Kategorie: Radio FEBA

Gepubliseer op

Radio FEBA: e-Gebedsfokus vir Mei 2024

Woensdag 1 Mei: “Hy sê toe vir sy dissipels: ‘Die oes is groot, maar die arbeiders min. Bid dan die Here aan wie die oes behoort, om arbeiders uit te stuur vir sy oes.’” (Matteus 9:37-38 Afr83)

Donderdag 2 Mei: FEBA Oekraïne hou aan om die evangelie uit te saai te midde van verskriklike geweld. ‘n Missiel het onlangs ‘n gebou minder as ‘n kilometer vanaf FEBA se ateljee in Kiëf getref. Hou asseblief aan om vir Oekraïne te bid. Bid vir ‘n einde aan die oorlog en bid dat FEBA Oekraïne sterk sal bly staan in hul geloof.

Vrydag 3 Mei: Radio Nuru, FEBA Mosambiek se stasie in Cabo Delgado, is midde-in die jihadiste-konflik geleë. Ten spyte van die voortdurende bedreiging van geweld, hou die span aan om elke dag tot 17:00 uit te saai. Bid dat God FEBA Mosambiek sal bewaar en elke minuut van uitsaaityd sal seën.

Saterdag & Sondag 4-5 Mei: FEBA se uitsendings het al talle selfdoodpogings voorkom. Dié FEBA Kambodja-luisteraar het gedink sy skakel vir oulaas in op Krusa FM voordat sy ‘n oordosis sou neem. Sy vertel: “Ek het gehoor dat ander luisteraars ook soos ek teleurgesteld is en hulle het ongelooflike bemoediging ontvang… Ek het huilend gebid dat God my die krag sal gee om die lewe se uitdagings te trotseer en my sal leer om die lewe te waardeer soos Hy dit bestem het. Ek het die medisyne uit my hand laat val.” Bid dat diegene wat só ly, troos en hoop uit FEBA se uitsendings sal put.

Maandag 6 Mei: Het jy geweet? Daar is sowat 20 miljoen Moslems in Rusland en FEBA werk hard om na hulle toe uit te reik. Bid dat FEBA Rusland se pogings vrug sal dra. Bid ook vir die FEBA Rusland-span en hul luisteraars, wat in ’n harde en onderdrukkende politieke klimaat moet leef en bedien.

Dinsdag 7 Mei: “Ek was op pad om selfdood te pleeg, maar nadat ek na jul Hoop in Christus-program geluister het, het ek van plan verander. Ek het elke dag na jul stasie begin luister en nou is ek wedergebore.” (FEBA Mosambiek-luisteraar)

Woensdag 8 Mei: “Die Here is goed, Hy is ‘n toevlug in tyd van nood, Hy sorg vir dié wat by Hom skuil.” (Nahum 1:7 Afr83)

Donderdag 9 Mei: In Kazakstan het Moslemgebruike, soos die Ramadan-vas en gebede by die moskee, ‘n modegier onder jongmense geword. Tog is baie van hulle werklik op soek na die waarheid. Bid dat hulle Christus deur FEBA Kazakstan se sosiale media-uitsendings sal ontmoet en dat die ouer geslag ook hul harte vir God se Woord sal oopmaak.

Vrydag 10 Mei: Prys God vir die lewens wat deur FEBA Mali se uitsendings verander word. Baie luisteraars is Moslem en loop die gevaar om deur hul families verwerp te word as hulle Christus aanneem. Bid dat hierdie luisteraars vertroosting en krag by God sal vind en bid dat hul families ook vir Christus deur FEBA Mali se uitsendings sal ontmoet.

Saterdag & Sondag 11-12 Mei: Indië ondervind tans ‘n toename in die vervolging van Christene. Daar is onlangs ‘n wetsontwerp in Assam goedgekeur, wat dit onwettig maak om vir ‘n siek persoon te bid, terwyl Christen-skole opdrag gegee is om van Christelike simbole, soos die kruis, ontslae te raak. Anti-bekeringswette is tot dusver in 12 state in werking gestel. Dit is nou meer noodsaaklik as ooit om deur middel van media, Christus aan die mense van Indië te bring. Bid dat FEBA Indië die Goeie Nuus sal kan aanhou uitsaai en dat hul boodskap wetgewers se harte sal verander.

aandag 13 Mei: In Kirgisië kan jy jou plek in die samelewing, én jou werk, verloor as jy ‘n Christen word. Verlede jaar het video’s op sosiale media mense aangehits om Christene te vervolg. Ten spyte hiervan hou FEBA Kirgisië se bediening aan groei. Bid dat God die span en hul luisteraars sal beskerm, en dat FEBA Kirgisië se uitsendings meer luisteraars sal trek.

Dinsdag 14 Mei: “Ek het deur die radio ontdek dat Christenskap ‘n baie goeie geloof is… God weet hoe lief ek hierdie geloof het en hoe graag ek ‘n Christen wil word. My familie is egter almal Moslem en sal my haat as ek Islam afsweer ter wille van Christenskap. Bid asseblief vir my.” (FEBA Mali-luisteraar)

Woensdag 15 Mei: “Die Here is genadig en regverdig, ons God ontferm Hom oor ons. Die Here beskerm die hulpeloses: ek was magteloos, maar Hy het my gered. Ek moet nou tot rus kom, die Here het goed aan my gedoen…” (Psalm 116:5-7 Afr83)

Donderdag 16 Mei: Het jy geweet? Vandag is die VN se Internasionale Dag vir Saamleef in Vrede. Baie van FEBA se luisteraars leef in samelewings wat deur oorlog of vervolging uitmekaar geskeur is, terwyl ander deur hul families verstoot word as hulle Christene word. Bid dat God FEBA se spanne en luisteraars sal vertroos en sal help om as vredemakers te dien.

Vrydag 17 Mei: FEBA Malawi se programme word vanaf Eswatini via kortgolf na Tanzanië uitgesaai, en FEBA Mosambiek se uitsendings bereik ook die Yao Moslems daar. Pastoor Amos Phiri van FEBA Malawi het onlangs 125 luisteraarklubs in die Tunduru-distrik gevestig! Bid dat FEBA se luisteraars in Tanzanië Christus deur die radio sal ontmoet.

Saterdag & Sondag 18-19 Mei: Sommige mense deel die Goeie Nuus ten koste van hulself. ‘n FEBA Bangladesj-luisteraar vertel: “Ek het onlangs 24 mense na jul luisteraar-byeenkoms gebring en 13 van hulle het Christus aanvaar. Die ander veroorsaak egter probleme. Hulle versprei gerugte oor my. Nou sê plaaslike leiers ek kan nie meer deel wees van die gemeenskap nie.” Bangladesj is meer as 90% Moslem, met 278 onbereikte mensegroepe. Bid dat God mense se harte sal oopmaak teenoor FEBA Bangladesj se uitsendings en dat Hy luisteraars wat verstoot word weens hul geloof, sal vertroos en beskerm.\

Maandag 20 Mei: In China probeer die regering godsdiens ten volle beheer. Kerke moet die regering se toestemming kry om dienste te hou, so huiskerke is tegnies onwettig. Laas Kersfees is Christene verbied om dit openlik te vier. Bid dat FEBA China se uitsendings gelowiges sal bemoedig en nie-gelowiges sal bereik, totdat almal gehoor het.

Dinsdag 21 Mei: “Ons het in ’n klein dorpie gewoon waar iedereen ‘n Boeddhis was. In daardie stadium het niemand nog ooit van Jesus Christus en Sy reddingsplan gehoor nie. Dit het verander toe ons aan jul radioprogramme bekendgestel is. Ek het ‘n Christen geword as gevolg van jul uitsendings. Dankie dat julle my na God toe gebring het.” (FEBA Mianmar-luisteraar)

Woensdag 22 Mei: “Geseënd is julle wanneer julle beledig word ter wille van die Naam van Christus. Dit is ‘n bewys dat die Gees aan wie die heerlikheid behoort, die Gees van God, op julle bly.” (1 Petrus 4:14 Afr83)

Donderdag 23 Mei: FEBA Etniese Bedieninge vervaardig programme vir 18 etniese minderheidsgroepe reg oor Suidoos-Asië, insluitende die Khmu, die Ifugao en die Belitung. Bid dat God vir die spanne die nodige vaardighede en wysheid sal gee om inhoud te skep wat luisteraars in staat sal stel om die waarheid van God se Woord deur FEBA se uitsendings te ervaar.

Vrydag 24 Mei: Bid vir FEBA Niger. Dis nie ‘n maklike land om in te evangeliseer nie en die nuutgevormde span het ‘n moeilike taak voor hulle. Bid dat God vir FEBA Niger sal inspireer met kreatiewe idees vir program-inhoud, en moed sal gee om die Goeie Nuus met vrymoedigheid te deel.

Saterdag & Sondag 25-26 Mei: Prys God vir die geleentheid om die evangelie in Pakistan te deel. FEBA Pakistan vervaardig inhoud vir verskeie aanlynplatforms, saai uit op FM- en AM-stasies, en hou byeenkomste vir dié wat meer oor die Christelike geloof wil leer. Pakistan is sewende op die lys van lande waar Christene dit die moeilikste het. Vervolging is algemeen en gaan soms oor in dodelike geweld. Bid dat die FEBA Pakistan-span veilig sal kan bedien en dat luisteraars hul harte vir die Goeie Nuus sal oopmaak.

Maandag 27 Mei: Suid-Afrika se nasionale en provinsiale verkiesings vind Woensdag 29 Mei plaas. Bid dat die verkiesing vry en regverdig sal wees, en dat God Sy hand van vrede en bewaring oor elke stemlokaal sal hou. Bid ook dat die toekomstige leiers Sy wil en wysheid sal soek.

Dinsdag 28 Mei: “Die Way of Life Punjabi-programreeks het ’n betekenisvolle impak op die bespreking van ernstige kwessies wat gereeld ons persoonlike en gesinslewe bederf. Die Woord van God het my lewe in 2024 verander en omskep. Hou asseblief aan bid dat hierdie nuwe geloof sterk sal groei in my en my gesin.” (FEBA Pakistan-luisteraar)

Woensdag 29 Mei: “Die genade van God wat verlossing bring, het immers aan alle mense verskyn. Dit voed ons op om die goddelose leefwyse en wêreldse begeerlikhede te laat vaar en met selfbeheersing, opregtheid en godsvrug in die teenswoordige wêreld te lewe…” (Titus 2:11-12 Afr83)

Donderdag 30 Mei: Meer as 6,000 mense het aan die einde van 2023 deur FEBA Thailand se Kersprojek tot bekering gekom! Meer as 30,000 minderbevoorregte kinders het Kersgeskenke ontvang. Prys God vir Sy oorvloedige seën en bid dat elkeen van die mense wat betrokke was, kinders inkluis, God se Woord sal aanvaar.

Vrydag 31 Mei: Prys God vir die groei in FEBA Malawi se bediening. Hulle het die afgelope paar maande duisende nuwe luisteraars bygekry en honderde luisteraarklubs is gevestig. Tog staar hierdie luisteraarklubs en miljoene ander mense voedseltekorte in die gesig as gevolg van klimaatsverandering. Bid dat God ter wille van Sy kinders sal intree.

Gepubliseer op

FEBA Konferensie in Korea, 2024

FEBA, wat deur NG Kerk Groot-Brakrivier Gemeente ondersteun word, se internasionale bestuur het die afgelope week vergader op die tropiese en skilderagtige Daebu Eiland, vanwaar een van hulle groot mediumgolf stasies die hele Asië dek. Menige mense word bereik in dosyne verskillende tale. Die kleurvolle geleentheid is ook gedek deur die Koreaanse televisie.

Die was ‘n geseënde geleentheid met die feestelike optrede van Christene wat baie melodieus hulle Christenskap uitleef. Ook die FEBA kinderkoor van Korea, wat optree tydens fondsinsamelings funksies optree, het dit ‘n luisterryke geleentheid gemaak. Die Konferensie is baie goed bygewoon.

Gepubliseer op

FEBA Kazakstan skep ‘n digitale golf wat mense transformeer!

Argen, 21, is ’n universiteitstudent van Almaty en die jongste van drie kinders wie se ouers geskei is. “My ma het haar bes gedoen om ons groot te maak terwyl my pa heeltemal uit die prentjie was,” skryf Argen. “Ons het nie altyd geld gehad vir goed soos verjaardaggeskenke of vakansies, soos ander kinders by ons skool nie. Ek probeer nie hier kla nie, aangesien daardie uitdagende tye ons baie geleer het… In jul uitsendings praat julle daarvan om aan diegene wat in nood verkeer, te gee, en ek identifiseer baie hiermee. Ek voel God seën my en nou is ek mal daaroor om verjaardaggeskenke aan minder bevoorregte kinders te gee.”

FEBA Kazakstan se pad was tot nou toe nie maklik nie. Buiten die uitdaging van evangelisasie in ’n  hoofsaaklik Moslemland, het hulle ook te kampe met ’n dralende anti-godsdienstige sentiment onder ouer mense… ’n oorblyfsel van Kazakstan se jare as deel van die Sowjet-Unie. Amptelik erken die Kazak-regering godsdiensvryheid, maar tog stipuleer die 2011 Godsdienswet onder meer die volgende: … Lees die res van die artikel hier
Totdat almal gehoor het, 

Dr Jurie Vermeulen
Nasionale Direkteur
\
Wil u ’n aangrypende aanbieding beleef waarin ons vertel wat God alles rondom die wêreld doen deur die media? Nooi ons dan gerus hierdie jaar na u gemeente!
Gepubliseer op

Radio FEBA E-Gebedsfokus Desember 2023

DESEMBER 2023
“Maar hoe kan ’n mens Hom aanroep as jy nie in Hom glo nie? En hoe kan jy in Hom glo as jy nie van Hom gehoor het nie? … Daar staan ook geskrywe: ‘Hoe wonderlik klink die voetstappe van dié wat die goeie boodskap bring.”
(Romeine 10:14-15 Afr83)
 Vrydag 1 Desember: FEBA Radio SA doen elke jaar die Kersfees-radioprojek, wat mense die kans gee om gedurende die feesgety radio’s aan onbereikte mensegroepe te skenk. Bid dat hierdie jaar se projek vlot sal verloop en suksesvol sal wees, sodat nog baie meer mense die Goeie Nuus in 2024 kan hoor!

