vroutjie hoor: “Wie is dit?”

“Dis Vassil, die houtkapper,” het die rabbi bot geantwoord.
“O, is dit jy?” sê die stemmetjie. “Maar ek kan nie opstaan nie.”
“Toe maar, ek sal die hout inbring.”
“Sal jy dalk die vuur ook aansteek?” het die stemmetjie gevra.
“Ek kan maar,” het die rabbi geantwoord en die twyfelaar het gesien hoe hy die vuur aansteek en die oggendgebed vir die vroutjie doen.

Daarna is die rabbi terug huis toe, waar hy sy houtkapperklere uitgetrek en met sy normale dagtake aangegaan het.

Toe gebeur ’n verstommende ding…

Die twyfelaar het kom aanbid in die sinagoge en uiteindelik by die gemeente aangesluit. Wanneer iemand die storie vertel van die rabbi wat opvaar hemel toe, het die twyfelaar nie meer gelag nie. Hy sou net doodernstig byvoeg: “Ja, indien dit nie nog hoër is nie.”

Geneem uit Stories vir die Lewe-Omnibus, vertalings en samestelling deur Elzette Hansen & Estelle Steenkamp

Vra die Here om sy dienskneggesindheid in jou lewe eg te maak en in die praktyk na vore te laat kom. Wees daarom voorbereid en oop vir die Heilige Gees se werking in hierdie volgende paar oomblikke van delf in sy Woord.

Lees Joh 15:1-17 biddend in afhanklikheid van die Here om jou te lei in sy wil vir jou lewe.

Joh 15:1-17

15¹Daar het sekere mense van Judea af gekom wat die broers aanhou leer het: “As julle nie besny word ooreenkomstig die gebruik van Moses nie, kan julle nie verlos word nie.” ²Aangesien hieroor meningsverskil ontstaan het, en Paulus en Barnabas met hulle ‘n woordestryd gevoer het wat hoegenaamd nie onbenullig was nie, het hulle besluit dat Paulus en Barnabas en nog ‘n paar ander uit hulle geledere na die •apostels en ouderlinge in Jerusalem moes opgaan oor hierdie strydvraag. ³Hulle is toe deur die •gemeente weggestuur, en het deur Fenisië en Samaria gereis en uitvoerig oor die bekering van die heidene berig, en sodoende groot vreugde aan al die broers verskaf. ⁴Toe hulle in Jerusalem aankom, is hulle deur die gemeente en die apostels en ouderlinge ontvang. Paulus en Barnabas het vertel wat God alles met hulle gedoen het. ⁵Sommige mense wat aan die •Fariseërs se party behoort en gelowig geword het, het egter opgestaan en gesê: “Hulle moet besny word en opdrag kry om die •Wet van Moses te onderhou.”

⁶Die apostels en die ouderlinge het toe bymekaargekom om hierdie saak in oënskou te neem. ⁷Toe ‘n hewige woordestryd ontstaan, het •Petrus opgestaan en vir hulle gesê: “Broers, julle weet dat God my al van die vroeë dae af onder julle uitgekies het, sodat die heidene deur my prediking die boodskap van die evangelie hoor en tot geloof kom. ⁸En God, die kenner van harte, het dit bevestig deurdat Hy die Heilige Gees aan hulle, net soos aan ons, geskenk het. ⁹Hy het geen onderskeid getref tussen ons en hulle nie, want Hy het hulle harte deur die geloof gereinig. ¹⁰Waarom wil julle God dan nou toets deur ‘n juk, wat nie ons of ons voorvaders kon dra nie, op die dissipels se nekke te plaas? ¹¹Maar ons glo dat ons op dieselfde manier as hierdie mense deur die genade van die Here Jesus verlos word.”

¹²Toe het die hele vergadering stilgebly en na Barnabas en Paulus geluister, terwyl hulle vertel van al die tekens en wonders wat God deur hulle onder die heidene gedoen het. ¹³Toe hulle ophou praat, het Jakobus gesê: “Broers, luister na my. ¹⁴Simeon het verduidelik hoe God van die begin af toegesien het dat Hy uit die heidene ‘n volk vir sy Naam sou verkry. ¹⁵Hiermee stem die woorde van die profete ooreen, soos daar geskryf staan:

¹⁶“ ‘Daarna sal Ek terugkom
en Ek sal die vervalle huis
van Dawid weer opbou,
en Ek sal die bouvalle daarvan
herbou en dit herstel,
¹⁷sodat die res van die mensdom
die Here kan soek,
ja, al die nasies oor wie my Naam
uitgeroep is.
So sê die Here, wat hierdie dinge doen’

DIEPER DELF: Lees gerus ook Fil 2:5; 1 Tess 4:3; Heb 12:14; 1 Pet 1:15, 16, 19.

Fil 2:5;
⁵Laat dan die gesindheid wat daar in Christus Jesus was, ook in julle wees:

1 Tess 4:3;
³Want dit is God se wil dat julle heilig moet leef: dat julle julle sal weerhou van onsedelikheid,

Heb 12:14;
¹⁴Streef na vrede met almal en na die heiligmaking, waarsonder niemand die Here sal sien nie.

1 Pet 1:15, 16, 19.
¹⁵Inteendeel, soos Hy wat julle geroep het, heilig is, moet julle in julle hele lewenswandel heilig wees. ¹⁶Daarom staan daar geskryf: “Wees heilig, want Ek is heilig.”

¹⁹maar dat julle losgekoop is met die kosbare bloed van •Christus – Hy wat soos ‘n lam is, vlekloos en sonder liggaamsgebrek.

Die Bybel as Woord van God, leer ons in die eerste plek van die God van die Woord. Wat leer die gelese gedeeltes jou van die Drie-enige God?

Wat leer dit jou van sy wil vir jou lewe? Wat beteken dit in die praktyk om heilig te lewe?

Dink ’n bietjie na oor die volgende stelling:
As daar nie ’n verskil is tussen jou lewe en dié van ’n ongelowige nie – is jy dan werklik ánders (Eks 33:12-17; Sag 8:23; Mal 3:14-4:3)?!

Eks 33:12-17;
¹²Moses het vir die Here gesê: “Kyk, U sê vir my, ‘Laat hierdie volk optrek,’ maar self maak U nie aan my bekend wie U saam met my sal stuur nie. U is die Een wat gesê het, ‘Ek ken jou by die naam, en jy het ook guns gevind in my oë.’ ¹³Daarom, as ek wel guns gevind het in u oë, maak tog aan my u paaie bekend, dat ek U kan ken, sodat ek guns bly vind in u oë; besef tog dat hierdie nasie u volk is.” ¹⁴Die Here het gesê: “Moet my teenwoordigheid saamgaan, en moet Ek vir jou rus gee?” ¹⁵Hy het vir die Here gesê: “As u teenwoordigheid nie saamgaan nie, moet U ons nie van hier af laat optrek nie. ¹⁶Waaraan sou mense dan weet dat ek guns gevind het in u oë, ek en u volk? Is dit nie wanneer U met ons saamgaan, dat ons onderskei sal word, ek en u volk, van elke ander volk op die aardbodem nie?” ¹⁷Die Here sê toe vir Moses: “Ook aan hierdie versoek wat jy uitgespreek het, sal Ek voldoen, omdat jy guns gevind het in my oë, en Ek jou by die naam ken.”

Sag 8:23;
²³“So sê die Here, Heerser oor alle magte, ‘Dit sal in daardie dae wees dat tien mense uit al die tale van die nasies die kleed van ‘n Jood gryp en vashou terwyl hulle sê: “Ons wil saam met julle gaan, want ons het gehoor God is by julle.” ’ ”

Mal 3:14-4:3

¹⁴Julle het gesê, ‘Dit is heeltemal nutteloos om God te dien en wat baat dit ons as ons die verpligtinge teenoor Hom nakom en in rouklere loop voor die Here, Heerser oor alle magte? ¹⁵Daarom noem ons nou die verwaande mense gelukkig, want die kwaaddoeners beleef nie net voorspoed nie, maar hulle daag God uit en kom nog daarmee weg ook.’ ”

¹⁷“Hulle sal aan My behoort,” sê die Here, Heerser oor alle magte, “hulle sal my persoonlike eiendom wees op die dag wat Ek voorberei. Ek sal deernis met hulle hê, soos ‘n man deernis het met sy seun wat vir hom werk. ¹⁸Dan sal julle weer die verskil sien tussen regverdiges en wetteloses, tussen wie God dien en wie Hom nié dien nie.

4¹“Want kyk, die dag gaan kom, dit gaan brand soos ‘n oond. Dan sal al die verwaande mense en elke booswig kaf wees, en die dag wat kom, sal hulle verbrand,” sê die Here, Heerser oor alle magte, “daar sal nie wortel of tak van hulle oorbly nie. ²Maar vir julle wat ontsag het vir my Naam, sal die son van geregtigheid deurbreek met genesing in sy strale. Dan sal julle uitgaan en bokspring soos kalwers wat op stal was, ³en julle sal die goddeloses vertrap. Ja, hulle sal as onder die sole van julle voete wees, op die dag wat Ek voorberei,” sê die Here, Heerser oor alle magte.

Jesus is die verskil – en Hy alleen kan die verskil in my lewe maak! Met die beeld van die Ware Wingerdstok en die lote, sê Jesus vir ons dat Hy die Groot Verskil is. Jesus is die bron van krag en ware lewe. Dit is Hy wat ons in beweging bring. Dit is Hy wat van ons vrugdraers en daarom verskilmakers maak. Die uitnemendste van hierdie vrug van die Heilige Gees, is die liefde (1 Kor 13; Gal 5:22).

1 Kor 13;

13¹Al praat ek die tale
van mense en engele,
maar ek het nie liefde nie,
dan het ek ‘n weergalmende ghong
of ‘n kletterende simbaal geword.
²En al profeteer ek,
en begryp ek alle geheime,
en besit ek alle kennis,
en al het ek al die geloof
om berge te versit,
maar ek het nie liefde nie,
is ek niks!
³Al deel ek al my besittings uit,
en gee ek my liggaam oor,
sodat ek my daarop kan beroem,
maar ek het nie liefde nie,
baat dit my niks.
⁴Liefde bly geduldig,
liefde gee om,
liefde is nie jaloers nie,
spog nie,
en is nie verwaand nie.
⁵Liefde tree nie onbehoorlik op nie,
jaag nie eiebelang na nie,
is nie liggeraak nie.
Dit hou nie boek van die kwaad nie,
⁶is nie bly oor onreg nie,
maar is saam bly oor die waarheid.
⁷Dit bedek alles,
glo alles,
hoop alles,
verduur alles.
⁸Liefde faal nooit nie.
Maar profesieë,
dit sal tot ‘n einde kom;
of tale, dit sal ophou;
of kennis, dit sal tot niet gaan.
⁹Want ons ken gedeeltelik,
en ons profeteer gedeeltelik,
¹⁰maar wanneer die volmaakte gekom het,
sal wat gedeeltelik is, ophou bestaan.
¹¹Toe ek nog ‘n kind was,
het ek gepraat soos ‘n kind,
gedink soos ‘n kind,
geredeneer soos ‘n kind.
Noudat ek volwasse is,
het ek die dinge van ‘n kind agtergelaat.
¹²Nou sien ons wel ‘n geheimnisvolle beeld,
soos in ‘n spieël,
maar eendag van aangesig tot aangesig.
Nou ken ek slegs gedeeltelik,
maar eendag sal ek ten volle ken,
soos ek ten volle geken is.
¹³En nou bly geloof, hoop en liefde,
hierdie drie –
maar die grootste hiervan is die liefde.

Gal 5:22
²²Maar die vrug van die Gees is: liefde, blydskap, vrede, geduld, vriendelikheid, goedheid, getrouheid,

Daar is net een ander opsie: om lote los van die Wingerdstok te wees. Deur sulke lote vloei geen lewegewende sap nie en hulle word afgesny en verdroog. Sulke lote word deur mense bymekaargemaak en in die vuur gegooi. Jesus sê: “ sonder My kan julle niks doen nie” (Joh 15:5). Sonder Jesus sal daar geen verskil wees nie.
Hoe gebeur dit dan nou, dat ek en die gemeente aan Jesus kan deel hê? Die wonderlike Nuus is dat God dit op Hom geneem het. Ons keuse vir Hom is maar net ’n eggo van sy keuse vir ons. Daarom dat Jesus sê: “Julle het My nie uitgekies nie, maar Ek het julle uitgekies en julle aangestel om uit te gaan en vrugte te dra, vrugte wat sal hou.” Jesus wat in ons teenwoordig is, doen opnuut ’n dringende beroep op ons om in Hom te bly!

DIEPER DELF: Lees gerus ook 1 Joh 4:19; 1 Kor 12:3; Rom 8:15,16; Deut 7:6-7.

1 Joh 4:19;
¹⁹Ons het lief, omdat Hy ons eerste liefgehad het.

1 Kor 12:3;
³Daarom maak ek aan julle bekend dat niemand wat deur die Gees van God praat, sê “Jesus is vervloek!” nie, en niemand kan sê “Jesus is die Here!” behalwe deur die Heilige Gees nie.

Rom 8:15,16;
¹⁵Julle het immers nie ‘n Gees ontvang wat verslawing bring, sodat julle weer bang hoef te wees nie; nee, julle het die Gees ontvang wat bevestig dat ons tot kinders aangeneem is, en deur Hom roep ons “Abba, Vader!”

Deut 7:6-7

⁶want jy is ‘n heilige volk vir die Here jou God. Vir jou het die Here jou God gekies uit al die volke op aarde om as volk sy persoonlike eiendom te wees.

⁷“Dit is nie omdat julle groter was as al die ander volke dat die Here Hom aan julle verbind en julle uitgekies het nie – julle was immers die kleinste van al die volke.

Dit beteken dat Jesus ons daartoe oproep om in die gewone lewe van elke dag hierdie verskil te gaan uitleef teenoor almal wat ons pad kruis. Dit kom in die praktyk veral op twee terreine na vore:

Die terrein van onselfsugtige dade van liefde: Die rabbi binne ons verhaal herinner aan die Barmhartige Samaritaan wat iemand in nood, sy naaste maak – al beteken dit dat ek op ’n baie nederige manier diensbaar moet wees of selfs van my tyd, geld en energie moet gee. Jesus gaan so ver om te sê dat ons selfs bereid moet wees om ons lewe af te lê.
David Bosch het by geleentheid gesê: “Om die Woord van die liefdevolle God uit te lê, sonder om daardie liefde teenoor jou naaste uit te leef, is soos om ’n spyskaart vir ŉ klomp hongerlydendes voor te lees sonder om die dis vir hulle voor te sit.”
Om die liefde van Jesus prakties uit te leef, veronderstel nie volmaaktheid nie, maar gewilligheid om in Jesus te bly en aan Hom gehoorsaam te wees. Dit beteken egter ook dat ek as onvolmaakte kind van die Here na heiligheid streef omdat God heilig is en omdat God my van my sondige bestaan losgekoop het deur die bloed van Jesus (Rom 7:15-25; 1 Pet 1:15, 16, 19).
Rom 7:15-25;
¹⁵Ek verstaan my eie optrede nie: Wat ek wil, doen ek nie; maar juis wat ek haat, dit doen ek. ¹⁶En as ek dit doen wat ek nie wil nie, gee ek toe dat die wet goed is. ¹⁷Nou is dit egter nie meer ek wat dit doen nie, maar eerder die sonde wat in my woon.
¹⁸Ek weet immers dat die goeie nie in my woon nie, dit wil sê, nie in my sondige aard nie. Die wil bestaan wel by my, maar die doen van die goeie nie. ¹⁹Die goeie wat ek wil, doen ek nie; maar die kwaad wat ek nie wil nie, dit doen ek. ²⁰Maar as ek doen wat ek nie wil nie, is dit nie meer ek wat dit doen nie, maar eerder die sonde wat in my woon.
²¹Dus vind ek hierdie wet: Wanneer ek die goeie wil doen, is die kwaad by my aanwesig. ²²In my diepste wese verbly ek my oor die wet van God, ²³maar ek sien ‘n ander wet wat in my ledemate oorlog voer teen die wet van my verstand en my krygsgevange neem deur die wet van die sonde wat in my ledemate is. ²⁴Ellendige mens wat ek is! Wie sal my tog red uit hierdie doodsbestaan? ²⁵Aan God die dank – deur Jesus •Christus, ons Here!
So dien ekself dan met my verstand die wet van God, maar met my sondige aard die wet van die sonde.
1 Pet 1:15, 16, 19
¹⁵Inteendeel, soos Hy wat julle geroep het, heilig is, moet julle in julle hele lewenswandel heilig wees. ¹⁶Daarom staan daar geskryf: “Wees heilig, want Ek is heilig.”
¹⁹maar dat julle losgekoop is met die kosbare bloed van •Christus – Hy wat soos ‘n lam is, vlekloos en sonder liggaamsgebrek.
Die terrein waarop ek vir lewe en dood téén die sonde stry. Dit
beteken dat ek standpunt inneem (Rom 1:18-32).
Rom 1:18-32
¹⁸Die toorn van God word vanaf die hemel geopenbaar oor al die goddeloosheid en ongeregtigheid van mense wat volhou om die waarheid deur ongeregtigheid te probeer onderdruk, ¹⁹aangesien dit wat van God geweet kan word, aan hulle bekend is. God het dit immers aan hulle bekend gemaak. ²⁰Want sy onsigbare eienskappe, naamlik sy ewige krag en goddelikheid, word van die skepping van die wêreld af in sy werke begryp en is duidelik sigbaar. Gevolglik is hulle sonder verontskuldiging; ²¹want alhoewel hulle God ken, het hulle Hom nie as God geëer of gedank nie. Inteendeel, hulle denke het sinloos geword en hulle onverstandige harte is verduister. ²²Alhoewel hulle beweer dat hulle wys is, het hulle dwaas geword. ²³Hulle het naamlik die heerlikheid van die onsterflike God verruil vir ‘n afbeelding soos dié van ‘n sterflike mens en van voëls en viervoetige en kruipende diere.
²⁴Daarom het God hulle deur middel van die begeertes van hulle harte oorgegee aan onreinheid, naamlik om hulle liggame onder mekaar te onteer ²⁵– hulle wat die waarheid van God vir die leuen verruil het en geskape wesens aanbid en gedien het in plaas van die Skepper, wat tot in ewigheid lofwaardig is. Amen. ²⁶Daarom het God hulle oorgegee aan oneerbare drange, want hulle vroue het die natuurlike seksuele omgang verruil vir omgang wat teen die natuur is. ²⁷Net so het ook die mans die natuurlike seksuele omgang met die vrou laat vaar en vurig begin brand van begeerte na mekaar; mans het met mans skandelikheid bedryf en in hulleself die verdiende loon vir hulle afwyking ontvang.
²⁸En omdat hulle dit as verwerplik beskou het om aan God erkenning te gee, het God hulle oorgegee aan ‘n verwerplike denkwyse, sodat hulle onbetaamlik optree. ²⁹Hulle is vol van elke vorm van onreg, boosheid, hebsug en kwaad: vol afguns, moorddadigheid, twisgierigheid, geslepenheid en kwaadwilligheid; hulle is skindertonge, ³⁰kwaadstokers, haters van God, brutaal, hooghartig en grootdoenerig, vindingryk om slegte dinge te bedink, ongehoorsaam aan hulle ouers; ³¹onverstandig, onbetroubaar, liefdeloos en sonder medelye ³²– mense wat die voorskrif van God ken, naamlik dat die mense wat hierdie dinge doen, die dood verdien. Tog doen hulle dit nie net nie, maar praat hulle dit boonop goed wanneer ander dit doen.

DIEPER DELF: Lees gerus ook Ps 97:10; Rom 6:1-23; Gal 2:19,20; Heb 12:1-4; 1 Joh 1:5-10; 3:3-10.

Ps 97:10;

¹⁰Julle wat die Here liefhet,
moet die kwaad haat.
Hy beskerm die lewe
van sy troue volgelinge;
uit die hand van goddeloses
red Hy hulle.

Rom 6:1-23;

DOOD VIR DIE SONDE EN LEWEND VIR GOD

6¹Wat sal ons dan sê? Sal ons in die sonde bly voortleef, sodat die genade kan toeneem? ²Hoegenaamd nie! Ons wat die sonde afgesterf het, hoe kan ons nog langer daarin bly leef?

³Of weet julle nie dat ons wat in •Christus Jesus in gedoop is, in sy dood in gedoop is nie? ⁴Deur die doop is ons dus saam met Hom in die dood begrawe, sodat, net soos Christus deur die magtige heerlikheid van die Vader uit die dood opgewek is, ook ons só ‘n nuwe lewe kan lei. ⁵As ons inderdaad met Hom saamgegroei het in ‘n dood soos syne, sal ons ook met Hom saamgroei in ‘n opstanding soos syne. ⁶Dit weet ons: dat ons ou mens saam met Hom gekruisig is, sodat ons sondige bestaan tot niet gemaak kan word, en ons nie meer slawe van die sonde sal wees nie. ⁷Wie gesterf het, is immers vrygemaak van die sonde. ⁸As ons saam met Christus gesterf het, glo ons dat ons ook saam met Hom sal leef. ⁹Ons weet dat Christus, nadat Hy uit die dood opgewek is, nie weer sterf nie – die dood het nie meer seggenskap oor Hom nie. ¹⁰Want die dood wat Hy gesterf het, het Hy ter wille van die sonde eens en vir altyd gesterf, maar die lewe wat Hy leef, leef Hy vir God. ¹¹Beskou julleself dan so dat julle in Christus Jesus dood is vir die sonde, maar lewend vir God.

ALLES TOT BESKIKKING VAN GOD

¹²Laat die sonde dan nie langer oor julle sterflike liggaam heers, om julle sy begeertes te laat gehoorsaam nie. ¹³Julle moet ook nie meer julle ledemate as wapens van ongeregtigheid tot beskikking van die sonde stel nie. Nee, as mense wat uit die dood lewend geword het, stel julleself tot beskikking van God, en julle ledemate as wapens van •geregtigheid tot beskikking van God. ¹⁴Die sonde mag beslis nie oor julle heers nie; julle is immers nie onder die wet nie, maar onder die genade.

¹⁵Wat dan? Sal ons sonde doen omdat ons nie onder die wet is nie, maar onder die genade? Hoegenaamd nie!

¹⁶Besef julle nie dat as julle julleself vir iemand beskikbaar stel om hom as slawe te gehoorsaam, julle slawe is van die persoon aan wie julle gehoorsaam is nie? Julle is óf slawe van die sonde, wat tot die dood lei, óf slawe van gehoorsaamheid, wat lei tot geregtigheid. ¹⁷Aan God die dank dat julle wel slawe van die sonde was, maar van harte gehoorsaam geword het aan die vorm van leer waaraan julle onderwerp is; ¹⁸vrygemaak van die sonde, het julle slawe van die geregtigheid geword ¹⁹– ter wille van julle menslike swakheid praat ek in menslike terme – want soos julle julle ledemate in diens van onreinheid en losbandigheid gestel het om losbandig te leef, stel nou so julle ledemate in diens van die geregtigheid om heilig te leef. ²⁰Want toe julle nog slawe van die sonde was, was julle nie aan geregtigheid gebonde nie.

²¹Watter vrug het julle destyds verkry? Oor daardie dinge skaam julle julle nou, want die uiteinde daarvan is die dood. ²²Maar, noudat julle van die sonde vrygemaak is en diensbaar aan God geword het, lewer julle die vrug van heiligmaking, en die uiteinde hiervan is die ewige lewe. ²³Want die loon van die sonde is die dood; maar die genadegawe van God is die ewige lewe in •Christus Jesus ons Here.

Gal 2:19,20;

¹⁹Inderdaad, deur die wet het ek die wet afgesterf, sodat ek vir God leef. Met Christus is ek gekruisig; ²⁰ék leef nie meer nie, maar Christus leef in my! Die lewe wat ek nou liggaamlik leef, leef ek in geloof, die geloof in die •Seun van God, wat my liefgehad en Homself vir my oorgegee het.

Heb 12:1-4;

AANMOEDIGING OM TE VOLHARD

12¹Daarom, terwyl ons ook so ‘n groot wolk getuies rondom ons het, laat ons van elke las ontslae raak, van die sonde wat ons so maklik omring, en die wedloop wat vir ons voorlê, met volharding hardloop, ²die oog gerig op Jesus, die Leidsman en Voleinder van die geloof, Hy wat ter wille van die vreugde wat vir Hom in die vooruitsig gestel is, die kruis verduur het, die skande daarvan gering geag het, en sy plek aan die regterkant van die troon van God ingeneem het. ³Dink inderdaad aan Hom wat so ‘n vyandigheid van die kant van sondaars teen Hom verduur het, sodat julle nie geestelik moeg raak en uitsak nie.

⁴Julle het nog nie ten bloede toe teenstand gebied in julle stryd teen die sonde nie.

1 Joh 1:5-10;
‘N LEWE IN DIE LIG VAN GOD

⁵Dit is die boodskap wat ons van Hom gehoor het, en wat ons aan julle bekend maak: God is lig, en daar is geen duisternis in Hom nie. ⁶As ons sê dat ons aan Hom verbonde is, en tog in die duisternis leef, lieg ons, en leef ons nie volgens die waarheid nie; ⁷maar as ons in die lig leef, soos wat Hy in die lig is, is ons aan mekaar verbonde, en reinig die bloed van Jesus, sy Seun, ons van elke sonde. ⁸As ons sê dat ons nie sonde het nie, mislei ons onsself, en is die waarheid nie in ons nie. ⁹As ons ons sondes bely – Hy is getrou en regverdig, en daarom sal Hy ons ons sondes vergeef en ons van alle kwaad reinig. ¹⁰As ons sê dat ons nie gesondig het nie, maak ons Hom tot leuenaar en is sy woord nie in ons nie.

1 Joh 3:3-10

³En elkeen wat hierdie vaste hoop op Hom het, hou homself rein, net soos Hy rein is. ⁴Elkeen wat sonde doen, beoefen ook wetteloosheid, want sonde is wetteloosheid. ⁵Julle weet dat Hy verskyn het om die sondes weg te neem, en in Hom is daar geen sonde nie. ⁶Elkeen wat in Hom bly, sondig nie meer nie; elkeen wat aanhou sondig, het Hom nie gesien, en Hom nie leer ken nie.

⁷Kinders, laat niemand julle mislei nie: wie doen wat reg is, is regverdig, soos Hy regverdig is. ⁸Wie sonde doen, is uit die Duiwel, omdat die Duiwel van die begin af sondig. Hiervoor het die •Seun van God verskyn: om die dade van die Duiwel te vernietig. ⁹Elkeen wat uit God gebore is, doen nie meer sonde nie, omdat God se saad in hom bly, en hy kan nie meer aanhou sonde doen nie, omdat hy uit God gebore is. ¹⁰Hieraan is dit duidelik wie kinders van God en wie kinders van die Duiwel is: Wie nie doen wat reg is nie, is nie uit God nie. Dieselfde geld vir iemand wat nie sy broer liefhet nie.

Dink vir ’n oomblik na oor jou lewe. Watter verskille (indien enige) sal sigbaar wees as die vrug van die Gees (Gal 5:16-17, 22) in jou lewe gesien en ervaar word, omdat die Heilige Gees die beheer het en God ook jou gedagtes nuutgemaak het (Rom 12:1-2)?

Gal 5:16-17, 22¹⁶Maar ek sê: Leef deur die Gees, dan sal julle beslis nie die begeertes van die vlees uitvoer nie. ¹⁷Want die vlees begeer teen die Gees, en die Gees begeer teen die vlees; die twee opponeer mekaar, sodat julle dit wat julle ook al wil, nie kan doen nie.
²²Maar die vrug van die Gees is: liefde, blydskap, vrede, geduld, vriendelikheid, goedheid, getrouheid,

Rom 12:1-2¹Broers, op grond van die barmhartigheid van God roep ek julle dus nou op om julle liggame beskikbaar te stel as ‘n offer wat lewend en heilig is, en vir God aanneemlik. Dit is julle sinvolle godsdiens. ²Julle moenie aan hierdie wêreld gelykvormig wees nie, maar verander word deur die vernuwing van julle denke, sodat julle goed kan onderskei wat die goeie en aanneemlike en volmaakte wil van God is

Skryf die verskille neer.

Onthou om die bladsy vir die week se groepgesprek te voltooi!

DIEPER DELF: handboek, p 56-59, 81-85
Lees gerus ook Jos 24:15-28; Rig 2:7-11; 2 Kon 24:9, 19; Spr 28:9, 13; Matt 3:7-8; Ef 5:6-20; 6:10-18; 2 Tim 3:1-5; 4:1-5; Jak 4:4.

Jos 24:15-28;

¹⁵Maar as dit verkeerd is in julle oë om die Here te dien, kies julle dan vandag wie julle wil dien, óf die gode anderkant die Rivier wat julle voorouers gedien het, óf die gode van die Amoriete in wie se land julle woon. Maar ek en my huis, ons sal die Here dien.”

¹⁶Hierop het die volk geantwoord en gesê: “Nooit sal ons die Here verlaat deur ander gode te dien nie; ¹⁷want die Here ons God, Hy is die Een wat ons en ons voorouers uit Egipteland, uit die plek van slawerny, laat optrek het, en wat voor ons oë hierdie groot tekens van mag gedoen het. Hy het ons bewaar op die hele pad waarlangs ons gegaan het, en onder al die volke waar ons deurgetrek het. ¹⁸Die Here het al die volke voor ons uitgedryf en die Amoriete wat in die land gewoon het. Ook ons sal die Here dien, want Hy is ons God.”

¹⁹Maar Josua het vir die volk gesê: “Julle sal nie in staat wees om die Here te dien nie, want Hy is ‘n heilige God, Hy is ‘n besitlike God, Hy sal nie julle oortreding en sondes vergewe nie. ²⁰As julle die Here verlaat en vreemde gode dien, sal Hy julle weer kwaad aandoen en ‘n einde aan julle maak, nadat Hy aan julle goed gedoen het.” ²¹Toe sê die volk vir Josua: “Nee, maar ons sal net die Here dien!” ²²Daarop sê Josua vir die volk: “Julle is getuies teen julleself dat julle self die Here vir julle gekies het om te dien.” Hulle het geantwoord: “Ons is getuies.” ²³“Verwyder dan nou die vreemde gode in julle midde en rig julle harte op die Here, die God van Israel.” ²⁴Toe sê die volk vir Josua: “Ons sal net die Here ons God dien, en ons sal net na sy stem luister.”

²⁵Josua het op daardie dag namens die volk ‘n verbond gesluit en vir hulle vaste voorskrifte en bepalings neergelê in Sigem. ²⁶Josua het daardie woorde in die •boekrol met die Wet van God neergeskryf. Toe het hy ‘n groot klip geneem en dit opgerig, daar onder die groot terebintboom wat by die heiligdom van die Here is. ²⁷Josua het vir die hele volk gesê: “Kyk, hierdie klip sal ‘n getuie teen ons wees, want hy het al die woorde van die Here wat Hy met ons gepraat het, gehoor; en hy sal teen julle ‘n getuie wees, sodat julle nie julle God verloën nie.”

²⁸Daarna het Josua die volk weggestuur, elkeen na sy erfdeel.

Rig 2:7-11;

⁷Die volk het die Here gedien gedurende Josua se leeftyd, en ook gedurende die leeftyd van die oudstes wat lank ná Josua nog geleef het, hulle wat al die groot dade van die Here gesien het wat Hy vir Israel gedoen het. ⁸Josua, seun van Nun, die dienskneg van die Here het op die ouderdom van honderd-en-tien jaar gesterf. ⁹Hulle het hom begrawe in die gebied van sy erfdeel in Timnat-Geres, wat in die heuwelland van Efraim geleë is, noord van die berg Gaäs.

