NG Kerk Groot-Brakrivier

Jesus vir my, Jesus vir ons, Jesus vir almal!




Aanvaarding
Deernis
Eensgesinde blydskap in Christus
Gasvryheid
Mededeelsaamheid

Eredienstye 09:00

LEEF Kerk
Sondae
17:00
NUWE EREDIENS-ERVARING

Leef Kerk Alternatiewe Erediens NG Kerk Groot-Brakrivier
Leef Kerk Alternatiewe Erediens NG Kerk Groot-Brakrivier

Ons nooi jou hartlik uit na iets nuuts by ons gemeente !
Buiten vir ons oggend erediens ‘n Sondag, skep ons nou ook ’n ruimte waar ons op ’n ander manier saam kan wees…’n ruimte vir gesprek en gemeenskap.

Kom sit Sondae 17:00 saam om tafels,
Deel ’n koppie koffie of tee,
Lees saam uit die Woord,
Gesels oor wat dit werklik vir ons lewens beteken.

Hier is daar plek vir vrae, stories en om mekaar beter te leer ken in die lig van God se Woord. Of jy nou al lank deel is van ons gemeente, of net nuuskierig is – jy is meer as welkom.

ELKE SONDAG IN DIE KWARTAAL om 17:00,
BEHALWE LANGNAWEKE EN VAKANSIES

Ons sien uit daarna om saam met jou aan tafel te wees.

Kerssangdiens NG Kerk Groot-Brakrivier
Kerssangdiens NG Kerk Groot-Brakrivier

Wie is ons?

Wie is ons?

Jesus vir my, Jesus vir ons, Jesus vir almal

Ons as gemeente is saam die liggaam van Christus.
Ons elkeen is ‘n unieke lid met sy/haar passie, gawes, talente en sterkpunte.

Ons Waardes:

Aanvaarding
Deernis
Eensgesinde blydskap in Christus
Gasvryheid
Mededeelsaamheid

Die gemeente strek vanaf Tergniet in die weste tot by Hersham in die ooste. Na die noordekant val die plaaswyke Gonnakraal, Sorgfontein, Vlakte, Langhoek en Voorbrug ook binne ons grense.
326 lidmate woon buite die gemeentegrense, nl. in Danabaai, Mosselbaai, Hartenbos, Reebok, Klein-Brakrivier, Fraai-Uitsig, Pienaarstrand, Outeniquastrand, Glentana, George en Heroldsbaai.
Ons gemeente bestaan uit ongeveer 1400 belydende- en 210 dooplidmate (kinders). Hulle is ingedeel in 25 blokke, wat elk bedien word deur ‘n ouderling, diaken en ‘n paar dienswerkers.

Gereelde Items en Reekse

Gereelde Items en Reekse

  • Nuusflitse Week 47+ van 2026

    Sondag 15 November 2026 : Erediens om 09:00 GEEN Kleuterkerk. Ouers welkom saam met kinders in die konsistorie. GEEN Kategese
    .Maandag 16 November 2026:Blokbyeenkoms:Blok 16 (Hersham) om 18:00 by Apie & Lida Genis, Hersham-rylaan 22
    Dinsdag 17 November 2026: Die Kerkraad vergader om 17:30 in lokaal 6 onder voorsitterskap van Willem du Preez
    Woensdag 18 November 2026 – Kooroefening by die orrel om 16:45
    Woensdag 18 November 2026 : Getuienisbediening Sop, Brood & Boodskap uitreik
    Sondag 22 November 2026 : Erediens om 09:00 Geen Kleuterkerk & Geen
    Sondag 22 November 2026 : Laaste LEEFKerk vir 2026 – Ds Charné Viljoen
    Donderdag 26 November 2026: Bloedskenk 14:00 – 19:00 in die kerksaal
    Sondag 29 November 2026 : Kerssangdiens 19:00

    Lees die volledige afkondigings hier: Afkondigings 15-22 November 2026

Bybel dagstukkies
Bybel dagstukkies

  • Splitsekondes met God. Bybel dagstukkie vir vandag: 15 November 2026 – Meer werd as rykdom

    15 November

    Mense jaag dikwels geld en goed na, maar daar is ’n skat wat nog meer vreugde gee. Hier is God se boodskap net vir jou.

    Tema: Meer werd as rykdom

    Teks: “Om volgens u verordeninge te lewe, gee my meer vreugde as al die rykdom van die wêreld.” (Ps. 119:14)

    • Die bietjie wat jy saam met God het, is meer werd as al die rykdom van die wêreld. (Ps. 37:16)
    • God se Woord gee ’n vreugde wat geld nie kan koop nie.
    • Rykdom kan jou ’n rukkie gelukkig maak, maar God se wil gee jou lewe.
    • Wees vandag dankbaar vir wat jy het, eerder as om te dink aan wat jy nie het nie.

    Gebed:

    Liewe Vader, dankie dat u woord meer werd is as alle rykdom – laat dit my vreugde wees.

    In die Naam van Jesus Christus die Here.

    Amen.
    Vorige dagstukkies 2026
    Vorige dagstukkies 2025

    © NG Kerk Lynnwoodrif – word gebruik met toestemming.

Wat doen ons : Aktiwiteite

Wat doen ons: Aktiwiteite

Waarna luister ons: Praise & Worship

Volledige Musiek Reeks

Privaatheidsbeleid Trots aangedrewe deur WordPress