Saterdag & Sondag 2-3 Desember: Bid vir FEBA Internasionaal se Gawelyon-projek. FEBA se personeel vervaardig kortgolf-uitsendings in die Gawelyon-Tibettaanse taal vir mense in Tibet, Nepal, Bhoetan en die noorde van Indië. Dié kulture is in Boeddhisme gewortel, wat dit vir mense moeilik maak om tot bekering te kom. In Nepal is dit selfs onwettig om iemand te probeer bekeer! Die Gawelyon-projek se personeel deel ook lektuur uit wat handel oor gesondheidskwessies, asook die Christelike geloof. Bid dat die projek oorvloedige vrug sal dra en dat luisteraars geraak sal word deur die Goeie Nuus wat hulle bring.  Maandag 4 Desember: Hoewel die strydende partye in Jemen tot ’n tydelike wapenstilstand ooreengekom het, ly die land steeds onder voedseltekorte, ’n gebrek aan skoon water en swak sanitasie. Christene is ook toenemend die teiken van vervolging. Bid dat FEBA Jemen se uitsendings hul luisteraars sal bemoedig en meer mense na Christus sal bring.

Dinsdag 5 Desember: “Ek het nie veel van kerk geweet nie, totdat ek op ’n dag ‘toevallig’ op jul radiostasie ingeskakel het. Die inhoud het my so geseën! My geloof is nou gevestig, omdat ek God persoonlik kon ontmoet. Dankie!” – Luisteraar in Suid-Korea

Woensdag 6 Desember: “Maar hoe kan ’n mens Hom aanroep as jy nie in Hom glo nie? En hoe kan jy in Hom glo as jy nie van Hom gehoor het nie? … Daar staan ook geskrywe: ‘Hoe wonderlik klink die voetstappe van dié wat die goeie boodskap bring.’” (Romeine 10:14-15 Afr83)

Donderdag 7 Desember: FEBA Kazakstan het hul uitsaailisensie meer as ’n dekade terug ontvang, maar het steeds nie ’n FM-frekwensie om op uit te saai nie. Ten spyte van dié uitdaging, gebruik FEBA Kazakstan sosiale media om verskillende gehore te bereik, en hul inhoud word deur duisende gesien! Bid dat God die span se pogings sal rig om die onbereikte mense van Kazakstan te raak.

Vrydag 8 Desember: FEBA Tsjad is tans besig om na ’n ander perseel te trek onder die leiding van ’n nuwe direkteur, Palyo Ndenon. Bid dat God die span bymekaar sal bring en die oorgang vlot sal laat verloop, sodat FEBA Tsjad teen die einde van die jaar terug op die lug kan wees om die Goeie Nuus uit te saai.

Saterdag & Sondag 9-10 Desember: Bid asseblief vir FEBA Oekraïne en hul luisteraars. Die span werk hard om aan te hou bedien te midde van die geweld op die front en die lyding tuis. Beraders luister daagliks na talle hartverskeurende stories en bid saam met mense wat die hulplyn skakel. Bid vir die beraders se geestelike- en geestesgesondheid. Bid dat God FEBA Oekraïne se krag elke dag sal vernuwe en hulle sal gebruik om meer mense in hierdie donker tye na Sy lig toe te trek.  Maandag 11 Desember: Daar is 443 onbereikte mensegroepe in China, maar die kerk groei! ’n Luisteraar vertel onlangs vir FEBA China: “Jul programme het my oë laat oopgaan sodat ek kon besef daar is Christene oral oor die wêreld. Nou verwerp ek dit nie meer nie.” Bid dat meer mense in China so ontvanklik sal wees vir die Goeie Nuus.

Dinsdag 12 Desember: “Julle het onlangs ’n program oor dankbaarheid uitgesaai. Dit het my regtig gevang, want ek was baie kwaad vir my ouers. Julle het my oorreed om my ouers te skakel en dankie te sê vir iets wat hulle vir my gedoen het. Dit het hulle verras. Hulle kon nie verstaan waar dit vandaan kom nie. Ons verhouding het sedertdien baie verbeter. Dankie.” – Luisteraar in Kazakstan 

Woensdag 13 Desember: “Wees waaksaam en bid gedurig vir al die gelowiges. Bid ook vir my dat wanneer ek preek, God my die woorde gee dat ek die geheimenis van die evangelie met vrymoedigheid kan bekend maak.” (Efesiërs 6:18-19 Afr83)

Donderdag 14 Desember: Bid vir die Hmong mense wat in Laos, Viëtnam en noordelike Thailand woon. Hul dorpies is so afgeleë dat hulle slegs deur kortgolfradio en die internet bereik kan word. FEBA saai reeds dekades lank Hmong-programme uit en baie mense het Christus al so aanvaar. Bid dat hierdie afgesonderde gemeenskappe deur God se Woord omskep sal word.

Vrydag 15 Desember: FEBA Malawi het ‘n nuwe stasie in Blantyre wat hulle in staat stel om die hele sentraal- en suid-Malawi te bereik! Prys God vir hierdie wonderlike geleentheid om Sy Woord te versprei en bid dat Hy die FEBA Malawi-span sal lei in hul pogings om die Goeie Nuus met ander te deel.

Saterdag & Sondag 16-17 Desember: Nes kinders in ander dele van die wêreld, raak Indonesiese kinders toenemend verslaaf aan digitale media, wat slegte gevolge vir hul aandagspan het. FEBA Indonesië se program, Adventure in die Kingdom of God, leer kinders oor God en neem hulle stelselmatig deur die Bybel sodat hulle dit beter kan verstaan. Onderwysers word ook ‘n metode geleer waardeur hulle kinders kan help om stiltetyd met God te hê voor die begin van ’n les. Dank God vir hierdie geleentheid om die evangelie met die kinders van Indonesië te deel en bid dat die program goeie vrug sal dra.  Maandag 18 Desember: In Moldowa is daar baie “welsyn”-weeskinders, wie se ouers as gevolg van alkoholisme nie in staat is om vir hulle te sorg nie. FEBA Moldowa help om na hierdie kinders om te sien. Sommige spanlede het selfs weeskinders in hul huise ingeneem. Bid dat God FEBA Moldowa se pogings sal seën en hul luisteraars uit die kloue van alkoholisme sal bevry.

Dinsdag 19 Desember: “Ek dank God dat Hy selfs in my tye van swaarkry mense gebruik om my te bemoedig en motiveer, veral in die lees en bestudering van Sy woorde, asook in gebed. Julle is ’n groot deel van my lewensreis. Die Here praat deur jul stasie. Hy seën en vertroos my hart werklik deur die liedjies.” – Luisteraar in die Filippyne 

Woensdag 20 Desember: “Vir ons is ’n Seun gebore, aan ons is ’n Seun gegee; Hy sal heers, en Hy sal genoem word: Wonderbare Raadsman, Magtige God, Ewige Vader, Vredevors. Sy heerskappy sal uitbrei, en Hy sal vir altyd vrede en voorspoed bring.” (Jesaja 9:5-6 Afr83)

Donderdag 21 Desember: Het jy geweet daar woon meer as 4 miljoen onbereikte mense in Taiwan? Bid dat God die FEBA Taiwan-span sal lei en bemoedig wanneer hulle inhoud vir radioprogramme en podcasts skep. Bid ook dat mense geïnspireer sal voel om die Goeie Nuus te ontvang.

Vrydag 22 Desember: Bid vir FEBA se nuwe stasie in Niger. Bid dat God die regte mense sal lei om deel van die span te word en dat Hy die nodige hulpbronne sal voorsien om hoë-kwaliteit uitsendings te vervaardig, sodat die Goeie Nuus soveel as moontlik van Niger se onbereikte mense kan bereik.

Saterdag & Sondag 23-24 Desember: FEBA werk al vir meer as 75 jaar om die Goeie Nuus van Christus met onbereikte mense reg oor die wêreld te deel. Elke dag kan die evangelie oor 260 radiostasies, in 152 tale en in 50 lande gehoor word. Dit is slegs moontlik omdat ons die Goeie Nuus het om te deel. Loof God dat Hy Sy eniggebore Seun gestuur het om die wêreld van sonde te bevry. Dank Hom dat Hy vir FEBA seën met geleenthede om Sy lig in ’n gebroke wêreld te versprei. Bid dat meer mense FEBA se uitsendings sal hoor en dat God se Woord hul lewens sal verander.  Maandag 25 Desember: Bid vir FEBA se luisteraars in lande waar daar oorlog, hongersnood en verdrukking is. Bid dat hulle God se Woord oor die radio of aanlyn sal hoor, sodat hulle Sy teenwoordigheid en die vreugde van die Goeie Nuus tydens die Christusfees kan beleef.

Dinsdag 26 Desember: “Die verse wat ek oor die radio hoor, is regtig hartroerend! Ek moet net noem hoe anders julle jul God uitbeeld aan hierdie selfsugtige wêreld. Hou asseblief aan om dié lieflike woorde te deel, want hulle bring vir baie mense soos ek hoop, liefde en goedhartigheid.” – Luisteraar in Pakistan

Woensdag 27 Desember: “Mag God, die bron van hoop, julle deur julle geloof met alle vreugde en vrede vervul, sodat julle hoop al hoe sterker kan word deur die krag van die Heilige Gees!” (Romeine 15:13 Afr83)

Donderdag 28 Desember: Die Shan-mense is ‘n etniese minderheidsgroep wat in noordelike Thailand en Mianmar woon, met ‘n bevolking van sowat 6 miljoen. FEBA se Shan-aanbieder, Suchat, bied weekliks ’n program op radio en aanlyn aan, waarop miljoene luisteraars inskakel. Bid dat Shan-luisteraars hul harte vir God se Woord sal oopmaak.

Vrydag 29 Desember: FEBA is besig om ‘n stasie in Soedan te vestig. Die oes is ryp en die mense daar bid al lank vir ’n radiostasie. Bid dat God vir FEBA die regte pad om te volg sal aandui, en die regte span bymekaar sal bring, sodat FEBA Soedan so gou as moontlik die Goeie Nuus met hul mense kan begin deel!

Saterdag & Sondag 30-31 Desember: Laat ons God aan die einde van hierdie jaar loof vir al die goeie dinge wat Hy die afgelope jaar deur FEBA vermag het. Prys hom vir elke persoon wat die Goeie Nuus deur FEBA se uitsendings gehoor en hul hoop in Christus gevind het. Bid dat FEBA in 2024 nog meer mense sal bereik en God se lig in ’n donker wêreld sal versprei, totdat almal gehoor het.  Klik Hier    Dr Jurie FEBA opsomming 2023  
Gepubliseer op

Radio FEBA se E-Gebedsfokus vir November

Feba Gebedsgids
NOVEMBER 2023
“Jesus antwoord hom: ‘As iemand My liefhet, sal hy my woorde ter harte neem; en my Vader sal hom liefhê, en Ons sal na hom toe kom en by hom woon”
(Johannes 14:23 Afr83)
 
Woensdag 1 November: “Die liefde vir God bestaan dan daarin dat ons sy gebooie gehoorsaam. Sy gebooie is ook nie moeilik om te gehoorsaam nie, want enigeen wat ’n kind van God is, kan die sondige wêreld oorwin.” (1 Johannes 5:3-4 Afr83)

Donderdag 2 November: Bid vir FEBA Oekraïne en al die kerke wat saam met hulle werk om God se Woord te versprei. Bid dat God hul krag en hoop elke dag sal vernuwe, en dat hulle lewende voorbeelde van God se genade aan die mense van Oekraïne sal wees.

Vrydag 3 November: FEBA Tsjad het ‘n nuwe direkteur, en die stasie verhuis na ’n nuwe perseel toe. Bid dat die trek glad sal verloop en dat God die span deur die veranderinge sal lei, sodat hulle so gou as moontlik weer kan begin uitsaai.

Saterdag & Sondag 4-5 November: Mensehandel is een van die grootste euwels op aarde. Daar is op enige gegewe tydstip ‘n geraamde 27 miljoen slagoffers ter wêreld. Mensehandelaars teiken mense wat kwesbaar is weens armoede of ’n gebrek aan kennis. FEBA beveg mensehandel deur mense in te lig deur middel van hul programme en bewusmakingsveldtogte. Die kinderhandel in Indonesiese dorpies het afgeneem, en in Indië is ’n FEBA-luisteraar gered nadat sy as prostituut verkoop is! Bid dat God FEBA sal gebruik om mensehandel te bekamp en meer slagoffers te red. 
 
Maandag 6 November: Prys God vir die nuwe kerke wat met FEBA Indië begin saamwerk het! Bid dat Hy hulle sal lei in die besluite wat hulle neem en hul werk sal seën. Bid ook dat FEBA Indië se span krag en inspirasie van God sal kry wanneer hulle nuwe inhoud vir hul luisteraars skep.

Dinsdag 7 November: Ek was voorheen getroud … maar toe verlaat my man my, en ek was platgeslaan! My pa, wat na jul radiostasie luister, het my aangemoedig om saam met hom te luister en van God te leer. Mettertyd het ek in Christus begin glo, en van toe af bestudeer ek die Bybel saam met jul aanbieder. Ek dank God vir jul uitsendings! (Luisteraar in Laos)

Woensdag 8 November: “Daarmee vernietig ons die redenasies en elke hooghartige aanval wat teen die kennis van God gerig word. Ons neem elke gedagte gevange om dit aan Christus gehoorsaam te maak.” (2 Korintiërs 10:4b-5 Afr83)

Donderdag 9 November: Belarus is een van menige lande wat tans politieke onrus ervaar. Ten spyte hiervan gebruik God FEBA Rusland se programme om ’n toenemende  aantal jongmense in Belarus deur sosiale media te bereik. Bid dat meer mense sal inskakel en Christus as hul Redder sal aanvaar.

Vrydag 10 November: FEBA Radio Suid-Afrika ondersteun stasies in Mali, Mosambiek, Malawi en Tsjad. Bid dat God die span die nodige krag en fokus sal gee om uitnemende werk te lewer, en dat hulle getrou aan Hom sal bly in alles wat hulle doen.