¹⁰Nadat ook daardie hele geslag met hulle voorouers verenig is, het daar ‘n ander geslag ná hulle opgestaan wat nie die Here geken het, en ook nie die dade wat Hy vir Israel gedoen het nie. ¹¹Die Israeliete het toe gedoen wat verkeerd is in die oë van die Here; hulle het die Baäls gedien.

2 Kon 24:9, 19;
⁹Hy het gedoen wat verkeerd is in die oë van die Here, net soos sy vader gedoen het.

¹⁹Hy het gedoen wat verkeerd is in die oë van die Here, net soos Jojakim gedoen het.

Spr 28:9, 13;

⁹Wie sy oor wegdraai,
sodat hy nie na die wet
hoef te luister nie –
selfs sy gebed is afstootlik.

¹³Wie sy oortredings bedek,
sal nie sukses behaal nie;
maar hy wat dit bely en dit laat vaar,
ervaar ontferming.

Matt 3:7-8;

⁷Maar toe hy sien dat baie van die •Fariseërs en •Sadduseërs kom na waar hy gedoop het, het hy vir hulle gesê: “Addergeslag, wie het julle wysgemaak dat julle aan die dreigende oordeel kan ontkom? ⁸Dra liewer vrugte wat by die bekering pas.

Ef 5:6-20;

IN DIE LIG LEWE

⁶Laat niemand julle verlei met niksseggende redenasies nie, want daardeur kom die toorn van God oor die seuns van die ongehoorsaamheid. ⁷Moet dus nie deel van hulle wees nie. ⁸Want vroeër was julle wel duisternis, maar nou, in die Here, is julle lig. Leef as kinders van die lig! ⁹Die vrug van die lig bestaan immers uit alle goedheid en •geregtigheid en waarheid. ¹⁰Beproef wat vir die Here aanneemlik is. ¹¹Ja, moenie deel hê aan die onvrugbare werke van die duisternis nie; stel dit eerder aan die kaak. ¹²Want die dinge wat deur hulle in die geheim gedoen word – selfs net om daaroor te praat, is skandelik. ¹³Tog word alles wat deur die lig ontmasker word, openbaar; ¹⁴immers, alles wat sigbaar word, is lig. Daarom word gesê:

Word wakker, jy wat slaap,
en staan op uit die dood
en •Christus sal sy lig
oor jou laat skyn.

DIE LEWE DEUR DIE GEES

¹⁵Let daarom sorgvuldig op hoe julle leef – nie as onverstandiges nie, maar as wyses. ¹⁶Koop die tyd uit, omdat die dae vol boosheid is. ¹⁷Om hierdie rede moet julle nie onverstandig wees nie; probeer eerder om te verstaan wat die wil van die Here is. ¹⁸En moenie deur wyn bedwelm raak nie; daardeur ontstaan losbandigheid. Inteendeel: Word vervul deur die Gees, ¹⁹terwyl julle onder mekaar psalms, lofgesange en geestelike liedere laat opklink, ja, van harte tot die Here sing en psalmsing, ²⁰en God die Vader altyd oor alles in die Naam van ons Here Jesus •Christus dank.

Ef 6:10-18;

OPROEP TOT GEESTELIKE BEWAPENING

¹⁰Ten slotte: Vind jou sterkte in die Here en in sy geweldige krag. ¹¹Trek die volle wapenrusting van God aan, sodat julle staande kan bly teen die listighede van die Duiwel. ¹²Vir ons is die stryd immers nie teen vlees en bloed nie, maar teen die owerhede, teen die magte, teen die wêreldheersers van hierdie duisternis, teen die bose geeste in die hemelruim. ¹³Neem daarom die volle wapenrusting van God op, sodat julle op die dag van onheil weerstand kan bied en, nadat julle alles uitgevoer het, staande kan bly. ¹⁴Staan dan vas, deur julle heupe te omgord met die waarheid, julle te bedek met die borsplaat van •geregtigheid, ¹⁵en deur die bereidheid vir die evangelie van vrede as skoene aan julle voete aan te trek, ¹⁶en by dit alles die skild van die geloof op te neem, waardeur julle in staat sal wees om al die vurige pyle van die Bose te blus. ¹⁷Dra ook die helm van verlossing en die swaard van die Gees – dit is die woord van God. ¹⁸By elke geleentheid wanneer julle bid en smeek, moet julle telkens deur die Gees bid. Daarom moet julle waaksaam wees, deur volhardend te pleit vir al die •heiliges.

2 Tim 3:1-5;
3¹Dit moet jy weet: In die laaste dae gaan daar moeilike tye kom; ²want die mense sal selfsugtig wees, geldgierig, grootpraterig, aanmatigend, godslasterlik, ongehoorsaam aan hulle ouers, ondankbaar, goddeloos, ³ongevoelig, genadeloos, beledigend, sonder selfbeheersing, wreed, sonder liefde vir die goeie, ⁴verraaiers, roekeloos, hooghartig, lief vir plesier eerder as vir God, ⁵mense wat wel ‘n skyn van godvresendheid voorhou, maar wat die krag van godvresendheid misken. Bly weg van sulke mense.

2 Tim 4:1-5;

4¹Ek vermaan jou ernstig voor God en •Christus Jesus, wat die lewendes en die dooies gaan oordeel, en ook met die oog op sy verskyning en sy koninkryk: ²Verkondig die woord, hou tydig en ontydig aan, weerlê, bestraf, bemoedig in alle geduld en deur lering. ³Want daar kom ‘n tyd wanneer hulle die gesonde leer nie sal verdra nie, maar omdat hulle ore gestreel wil word deur wat hulle hoor, sal hulle vir hulleself leermeesters na eie begeerte uitsoek. ⁴Hulle sal hulle doof hou vir die waarheid, en hulle tot versinsels wend.

⁵Maar bly jy in alles nugter, verduur jou lyding, doen jou werk as verkondiger van die evangelie, beoefen jou bediening voluit.

Jak 4:4.
⁴Egbreeksters! Weet julle dan nie dat vriendskap met die wêreld vyandskap teen God beteken nie? Wie ook al ‘n vriend van die wêreld wil wees, maak homself ‘n vyand van God.

Onthou om die bladsy vir die week se groepgesprek te voltooi!

WEEK-3_GROEPGESPREK Laai af …

Inhoudsopgawe

Kopiereg
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

2 November 202229 Desember 2022

Week 3 Dag 11 – n Merkie: Ons is die Plan – 9 Weke van Transformasie

Week 3 Dag 11 Sonder die Heilige Gees is geen Transformasie moontlik

Dag 11
Wat sê God?
Week 3
Die Heilige Gees & Die Plan

‘N MERKIE

Jy sal nou baie eerlik met jouself en die Here moet wees. In die kerk is daar sienings en uitsprake oor die Heilige Gees wat ligjare van mekaar verskil. By die een pool is daar mense wat weinig ruimte vir die Heilige Gees laat – ons sou selfs kon sê Hy word in die proses ontken, misken en bedroef . By die ander pool kry ons gelowiges wat glo dat hulle so in en deur die Gees lewe
dat die realiteite rondom hulle geïgnoreer kan word. Tussen hierdie ekstreme beskouings, bevind die res van die Christendom homself.

Nou kom ons by die vraag: Waar is jy geplaas? As ek jou vra om met ’n merkie op die lyn hieronder aan te toon waar jy jouself sien, waar sou jy die merkie maak? Doen dit …

Week 3 Dag 11Heilige Gees se rol — Week 3 Dag 11 Heilige Gees se rol

Hierdie week gaan jy bid, lees, dink en leer oor die Heilige Gees. Die rede is eenvoudig: Jesus maak ’n baie sterk uitspraak oor die Heilige Gees. Hy verbind die Heilige Gees met die krag wat ons nodig het om ’n verskil te maak. Hy sê ook dat sy mense nog groter dinge (Joh 14:12 ¹²Amen, amen, Ek sê vir julle: Wie in My glo, hy sal ook die werke doen wat Ek doen, en hy sal nog groter dinge as dit doen, omdat Ek na die Vader gaan.) sal doen omdat Hy “na die Vader gaan”. Dit word weer ten nouste verbind met die uitstorting van die
Heilige Gees. Ook Paulus sê sonder om te skroom: “As iemand die Gees van Christus nie het nie, behoort hy nie aan Christus nie” (Rom 8:9b).

Nou wil ek vra dat jy sal bid, maar ook skryf wat jy ervaar. Praat met die Here oor jou verhouding met die Heilige Gees – wie Hy vir jou is.

Skryf kernwoorde neer wat betrekking het op jou verhouding met, verstaan en beskouing van die Heilige Gees.

Lees Matt 12:31-32; Mark 1:8; Luk 11:13; Joh 14:12; Hand 1:1-8

Matt 12:31-32;
³¹Daarom sê Ek vir julle, elke sonde en lastering sal die mense vergewe word, maar lastering teen die Gees sal nie vergewe word nie. ³²En wie iets teen die •Seun van die Mens sê, dit sal hom vergewe word. Maar wie iets teen die Heilige Gees sê, dit sal hom nie vergewe word nie, nóg in hierdie bedeling, nóg in die een wat kom.”

Mark 1:8;
⁸Ek het julle met water gedoop, maar Hy sal julle met die Heilige Gees doop.”

Luk 11:13;
¹³As julle wat sleg is, dan weet om goeie geskenke aan julle kinders te gee, hoeveel te meer sal die hemelse Vader die Heilige Gees gee aan hulle wat Hom vra!”

Joh 14:12;
¹²Amen, amen, Ek sê vir julle: Wie in My glo, hy sal ook die werke doen wat Ek doen, en hy sal nog groter dinge as dit doen, omdat Ek na die Vader gaan.

Hand 1:1-8

1¹Die eerste berig, Teofilus, het ek geskryf oor alles wat Jesus begin doen en waaroor Hy onderrig gegee het, ²tot die dag dat Hy opgeneem is, nadat Hy deur die Heilige Gees opdragte gegee het aan die •apostels wat Hy uitgekies het. ³Aan hulle het Hy, ná sy lyding, deur talle tekens getoon dat Hy leef, toe Hy oor ‘n tydperk van veertig dae aan hulle verskyn en met hulle oor die sake van die •koninkryk van God gepraat het.

⁴Terwyl Hy met hulle saamgeëet het, het Hy hulle beveel: “Moenie uit Jerusalem weggaan nie, maar bly wag op die Vader se belofte wat julle van My gehoor het. ⁵Want Johannes het wel met water gedoop, maar oor nie baie dae nie sal julle met die Heilige Gees gedoop word.”

JESUS SE HEMELVAART

⁶Toe hulle bymekaar was, het hulle Hom gevra: “Here, gaan U in hierdie tyd die koninkryk vir Israel weer oprig?” ⁷Maar Hy het hulle geantwoord: “Dit is nie vir julle om die tye en spesifieke geleenthede te ken wat die Vader in sy eie mag bepaal het nie. ⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Jy het netnou jouself beoordeel ten opsigte van jou siening van die Heilige Gees. As jy bogenoemde Skrifgedeeltes in aanmerking neem, hoe sou jy volgens die Bybel die Heilige Gees se belangrikheid beskryf?

DIEPER DELF: Ons is die Plan handboek, p 58 -68
Lees gerus wat sê Rom 8:1-17, 26-27 van die Heilige Gees se rol in die kind van God se lewe.

Rom 8:1-17,

‘N LEWE ONDER BEHEER VAN DIE GEES

8¹Daar is dan nou geen veroordeling vir diegene wat in •Christus Jesus is nie. ²Die wet van die Gees wat in Christus Jesus die lewe gee, het jou immers vrygemaak van die wet van die sonde en die dood. ³Dit waartoe die wet, verswak deur ons sondige aard, nie in staat was nie, het God gedoen: Deur sy eie Seun vanweë die sonde in die gestalte van ‘n sondige mens te stuur, het Hy die sonde in die mens veroordeel, ⁴sodat die vereiste van die wet in ons vervul kon word, ons wat nie volgens ons sondige aard leef nie, maar volgens die Gees. ⁵Wie volgens hulle sondige aard leef, bedink immers die dinge van hulle sondige aard, maar diegene wat volgens die Gees leef, bedink die dinge van die Gees. ⁶Die denke van ons sondige aard loop uit op die dood, maar die denke van die Gees bring lewe en vrede. ⁷Die denke van ons sondige aard is vyandskap teen God; dit onderwerp hom nie aan die wet van God nie, want dit kan ook nie. ⁸Wie in hulle sondige aard bly, kan God nie tevrede stel nie.

⁹Julle, daarenteen, bly nie in julle sondige aard nie, maar in die Gees – as die Gees van God inderdaad in julle woon. As iemand nie die Gees van Christus het nie, behoort hy nie aan Hom nie. ¹⁰Maar as Christus in julle is, is die liggaam, as gevolg van die sonde, wel dood; daarenteen, op grond van die regverdiging, is die Gees lewe. ¹¹As die Gees van Hom wat Jesus uit die dood opgewek het in julle woon, sal Hy wat Christus uit die dood opgewek het, ook julle sterflike liggame lewend maak deur sy Gees wat in julle woon.

¹²Daarom dan, broers, het ons ‘n verpligting – maar nie teenoor ons sondige aard, om daarvolgens te leef nie. ¹³Want as julle volgens julle sondige aard leef, sal julle sterf. Maar as julle deur die Gees die praktyke van die liggaam doodmaak, sal julle leef. ¹⁴Almal wat deur die Gees van God gelei word, hulle is kinders van God. ¹⁵Julle het immers nie ‘n Gees ontvang wat verslawing bring, sodat julle weer bang hoef te wees nie; nee, julle het die Gees ontvang wat bevestig dat ons tot kinders aangeneem is, en deur Hom roep ons “Abba, Vader!” ¹⁶Die Gees self getuig teenoor ons gees dat ons kinders van God is. ¹⁷Maar as ons kinders is, is ons ook erfgename – erfgename van God en mede-erfgename met Christus mits ons inderdaad saam met Hom ly, sodat ons ook saam met Hom verheerlik kan word.

Rom 8:26-27

²⁶So kom die Gees ons ook in ons swakheid tot hulp, want ons weet nie mooi waarvoor ons behoort te bid nie; maar die Gees tree self vir ons in met versugtinge wat nie verwoord kan word nie. ²⁷Hy wat die harte deurgrond, weet wat die bedoeling van die Gees is, dat Hy volgens die wil van God vir die •heiliges intree.

WENK: Skryf op ’n kaartjie: “Vir my is die Heilige Gees ”
Voltooi die sin. Dra die kaartjie hierdie week met jou saam, lees dit en bekyk dit gereeld. Dalk sal jy dit teen die einde van die week anders wil bewoord. (Agter in die gids is ’n bladsy met kaartjies vir hierdie doel wat uitgeskeur kan word.)

Onthou om die bladsy vir die week se groepgesprek te voltooi!

WEEK-3_GROEPGESPREK Laai af …

Inhoudsopgawe

Kopiereg
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

1 November 202229 Desember 2022

Week 2 Groepgesprek: Die plan – Ons is die plan: 9 weke van Transformasie

Week 2
Die Plan

GROEPGESPREK

Lofprysing en aanbidding

Bybelverse wat jou vandag aangespreek het:

Belewenisse en ervarings tydens vandag se Bybelstudie:

Wat het jy geleer of ontdek?

Hoe het vandag se studie jou tot aksie geïnspireer? Hoe het jy geestelik gegroei of is jou lewe verander?

Iets wat jy graag met die groep wil deel of bespreek?

Gebedsonderwerpe:

Boublokvrae of -stellings:

Kan dit werklik wees dat God ’n spesifieke plan met elke persoon se lewe het?
En met ongelowiges? (Vgl Jes 10:5-6; 15-16; 44:24-28; 45:1.)
Is die gemeente waaraan jy behoort, doelbewus besig om Jesus se versoening te verkondig?
Wat is die verskil in implikasie wanneer ons sê dat sending God se werk is, of dat dit die Kerk se werk is?
Gebruik God NET mense om sy seën na die nasies te dra?
Hoe gebruik God julle as gemeente om sy seën na die nasies uit te dra?

WEEK-2_GROEPGESPREK Laai af …

Inhoudsopgawe

Kopiereg:
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

1 November 202229 Desember 2022

Week 02 Dag 10 – Ons doen beter – Ons is die plan: 9 Weke van Transformasie

Week 2 Dag 10 God bebruik sy mense om sy seen na die nasies uit te dra - ook vandag

Dag 10
Missio Dei in Aksie: Nuwe Testament
Week 2
Die inhoud van die plan

ONS DOEN BETER

Ons moet nie dink dat God se Ou Testamentiese (OT) pogings misluk het en dat daar in die Nuwe Testament (NT) nou ’n nuwe plan ( krisis-bestuur ) na vore kom nie! Nee, daarom begin die NT met ’n geslagsregister wat aandui hoe God se ewigheidsplan deur die (OT) geslagte op koers is en in die NT op ’n besondere manier in vervulling kom.

Wat jy nou uit God se Woord sal ontdek, is so belangrik dat jy jou daarvoor geestelik moet voorberei. Jesus het belowe: “Wie soek, sal vind ” (Luk 11:9- 10).

Luk 11:9- 10
⁹Ek sê vir julle:
“Vra, en vir julle sal gegee word;
soek, en julle sal vind;
klop, en vir julle
sal oopgemaak word.
¹⁰Want elkeen wat vra, ontvang;
en wie soek, vind;
en vir wie klop, sal oopgemaak word.

Soek God se wil biddend in afhanklikheid en stel jouself oop vir die Heilige Gees se leiding.

Lees Matt 1:21-23; 28:19; Joh 1:1-18; 3:16.

Matt 1:21-23

²¹Sy sal geboorte gee aan ‘n seun, en jy moet Hom Jesus noem, want Hy sal sy volk van hulle sondes verlos.” ²²Dit het alles gebeur sodat wat die Here deur die profeet gesê het, vervul kon word:

²³“Kyk, die maagd sal swanger word
en ‘n seun in die wêreld bring,
en hulle sal Hom Immanuel noem” –wat, as dit vertaal word, beteken ‘God is met ons.’

Matt 28:19
¹⁹Gaan dan en maak dissipels van al die nasies, deur hulle te doop in die Naam van die Vader en van die Seun en van die Heilige Gees,

Joh 1:1-18

1¹In die begin was die Woord,
en die Woord was by God,
en die Woord was God.
²Hy was in die begin by God.
³Alles het deur Hom ontstaan,
en sonder Hom het selfs
nie een ding wat bestaan,
ontstaan nie.
⁴In Hom was lewe,
en dié lewe was die lig vir die mense.
⁵En die lig skyn in die duisternis,
en die duisternis kon dit nie uitdoof nie.

⁶Daar was ‘n man, gestuur deur God, wie se naam Johannes was. ⁷Hy het tot ‘n getuienis gekom om van die lig te getuig, sodat almal deur hom kon glo. ⁸Hy was nie die lig nie, maar hy moes van die lig getuig.

⁹Die ware lig wat elke mens verlig,
was aan die kom na die wêreld.
¹⁰Hy was in die wêreld,
en die wêreld het
deur Hom ontstaan,
en tog het die wêreld
Hom nie erken nie.
¹¹Hy het gekom na wat syne was
en tog het sy eie mense
Hom nie aanvaar nie.
¹²Maar aan almal wat Hom
aanvaar het,
het Hy die reg gegee
om kinders van God te word –
hulle wat in sy Naam glo.
¹³Hulle is nie uit bloed nie,
ook nie uit liggaamlike drang nie,
ook nie uit die wil van ‘n man nie,
maar uit God gebore.
¹⁴En die Woord het vlees geword
en onder ons kom woon,
en ons het sy heerlikheid aanskou,
‘n heerlikheid soos dié
van die unieke Seun van die Vader –
vol genade en waarheid.

¹⁵Johannes getuig oor Hom en roep uit: “Hý is die Een van wie ek gesê het, ‘Hy wat ná my kom, is my voor, omdat Hy die eerste was.’ ”

¹⁶Uit sy volheid het ons almal genade ontvang – ja, genade op genade. ¹⁷Want die wet is deur Moses gegee; die genade en die waarheid het deur Jesus Christus gekom. ¹⁸Niemand het God nog ooit gesien nie; die unieke Seun, self God, wat teen die bors van die Vader is, Hy het Hom bekend kom maak.

Joh 3:16
¹⁶Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê.

DIEPER DELF: Lees gerus ook Jes 66:18-19; 2 Kor 5:14; Rom 10:13-17: 15:20; 1 Tim 2:3-6; 2 Pet 3:9.

Jes 66:18-19
¹⁸“En Ek? Wat hulle dade en gedagtes betref, die vuur is aan die kom om al die nasies en tale bymekaar te dryf. Hulle sal kom en my heerlikheid sien. ¹⁹Ek sal onder hulle ‘n teken oprig, en sommige van dié wat oorleef, stuur na die nasies, na Tarsis, Pul en Lud – hulle wat die boog span – na Tubal en Jawan, die verre eilande wat nog nie van my roem gehoor en my heerlikheid nog nie gesien het nie. Hulle sal my heerlikheid onder die nasies bekend maak.

2 Kor 5:14
¹⁴Die liefde van •Christus dryf ons, omdat ons tot dié insig gekom het dat, indien Een vir almal gesterf het, almal dan gesterf het;

Rom 10:13-17

¹³Want “elkeen wat die Naam van die Here aanroep, sal verlos word.”

¹⁴Hoe kan hulle Hom dan aanroep, as hulle nie tot geloof in Hom gekom het nie? En hoe kan hulle in iemand glo van wie hulle nie gehoor het nie? En hoe kan hulle hoor sonder iemand wat dit verkondig? ¹⁵En hoe kan hulle dit verkondig as hulle nie gestuur word nie? Soos daar geskryf staan: “Hoe lieflik is die voetstappe van diegene wat die goeie boodskap verkondig!”

¹⁶Nie almal het egter aan die goeie boodskap gehoor gegee nie. Jesaja vra immers: “Here, wie het geglo toe hulle ons gehoor het?” ¹⁷Die geloof kom dus uit die aanhoor, en die aanhoor kom deur die verkondiging van Christus.

Rom 15:20
²⁰So het ek my dit ten doel gestel om die evangelie te verkondig, nie waar Christus reeds bekend was en ek dus op iemand anders se fondament sou bou nie,

1 Tim 2:3-6

³Dit is goed en reg in die oë van God, ons Verlosser, ⁴wat wil hê dat alle mense verlos word en tot kennis van die waarheid kom.

⁵Want daar is een God,
en een Middelaar tussen God en die mense:
die mens •Christus Jesus,
⁶wat Homself as losprys vir almal gegee het,
tot getuienis op die bestemde tyd.

2 Pet 3:9
⁹Die Here stel nie die belofte uit, soos party mense dink nie. Inteendeel, Hy is geduldig met julle, omdat Hy nie wil hê sommige mense moet verlore gaan nie, maar dat almal tot bekering moet kom.

Skryf dit wat jy ontdek het van hoe God se ewigheidsplan ook in die NT ontvou, neer.

Die NT is van begin tot einde ’n sendingboek – dink maar aan Jesus se eerste intree-preek (Mark 1:15) waar Hy reeds die Koninkryk van God voor oë gehad het. Hier is egter een groot verskil: sending kry nou ’n gestalte, dié van Jesus. Die Missio Dei maak sy verskyning as Immanuel – God met ons. Dit beteken dat sending in die NTnie net ’n opdrag is nie, maar ’n Persoon! Jou en
my betrokkenheid by sending is méér as net gehoorsaamheid: Dit is die gevolg van ’n ontmoeting met Jesus Christus! Dit is dissipelskap!

DIEPER DELF: Dink aan Jesus se opmerking in Matt 12:34, sy belofte in Hand 1:8, Petrus en Johannes se ervaring in Hand 4:19-20 asook Paulus se belydenis in 2 Kor 5:14

Matt 12:34
³⁴Addergeslag! Hoe kan julle iets goeds sê as julle sleg is? Want waar die hart van vol is, loop die mond van oor.

Hand 1:8
⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Hand 4:19-20
¹⁹Petrus en Johannes het hulle egter geantwoord en gesê: “Of dit reg is voor God om eerder na julle te luister as na God, moet julle self oordeel; ²⁰want ons kan nie swyg oor wat ons gesien en gehoor het nie.”

2 Kor 5:14
⁴Die liefde van •Christus dryf ons, omdat ons tot dié insig gekom het dat, indien Een vir almal gesterf het, almal dan gesterf het;

Net soos in die OT, sal ons ook in die NT vind dat sending op drie maniere tot uiting kom:

Sentripetaal: Deurdat mense tot ons aangetrokke voel omdat die kragtige teenwoordigheid en dade van die Here in ons lewens ’n sigbare werklikheid is.

DIEPER DELF: Vgl Hand 4:13-20; 9:31-42; Matt 5:16; 10:19-20

Hand 4:13-20
¹³Toe hulle Petrus en Johannes se vrymoedigheid sien en besef dat hulle ongeleerd en leke is, was hulle verbaas en het hulle hulle herken as mense wat saam met Jesus was. ¹⁴Maar omdat hulle die man wat gesond gemaak is, by hulle sien staan het, kon hulle niks daarteen sê nie. ¹⁵Hulle het hulle toe beveel om die raadsaal te verlaat, en met mekaar beraadslaag: ¹⁶“Wat gaan ons met hierdie mense doen? Dit is immers vir al die inwoners van Jerusalem duidelik dat ‘n onmiskenbare teken deur hulle toedoen plaasgevind het. Ons kan dit nie ontken nie. ¹⁷Maar om te verhoed dat dit verder onder die volk versprei, laat ons hulle dreig, sodat hulle nie meer met enige mens in hierdie Naam praat nie.” ¹⁸Hulle het hulle toe teruggeroep en hulle beveel om hoegenaamd nie meer in die Naam van Jesus te praat of onderrig te gee nie. ¹⁹Petrus en Johannes het hulle egter geantwoord en gesê: “Of dit reg is voor God om eerder na julle te luister as na God, moet julle self oordeel; ²⁰want ons kan nie swyg oor wat ons gesien en gehoor het nie.”

Hand 9:31-42

³¹Die •kerk dwarsdeur die hele Judea, Galilea en Samaria het vrede beleef en is opgebou. Hulle het met ontsag voor die Here geleef, en met die bemoediging van die Heilige Gees, het hulle getalle toegeneem.

GENESING VAN ENEAS

³²•Petrus het oral rondgereis, en ook by die •heiliges wat in Lidda woon, aangekom. ³³Daar het hy ‘n man teëgekom met die naam Eneas, wat al agt jaar bedlêend en verlam was. ³⁴Petrus het vir hom gesê: “Eneas, Jesus Christus maak jou gesond. Staan op en maak jou bed op!” En hy het dadelik opgestaan. ³⁵Al die inwoners van Lidda en Saron het hom gesien, en hulle tot die Here gewend.

OPWEKKING VAN TABITA

³⁶In Joppe was daar ‘n sekere vrouedissipel met die naam Tabita, wat as Dorkas vertaal is. Sy het baie goeie dade verrig en liefdadigheid bewys. ³⁷In daardie dae het sy siek geword en gesterf. Hulle het haar gewas en in ‘n bovertrek neergelê. ³⁸Aangesien Lidda naby Joppe was, het die dissipels, toe hulle hoor dat •Petrus daar is, twee mans na hom gestuur met die versoek: “Kom sonder uitstel na ons toe!” ³⁹Petrus het toe gereedgemaak en saam met hulle gegaan. Toe hy daar aankom, het hulle hom na die bovertrek geneem. Al die weduwees het huilend by hom kom staan, en vir hom die onder- en boklere gewys wat Dorkas gemaak het toe sy nog by hulle was. ⁴⁰Nadat Petrus almal na buite gestuur het, het hy gekniel en gebid. Toe het hy hom na die liggaam omgedraai en gesê: “Tabita, staan op!” Sy het haar oë oopgemaak, en toe sy Petrus sien, het sy regop gaan sit. ⁴¹Hy het sy hand vir haar gegee en haar help opstaan. Toe het hy die •heiliges en die weduwees geroep, en haar lewend aan hulle getoon. ⁴²Dit het dwarsdeur die hele Joppe bekend geword, en baie het tot geloof in die Here gekom.

Matt 5:16
¹⁶“Laat julle lig só voor die mense skyn, sodat hulle julle goeie werke kan sien en julle Vader wat in die hemele is, kan verheerlik.”

Matt 10:19-20
¹⁹En wanneer hulle julle oorlewer, moet julle julle nie bekommer oor hoe en wat julle moet sê nie, want wat julle moet sê, sal op daardie oomblik aan julle gegee word. ²⁰Dit is immers nie julle wat praat nie, maar die Gees van julle Vader wat deur julle praat.

Modelleer: Deur as volk van God só te leef dat ander jaloers sal word en ook tot God aangetrokke sal wees en Hom dan die eer bring wat Hom toekom.

DIEPER DELF: Lees gerus ook Matt 5:13-16; 1 Kor 11:1; Ef 5:8-20; Fil 2:12-16a; 1 Tim 1:16; 2 Tim 3:10; Heb 13:7

Matt 5:13-16
BERGREDE: SOUT EN LIG

(Mark 9:50; 4:21; Luk 14:34-35; 8:16)

¹³“Julle is die sout vir die aarde, maar as die sout sy smaak verloor het, waarmee sal dit weer sout gemaak word? Dit deug vir niks meer nie, behalwe om buite gegooi te word sodat dit deur die mense vertrap kan word.

¹⁴“Julle is die lig vir die wêreld. ‘n Stad wat op ‘n berg lê, kan nie weggesteek word nie. ¹⁵Mens steek ook nie ‘n lamp op en sit dit onder ‘n maatemmer nie, maar op ‘n lampstaander, en so gee dit lig vir almal in die huis.

¹⁶“Laat julle lig só voor die mense skyn, sodat hulle julle goeie werke kan sien en julle Vader wat in die hemele is, kan verheerlik.”

1 Kor 11:1
11¹Volg my voorbeeld, soos ek die voorbeeld van •Christus volg.

Ef 5:8-20

⁸Want vroeër was julle wel duisternis, maar nou, in die Here, is julle lig. Leef as kinders van die lig! ⁹Die vrug van die lig bestaan immers uit alle goedheid en •geregtigheid en waarheid. ¹⁰Beproef wat vir die Here aanneemlik is. ¹¹Ja, moenie deel hê aan die onvrugbare werke van die duisternis nie; stel dit eerder aan die kaak. ¹²Want die dinge wat deur hulle in die geheim gedoen word – selfs net om daaroor te praat, is skandelik. ¹³Tog word alles wat deur die lig ontmasker word, openbaar; ¹⁴immers, alles wat sigbaar word, is lig. Daarom word gesê:

Word wakker, jy wat slaap,
en staan op uit die dood
en •Christus sal sy lig
oor jou laat skyn.

DIE LEWE DEUR DIE GEES

Fil 2:12-16a

LIGDRAERS IN DIE WÊRELD

¹²Daarom, my geliefdes, soos julle altyd gehoorsaam was – nie net in my teenwoordigheid nie, maar nou ook nog veel meer in my afwesigheid – werk met vrees en bewing aan julle verlossing. ¹³Want Hy wat die gewilligheid en die optrede in julle bewerk soos Hy dit goedvind, is God. ¹⁴Doen alles sonder kla en teenpraat, ¹⁵sodat julle sonder blaam en onskuldig kan wees, kinders van God, smetteloos, te midde van ‘n krom en ontaarde geslag. Julle skyn onder hulle soos sterre in die heelal, ¹⁶deurdat julle vashou aan die woord van die lewe.

1 Tim 1:16
¹⁶Ek is juis om hierdie rede begenadig, sodat Christus Jesus aan my, as die grootste sondaar, al sy geduld kon betoon, as voorbeeld vir hulle wat in Hom sou glo met die oog op die ewige lewe.