Saterdag & Sondag 11-12 November: Tegnologie is sentraal tot FEBA se werk – van radiotorings en senders tot rekenaarhardeware en -sagteware. FEBA se tegniese ondersteuningspanne is dus ‘n onontbeerlike deel van die organisasie. IT-personeel en ingenieurspanne reis die wêreld vol om nuwe stasies te help oprig en die Goeie Nuus op die lug te hou. Bid dat God hulle sal bewaar en die wysheid sal gee om enige probleme wat opduik, te kan oplos. Bid ook dat Hy sal sorg dat FEBA altyd die regte mense vir die taak het.
  
Maandag 13 November: Bid vir FEBA Pakistan. Die oorheersing van Islam maak dit moeilik en eensaam om ’n Christen in dié land te wees. Talle Christene vind troos in FEBA se uitsendings. Bid dat God FEBA Pakistan se programme sal gebruik om Sy krag en teenwoordigheid onder luisteraars bekend te maak.

Dinsdag 14 November: “Ek is geslaan vir my geloof en vir my diens aan die Here, maar ek beskou dit as ’n seën en eer! Hoewel ons met beproewinge, vervolging en die magte van die duisternis te doen kry, weet ons dat God ons sal beskerm en bemoedig. Onthou ons asseblief in jul gebede.” (Luisteraar in Viëtnam)

Woensdag 15 November: “Jesus antwoord hom: ‘As iemand My liefhet, sal hy my woorde ter harte neem; en my Vader sal hom liefhê, en Ons sal na hom toe kom en by hom woon.” (Johannes 14:23 Afr83)

Donderdag 16 November: Islamitiese ekstremiste het onlangs op FEBA Mosambiek se direkteur geskiet terwyl hy bestuur het. Dit het ’n ongeluk veroorsaak, maar hy is nie ernstig beseer nie. Ten spyte van die gevaar, hou FEBA Mosambiek se bediening aan groei en floreer. Bid dat God die span sal bewaar en voorsien wat hulle nodig het.

Vrydag 17 November: Bid vir FEBA Mali. Die span werk ywerig ten spyte van die politieke onrus en vervolging. KanuYah FM Sollo word deur beide gelowiges en nie-gelowiges as ’n top-kwaliteit radiostasie beskou. Bid dat God luisteraars se harte sal oopmaak om die Goeie Nuus deur FEBA Mali se programme te ontvang.

Saterdag & Sondag 18-19 November: In Rusland is godsdiensvryheid gedurig onder bedreiging. Bid vir FEBA Rusland se span wat hard werk om te bedien onder moeilike sosiale en politieke omstandighede. Bid vir die beradingspanne, wat meer en meer oproepe ontvang vanaf mense wat moeilike vrae vra en hartverskeurende stories deel. Bid ook vir Dr Viktor Akhterov, Direkteur van FEBA Eurasië, wat die spanne van FEBA Rusland en FEBA Oekraïne in hierdie moeilike tye moet lei. 
 
Maandag 20 November: Ten spyte van ‘n toename in inperkings, gaan FEBA Hong Kong voort om die Goeie Nuus te deel. Hul Bybel-onderrig bereik ’n wyd uitgestrekte gehoor in China. Bid dat God vir die FEBA Hong Kong-span nuwe maniere sal wys om hul bediening voort te sit te midde van vervolging, en dat dié wat hoor, Christus sal aanvaar.


Dinsdag 21 November: “Ons is baie dankbaar vir FEBA wat vir ons die Goeie Nuus van Jesus Christus bring met hul Way of Life-program. Hier in Nyambi sluit daar baie mense, jonk en oud, by ons luisteraarklub aan en dit groei meer as wat ons ooit sou kon dink.” (Luisteraar in Malawi)

Woensdag 22 November: “Julle moet doen wat die woord sê en dit nie net aanhoor nie, anders bedrieg julle julleself.” (Jakobus 1:22 Afr83)

Donderdag 23 November: FEBA Kambodja doen moeite om na afgeleë dorpies te reis om hul luisteraars persoonlik te ontmoet. Bid dat God die span veilig sal hou en hulle sal seën met kreatiwiteit in hul pogings om die Goeie Nuus met onbereikte mense in Kambodja te deel.

Vrydag 24 November: FEBA Suid-Afrika werk daaraan om ‘n radiostasie in Niger te vestig. Bid dat God die pad gelyk sal maak sodat die stasie teen die einde van die jaar op die lug kan wees om God se Woord met die mense van Niger te deel.

Saterdag & Sondag 25-26 November: FEBA poog om die evangelie in elkeen se moedertaal, aan alle mensegroepe beskikbaar te stel. Spanne werk daaraan om preke te vertaal en nuwe inhoud te skep in verskillende etniese tale wat deur minderheidsgroepe, soos die Yao of die Hmong, gepraat word. Bid dat God FEBA se personeel wysheid sal gee in die skep van programme vir etniese minderheidsgroepe, en dat Hy geleenthede sal voorsien vir die programme om mense in afgeleë gebiede te bereik. Bid ook dat Hy luisteraars se harte sal voorberei om die Goeie Nuus te ontvang. 
 
Maandag 27 November: Bid dat God vir FEBA Thailand geleenthede sal voorsien om saam met Thai kerke te werk. Kerke kan geestelike groei aanhelp nadat mense die Goeie Nuus deur FEBA gehoor het. Bid dat luisteraars se harte oop sal wees vir FEBA se boodskap en dat hulle betrokke sal raak by die nuwe inhoud wat die span skep.

Dinsdag 28 November: “Ek is dankbaar teenoor Krusa FM dat hulle my leer hoe om ’n goeie ma en vrou vir my gesin te wees. Ek waardeer hoe goedhartig en behulpsaam Krusa FM teenoor my is.” (Luisteraar in Kambodja)

Woensdag 29 November: “Ek wil nou ’n baie ernstige versoek tot julle rig. Ek doen dit omdat julle begryp hoe baie God vir julle omgee. Gee julle hele lewe aan Hom. Julle moet lewende offers in God se hand wees. ’n Lewe wat voltyds afgesonder is vir Hom is presies waaroor godsdiens gaan.” (Romeine 12:1 DB)

Donderdag 30 November: Bid vir FEBA leiers reg oor die wêreld. Hulle moet spanne deur ’n tyd lei wat gekenmerk word deur oorlog, verdrukking, ekonomiese swaarkry en wanhoop. Bid dat hulle getrou aan God se roeping sal bly en hul krag van Hom sal kry, sodat FEBA kan aanhou om God se Woord uit te saai … totdat almal gehoor het. 
    Maak ‘n donasie op ons webwerf
Gepubliseer op

Radio FEBA E-Gebedsfokus vir Oktober 2023

OTKOBER 2023
“En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe.”
(Markus 11:25 Afr83)
 
Maandag 2 Oktober: FEBA Indonesië het begin om maandelikse aanbiddingsdienste by tronke te hou. Loof die Here vir die geleentheid om uit te reik na dié wat Sy liefde nodig het, en bid dat Hy die span sal gebruik om radikale verandering te bring in the gevangenes wat die dienste bywoon.

Dinsdag 3 Oktober: “Ek voel nou gelukkig en gewillig om oor my ervaring te praat. Toe ek aanvanklik tronk toe gekom het, het ek erg gely. Maar toe ontmoet ek God hier en nou het ek baie hoop.” (Luisteraar van Thailand)

Woensdag 4 Oktober: “Maar wees vriendelik en vol ontferming teenoor mekaar; vergeef mekaar soos God ook in Christus julle vergewe het.” (Efésiërs 4:32 Afr53)

Donderdag 5 Oktober: Vervolging is dikwels die gevolg van misverstande. FEBA Pakistan bied seminare aan vir luisteraars wat meer oor Christenskap wil weet. Van die deelnemers het getuig dat die waarheid hul vrese verlig het! Bid dat FEBA Pakistan toegelaat sal word om in veiligheid te bedien en dat hul bediening baie vrug sal dra.

Vrydag 6 Oktober: Bid vir FEBA Malawi. Die span werk hard om die Waarheid van Christus onder Yao-luisteraars te versprei. Hulle reis wyd en syd om mense te besoek, Bybels uit te deel en luisteraarklubs te stig. Bid vir die span se veiligheid en dat God alles sal voorsien wat hulle benodig om effektief te bedien.

Saterdag & Sondag 7-8 Oktober: Prys God vir die miljoene luisteraars wat die Goeie Nuus al deur FEBA se radiostasies, internet-uitsendings, klanktoestelle en sosiale media-bediening gehoor het. Ongeag die land, taal, kultuur en uitdagings – ons is almal een in Christus. Bid dat ons Vader Sy teenwoordigheid onder Sy kinders bekend sal maak, en hulle die moed sal gee om die waarheid te deel met dié wat oor hul pad kom. 
 
Maandag 9 Oktober: Die oorlog in die Oekraïne het talle mense tot nou toe gebroke en sonder hoop gelaat. FEBA Oekraïne hou aan om na mense uit te reik deur middel van radio, internet, sosiale media en hul beradinghulplyn, om die boodskap van God se liefde en verlossing te deel. Bid dat hul luisteraars hoop en troos in Christus sal vind.

Dinsdag 10 Oktober: “Vanweë drie jaar se luister na jul radioprogramme, weet ek dat Christenskap nie ‘n bygeloof is nie, maar ware godsdiens. Ek het besluit om my lewe aan Christus te wy.” (Luisteraar uit China)

Woensdag 11 Oktober: “En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe.” (Markus 11:25 Afr83)

Donderdag 12 Oktober: FEBA Kazakstan is besig om ’n sterk internet-gebaseerde bediening op die been te bring, met video’s op YouTube en TikTok wat deur duisende (onder andere Moslems) gekyk word. Bid dat die Here die span sal seën met die inspirasie, kreatiwiteit en energie wat hulle benodig om die Goeie Nuus in hul land te verkondig.

Vrydag 13 Oktober: Loof God vir Impact Radio se nuwe toring. Met n hoogte van 56 meter sal die Goeie Nuus voortaan meer mense in Sentraal-Mosambiek kan bereik. Bid ook vir die FEBA Mosambiek-span se veiligheid wanneer hulle in gebiede bedien waar daar aanvalle deur ekstremiste voorkom.

Saterdag & Sondag 14-15 Oktober: Die Filippyne beleef ’n besonder verwoestende tifoonseisoen, met gereelde vloede en skade aan infrastruktuur. FEBA het twee enorme kortgolfstasies by Iba en Bocaue wat uitsaai na Oos-Asië, Rusland en Suidoos-Asië. Bid vir die Filipino-mense wat hul huise of geliefdes verloor het. Bid ook dat God Sy hand oor die stasies en FEBA Filippyne se span sal hou, sodat die Goeie Nuus kan aanhou om diegene te bereik wat dit moet hoor. 
 
Maandag 16 Oktober: FEBA Indonesië het onlangs twee webtuistes geloods wat ontwerp is om luisteraars op ’n indirekte manier te bereik in gebiede met radikale Islamiste. Bid dat die webtuistes die waarheid van Christus suksesvol sal versprei en dat FEBA Indonesië se bediening oorvloedige seën sal ervaar.

Dinsdag 17 Oktober: “God seën ons! Selfs terwyl ons hierdie ongelooflike omstandighede in die gesig staar, is ons bediening nou meer effektief as ooit tevore!” (Luisteraar uit Rusland)

Woensdag 18 Oktober: “Ons sondes het ons ingehaal, maar U maak ons daarvan vry.” (Psalm 65:4 Afr83)

Donderdag 19 Oktober: Op Daebu-eiland, Suid-Korea, is daar ’n kragtige AM-radiostasie wat die hele Noord-Korea bereik. FEBA Korea werk saam met oorlopers om spesiaal vir Noord-Koreaanse luisteraars inhoud te skep. Dank God vir hierdie stasie en bid dat Noord-Koreane die Goeie Nuus sal hoor en aanvaar.

Vrydag 20 Oktober: Bid vir FEBA Tsjad. Die radiostasie skuif na ’n nuwe perseel en die span kry ook ’n nuwe leier. Prys God vir die geleenthede wat Hy voorsien en bid dat die veranderinge glad sal verloop, sodat die bediening kan groei en vrug dra.

Saterdag & Sondag 21-22 Oktober: In Thailand, waar Boeddhisme oorheersend is, doen meer as 20,000 studente FEBA se Bybel-korrespondensiekursus. Baie van die studente is in die tronk en het Christus gevind deur die Bybel te bestudeer. Bid dat die studente God se Woord met oop harte en denke sal bestudeer, en dat selfs dié in die tronk, die vryheid wat in Christus is, sal beleef. 
 
Maandag 23 Oktober: In Kirgisië word jong meisies soms ontvoer en gedwing om te trou. Armoede speel ’n groot rol in dié onwettige gebruik. Sommige van FEBA Kirgisië se vroue-luisteraars is vasgevang in liefdelose huwelike wat op hulle afgedwing is. Bid dat God hulle sal troos en hul verhoudings deur FEBA Kirgisië se uitsendings sal genees.

Dinsdag 24 Oktober: “Ons dienste en byeenkomste vind onder ’n boom plaas wanneer dit nie reën nie. KanuYah FM Sollo het terselfdertyd ons onderwyser, ons pastoor en ons biblioteek geword.” (Luisteraar uit Mali)
Woensdag 25 Oktober: “Moenie oordeel nie, en oor julle sal nie geoordeel word nie. Moenie veroordeel nie, en julle sal nie veroordeel word nie. Spreek vry, en julle sal vrygespreek word.” (Lukas 6:37 Afr83)

Donderdag 26 Oktober: Bid vir FEBA Kambodja. Die span reis dikwels om luisteraars te ontmoet en radio’s uit te deel. Bid dat die onbereikte mense in Kambodja die Goeie Nuus sal verwelkom en geseën sal word met die lewe wat in Hom is.

Vrydag 27 Oktober: In Laos word Christene dikwels van hul stamme afgesny. Vroeër vanjaar is sommige uit hul dorpie gedryf. FEBA Laos saai die evangelie uit deur mp3-spelers, kortgolfradio en Facebook Live. Bid vir God se krag en beskerming vir Lao Christene, en dat meer mense Christus as Verlosser sal ontvang.

Saterdag & Sondag 28-29 Oktober: Hoflikheid en ’n goeie beeld is sentraal tot Japannese kultuur. Dit maak sommige mense huiwerig om vrae oor God en Christenskap te vra, want hulle is bang om in die verleentheid gestel te word. Teenstand van hul Boeddhistiese gesinne weerhou mense ook daarvan om Jesus te aanvaar. Bid dat FEBA Japan se luisteraars veilig sal voel om van God te leer en om die evangelie met hul geliefdes te deel. 
 
Maandag 30 Oktober: Indië se jongmense sukkel toenemend met hul geestesgesondheid…veral studente. FEBA Indië werk hard om die evangelie te verkondig aan die 95% van die bevolking wat steeds onbereik is. Bid dat meer jongmense FEBA Indië se programme sal vind en van God se lewensveranderende liefde sal leer.

Dinsdag 31 Oktober: “Halleluja! Gister, deur jul uitsending, het my ma Christus as haar Verlosser aanvaar. Ek is baie dankbaar teenoor FEBA.” (Luisteraar uit Suid-Korea)    Maak ‘n donasie op ons webwerf
Gepubliseer op

Radio Feba – Gebedsfokus vir Augustus 2023

Feba Gebedsgids
AUGUSTUS 2023“Nou sal ek onbesorg gaan lê en dadelik aan die slaap raak, want, Here, U alleen laat my veilig woon.” – Psalm 4:9
 Dinsdag 1 Augustus: “KanuYah FM Sollo is ongetwyfeld ‘n bron van wysheid en seën vir almal. Dis so gewild dat selfs ongelowiges van die Christelike liedjies, stories en dramas hou. Bowenal troos dit die gebroke harte van talle gesinne wat treur oor geliefdes wat in die stryd vermoor is.” – Fatamba, FEBA Mali luisteraar
 
Woensdag 2 Augustus: “U regeer in vrede oor ons, Here, U doen alles vir ons.” – Jesaja 26:12 AFR83

Donderdag 3 Augustus: Bid vir Mianmar. Hierdie land met sy 55 miljoen inwoners, is na raming een van die armstes ter wêreld, en sy mense ly nog meer as gevolg van die voortdurende militêre konflik. Bid dat mense God se vrede en hoop deur FEBA Mianmar sal vind.
 
Vrydag 4 Augustus: Bid vir FEBA Indonesië. Meer as 80% van Indonesië se bevolking beoefen Islam en meer as 190 miljoen mense is steeds onbereik. Bid dat God FEBA Indonesië se span sal lei wanneer hulle die Goeie Nuus met luisteraars deel.
 
Saterdag & Sondag 5-6 Augustus: Die vervolging van Christene word dikwels deur vrees en misverstand aangespoor. Mense sien Christenskap as ’n Westerse geloof wat ’n negatiewe uitwerking op hul kultuur en gemeenskap kan hê. FEBA se programme is daarop gemik om luisteraars in te lig en hulle te wys dat die Goeie Nuus werklik goed is. Bid dat FEBA-spanne reg oor die wêreld ingrypende verandering in hul lande sal meebring.
   Maandag 7 Augustus: Bid vir Noord-Korea. Die mense daar ly aan fisiese en geestelike hongersnood. Die FEBA Korea-span neem Noord-Koreaanse oorlopers in diens om vir hulle inhoud te help skep wat die Goeie Nuus op ’n manier kan deel sodat dit tot Noord-Koreane spreek. Bid dat hul harde werk baie vrug sal dra.
 
Dinsdag 8 Augustus: In Rusland en die Oekraïne het die oorlog sover baie huwelike gekos. Ná ’n mislukte selfmoordpoging, toe sy vrou hom gelos het, het een man saam met FEBA se beraders gebid. “Die gebed was die beste deel van die hele konsultasie,” sê hy. “Ek kan vreugde in my hart voel. Ek glimlag selfs!”
 
Woensdag 9 Augustus: “Nou sal ek onbesorg gaan lê en dadelik aan die slaap raak, want, Here, U alleen laat my veilig woon.” – Psalm 4:9 AFR83
 
Donderdag 10 Augustus: Wanneer mense met ’n Moslem-agtergrond besluit om Christus te volg, word hulle gewoonlik onteien – en soms fisies mishandel – deur hul families en gemeenskap. FEBA bedien Moslems in talle lande. Bid dat God FEBA sal gebruik om sy luisteraars moed te gee en vertroosting te bied.
 
Vrydag 11 Augustus: Prys God vir die aanstelling van Sumet Techarukpong as Nasionale Direkteur van FEBA Thailand. Bid dat God hom die wysheid sal gee om die span in hul lewensveranderende bediening te lei, en die krag om elke uitdaging op sy pad te oorkom.
 
Saterdag & Sondag 12-13 Augustus: Bid dat die oorlog tussen Rusland en die Oekraïne tot ‘n einde sal kom. Vier van FEBA Oekraïne se span dien tans in die weermag – twee as kapelane en twee as soldate. Bid dat die Here hulle veilig aan hul gesinne sal terugbesorg, en dat Hy mense sal bewaar teen die toenemende geweld. Mag die vier lede van ons FEBA-familie ‘n kragtige impak hê op dié wat hulle ontmoet, dat hulle beide vriende en teenstanders na Christus toe sal lei.
   Maandag 14 Augustus: FEBA werk saam met plaaslike kerke, waar moontlik. Wanneer mense tot bekering kom deur FEBA se uitsendings, dien kerke in hul omgewing as plekke waar hulle van dissipelskap en geestelike samesyn kan leer. Bid dat FEBA sterk verhoudings met kerke sal bou om God se liefde met meer mense te deel.
 
Dinsdag 15 Augustus: “As ek nie jul programme gehad het om na te luister nie, het ek teen dié tyd al my lewe geneem. Ek het die Here deur FEBA leer ken en nou is my lewe baie anders.” – Luisteraar uit Laos
 
Woensdag 16 Augustus: “Kom na My toe, almal wat uitgeput en oorlaai is, en Ek sal julle rus gee.” – Matteus 11:28 AFR83
 
Donderdag 17 Augustus: FEBA Kasakstan werk aan ‘n videoreeks oor Jesus se lewe. Bid dat die reeks baie kykers sal lok en hulle na Christus sal lei. Bid dat FEBA Kasakstan ‘n bron van troos en hoop vir mense sal wees te midde van die voortdurende politieke onrus.
 
Vrydag 18 Augustus: Bid vir FEBA China en FEBA Hong Kong, wat programme moet vervaardig ten spyte van inperkings wat al hoe erger raak. Bid dat die regerings hierdie inperkings sal verlig en dat God mense se harte sal oopmaak om die Goeie Nuus te ontvang.
 
Saterdag & Sondag 19-20 Augustus: Het jy geweet? Daar is 300,000 sprekers van die Karakalpak- taal. Die Karakalpak-mensegroep, in noordwes-Oesbekistan, is deel van die Isa (Jesus) Resurrection projek se teikengehoor. Hierdie projek reik uit na Moslems waar openbare evangelisasie onwettig is. FEBA-spanne vervaardig radioprogramme oor die daaglikse lewe, sowel as video-getuienisse, Bybelgeskiedenis en Bybelstories vir sosiale media. Elke getuienis-video word gemiddeld 50,000 keer gekyk. Bid dat God die spanne sal seën in hul pogings om die Goeie Nuus reg oor Sentraal Asië te verkondig.  Maandag 21 Augustus: Bid vir FEBA Kirgisië. Hulle bedien luisteraars wat in liefdelose huwelike vasgevang is en soms mishandel word, en wat sukkel om gesinne groot te maak in ‘n slegte
ekonomiese klimaat. Bid dat God vir FEBA Kirgisië sal gebruik om hul luisteraars te troos en na Hom toe te lei.
 
Dinsdag 22 Augustus: “My vrees is weg nadat ek hierdie konferensie bygewoon het…Jesus Christus se wonderbaarlike leringe in die Bybel het my hart diep geraak. Ek gaan dit met my gesin deel sodra ek by die huis kom.” – Bywoner van die FEBA Pakistan Nasionale Leierskonferensie, vir luisteraars wat meer oor Christenskap wou weet.
 
Woensdag 23 Augustus: “Dit sê Ek vir julle, sodat julle vrede kan vind in My. In die wêreld sal julle dit moeilik hê; maar hou moed: Ek het die wêreld klaar oorwin.” – Johannes 16:33 AFR83
 
Donderdag 24 Augustus: Inna, ‘n aanbieder by FEBA Oekraïne, lei ‘n weeklikse byeenkoms vir vroue waar hulle Bybel lees, bid en oor God gesels. “Sommige van die vroue gaan nou vir die eerste keer kerk toe,” sê Inna. Bid dat hierdie vroue oorvloedige vrede, hoop en liefde in God sal vind.
 
Vrydag 25 Augustus: Bid vir FEBA Mali. Die land loop swaar deur onder Islamitiese ekstremiste, politieke onstabiliteit en armoede. Tog, hoewel die bevolking merendeels Moslem is, bou KanuYah  FM Sollo (FEBA Mali) ‘n reputasie vir sulke uitstekende inhoud, dat selfs nie-Christene dit geniet! Bid dat God elke luisteraar se hart sal aanraak.
 
Saterdag & Sondag 26-27 Augustus: FEBA gebruik allerhande kanale en tegnologie om die Boodskap te versprei, of dit nou sonkrag-radio’s of sosiale media is. Gospel Speaker Boxes is sover besonder effektief onder etniese groepe in Suidoos-Asië. Elke toestel bevat meer as 130 uur se vooraf-gelaaide programme sodat mense daarna kan luister wanneer hulle wil. Bid dat God genoeg klanktoestelle sal voorsien om elke siel in Suidoos-Asië te bereik, en dat siele gered sal word deur wat hulle hoor.
 
Maandag 28 Augustus: Bid vir FEBA Korea, wat na Noord- en Suid-Korea uitsaai. Alhoewel Suid- Korea op papier welvarend is, is die selfmoordsyfer besonder hoog en baie mense sukkel met hul geestesgesondheid. Bid dat FEBA Korea hul luisteraars na die Bron van troos sal lei.
 
Dinsdag 29 Augustus: “Terwyl ek in my hospitaalbed lê, het ek begin draai na die God waarvan jul programme praat. Ek het God gevra om my sondes te vergewe. Julle was heeltyd met my, al weet julle dit nie! Julle was die grootste hulp in my herstel. Julle is werklik van God af!” – FEBA Rusland luisteraar
 
Woensdag 30 Augustus: “As dit moontlik is, sover dit van julle afhang, leef in vrede met alle mense.”  – Romeine 12:18 AFR83
 
Donderdag 31 Augustus: Bid vir FEBA Oekraïne. Een van die span, Evgeny, bedien tans soldate in die ooste van Oekraïne. Bid vir sy veiligheid en dat God hom krag sal gee om diegene rondom hom te help. Bid dat God FEBA Oekraïne se uitsendings sal gebruik om wonde wat deur die oorlog veroorsaak is, te genees.
Gepubliseer op

Radio FEBA – E-gebedsfokus Julie 2023

JULIE 2023

“Die blydskap wat die Here gee sal julle krag wees!” 
– Nehemia 8:10 
 
Saterdag & Sondag 1-2 Julie: Op 6 Junie het die Nova Kakhovka-damwal ineengestort. Etlike dorpe is oorstroom en die Zaporizhzhia kernstasie is daardeur in gevaar gestel. Skade aan rioolstelsels en verspoelde begraafplase het mense genoodsaak om te ontruim, omdat dit die gevaar van siektes inhou. Bid vir die veiligheid van FEBA Oekraïne se personeel by die Zaporizhzhia radiostasie. Bid dat die uitsendings mense na God sal lei en dat hulle dan hul krag en hoop in Hom sal vind.

Maandag 3 Julie: Radio Chiuanjota in Mosambiek het begin om dissipelskapprogramme vir die jeug te maak. Dis gemik op die jongmense van Chiconono, Chiuanjota, Muembe en Lundale. Bid dat God hierdie projek sal seën en dat dit vrug sal dra.

Dinsdag 4 Julie: “Danksy radio, het ek Christus aanvaar. Ek leer my kinders nou om Bybel te lees. Die Bybel het ‘n impak op my hele gesin.” – A. Ali, luisteraar uit Irak

Woensdag 5 Julie: “Die jonges word moeg en mat, en die jongmanne struikel selfs; maar die wat op die Here wag, kry nuwe krag” (Jesaja 40:30-31 Afr53)

Donderdag 6 Julie: FEBA Mongolië het ‘n nuwe program oor geestesgesondheid geloods. Bid dat die Here die span sal lei terwyl hulle mense bedien wat dit nodig het. Mag Hy genesing bring deur die uitsendings, en mag dit luisteraars na Hom toe bring.

Vrydag 7 Julie: Sosiale media is ‘n kragtige metode om die Goeie Nuus te deel, veral in lande waar Christene vervolg word. Prys God vir die geleenthede wat Hy skep en bid dat Hy die FEBA-spanne sal lei in hul pogings om inhoud te skep wat God se liefde oordra…totdat almal gehoor het!

  
 Saterdag & Sondag 8-9 Julie: Noord-Korea is die slegste plek in die wêreld om ’n Christen te wees. Christene word erg vervolg. Daar is ongeveer 400,000 Christene in Noord-Korea, waarvan sowat 70,000 in kampe vir gevangenes is. Dit sluit kinders in. Dis ook een van die wêreld se mins-bereikte lande, met 99.3% van die bevolking steeds onbereik. FEBA Korea saai 18 ure per dag na Noord-Korea uit. Bid dat mense die Goeie Nuus sal hoor en met die hoop van Christus gevul sal word.

Maandag 10 Julie: FEBA Filippyne het ‘n nuwe direkteur, Luis Castillo. Bid dat God hom sal lei in die bestuur van die span en hul projekte, dat hy krag van God sal kry om uitdagings te oorkom, en dat hy vreugde in sy werk sal vind.