2 Tim 3:10
¹⁰Jy het my egter nougeset nagevolg in leer, lewenswandel, voorneme, geloof, geduld, liefde en volharding,

Heb 13:7
⁷Hou altyd julle leiers in gedagte, dié wat die woord van God aan julle verkondig het; gee ag op die uiteinde van hulle lewensloop, en neem hulle geloof as voorbeeld.

3. Sentrifugaal: Deur God se getuies vir die nasies te wees.

DIEPER DELF: Lees gerus ook Matt 24:14; Hand 1:8; Rom 1:1-7; 14-17; 2 Kor 4:13-15; 1 Pet 2:9.

Matt 24:14
⁴Hierdie evangelie van die koninkryk sal oor die hele wêreld verkondig word as getuienis vir al die nasies. En dan sal die einde kom.”

Hand 1:8
⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Rom 1:1-7

1¹Paulus, ‘n dienskneg van •Christus Jesus, ‘n geroepe •apostel, afgesonder vir die evangelie van God, ²wat Hy reeds tevore deur sy profete in die heilige Skrifte beloof het ³aangaande sy Seun –
wat na die liggaam
uit die nageslag van Dawid gebore is,
⁴wat na die Gees van heiligheid
op grond van sy opstanding uit die dood
kragtig aangedui is
as die •Seun van God –Jesus Christus, ons Here, ⁵deur wie ek die genade van my apostelskap ontvang het om tot eer van sy Naam mense uit al die heidenvolke tot geloofsgehoorsaamheid te bring, ⁶onder wie julle ook is, julle wat deur Jesus Christus geroep is –
⁷aan al die geliefdes van God wat in Rome is, geroepe heiliges:
Genade vir julle en vrede van God, ons Vader, en die Here Jesus Christus.

Rom 1:14-17

¹⁴Teenoor Grieke sowel as nie-Grieke, teenoor wyses sowel as onverstandiges, staan ek in die skuld – ¹⁵vandaar my hartsbegeerte om ook aan julle in Rome die evangelie te verkondig.

¹⁶Ek skaam my immers nie vir die evangelie nie, want dit is die krag van God tot verlossing vir elkeen wat glo, eerste vir die Jood, maar ook vir die Griek. ¹⁷Want daarin word geopenbaar dat die •geregtigheid van God geheel en al op geloof berus, soos daar geskryf staan: “Die regverdige op grond van geloof sal leef.”

2 Kor 4:13-15
¹³Maar aangesien ons dieselfde Gees van die geloof het – soos geskryf staan, “Ek het geglo, daarom het ek gepraat” – glo ons ook, en daarom praat ons. ¹⁴Ons weet dat Hy wat die Here Jesus opgewek het, ons ook saam met Jesus sal opwek, en julle voor Hom sal stel. ¹⁵Want dit gebeur alles ter wille van julle, sodat die genade, wat steeds meer mense insluit, die dankbaarheid oorvloedig kan maak tot eer van God.

1 Pet 2:9
⁹Julle, egter, is “’n uitverkore geslag”, “’n koninklike priesterdom”, “’n heilige nasie”, “’n volk wat aan God behoort”, “sodat julle die deugde kan verkondig” van Hom wat julle uit die duisternis geroep het na sy wonderlike lig –

Om te leef as gestuurdes, as sendelinge, was vir die vroeë gemeentes voor die handliggend en sinoniem met Christenwees. Dit was nie net vir sekere mense bedoel nie! Jesus se opstanding en die uitstorting van die Heilige Gees lei onafwendbaar tot sendingbetrokkenheid! Dit het sin en betekenis aan hulle bestaan gegee, selfs wanneer hulle daarvoor moes sterf (Joh 21:15-19; Fil 1:20-25; 2:17).

Joh 21:15-19;
¹⁵Toe hulle klaar was met ontbyt, vra Jesus vir Simon •Petrus: “Simon, seun van Johannes, het jy My baie lief, meer as hulle?” Hy sê vir Hom: “Ja, Here, U weet dat ek U liefhet.” Hy sê vir hom: “Laat my lammers wei.” ¹⁶Hy vra hom weer ‘n tweede keer: “Simon, seun van Johannes, het jy My baie lief?” Hy sê vir Hom: “Ja, Here, U weet dat ek U liefhet.” Hy sê vir hom: “Pas my skape op.” ¹⁷Hy vra hom die derde keer: “Simon, seun van Johannes, het jy My lief?” Petrus het bedroef geword omdat Hy hom die derde keer gevra het, “Het jy My lief?” en hy antwoord Hom: “Here, U weet alles. U weet dat ek U liefhet.” Jesus sê vir hom: “Laat my skape wei. ¹⁸Amen, amen, Ek sê vir jou: Toe jy jonger was, het jy self jou gordel vasgemaak en gegaan waar jy wou; maar wanneer jy oud word, sal jy jou hande uitsteek, en iemand anders sal jou gordel vasmaak en jou bring waar jy nie wil wees nie.” ¹⁹Hy het dit gesê om aan te dui deur watter soort dood Petrus God sou verheerlik. En nadat Hy dit gesê het, sê Hy vir Petrus: “Volg My!”

Fil 1:20-25;
²⁰Dit is immers my innige verwagting en hoop dat ek nie in enige opsig beskaam sal word nie, maar dat Christus met alle vrymoedigheid ook nou, soos altyd, deur my liggaam verheerlik sal word, of dit nou deur my lewe of deur my dood is. ²¹Want vir my is om te leef Christus, en om te sterf wins;

Fil 2:17
¹⁷Maar al word ek ook as •drankoffer uitgegiet oor die offer en bediening van julle geloof, verbly ek my, en verbly ek my saam met julle almal.

Stem jy saam dat die Nuwe Testamentiese gelowiges hierdie siening en ervaring van sending gehad het? Hoekom sê jy so?

Wat het sedertdien verander – God? Die Heilige Gees? Die gelowiges? JY? Geld dieselfde beginsels nog vandag? Waarom sê jy so?

Hoe voel jy oor die volgende stellings?:

’n Gelowige kan nie losgemaak word van die roeping om God se verteenwoordiger op aarde te wees nie.

2. Hoe vaar die Kerk ten opsigte daarvan vandag?

3. Hoe vaar jy? Onthou jy is deel van die Kerk.

Luister na snit 4 (IS JY BEREID?) op die ingeslote CD.

Johann Botes – Is jy bereid om te gaan?

Is jy bereid om te gaan, te vertel wat jy weet
Wat jy ken, nie verstaan, wat jy glo

Is jy bereid om te hoor wat jou God van jou vra
Om sy Woord uit te dra, te vertel

Is jy bereid om te volg waar die Gees jou ook lei
Met jou lewe, jou alles te gaan

Gaan dan heen die wêreld in, verkondig net die Woord
Vertel aan die mensdom om te glo

Is jy bereid om die krag van die Gees te ontvang
Te getuig van verlossing van bo

Praat met die Here oor wat jy vandag in sy teenwoordigheid beleef het.

BEOORDELING: Gee ’n punt uit 10 vir hoe God se Nuwe Testamentiese sendelinge, die Kerk, vandag vaar.
Nou miskien die moeilikste: gee ’n punt uit 10 vir God se vandag-sendeling : JY…

DIEPER DELF: handboek, p 50-56
Lees gerus ook Mark 13:10; Rom 1:1-4; 1 Tim 3:15

Mark 13:10
¹⁰En die evangelie moet eers aan al die nasies verkondig word.

Rom 1:1-4
1¹Paulus, ‘n dienskneg van •Christus Jesus, ‘n geroepe •apostel, afgesonder vir die evangelie van God, ²wat Hy reeds tevore deur sy profete in die heilige Skrifte beloof het ³aangaande sy Seun –
wat na die liggaam
uit die nageslag van Dawid gebore is,
⁴wat na die Gees van heiligheid
op grond van sy opstanding uit die dood
kragtig aangedui is
as die •Seun van God –Jesus Christus, ons Here,

1 Tim 3:15
⁵Maar as ek vertraag word, moet jy weet hoe jy jou moet gedra in die huishouding van God: dit is die •kerk van die lewende God, ‘n pilaar en ‘n fondament van die waarheid.

Onthou om die bladsy vir die week se groepgesprek te voltooi!

WEEK-2_GROEPGESPREK Laai af …

Inhoudsopgawe

Kopiereg
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

1 November 202229 Desember 2022

Week 02 Dag 09 – Volslae mislukking – Ons is die plan: 9 Weke van Transformasie

Dag 9
Missio Dei in Aksie: Ou Testament
Week 2
Die inhoud van die plan

VOLSLAE MISLUKKINGS

Besef jy dat God op hierdie oomblik besig is om sy ewigheidsplan deur jou lewe tot uitvoer te bring? Skakel af – wees ontvanklik vir die werking van sy Gees en laat Hy jou insig gee (Spr 9:10; Luk 24:45) in die ontdekking van die ewige skat in sy Woord.

Spr 9:10;
¹⁰Die begin van wysheid
is ontsag vir die Here,
en kennis van die Heilige is insig.

Luk 24:45
⁴⁵Daarop het Hy hulle verstand daarvoor geopen om die Skrifte te verstaan,

Lees Gen 12:1-3; Ps 67

Gen 12:1-3
2¹Die Here het vir Abram gesê: “Gaan weg uit jou land, weg van jou familie en jou ouerhuis, na die land wat Ek jou sal wys.
²“Ek sal jou ‘n groot nasie maak;
Ek sal jou seën en jou naam groot maak,
sodat jy ‘n seën sal wees.
³Ek sal hulle seën wat jou seën,
maar wie jou verwens,
sal Ek vervloek.
En deur jou sal al die grootfamilies
van die aarde geseënd wees.”

Ps 67

67¹Vir die •musiekleier. Met snarespel. ‘n Psalm. ‘n Lied.

²Mag God ons genadig wees
en ons seën;
mag Hy die lig van sy aangesig
by ons laat skyn. •Sela

³Mag U pad op die aarde bekend wees,
u verlossing onder al die nasies.
⁴Mag volke U prys, o God,
mag al die volke U prys.
⁵Mag nasies bly wees en jubel,
want U oordeel volke billik;
en nasies, mag U hulle
op die aarde lei. Sela
⁶Mag volke U prys, o God,
mag al die volke U prys.

⁷Die aarde het sy opbrengs gelewer.
Mag God, ons God, ons seën.
⁸Mag God ons seën,
sodat al die uithoeke van die aarde
vir Hom ontsag sal hê.

DIEPER DELF: Vgl ook Jes 45:23; Ps 119:175.

Jes 45:23
²³By Myself sweer Ek,
uit my mond gaan ‘n belofte
oor geregtigheid,
en dit sal nie herroep word nie:
Voor My sal elke knie buig,
elke tong sal plegtig verklaar,

Ps 119:175
¹⁷⁵Hou my lewend
sodat ek U kan loof
en laat u beslissings my help.

Skryf die gedagte neer wat in beide hierdie Skrifgedeeltes uitstaan. (Let veral op die sodat in Ps 67:3; Joh 3:16.)

PS 67:3 (1935/1992 Vertaling)
³sodat sy dade oor die wêreld heen bekend mag word,
sy reddende krag onder alle nasies.

Joh 3:16
¹⁶Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê.

God se plan – ons kan dit God se sending noem – het ten doel dat die ganse skepping Hom (as God) sal loof en eer. Hierin speel die mens ’n sentrale rol. In die Ou Testament roep God vir Abram (Abraham) en sluit met hom ’n verbond om ’n seën vir die nasies te wees

Gen 12:1-3

12¹Die Here het vir Abram gesê: “Gaan weg uit jou land, weg van jou familie en jou ouerhuis, na die land wat Ek jou sal wys.
²“Ek sal jou ‘n groot nasie maak;
Ek sal jou seën en jou naam groot maak,
sodat jy ‘n seën sal wees.
³Ek sal hulle seën wat jou seën,
maar wie jou verwens,
sal Ek vervloek.
En deur jou sal al die grootfamilies
van die aarde geseënd wees.”

Soos Abraham, moes sy nageslag, die volk Israel, ook tot ’n seën vir die nasies wees. Dit het in die Ou Testament hoofsaaklik op drie maniere na vore gekom:

Deurdat mense na Israel aangetrek moes word
omdat die kragtige teenwoordigheid en dade
van die Here daar ’n sigbare werklikheid was.

DIEPER DELF: Lees gerus ook: Sag 8:20-23; Ps 87:4-6; 106:8; Deut 28:1-12; 2 Kron 6:32-33; Jes 55:5.

Sag 8:20-23

²⁰“So sê die Here, Heerser oor alle magte, ‘Daar sal weer volke en inwoners van baie stede hierheen kom. ²¹Die inwoners van een stad sal na ‘n ander stad gaan en sê, “Kom, laat ons dadelik gaan om die Here se guns te soek en die Here, Heerser oor alle magte, te raadpleeg. Ek gaan ook!” ²²Baie volke en magtige nasies sal kom om die Here, Heerser oor alle magte, in Jerusalem te raadpleeg en die Here se guns te soek.’

²³“So sê die Here, Heerser oor alle magte, ‘Dit sal in daardie dae wees dat tien mense uit al die tale van die nasies die kleed van ‘n Jood gryp en vashou terwyl hulle sê: “Ons wil saam met julle gaan, want ons het gehoor God is by julle.” ’ ”

Ps 87:4-6

⁴“Ek sal Rahab en Babilonië noem
onder dié wat My erken,
ja, Filistea en Tirus saam met Kus
onder dié wat daar gebore is.”
⁵En oor Sion sal daar gesê word:
“Man vir man is in haar gebore,
en die Allerhoogste self
hou haar in stand.”
⁶Die Here teken in die •boekrol
van volke op:
“Hierdie een is daar gebore.” Sela

Ps 106:8
⁸En tog het Hy hulle verlos
ter wille van sy Naam,
om sy mag bekend te maak.

Deut 28:1-12

28¹“As jy aandagtig luister na die stem van die Here jou God deur al sy gebooie wat ek vandag vir jou voorskryf, nougeset na te kom, sal die Here jou God jou verhoog bo al die nasies van die aarde. ²Al hierdie seëninge sal jy ontvang, en dit sal jou deel word as jy luister na die stem van die Here jou God:

³“Geseënd sal jy wees in die dorp en geseënd sal jy wees in die veld! ⁴Geseënd die vrug van jou liggaam, die vrug van jou grond en die vrug van jou diere – die aanteel van jou beeste en die aanwas van jou kleinvee! ⁵Geseënd jou mandjie, en jou knieskottel!

⁶“Geseënd sal jy wees wanneer jy terugkeer en geseënd sal jy wees wanneer jy uittrek. ⁷Die Here sal jou vyande wat teen jou opstaan, voor jou verslaan. Met een pad sal hulle teen jou uittrek en op sewe paaie sal hulle voor jou uit vlug.

⁸“Die Here sal vir jou seën stuur – in jou graanskure en in alles waaraan jy jou hand waag. Ja, die Here jou God sal jou seën in die land wat Hy vir jou gaan gee.

⁹“Die Here sal jou vestig as ‘n heilige volk vir Hom, soos Hy aan jou met ‘n eed beloof het. As jy die gebooie van die Here jou God nakom en sy paaie volg, ¹⁰sal al die volke van die aarde sien dat die Naam van die Here oor jou uitgeroep is, en hulle sal ontsag vir jou hê. ¹¹Op die grond wat die Here aan jou voorvaders met ‘n eed beloof het om aan jou te gee, sal die Here aan jou ryke oorvloed skenk met die vrug van jou liggaam, die vrug van jou diere en die vrug van jou grond. ¹²Die Here sal vir jou sy goeie skatkamer, die hemel, oopmaak om die reën van jou land op tyd vir jou te gee en al jou handewerk te seën. Jy sal aan baie nasies uitleen, maar jy sal self nie hoef te leen nie.

2 Kron 6:32-33
³²“En ook die buitelander wat nie deel van u volk Israel is nie, maar uit ‘n ver land kom ter wille van u groot Naam, u sterk hand en uitgestrekte arm – wanneer hy dan kom en in die rigting van hierdie tempel bid, ³³moet U self hoor uit die hemel, die plek van u verblyf. U moet dan optree volgens alles waaroor die buitelander U aanroep, sodat al die volke van die aarde u Naam mag ken, en vir U ontsag mag hê soos u volk Israel, en sal besef dat dit u Naam is wat uitgeroep is oor hierdie tempel wat ek gebou het.

Jes 55:5
Kyk, jy sal ‘n nasie roep
wat jy nie ken nie;
en ‘n nasie wat jou nie ken nie,
sal na jou toe hardloop,
ter wille van die Here, jou God,
ter wille van die Heilige van Israel,
omdat Hy jou verheerlik het.”

Deur as volk van die enige ware God só te leef dat ander jaloers sou raak en dan ook tot God aangetrokke sou word.

DIEPER DELF: Lees gerus: Deut 4:5-8; 6:1; Jes 49:1, 3, 6; 1 Kon 8:58-61; 10:1,9; Mal 3:16-18.

Deut 4:5-8
⁵“Kyk, ek leer julle die vaste voorskrifte en beslissings soos die Here my God my beveel het, sodat julle daarvolgens kan leef in die land waarheen julle op pad is en wat julle in besit gaan neem. ⁶Kom dit na en voer dit uit, want daaruit sal dit vir die nasies duidelik wees dat julle wysheid en insig het. Wanneer hulle al hierdie vaste voorskrifte hoor, sal hulle sê, ‘Wat ‘n wyse en verstandige volk is hierdie groot nasie nie!’ ⁷Want watter ander groot nasie het ‘n god wat so na aan hulle is soos die Here ons God aan ons is wanneer ook al ons Hom aanroep? ⁸Watter ander groot nasie het vaste voorskrifte en beslissings wat so regverdig is soos hierdie hele wet wat ek vandag aan julle gaan voorhou?

Deut 6:16
¹“Dit dan is die gebod, die vaste voorskrifte en beslissings wat die Here julle God my beveel het om julle te leer, dat julle dit kan uitleef in die land waarheen julle oortrek om dit in besit te neem –

Jes 49:1, 3, 6;
49¹Luister na my, eilande,
gee aandag, afgeleë nasies!
Die Here het my reeds geroep
toe ek in die moederskoot was;
Hy het reeds my naam genoem
toe ek in my moeder se liggaam was.

³Hy het vir my gesê:
“Jy is my dienskneg, Israel,
deur wie Ek my heerlikheid toon.”

⁶Hy het gesê: “Dit is nie genoeg
dat jy vir My ‘n dienskneg is
om die stamme van Jakob op te rig nie,
om dié wat bewaar gebly het van Israel,
te laat terugkeer nie.
Ek gee jou as ‘n lig vir nasies,
sodat my heil sal strek tot aan
die uiteindes van die aarde.”

1 Kon 8:58-61
⁵⁸sodat Hy ons harte na Hom sal wend om al sy paaie te volg en sy gebooie, vaste voorskrifte en bepalings na te kom wat Hy ons voorouers beveel het. ⁵⁹Mag hierdie woorde van my waarmee ek voor die Here smeek, dag en nag by die Here ons God wees, sodat Hy die reg van sy dienskneg en van sy volk Israel sal handhaaf, volgens die eis van elke dag, ⁶⁰sodat al die volke van die aarde mag besef dat die Here, dat Hy, God is, niemand anders nie. ⁶¹En mag julle harte volkome by die Here ons God wees, deur sy vaste voorskrifte te volg en sy gebooie na te kom soos dit vandag is.”

1 Kon 10:1,9
¹Die koningin van Skeba het die berigte oor Salomo bly hoor, iets wat die Naam van die Here tot eer gestrek het. Sy het toe gekom om hom met raaisels te toets.
⁹Die Here u God moet geprys word, Hy wat u so goedgesind is om u op die troon van Israel te plaas. Omdat die Here Israel altyd liefhet, het Hy u as koning aangestel om reg en geregtigheid te laat geskied.”

Mal 3:16-18

¹⁶Daarop het dié wat vir die Here ontsag het, met mekaar geredeneer. Die Here het goed geluister en dit gehoor. Dit is toe in sy teenwoordigheid in ‘n gedenkboek opgeteken tot voordeel van diegene wat ontsag vir die Here en respek vir sy Naam het.
¹⁷“Hulle sal aan My behoort,” sê die Here, Heerser oor alle magte, “hulle sal my persoonlike eiendom wees op die dag wat Ek voorberei. Ek sal deernis met hulle hê, soos ‘n man deernis het met sy seun wat vir hom werk. ¹⁸Dan sal julle weer die verskil sien tussen regverdiges en wetteloses, tussen wie God dien en wie Hom nié dien nie.

3. Deur God se getuies te wees vir die nasies

DIEPER DELF: Lees gerus 1 Kron 16:8, 23-31; Ps 40:4; Jes 6:8; 43:10-12; 49:1-6

1 Kron 16:8
⁸Prys die Here, roep sy Naam uit;
maak onder die volke
sy dade bekend!

1 Kron 16:23-31
²³Sing vir die Here, o ganse aarde!
Verkondig sy verlossing
van dag tot dag!
²⁴Maak onder die nasies
sy majesteit bekend,
onder al die volke
sy wonderdade.
²⁵Want groot is die Here
en besonder lofwaardig;
Hy is ontsagwekkend, meer as alle gode.
²⁶Ja, al die gode van die volke
is niksbeduidend,
maar die Here
het die hemel gemaak.
²⁷Luister en glans
is voor Hom;
krag en blydskap
is in sy heiligdom.
²⁸Gee erkenning aan die Here,
familiegroepe van volke!
Gee erkenning aan die Here
vir sy heerlikheid en krag!
²⁹Gee erkenning aan die Here
vir die heerlikheid van sy Naam!
Bring offers en kom
in sy teenwoordigheid!
Buig in aanbidding voor die Here
in sy glansryke heiligheid!
³⁰Bewe vanweë sy teenwoordigheid, o ganse aarde!
Ja, die wêreld staan vas,
dit wankel nie.
³¹Laat die hemel bly wees,
en die aarde juig.
Mense onder die nasies sê:
“Die Here regeer!”

Ps 40:4
⁴Hy het ‘n nuwe lied in my mond gelê,
‘n lofsang vir ons God.
Baie sal dit sien, en ontsag hê,
ja, hulle sal op die Here vertrou.

Jes 6:8
⁸Toe hoor ek die stem van my Heer wat sê:
“Wie sal Ek stuur
en wie sal vir ons gaan?”
Ek sê toe:
“Hier is ek, stuur my!”

Jes 43:10-12
¹⁰“Julle is my getuies,”
is die uitspraak van die Here,
“my dienskneg wat Ek uitgekies het,
sodat julle My kan ken,
in My kan glo,
en kan insien dat dit Ek is.
Voor My is daar nie ‘n god gevorm nie,
en ná My sal daar nie een wees nie.
¹¹Ek, ja, Ek is die Here,
en daar is geen verlosser
buiten My nie.
¹²Ek is die Een
wat dit bekend gemaak het;
Ek het verlos
en dit aangekondig –
Ek, nie ‘n vreemde onder julle nie.
En julle is my getuies,”
is die uitspraak van die Here,
“dat Ek God is.

Jes 49:1-6
49¹Luister na my, eilande,
gee aandag, afgeleë nasies!
Die Here het my reeds geroep
toe ek in die moederskoot was;
Hy het reeds my naam genoem
toe ek in my moeder se liggaam was.
²Hy het my mond
soos ‘n skerp swaard gemaak,
in die skaduwee van sy hand
het Hy my weggesteek.
Hy het my ‘n geslypte pyl gemaak,
in sy pylkoker het Hy my versteek.
³Hy het vir my gesê:
“Jy is my dienskneg, Israel,
deur wie Ek my heerlikheid toon.”
⁴Ek het egter gedink:
Tevergeefs het ek my
moeg gemaak.
Verniet, vrugteloos het ek
my kragte ingespan.
En tog, die beslissing oor my
lê by die Here,
my beloning is by my God.
⁵Maar nou, die Here het gepraat
– Hy wat my in die moederskoot
al gevorm het as ‘n dienskneg
vir Hom –
sodat ek Jakob na Hom
kan terugbring,
sodat Israel vir Hom
byeengebring kan word.
In die oë van die Here word ek geëer;
my God het my krag geword.
⁶Hy het gesê: “Dit is nie genoeg
dat jy vir My ‘n dienskneg is
om die stamme van Jakob op te rig nie,
om dié wat bewaar gebly het van Israel,
te laat terugkeer nie.
Ek gee jou as ‘n lig vir nasies,
sodat my heil sal strek tot aan
die uiteindes van die aarde.”

Die tong-in-die-kies opskrif (Hulle was ’n volslae mislukking) is net gedeeltelik waar, want God ( Missio Dei ) het gesorg dat vele ander na Hom gesoek – en Hom gevind het (Ps 33:10-11; Jona 1:1-2; 3:5, 8-10; 4:10-11)!

Ps 33:10-11;

¹⁰Die Here verydel
die raadsplanne van nasies,
Hy dwarsboom die planne van volke.
¹¹Die raadsplan van die Here
bestaan vir ewig,
die planne wat Hy bedink,
van geslag tot geslag.

Jona 1:1-2;1
¹Die woord van die Here het tot Jona, die seun van Amittai, gekom: ²“Staan op, gaan na die groot stad Nineve en spreek hulle aan, want die kwaad wat hulle doen, het opgestyg tot voor My.”

Jona 3:5, 8-10;
⁵Die mense van Nineve het toe in God geglo en ‘n vasdag uitgeroep, en hulle het almal, belangrik en onbelangrik, rouklere aangetrek.

⁸Mens en dier moet met ‘n roukleed bedek wees. Die mense moet God ernstig aanroep en elkeen moet hom bekeer van sy slegte gedrag en van die geweld wat aan sy hande kleef. ⁹Wie weet, dalk draai God terug en het Hy berou; dalk draai Hy om, weg van sy brandende toorn, sodat ons nie vergaan nie.”

¹⁰God het gesien wat hulle doen, dat hulle teruggedraai het van hulle verkeerde pad. God was jammer dat Hy gesê het Hy gaan ‘n ramp oor hulle bring, en Hy het dit toe nie uitgevoer nie.

Jona 4:10-11
¹⁰Toe sê die Here: “Jy is besorg oor die kasterolieplant waarmee jy geen moeite gedoen het nie en wat jy nie laat groei het nie, wat oornag opgekom het en oornag tot niet is. ¹¹Maar Ek, Ek mag nie besorg wees oor Nineve nie, die groot stad waarin daar meer as honderd-en-twintigduisend mense is wat die verskil tussen regs en links nie ken nie, en ook nog baie diere?”

Tog sou ons moes bely dat Israel as Ou Testamentiese sendelinge, dikwels meer ’n struikelblok in God se pad, as ’n instrument in sy hand was. Meer nog, God openbaar Homself nooit in die Ou Testament as ’n stamgod van die volk Israel nie! Die lewende Skeppergod is nie ’n stamgod nie. Reg van die begin af bemoei Hy Hom met sy héle skepping en álle mense. Hy openbaar Hom egter as die Verbondsgod wat met sy uitverkorenes (uit elke stam, volk en nasie) in ’n besondere verhouding tree. Op dié manier word sy mense deel van sy Plan om Hom so bekend te stel dat elke knie sal buig en elke tong bely dat Hy die Here is (Jes 49:3; 45:23; Eseg 24:24-27; 37:28; 39:7; Rom 14:11; Fil 2:10-11).

Jes 49:3;

³Hy het vir my gesê:
“Jy is my dienskneg, Israel,
deur wie Ek my heerlikheid toon.”

Jes 45:23;

²³By Myself sweer Ek,
uit my mond gaan ‘n belofte
oor geregtigheid,
en dit sal nie herroep word nie:
Voor My sal elke knie buig,
elke tong sal plegtig verklaar,

Eseg 24:24-27;

²⁴‘Esegiël sal vir julle ‘n teken wees: Net soos hy gedoen het, moet julle doen. Wanneer dit gebeur, sal julle besef dat Ek, die Heer, die Here is.’ ”
²⁵“ ‘En jy, mensekind, die dag wanneer Ek hulle bergvesting van hulle wegneem, hulle pragtige bron van vreugde wat so kosbaar is in hulle oë, hulle hartsverlange, ook hulle seuns en dogters, ²⁶op daardie dag sal een wat ontkom het, beslis by jou aankom met ‘n berig vir jou persoonlik. ²⁷Op daardie dag sal jou mond oopgaan teenoor die een wat ontkom het; jy sal kan praat, en jy sal nie meer stom wees nie. So sal jy vir hulle ‘n teken wees, en hulle sal besef dat Ek die Here is.’ ”

Eseg 37:28;
²⁸Die nasies sal besef dat Ek die Here is wat Israel heilig, wanneer my heiligdom vir altyd tussen hulle sal wees.

Eseg 39:7;
⁷My heilige Naam sal Ek bekend maak midde-in my volk Israel. Ek sal my heilige Naam nie weer laat ontwy nie. Die nasies sal besef dat Ek die Here is, heilig in Israel.

Rom 14:11;
¹¹Want daar staan geskryf:
“So seker as wat Ek leef,
sê die Here,
voor My sal elke knie buig
en elke tong sal My as God bely.”

Fil 2:10-11
¹⁰sodat in die Naam van Jesus
elke knie sal buig –
van diegene in die hemel
en op die aarde
en onder die aarde –
¹¹en elke tong sal bely,
“Jesus Christus is die Here!”
tot eer van God die Vader.

As jy God se Ou Testamentiese sendelinge, die volk Israel, moes beoordeel – hoeveel sou jy hulle uit 10 gee, vir hoe hulle as sendelinge gevaar het?

Het jy dalk ook nog altyd gedink dat die Ou Testament net oor die volk Israel gaan? Onthou, God het nie verander nie! Bedink sy ontsaglike grootheid as Skeppergod en praat met Hom daaroor. Skryf jou gewaarwordinge neer

BEOORDELING: Skryf die punt uit 10 neer wat jy aan God se Ou Testamentiese sendelinge toeken.

DIEPER DELF: Ons is die Plan handboek, p 40-49
Vgl ook die Nuwe Testamentiese tekste wat bogenoemde Ou
Testamentiese tekste bevestig: Rom 9:30-10:4; Gal 3:8, 26-29; 1 Pet 2:9; Op 1:4-6; 7:9-10

Rom 9:30-10:4

³⁰Wat sal ons dan sê? Dat die heidene die •geregtigheid wat hulle nie nagejaag het nie, verkry het, naamlik die regverdiging deur die geloof, ³¹terwyl Israel, wat geregtigheid deur die wet nagejaag het, die eis van die wet nie kon nakom nie? ³²Waarom nie? Omdat hulle dit nie op grond van geloof wou verkry nie, maar op grond van hulle dade. Hulle het oor die struikelblok gestruikel, ³³soos daar geskryf staan:
“Kyk, Ek sit in Sion ‘n klip neer
waaroor ‘n mens kan struikel,
ja, ‘n rots wat jou kan laat val;
maar wie in Hom glo,
sal nie beskaamd staan nie.”
10¹Broers, my hartewens en my gebed tot God vir my volk is dat hulle verlos mag word. ²Ek kan inderdaad vir hulle getuig dat hulle God met ywer dien, maar sonder insig. ³Omdat hulle die •geregtigheid wat van God af kom, nie begryp nie, en probeer om hulle eie geregtigheid tot stand te bring, het hulle hulle nie onderwerp aan die geregtigheid wat van God af kom nie. ⁴Die einddoel van die wet is immers •Christus, tot regverdiging van elkeen wat glo.

Gal 3:8
⁸En omdat die Skrif dit vooruit gesien het dat God die heidene op grond van geloof regverdig sou verklaar, het die Skrif die evangelie reeds vooraf aan Abraham verkondig: “In jou sal al die nasies geseën word.”