Dinsdag 11 Julie: “God se genade het my uit hopeloosheid gered en my gebroke hart genees. Krusa FM het my siel aangespoor om Jesus Christus as my enigste hoop op verlossing van sonde te aanvaar” – FEBA Kambodja luisteraar

Woensdag 12 Julie: “Al beswyk my vlees en my hart – God is die rots van my hart en my deel tot in ewigheid” (Psalm 73:26 Afr53)

Donderdag 13 Julie: Meer as 95% van Kambodja se bevolking is nog nie deur God se woord bereik nie, tóg groei Sy koninkryk in dié land. Bid vir FEBA Kambodja se mobiele-studio projek, wat die Goeie Nuus na onbereikte dorpies gaan neem. Mag die span veilig wees en die oes groot!

Vrydag 14 Julie: FEBA Taiwan het met ‘n nuwe “narrow-casting” strategie vorendag gekom, waarmee hulle inhoud pasmaak vir kleiner mensegroepe. Bid vir die programme wat gemik is op die Chinese in Taiwan en dat FEBA Taiwan se planne voorspoedig sal wees.

   
Saterdag & Sondag 15-16 Julie: Bid vir FEBA Oekraïne se beradingspanne. Al het elke berader al iemand weens die oorlog verloor, kies hulle steeds om ander te help. Die telefoniese hulplyn het gegroei van vyf tot sowat 35 beraders, wat elke dag na hartverskeurende stories luister en moeilike vrae beantwoord. Baie jongmense deel ook hul vrese en uitdagings op die aanlyn teks-gebaseerde hulplyn. Bid dat die beraders God se vrede en wysheid sal ontvang, sodat hulle mense na Hom kan lei.

Maandag 17 Julie: FEBA Indonesië het onlangs opleiding in rampreaksie-uitsending in Bali gegee, waar vrywilligers geleer het hoe om die radio te gebruik om mense gedurende natuurlike of mensgemaakte rampe te help. FEBA Indonesië beoog om die opleiding oral in Indonesië aan te bied. Bid dat God hul pogings sal seën.

Dinsdag 18 Julie: “Na twee jaar van luister na KanuYah FM Sollo, het ek in die Here begin glo. Ek koop nou gereeld nuwe batterye vir my FM-radio, want ek spandeer die meeste van my tyd in die weiveld met my beeste.” (Mamadou Diallo, FEBA Mali luisteraar)

Woensdag 19 Julie: “My Sterkte, op U wil ek wag, want God is my rotsvesting” (Psalm 59:10 Afr53)

Donderdag 20 Julie: FEBA se bediening maak baie staat op die beskikbaarheid van kortgolf-, AM- en FM-radio’s. Bid dat God FEBA se vennootskap met Christen-radiovervaardigers sal seën, en dat Hy die fondse sal voorsien vir radio’s sodat die bediening kan aanhou groei.

Vrydag 21 Julie: Bid vir FEBA Thailand. Ongeveer 95% van Thailand se bevolking is Boeddhiste en ’n verdere 4% is Moslems. Bid dat God vir die FEBA Thailand-span die nodige moed en wysheid sal gee om programme te vervaardig wat mense se siening van Christenskap sal verander en hulle na Christus sal bring. 
 
Saterdag & Sondag 22-23 Julie: Die vloede in Pakistan het meer as 30 miljoen mense geraak, en daar word nog vloede hierdie jaar verwag. Bid vir diegene wat geliefdes verloor het en vir hulle wat nou hul huise en gemeenskappe moet herbou. Bid vir gesondheid- en hulpwerkers, wat mense moet help oorleef in haglike omstandighede. Mag die Here FEBA Pakistan gebruik om hoop en troos te bring aan dié wat ly, en mag Hy verligting bring.

Maandag 24 Julie: Bid dat die konstruksie van Krusa FM se selfondersteunende toring veilig voltooi sal word. Bid dat die toring FEBA Kambodja sal help om hul bediening uit te brei na elke onbereikte hart in Kambodja.

Dinsdag 25 Julie: “Jul programme is soos balsem vir ons wonde. Ons leef in die aakligste toestande – sonder kos of skuiling, sonder die basiese benodigdhede – en tog het ons hoop as gevolg van jul programme. Dankie!” – FEBA Pakistan luisteraar

Woensdag 26 Julie: “Die Naam van die Here is ‘n sterk toring; die regverdige hardloop daarin en word beskut” (Spreuke 18:10 Afr53)

Donderdag 27 Julie: FEBA Pakistan beleef ‘n sekere mate van sukses met hul FM-uitsendings in Charsada, veral onder die jeug. Bid dat die Goeie Nuus onder luisteraars sal versprei en hulle na Christus toe sal bring.

Vrydag 28 Julie: Daar is tans meer as 32 miljoen vlugtelinge in die wêreld. FEBA bedien vlugteling-gemeenskappe oraloor – insluitend sommige in Pakistan, Indonesië, Moldova en Tsjad – en deel die Goeie Nuus met hulle. Bid dat FEBA se bediening meer vlugtelinge sal help om hul tuiste in Christus te vind. 
 
Saterdag & Sondag 29-30 Julie: Dis ‘n groot voorreg om ’n Bybel in jou hartstaal te hê. ‘n Menigte mensegroepe het dit nog steeds nie. Baie mense in minderheidsgroepe is ook ongeletterd. Hulle neem gereeld FEBA Internasionaal se programme op om hulle in hul geloof te help groei. Bid dat God se woord lewend sal word in hul harte en bid dat die Bybel aan meer mense in hul hartstaal beskikbaar sal raak.

Maandag 31 Julie: FEBA-spanne reg oor die wêreld ondergaan gereeld opleiding in onderwerpe soos rampreaksie-uitsending, klankopname, inhoudskepping en leierskap. Bid dat die opleiding effektief sal wees, sodat FEBA kan voortgaan om uitsonderlike diens te lewer ter wille van God se koninkryk.    Maak ‘n donasie op ons webwerf
WebsiteFacebookYouTubeInstagram
Gepubliseer op

Radio FEBA e-gebedsfokus Junie 2023

“Want U laat my lamp skyn; die Here my God laat my duisternis opklaar.” – Psalms 18:29 
 
Donderdag 1 Junie: Kiëf ervaar die afgelope tyd swaar bombardering. Die geweld eis daagliks lewens, insluitende sommige van FEBA Oekraïne-personeel se familielede. Baie aanbieders is tans in die buiteland ter wille van veiligheid, wat ‘n groter werkslas op die huidige span laai. Bid asseblief dat God vir FEBA Oekraïne en hul luisteraars krag, moed, troos en hoop sal gee.

Vrydag 2 Junie: Pakistan ervaar sedert 9 Mei erge politieke onrus. Joernaliste en radiostasies word geteiken, en meeste sosiale media-kanale is geblok. Bid vir FEBA Pakistan en hul luisteraars se veiligheid en dat hulle nog meer geleenthede sal vind om die Goeie Nuus te versprei.

Saterdag & Sondag 3-4 Junie: In 1948, toe China buitelandse sendelinge verbied, het FEBA begin uitsaai vanuit die Filippyne. Die eerste uitsending het op 4 Junie 1948 plaasgevind. Vandag saai FEBA Filippyne uit na 65% van die land via 13 radiostasies. Hulle verskaf weekliks 1,500 ure se Christelike inhoud op die lug, met ’n verdere 1,200 ure aanlyn, in 26 van die landstale. Die FEBA Filippyne-span het Jesaja 26:12 gekies as die leuse vir hul herdenkingsmaand: “…U het ook al ons werk vir ons volbring.” Veels geluk met jul 75ste verjaardag, FEBA Filippyne! Ons bid dat God sal voortgaan om Sy liefde deur julle bekend te maak.

Maandag 5 Junie: Die verwoestende Sikloon Freddy het twee van FEBA Mosambiek se stasies sleg beskadig. Danksy FEBA Suid-Afrika se harde werk is hulle voorlopig terug op die lug, maar die een stasie kort beduidende herstelwerk. Bid dat God die nodige kennis en fondse sal voorsien om die stasies weer volsterkte te kry.

Dinsdag 6 Junie: Wai se ouma het hom as kind bekendgestel aan FEBA China se Radio Liangyou. Wai was eendag op sy motorfiets op pad kerk toe, toe ’n trok oor ’n rooi lig snel. ’n Stem het vir Wai gesê, “Gaan, vinnig!” Hy het gehoorsaam en ongedeerd daarvan afgekom. “Toe het ek geweet dat die God wat ek en my ouma aanbid, werklik God is.” Prys God vir Sy getrouheid wat oor generasies strek!

Woensdag 7 Junie: “Baie sê: Wie sal ons die goeie laat sien? Verhef oor ons die lig van u aangesig, o HERE!” (Psalms 4:7 AFR33/53)

Donderdag 8 Junie: Na Sikloon Freddy se verwoesting het FEBA Malawi sonpanele installeer om die gedurige kragonderbrekings teë te werk. Nou kan Litala FM vir 24 uur per dag uitsaai! Prys God vir Sy voorsiening!

Vrydag 9 Junie: Bid asseblief vir die mense van die Oekraïne. “Hierdie lugaanval sirenes is skrikwekkend,” sê ’n luisteraar. “Ek is alleen hier in ’n nuwe stad … my ou tuiste, die hele stad, is vernietig.” Bid dat die mense wat ontwortel en in rou is, God se teenwoordigheid sal voel, en dat Hy vrede en hoop in Sy kinders se harte sal bring.

Saterdag & Sondag 10-11 Junie: FEBA Ethiopië se hoofkantoor is in Addis Abeba, waar hulle twee programme van 15 minute elk vervaardig – “The Amharic Message for the World” (Donderdag tot Sondag) en “The Way of Righteousness” (Maandag tot Woensdag). Die programme word uitgesaai na Ethiopië en die Midde-Ooste, insluitend Libanon en Saoedi-Arabië, waar mense dit elke aand om 19h00 kan luister. In Maart en April het FEBA Ethiopië briewe en telefoonoproepe van sowat 1,148 luisteraars ontvang, waarvan 570 nuut was! Loof God vir hierdie wonderlike groei en bid dat FEBA Ethiopië se direkteur, Tenkir Teni, en sy span se harde werk nog meer vrugte sal afwerp.

   
Maandag 12 Junie: In die Filippyne is 30 uit die 202 mensegroepe steeds onbereik. Baie van hulle woon in “dowe kolle”, gebiede waar radio-opvangs swak is. Hierdie gebiede beslaan ongeveer 35% van die land. Bid dat God vir FEBA Filippyne sal gebruik om Sy stem en boodskap selfs na hierdie dowe kolle te dra.

Dinsdag 13 Junie: “Ek het op hoërskool na jul programme begin luister, nou is ek by die Universiteit van Wolaita. Ek het die evangelie met my vriende op kampus gedeel en hulle vertel van Jesus en die weg na redding. Een van hulle het na jul programme begin luister en Bybel begin lees. Bid dat hy die Here sal leer ken.” – FEBA Ethiopië-luisteraar

Woensdag 14 Junie: “En Jesus het weer met hulle gespreek en gesê: Ek is die lig van die wêreld; wie My volg, sal sekerlik nie in die duisternis wandel nie, maar sal die lig van die lewe hê.” (Johannes 8:12 AFR53)

Donderdag 15 Junie: FEBA Radio SA het onlangs ‘n nuwe spanlid bygekry. Bid dat God haar sal toerus en gebruik om Sy koninkryk te bevorder. Bid asseblief ook vir die span se gesondheid, beide fisies en emosioneel. Mag God hulle die krag gee om die pad te loop waarop Hy hulle geplaas het.

Vrydag 16 Junie: FEBA Mosambiek het onlangs agt nuwe jeugluisteraarklubs in die Nicoadala-distrik gestig. Hulle beoog om jong leiers te kweek en te bemagtig. Sommige van die kinders het familielede verloor as gevolg van Sikloon Freddy. Bid dat hierdie jongmense God se teenwoordigheid en liefde sal ervaar, en dat die Goeie Nuus nog meer van hulle sal bereik.

Saterdag & Sondag 17-18 Junie: “Keiko’s Mailbag” is FEBA Japan se gewildste program. Dit word al vir meer as 50 jaar aangebied deur FEBA Japan se voormalige direkteur, Keiko Yoshizaki. Die program gee mense kans om vrae oor God en Christenskap te vra sonder vrees vir verleentheid, iets wat baie belangrik is in die Japannese samelewing. Deur die jare het God vir Keiko en haar program telkemale gebruik om selfmoorde te voorkom. Keiko sê, “Mense voel so afgesonder … hulle soek ’n Redder, maar besef nie Sy naam is Jesus nie. Ek wys hulle na God se beloftes en waarhede.” Prys God vir Sy goedheid en bid dat Hy FEBA Japan sal gebruik om genesing in hul pragtige land te bring.

   
Maandag 19 Junie: Loof God vir die geleentheid om die mense van Kirgisië te bereik deur FEBA se netwerk van ses FM-stasies. Bid dat samewerking met plaaslike kerke sal toeneem. Bid dat God vir FEBA Kirgisië sal help om meer Christelike uitsendings op radio, internet, en sosiale media te vervaardig en daardeur die onbereiktes te bereik.

Dinsdag 20 Junie: Mev. Alaina Kimu, ’n luisteraar wie se dorp deur Sikloon Freddy getref is, vertel, “Ek het die stasie gebel vir hulp en hulle het 100 sakke mieliemeel gebring. Beide ons geestelike en fisiese lewens word gevoed deur na Litala FM te luister.” Bid dat God FEBA Malawi sal krag gee om die goeie werk vol te hou en die Goeie Nuus te versprei.

Woensdag 21 Junie: “Die nag is byna verby; dit is amper dag. Laat ons dan ophou met die werke van die duisternis; laat ons die wapens van die lig opneem.” (Romeine 13:12 AFR83)

Donderdag 22 Junie: Teen Desember 2022 het FEBA Suid-Afrika al nege stasies in Afrika gestig en ondersteun hulle boonop verskeie internasionale FEBA-stasies. Dr Jurie Vermeulen, FEBA Suid-Afrika se nasionale direkteur, bestuur die werk en reis gedurig. Bid dat God hom krag en wysheid sal gee in alles wat hy doen.

Vrydag 23 Junie: FEBA Thailand ontvang bemoedigende terugvoer vanaf luisteraars in Laos. Baie van hulle hoor die uitsendings via Facebook Live. Sommige luisteraars het selfs weeklikse Bybelstudies begin! Bid asseblief vir volgehoue geestelike groei in hierdie luisteraars en hul gemeenskappe.

Saterdag & Sondag 24-25 Junie: Volgens die Joshua Project bestaan sowat 42% (ongeveer 3 miljard mense) van die wêreldbevolking uit onbereikte mensegroepe. Reg oor die wêreld werk FEBA dag en nag, te midde oorlog, natuurrampe, politieke onrus, en ekonomiese uitdagings om hierdie mense te bereik. Bid vir die spanne: dat God hulle die moed sal gee om nuwe uitdagings aan te pak en wysheid om hindernisse te oorkom. Bid vir die FEBA-leiers: dat hulle God se wil sal doen en Sy stem te alle tye sal gehoorsaam. Bid dat FEBA se personeel en luisteraars God se liefde in oorvloed sal ervaar en dit met ander sal
deel.
  
Maandag 26 Junie: Kasakstan sien ’n toename in hardvogtige vorme van Islam. Diegene wat Christus aanvaar, word gesien as verraaiers. Dis tegnies onwettig om buite ’n kerkgebou te evangeliseer. Bid vir die FEBA Kasakstan-span waar hulle aanhou om hul luisteraars te bedien. Bid ook dat God nuwe deure vir die Goeie Nuus in hierdie land sal open.

Dinsdag 27 Junie: Casto, ’n FEBA Indonesië luisteraar, het by die werk gesukkel. Hy het gebed versoek deur Heartline Radio se gebedsprogram. Na die tyd het FEBA Indonesië se span na hom toe uitgereik. “Dankie vir jul besorgdheid oor my en vir die omgee wat ek van die FEBA Indonesië-span ervaar,” sê hy. “Mag God voortgaan om die bediening en jul werk te gebruik en te seën. Amen.”

Woensdag 28 Junie: “Dít is nou die boodskap wat ons by Hom gehoor het en aan julle verkondig: God is lig, en daar is geen duisternis in Hom nie.”
(1 Johannes 1:5 AFR83)

Donderdag 29 Junie: Bid asseblief vir die mense van Indië. Baie luisteraars soek na God wanneer hulle na FEBA Indië se programme luister deur kanale soos YouTube en Instagram Live. Bid ook dat FEBA se vennootskappe reg oor die land sal groei sodat meer onbereikte mense die liefde van Jesus kan ontdek.

Vrydag 30 Junie: Bid vir FEBA Oekraïne en FEBA Rusland waar hulle luisteraars in oorlogtoestande moet bedien. Meer en meer mense soek berading. Bid dat God vir die spanne die regte woorde sal gee, asook die moed om dit te sê, en dat hulle die vreugde van klein oorwinnings sal beleef.    Maak ‘n donasie op ons webwerf
Gepubliseer op

Radio FEBA e-Gebedsgids Mei 2023

MEI 2023

“Genade en vrede vir julle van God ons Vader en van die Here Jesus Christus.” – Romeine 1:7
  
 
Maandag 1 Mei: FEBA Vietnam het onlangs ‘n jeugkamp, die ​​Mien en Kim Mun Jeugkamp, aangebied. Dit is deur meer as ‘n duisend jongmense bygewoon. Bid asseblief dat hierdie jongmense se verhouding met Christus sal groei; en dat hulle die vrymoedigheid sal hê om die liefde van die Here Jesus Christus met hul maats te deel.
 
Dinsdag 2 Mei: Prys die Here vir die goeie werk wat Hy doen deur FEBA Oekraïne. Die radiostasie het onlangs toestemming gekry om na die stad Ivano-Frankivsk in Wes-Oekraïne uit te saai. Die uitsending het die potensiaal om ‘n gehoor van sowat 700 000 mense te bereik.
 
Woensdag 3 Mei: “In sy genade het God julle geroep om in Christus deel te hê aan Sy ewige heerlikheid. Nadat julle ‘n kort tydjie swaargekry het, sal Hy julle self weer herstel: Hy sal julle moedig, sterk en standvastig maak.” – 1 Petrus 5:10
 
Donderdag 4 Mei: FEBA brei voortdurend uit en lei sy leiers gereeld op. Bid asseblief vir die veiligheid van die leiers wat van regoor die wêreld na Thailand vlieg om ‘n opleidingskonferensie by te woon. Bid vir eenheid en goeie gesindheid; en dat  kennis en vaardighede uitgeruil sal word, veral op die gebied van digitale media.
 
Vrydag 5 Mei: Hou asseblief aan om te bid vir die veiligheid en welstand van die uitsaaiers van FEBA Oekraïne terwyl die oorlog voortduur.
 
Saterdag & Sondag 6 – 7 Mei: Die republiek van Boerjatië bestaan ​​tradisioneel uit Boeddhisme, animisme en voorvaderlike aanbidding. Ten spyte van die tradisioneel oorheersende godsdienste en die wreedaardige oorlog, groei FEBA Rusland se bediening steeds. Bid asseblief dat God hulle die genade en guns sal voorsien wat nodig is om diegene te bereik wat desperaat is vir hoop.

   
Maandag 8 Mei: Die FEBA-uitsendings van Suid-Korea word uitgesaai na Japan sowel as na twee ander lande in Oos-Asië waar toegang beperk is. Bid dat hierdie beperkings opgehef sal word en dat die uitsendings die lewens sal aanraak van duisende wat in hierdie militêr-beheerde lande woon.
 
Dinsdag 9 Mei: FEBA Taiwan het ‘n toekenning ontvang van die regering, genaamd  ‘Uitstekende Godsdiensorganisasie’. Hierdie toekenning word gewoonlik aan tempels gegee en selde aan ‘n Christelike organisasie. Ons loof God vir die personeel en vrywilligers van FEBA Taiwan en die uitstekende werk wat hulle doen.
 
Woensdag 10 Mei: “Die Here is barmhartig en genadig, lankmoedig, vol liefde.” – Psalm 103:8
 
Donderdag 11 Mei: Bid asseblief vir stabiliteit in Jemen waar die mense oorweldig word deur krisisse. Bid dat God aan die armes sal voorsien en dat Sy beskerming sal rus op almal wat Jesus in die geheim volg.
 
Vrydag 12 Mei: Bid asseblief dat daar vrede na die Midde-Ooste sal kom en dat elkeen wat homself bo die naam van Jesus Christus wil verhef, tot niet gemaak sal word. Bid dat die miljoene Moslems die evangelie sal hoor en aangemoedig word om hulle lewens aan die Here Jesus te gee.
 
Saterdag en Sondag 13 – 14 Mei: Pakistan is bekend daarvoor dat sy mense Islamitiese ekstremiste is en Christene vervolg. Ten spyte van die potensiële gevare wat om elke hoek en draai skuil, saai die personeel van FEBA Pakistan getrou elke dag die Goeie Nuus uit. Bid asseblief dat FEBA Pakistan sal uitbrei en dat hul reikwydte in Pakistan sal aanhou vergroot. Bid dat ‘n vyfde stasie geopen kan word as gevolg van ‘n groter aanvraag.

   
Maandag 15 Mei: FEBA het sy bedrywighede verskuif en fokus nie meer op die land nie, maar poog nou om Sjinese etniese groepe in die algemeen te bereik. Bid vir wysheid en guns by regerings- en media-owerhede terwyl FEBA Sjina met hul goeie werk voortgaan, ten spyte van die teenkantings wat hulle in die gesig staar.
 
Dinsdag 16 Mei: “Julle het my gehelp om die boek van Romeine beter te verstaan. Julle het my geleer van die bevryding van sonde deur middel van geloof. Ek het gesien hoe baie mense in my dorpie bevry is van die krag van bose geeste toe hulle in Jesus begin glo het…” – G S, Cao Bang, Viëtnam.
 
Woensdag 17 Mei: “Die Here julle God is ganadig en barmhartig. Hy sal nie afsydig staan as julle na Hom toe terugkom nie.” – 2 Kronieke 30:9
 
Donderdag 18 Mei: Bid asseblief dat God sal voortgaan om FEBA Indië se impak te vergroot en dat getroue vennote gestuur sal word om te help om die visie  te laat groei om verlorenes deur middel van radio en sosiale media te bereik.
 
Vrydag 19 Mei: Bid asseblief dat God FEBA Taiwan die guns en kreatiwiteit sal voorsien om nog twee programme hierdie jaar van stapel te stuur wat vrugbaar sal wees. Bid dat dit mense sal aanmoedig om hul harte vir Jesus Christus te gee.
 
Saterdag & Sondag 20 – 21 Mei: FEBA Taiwan is een van vyf produksiesentrums en vervaardig twaalf programme in Mandaryns. Bid asseblief dat God elke program sal seën wat deur FEBA Taiwan vervaardig en uitgesaai word; en dat dit die mense sal bereik wat dit veronderstel is om te bereik, sonder enige hindernis. 
 
Maandag 22 Mei: Bid asseblief dat God die harte sal versag van almal wat  Christene vervolg, veral die luisteraars van FEBA regoor die wêreld. Ons bid dat die Heilige Gees Christus aan hulle sal openbaar en dat hulle gered sal word.
 
Dinsdag 23 Mei: Die personeel van FEBA Thailand reis dikwels na Mianmar om luisteraarsklubs te besoek en radio’s te versprei asook SD-kaarte wat vooraf met die evangelie gelaai is. Prys God vir die toenemende vraag na radio’s en SD-kaarte en dat die luisteraars gretig is om meer van die Goeie Nuus te hoor.
 
Woensdag 24 Mei: “Jy dan, my seun, wees sterk in die genade wat ons in Christus Jesus het.” – 2 Timoteus 2:1
 
Donderdag 25 Mei: Bid asseblief vir die luisteraars van FEBA Mianmar en dat God vrywillige skenkers sal stuur sodat meer SD-kaarte en radio’s gekoop kan word vir verspreiding. Hoe meer radio’s en SD-kaarte versprei word, hoe meer mense kan van die Here en Verlosser, Jesus Christus, hoor!
 
Vrydag 26 Mei: Bid asseblief dat God meer vrywilligers en personeellede sal stuur wat bereid is om uit te gaan en die Goeie Nuus van Jesus Christus aan al die onbereikte en afgesonderde etniese groepe in Suidoos-Asië te verkondig.
 
Saterdag & Sondag 27 – 28 Mei: FEBA Mianmar fokus hoofsaaklik op nie-gelowiges, maar help ook hul Christelike luisteraars deur gereeld met hulle op te volg en hulle met ander gelowiges te verbind. Bid asseblief vir die span van FEBA Mianmar en dat hul invloed onder die etniese nie-gelowiges sal toeneem, sodat meer mense hul lewens aan Christus sal gee.
 
Maandag 29 Mei: Bid asseblief vir elke skenker en voorbidder van FEBA en dat die seën van God op hulle en hul gesinne sal rus omdat hulle God se koninkryk soek.
 
Dinsdag 30 Mei: Herstelwerk het begin by die FEBA-stasies in Malawi en Mosambiek. Ons loof God vir Sy genade en dat Hy voorsien het gedurende hierdie tyd van herbouing.    Maak ‘n donasie op ons webwerf
Gepubliseer op

Radio Feba Gebedsgids vir April 2023


April 2023

“Verwyder dan die ou suurdeeg, sodat julle nuwe, ongesuurde deeg kan wees, en dit is julle ook werklik. Ons paaslam is immers geslag: dit is Christus.”
1 KORINTIËRS 5:7 –

 
Sondag 2 April: Bid asseblief vir die FEBA radiostasies en personeel in Malawi en Mosambiek. Hulle probeer herstel van sikloon Freddy wat verwoesting en dood in die lande gesaai het.
  
Maandag 3 April: Bid asseblief dat God wysheid sal gee aan al die FEBA-direkteure regoor die wêreld wat verantwoordelik is vir ontelbare lewens. Bid dat hulle die regte besluite sal neem sodat die bediening elke dag ‘n seën vir miljoene kan wees.
 
Dinsdag 4 April: Bid dat die Heilige Gees se beskerming by die personeel en luisteraars sal wees wat daagliks hul lewens in gevaar stel vir die koninkryk.
 
Woensdag 5 April: “Want so lief het God die wêreld gehad dat Hy sy enigste Seun gegee het, sodat elkeen wat in Hom glo, nie verlore sal gaan nie maar die ewige lewe sal hê.” – Johannes 3:16
 
Donderdag 6 April: Bid asseblief vir die nuwe geslag leiers wat grootgemaak word om die visie en missie van FEBA voort te sit.
 
Vrydag 7 April: Ons loof God vir onverdiende genade wat elke oggend nuut is.
 
Saterdag en Sondag 8 – 9 April: Terwyl ons die opstanding van Jesus Christus vier, bid asseblief vir die biljoene verlore siele regoor die wêreld en dat hulle hul harte vir Jesus Christus sal gee.
 
Maandag 10 April: Bid asseblief vir die dissipelskapprojek wat deur FEBA Kambodja aangebied word. Bid dat God sal aanhou om ‘n honger by nuwe luisteraars aan te wakker om Jesus Christus te volg en toegeruste leiers in hul dorpe te word wat meer mense na Christus sal lei.
 
Dinsdag 11 April: Bid asseblief vir die spoedige herstel van twee FEBA-radiostasies, Impact Radio in Quelimane en Voice of Hope in Zambezia. Dis is tans nie op die lug sedert dit in Maart deur sikloon Freddy vernietig is.
 
Woensdag 12 April: “Daar is dan nou geen veroordeling vir die wat in Christus Jesus is nie, vir die wat nie na die vlees wandel nie, maar na die Gees.” Romeine 8:1
 
Donderdag 13 April: Die personeel van FEBA Kyrgyzstan ontvang op ‘n gereelde grondslag doodsdreigemente vanaf godsdienstige ekstremiste. Bid vir die beskerming van spanlede en hul gesinne.
 