Gal 3:26-29
GELOWIGES AS KINDERS EN ERFGENAME VAN GOD
²⁶Want deur die geloof
is julle almal kinders van God
in •Christus Jesus,
²⁷want julle wat in Christus gedoop is,
het Christus soos ‘n kleed aangetrek.
²⁸Daar is nou nie meer Jood of Griek,
nie meer slaaf of vryman,
nie meer manlik en vroulik nie;
want julle almal is één
in Christus Jesus!
²⁹En as julle aan Christus behoort, dan is julle die nageslag van Abraham en, ooreenkomstig die belofte, erfgename.

Op 1:4-6
⁴Johannes,
aan die sewe •gemeentes in Asië:
Genade vir julle en vrede van Hom
wat is en wat was en wat kom,
en van die sewe Geeste
wat voor sy troon is;
⁵en van Jesus •Christus,
die betroubare getuie,
die •Eersgeborene uit die dood
en die heerser oor die konings van die aarde.
Aan Hom wat ons liefhet,
en ons deur sy bloed
van ons sondes verlos het,
⁶wat ons ‘n koninkryk gemaak het,
priesters vir God, sy Vader –
aan Hom kom die heerlikheid
en die sterkte toe,
vir ewig en ewig. •Amen.

Op 7:9-10

⁹Hierna het ek gesien, en kyk, daar was ‘n baie groot skare, wat niemand kon tel nie. Hulle was afkomstig uit elke nasie en stam en volk en taal, en het voor die troon gestaan, en voor die Lam. Hulle het lang wit stolas gedra, met palmtakke in hulle hande. ¹⁰Hulle het met ‘n harde stem uitgeroep:
“Die verlossing behoort aan ons God,
wat op die troon sit,
en aan die Lam!”

Onthou om die bladsy vir die week se groepgesprek te voltooi!

WEEK-2_GROEPGESPREK Laai af …

Inhoudsopgawe

Kopiereg
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

1 November 202229 Desember 2022

Week 02 Dag 08 – Ons het dit nie uitgedink nie? – Ons is die plan: 9 Weke van Transformasie

week 2 dag 8 Ons het dit nie uitgedink nie

Dag 8
Missio Dei
Week 2
Die inhoud van die plan

Ons het dit nie uitgedink nie?

Stelling 01: God was steeds die eintlike Uitreiker (Vader)
Stelling 02: God kom self Hy word Sendeling (Seun)
Stelling 03: God is steeds die eintlike Sendeling (Heilige Gees)

Stel jou in op God se teenwoordigheid. Skakel af van alles wat nie nou op God fokus nie en word bewus van die feit dat jy in die teenwoordigheid van die lewende, Drie-enige God is wat jou liefhet en ook in hierdie oomblikke deur sy Woord en Gees met jou wil praat.

Stelling 01: God was steeds die eintlike Uitreiker (Vader)

Lees Jes 49:5-6; Mark 12:1-12; 1 Kor 1:29-31.

Jes 49:5-6
⁵Maar nou, die Here het gepraat
– Hy wat my in die moederskoot
al gevorm het as ‘n dienskneg
vir Hom –
sodat ek Jakob na Hom
kan terugbring,
sodat Israel vir Hom
byeengebring kan word.
In die oë van die Here word ek geëer;
my God het my krag geword.
⁶Hy het gesê: “Dit is nie genoeg
dat jy vir My ‘n dienskneg is
om die stamme van Jakob op te rig nie,
om dié wat bewaar gebly het van Israel,
te laat terugkeer nie.
Ek gee jou as ‘n lig vir nasies,
sodat my heil sal strek tot aan
die uiteindes van die aarde.”

Mark 12:1-12
12¹Hy het toe met hulle in gelykenisse gepraat: “’n Man het ‘n wingerd aangeplant. Hy het dit omhein, ‘n parskuip gegrawe en ‘n wagtoring gebou. Toe het hy dit aan landbouers verhuur en op reis gegaan. ²Op die regte tyd het hy ‘n slaaf na die landbouers gestuur, sodat hy van hulle die opbrengs van die wingerd kon ontvang. ³Maar hulle het hom gegryp, afgeransel en met leë hande teruggestuur. ⁴Daarna het hy weer ‘n ander slaaf na hulle gestuur, en hierdie een het hulle oor die kop geslaan en verneder. ⁵Hy stuur toe nog een. En hierdie een het hulle doodgemaak. Hy het ook baie ander gestuur, van wie hulle sommige geslaan en ander doodgemaak het. ⁶Hy het nog net een oorgehad – sy geliefde seun. Heel laaste het hy hom na hulle gestuur met die gedagte: Hulle sal my seun met respek behandel. ⁷Daardie landbouers het egter onder mekaar gesê, ‘Dit is die erfgenaam dié. Kom ons maak hom dood, en die erfdeel sal ons s’n wees.’ ⁸Hulle het hom toe gegryp en doodgemaak en hom uit die wingerd uitgegooi. ⁹Wat sal die eienaar van die wingerd dan doen? Hy sal kom, die landbouers doodmaak en die wingerd vir ander gee. ¹⁰Julle het tog hierdie Skrifgedeelte gelees,
“ ‘Die klip wat die bouers afgekeur het,
juis dit het die hoeksteen geword.
¹¹Van die Here het dit gekom,
en dit is wonderlik in ons oë.’ ”
¹²Hulle wou Hom gevange neem, maar hulle was bang vir die skare. Hulle het immers besef dat Hy die gelykenis met die oog op hulle vertel het. Hulle het Hom met rus gelaat en weggegaan.

1 Kor 1:29-31
²⁹sodat geen mens iets het waarop hy hom voor God kan beroem nie. ³⁰Deur Hom is julle in Christus Jesus, wat vir ons die wysheid geword het wat van God kom, regverdiging sowel as heiliging en bevryding. ³¹Daarom, soos daar geskryf staan: “Wie hom op iets wil beroem, moet hom beroem op die Here.”

DIEPER DELF: Vgl ook Matt 21:33-46; Luk 20:9-19.

Matt 21:33-46
²³Hy het na die tempelterrein gegaan, en terwyl Hy besig was om onderrig te gee, het die leierpriesters en die familiehoofde van die volk na Hom gekom en gevra: “Op watter gesag doen jy hierdie dinge? En wie het aan jou hierdie gesag gegee?” ²⁴Jesus het hulle geantwoord: “Ook Ek sal julle net een vraag vra, en as julle My kan antwoord, sal Ek op my beurt vir julle sê op watter gesag Ek hierdie dinge doen: ²⁵Die doop van Johannes, waar het dit vandaan gekom? Van die hemel of van mense?” Hulle het toe onder mekaar geredeneer: “As ons sê, ‘van die hemel’, sal Hy vir ons sê, ‘Waarom het julle hom dan nie geglo nie?’ ²⁶Maar as ons sê, ‘van mense …’ – ons is bang vir die skare, want almal beskou Johannes as ‘n profeet.” ²⁷Hulle het Jesus geantwoord: “Ons weet nie.” Toe sê Hy vir hulle: “Dan sê Ek ook nie vir julle met watter gesag Ek hierdie dinge doen nie.”

GELYKENIS VAN TWEE KINDERS

²⁸“Wat dink julle? ‘n Man het twee kinders gehad. Hy gaan toe na die eerste een en sê, ‘My kind, gaan werk vandag in die wingerd.’ ²⁹Maar hy antwoord, ‘Nee, ek wil nie.’ Later het hy egter spyt gekry en tog gegaan. ³⁰Die man het toe na die ander kind gegaan en dieselfde gesê. Hy het geantwoord, ‘Ek sal, heer,’ maar hy het nie gegaan nie. ³¹Wie van die twee het die wil van hulle vader gedoen?” Hulle sê: “Die eerste een.” Jesus sê vir hulle: “•Amen, Ek sê vir julle, die •tollenaars en prostitute sal voor julle in die •koninkryk van God ingaan. ³²Want Johannes het na julle gekom met die pad van •geregtigheid, en julle het hom nie geglo nie, maar die tollenaars en prostitute het hom geglo. En hoewel julle dit gesien het, het julle tog nie later berou gekry en hom geglo nie.”

GELYKENIS VAN DIE HUURDERS

(Mark 12:1-12; Luk 20:9-19)

³³“Luister na ‘n ander gelykenis. Daar was ‘n grondeienaar wat ‘n wingerd aangeplant het. Hy het dit omhein, ‘n parskuip daarin gegrawe en ‘n wagtoring gebou. Toe het hy dit aan landbouers verhuur en op reis gegaan. ³⁴Toe die oestyd aanbreek, het hy sy slawe na die landbouers gestuur om sy opbrengs te ontvang. ³⁵Maar die landbouers het sy slawe gegryp, een afgeransel, ‘n ander een doodgemaak, en nog een gestenig. ³⁶Hy het weer ander slawe gestuur, nog meer as die eerstes, en hulle het dieselfde met hulle gedoen. ³⁷Uiteindelik het hy sy seun na hulle gestuur, met die gedagte, ‘Hulle sal my seun met respek behandel.’ ³⁸Maar toe die landbouers die seun sien, het hulle onder mekaar gesê, ‘Dit is die erfgenaam dié! Kom ons maak hom dood, en kry sy erfdeel in die hande.’ ³⁹Hulle het hom toe gegryp, uit die wingerd uitgegooi en doodgemaak. ⁴⁰Wanneer die eienaar van die wingerd kom, wat sal hy met daardie landbouers maak?” ⁴¹Hulle sê vir Hom: “Hy sal daardie slegte mense ‘n aaklige dood laat sterf, en die wingerd aan ander landbouers verhuur wat aan hom die opbrengs op die regte tyd sal lewer.” ⁴²Jesus sê vir hulle: “Het julle nog nooit in die Skrifte gelees nie:
“ ‘Die klip wat die bouers afgekeur het,
juis dit het die hoeksteen geword.
Van die Here het dit gekom,
en dit is wonderlik in ons oë.’
⁴³“Daarom sê Ek vir julle: Die •koninkryk van God sal van julle weggeneem en aan ‘n volk gegee word wat die vrugte daarvan sal lewer. ⁴⁴Wie op hierdie klip val, sal verpletter word; en as dit op iemand val, sal dit hom vergruis.”
⁴⁵Toe die leierpriesters en die •Fariseërs Jesus se gelykenisse hoor, het hulle besef dat Hy van hulle praat. ⁴⁶Hulle wou Hom gevange neem, maar was bang vir die skare, omdat dié Hom as ‘n profeet beskou het.

Luk 20:9-19
⁹Hy het die volgende gelykenis aan die volk vertel: “Daar was ‘n man wat ‘n wingerd aangeplant het. Toe het hy dit aan landbouers verhuur, en vir ‘n lang tyd op reis gegaan. ¹⁰Teen oestyd het hy ‘n slaaf na die landbouers gestuur, sodat hulle vir hom van die opbrengs van die wingerd kon gee. Maar die landbouers het hom afgeransel en met leë hande teruggestuur. ¹¹Daarna het hy weer ‘n ander slaaf gestuur, maar ook hom het hulle afgeransel, verneder en met leë hande teruggestuur. ¹²Die eienaar het nog ‘n derde een gestuur, maar hulle het hom erg verwond en uit die wingerd uitgegooi.
¹³“Toe sê die eienaar van die wingerd, ‘Wat sal ek doen? Ek sal my geliefde seun stuur – dalk sal hulle hom met respek behandel.’ ¹⁴Toe die landbouers hom egter sien, het hulle onder mekaar beraadslaag en gesê, ‘Dit is die erfgenaam dié! Kom ons maak hom dood, sodat die erfdeel ons s’n kan word.’ ¹⁵Hulle het hom toe uit die wingerd uitgegooi en doodgemaak. Wat sal die eienaar van die wingerd met hulle doen? ¹⁶Hy sal kom en die landbouers doodmaak, en die wingerd aan ander gee.”
Toe die mense dit hoor, sê hulle: “Mag dit nooit gebeur nie!” ¹⁷Jesus het hulle stip aangekyk en gesê: “Wat beteken dit dan wat geskryf staan:
“ ‘Die klip wat die bouers afgekeur het,
juis dit het die hoeksteen geword.’”
¹⁸“Elkeen wat op daardie klip val,
sal verpletter word,
en as dit op iemand val,
sal dit hom vergruis.”
¹⁹Die skrifkenners en die leierpriesters wou Hom onmiddellik gevange neem, omdat hulle besef het dat Hy die gelykenis met die oog op hulle vertel het. Hulle was egter bang vir die volk.

Wie is die eienaar van die wingerd? Wie stuur al die boodskappers?

God het steeds bly uitreik na sy mense: “Adam, waar is jy?” (Gen 3:9 ⁹Die Here God het na die mens geroep en vir hom gevra: “Waar is jy?”). Selfs toe Hy sy wingerd (Israel) geplant het, het Hy voortgegaan om betrokke te bly. Hy het aangehou stuur, om te herinner aan die verbond, om met die wet te vermaan en om deur sy profete en leiers die pad te wys.

Stelling 02: God kom self Hy word Sendeling (Seun)
Die Seun word gestuur “hulle sal tog my seun ontsien!” Dit is waar die gelykenis kan mislei: Dit is nie Iemand anders wat gestuur word nie, dit is God Self. Hy verneder homself deur mens te word, ’n arme slaaf, wat ly tot aan die kruis (Fil 2:5-8)!

Fil 2:5-8
⁵Laat dan die gesindheid wat daar in Christus Jesus was, ook in julle wees:
⁶Hoewel Hy in die gestalte van God was,
het Hy gelykheid aan God nie beskou as iets om aan vas te klem nie,
⁷maar Hy het Homself daarvan leeggemaak,|
deur die gestalte van ‘n slaaf aan te neem
en aan mense gelyk te word.
En toe Hy in die vorm van ‘n mens verskyn het,
⁸het Hy Homself verneder,
deurdat Hy gehoorsaam
geword het tot die dood toe,
ja, die dood aan die kruis.

As mens kom wys Jesus vir ons God se hart, praat Hy God se woorde en doen sy dade. Hy kom wys hoe God as ’n sendeling optree. Meer nog: Hy kom dra die somtotaal van die ongehoorsaamheid van God se mense en betaal daarvoor met sy bloed. (Vgl Job se gebed in Job 9:27-35.)

Job 9:27-35

²⁷As ek sê,
‘Ek wil my klagte vergeet,
my gesigsuitdrukking verander
en vrolik lyk,’
²⁸word ek bang vir al my lyding:
Ek weet dat U my nie sal vryspreek nie.
²⁹Ek is die een wat skuldig sal bly.
Waarom sou ek my dan nog vermoei vir niks?
³⁰Al was ek my met sneeuwater,
en reinig my hande met potas,
³¹sal U my steeds in ‘n kuil
dompel,
sodat selfs my klere my afstootlik vind.
³²“Ja, Hy is nie ‘n mens, soos ek,
dat ek my teenoor Hom kan verweer,
en ons saam na die gereg kan gaan nie.
³³As daar maar iemand was
wat die saak tussen ons kon besleg,
wat sy hand oor ons albei kon hou!
³⁴God sou sy staf van my moes verwyder;
sy verskrikking sou my dan nie ontstel nie.
³⁵Dan kon ek praat
sonder om Hom te vrees;
maar in my geval is dit nie so nie.

DIEPER DELF: Lees gerus Ps 49:8-16; Joh 4:34; 5:19-20; 14:6-11, 24; Rom 3:25-26; 1 Kor 6:19-20; 2 Kor 5:20-21; 1 Joh 1:7

Ps 49:8-16
⁸Een familielid kan nooit
‘n ander vrykoop nie,
hy kan nie aan God die losprys
vir hom betaal nie,
⁹want die vrykoopprys
vir hulle lewens is te hoog
en hy moet vir altyd daarvan afsien
¹⁰dat hy vir ewig kan leef
en die graf nie sal sien nie.
¹¹‘n Mens sien immers
dat wyse mense sterf;
saam met die dwaas
en die onverstandige vergaan hulle
en laat hulle besittings aan ander na.
¹²Hulle graf is hulle tuiste vir altyd,
hulle woning van geslag tot geslag.
Hulle noem stukke grond na hulleself,
¹³maar ‘n mens met skatte
is nie blywend nie;
hy is net soos die diere –
hulle gaan ten gronde;
¹⁴dit is hulle lewenspad,
dié wat vol selfvertroue is,
hulle einde,
dié wat van hulle eie uitsprake hou. •Sela

¹⁵Soos kleinvee is hulle
vir die •doderyk bestem,
die dood is hulle herder,
teen die môre heers opregtes oor hulle.
Hulle liggame is bestem
vir vertering deur die doderyk,
ver van hulle indrukwekkende wonings.
¹⁶Maar God sal my lewe vrykoop
uit die mag van die doderyk,
ja, Hy sal my wegneem. •Sela

Joh 4:34
³⁴En Jesus sê vir hulle: “My voedsel is om die wil te doen van Hom wat My gestuur het, en om sy werk te voltooi.

5:19-20
¹⁹Hierop het Jesus vir hulle gesê: “Amen, amen, Ek sê vir julle: Die Seun kan niks uit sy eie doen nie, behalwe wat Hy sien die Vader doen; want wat die Vader ook al doen, doen die Seun net so. ²⁰Die Vader het immers die Seun lief en wys Hom alles wat Hy self doen; en Hy sal Hom groter dade as dit wys, sodat julle verwonderd sal staan.

14:6-11, 24
⁶Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie. ⁷As julle My leer ken het, sal julle ook my Vader ken. En van nou af ken julle Hom, en het Hom reeds gesien.” ⁸Filippus sê toe vir Hom: “Here, wys ons die Vader, en dit is vir ons genoeg.” ⁹Jesus sê vir hom: “Ek is al so ‘n lang tyd by julle, en het jy My nie leer ken nie, Filippus? Wie My gesien het, het die Vader gesien. Waarom sê jy dan, ‘Wys ons die Vader?’ ¹⁰Glo jy dan nie dat Ek in die Vader is en die Vader in My nie? Die woorde wat Ek vir julle sê, sê Ek nie uit Myself nie, maar dit is die Vader wat in My bly en sy werke doen. ¹¹Glo My dat Ek in die Vader en die Vader in My is; of glo dan op grond van die werke self.

²⁴Wie My egter nie liefhet nie, neem nie my woorde ter harte nie. Die woorde wat julle hoor, is nie myne nie, maar dié van die Vader wat My gestuur het.

Rom 3:25-26
^25-26God het Hom, deur sy bloed, daargestel as versoeningsoffer wat deur die geloof verkry word, as bewys van sy geregtigheid; want so het Hy in sy verdraagsaamheid die sondes wat voorheen gedoen is, oorgesien. Hy het sy geregtigheid in die huidige tyd bewys om so regverdig te wees en dié wat in Jesus glo, regverdig te verklaar.

1 Kor 6:19-20
¹⁹Of weet julle nie dat julle liggaam, wat julle van God ontvang het, ‘n tempel is van die Heilige Gees in julle, en dat julle nie aan julleself behoort nie? ²⁰Want julle is duur gekoop. Verheerlik God dan met julle liggaam.

2 Kor 5:20-21
²⁰Ons tree dan op as gesante ter wille van Christus, asof God self deur ons ‘n beroep op julle doen. Ons pleit by julle, om Christus ontwil: Laat julle met God versoen! ²¹Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.

1 Joh 1:7
⁷maar as ons in die lig leef, soos wat Hy in die lig is, is ons aan mekaar verbonde, en reinig die bloed van Jesus, sy Seun, ons van elke sonde.

Stelling 03: God is steeds die eintlike Sendeling (Heilige Gees)

Lees Hand 1:4, 5; Gal 3:1-5

Hand 1:4, 5
⁴Terwyl Hy met hulle saamgeëet het, het Hy hulle beveel: “Moenie uit Jerusalem weggaan nie, maar bly wag op die Vader se belofte wat julle van My gehoor het. ⁵Want Johannes het wel met water gedoop, maar oor nie baie dae nie sal julle met die Heilige Gees gedoop word.”

Gal 3:1-5
EVANGELIE IN GALASIË
3¹O, julle dwase Galasiërs, wie het julle getoor – julle voor wie se oë Jesus •Christus voorheen as gekruisigde uitgebeeld is? ²Net dit wil ek van julle weet: Het julle die Gees ontvang op grond van die uitvoering van die wet, of op grond van julle geloof in wat julle gehoor het? ³Is julle so dwaas? Julle het met die Gees begin; wil julle nou met die vlees eindig? ⁴Het julle vergeefs soveel beleef? Indien wel, dan was dit inderdaad tevergeefs! ⁵Gee Hy dan vir julle die Gees, en verrig Hy kragtige dade onder julle, op grond van die uitvoering van die wet, of op grond van julle geloof in wat julle gehoor het?

Waarom moes die dissipels in Jerusalem bly?

Soos van die begin af, roep God steeds mense. Hy roep hulle na Hom en stuur hulle die wêreld in om van Hom te getuig om te doen dit wat God nog altyd bedoel het sy mense moet doen. God se mense moes egter nie sonder Hom probeer om die wêreld tot Hom terug te roep nie. Hy – die eintlike Sendeling (die Heilige Gees) – sou hulle meeneem in sy sending in die wêreld. Soos die Vader Jesus gestuur het die wêreld in en in sy persoon met Hom was, so stuur Hy sy dissipels uit met hierdie belofte: “En onthou: Ek is by julle al die dae tot die voleinding van die wêreld” (Matt 28:20).

DIEPER DELF: Lees gerus: Matt 10:19-20; Joh 15:26-27; 17:18,20; 20:21; Hand 1:4-8; Rom 8:1-17 (:9,15,16); 10:9-17; Fil 2:13; 4:13.

Matt 10:19-20
¹⁹En wanneer hulle julle oorlewer, moet julle julle nie bekommer oor hoe en wat julle moet sê nie, want wat julle moet sê, sal op daardie oomblik aan julle gegee word. ²⁰Dit is immers nie julle wat praat nie, maar die Gees van julle Vader wat deur julle praat.

Joh 15:26-27
²⁶“Wanneer die Parakleet kom wat Ek van die Vader af aan julle sal stuur, die Gees van die waarheid wat van die Vader uitgaan, sal Hy oor My getuig. ²⁷En julle moet ook getuig, omdat julle van die begin af by My is.

Joh 15:17:
¹⁷Dit beveel Ek julle: Julle moet mekaar liefhê.”

Joh 15:18,20;

¹⁸“As die wêreld julle haat, moet julle weet dat hy My voor julle gehaat het.
²⁰Onthou die woorde wat Ek vir julle gesê het: ‘n Slaaf is nie belangriker as sy eienaar nie. As hulle My vervolg het, sal hulle julle ook vervolg. As hulle my woorde gehoorsaam het, sal hulle ook julle woorde gehoorsaam.

Joh 20:21
²¹Jesus sê toe weer vir hulle: “Vrede vir julle! Soos die Vader My gestuur het, stuur Ek julle ook.”

Hand 1:4-8
⁴Terwyl Hy met hulle saamgeëet het, het Hy hulle beveel: “Moenie uit Jerusalem weggaan nie, maar bly wag op die Vader se belofte wat julle van My gehoor het. ⁵Want Johannes het wel met water gedoop, maar oor nie baie dae nie sal julle met die Heilige Gees gedoop word.”
JESUS SE HEMELVAART
⁶Toe hulle bymekaar was, het hulle Hom gevra: “Here, gaan U in hierdie tyd die koninkryk vir Israel weer oprig?” ⁷Maar Hy het hulle geantwoord: “Dit is nie vir julle om die tye en spesifieke geleenthede te ken wat die Vader in sy eie mag bepaal het nie. ⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Rom 8:1-17
‘N LEWE ONDER BEHEER VAN DIE GEES
8¹Daar is dan nou geen veroordeling vir diegene wat in •Christus Jesus is nie. ²Die wet van die Gees wat in Christus Jesus die lewe gee, het jou immers vrygemaak van die wet van die sonde en die dood. ³Dit waartoe die wet, verswak deur ons sondige aard, nie in staat was nie, het God gedoen: Deur sy eie Seun vanweë die sonde in die gestalte van ‘n sondige mens te stuur, het Hy die sonde in die mens veroordeel, ⁴sodat die vereiste van die wet in ons vervul kon word, ons wat nie volgens ons sondige aard leef nie, maar volgens die Gees. ⁵Wie volgens hulle sondige aard leef, bedink immers die dinge van hulle sondige aard, maar diegene wat volgens die Gees leef, bedink die dinge van die Gees. ⁶Die denke van ons sondige aard loop uit op die dood, maar die denke van die Gees bring lewe en vrede. ⁷Die denke van ons sondige aard is vyandskap teen God; dit onderwerp hom nie aan die wet van God nie, want dit kan ook nie. ⁸Wie in hulle sondige aard bly, kan God nie tevrede stel nie.

(Rom:9,15,16);
¹⁵Vir Moses sê Hy tog:
“Ek sal My ontferm
oor wie ook al
Ek My wil ontferm,
en Ek sal barmhartig wees
teenoor wie ook al
Ek barmhartig wil wees.”
¹⁶Dit berus dus nie by die mens wat wil en hom inspan nie, maar by God wat Hom ontferm.

Rom 10:9-17
⁹Want as jy met jou mond bely dat Jesus die Here is, en jy glo met jou hart dat God Hom uit die dood opgewek het, sal jy verlos word. ¹⁰Want met die hart glo ons, en word so regverdig verklaar; met die mond bely ons, en word so verlos. ¹¹Die Skrif sê tog: “Elkeen wat in Hom glo, sal nie beskaamd staan nie.” ¹²Dit maak inderdaad geen verskil of jy ‘n Jood of ‘n Griek is nie. Ons het almal dieselfde Here, en Hy deel sy rykdom uit aan almal wat Hom aanroep. ¹³Want “elkeen wat die Naam van die Here aanroep, sal verlos word.”

Fil 2:13;
¹³Want Hy wat die gewilligheid en die optrede in julle bewerk soos Hy dit goedvind, is God.

Fil 4:13
¹³Tot dit alles is ek in staat deur Hom wat my krag gee.

Opsomming:
God (die Vader) het sending in sy hart; God (die Seun) word self
sendeling; God (die Heilige Gees) sit die sending voort.

God maak egter ook van mense gebruik. Hy roep hulle (ons, sy Kerk!) om sy medesendelinge (mede-gestuurdes) te wees. Moet dit net nooit sonder Hom probeer doen nie!

DIEPER DELF: Lees gerus: Jes 43:10-12; 49:1-6; Joh 15:5; 1 Kor 3:6-9.

Jes 43:10-12
¹⁰“Julle is my getuies,”
is die uitspraak van die Here,
“my dienskneg wat Ek uitgekies het,
sodat julle My kan ken,
in My kan glo,
en kan insien dat dit Ek is.
Voor My is daar nie ‘n god gevorm nie,
en ná My sal daar nie een wees nie.
¹¹Ek, ja, Ek is die Here,
en daar is geen verlosser
buiten My nie.
¹²Ek is die Een
wat dit bekend gemaak het;
Ek het verlos
en dit aangekondig –
Ek, nie ‘n vreemde onder julle nie.
En julle is my getuies,”
is die uitspraak van die Here,
“dat Ek God is.

Jes 49:1-6
49¹Luister na my, eilande,
gee aandag, afgeleë nasies!
Die Here het my reeds geroep
toe ek in die moederskoot was;
Hy het reeds my naam genoem
toe ek in my moeder se liggaam was.
²Hy het my mond
soos ‘n skerp swaard gemaak,
in die skaduwee van sy hand
het Hy my weggesteek.
Hy het my ‘n geslypte pyl gemaak,
in sy pylkoker het Hy my versteek.
³Hy het vir my gesê:
“Jy is my dienskneg, Israel,
deur wie Ek my heerlikheid toon.”
⁴Ek het egter gedink:
Tevergeefs het ek my
moeg gemaak.
Verniet, vrugteloos het ek
my kragte ingespan.
En tog, die beslissing oor my
lê by die Here,
my beloning is by my God.
⁵Maar nou, die Here het gepraat
– Hy wat my in die moederskoot
al gevorm het as ‘n dienskneg
vir Hom –
sodat ek Jakob na Hom
kan terugbring,
sodat Israel vir Hom
byeengebring kan word.
In die oë van die Here word ek geëer;
my God het my krag geword.
⁶Hy het gesê: “Dit is nie genoeg
dat jy vir My ‘n dienskneg is
om die stamme van Jakob op te rig nie,
om dié wat bewaar gebly het van Israel,
te laat terugkeer nie.
Ek gee jou as ‘n lig vir nasies,
sodat my heil sal strek tot aan
die uiteindes van die aarde.”

Joh 15:5
⁵Ek is die druiwestok, julle die lote. Wie in My bly en Ek in hom, hy dra baie vrug, want sonder My kan julle niks doen nie.

1 Kor 3:6-9
⁶Ek het geplant, Apollos het natgegooi, maar God het laat groei. ⁷Daarom is nóg hy wat plant, nóg hy wat natgooi iets, maar slegs God wat laat groei. ⁸Dit is een wat plant, en dit is een wat natgooi, en elkeen sal sy loon volgens sy eie arbeid ontvang. ⁹Ons is medewerkers van God; julle is God se saailand, God se bouwerk.

Oordink die volgende vrae en reageer deur daarop te antwoord:

Is jy ’n sendeling?

Watter soort sendeling?

Watter plek het die Heilige Gees regtig in jou daaglikse lewe?

Kan jy getuig van God se uitreik na die wêreld deur jou lewe?

Beleef jy dat God na jou uitreik?

Hoe reik God na jou uit?

Erken dat jou lewe in God se hande is en dat Hy gekies het om ook vir jou as instrument van sy seën in die wêreld te gebruik. Wat ŉ voorreg! Loof Hom daarvoor (Vgl Gal 1:15.¹⁵Toe God dit egter goedgevind het – Hy wat my afgesonder het van voor my geboorte af en my deur sy genade geroep het –)

DIEPER DELF: handboek, p 37-39
Lees gerus ook Gen 12:3; Rom 9:6-8; 1 Kor 3:6-9; 12:3; 2 Kor 3:5; 4:13-15; Gal 3:7-9,14.

Gen 12:3
³Ek sal hulle seën wat jou seën,
maar wie jou verwens,
sal Ek vervloek.
En deur jou sal al die grootfamilies
van die aarde geseënd wees.”

Rom 9:6-8
⁶Dit is nie asof die woord van God nou gefaal het nie. Want nie almal wat uit Israel afkomstig is, is die ware Israel nie. ⁷Ook is nie almal wat nageslag van Abraham is, sy kinders nie. Inteendeel, daar staan: “Dit is deur Isak dat jou nageslag benoem sal word.” ⁸Dit wil sê: Dit is nie die kinders na die liggaam wat kinders van God is nie, maar die kinders na die belofte, word as nageslag beskou.

1 Kor 12:3
³Daarom maak ek aan julle bekend dat niemand wat deur die Gees van God praat, sê “Jesus is vervloek!” nie, en niemand kan sê “Jesus is die Here!” behalwe deur die Heilige Gees nie.

2 Kor 3:5
⁵Nie dat ons uit onsself bekwaam is om te reken dat iets uit onsself kom nie – nee, ons bekwaamheid kom van God.

Gal 3:7-9,14
⁷Besef dan: Die mense wat uit die geloof is, dié is kinders van Abraham. ⁸En omdat die Skrif dit vooruit gesien het dat God die heidene op grond van geloof regverdig sou verklaar, het die Skrif die evangelie reeds vooraf aan Abraham verkondig: “In jou sal al die nasies geseën word.” ⁹Daarom word die mense wat glo, saam met die gelowige Abraham geseën.