Vrydag 14 April: Bid asseblief dat sosiale media monitering en beperkings, veral met betrekking tot die Christelike godsdiens, sal vergemaklik sodat 150 stasies regoor die wêreld kan voortgaan om hierdie platforms te gebruik. Dit help hulle om die maksimum aantal mense met die evangelie te bereik.
 
Saterdag en Sondag 15 – 16 April: Jemen het sterk stamwette wat lede om te onttrek. Die straf om ‘n Christen te word, kan verbanning of selfs die dood teweegbring. Bid asseblief dat God elke geheime gelowige en luisteraar van FEBA Jemen sal beskerm en dat die boodskap van Jesus Christus deur die stamme gehoor word.
 
Maandag 17 April: Bid asseblief dat God elke skenker sal seën wat in FEBA se bediening ‘n skenking maak, en dat Hy hulle finansies sal seën.
 
Dinsdag 18 April: Bid asseblief vir elke uitsending van FEBA Pakistan wat uitgesaai word en dat dit elke persoon sal bereik wat God wil hê dit moet bereik. Bid dat hulle harte oop sal wees om die boodskappe wat gedeel word, te ontvang.
 
Woensdag 19 April: “En as die Gees van Hom wat Jesus uit die dode opgewek het in julle woon, sal Hy wat Christus uit die dode opgewek het, ook julle sterflike liggame lewend maak ter wille van sy Gees wat in julle woon.” – Romeine 8:11
 
Donderdag 20 April: Ons is dankbaar dat FEBA met God saamwerk om Sy oorwinning in onmoontlike situasies te vier. FEBA is aan die voorpunt om die onbereikte te bereik, in hul hartstale en in meer as 50 lande.
 
Vrydag 21 April: Bid asseblief vir al die FEBA personeel en verteenwoordigers wat lang afstande aflê en na verskeie kerke reis om te preek en duisende ander mense in te lig oor FEBA en die werk van die bediening.
 
Saterdag en Sondag 22 – 23 April: Noord-Korea het sy vervolging van Christene verskerp. Hulle soek ondergrondse kerke, stel gelowiges tereg en sluit hul gesinne in arbeidskampe op. Bid asseblief dat FEBA Korea ‘n stem van hoop vir hierdie gelowiges sal wees en dat die programme hul geloof in God sal versterk.
 
Maandag 24 April: Ons loof God dat mense van die Siddhi-gemeenskap in suidelike Indië die magtige krag van God begin ervaar.  Baie wat na die uitsendings van FEBA Indië, asook die oudio-Bybels geluister het, is genees en begin glo is Jesus.
 
Dinsdag 25 April: Bid asseblief vir die uitsaaiers van FEBA Oekraïne. Bid veral vir Max, die program direkteur en uitsaaier wat as kapelaan in die Oekraïense weermag diens doen.
 
Woensdag 26 April: “Christus Jesus wat gesterf het — meer as dit, wat tot lewe opgewek is — is aan die regterhand van God en tree ook vir ons in.” – Romeine 8:34
 
Donderdag 27 April: Ons loof God vir elke voorbidder wat voortdurend vir FEBA bid, want ons weet dat hul gebede krag dra.
 
Vrydag 28 April: Die uitdagings om ‘n Christen te wees – om die Woord van God in Sjina te verkondig en te hoor – is steeds baie moeilik en beperk. Bid asseblief vir FEBA Sjina en dat die Here hulle sal bewaar en hulle sal begunstig in die aangesig van die kommunistiese regering.
 
Saterdag en Sondag 29 – 30 April: FEBA Japan sy bes om groei aan te wakker in die steeds krimpende en verouderende Japanese kerk. Bid asseblief vir FEBA Japan en dat hul invloed en omvang kan toeneem en versprei na die stedelike gebiede sowel as hoofstede. Bid dat die Heilige Gees herlewing aan die Japannese nasie sal bring.

    
Maak ‘n donasie op ons webwerf
 
Gepubliseer op

FEBA Radio – E-Gebedsgids Maart 2023

Maart 2023

“Laat ons dan met vrymoedigheid na die troon van die genade gaan, sodat ons barmhartigheid kan verkry en genade vind om op die regte tyd gehelp te word.”
– HEBREËRS 4:16 –
 
Woensdag 1 Maart: Drie jaar na die aanvang van die COVID-19 pandemie het Hongkong hul reisbeperkings gelig wat FEBA se werk baie vergemaklik. Bid dat mense se harte ontvanklik sal wees.

Donderdag 2 Maart: Bid asseblief dat FEBA Hongkong se personeel veilig sal reis en dat hul besoeke tot God se koninkrykswerk sal bydra.

Vrydag 3 Maart: Bid asseblief dat God sal aanhou om FEBA Hongkong se personeel te seën en dat elke uitsending duisende sal help om hul lewens aan die Here oor te gee.

Saterdag en Sondag 4-5 Maart: Twee jaar het verloop sedert China beheer geneem het oor Hongkong. In dié tyd is talle kerkleiers en -werkers in hegtenis geneem. Ons bid dat die Chinese regering hul vervolging sal staak.  Maandag 6 Maart: Bid asseblief vir elke program wat deur FEBA Indië uitgesaai word op sosiale media, veral vir die lewendige uitsendings op Instagram en YouTube.

Dinsdag 7 Maart: Bid asseblief dat daar herlewing in Indië sal kom en dat God die FEBA Indië personeel sal toerus om die gemeenskap te ondersteun in hul geestelike behoeftes.

Woensdag 8 Maart: Ons prys die Here vir elke geleentheid wat Hy voorsien vir FEBA Indië om die evangelie van Jesus Christus te deel.

Donderdag 9 Maart: Bid asseblief vir elke luisteraar van FEBA Indië, en dat hulleself die evangelie verder sal versprei. 

Vrydag 10 Maart: Bid asseblief dat God sal aanhou om die FEBA Indië span te inspireer met nuwe en innoverende idees om die evangelie te versprei.

Saterdag en Sondag 11-12 Maart: Kwaai kouefronte hang nog oor Noord-Indië. Bid asseblief dat God die haweloses, uitgeworpenes, en armes sal bewaar. Ons FEBA Indië span help waar hulle kan met die hulpbronne wat hulle tot hul beskikking het.  Maandag 13 Maart: FEBA Indonesië het ‘n vakante pos vir musiekregisseur. Bid asseblief dat die Here die regte persoon sal stuur, een met ‘n hart vir lofprysing en aanbidding.

Dinsdag 14 Maart: FEBA Indonesië se inhoud gaan op meer platforms beskikbaar gemaak word. Bid dat meer siele hierdeur vir die Koninkryk gewen sal word.

Woensdag 15 Maart: Ons prys God vir FEBA Indonesië se nuwe nasionale direkteur, Yoke Pribadi.

Donderdag 16 Maart: Bid asseblief vir God se seën en wysheid op FEBA Indonesië se nuwe nasionale direkteur, sodat hy die span suksesvol kan lei.

Vrydag 17 Maart: Bid asseblief vir die mense wat TikTok video’s vir FEBA Indonesië vervaardig, dat God hul kreatiwiteit en idees sal vermeerder.

Saterdag en Sondag 18-19 Maart: Bid asseblief dat God nuwe vennote sal stuur om te help met die befondsing van FEBA Indonesië se wonderlike werk.  Maandag 20 Maart: Pakistan lei onder erge ekonomiese en politieke onrus. Bid asseblief dat God vir Sy mense sal sorg in hierdie tyd, sodat die stygende inflasie min uitwerking op hulle sal hê.

Dinsdag 21 Maart: Bid asseblief dat die Here vrede sal bring in Pakistan en die land se onstabiele politieke klimaat sal kalmeer.

Woensdag 22 Maart: Ons prys God vir al die doelwitte wat in die afgelope jaar bereik is deur Sy leiding en FEBA Pakistan se uitstekende span.

Donderdag 23 Maart: Bid asseblief dat die Heilige Gees elke individuele luisteraar sal help om meer mense te bereik en om hul eie luisteraarklubs te stig sodat God se koninkryk verder uitbrei.

Vrydag 24 Maart: Hou aan bid vir die beskerming en leiding van FEBA Pakistan se personeel waar hulle regdeur die land reis, beraad en bedien.

Saterdag en Sondag 25-26 Maart: Bid asseblief vir die vierde en nuutste FEBA Pakistan FM-stasie, wat aan nuwe streke in die noorde van Pakistan gaan uitsaai. Mag elke uitsending tot seën wees vir dié wat dit hoor en mag dit ‘n menigte luisteraars na Christus toe lei.  Maandag 27 Maart: In dié onseker tye vra ons dat u bid vir elke stasie en sy personeel, regoor die wêreld, dat God hulle sal steun en versterk waar hulle die Goeie Nuus ten spyte van toenemende vervolging versprei.

Dinsdag 28 Maart: Bid asseblief vir die mense in Turkye en Sirië wat rou oor geliefdes wat dood is, en wat nou moet herbou na Februarie se verwoestende aardbewing.

Woensdag 29 Maart: Ons prys God vir die voortdurende uitbreiding van die bediening en dat Hy altyd getrou die regte mense stuur om die bediening nog meer vrugbaar te maak.
Donderdag 30 Maart: Bid asseblief vir Suid-Afrika wat lang tye van kragonderbrekings in die gesig staar. Dit het ‘n negatiewe effek op mense en hul bestaan. Baie besighede moes reeds toemaak en daar was al lewensverlies weens gebrek aan elektrisiteit.

Vrydag 31 Maart: Bid asseblief vir elke nuwe leier wat God binne FEBA en FEBC oprig. Bid dat God hul wysheid en leierskapvaardighede sal vermeerder. Mag hulle ‘n groot impak hê en help om herlewing te bring!    Maak ‘n donasie op ons webwerf
Gepubliseer op

Radio Feba – Gebedsgids vir Februarie 2023

Feba Gebedsfokus
Februarie 2023

“Wat julle ook al in my Naam vra, sal Ek doen, sodat die Vader deur die Seun verheerlik kan word. As julle My iets in my Naam vra, sal Ek dit doen.
As julle My liefhet, sal julle my opdragte uitvoer.”
 Johannes 14:13-15 
 
Woensdag 1 Februarie: Bid vir die tweede Etniese Byeenkoms van die 17 Tale in Chiang Mai op 4-6 Mei 2023. Die doelwitte is geestelike samesyn, gebed, die leer van beste praktyke in digitale media, en om verenig te bly in God se werk deur FEBC.

Donderdag 2 Februarie: ‘n Menigte mense reis later vandeesmaand na die Mien leierskonferensie in Hanoi. Bid asseblief vir hul veiligheid op die paaie.

Vrydag 3 Februarie: FEBC Thailand begin nuwe programinhoud vervaardig vir die Thai Suid-inisiatief. Bid dat God se wysheid en goddelike kreatiwiteit hulle deur hierdie proses sal lei. Die span begin eersdaags om programme/inhoud te vervaardig.

Saterdag en Sondag 4 – 5 Februarie: Verskeie spanlede reis gereeld na Mianmar en Shan-staat om die plaaslike bevolking te bedien, en om radio’s en SD-kaarte uit te deel. Bid asseblief dat God die voorraad radio’s en SD-kaarte sal vermeerder sodat meer mense die Goeie Nuus kan hoor.  
Maandag 6 Februarie: Die oorlog tussen Rusland en Oekraïne woed voort sonder ‘n einde in sig. Bid asseblief dat God vrede tussen die twee lande sal bring.

Dinsdag 7 Februarie: Bid asseblief dat God sal waak oor FEBC Oekraïne en FEBC Rusland se personeel, en hul geliefdes ook teen die geweld sal bewaar.

Woensdag 8 Februarie: Ten spyte van die konstante bombardering, hou FEBC Oekraïne aan om die Goeie Nuus uit te saai en hul landgenote op hoogte te hou van gebeure. Ons is dankbaar vir hul volharding en inspirerende geloof te midde al die chaos.

Donderdag 9 Februarie: Bid asseblief dat God die Russiese diktator, Vladimir Putin, se hart sal aanraak en dat hy sy lewe aan Jesus Christus sal gee.

Vrydag 10 Februarie: Ons prys God dat daar nog nie ‘n enkele personeellid van FEBC Oekraïne of FEBC Rusland in die daaglikse bombarderings beseer is nie.

Saterdag en Sondag 11 – 12 Februarie: FEBC Oekraïne se beradingspanne werk dag en nag om die beradings hulplyn te beman en hulp te verleen aan die honderde mense wat hopeloos en onderdruk voel in hierdie oorlogstyd. Bid dat God die span se meegevoel, insig en wysheid sal versterk, en dat Hy hulle sal gebruik om baie mense na Hom toe te lei.  
Maandag 13 Februarie: FEBC Kasakstan se TikTok-kanaal groei goed. Bid vir God se seën op hierdie sosiale media-kanaal, dat hul video’s duisende jongmense sal bereik en na Jesus Christus toe sal bring.

Dinsdag 14 Februarie: In Januarie het FEBC Kasakstan die aanlyn Bybelse Berading Bediening geloods en gevind dat daar nog meer mense is wat bemoediging en troos benodig in hierdie tyd van globale ekonomiese agteruitgang as wat hulle verwag het. Bid asseblief dat God die konsultante met wysheid en begrip sal seën.

Woensdag 15 Februarie: Ons prys God vir die getuienisse van jongmense wat die TikTok video’s gesien het. Ons is opgewonde om te sien hoe FEBC Kasakstan hul invloed vergroot deur God se genade.

Donderdag 16 Februarie: Bid vir FEBC Kasakstan, wat onlangs twee nuwe spanlede gekry het. Ons vertrou dat God hulle in hul nuwe poste sal seën en dat alles wat hulle aanpak suksesvol sal wees.

Vrydag 17 Februarie: Bid asseblief vir die leiers wat TikTok video’s vir FEBC Kasakstan vervaardig, dat God hul kreatiwiteit en idees sal vermeerder.