¹⁴Die doel was dat die seën wat Abraham ontvang het in Christus Jesus, na die nasies sou gaan, en dat ons die Gees wat beloof is, deur die geloof sou ontvang.

OPMERKING: God soek nie ’n kerk of gemeente met ’n sending- of getuienisaksie nie, maar ’n gestuurde kerk! Gesels vandag met iemand hieroor en probeer bepaal wat die verskil is.

Onthou om die bladsy vir die week se groepgesprek te voltooi!

WEEK-2_GROEPGESPREK Laai af …

Inhoudsopgawe

Kopiereg
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

1 November 202229 Desember 2022

Week 02 Dag 07 – Wat soek ek en waar? – Ons is die plan: 9 Weke van Transformasie

Dag 7
Wat sê God?
Week 2
Die inhoud van die plan

Wat soek ek en waar?

Gister het jy nagedink oor die besondere doel wat God met jou lewe het, maar vandag gaan jy die rol van ’n ontdekkingsreisiger speel. As God dan met ons as individue ’n spesifieke plan het, is dit nie moeilik om te verstaan dat Hy ook met sy mense (kollektief), die Kerk, ’n besondere plan het nie.
Voordat ons by sy besondere plan kom, moet ons eers die breë raamwerk verstaan – kom ons noem dit God se algemene of universele plan. Sy universele plan skep die raamwerk waarbinne ek dinge moet verstaan. Dit het te doen met wat geleerdes ’n wêreld- en lewensbeskouing noem. Wat soek ek waar? Dis ’n snaakse opskrif vir vandag se onderwerp. Jy kan maar solank die wat vervang met die woorde die plan . Dis mos wat ons wil weet: Waar kry ons God se plan? Waar openbaar Hy dit aan ons? Alhoewel Hy ook medegelowiges (die Kerk), sy hele skepping en omstandighede gebruik om sy wil te openbaar, doen Hy dit primêr deur sy Woord – die Bybel. Dus, as ons na God se algemene of universele plan soek, is die Bybel die bron om te raadpleeg.

Ek wil hê jy moet dit self ontdek. Gelukkig gee God deur sy Gees die insig en onderskeiding wat ons nodig het om sy Woord te kan verstaan. Daarom moet jy eers in jouself rustig raak, gefokus wees en jouself oopstel vir sy leiding. Miskien is daar iets wat jy eers moet bely – iets wat jou pla, jou verhouding met Hom beïnvloed. Doen dit nou …

Lees Ef 3.
Efesiers 3
PAULUS SE DIENSWERK ONDER DIE HEIDENE

3¹Om hierdie rede is ek, Paulus, die gevangene van •Christus Jesus, ter wille van julle, die heidene.
²Julle het tog gehoor dat die taak van die bediening van God se genade teenoor julle aan my toevertrou is. ³Deur openbaring is die geheimenis aan my bekend gemaak, soos ek reeds kortliks geskryf het. ⁴Wanneer julle dit lees, sal julle daardeur my insig in die geheimenis van Christus kan begryp. ⁵Die geheimenis is nie aan vorige geslagte onder die mensdom bekend gemaak, soos dit tans deur die Gees aan sy heilige •apostels en profete geopenbaar is nie, ⁶naamlik dat die heidene deur die evangelie mede-erfgename, medelede van die liggaam en deelgenote aan die belofte in Christus Jesus is. ⁷Van dié evangelie het ek ‘n dienaar geword, ooreenkomstig die gawe van God se genade wat aan my betoon is volgens die werking van sy krag. ⁸Aan my, minder as die geringste van al die •heiliges, is hierdie genade geskenk, om aan die heidene die evangelie van die onpeilbare rykdom van Christus te verkondig, ⁹en om almal in te lig wat die uitvoering van die geheimenis is wat vir eeue lank verborge was in God, wat alle dinge geskep het. ¹⁰Gevolglik kan die ryklik geskakeerde wysheid van God nou deur die •kerk aan die owerhede en die magte in die hemel bekend gemaak word, ¹¹ooreenkomstig sy ewige voorneme, wat Hy gemaak het in Christus Jesus, ons Here. ¹²In Hom het ons, deur ons geloof in Hom, ‘n seker en vrymoedige toegang tot God. ¹³Daarom versoek ek julle om nie moedeloos te word as gevolg van my verdrukking ter wille van julle nie. Dit sal julle tot eer strek.

PAULUS SE GEBED VIR DIE LESERS

¹⁴Om hierdie rede buig ek my knieë voor die Vader, ¹⁵van wie elke geslag in die hemel en op aarde sy naam ontvang. ¹⁶Ek bid dat Hy vir julle na die rykdom van sy heerlikheid dít sal skenk:
om deur sy Gees met krag
na die innerlike mens versterk te word,
¹⁷sodat •Christus deur die geloof
in julle harte mag woon,
terwyl julle in die liefde
gewortel en gegrond is,
¹⁸sodat julle volledig in staat mag wees
om saam met al die •heiliges
tot die besef te kom
van die breedte en die lengte
en die hoogte en die diepte,
¹⁹ja, om die liefde van Christus te leer ken, wat alle begrip te bowe gaan,
sodat julle gevul mag word
met al die volheid van God.

LOFPRYSING

Vul nou die 5 ontbrekende kernbegrippe hieronder in waarvan jy in vers 9-11 gelees het:
Efesiers 3: 9 – 11 (’83/’92 Vertaling)
⁹Ek moet aan almal bekend maak hoe God, die Skepper van alle dinge, nou sy verborge plan uitvoer nadat Hy dit deur al die eeue geheim laat bly het. ¹⁰Maar nou het God die ryke verskeidenheid van sy wysheid deur die kerk bekend laat word aan elke mag en gesag in die hemelruim, ¹¹soos Hy Hom van ewigheid af al voorgeneem het om dit deur Christus Jesus, ons Here, tot uitvoering te bring.

“Ek moet aan almal bekend maak hoe God, die Skepper van alle dinge, nou sy ______________ uitvoer nadat Hy dit deur al die eeue geheim laat bly het. Maar nou het God die ryke verskeidenheid van sy wysheid __________ bekend laat word aan elke mag en gesag in die hemelruim, soos Hy Hom ________ af al voorgeneem het om dit __________, ___, tot ____ te bring.”

Skryf die begrippe onder mekaar in die volgende tabel neer en langs elkeen wat dit vir jou openbaar van God se plan:

	Bybelse begrip	Wat openbaar dit van God se plan?
1
2
3
4
5

Kyk of ons saamstem. Ek sal dit só opsom. Ons sou kon sê dat God se plan op twee pilare staan.
Die eerste pilaar: God se Plan het ’n gestalte – dié van Jesus Christus, ons Here. Alhoewel hierdie plan deur al die eeue ’n geheim was, kan ’n mens amper sê die geheim is nou uit! In en deur Jesus het die geheim nou uitgekom . Dis nie meer ’n geheim nie!
Pilaar nommer twee: Paulus sê ’n kritiese ding. Die feit dat God se plan in die gestalte van Jesus tot vervulling gekom het, moet deur die kerk verkondig word! Anders sou ons kon sê dat die geheim steeds ’n geheim bly!
En sommer net om seker te maak dat ons verlede week se studies goed verstaan het en om alle twyfel uit die weg te ruim, skryf Paulus weer dat hierdie plan op twee pilare nie iewers uit nood gebore is nie. Nee, dit was nog altyd God se bedoeling!
Kom ons teken dit:

In populêre taal sou ons byna kon sê ons rol is om die geheim te verklap – om seker te maak dat dit uitlek ! Wat beteken dit? Hoe moet ons dit doen?

Eenvoudig gestel: Ons doen dit deur ons woorde en dade. Kom ons dink bietjie hieroor. Ons moet die Plan dus praat en leef, sodat mense daardeur bewus word van hoe lief God die wêreld het. God se plan is dat ALMAL die goeie nuus moet hoor. Ons moenie net aan hoor dink as klanke opvang nie. Daar moet só gehoor word dat dit regtig verstaan word as relevante en belangrike nuus. Trouens, hopelik moet dit regtig as Goeie Nuus gehoor word wat lewens verander.

Paulus en die ander apostels het maar net met die werk begin. Die Kerk oor die afgelope 20 eeue het merkwaardig met die bekendmaking van die Plan gevorder (i) Vandag noem 1 uit 3 mense hulleself Christene en (ii) die Kerk van Christus is feitlik orals gevestig. (iii) Maar meer mense as ooit tevore het nog nie só gehoor dat hulle positief gereageer het nie. (iv) En dan is daar altyd ’n nuwe geslag wat nog glad nie gehoor het nie

Nog nooit was dit so maklik om die hele wêreld te bereik nie, maar dalk is dit moeiliker as ooit om gehoor te word!

Nou wonder ek – sou daar mense wees wat dalk nie die nuus hoef te hoor nie?

In die Bybelse tyd was dit bitter moeilik om kerkmense te oortuig dat die nuus ook vir nie-Jode bedoel was. Petrus en Paulus, asook ander wat soos hulle gevoel het, het baie teenstand beleef. Die eerste sinode is selfs daaroor gehou (Hand 15).

In ons tyd is die algemene gevoel weer dat die verspreiding van hierdie Nuus (noem dit sending as jy wil) net vir hulle bedoel is Hulle wat daar ver is, anderskleuriges, anderstaliges, dié anderkant die treinspoor.

Nee, daar is nie mense wat te sleg of te goed is om van hierdie geheim te hoor nie. Die Goeie Nuus moet by almal uitkom. Onthou, daar is baie gedaantes van ongeloof.

Dit alles beteken dat die bekendmaking deur woorde en dade HIER begin. Dit gebeur by die raakpunt van geloof en ongeloof – daar waar die koningskap van Christus aanstoot gee teen dit wat nie van God is nie. Eintlik begin dit alles in my eie hart, waar die stukke ongeloof en ongehoorsaamheid gekonfronteer word. Sending begin in die kerk (Hand 10:1-11:18), waar die prioriteite omgedraai moet word, sending begin in my huis, in my straat…

Hand 10:1-11:18

10¹Daar was ‘n man in Caesarea bekend as Cornelius, ‘n centurio van die sogenaamde Italiaanse kohort soldate. ²Hy, en ook sy hele huis, was godsdienstig en godvresend, het baie liefdadigheid aan die volk bewys en gereeld tot God gebid. ³Hy het teen die negende uur van die dag in ‘n visioen duidelik ‘n engel van God na hom sien binnekom wat vir hom sê: “Cornelius!” ⁴Hy het stip na hom gestaar en beangs gevra: “Wat is dit, Meneer?” Toe antwoord hy hom: “Jou gebede en jou liefdadigheid het tot ‘n gedenkoffer voor God opgestyg. ⁵Stuur dan nou mans na Joppe om iemand met die naam Simon, ook bekend as •Petrus, te gaan haal. ⁶Hy gaan tuis by ‘n sekere Simon, die leerlooier, wie se huis langs die see staan.” ⁷Toe die engel wat met hom gepraat het weg is, roep hy twee van sy huisbediendes en ‘n godvresende soldaat, een van hulle wat hom dien, ⁸en nadat hy hulle alles vertel het, stuur hy hulle na Joppe.

⁹Die volgende dag, terwyl hulle op reis was en al amper by die stad, het Petrus teen ongeveer die sesde uur na die dakstoep opgeklim om te gaan bid. ¹⁰Hy het honger geword en wou eet. Terwyl hulle besig was om die maaltyd voor te berei, het hy in geestesvervoering geraak. ¹¹Hy sien toe die hemel geopen, en iets soos ‘n groot linnedoek wat afsak en aan sy vier hoeke op die aarde neergelaat word. ¹²Daarin was allerhande viervoetige en kruipende diere van die aarde en voëls van die hemel. ¹³Toe kom daar ‘n stem tot hom: “Staan op, Petrus, slag en eet!” ¹⁴Maar Petrus het geantwoord: “Onder geen omstandighede nie, Here! Want ek het nog nooit iets wat besoedel of •onrein is geëet nie.” ¹⁵Maar die stem het weer, ‘n tweede keer, na hom gekom: “Wat God rein gemaak het, mag jy nie as onrein beskou nie.” ¹⁶Dit het drie maal gebeur, en die voorwerp is dadelik weer in die hemel opgeneem.

¹⁷Petrus was nog aan die twyfel oor wat die visioen wat hy gesien het, kon beteken, toe die mans wat deur Cornelius gestuur is, skielik by die poort aankom, nadat hulle oor Simon se huis navraag gedoen het. ¹⁸Hulle roep toe en vra of Simon, ook bekend as Petrus, daar tuisgaan. ¹⁹Terwyl Petrus nog nadink oor die visioen, sê die Gees vir hom: “Kyk, daar is drie manne wat na jou soek. ²⁰Maak gereed, klim af en gaan sonder aarseling saam met hulle, want Ek het hulle gestuur.” ²¹En Petrus het afgeklim na die mans en gesê: “Kyk, dit is vir my wat julle soek. Waarom is julle hier?” ²²En hulle het geantwoord: “Cornelius, die centurio, ‘n regverdige en godvresende man, iemand oor wie die hele Joodse volk goeie getuienis gelewer het, het deur ‘n heilige engel ‘n openbaring ontvang om u na sy huis te laat kom en te luister na u woorde.” ²³Toe het Petrus hulle binnegenooi en as gaste verwelkom.

En nadat hy die volgende dag gereedgemaak het, het hy saam met hulle vertrek, en sommige van die broers uit Joppe het hom vergesel. ²⁴Die dag daarna het hy in Caesarea aangekom. Cornelius was hulle te wagte, en het reeds sy familie en naaste vriende bymekaar laat kom. ²⁵Toe Petrus binnekom, het Cornelius hom tegemoetgegaan, voor sy voete neergeval en hom begin aanbid. ²⁶Maar Petrus het hom opgehelp met die woorde: “Staan op, ek self is ook net ‘n mens.” ²⁷En terwyl hy met hom praat, het hy na binne gegaan en daar baie mense bymekaar aangetref. ²⁸Hy het vir hulle gesê: “Julle weet dat dit vir ‘n Joodse man verbode is om met iemand van ‘n ander volk te assosieer of hom te besoek. God het egter aan my getoon dat ek geen mens as besoedel of onrein mag beskou nie. ²⁹Daarom het ek sonder huiwering gekom toe ek ontbied is. Nou vra ek, waarom het julle my ontbied?” ³⁰Cornelius antwoord toe: “Vier dae gelede was ek teen hierdie tyd, op die negende uur, besig om in my huis te bid. Opeens staan daar toe ‘n man in ‘n stralende gewaad voor my ³¹en sê, ‘Cornelius, jou gebed is verhoor en jou liefdadigheid het voor God in herinnering gekom. ³²Stuur dan iemand na Joppe en laat haal Simon, ook bekend as Petrus. Hy is ‘n gas van Simon, die leerlooier, by ‘n huis langs die see.’ ³³Ek het toe onmiddellik mense na u gestuur, en dit is goed dat u gekom het. Hier is ons nou almal in die teenwoordigheid van God aanwesig om alles te hoor wat deur die Here aan u opgedra is.”

PETRUS SE TOESPRAAK BY CORNELIUS

³⁴Petrus het toe begin praat en gesê: “Ek besef nou werklik dat God niemand volgens sy uiterlike beoordeel nie, ³⁵maar dat die mens wat ontsag vir Hom het en doen wat reg is, uit watter nasie hy ook mag wees, vir Hom aanvaarbaar is. ³⁶Dít is die boodskap wat Hy vir die kinders van Israel gestuur het toe Hy die evangelie van vrede wat deur Jesus Christus gekom het, verkondig het: Hy is die Here van alle mense. ³⁷Julle weet wat dwarsdeur Judea gebeur het – dit het begin in Galilea, ná die doop wat Johannes verkondig het – ³⁸hoe God Jesus van Nasaret met die Heilige Gees en met krag gesalf het. Hy het die land deurreis, goed gedoen en almal wat onder die mag van die Duiwel was, genees, omdat God met Hom was. ³⁹Ons is getuies van alles wat Hy in die land van die Jode en in Jerusalem gedoen het. Maar hulle het Hom omgebring deur Hom aan ‘n kruishout op te hang. ⁴⁰Vir Hom het God op die derde dag opgewek, en beskik dat Hy verskyn – ⁴¹nie aan die hele volk nie, maar aan getuies wat vroeër reeds deur God aangewys is – aan ons wat saam met Hom geëet en gedrink het nadat Hy uit die dood opgestaan het. ⁴²En Hy het ons beveel om aan die volk te verkondig en kragtig te getuig dat dit Hy is wat deur God aangewys is as Regter oor die lewendes en die dooies. ⁴³Oor Hom getuig al die profete dat elkeen wat in Hom glo, deur sy Naam vergewing van sondes ontvang.”

DIE HEILIGE GEES AAN HEIDENE

⁴⁴Petrus was nog aan die woord, toe die Heilige Gees op almal wat na die toespraak luister, neerdaal. ⁴⁵Die gelowiges uit die besnydenis, almal wat saam met •Petrus gekom het, was uiters verbaas dat die gawe van die Heilige Gees selfs op die heidene uitgestort is. ⁴⁶Hulle het immers gehoor hoe hulle in tale spreek en God loof. Toe sê Petrus: ⁴⁷“Niemand kan tog verhinder dat hierdie mense, wat net soos ons die Heilige Gees ontvang het, met water gedoop word nie?” ⁴⁸En hy het opdrag gegee dat hulle in die Naam van Jesus •Christus gedoop word. Toe het hulle hom gevra om nog ‘n paar dae aan te bly.

11¹Die •apostels en die broers dwarsdeur Judea het gehoor dat ook die heidene die woord van God aanvaar het. ²Toe •Petrus na Jerusalem opgegaan het, het diegene wat besny is, met hom geargumenteer ³en gesê: “Jy was by onbesnede mans aan huis en het saam met hulle geëet.” ⁴Daarop het Petrus dit soos volg stap vir stap vir hulle begin uitlê: ⁵“Ek was in die stad Joppe besig om te bid, en in ekstase het ek ‘n visioen gesien: iets soos ‘n groot linnedoek wat afsak en wat aan sy vier hoeke uit die hemel neergelaat word; en dit het tot by my gekom. ⁶En ek het aandagtig daarna gekyk, en opgemerk, en viervoetige diere van die aarde en wilde diere en kruipende diere, asook voëls van die hemel gesien. ⁷Ek het ook ‘n stem vir my hoor sê, ‘Staan op, Petrus, slag en eet!’ ⁸Maar ek het geantwoord, ‘Onder geen omstandighede nie, Here! Want niks wat besoedel of •onrein is, het al ooit by my mond ingegaan nie.’ ⁹Die stem het toe ‘n tweede keer uit die hemel geantwoord, ‘Wat God rein gemaak het, mag jy nie as onrein beskou nie.’ ¹⁰Dit het drie maal gebeur, en toe is alles weer in die hemel opgetrek. ¹¹En kyk, skielik het daar drie mans wat van Caesarea af na my gestuur is, aangekom by die huis waar ons was. ¹²En die Gees het vir my gesê dat ek sonder aarseling saam met hulle moes gaan. Hierdie ses broers het toe saam met my gegaan en ons het die man se huis binnegegaan. ¹³Daarop het hy ons vertel hoe hy die engel in sy huis sien staan het wat vir hom sê, ‘Stuur manne na Joppe en laat haal Simon, ook bekend as Petrus. ¹⁴Hy sal vir jou ‘n boodskap meedeel waardeur jy verlos sal word – jy en jou hele huis.’ ¹⁵En toe ek begin praat, het die Heilige Gees op hulle neergedaal, net soos aanvanklik ook op ons. ¹⁶Ek het egter die woord van die Here onthou, toe Hy gesê het, ‘Johannes het wel met water gedoop, maar julle sal met die Heilige Gees gedoop word.’ ¹⁷As God dan aan hulle dieselfde gawe gegee het as aan ons wat in die Here Jesus Christus glo, wie was ek dan dat ek God sou verhinder?” ¹⁸Toe hulle dit hoor, het hulle geswyg en God verheerlik en gesê: “So het God dus ook aan die heidene die bekering tot die lewe geskenk.”

Iemand het gesê: “Soms moet die kerk eers tot bekering kom voordat die Heilige Gees ons kan gebruik as instrumente van bekering na buite.”
Hoe voel jy oor hierdie stelling? Dink aan ’n paar terreine waar die kerk (julle plaaslike gemeente) sal moet verander / bekeer en skryf dit neer. (Vgl ook Rom 12:1-2; Ef 5:10.)

Romeine 12:1-2
12¹Broers, op grond van die barmhartigheid van God roep ek julle dus nou op om julle liggame beskikbaar te stel as ‘n offer wat lewend en heilig is, en vir God aanneemlik. Dit is julle sinvolle godsdiens. ²Julle moenie aan hierdie wêreld gelykvormig wees nie, maar verander word deur die vernuwing van julle denke, sodat julle goed kan onderskei wat die goeie en aanneemlike en volmaakte wil van God is.

Efesiers 5:10
¹⁰Beproef wat vir die Here aanneemlik is.

Wat wil die Here hê moet jy nou gaan doen ter wille van sy wil en sy koninkryk?

Trouens, sending kan nie daar ver, by die uiteindes van die wêreld, gedoen word as dit nie hier begin is nie. Die bekendmaak van die Goeie Nuus begin binne-in die gelowige en kring uit in steeds wyer kringe oral waar God se mense hulle bevind in antwoord op God se roepstem en opdrag.

Hoe vaar jy as iemand wat die geheim moet bekendmaak ? Praat hieroor met Hom wat jou wil gebruik om sy Plan tot uitvoer te bring. (Kyk of jy die lied I Surrender all in die hande kan kry en luister dan biddend daarna.)

DIEPER DELF: handboek, p 31-36
Lees gerus Gen 12:3; Ps 73:28; Matt 28:19; Joh 3:16; Hand 1:8; 2 Kor 5:14-6:1.

Gen 12:3
³Ek sal hulle seën wat jou seën,
maar wie jou verwens,
sal Ek vervloek.
En deur jou sal al die grootfamilies
van die aarde geseënd wees.”

Ps 73:28
²⁸Maar wat my betref,
die nabyheid van God is vir my goed.
Ek het my Heer, die Here,
my skuilplek gemaak,
sodat ek van al u werk kan vertel.

Matt 28:19
¹⁹Gaan dan en maak dissipels van al die nasies, deur hulle te doop in die Naam van die Vader en van die Seun en van die Heilige Gees,

Joh 3:16
¹⁶Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê.

Hand 1:8
⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

2 Kor 5:14-6:1

¹⁴Die liefde van •Christus dryf ons, omdat ons tot dié insig gekom het dat, indien Een vir almal gesterf het, almal dan gesterf het; ¹⁵en Hy het ter wille van almal gesterf, sodat dié wat leef, nie meer vir hulleself sal leef nie, maar vir Hom wat ter wille van hulle gesterf het en opgewek is.

¹⁶Gevolglik ken ons van nou af niemand meer na sy uiterlike nie. Selfs al het ons Christus eens na die uiterlike leer ken, ken ons Hom nou nie meer so nie. ¹⁷Daarom, as iemand in Christus is, is hy ‘n nuwe skepping. Die ou dinge het verbygegaan – kyk, hulle het nuut geword. ¹⁸En dit alles kom van God af, wat ons deur Christus met Homself versoen het, en aan ons die bediening van die versoening gegee het. ¹⁹Dit bestaan daarin dat God in Christus die wêreld met Homself versoen het deur hulle nie hulle oortredings toe te reken nie; en Hy het aan ons die boodskap van versoening toevertrou. ²⁰Ons tree dan op as gesante ter wille van Christus, asof God self deur ons ‘n beroep op julle doen. Ons pleit by julle, om Christus ontwil: Laat julle met God versoen! ²¹Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.
6¹As medewerkers van God doen ons ‘n ernstige beroep op julle om nie die genade van God tevergeefs te ontvang nie!

Sien Figuur 2 in Bylae 2, p 171

WENK: God wil jou gebruik om sy Plan tot uitvoer te bring. Skryf die dinge neer waarvan jy nou in jou gesprek met Hom, bewus geraak het.
Rig nou jou lewe daarvolgens in en verander koers indien nodig.

Onthou om die bladsy vir die week se groepgesprek te voltooi!

WEEK-2_GROEPGESPREK Laai af …

Inhoudsopgawe

Kopiereg:
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

1 November 202229 Desember 2022

Week 02 Dag 06 – Padkaart – Ons is die plan: 9 Weke van Transformasie

Dag 6
Wat sê God?
Week 2
Die Plan

PADKAART

Jy gaan hierdie week weer met ’n luistersessie begin.
As ek jou sou vra wat die Here se spesifieke en besondere wil vir jou lewe is, wat sal jy antwoord? Ek weet ons kan maklik verval in ’n klomp mooiklinkende en korrekte geestelike cliches, byvoorbeeld: Om elke dag vir Hom te leef, of om tot sy eer te lewe, of Hom met alles wat ek doen te verheerlik. Dit is nie waarvan ek praat nie – ek soek ’n praktiese antwoord. Sou jy ’n padkaart kon teken van waarheen die Here met jou op pad is?

Miskien moet jy eers diep dink oor die volgende vraag: Het die Here ’n spesifieke, besondere en unieke doel met jou lewe, of het Hy net ’n breë, algemene plan waarby alle mense op een of ander manier inskakel?

Moenie net oor hierdie wesenlike vraag dink nie – praat ook met Hom daaroor.

Die Bybel gee vir ons die beeld dat God Homself met die kleinste en fynste detail van sy skepping en skepsels bemoei. Kan jy dink aan Bybelse voorbeelde? Skryf die voorbeelde waaraan jy dink hier neer:

Lees gerus Jer 1:5; Luk 12:7, of dink aan Bybelse profesieë wat in die fynste detail waar word, of dink sommer net aan die skepping en die ongelooflike presisie wat ons daarin kan sien…

Jer 1:5
⁵“Nog voordat Ek jou gevorm het
die baarmoeder,
het Ek jou geken;
nog voordat jy uitgegaan het
uit die moederskoot,
het Ek jou geheilig.
As profeet vir die nasies
het Ek jou bestem.”

Luk 12:7
⁷Selfs die hare op julle kop is almal getel. Moenie bang wees nie – julle is meer werd as baie mossies.”

As ons saamstem dat God met jou lewe ’n baie besondere doel het, wil ek vra dat jy vandag daaroor sal dink en bid. Kom ek probeer jou daarmee help.

DIEPER DELF (oor God se plan): Vgl ook Jes 46:11; 49:3; Jer 29:11a; 30:24; Miga 4:12.

Jes 46:11
¹¹Ek wat uit die ooste ‘n roofvoël roep,
van ‘n ver land af iemand roep
vir my raadsbesluit.
Ja, Ek het dit aangekondig;
Ek sal dit beslis laat gebeur.
Ek het dit gereedgemaak;
Ek sal dit beslis uitvoer.

49:3
³Hy het vir my gesê:
“Jy is my dienskneg, Israel,
deur wie Ek my heerlikheid toon.”

Jer 29:11a
¹¹Ja, Ek ken die planne wat Ek vir julle het,” is die uitspraak van die Here.

30:24
²⁴Die brandende toorn van die Here
sal nie bedaar nie,
totdat Hy die planne van sy hart uitgevoer,
dit tot stand gebring het.
Aan die einde van die dae
sal julle dit verstaan.

Miga 4:12
¹²Húlle weet egter nie
wat die Here beplan nie
en hulle verstaan nie sy besluite nie,
dat Hy hulle soos gerwe
op ‘n dorsvloer
bymekaargemaak het.

Die Here maak nie jakkalsdraaie met sy kinders nie. Hy is ook nie met ’n raai-raai speletjie besig waarin Hy sy wil wegsteek en ons dit moet probeer vind nie. Hy wil hê ons moet sy wil ken – en uitvoer! Ek het al agtergekom dat ons baie te wete kom van waarheen God met ons op pad is as ons terugkyk na ons verlede. Meermale is daar ’n duidelike lyn wat deur ons verlede loop en iets openbaar van wat God in en deur ons lewens wil doen. Probeer gerus terugdink aan die bakens in jou verlede.

DIEPER DELF: Vgl ook Miga 6:8; Jak 1:22-27; Matt 7:21-23; 15:8-9; Rom 2:13.

Miga 6:8
⁸Hy het aan jou, mens,
bekend gemaak wat goed is:
Wat anders eis die Here van jou
as om net te doen wat reg is,
om troue liefde te bewys
en om nederig die pad
saam met jou God te loop?

Jak 1:22-27
²²Wees doeners van die woord, en nie slegs hoorders wat julleself mislei nie. ²³Want wie ‘n hoorder van die woord is en nie ‘n doener nie, is soos iemand wat sy eie gesig in ‘n spieël sien. ²⁴Hy sien homself, gaan weg en vergeet onmiddellik hoe hy gelyk het. ²⁵Maar wie diep in die volmaakte wet van vryheid inkyk en daaraan hou, sal gelukkig wees in wat hy doen, omdat hy nie ‘n vergeetagtige hoorder is nie, maar ‘n doener. ²⁶As iemand dink dat hy godsdienstig is en nie sy tong kan beheer nie, mislei hy homself; so ‘n mens se godsdiens is vergeefs. ²⁷Dít is suiwer en onbesmette godsdiens voor ons God en Vader: om na weeskinders en weduwees om te sien in hulle ellende, en jouself onbesmet van die wêreld te hou.

Matt 7:21-23
²¹“Nie elkeen wat vir My sê, ‘Here, Here,’ sal ingaan in die •koninkryk van die hemele nie, maar net diegene wat die wil doen van my Vader in die hemele. ²²Baie sal op daardie dag vir My sê, ‘Here, Here, het ons nie in u Naam geprofeteer en in u Naam demone uitgedryf en in u Naam baie kragtige dade verrig nie?’ ²³Dan sal Ek openlik vir hulle sê, ‘Ek het julle nooit geken nie. Gaan weg van My, julle wat wetteloosheid bedryf!’ ”

15:8-9
⁸“ ‘Hierdie volk eer My met die lippe,
maar hulle harte is ver van My af;
⁹tevergeefs vereer hulle My,
want hulle onderrig as leerstellings die voorskrifte van mense.’ ”

Rom 2:13
¹³Dit is tog nie die blote hoorders van die wet wat voor God regverdig is nie, maar dit is die daders van die wet wat geregverdig sal word.

Hieronder is ’n leë strokiesprent – behalwe vir jou geboorte. Begin deur jou geboortedatum in die blokkie in te vul. Nou kan jy die blokkies voor jou geboorte invul – jy kan prentjies daarvan teken of woorde gebruik. Miskien is dit opmerklik dat baie van jou voorsate miskien sendelinge was – dan teken jy dit in die voorgeboorte blokkies. Nou kan jy belangrike momente in jou eie lewe invul – dit help soms om datums of tydperke hieraan te koppel. Teken, skryf, dink voltooi die strokiesprent van jou lewe waarin jy die hoofkarakter is.

Geboortedatum:
_ _ _ _ / _ _ / __

Geleentheid om te bid; stil te word; te luister …
Waarskynlik het die Here reeds die afgelope paar minute met jou gepraat. Ek wil voorstel dat jy geestelik en emosioneel stil word in die teenwoordigheid van jou hemelse Vader. Verlustig jou in sy teenwoordigheid en in die wete dat jy nie maar net vir Hom ’n nommer is nie, nie maar net nog een van sy kinders nie, maar iemand wat spesiaal is – iemand met ’n besondere doel, iemand wat selfs voor geboorte – inteendeel van voor die skepping af (Ef 1:4-5 ⁴So het Hy ons voor die grondlegging van die wêreld in Hom uitgekies, sodat ons heilig en onberispelik in liefde voor Hom sou wees, ⁵nadat Hy ons voorbestem het om ons deur Jesus Christus as sy kinders aan te neem, soos Hy dit volgens sy wil goedgedink het, ) – ’n besondere rol in God se ewigheidsplan moet vervul. Jy is uniek!

Luister na snit 3 (NEDERIG KNIEL EK) op die ingeslote CD.

Johann Botes – Nederig Kniel ek

Nederig kniel ek voor U neer, Heilige Heer
In aanbidding voor u troon, buig ek, o Heer
Amen
Al my lof en dank aan U, neem dit, o Heer
Ewig is u majesteit, en U regeer
Amen

Ten slotte – skryf hier neer wat jy beleef wat God vir jou sê…

DIEPER DELF: handboek, p 27-29
Kyk wat leer Ps 139:13-18 ons van God se betrokkenheid by ons lewens reg van die begin af! Lees gerus ook: Jes 10:5-6, 15-16; 44:24-28; 45:1.

Ps 139:13-18
¹³Dit is immers U wat my niere
geskep het,
my in die moederskoot geweef het.
¹⁴Ek prys U omdat ek
op ‘n ontsagwekkende,
wonderbaarlike wyse gemaak is.
Wonderbaarlik is u werke
en ek besef dit maar te goed.
¹⁵My skelet was nie vir U verborge
toe ek in die geheim gemaak is nie,
toe ek kunstig geweef is
in die dieptes van die aarde.
¹⁶U oë het my vormloosheid gesien.
En in u •boekrol is hulle almal
opgeteken –
dae wat beplan is,
toe nie een daar was nie.
¹⁷En vir my, hoe kosbaar
is u gedagtes, o God –
hoe oorweldigend
is die volle getal daarvan!
¹⁸As ek dit tel,
is dit meer as die sand.
Word ek wakker,
dan is ek steeds by U.

Jes 10:5-6
⁵“Wee Assirië,
die stok van my toorn!
My verontwaardiging –
‘n staf is dit in hulle hand.
⁶Teen ‘n nasie, vervreem van God,
stuur Ek hom;
teen die volk op wie my gramskap rus,
gee Ek hom volmag,
om oorlogsbuit te roof
en buit te maak,
om van hulle ‘n vertrapte ding,
soos die kleigrond van strate,
te maak.

15-16
¹⁵Kan ‘n byl spog teen die een
wat met hom kap;
of kan ‘n saag hom groot hou
teen die een wat met hom saag,
asof ‘n stok die een swaai
wat hom optel,
of ‘n staf die een optel
wat nie hout is nie?
¹⁶Daarom sal die Heer, die Here,
Heerser oor alle magte,
onder Assirië se vet mense
‘n uitterende siekte instuur,
en onder sy geëerdes
sal ‘n brand uitbreek
wat soos ‘n egte vuur sal brand.

44:24-28
²⁴So sê die Here, jou losser,
Hy wat jou in die moederskoot
al gevorm het:
“Ek is die Here
wat alles gemaak het,
wat alleen die hemel oopspan,
wat die aarde uitbrei
– wie was by My? –
²⁵wat die voortekens
van orakelpriesters verydel,
wat van voorspellers gekke maak,
wat wyses laat terugdeins
en hulle kennis belaglik maak,
²⁶wat die woord
van sy dienskneg bevestig,
wat die plan
van sy boodskappers uitvoer,
die Een wat oor Jerusalem sê,
‘Sy sal bewoon word,’
en oor die dorpe van Juda,
‘Hulle sal herbou word,
Ek sal sy puinhope weer oprig,’
²⁷die Een wat vir die diepsee sê,
‘Word droog!
Jou seestrome gaan Ek drooglê,’
²⁸die Een wat oor Kores sê,
‘Hy is my herder;
en alles wat Ek wil, sal hy uitvoer,’
deur oor Jerusalem te sê,
‘Sy sal herbou word,’
en die •tempel –
‘sy fondament sal gelê word.’ ”

45:1
45¹“So sê die Here vir sy gesalfde,
vir Kores,
wie se regterhand Ek vasgegryp het
om nasies voor hom te verslaan,
deur konings te ontwapen
om voor hom deure oop te maak,
sodat poorte nie vir hom
gesluit sal bly nie,

WENK: Dit is goed om in woorde te probeer neerskryf wat jy as jou lewensdoel sien – jy sou dit ook ’n lewensmissie kon noem. Dit help om van tyd tot tyd weer daarna te kyk, daaroor te bid en besin – en dalk verstellings aan te bring as jy daarvan oortuig is.
(Agter in die gids is ’n bladsy met kaartjies vir hierdie doel wat uitgeskeur kan word.)

Onthou om die bladsy vir die week se groepgesprek te voltooi!

WEEK-2_GROEPGESPREK Laai af …

Inhoudsopgawe

Kopiereg:
Dr. Frans Hancke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202229 Desember 2022

Week 1 Groepgesprek: God en sy mense – Ons is die plan: 9 weke van Transformasie

Einde week 1
Lofprysing en aanbidding
Week 1
God en sy mense

GROEPGESPREK

Bybelverse wat jou vandag aangespreek het:

Belewenisse en ervarings tydens vandag se Bybelstudie:

Wat het jy geleer of ontdek?

Hoe het vandag se studie jou tot aksie geïnspireer? Hoe het jy geestelik gegroei of is jou lewe verander?

Iets wat jy graag met die groep wil deel of bespreek?

Gebedsonderwerpe:

Boublokvrae of -stellings:

Waarom sou God se verhouding en kommunikasie met ons vir Hom belangrik wees? Dit is vir Hom belangrik.
Is daar van God se planne wat, as gevolg van ons, nooit uitgevoer word nie?
Wat is die implikasies as ek God dien met ’n what’s-in-it-for-me benadering?
Wat sou ons kon doen, sodat mense se verstaan van wat die Kerk is, kan verander?
Wat is die praktiese implikasies van ons belydenis dat Christus die Hoof van sy Kerk is?

04-WEEK-1_GROEP Laai af

Inhoudsopgawe

Kopiereg:
Dr. Frans Hanke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202229 Desember 2022

Week 1 Dag 5 Eienaar vennoot? – Ons is die plan: 9 weke van Transformasie

Dag 5
Christus die hoof?
Week 1
God en sy mense

EIENAAR VENNOOT

Dink ’n bietjie … wat sou jy sê is die verskil tussen iemand wat die hoof of alleeneienaar van ’n onderneming is, teenoor iemand wat ’n vennoot is?
Wanneer die Bybel na Jesus as die Hoof van sy Kerk verwys, dan het dit die volgende implikasie: Jesus, die Hoof, is die eienaar; het volle seggenskap; alleenbelang en Hy is 100% in beheer. Vennote daarenteen, is gelykes en hulle het gedeelde belang.

Lees Ps 139:23-24 en laat die Heilige Gees jou lei om die waarheid oor God se posisie in jou lewe en jou verhouding met Hom na vore te bring
Psalm 139: 23-24
²³Ondersoek my, o God, en ken my hart; toets my,
en ken my ontstellende gedagtes.
²⁴Kyk of ek nie op ‘n pad
van verdriet is nie,
en lei my op die ewige pad.

Lees nou Ef 1:9-14, 22-23; Kol 1:15-20. Gee God geleentheid om deur sy Woord en Gees met jou te praat …

Efesiers 1:9-14
⁹Hy het die geheimenis van sy wil
aan ons bekend gemaak,
soos Hy dit goedgedink en in Christus voorgeneem het,
¹⁰om die volheid van die tye te bestuur, en om alle dinge – die dinge in die hemel en die dinge op die aarde – onder een Hoof in Christus saam te bring, ¹¹In Hom is ons ook as erfgename uitverkies, voorbestem volgens die voorneme van die Een wat alles volgens sy raad en wil laat gebeur, ¹²sodat ons, wat van die begin af ons hoop op Christus gevestig het, kan bestaan tot lof van sy heerlikheid. ¹³In Hom is julle, toe julle die woord van die waarheid, die evangelie van julle verlossing, gehoor en tot geloof gekom het, verseël met die Heilige Gees, wat beloof is. ¹⁴Die Gees is die waarborg van ons erfenis, om ons los te koop as God se eiendom, tot lof van sy heerlikheid.
Efesiers 1:22-23
²²Hy het alles onder sy voete gestel, en Hom aan die kerk gegee, as Hoof oor alles, ²³die kerk wat sy liggaam is, die volheid van Hom wat alles in almal vul.

Kolossense 1:15-20
¹⁵Die Seun is die beeld van die onsigbare God, die •Eersgeborene oor die hele skepping; ¹⁶want deur Hom het God alles geskep: alles in die hemel en op die aarde, die sigbare en die onsigbare dinge, of dit koninklike of heersende magte, owerhede of gesagvoerders is – alles is deur Hom en tot Hom geskep. ¹⁷Hy het oor alles bestaan, en in Hom hou alles stand. ¹⁸Hy is die Hoof van die liggaam, die kerk. Hy is die oorsprong, die Eersgeborene uit die dood, sodat Hy in alles die eerste plek kon inneem; ¹⁹want God het dit goedgevind om die hele volheid in Hom te laat woon, ²⁰en om deur Hom alles, ja, alles op aarde en in die hemel, met Homself te versoen, deurdat Hy vrede gebring het deur sy bloed aan die kruis.

DIEPER DELF: Lees gerus ook Kol 2:6-23; 3:1-17.

Kol 2:6-23
STERWE EN OPSTANDING MET CHRISTUS
⁶Aangesien julle dus Christus Jesus die Here aangeneem het, bly leef in Hom; ⁷in Hom is julle gewortel en in Hom word julle opgebou en versterk in die geloof, soos julle geleer is, terwyl julle oorvloedig is in dankbaarheid. ⁸Pasop dat niemand julle meevoer deur ‘n filosofie en leë bedrieëry, wat gegrond is op menslike tradisie en teorieë oor die kosmiese elemente, en nie op •Christus nie. ⁹Want in Hom woon die hele volheid van die Godheid liggaamlik. ¹⁰En in Hom, wat Hoof oor elke heerskappy en mag is, is julle met hierdie volheid vervul. ¹¹In Hom is julle ook besny, nie met die besnydenis deur mensehande nie, maar deur die besnydenis van Christus, waardeur julle sondige bestaan weggeneem is. ¹²Omdat julle in die doop saam met Hom begrawe is, is julle ook saam met Hom opgewek deur die geloof in die krag van God, wat Hom uit die dood opgewek het. ¹³Ja, toe julle dood was as gevolg van julle oortredings, en julle sondige aard nog nie weggesny was nie, het Hy julle saam met Hom lewend gemaak, deurdat Hy al ons oortredings vergewe het. ¹⁴Hy het die skuldbewys met sy aanklagte teen ons uitgewis en dit blywend weggeneem, toe Hy dit aan die kruis vasgespyker het. ¹⁵Nadat Hy hierdeur die gesagvoerders en maghebbers ontwapen het, het Hy hulle in die openbaar tot skande gemaak toe Hy hulle in sy triomftog meegevoer het.

¹⁶Moet dus nie dat iemand julle oordeel oor wat julle eet of drink, of oor ‘n fees, ‘n nuwemaansfees of ‘n Sabbat nie. ¹⁷Hierdie dinge is net ‘n voorafskaduwing van dit wat aan die kom was, maar die werklikheid is Christus. ¹⁸Moenie dat iemand wat aandring op selfvernedering en die aanbidding van engele, en wat hom verdiep in visioene wat hy gesien het, julle van die prys beroof nie. As gevolg van sy sondige aard, dink hy sonder rede baie van homself, ¹⁹en hou nie vas aan die Hoof nie, uit wie die hele liggaam ontwikkel, ondersteun en saamgebind word deur gewrigte en spiere, met groeikrag wat van God kom.

NUWE LEWE IN CHRISTUS

²⁰As julle saam met •Christus die kosmiese elemente afgesterf het, waarom is julle, asof julle nog as deel van die wêreld leef, steeds gebonde aan voorskrifte soos: ²¹“Moenie daaraan vat of proe of raak nie”? ²²Dit is alles dinge wat deur gebruik tot niet gaan, en gebaseer is op mensgemaakte voorskrifte en leringe. ²³Hoewel hierdie voorskrifte met hulle selfopgelegde godsdienspligte, geveinsde nederigheid en liggaamlike kastyding, die skyn van wysheid het, is dit heeltemal nutteloos, maar dien tot bevrediging van die sondige aard.

Kol 3:1-17
3¹As julle dan saam met •Christus opgewek is, streef na dit wat daarbo is, waar Christus aan die regterhand van God sit. ²Bedink die dinge daarbo, nie die dinge op aarde nie. ³Julle het immers gesterf, en julle lewe is saam met Christus verborge in God. ⁴Wanneer Christus verskyn, Hy wat julle lewe is, sal julle ook saam met Hom in heerlikheid verskyn. ⁵Daarom moet julle daardie deel van julle wat op die aardse gerig is, doodmaak: onsedelikheid, onreinheid, wellus en slegte begeertes, en ook gierigheid, wat afgodediens is. ⁶As gevolg van sulke dinge, kom die toorn van God oor die seuns van die ongehoorsaamheid. ⁷Ook julle het vroeër daaraan meegedoen, toe julle nog onder hulle geleef het. ⁸Maar raak ook julle van al hierdie dinge ontslae: woede, driftigheid, kwaadwilligheid, lastering, en onwelvoeglike taal wat uit julle mond kom. ⁹Moenie vir mekaar lieg nie, aangesien julle die ou mens en sy gewoontes uitgetrek het, ¹⁰en die nuwe mens aangetrek het, wat tot volle kennis en na die beeld van sy Skepper vernuwe word. ¹¹By die nuwe mens is daar nie onderskeidings soos Griek of Jood, besnedene of onbesnedene, barbaar of Skittiër, slaaf of vry persoon nie, maar Christus is alles en in almal. ¹²Daarom, omdat julle God se uitverkore •heiliges en geliefdes is, beklee julleself met innige meelewing, goedheid, nederigheid, sagmoedigheid en geduld. ¹³Verdra mekaar en, as enigiemand ‘n klagte teen iemand anders het, vergewe mekaar. Soos die Here julle vergewe het, so moet julle ook vergewe. ¹⁴Maar beklee julle, bo en behalwe al hierdie dinge, met die liefde, wat die band is wat alles volmaak saambind. ¹⁵Verder, laat die vrede van Christus in julle harte regeer. As lede van een liggaam, is julle juis daartoe geroep. En wees dankbaar. ¹⁶Laat die woord van Christus in sy volle rykdom in julle woon. Leer en vermaan mekaar, in alle wysheid, deur met dankbare harte psalms, lofgesange en geestelike liedere tot eer van God te sing. ¹⁷En wat julle ook al doen, in woord of daad, doen alles in die Naam van die Here Jesus, terwyl julle God die Vader deur Hom dank.

Wat leer die Bybel jou van die verhouding tussen Christus en sy Kerk?

Is dit regtig waar in jou lewe?

Met ander woorde: Is Christus werklik daagliks jou Hoof – van jou gedagtes, gesindheid (veral teenoor mense wat die lewe vir jou moeilik maak, of van wie jy nie hou nie), verhoudings, konflikhantering, prioriteite, dit waarop jy geld spandeer, noem maar op …? Jy sien, Christus die Hoof, is nie maar net ’n teologiese of geestelike waarheid, of net ’n mooi Bybelse (lippetaal) belydenis nie. Dit beteken nie net om my dag met Skriflesing en gebed te open of af te sluit nie, maar dit het ook te doen met hoe ek deur die loop van die dag met mense verskil – of dit plaasvind op ’n manier wat tot God se eer is. Dit het selfs te doen met die oomblik-vir-oomblik besluite wat ek neem – of ek eerder die praktyk of omstandighede die deurslag laat gee in plaas van God se wil. Jy sien, Christus as Hoof het praktiese implikasies vir jou lewe!
Dit gaan nie hier oor die vraag of God buite-om ons verstand, of deur ons verstand werk nie. Dit gaan oor die eerlike vraag na die “bottom line” van jou geloof – dit waarby jy staan of val; dit waarvoor jy sal sterf! – en of Christus wérklik in praktiese terme die Hoof van jou lewe is.

Watter waarhede oor jou verhouding met God het die Heilige Gees aan jou geopenbaar?

Miskien het jy iets om vir God te sê, of ’n belydenis om te doen … Dalk wil jy opnuut die beheer oor jou lewe “afgee”; Hom opnuut die beheer van jou gedagte-wêreld, verhoudings – jou totale lewe gee (Ps 31:6 ⁶In u hand gee ek my gees oor; U het my bevry, Here, troue God.). Miskien is dit nou die tyd om Hom die Hoof en Eienaar, met 100% alleenbelang, in jou lewe te laat wees. Praat gerus hieroor met Hom en laat sy Gees jou daarin lei.

DIEPER DELF: Ons is die Plan handboek, p 25-29
Kyk wat leer Ef 5:21-32 ons van Christus as die Hoof van die Kerk. Sien Figuur 1 in Bylae 2, p 171

Ef 5:21-32
VROU EN MAN IN DIE HUWELIK
²¹Wees onderdanig aan mekaar, uit ontsag vir •Christus.
²²Vroue, wees onderdanig aan julle mans, soos aan die Here, ²³omdat die man die hoof is van die vrou, soos Christus ook hoof is van die •kerk; Hy is Verlosser van die liggaam. ²⁴Maar soos die kerk onderdanig is aan Christus, so ook moet die vroue in alle opsigte aan hulle mans onderdanig wees.
²⁵Mans, julle moet julle vroue liefhê, soos ook Christus die kerk liefgehad het en Homself ter wille van haar oorgegee het, ²⁶sodat Hy haar kon heilig, deurdat Hy haar gereinig het deur die was met water en die woord. ²⁷Dit het Hy gedoen, sodat Hy vir Homself die kerk in heerlikheid daar kan stel, sonder vlek of rimpel of enigiets dergeliks, heilig en sonder smet. ²⁸Net so is die mans verplig om hulle eie vroue soos hulle eie liggame lief te hê. Wie sy eie vrou liefhet, het homself lief. ²⁹Niemand het nog ooit sy eie liggaam gehaat nie; inteendeel, hy voed en koester dit, soos Christus sy •kerk. ³⁰Ons is immers lede van sy liggaam. ³¹“Om hierdie rede sal ‘n man sy vader en moeder verlaat, en hom aan sy vrou verbind – en hulle twee sal een vlees wees.” ³²Hierdie geheimenis is groot; ek sê dit met verwysing na Christus en die kerk.

WENK: Dit is baie sinvol om ’n kaartjie te vat en daarop in baie duidelike en praktiese terme neer te skryf wat dit beteken as Christus die Hoof van sy Kerk en ook van jou lewe is. Moenie probeer verbykom met swaarwigtige teologiese uitsprake nie. Hou dit eenvoudig en kyk hoe vaar die gemeente waaraan jy behoort, asook jyself … (Agter in die gids is ’n bladsy met kaartjies vir hierdie doel wat uitgeskeur kan word.)

Onthou om die bladsy vir die week se groepgesprek te voltooi!

04-WEEK-1_GROEP Laai af

Inhoudsopgawe

Kopiereg:
Dr. Frans Hanke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202229 Desember 2022

Week 1 Dag 4 Nie sommer-so nie – Ons is die plan: 9 weke van Transformasie

Dag 4
Wie is ons?
Week 1
God en sy mense

NIE SOMMER SO NIE

Hieronder sien jy drie blokkies. Kom ons kyk of jy ’n goeie kunstenaar is. Teken in blokkie 01 jou siening van die kerk. Met ander woorde, as jy aan die kerk dink, wat sien jy in jou geestesoog? Onthou net, moenie teken wat jy dink die kerk behoort te wees nie, maar wat jy tans prakties van die kerk ervaar.

Praat nou met die Here oor jou belewenis van die kerk. Miskien is daar mense wat jou verstaan en belewenis van die kerk deur die jare negatief beïnvloed het. Dalk is daar mense wat jy moet vergewe of selfs vryspreek … Dalk is jou belewenis van die kerk ’n hindernis in jou geestelike lewe …

Skryf neer wat jy ervaar nadat jy hieroor gebid en na God geluister het.

Noudat jy op “ golflengte Jesus” is, lees 1 Pet 2:1-10; 1 Kor 6:19-20.
1 Pet 2:1-10
2¹Lê daarom alles wat sleg is, en alle bedrog en geveinsdheid en jaloesie, en alle geskinder af, ²en smag soos pasgebore babatjies na die suiwer geestelike melk, sodat julle daardeur kan groei, met die oog op julle verlossing, ³noudat “julle die goedheid van die Here gesmaak het”.
⁴Kom na Hom toe, die lewende klip, wat wel deur mense afgekeur is, maar voor God uitverkore, en vir Hom kosbaar is; ⁵en laat julle as lewende klippe opbou tot ‘n geestelike huis, ‘n heilige priesterdom, om geestelike offers te bring wat, deur Jesus •Christus, vir God aanneemlik is. ⁶Daar staan immers in die Skrif:
“Kyk, Ek sit in Sion ‘n klip neer,
‘n hoeksteen, uitverkore en kosbaar;
maar wie in Hom glo,
sal vir seker nie beskaamd staan nie.”
⁷Daarom is dit kosbaar vir julle wat glo, maar vir ongelowiges geld,
“Juis die klip wat die bouers afgekeur het,
het die hoeksteen geword,”
⁸en “’n klip waaroor ‘n mens kan struikel,
ja, ‘n rots wat jou kan laat val.”Hulle struikel, omdat hulle aan die woord ongehoorsaam is; hulle was daartoe bestem.
⁹Julle, egter, is “’n uitverkore geslag”, “’n koninklike priesterdom”, “’n heilige nasie”, “’n volk wat aan God behoort”, “sodat julle die deugde kan verkondig” van Hom wat julle uit die duisternis geroep het na sy wonderlike lig –
¹⁰julle wat eers nie ‘n volk was nie,
maar nou volk van God is;
wat eers nie ontferming ontvang het nie,
maar nou ontferming ontvang het.

Kyk of jy hieronder die kerngedagte van elke Skrifgedeelte in een sin kan saamvat.

Petrus se brief, waaruit jy nou net gelees het, is geskryf aan verstrooide groepies gelowiges wat in heidense samelewings geleef het. Hierdie Christene het diskriminasie ervaar en hulle is beskou as dié soort mense met wie jy liewer nie geassosieer wil wees nie. Dit was selfs erger as dit – hulle het lyding verduur omdat hulle hul geloof openlik uitgeleef het. Petrus noem hulle
daarom tereg bywoners en vreemdelinge.

Petrus se motief is om hierdie jong gelowiges te troos en te bemoedig. Hy wil hulle help om hulle identiteit in Christus, sowel as hul roeping, te herontdek. Jesus het hulle spesiaal uitverkies en met sy bloed losgekoop. Op Christus as die hoeksteen en met hulleself as lewende stene, bou God ’n splinternuwe gebou in hierdie wêreld – dít is hulle identiteit. Hulle roeping is nou om in die wêreld ’n heilige (afgesonder vir God) priesterdom te wees. Priesters se roeping is om dienswerk te doen en offers te bring wat God se hart bly maak. Hulle is dus nie maar net bywoners en vreemdelinge soos wat die wêreld van hulle dink nie, nee, hulle moet hulleself eerder as God se kosbare eiendom
sien, mense met ’n spesiale roeping.

In 1 Pet 2:9-10 gebruik Petrus nog ’n klompie Ou Testamentiese beelde om hulle identiteit en hulle roeping as kerk te verduidelik:

Uitverkore volk: ’n Term wat net vir die volk Israel in die Ou Testament gebruik is – mense wat in ’n spesiale verhouding met God staan.
Koninklike priesterdom: Mense wat in diens van die Koning staan, dienswerk verrig, offers bring wat vir God aanvaarbaar en goed is.

Dit is egter belangrik om te sien dat dit nou nie meer om diereoffers of ander brandoffers gaan nie, maar om geestelike offers. (Kyk gerus ook na Rom 12:1-2.)

Rom 12:1-2
12¹Broers, op grond van die barmhartigheid van God roep ek julle dus nou op om julle liggame beskikbaar te stel as ‘n offer wat lewend en heilig is, en vir God aanneemlik. Dit is julle sinvolle godsdiens. ²Julle moenie aan hierdie wêreld gelykvormig wees nie, maar verander word deur die vernuwing van julle denke, sodat julle goed kan onderskei wat die goeie en aanneemlike en volmaakte wil van God is.

Nasie vir God afgesonder: Die rol wat Israel as lig vir die nasies moes speel, is nou oorgedra aan hierdie verstrooide gemeentetjies wat lig moet bring in die donkerte van ’n oorweldigende heidendom. Waar Israel as volk etnies verstaan is (net Jode), bestaan hierdie nuwe nasie egter nou uit Jode, Grieke, Romeine en ander – mense wat hulle op Christus as hoeksteen in die geestelike huis laat inbou het en daarom deel van die nuwe volk geword het.
Eiendomsvolk van God: Hierdie nuwe volk is God se eiendom. Daar is ’n intieme en hegte verbintenis tussen God en sy volk. As die eiendom van God is hulle (die Kerk) daarom ook net aan Hom gehoorsaam. (Kyk na 1 Joh 5:1-5.)

1 Joh 5:1-5
5¹Elkeen wat glo dat Jesus die •Christus is, is uit God gebore, en elkeen wat die Vader liefhet, het ook almal lief wat uit Hom gebore is. ²Hieraan weet ons dat ons die kinders van God liefhet: wanneer ons God liefhet, en sy gebooie nakom. ³Want dit is die liefde vir God, dat ons sy gebooie onderhou, en sy opdragte is nie ‘n swaar las nie; ⁴want elkeen wat uit God gebore is, oorwin die wêreld; en dít is die oorwinning wat die wêreld oorwin – ons geloof.
DIE WARE GETUIE OOR DIE SEUN
⁵Wie anders oorwin die wêreld as hy wat glo dat Jesus die •Seun van God is?

DIEPER DELF: Nasie vir God afgesonder: Vgl ook Rom 9:6-8; Hand 2:1-11; Kol 3:11-12.

Rom 9:6-8;
⁶Dit is nie asof die woord van God nou gefaal het nie. Want nie almal wat uit Israel afkomstig is, is die ware Israel nie. ⁷Ook is nie almal wat nageslag van Abraham is, sy kinders nie. Inteendeel, daar staan: “Dit is deur Isak dat jou nageslag benoem sal word.” ⁸Dit wil sê: Dit is nie die kinders na die liggaam wat kinders van God is nie, maar die kinders na die belofte, word as nageslag beskou.

Kol 3:11-12
¹¹By die nuwe mens is daar nie onderskeidings soos Griek of Jood, besnedene of onbesnedene, barbaar of Skittiër, slaaf of vry persoon nie, maar Christus is alles en in almal. ¹²Daarom, omdat julle God se uitverkore •heiliges en geliefdes is, beklee julleself met innige meelewing, goedheid, nederigheid, sagmoedigheid en geduld.

Hand 2:1-11
UITSTORTING VAN DIE HEILIGE GEES
2¹Toe die dag van die Pinksterfees aanbreek, was hulle almal op een plek bymekaar. ²Onverwags het daar uit die hemel ‘n geluid soos dié van ‘n kragtige stormwind opgeklink, en dit het die hele huis gevul waar hulle gesit het. ³Tonge, asof van vuur, het aan hulle verskyn, verdeel en op elkeen van hulle neergedaal. ⁴En almal is vervul met die Heilige Gees, en het in ander tale begin praat, soos die Gees aan hulle gegee het om hardop uit te spreek.

⁵Destyds het daar vroom Jode uit elke nasie onder die hemel in Jerusalem gewoon. ⁶Toe daardie geluid opklink, het die menigte saamgedrom, en was verward, omdat elkeen gehoor het hoe daar in sy eie taal gepraat word. ⁷Verstom en verbaas het hulle gevra: “Kyk, is almal wat daar praat, dan nie Galileërs nie? ⁸Hoe hoor elkeen van ons hulle dan praat in die taal waarmee ons grootgeword het? ⁹Ons – Parte en Meders en Elamiete, inwoners van Mesopotamië, Judea en Kappadosië, Pontus en Asië, ¹⁰Frigië en Pamfilië, Egipte en streke van Libië in die omgewing van Sirene, en Romeine wat hier vertoef, ¹¹Jode en proseliete, mense van Kreta en Arabiere – ons hoor hulle in ons eie taal oor die groot dade van God praat.”

DIEPER DELF: Eiendomsvolk van God: Vgl ook Jes 43:1, 4; Hos 11:8; Ef 2:19-22.

Jes 43:1, 4

43¹“Maar nou,” so sê die Here,
jou Skepper, Jakob,
die Een wat jou gevorm het, Israel,
“moenie bang wees nie,
want Ek het jou losgekoop,
Ek het jou op jou naam geroep –
aan My behoort jy.

⁴Omdat jy kosbaar is in my oë,
geëer is,
omdat Ek die Een is wat jou liefhet,
gee Ek mense in jou plek,
volke in ruil vir jou lewe.

Hos 11:8
⁸“Hoe kan Ek jou prysgee, Efraim?
Hoe kan Ek jou oorlewer, Israel?
Hoe kan Ek jou prysgee soos Adma,
jou maak soos Sebojim?
My hart is diep ontroer in My,
die deernis brand in My.

Ef 2:19-22
EEN BOUWERK VAN GOD
¹⁹So is julle dan nie meer •vreemdelinge en bywoners nie, maar julle is medeburgers van die •heiliges, en lede van die huisgesin van God, ²⁰gebou op die fondament van die •apostels en profete, met •Christus Jesus self as hoeksteen. ²¹In Hom verrys die hele gebou, goed saamgevoeg, tot ‘n heilige tempel in die Here. ²²In Hom word julle ook saam opgebou tot woonplek van God deur die Gees.

God het hulle wat vroeër geen volk was nie, nou sy eie volk gemaak. Hy het hulle verander van mense wat voorheen in die duister was, verstote was, vreemdelinge was, niks was nie, na ’n nuwe gemeenskap waar daar barmhartigheid, liefde en warmte is. Dit is wat die Kerk is, dit is haar identiteit … of liewer, so behoort dit te wees! As eiendomsvolk het die Kerk die roeping om God se verlossingsdade, hierdie groot barmhartigheid waarmee Hy ’n nuwe gemeenskap, ’n nuwe huis bou, wyd en syd te verkondig.
Met so ’n identiteit en so ’n roeping kan die Kerk (ek en jy) nie anders as om hoopvol en getrou te bly nie – al is dit soms asof ons vreemdelinge en bywoners in hierdie wêreld is. Ons is God se mense (1 Kor 3:22)!
²²Of dit Paulus of Apollos of Sefas, of die wêreld, of lewe of dood, of teenswoordige of toekomstige dinge is – alles behoort aan julle.
Daarom moet ons ook besef: Die Kerk is nie ons vyand nie! ONS is die Kerk!
Inteendeel, as jy die Kerk as vyand beleef, dan beteken dit jy is jou eie vyand – want, jy is die Kerk.

Dit is nou weer tyd om kunstenaar te speel. Teken ’n beeld van die Kerk in blokkie 03 (p 010), maar hierdie keer soos God sy Kerk sien.

Hoe verskil God se prentjie (blokkie 03) van die prentjie wat jy (blokkie 01) van die Kerk gehad het?
Vul nou blokkie 02 in. Skryf daarin wat die Here van jou vra.

Wat is nodig om jou prentjie (01) te verander na God se beeld (03) van sy Kerk?

Wat wil jy vir God sê?

DIEPER DELF: Ons is die Plan handboek, p 18-25
Lees ook Rom 6:1-23; Gal 2:19-20; 3:7; Ef 1:9-14, 22-23; 1 Joh 3:1-10.

Rom 6:1-23
DOOD VIR DIE SONDE EN LEWEND VIR GOD

6¹Wat sal ons dan sê? Sal ons in die sonde bly voortleef, sodat die genade kan toeneem? ²Hoegenaamd nie! Ons wat die sonde afgesterf het, hoe kan ons nog langer daarin bly leef?

ALLES TOT BESKIKKING VAN GOD

¹⁵Wat dan? Sal ons sonde doen omdat ons nie onder die wet is nie, maar onder die genade? Hoegenaamd nie!

Gal 2:19-20
¹⁹Inderdaad, deur die wet het ek die wet afgesterf, sodat ek vir God leef. Met Christus is ek gekruisig; ²⁰ék leef nie meer nie, maar Christus leef in my! Die lewe wat ek nou liggaamlik leef, leef ek in geloof, die geloof in die •Seun van God, wat my liefgehad en Homself vir my oorgegee het.

Gal 3:7
⁷Besef dan: Die mense wat uit die geloof is, dié is kinders van Abraham.

Efesiers 1:9-14

⁹Hy het die geheimenis van sy wil
aan ons bekend gemaak,
soos Hy dit goedgedink en in Christus voorgeneem het,
¹⁰om die volheid van die tye te bestuur,
en om alle dinge
– die dinge in die hemel en die dinge op die aarde
–onder een Hoof in Christus saam te bring,
¹¹In Hom is ons ook as erfgename uitverkies,
voorbestem volgens die voorneme
van die Een wat alles volgens sy raad en wil laat gebeur,
¹²sodat ons,
wat van die begin af ons hoop op Christus gevestig het,
kan bestaan tot lof van sy heerlikheid.
¹³In Hom is julle, toe julle die woord van die waarheid,
die evangelie van julle verlossing,
gehoor en tot geloof gekom het,
verseël met die Heilige Gees, wat beloof is.
¹⁴Die Gees is die waarborg van ons erfenis,
om ons los te koop as God se eiendom,
tot lof van sy heerlikheid.

²²Hy het alles onder sy voete gestel,
en Hom aan die kerk gegee,
as Hoof oor alles,
²³die kerk wat sy liggaam is,
die volheid van Hom
wat alles in almal vul.

1 Johannes 3:-10

3¹Kyk watter groot liefde die Vader aan ons bewys het, dat ons kinders van God genoem kan word! En dit is ons ook. Om hierdie rede ken die wêreld ons nie, omdat hulle Hom nie leer ken het nie. ²Geliefdes, nou is ons kinders van God, maar dit is nog nie geopenbaar wat ons sal wees nie. Wat ons weet, is dat wanneer Hy verskyn, ons soos Hy sal wees, omdat ons Hom sal sien soos Hy is. ³En elkeen wat hierdie vaste hoop op Hom het, hou homself rein, net soos Hy rein is. ⁴Elkeen wat sonde doen, beoefen ook wetteloosheid, want sonde is wetteloosheid. ⁵Julle weet dat Hy verskyn het om die sondes weg te neem, en in Hom is daar geen sonde nie. ⁶Elkeen wat in Hom bly, sondig nie meer nie; elkeen wat aanhou sondig, het Hom nie gesien, en Hom nie leer ken nie.

WENK: Staan nou van jou knieë af op en dan gaan leef jy volgens God se beeld van sy Kerk.

Onthou om die bladsy vir die week se groepgesprek te voltooi!

04-WEEK-1_GROEP Laai af

Inhoudsopgawe

Kopiereg:
Dr. Frans Hanke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202229 Desember 2022

Week 01 Dag 03 – Wat kry ek daaruit? – Ons is die plan: 9 weke van transformasie

Dag 3
Dit gaan oor God.
Week 1
God en sy mense

WAT KRY EK DAARUIT?

Sê-nou-maar is mos ’n speletjie wat ons kleintyd gespeel het. Ek wil dit vir ’n oomblik met jou speel – net sodat ek vir jou ’n baie moeilike vraag kan vra. Wat meer is, jou antwoord gaan sommer ’n klomp dinge aan die lig bring. Hier gaan ons!

Sê-nou-maar jy gaan die ewigheid in die hel deurbring – al is jy ’n Christen:

Sou dit jou lewe verander?
Indien wel, op watter manier?
Sou jy nog steeds ’n toegewyde Christen wees?
Sou jy anders opgetree het as tans?

Natuurlik is die sê-nou-maar ongeldig, maar ek wil hê jy moet eerlik dink aan die ware rede waarom jy ’n volgeling van Christus is. Die motief kan so maklik oor myself gaan en dit wat ék uit die verhouding kan kry. Die uitdrukking “what’s in it for me?” is mos juis populêr in ons dag. Dit kan so maklik gaan oor mý redding, mý gewaarborgde eindbestemming. Ja, soms is hierdie motief baie subtiel en wil ons liewer nie hê daar moet gekrap word waar dit nie jeuk nie!

Ek wil hê jy moet vir ’n paar minute hieroor met die Here praat. Vra Hom om vir jou te wys wat ten diepste jou motief is. Miskien is dit nodig dat jy ’n selfgerigte motief moet bely. Dalk moet jy opnuut verklaar dat jy Hom volg omdat jy Hom liefhet vir wie Hy is – en nie vir enige byvoordele nie – selfs nie ter wille van jou eie redding nie!

Luister na snit 2 (NIEMAND SOOS U) op die ingeslote CD.

(Lees net eers Jes 46:3-9.)
³“Luister na My, huis van Jakob,
die hele oorblyfsel
van die huis van Israel,
julle wat gedra is
vanaf die baarmoeder,
wat opgetel is
van die moederskoot af.
⁴Tot in julle ouderdom is Ek daar;
tot in julle gryse ouderdom
is Ek die Een wat julle dra.
Dit is Ek wat dit gedoen het:
dit is Ek wat optel,
dit is Ek wat dra en verlos.
⁵Met wie wil julle My vergelyk,
en aan wie My gelykstel,
wie beskou julle as My gelyke,
dat ons dieselfde is?
⁶Hulle wat goud uit ‘n geldsak skud
en silwer met ‘n weegskaal afweeg,
hulle huur ‘n goudsmid,
en hy maak ‘n god daarvan.
Hulle kniel voor hom,
hulle buig selfs in aanbidding;
⁷hulle tel hom op hulle skouers,
hulle dra hom en plaas hom
op sy plek –
en daar staan hy!
Van dié plek af kan hy nie beweeg nie.
Selfs as iemand na hom om hulp roep,
antwoord hy nie;
uit benoudheid kan hy iemand
nie verlos nie.
⁸“Onthou dit,
sodat julle standvastig kan wees.
Neem dit ter harte, oortreders!
⁹Onthou die dinge van vroeër,
van lank gelede;
want Ek is God,
en daar is geen ander nie,
God,
en daar is niemand soos Ek nie –

Johann Botes – Niemand soos U nie.

Niemand soos U – Johann Botes

O Heer, hoe sal ek ooit verstaan
Hoe kan ek ooit begryp wie U is (wie U is)
O Heer, hoe sal ek ooit kan sê
Die woorde sal ontbreek, wie U is (wie U is)
O Heer, hoe sal ek ooit kan dink
My gedagtes is te klein, oor wie U is
Daar is niemand, niemand soos U
Niemand, daar is niemand soos U
O Heer, u genade is so groot
Ek kan dit nie bepaal, wonderbaar (wonderbaar)
O Heer, u liefde sal my dra
Waar ek ook mag gaan, wonderbaar (wonderbaar)
O Heer, hoe sal ek ooit kan dink
My gedagtes is te klein, oor wie U is
Daar is niemand, niemand soos U
Niemand, daar is niemand soos U
Niemand, niemand

Daar is drie Skrifgedeeltes wat jy moet oordink voordat jy hieronder die kernwaarhede neerskryf wat daaruit vir jou na vore kom: Luk 9:23-26; 14:26-33; Kol 1:16.

Luk 9:23-26
²³Toe het Hy vir almal gesê: “As iemand My wil navolg, moet hy homself verloën, en elke dag sy kruis opneem en My volg; ²⁴want wie sy lewe wil red, sal dit verloor, maar wie sy lewe ter wille van My verloor, sal dit red. ²⁵Want wat help dit ‘n mens as hy die hele wêreld as wins bekom het, maar homself verloor of skade aangedoen het? ²⁶Wie hom vir My en my woorde skaam, vir hom sal die •Seun van die Mens Hom ook skaam wanneer Hy kom in sy heerlikheid en dié van die Vader en die heilige engele.

Luk 14:26-33
²⁶“As iemand na My kom en My nie liefhet bo sy vader en moeder en vrou en kinders en broers en susters, ja, selfs sy eie lewe nie, kan hy my dissipel nie wees nie. ²⁷Wie nie sy eie kruis dra en My volg nie, kan my dissipel nie wees nie. ²⁸Want wie van julle wat ‘n toring wil bou, gaan nie eers sit en bereken die koste, om te sien of hy genoeg geld het om dit te voltooi nie? ²⁹Sodat dit nie gebeur dat, as hy die fondament lê en nie in staat is om dit te voltooi nie, almal wat dit sien, met hom begin spot ³⁰en sê, ‘Hierdie man het begin bou, maar kon nie klaarmaak nie.’ ³¹Of watter koning trek op om met ‘n ander koning oorlog te voer, en gaan nie eers sit en oorweeg of hy met tienduisend man opgewasse sal wees teen die ander een wat met twintigduisend teen hom optrek nie? ³²Indien nie, stuur hy, terwyl die ander een nog ver is, ‘n afvaardiging en vra voorwaardes vir vrede. ³³Net so kan nie een van julle wat nie van al sy besittings afstand doen, my dissipel wees nie.”

Kol 1:16
¹⁶want deur Hom
het God alles geskep:
alles in die hemel en op die aarde,
die sigbare en die onsigbare dinge,
of dit koninklike of heersende magte,
owerhede of gesagvoerders is –
alles is deur Hom
en tot Hom geskep.

Kernwaarhede:

Dink ’n bietjie krities aan populêre evangelisasiemetodes – en met watter motief ongelowiges gewoonlik “gelok” word om die “sondaarsgebed” te bid, of om “vorentoe te kom”, of om hulle “hande op te steek”.

Word die evangelie nie gewoonlik aangebied in ’n vorm wat sekere voordele inhou nie: redding, geluk, gesondheid, voorspoed en ’n hele klompie ander byvoordele? Hierdie idilliese wêreld wat wag op nuwe bekeerlinge, steier vroeër of later wanneer die realiteite van die gebroke werklikheid waarin ons leef, kop uitsteek. Selfs gelowiges kry by tye swaar, is soms bekommerd, hartseer, moedeloos, word siek en gaan dood. Die gevolg kan dan maklik ’n onhanteerbare ontnugtering en gepaardgaande ongeloof wees. En weet jy wat; meermale is ’n hele boel skuldgevoelens ook nog op die koop toe die wrange vrugte van ’n selfgerigte geloof.

Nee, om God waarlik te dien, beteken dat ons dit doen omdat Hy God is; ongeag die omstandighede of die prys wat dit vra. Daarom is die Christelike geloof nie goedkoop nie, en waarsku Jesus dat voornemende volgelinge moet sekermaak dat hulle bereid is om die prys te betaal (Joh 6:41-71; veral :66).

Joh 6:41-71; veral :66
⁴¹Toe het die Jode oor Hom gemor omdat Hy gesê het: “Ek is die brood wat uit die hemel neergedaal het.” ⁴²En hulle het gesê: “Is hy nie Jesus, die seun van Josef, wie se vader en moeder ons ken nie? Hoe kan hy nou sê, ‘Ek het uit die hemel neergedaal?’ ” ⁴³Jesus het hulle geantwoord: “Hou op om onder mekaar te mor. ⁴⁴Niemand kan na My kom as die Vader, wat My gestuur het, hom nie na My toe trek nie, en Ek sal hom op die laaste dag laat opstaan. ⁴⁵In die Profete staan daar geskryf, ‘En hulle sal almal deur God onderrig word.’ Elkeen wat na die Vader geluister en van Hom geleer het, kom na My toe. ⁴⁶Nie dat iemand die Vader gesien het nie – net die Een wat van God af kom, Hy het die Vader gesien. ⁴⁷Amen, amen, Ek sê vir julle: Hy wat glo, het die ewige lewe. ⁴⁸Ek is die brood van die lewe. ⁴⁹Julle vaders het in die woestyn die manna geëet en nogtans gesterf. ⁵⁰Maar die brood wat uit die hemel neerdaal, sodat iemand daarvan kan eet en nie sterf nie, is dit: ⁵¹Ek is die lewende brood wat uit die hemel neergedaal het. As iemand van hierdie brood eet, sal hy vir ewig leef. En die brood wat Ek sal gee, is my liggaam wat Ek gee vir die lewe van die wêreld.”

⁵²Die Jode het toe onder mekaar gestry en gesê: “Hoe kan hy sy liggaam vir ons gee om te eet?” ⁵³Daarop sê Jesus vir hulle: “Amen, amen, Ek sê vir julle: As julle nie die liggaam van die Seun van die Mens eet en sy bloed drink nie, het julle geen lewe in julle nie. ⁵⁴Wie my liggaam eet en my bloed drink, het die ewige lewe, en Ek sal hom op die laaste dag laat opstaan. ⁵⁵Want my liggaam is ware voedsel, en my bloed is ware drank. ⁵⁶Wie my liggaam eet en my bloed drink, bly in My en Ek in hom. ⁵⁷Soos die lewende Vader My gestuur het, en Ek deur die Vader leef, so sal die een wat My eet, ook deur My leef. ⁵⁸Dít is die brood wat uit die hemel neergedaal het – nie soos die manna wat die vaders geëet het en nogtans gesterf het nie. Wie hierdie brood eet, sal vir ewig leef.”

⁵⁹Dit het Hy in ‘n •sinagoge gesê terwyl Hy in Kapernaum onderrig gegee het.

⁶⁰Baie van sy dissipels het, toe hulle dit hoor, gesê: “Hierdie woord is erg; wie kan daarna luister?” ⁶¹Maar Jesus, innerlik bewus daarvan dat sy dissipels hieroor mor, het vir hulle gesê: “Gee dit julle aanstoot? ⁶²Wat dan as julle die •Seun van die Mens sou sien opvaar na waar Hy voorheen was? ⁶³Dit is die Gees wat lewend maak; die vlees is van geen nut nie. Die woorde wat Ek tot julle gespreek het, is Gees en is lewe. ⁶⁴Maar daar is sommige van julle wat nie glo nie.” Jesus het immers van die begin af geweet wie dit is wat nie glo nie, en wie Hom sou verraai. ⁶⁵Verder het Hy gesê: “Daarom het Ek vir julle gesê: Niemand kan na My toe kom as dit nie deur die Vader aan hom gegee is nie.”

⁶⁶Hieroor het baie van sy dissipels teruggedraai en nie meer saam met Hom rondgegaan nie. ⁶⁷Daarop het Jesus vir die twaalf gesê: “Julle wil tog seker nie ook weggaan nie?” ⁶⁸Simon •Petrus het Hom geantwoord: “Here, na wie toe sal ons gaan? U het woorde van die ewige lewe. ⁶⁹En ons glo en weet dat U die •Heilige van God is.” ⁷⁰Jesus het hulle geantwoord: “Het Ek nie julle twaalf uitgekies nie? En tog is een van julle die Duiwel!” ⁷¹Hy het Judas, die seun van Simon Iskariot, bedoel, want hy sou Hom uitlewer, hy wat een van die twaalf was.

Soos dit sy lewe gekos het, kos dit in ’n sekere sin ook ons lewens om sy dissipels te wees. Ek moet my kruis opneem en Hom volg, dan kan ons saam met Paulus getuig dat ek nie meer leef nie, maar Christus in my (Gal 2:20²⁰ék leef nie meer nie, maar Christus leef in my! Die lewe wat ek nou liggaamlik leef, leef ek in geloof, die geloof in die •Seun van God, wat my liefgehad en Homself vir my oorgegee het.).

Enkele jare gelede preek ek in die Oekraïne. Die tema van die boodskap was: In the footsteps of Jesus. Ek verwys tydens die boodskap daarna dat sy voetspore ook dui op die prys van dissipelskap; dat dit nie oor ons gaan nie, maar oor Hom. Na die tyd word ek oorval met die reaksie: “Hierdie is ’n vreemde evangelie. Die boodskap wat ons van evangeliste hoor, is dat Christenskap vir ons voorspoed en die einde van probleme beteken.” Dit laat my dink aan die woorde van ’n “gospel”-liedjie: It’s all about you, Jesus!

Ek wil jou uitdaag om ’n bietjie na te dink oor ’n diep filosofiese vraag. Jy stem mos saam dat God altyd daar was – selfs voordat Hy geskep het. Nouja, as alles sou gaan oor die skepping of die skepsels, waaroor het dit dan vóór die skepping gegaan? Beteken dit dat God eers “betekenis kry” nadat en omdat Hy geskep het?

“Missions is not the ultimate goal of the church. Worship is. Missions exists because worship doesn’t. Worship is ultimate, not missions, because God is ultimate, not man. When this age is over, and the countless millions of the redeemed fall on their faces before the throne of God, missions will be no more. It is a temporary necessity. But worship abides forever.”

Wat dink jy van John Piper se stelling dat: “Mission is not the ultimate goal of the church … worship is.”?

Maak ’n lysie van die 5 belangrikste prioriteite (ook drywers genoem) wat jou motiewe / keuses in die lewe bepaal: (a) = tans, (b) = behoort.

Behoort	Tans
01 a)	b)
02 a)	b)
03 a)	b)
04 a)	b)
05 a)	b)

Miskien het jy behoefte om hieroor met die Here te praat …

DIEPER DELF: Ons is die Plan handboek, p 14-16
Lees Gen 1:1, 14, 15; Ps 90:2; 115:1-2; Op 21:1, 23, 25.
Gen 1:1, 14,15
¹In die begin het God die hemel en die aarde geskep.

¹⁴God het gesê: “Laat daar ligte wees aan die hemelgewelf om skeiding te maak tussen dag en nag. Hulle moet daar wees vir tekens en vir vaste tye, en vir dae en jare. ⁵Hulle moet daar wees as ligte aan die hemelgewelf om lig te gee op die aarde.” Dit het toe so gebeur.

Ps 90:2
²Voordat die berge gebore is
en U die aarde en die bewoonbare
wêreld voortgebring het,
ja, van altyd af en vir ewig is U God.

Ps 115:1-2
¹Nie aan ons nie, Here,
nie aan ons nie,
maar aan u Naam kom die eer toe,
oor u troue liefde,
oor u bestendigheid.
²Waarom sê die nasies:
“Waar is hulle God dan?”

Op 21:1, 23, 25.
¹Toe het ek ‘n nuwe hemel en ‘n nuwe aarde gesien, want die eerste hemel en die eerste aarde het tot niet gegaan, en die see bestaan nie meer nie.
²³Ook het die stad nie die son en die maan nodig om haar te verlig nie, want die heerlikheid van God het haar verlig, en die Lam is haar lamp.
²⁵Haar poorte sal bedags nie gesluit word nie, en daar sal ook nie meer nag wees nie.

WENK: Toets gerus in die toekoms jou eie motiewe, dié van ander, asook van preke wat jy hoor en die uitsprake wat gemaak word, aan die volgende beginsel: Gaan dit oor God en sy eer, of oor iets of iemand anders?

Onthou om die bladsy vir die week se groepgesprek te voltooi!

04-WEEK-1_GROEP Laai af

Inhoudsopgawe

Kopiereg:
Dr. Frans Hanke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202228 Desember 2022

Week 01 Dag 02 – ‘n Dobbellaar – Ons is die plan: 9 Weke van Transformasie

Dag 2
Wie is God?
Week 1
God en sy mense

‘N DOBBELAAR?

Is jou selfoon af? Jy het nou ’n afspraak met God … wees bewus van sy teenwoordigheid en wanneer jy gereed is om na Hom te luister, kan jy die volgende Skrifgedeelte lees.

Dink biddend ná oor:
Gen 1:1:
1¹In die begin het God die hemel en die aarde geskep.
Ps 90:2:
²Voordat die berge gebore is
en U die aarde en die bewoonbare
wêreld voortgebring het,
ja, van altyd af en vir ewig is U God.

Stel jouself oop om jou te verwonder oor die grootsheid van God.

Van wanneer af was God daar – van ewigheid af? Ons kan ons dit nie voorstel nie, maar God wás reeds daar vóór die begin – voor die eerste woorde van Gen 1:1.

Kyk na die skets hierbo: Die ruimte van die ovaal stel die ewigheid of God voor, terwyl die lyn tyd voorstel.
Watter deel van die lyn is die verste van die ewigheid / God af? Die ewigheid kan nie in terme van tyd gemeet word nie. Soos wat God tyd geskep het (A), sal tyd ook weer ophou (B).

DIEPER DELF: Vgl Gen 1:14, 15; Op 21:1, 23, 25.

Gen 1:14, 15:
¹⁴God het gesê: “Laat daar ligte wees aan die hemelgewelf om skeiding te maak tussen dag en nag. Hulle moet daar wees vir tekens en vir vaste tye, en vir dae en jare. ¹⁵Hulle moet daar wees as ligte aan die hemelgewelf om lig te gee op die aarde.” Dit het toe so gebeur.

Op 21:1, 23, 25
21¹Toe het ek ‘n nuwe hemel en ‘n nuwe aarde gesien, want die eerste hemel en die eerste aarde het tot niet gegaan, en die see bestaan nie meer nie.
²³Ook het die stad nie die son en die maan nodig om haar te verlig nie, want die heerlikheid van God het haar verlig, en die Lam is haar lamp.
²⁵Haar poorte sal bedags nie gesluit word nie, en daar sal ook nie meer nag wees nie.

Genesis 1 tot 3 sê één belangrike ding: God IS voordat daar enigiets was, en uit niks het Hy die kosmos volgens sy ewigheidsplan tot stand gebring! Kan jy jou die almag en die grootsheid van die Skeppergod indink, wat die heelal in al sy glorie gemaak het?

Raak vir ’n oomblik stil, “sien” die aarde, sterre, planete en sonnestelsels in jou geestesoog en aanbid God vir wie Hy is …

God is nie (soos die lied Spanish Train van Chris de Burgh wil voorgee) ’n dobbelaar wat sy skepping en my en jou ewige bestemming op die spel plaas, of sal toelaat dat enige iemand ’n stok in sy wiel steek, of sy ewigheidsplan omverwerp nie! Die geskiedenis bewys die waarheid hiervan. Daarom lees ons ook telkens in die Nuwe Testament die woorde “… sodat die Skrif vervul sou word …” … en daarom begin die Nuwe Testament in Matt 1:1 met die geslagsregister van Jesus Christus – net om te sê: God se plan is op koers!

God is verseker nie planloos nie! Hy is ook nie reaktief (asof Hy vir die mens wag om iets te doen waarop Hy kan reageer) nie. Nee, Hy is die ewige, onveranderlike God wat sy ewige plan uitvoer tot sy eer. Dis ’n voorreg om te weet dat God mense (soos ek en jy) gebruik om sy plan tot uitvoer te bring. Dink maar aan Jesus wat gesê het: “Soos die Vader My gestuur het, stuur Ek julle ook” (Joh 20:21).

DIEPER DELF: Vgl Ps 33:10-11; 1 Pet 1:20. Oorweeg gerus om Gideon Joubert se Die Groot Gedagte te lees.

Ps 33:10-11:
¹⁰Die Here verydel
die raadsplanne van nasies,
Hy dwarsboom die planne van volke.
¹¹Die raadsplan van die Here
bestaan vir ewig,
die planne wat Hy bedink,
van geslag tot geslag.

1 Pet 1:20:
²⁰Hy is wel vooraf geken, voor die grondlegging van die wêreld. Hy is egter eers in hierdie eindtyd geopenbaar, ter wille van julle ²¹wat deur Hom glo in God, wat Hom uit die dood opgewek, en heerlikheid aan Hom gegee het. Daarom is julle geloof en hoop op God gerig.

Dink na oor en antwoord die volgende vrae:
Wat sê God se Woord vir jou oor jou skeppingsdoel en God se wil (ewige plan)?

Hoe rig jy jou lewe (huwelik, werk, toekomsplanne, ens.) in sodat dit in lyn kom met God se doel vir jou lewe?

Skryf die dinge neer wat jy moet aflê.

Skryf die dinge neer wat jy moet doen.

DIEPER DELF: Ons is die Plan handboek, p 2-13
Wat sou Albert Einstein bedoel het, toe hy by geleentheid uitgeroep het: “God does not play dice!”?
Watter troos en versekering bied Ps 49:8-16; 1 Kor 6:19-20 vir jou in hierdie verband? Lees ook Ps 22:28-32; Rom 1:19-25. Wat is God se doel met die skepping (mens ingeslote)?

Ps 49:8-16;

⁸Een familielid kan nooit
‘n ander vrykoop nie,
hy kan nie aan God die losprys
vir hom betaal nie,
⁹want die vrykoopprys
vir hulle lewens is te hoog
en hy moet vir altyd daarvan afsien
¹⁰dat hy vir ewig kan leef
en die graf nie sal sien nie.
¹¹‘n Mens sien immers
dat wyse mense sterf;
saam met die dwaas
en die onverstandige vergaan hulle
en laat hulle besittings aan ander na.
¹²Hulle graf is hulle tuiste vir altyd,
hulle woning van geslag tot geslag.
Hulle noem stukke grond na hulleself,
¹³maar ‘n mens met skatte
is nie blywend nie;
hy is net soos die diere –
hulle gaan ten gronde;
¹⁴dit is hulle lewenspad,
dié wat vol selfvertroue is,
hulle einde,
dié wat van hulle eie uitsprake hou. •Sela
¹⁵Soos kleinvee is hulle
vir die •doderyk bestem,
die dood is hulle herder,
teen die môre heers opregtes oor hulle.
Hulle liggame is bestem
vir vertering deur die doderyk,
ver van hulle indrukwekkende wonings.
¹⁶Maar God sal my lewe vrykoop
uit die mag van die doderyk,
ja, Hy sal my wegneem. •Sela

Ps 22:28-32

²⁸Almal tot aan die uithoeke
van die aarde
moet daaraan dink
en hulle tot die Here bekeer.
Al die familiegroepe van die nasies
moet voor U in aanbidding buig;
²⁹want aan die Here
behoort die koningskap,
en Hy heers oor die nasies.
³⁰Ja, voor Hom sal almal
wat oordadig leef,
in aanbidding neerbuig;
voor Hom sal alle sterflinge kniel,
elkeen wat nie die lewe kan behou nie.
³¹‘n Nageslag sal Hom dien;
hulle sal van my Heer vertel
aan die volgende geslag.
³²Hulle sal kom en sy geregtigheid
bekend maak aan mense
wat nog gebore moet word:
Hy het dit gedoen.

Rom 1:19-25

¹⁹aangesien dit wat van God geweet kan word, aan hulle bekend is. God het dit immers aan hulle bekend gemaak. ²⁰Want sy onsigbare eienskappe, naamlik sy ewige krag en goddelikheid, word van die skepping van die wêreld af in sy werke begryp en is duidelik sigbaar. Gevolglik is hulle sonder verontskuldiging; ²¹want alhoewel hulle God ken, het hulle Hom nie as God geëer of gedank nie. Inteendeel, hulle denke het sinloos geword en hulle onverstandige harte is verduister. ²²Alhoewel hulle beweer dat hulle wys is, het hulle dwaas geword. ²³Hulle het naamlik die heerlikheid van die onsterflike God verruil vir ‘n afbeelding soos dié van ‘n sterflike mens en van voëls en viervoetige en kruipende diere.

²⁴Daarom het God hulle deur middel van die begeertes van hulle harte oorgegee aan onreinheid, naamlik om hulle liggame onder mekaar te onteer ²⁵– hulle wat die waarheid van God vir die leuen verruil het en geskape wesens aanbid en gedien het in plaas van die Skepper, wat tot in ewigheid lofwaardig is. Amen.

WENK: Praat met iemand na aan jou oor God se spesifieke plan en doel met jou lewe. Vra sy of haar ondersteuning en voorbidding en begin bewustelik God se wil uit te leef.

Onthou om die bladsy vir die week se groepgesprek te voltooi!

04-WEEK-1_GROEP Laai af

Inhoudsopgawe

Kopiereg:
Dr. Frans Hanke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202228 Desember 2022

Week 01 Dag 01 – ‘n Skroef los – Ons is die plan: 9 Weke van Transformasie

Dag 1
Wat sê God?
Week 1
God en sy mense

‘N SKROEF LOS

Jy gaan in hierdie Bybelstudies kort-kort gevra word om na God se stem te luister. In die Ou Testament kry ons gereeld te doen met profete wat sê: “So spreek die Here!” Ook na Jesus se hemelvaart kry ons voortdurend die indruk dat die vroeë Christene die Here “se stem” gehoor het, maar die vraag is of dit vandag nog so werk? In die weke wat kom gaan ons indringend hieroor besin.
Ek vertrou dat jy die voorwoord en die aanwysings hoe om hierdie gids te gebruik, goed deurgelees het. Hoe jy hierdie eerste dag van die volgende 9 weke benader, gaan grootliks bepaal hoe verrykend die ervaring vir jou gaan wees. Jy kan deur elke studie blits en dan verwag om ’n paar nuwe insigte raak te lees, maar dit is nie ons verwagting en hopelik ook nie joune nie. Ons vertrou
hierdie gaan 9 weke van transformasie wees – weke waarna jy vir die res van jou lewe met groot dankbaarheid sal terugkyk. Weke wat sal maak dat jy nooit weer dieselfde kan wees nie. Daarom is hierdie materiaal meer as ’n Bybelstudie – dit is veronderstel om ’n “ervaring” te wees. So ernstig is ons hieroor dat ’n span gebedsondersteuners daagliks vir elke persoon bid wat met die materiaal besig is – ook vir jou!
Nou weet jy hoe ernstig ons hieroor is.

Ek wil voorstel dat jy ’n paar minute emosioneel en geestelik stil raak in God se teenwoordigheid. Vertel Hom van jou verwagting om ’n besondere ontmoeting met Hom te hê. Moenie gejaagd wees nie. Jy hoef nie heeltyd te praat nie – wees ook stil en ontvanklik om te hoor wat Hy deur sy Gees vir jou wil sê.

Hier is ’n paar Skrifgedeeltes wat jy met groot aandag en nadenke moet lees. Doen dit met die wete dat die Here deur sy Woord aan die woord is:
Deut 6:1-13:
¹“Dit dan is die gebod, die vaste voorskrifte en beslissings wat die Here julle God my beveel het om julle te leer, dat julle dit kan uitleef in die land waarheen julle oortrek om dit in besit te neem – ²sodat jy ontsag mag hê vir die Here jou God, deur al sy vaste voorskrifte en gebooie wat ek jou beveel, na te kom so lank jy leef, jy en jou kinders en jou kleinkinders, en sodat jy ‘n lang lewe mag hê. ³Jy moet luister, Israel; kom dit nougeset na dat dit met jou goed mag gaan en dat julle baie meer mag word soos wat die Here die God van jou voorouers jou beloof het – ‘n land wat oorloop van melk en heuning.”
DIENS AAN DIE HERE ALLEEN
⁴“Luister, Israel, die Here is ons God, die Here alleen. ⁵Jy moet die Here jou God met hart en siel liefhê en met al jou krag. ⁶En hierdie woorde wat ek vandag vir jou voorskryf, moet jy op die hart dra. ⁷Herhaal dit vir jou kinders en praat met hulle daaroor wanneer jy in jou huis sit en wanneer jy op pad is, wanneer jy gaan lê en wanneer jy opstaan. ⁸Bind dit as ‘n teken om jou hand en laat dit ‘n versiering op jou voorkop wees. ⁹Skryf dit op die deurkosyne van jou huis en op jou stadspoorte.
¹⁰“Wanneer die Here jou God jou inbring in die land wat Hy aan jou voorvaders, aan Abraham, Isak en Jakob, met ‘n eed beloof het om vir jou te gee – groot en mooi stede wat jy nie gebou het nie, ¹¹huise vol met alles wat goed is, wat jy nie gevul het nie, uitgekapte opgaarputte wat jy nie uitgekap het nie, wingerde en olyfboorde wat jy nie geplant het nie, en jy dan eet en versadig word, ¹²moet jy oppas dat jy nie die Here vergeet wat jou uit Egipteland, uit ‘n plek van slawerny, uitgelei het nie. ¹³Vir die Here jou God moet jy ontsag hê: Hom moet jy dien, en slegs in sy Naam moet jy sweer.
20-21;
²⁰“Wanneer jou kind in die toekoms vir jou vra, ‘Wat is die bedoeling van die bepalings, die vaste voorskrifte en beslissings wat die Here ons God vir julle voorgeskryf het?’ ²¹dan moet jy vir jou kind sê, ‘Ons was slawe vir die farao in Egipte, maar die Here het ons met ‘n sterk hand uit Egipte uitgelei.

Hos 11:1-11:
GOD SE LIEFDE VIR ISRAEL
11¹“Toe Israel ‘n kind was,
het Ek hom al liefgehad,
en uit Egipte het Ek my seun geroep.
²Toe daar later net so
na hulle geroep is,
het hulle van My af weggegaan.
Hulle het vir die Baäls offers geslag,
vir afgodsbeelde die rook
van offers laat opstyg.
³“Ek self het Efraim leer loop,
Ek het hulle in my arms geneem,
maar hulle wou nie erken
dat Ek hulle versorg nie.
⁴“Met menslike bande
het Ek hulle nadergetrek,
met die toue van liefde.
Ek was vir hulle soos dié
wat die juk lig
wat teen hulle kake druk.
Ek het na Efraim afgebuk,
hom gevoed.
⁵“Hy sal nie na Egipteland teruggaan nie,
maar Assirië, dié sal sy koning wees;
want hulle het geweier
om hulle te bekeer.
⁶Die swaard sal deur sy stede gaan
en sy orakelpriesters uitroei;
dit sal hulle vernietig oor die raad
wat hulle gegee het.
⁷My volk sal opgehang
word vir sy afvalligheid,
en na die juk sal hulle hom roep,
‘n juk wat glad nie gelig sal word nie.
⁸“Hoe kan Ek jou prysgee, Efraim?
Hoe kan Ek jou oorlewer, Israel?
Hoe kan Ek jou prysgee soos Adma,
jou maak soos Sebojim?
My hart is diep ontroer in My,
die deernis brand in My.
⁹Ek sal nie in my brandende toorn
optree nie;
Ek sal nie omdraai en Efraim
vernietig nie;
want Ek is God, nie ‘n mens nie –
die Heilige in jou midde;
Ek sal nie in woede kom nie.”
¹⁰Hulle sal die Here volg.
Soos ‘n leeu sal Hy brul;
wanneer Hy brul,
sal kinders bewend
van die see af kom.
¹¹Hulle sal bewend aankom
soos voëls uit Egipte,
en soos ‘n duif
uit die land Assirië.
“Ek sal hulle in hulle huise laat woon,”
is die uitspraak van die Here.
12:7:
⁷Maar jy, na jou God moet jy terugkeer.
Lê jou toe op troue liefde en wat reg is,
en wag altyddeur op jou God.

Joh 3:16-21;
¹⁶Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê. ¹⁷God het immers nie sy Seun na die wêreld gestuur om die wêreld te veroordeel nie, maar sodat die wêreld deur Hom verlos kan word. ¹⁸Wie in Hom glo, word nie veroordeel nie, maar wie nie glo nie, staan reeds veroordeel omdat hy nie in die Naam van die unieke Seun van God geglo het nie. ¹⁹En dit is die oordeel: Die lig het in die wêreld gekom, maar die mense het die duisternis liefgehad bo die lig, omdat hulle dade boos was. ²⁰Want elkeen wat kwaad doen, haat die lig en kom nie na die lig nie, sodat sy dade nie aan die kaak gestel kan word nie. ²¹Maar wie volgens die waarheid leef, kom na die lig, sodat sy dade bekend kan word, dat hulle in God gedoen is.
14:23.
²³Jesus antwoord hom: “As iemand My liefhet, sal hy ter harte neem wat Ek sê, en my Vader sal hom liefhê, en Ons sal na hom toe kom en by hom woon.

Jy kon sekerlik agterkom dat hierdie gedeeltes iets te sê het oor die verhouding tussen God en sy kinders. Hoe sou jy die kernwaarheid wat in hierdie verse voorkom, beskryf?

Voel dit ook soms asof jou verhouding met die Here nie intiem is nie; asof dit nie eg is nie en jou sogenaamde stiltetyd niks meer as ’n gewoonte is nie?

Soms probeer ons enige verskoning om die stiltetyd uit te stel, kort te knip of selfs af te stel. Dan is daar mos ’n skroef los! Sekerlik is dit nie wat God in gedagte het nie – en die gedeeltes wat jy sopas gelees het, beaam dit. Inteendeel, die hele Bybelse boodskap bevestig dit. Kortom, ek wil vir jou ’n vraag vra. Hoe sien jou verhouding met die Here op hierdie oomblik daaruit?
Kom ek help jou om die vraag te beantwoord. Vat ’n skryfding en BID en BESIN oor die volgende vrae – en skryf neer hoe jy dit beleef. Moenie dat afsprake of die horlosie jou aanjaag nie – laat die Here toe om vir jou insig te gee oor die ware toedrag van sake.

Hoe voel jy op die oomblik oor God: opgewonde, teleurgesteld of dalk kwaad vir Hom? Hoekom sê jy so?

Was jou geestelike wasgoed eerlik voor God!
Identifiseer elke afsonderlike kledingstuk – noem die sonde, teleurstelling, seerkry, probleem, behoefte by die naam.

Watter kledingstukke is so erg verslete dat jy dit liefs moet weggooi (Heb 12:1-3)?

AANMOEDIGING OM TE VOLHARD

Hoe dink jy voel God oor jou verhouding met Hom? (Kyk na Matt 15:8; Op 2:1-7 en as jy nog tyd het, lees ook Eseg 8:12.)

Matt 15:8

⁸“ ‘Hierdie volk eer My met die lippe,
maar hulle harte is ver van My af;

Op 2:1-7

2¹“Skryf aan die boodskapper van die •gemeente in Efese:
“Dit sê Hy wat die sewe sterre in sy regterhand hou, en wat tussen die sewe goue kandelare rondbeweeg,

²“ ‘Ek ken jou dade, jou inspanning en volharding, en weet dat jy slegte mense nie kan verdra nie. Daarom het jy daardie mense wat sê dat hulle •apostels is, maar nie is nie, getoets, en hulle as leuenaars uitgewys. ³Verder hou jy aan om te volhard, en het jy ter wille van my Naam baie verduur, sonder om moeg te word. ⁴Maar Ek hou dit teen jou dat jy jou eerste liefde versaak het. ⁵Onthou dan waarvandaan jy uitgesak het, en bekeer jou: Gaan doen weer wat jy vroeër gedoen het. Anders, as jy nie tot bekering kom nie, sal Ek na jou toe kom, en jou kandelaar van sy staanplek af verwyder. ⁶Maar dít tel in jou guns: Jy haat die dade van die Nikolaïete, wat Ek ook haat. ⁷“ ‘Laat dié wat ore het, luister na wat die Gees aan die gemeentes sê. Aan wie oorwin, sal Ek te ete gee van die boom van die lewe wat in God se paradys staan.’ ”

Eseg 8:12

¹²Hy sê toe vir my: “Het jy gesien, mensekind, wat die oudstes van die huis van Israel besig is om te doen in die donker, elkeen in sy binnekamers vol afbeeldings? Want hulle sê, ‘Die Here sien ons nie; die Here het die land verlaat.’ ”

Luister na snit 1 (GENADE) op die ingeslote CD.

Johann Botes / ProChristo – Genade.

As die son se laaste strale deur die doringbome skyn
In die verte warrelwinde die rooigeelstof omhein
Staan ek stom, verbysterd nader met my oog na bo gekeer
Vind ek vrede in my Vader, my Heer

As die storms eers verby is en die wolke prentjies maak
En die druppels strome water in die droë vore raak
Sing my hart ’n lied van vreugde, reik my hande self na bo
Weet ek seker dat ek in my Vader glo

Soos die maanlig donker skadu’s wat my bangmaak laat verdwyn
Is u liefde en u almag, is u lig wat in my skyn
Soos die arend sweef daarbowe met sy vlerke oopgesprei
Is die Vader se genade ook vir my

As die boom sy blare afgooi en sy skadu skraler raak
En die blaremat verander soos die wind sy paaie maak
Dors my siel na u beskerming, na u sorg o troue Heer
Word verlange na die hemel meer en meer

Het jy dalk ’n behoefte om iets vir die Here te sê na aanleiding van jou ervaring met Hom? Dalk wil jy opnuut jou lewe aan Hom toewy. Doen dit gerus …

WENK: Skryf in enkele woorde op ’n kaartjie wat die Here vir jou gesê het. Jy sal dit sekerlik vandag met jou wil “saamneem”. Sit dit in jou sak en dra dit saam met jou; sit dit so op jou lessenaar dat jy dit nie kan miskyk nie. Dink daaroor en praat deurlopend met die Here daaroor. (Agter in die gids is ’n bladsy met kaartjies vir hierdie doel wat uitgeskeur kan word.)

Onthou om die bladsy vir die week se groepgesprek te voltooi!

04-WEEK-1_GROEP Laai af

Inhoudsopgawe

Kopiereg:
Dr. Frans Hanke.

Sien ook die volgende kopiereg bepalings:
Kopiereg: Ons is die plan – 9 Weke van Transformasie

17 Oktober 202225 November 2022

Inhoudsopgawe: Ons is die plan – 9 weke van transformasie

Voorwoord
Wat is jou verwagting?
Hoe om die gids en CD te gebruik

Week 01: God en sy mense
Dag 01: ’n Skroef los?
Dag 02: ’n Dobbelaar?
Dag 03: Wat kry ek daaruit?
Dag 04: Nie sommer-so nie
Dag 05: Eienaar? Vennoot?
Week 01: Groepgesprek

Week 02: Die Plan
Dag 06: Padkaart
Dag 07: Wat soek ek waar?
Dag 08: Ons het dit nie uitgedink nie
Dag 09: Volslae mislukkings
Dag 10: Ons doen beter
Week 02: Groepgesprek

Week 03: Die Heilige Gees en die Plan
Dag 11: ’n Merkie
Dag 12: Ongerieflik
Dag 13: Soos ek
Dag 14: Op my eie
Dag 15: Vandag nog?
Week 03: Groepgesprek

Week 04: God se mense praat met Hom
Dag 16: Tweerigting kommunikasie?
Dag 17: Intiem met God?
Dag 18: Soos Pa!
Dag 19: Kan gebed die wêreld verander?
Dag 20: Die anderkant van die munt
Week 04: Groepgesprek

Week 05: God praat met sy mense
Dag 21: Troebel water
Dag 22: Arm van gees?
Dag 23: “Gaan lê maar weer”
Dag 24: Rooi ligte
Dag 25: ‘n Lewende verhouding
Week 05: Groepgesprek

Week 06: Rigtingloos sonder visie
Dag 26: “Ain’t no definition gonna help”
Dag 27: Ons kan daarsonder
Dag 28: Soekers wat nooit vind …
Dag 29: Die Ferrari en die Caterpillar
Dag 30: As jy aan my druk …
Week 06: Groepgesprek

Week 07: Laat u Koninkryk kom
Dag 31: Uit die mode
Dag 32: ’n Koning …?
Dag 33: Vir burgers van die Koninkryk
Dag 34: “Geestelike” groei?
Dag 35: Die kiem
Week 07: Groepgesprek

Week 08: Leiers en Verhoudings
Dag 36: Die nek van die plek …?
Dag 37: Soos ek sê – nie soos ek maak nie
Dag 38: Soos Alexander!
Dag 39: As jy dit nie het nie …
Dag 40: Jy’s jammer …?
Week 08: Groepgesprek

Week 09: Die Plan kom tot uiting
Dag 41: Tekkie op die teer
Dag 42: My belydenis is ten minste reg …
Dag 43: Dissipels van alle nasies
Dag 44: Verskil … en maak ’n verskil!
Dag 45: Is jy?
Week 09: Groepgesprek

Bylae 1: 45 Boublokke
Bylae 2: Die model in ’n neutedop
Bylae 3: Ek het ’n droom (Snit 15 op CD)
Bylae 4: CD – Nege weke van transformasie
Bylae 5: Om saam met jou te dra

17 Oktober 202225 Oktober 2022

Hoe om die gids te gebruik: Ons is die plan – 9 weke van transformasie

Hoe jy dié gids gebruik is van groot belang. As jy soos ek is, sal jy die inleidings en voorskrifte ignoreer en dadelik by die eerste studie inval – dit sal ’n reuse flater wees! So, sit maar 5 minute opsy om verder te lees, sodat jy die maksimum voordeel uit die bundel kan kry.
Kom ons begin by die begin. Die bundel bestaan uit 45 Bybelstudies – dus 9 weke. Vir elke week en dag, is daar ’n besondere tema. Hierdie week- en dagtemas word bo-aan elke studie aangedui.
Die struktuur van die studies is nie elke dag dieselfde nie, want onthou, verskillende persone het hieraan meegewerk. Ons het egter tog ’n basiese raamwerk ingebou sodat jy nie elke dag van nuuts af hoef te wonder wat aangaan nie. Om hiermee te help, gebruik ons ikons, prentjies wat jou deur elke dag se studie sal begelei. Die prentjies beteken die volgende:

Geleentheid om te bid; stil te word; te luister …

Skrifgedeeltes wat jy moet lees

Jy moet jou skryfding nadertrek

Hierdie uitroepteken sal jou herinner aan dinge wat jy moet doen

Wanneer jy hierdie weerligstraal sien, wil ons hê jy moet oor iets nadink en besin

Die skryfblokkie gee interessante wenke, of maak opmerkings, wat die dag se studie sal verryk

Jy moet luister na ’n spesifieke snit luister

Ons wil nie graag hê jy moet vasval in talle Skrifverwysings nie – die dieper delf vergrootglas gee egter bykomstige verwysings wat gelees kan word deur dié wat behoefte daaraan het

Hierdie prentjies behoort jou te help sodat jy nie in die materiaal sal verdwaal nie. Volg dus net rustig die verloop van elke dag se studie en gepaardgaande wenke.

Aan die einde van elke dag se studie, is daar ’n boublok wat probeer om die kernwaarheid van die dag in ’n enkelsin saam te vat.

Aan die einde van elke week se studies is daar ’n groepstudie wat gebruik kan word vir persone wat afsonderlik en gesamentlik deur die materiaal werk. Ek wil aanbeveel dat jy, nadat jy elke dag se studie afgehandel het, na die bladsy vir die week se groepgesprek sal blaai en invul wat van toepassing is. Dit beteken dat jy met die gids in jou hand die groepstudie kan bywoon en ’n opwindende saamgesels te wagte kan wees.

Ons probeer om jou deurlopend te help fokus. Daarom maak ons gebruik van kernwaarhede. Hierdie kort uitsprake som eintlik die hele studie vir elke dag op.
Ons het op sekere konvensies besluit toe die gids saamgestel is. Die afkortings wat vir Bybelboeke gebruik word, is ooreenkomstig die benadering wat deur die 1983 vertaling van die Afrikaanse Bybel gevolg word. Die woord “kerk” word soms met ’n hoofletter en ander kere met ’n kleinletter gespel. Wanneer ’n hoofletter gebruik word, word daar verwys na die universele Kerk – die Kerk van Jesus Christus deur die eeue oor die wêreld. Die spelling met ’n kleinletter verwys hoofsaaklik na die kerk soos wat dit as plaaslike gemeente manifesteer. Wanneer die woord “Koninkryk” met ’n hoofletter gespel word, word verwys na God se Koninkryk. Die woorde “missionêr” en “missioneel” word ook beide gebruik. Die woord “missioneel” verwys veral na die Bybelse beginsel dat die hele Kerk deur God gestuur word. Hy is die Een wat stuur! Dit word dus gebruik wanneer na die Kerk of gemeente se karakter, aard en eienskappe van gestuurdheid verwys word.

Daar word telkens in ’n blokkie aangetoon waar in die Ons-is-die-Plan handboek jy meer inligting oor die dag se onderwerp te lese kan kry. Dit sal die moeite werd wees as jy hierdie gedeeltes in die handboek onder oë kan kry, want daarin word natuurlik baie meer breedvoerig oor dié sake geskryf. (Handboek op aanvraag by diePlan se kantoor beskikbaar.)

Ons probeer jou belewenis verryk deur soms ’n CD-snit aan te beveel waarna jy moet luister. Dit sal goed wees as jou Bybelstudieplek daarvoor voorsiening maak. Indien nie, kan jy net die woorde van die snit lees soos dit in die gids weergegee word.

Hierdie Bybelstudiemateriaal vorm ’n geïntegreerde geheel. Op die binne-agterblad is ’n volkleurmodel wat dit verduidelik. Kyk gerus daarna, maar moenie bekommerd wees as dit aanvanklik onduidelik is nie. Teen die einde van week 9 sal ek jou begelei om alles as ’n logiese geheel te verstaan.

Die gids is doelbewus as ’n A4-grootte ontwerp. Dit vergemaklik die skrywery wanneer jy daaruit werk.

Ten slotte. Ek weet dat kortpad soms die maklikste pad is. Vermy dit asseblief! Stel jouself in om elke aktiwiteit en opdrag in die gids deur te werk. Anders gaan jy nie die volle voordeel van die 9 weke ervaar nie. Hoeveel tyd is daarvoor nodig? Met 30 minute per dag behoort jy elke studie te kan deurwerk, maar ek glo dat ’n uur per dag meer geleentheid vir in-diepte oordenking bied en dus ’n ryker ervaring sal waarborg.

Daar word voorgestel dat die groepgesprekke as volg hanteer word:

Wanneer die studie ook in groepverband gebruik word, moet elke deelnemer daaraan, na afloop van elke dag se studie, na die bladsye blaai wat vir die komende groepgesprek voorsiening maak.

Die volgende vrae word dan kortliks beantwoord:
Bybelverse wat jou vandag aangespreek het.
Belewenisse en ervarings tydens vandag se Bybelstudie.
Wat het jy geleer of ontdek?
Hoe het vandag se studie jou tot aksie geïnspireer, hoe het jy geestelik gegroei of jou lewe verander?
Iets wat jy graag met die groep wil deel of bespreek?

Dit is natuurlik nie nodig om elke dag op al die vrae te reageer nie. Soos die week verloop, ontwikkel daar natuurlik ’n groeiende reaksie op elke vraag wat aan die einde van die week met die groep bespreek kan word.

Op die dag van die groepstudie, kom elke deelnemer met sy Bybelstudiegids na die byeenkoms en maak dit by die week se groepstudie oop. Iemand fasiliteer die gesprekke, besprekings en verloop van die byeenkoms.

Die volgende struktuur kan gebruik word:
Begin deur geleentheid te gee om nuus met mekaar te deel.
Lofprysing en aanbidding: ’n Paar liedere kan saamgesing word met geleentheid vir gebed tussenin – of alternatiewelik, net geleentheid vir gebed.
Begin dan deur elkeen van die bogenoemde 5 vrae of stellings te bespreek. Op dié manier word daar byvoorbeeld uit die Woord gelees en kry ’n persoon geleentheid om te sê waarom die spesifieke Skrifgedeeltes hom of haar aangespreek het. Nadat daar nie meer bydraes oor ’n vraag of stelling is nie, word die volgende een hanteer.
As daar spesifieke voorstelle in die gids vir die dag se studie is, kan dit gebruik word – byvoorbeeld ’n snit van die CD.
Die fasiliteerder luister fyn na die gesprekke en bydraes en identifiseer deurlopend punte vir gebed. Dit word by die opskrif “gebedsonderwerpe” neergeskryf. Aan die einde van die byeenkoms, word persone gevra om die fasiliteerder se lys gebedsonderwerpe aan te vul. Hierna lees die fasiliteerder die onderwerpe vir die groep wat dit dan in hul eie gidse kan aanteken om deur die loop van die volgende week persoonlik daarvoor te bid. Die groepgesprek kan dan afgesluit word met gesamentlike gebed vir dié genoemde sake.
Ten slotte word daar aan die einde van die groepstudieblad oor elke dag se boublok ’n vraag gevra, of ’n stelling gemaak. Hierdie 5 vrae of stellings kan tot prikkelende gesprekke aanleiding gee. Indien tyd beskikbaar is, kan die groep ook van hierdie vrae of stellings bespreek.

17 Oktober 202218 Oktober 2022

Voorwoord en jou verwagtinge: Ons is die plan – 9 Weke van Transformasie

Na ’n periode van bykans twee-en-’n-half jaar waartydens Frans Hancke die
Ons-is-die-Plan werkwinkel by verskeie gemeentes en ander geleenthede
aangebied het, was die enigste “negatiewe” kommentaar wat ek van
kerkleiers gehoor het: “Wow! … Hoe kry ons hierdie inligting by ons lidmate?”
Ek het verstaan wat hulle bedoel. Alhoewel die werkwinkel primêr op die
kerkleierskap gerig word, is die inhoud van so ’n aard dat enigeen wat dit
bywoon, werklik besef: Die Bybelse verstaan van die roeping en taak van die
Kerk weerklink in hierdie tyd van teologiese verwarring verrassend suiwer en
Woordgetrou deur hierdie materiaal. Juis daarom is dit belangrik om lidmate
hieraan bloot te stel! Verder het ek verskeie van hierdie werkwinkels self
bygewoon en kan daarom getuig dat die Heilige Gees mense se lewens
aanraak en in sommige gevalle selfs radikaal verander! Dan moet daar mos ’n
antwoord gevind word vir hierdie versugting van kerkleiers!
Die antwoord wat Frans (saam met ’n span) by die Here gekry het, was om die
inligting in die vorm van ’n Bybelstudieboek beskikbaar te stel. Nou kan
gelowiges self vanuit God se Woord deur die Heilige Gees gelei word tot ’n
nege weke proses van transformasie en groei in hul kennis van en verhouding
met God – asook hul geloof in Hom!
Frans het verskeie kundiges genader wat bereid was om as medewerkers op
te tree. Prof Dons Kritzinger, Prop Ensie Enslin, Ds Evert Bergh, Dr Gideon
van der Watt, Me Melanie Strydom, Ds Peet Grobbelaar, Ds Pieter Pretorius,
Prof Pieter Verster, Ds Riaan van der Mescht en Ds TC du Toit het bygedra tot
hierdie boek wat jy in jou hand het. Wat ’n voorreg was dit nie vir elkeen van
ons wat hiertoe meegewerk het nie!
Self kan ek getuig van wat die besig-wees met hierdie Bybelstudiestukke die
afgelope paar maande vir my persoonlik beteken het! Miskien is dit beter
gestel om te sê dat God hierdie tyd met my op ’n besondere manier besig was
… en ek loof en aanbid Hom daarvoor!
Mag dit ook jou ervaring gedurende die volgende nege weke wees!
“Soli Deo Gloria”.

Ensie Enslin

Hierdie is dalk een van die belangrikste vrae wat jy moet antwoord. Dit wil voorkom asof daar altyd ’n sterk verband bestaan tussen wat mense verwag en wat hulle kry. ’n Mens sou kon sê jy kry gewoonlik wat jy verwag. Verwag jy min, sal jy min kry – en omgekeerd.
Dit is dus belangrik dat jy eers hierdie saak met jouself uitmaak:
Waarom pak ek hierdie 9 weke van transformasie aan?
Doen ek dit vrywillig; of is ek deur persone of groepe onder druk geplaas?
Wat verwag ek van die volgende 9 weke?
Ek wil jou aanmoedig om hierdie studies met ’n reuse verwagting aan te pak.
Hoekom sê ek so?
Eerstens, omdat die materiaal op die Bybel, op die Woord van die lewende God, gegrond is. Die Woord van die Here is lewendig en skerper as ’n tweesnydende swaard – sy Woord keer nooit leeg terug nie.
Tweedens, omdat die materiaal te make het met ’n werkwinkel wat al vir meer as twee jaar by gemeentes aangebied word en wat telkens deur die Here gebruik word om die lewens van mense (soms radikaal) te verander.
Derdens is hierdie ’n besondere bundel omdat dit die insette en bydraes van besondere kundiges bevat. Kyk gerus op die agterblad en jy sal verstaan waarom ek so sê.
Vierdens is die materiaal lekker leesbaar, maklik om te verstaan en word vars en nuwe maniere gebruik om te verseker dat hierdie 9 weke ’n besondere ervaring sal wees.
Vyfdens, omdat daar ’n hele netwerk van voorbidders is wat daagliks intree vir elke persoon wat met die materiaal besig is.
Laastens, omdat hierdie materiaal iets probeer openbaar van God se besondere liefde vir en betrokkenheid by sy mense. Dit gaan dus oor God; en hoe kan ons dan ooit in die teenwoordigheid van God kom sónder ’n verwagting?

Ek wil voorstel dat jy eers weer jou verwagting oordink voordat jy verder lees.
Ek wil waag om te sê dat jy met vrymoedigheid kan verwag dat jy die volgende 9 weke ’n besondere ervaring met God sal hê. Ek wil waag om te sê dat jou lewe verryk, verdiep en verander sal word. Ek wil durf sê dat jy na 9 weke sal terugkyk na vandag en erken dat jy nooit weer dieselfde sal wees nie!

17 Oktober 202218 Oktober 2022

Kopiereg: Ons is die plan – 9 Weke van Transformasie

Kopiereg:
Frans Hancke, McClintockstraat 2, Monumenthoogte, Kimberley, 8301
Eerste uitgawe:
November 2006
Uitgewer:
diePlan; McClintockstraat 2, Monumenthoogte, Kimberley, 8301
Omslagontwerp en uitleg:
P Wagener Hancke
Finale manuskripversorging:
Bybel Media, Cecilia Geyser, Hendriena Vorster, Petro Botha
Gedruk deur:
Swift Print, Kimberley
Ingeslote CD:
Musiek en Lirieke: Johann Botes
Kopiereg: Johann Botes
Verwerkings: Eddie Goldberg
Sanggroep: Johann Botes, Daleen Kriek en Elize Hancke
Musiek CD’s beskikbaar by: diePlan, McClintockstraat 2, Monumenthoogte, Kimberley, 8301
Geboorte van ’n Visie: (Snit 14 op CD)
Outeur: Frans Hancke
Voorleser: Anton Smith
Ateljee: SABC
Ek het ’n Droom: (Snit 15 op CD)
Outeur: Frans Hancke
Voorleser: Ensie Enslin
Ateljee: ProChristo Global Mission
Die outeurs van hierdie Bybelstudiegids stem nie noodwendig met mekaar se interpretasies en formulerings saam nie.
Ons-is-die-Plan word ook in die formaat van ’n werkwinkel by gemeentes aangebied.
’n Boek met die titel Ons is die Plan – Die gemeente met ’n verskil maak ’n verskil … is beskikbaar en dek die materiaal op ’n omvattende wyse.
Dieselfde boek is ook in Engels beskikbaar met die titel We are the Plan – The Church with a difference makes a difference …
’n CD-weergawe van hierdie Bybelstudiegids is beskikbaar.
Vir verdere navrae kontak Frans Hancke by frans@dieplan.org

Dag 14Die Heilige Gees bekragtigWeek 3Die Heilige Gees & Die PlanOP MY EIE

(Mark 14:66-72; Luk 22:56-62; Joh 18:15-18,25-27)

Dag 13Ons belewing & Aanbidding van God verskilWeek 3Die Heilige Gees & Die PlanSOOS EK

Dag 12Demonstreer ‘n verskil: HeiligmakingWeek 3Die Heilige Gees & Die PlanONGERIEFLIK

ALLES TOT BESKIKKING VAN GOD

DIE LEWE DEUR DIE GEES

Dag 11Wat sê God?Week 3Die Heilige Gees & Die Plan‘N MERKIE

JESUS SE HEMELVAART

Week 2Die PlanGROEPGESPREK

Dag 10Missio Dei in Aksie: Nuwe TestamentWeek 2Die inhoud van die planONS DOEN BETER

GENESING VAN ENEAS

OPWEKKING VAN TABITA

(Mark 9:50; 4:21; Luk 14:34-35; 8:16)

Dag 9Missio Dei in Aksie: Ou TestamentWeek 2Die inhoud van die planVOLSLAE MISLUKKINGS

Dag 8Missio DeiWeek 2Die inhoud van die planOns het dit nie uitgedink nie?

GELYKENIS VAN TWEE KINDERS

GELYKENIS VAN DIE HUURDERS

(Mark 12:1-12; Luk 20:9-19)

Dag 7Wat sê God?Week 2Die inhoud van die planWat soek ek en waar?

PAULUS SE GEBED VIR DIE LESERS

LOFPRYSING

PETRUS SE TOESPRAAK BY CORNELIUS

DIE HEILIGE GEES AAN HEIDENE

Dag 6Wat sê God?Week 2Die PlanPADKAART

Einde week 1Lofprysing en aanbiddingWeek 1God en sy menseGROEPGESPREK

Dag 5Christus die hoof?Week 1God en sy menseEIENAAR VENNOOT

NUWE LEWE IN CHRISTUS

Dag 4Wie is ons?Week 1God en sy menseNIE SOMMER SO NIE

ALLES TOT BESKIKKING VAN GOD

Dag 3Dit gaan oor God.Week 1God en sy menseWAT KRY EK DAARUIT?

Dag 2Wie is God?Week 1God en sy mense‘N DOBBELAAR?

Dag 1Wat sê God?Week 1God en sy mense‘N SKROEF LOS

AANMOEDIGING OM TE VOLHARD

Dag 14
Die Heilige Gees bekragtig
Week 3
Die Heilige Gees & Die Plan

OP MY EIE

Dag 13
Ons belewing & Aanbidding van God verskil
Week 3
Die Heilige Gees & Die Plan

SOOS EK

Dag 12
Demonstreer ‘n verskil: Heiligmaking
Week 3
Die Heilige Gees & Die Plan

ONGERIEFLIK

Dag 11
Wat sê God?
Week 3
Die Heilige Gees & Die Plan

‘N MERKIE

Week 2
Die Plan

GROEPGESPREK

Dag 10
Missio Dei in Aksie: Nuwe Testament
Week 2
Die inhoud van die plan

ONS DOEN BETER

Dag 9
Missio Dei in Aksie: Ou Testament
Week 2
Die inhoud van die plan

VOLSLAE MISLUKKINGS

Dag 8
Missio Dei
Week 2
Die inhoud van die plan

Ons het dit nie uitgedink nie?

Dag 7
Wat sê God?
Week 2
Die inhoud van die plan

Wat soek ek en waar?

Dag 6
Wat sê God?
Week 2
Die Plan

PADKAART

Einde week 1
Lofprysing en aanbidding
Week 1
God en sy mense

GROEPGESPREK

Dag 5
Christus die hoof?
Week 1
God en sy mense

EIENAAR VENNOOT

Dag 4
Wie is ons?
Week 1
God en sy mense

NIE SOMMER SO NIE

Dag 3
Dit gaan oor God.
Week 1
God en sy mense

WAT KRY EK DAARUIT?

Dag 2
Wie is God?
Week 1
God en sy mense

‘N DOBBELAAR?

Dag 1
Wat sê God?
Week 1
God en sy mense

‘N SKROEF LOS