Saterdag en Sondag 18 – 19 Februarie: Bid asseblief dat God vir FEBC Kasakstan van hul eie perseel en uitsaaistasie sal voorsien, aangesien hulle tans werk vanuit ‘n gebou wat aan ‘n ander instansie behoort.  
Maandag 20 Februarie: FEBA Malawi is tans op soek na nuwe personeel. Bid dat God die regte mense sal stuur wat waardevolle toevoegings tot die bediening sal wees.

Dinsdag 21 Februarie: Die span in Malawi doen uitsonderlike werk in die verspreiding van die evangelie. Bid dat God fondse sal voorsien vir meer luistertoestelle en radio’s.

Woensdag 22 Februarie: Ons prys God vir die nuwe kerk wat tot stand gebring is in Mangochi; ‘n bemoedigende stap vorentoe vir FEBA Malawi.

Donderdag 23 Februarie: Bid dat God solar/kragopwekkers vir die versender in Mangochi sal voorsien, sodat geen uitsendings of opnames sal ly onder die gereelde kragonderbrekings nie.

Vrydag 24 Februarie: Prys God vir 42 luisteraar klublede wat onlangs gedoop is en binnekort ‘n kerk in Balaka sal begin bywoon.

Saterdag en Sondag 25 – 26 Februarie: Die ekonomiese krisis in Malawi raak erger en so verswak Malawiërs se lewenskwaliteit. Bid asseblief dat die Heilige Gees tot troos sal wees vir God se mense en aan hul behoeftes sal voorsien.  
Maandag 27 Februarie: Ons het onlangs twee nuwe spanlede verwelkom. Hulle het jare se waardevolle ervaring in bediening. Bid asseblief dat God hulle sal gebruik as Sy instrumente en dat hul invloed groot sal wees.

Dinsdag 28 Februarie: FEBA Suid-Afrika loods vandeesmaand ons TikTok-kanaal. Bid dat elke video die mense sal bereik wat dit moet en baie lewens sal verander.    Maak ‘n donasie op ons webwerf
WebsiteFacebookYouTubeInstagram 
Our mailing address is:
info@febaradio.co.za
Gepubliseer op

Radio FEBA gebedsgids vir Januarie 2023

FEBA Gebedsfocus
Sondag 1 Januarie: Bid dat FEBC Taiwan se nuwe kinder- en jeugprogramme, “Fun After School” en “Bible Unboxing”, kinders na Jesus toe sal lei.
Maandag 2 Januarie: Wetgewing in Japan verbied enige godsdienstige organisasie om uitsaaitorings te besit. FEBC Japan, die enigste Christelike uitsaaier in die land, saai uit vanaf Jeju Eiland in Suid-Korea. Bid asseblief dat FEBC Japan se programme nog baie verder sal reik.
Dinsdag 3 Januarie: Bid vir FEBC-vennote Joshua en Nit Chan wat in Thailand dienswerk doen. Bid vir wysheid waar hulle toesig hou oor die groeiende Khmu-bediening en terselfdertyd bykomende leierskap verantwoordelikhede dra.
Woensdag 4 Januarie: Ons prys God vir die nuwe program in die Bugkalot-taal wat onlangs in die Filippyne geloods is. Soortgelyke programme speel gedurig oor luidsprekers in die buurte. Bid dat hierdie nuwe program baie mense sal help om die evangelie te hoor en verstaan, en hulle so na Jesus toe lei.
Donderdag 5 Januarie: Byna twee jaar het al verloop sedert die militêre staatsgreep in Mianmar. Menigte mense lei steeds as gevolg van onderdrukking. Bid asseblief vir God se beskerming oor FEBC Mianmar se personeel en hul families, sowel as vir vrede om in die land herstel te word.
Vrydag 6 Januarie: Boeddhisme is ingewortel in Thailand se kultuur. Bid asseblief dat God die FEBC-uitsendings sal gebruik om mense se lewens en hul siening van Christenskap te verander.
Saterdag & Sondag 7-8 Januarie: Bid vir die opkomende Eeufeesviering van die Evangelie in Kambodja wat plaasvind op 27-28 Januarie 2023. Mag God die nodige hulpbronne vir beplanning, wysheid vir die spanne, en guns aan hierdie historiese geleentheid voorsien sodat dit die lig van God sal weerspieël en Hom eer.
Maandag 9 Januarie: Kirgisië is tradisioneel ‘n Moslem-nasie. Bid dat die verlorenes en onbereikte se harte sal oopmaak om die Goeie Nuus te ontvang wanneer dit deur die toegewyde FEBC-stasies uitgesaai word. 
Dinsdag 10 Januarie: FEBC het ‘n projek geloods om Moslem-luisteraars in Eurasië, insluitend Rusland, Kasakstan en Kirgisië, te bereik. Bid vir die dapper Moslem bekeerlinge wat daagliks gedreig word wanneer hulle hul getuienisse en geloof in Jesus Christus met ander deel.
Woensdag 11 Januarie: Irina is ‘n aanbieder vir FEBC Oekraïne, asook ‘n trauma-spesialis. Sy help tans om ons gebed-hulplyn uit te brei sodat aanlyn-berading ingesluit word. Bid dat God haar sal rig soos sy spanne lei, oplei, en nuwe spanne bou om te werk met die menigte wat die hulplyn skakel.
Donderdag 12 Januarie: Die konflik tussen Rusland en die Oekraïne toon geen einde nie. FEBC se beradings bediening pas vinnig aan weens die toename in oproepe van luisteraars wat vrae het en hulp benodig. Bid vir die beraders waar hulle troos bied en die oorvloedige liefde van Jesus Christus deel.
Vrydag 13 Januarie: Prys God dat FEBC Rusland se uitsendings nie verban is nie en inderdaad gewilder raak. Bid asseblief dat hierdie vryheid en groei in luister talle sal volhou.
Saterdag & Sondag 14-15 Januarie: Bid asseblief vir die groeiende bediening in die Republiek van Boerjatië in Rusland, waar plaaslike inwoners ‘n mengsel van Boeddhisme, animisme, en voorvader-aanbidding beoefen. Ons span ontvang aanhoudend getuienisse van mense wat hul harte vir die Here gegee het. Bid dat God hierdie wonderlike werk sal seën en dat dit sal aanhou uitbrei.
Maandag 16 Januarie: Die FEBC Mongolië-span maak vordering en laat hul merk op sosiale media met bemoedigende video’s wat op ‘n nuwe, jonger gehoor gemik is. Bid asseblief dat enige sensuur wat die platforms rakende Christelike inhoud mag hê, nie ‘n hindernis sal wees nie.
Dinsdag 17 Januarie: As gevolg van die uitdagende ekonomiese klimaat, kan baie leiers nie die “Inner Mongolia Leadership Training” in persoon bywoon nie. Bid asseblief dat dit hulle nie sal ontmoedig nie, maar dat hulle mekaar in die aanlyn-opleidingsessies sal bemoedig.
Woensdag 18 Januarie: FEBC Mongolië beplan om nog drie FM-stasies in 2023 te vestig. Bid dat God Sy guns aan hulle sal betoon en dat die plaaslike kerke aangemoedig sal word om radio-uitsendings te gebruik om meer mense met die evangelie te bereik.
Donderdag 19 Januarie: FEBC Mongolië bied op 10-12 Mei digitale media-werkswinkels aan. Bid asseblief dat die vennote, instrukteurs, en deelnemers wat moet reis om dit by te woon, veilig sal arriveer.
Vrydag 20 Januarie: ‘n Nuwe program rakende geestesgesondheid word tans uitgesaai aan luisteraars in Mongolië. Bid dat hierdie program gebruik sal word om genesing te bring en mense aan te moedig om te groei in hul geloof.
Saterdag & Sondag 21-22 Januarie: Bid asseblief vir die uitsendings pan, leiers en direkteure van FEBC Mongolië, dat God hulle die wysheid en krag sal gee om al hul planne vir die nuwe jaar getrou uit te voer.
Maandag 23 Januarie: Ons dank God vir al die suksesvolle byeenkomste in 2022 wat gelei het tot strategiese besluite waardeur FEBC en FEBA se visie in hierdie jaar kan groei. Bid asseblief dat God die bediening se planne sal seën en dat Hy deure sal oopmaak wat geen mens kan toemaak nie.
Dinsdag 24 Januarie: Al FEBC en FEBA se personeel is passievol daaroor om kontak met ons luisteraars te maak. Bid asseblief vir God se beskerming oor die personeel wat reis om luisteraars regoor die wêreld te ontmoet en hulle met die evangelie te bedien.
Woensdag 25 Januarie: Die wêreld probeer steeds herstel van die globale ekonomiese agteruitgang wat gelei het tot duurder brandstof, olie, kos, en ander basiese benodighede. Bid asseblief vir al die gesinne wat ly onder hul lande se ekonomieë en dat God verligting sal bring.
Donderdag 26 Januarie: Met ons jaarlikse Kersfees Radio-projek het FEBA Suid-Afrika genoeg fondse ingesamel om ongeveer 5000 radio’s aan te koop en te versprei. Een radio het die potensiaal om tot 50 mense te bereik. Bid dat die evangelie soos ‘n veldbrand deur die Horing van Afrika sal versprei.
Vrydag 27 Januarie: FEBA Suid-Afrika benodig ‘n energieke nuwe spanlid. Bid asseblief dat God die regte persoon sal stuur om die pos te vul en dat die kandidaat passievol sal wees oor die bediening en die werk wat dit doen vir God se koninkryk.
Saterdag & Sondag 28-29 Januarie: Bid dat God se seën ook hierdie jaar op FEBC en FEBA sal rus waar ons die evangelie deur middel van radio aan die mees afgeleë dorpies op aarde verkondig. Bid dat God Sy guns sal betoon wanneer nuwe lisensies benodig word en dat meer programme by al die uitsending stasies gevoeg sal word soos die aantal luisteraars toeneem.
Maandag 30 Januarie: Bid asseblief dat God leiding en krag sal verleen aan FEBC Indonesië se spanne wat passievol is oor hul gemeenskappe en ondersteuning bied waar dit nodig is.
Dinsdag 31 Januarie: Indonesië is ‘n groot nasie met 714 diverse etniese groepe. Bid asseblief dat God die regte persoon sal kies om die huidige president in 2024 te vervang, en dat die nuwe president Bybelse waardes en ‘n respek vir verskillende kulture sal hê. 
Gepubliseer op

Feba se E-Gebedsfokus Desember

FEBA Gebedsfocus
Desember 2022

“Bely julle sondes eerlik teenoor mekaar en bid vir mekaar, sodat julle gesond kan word. Die gebed van ‘n gelowige het ‘n kragtige uitwerking.“
– Jakobus 5:16 –
 
Donderdag 1 Desember: Bid dat FEBC-Korea hul grense sal verbreed en die evangelie plaaslik en internasionaal deur verskeie media sal versprei om sodoende meer siele vir Christus te wen.

Vrydag 2 Desember: Bid asseblief dat die Here deure sal open vir nuwe vennootskappe met kerke, besighede en individue wat passievol daaroor is om die kerk te sien groei en FEBC-Korea finansieel te ondersteun soos hulle nuwe stasies toevoeg.
 
Saterdag & Sondag 3-4 Desember: Bid dat beide die 50ste herdenkingfees van die ’73 Billy Graham Seoul Crusade (3 Junie, 2023) en die 50ste herdenkingvieringe van FEBC-Korea se Jeju-stasie (8-9 Junie, 2023) God sal eer en ‘n geleentheid sal wees waar baie mense na die Here toe draai.
.    
Maandag 5 Desember: Bid asseblief vir God se guns en genade op ons span in Suid-Afrika soos ons veranderinge ondergaan. Ons het onlangs twee nuwe personeellede verwelkom en bid dat God hul leiding sal gee in hul nuwe poste.
 
Dinsdag 6 Desember: Bid asseblief vir die groei van ons bediening in Suid-Afrika en vir God se voorsiening sodat ons steeds die groeiende werk van ons Afrika-stasies kan ondersteun.
 
Woensdag 7 Desember: Bid asseblief vir ons stasie in Malawi, Litala FM. Die land ly onder erge kragonderbrekings wat soms tot 12 ure lank kan duur. Daarom het ons begin werk om solar te installeer sodat uitsendings kan voortgaan.
 
Donderdag 8 Desember: Prys God vir KanuYah FM se kragtige bediening aan die onbereikte mense in ‘n tyd van ernstige voedseltekort en konflik. Luisteraars ervaar daagliks God se werk in hul lewens, ten spyte van hul swaarkry. Bid asseblief dat meer mense God sal leer ken en hul lewens aan Hom sal gee.
 
Vrydag 9 Desember: Ons prys God vir Sy getroue voorsiening aan ons bediening in Afrika, ten spyte van die ekonomiese uitdagings wat ons land teister. Bid asseblief vir God se seën op ons vriende en vennote wat maandeliks tot die bediening bydra met fondse en gebed.
 
Saterdag & Sondag 10-11 Desember: Bid dat God ons uitsaaiers as invloedryke stemme sal gebruik in die Zambezi-gemeenskap, waar hulle twee nuwe stasies, Voice of Hope en Impact FM, se uitsendings geniet.   
Maandag 12 Desember: Soos ons die feestyd ingaan, loof ons die Here vir FEBC-Australië se bedieningspan en die diens van hul direkteure. Bid asseblief dat God hulle sal verfris en krag sal gee vir die nuwe jaar.Dinsdag 13 Desember: Bid asseblief dat God die regte persoon sal stuur vir FEBC-Australië, waar hulle ‘n behoefte het om hul kantore en bedieningswerk uit te brei.Woensdag 14 Desember: Prys God vir die groot toename in skenkings en algehele inkomste ten spyte van die moeilike omstandighede waarin baie Australiërs hulself bevind. Loof God vir Sy goedheid, vir die getrouheid van Sy mense en hul ondersteuning van FEBC. Bid dat ondersteuners deur God bemoedig sal word om allereers Sy koninkryk en wil te soek.Donderdag 15 Desember: Bid asseblief vir Australiërs, insluitend ons ondersteuners, wat deur moeilike tye gaan. Bid dat hulle na God sal draai as hul Voorsiener en so Sy liefde en goedheid sal ervaar. Australië is ook getref deur die wêreldwye styging in brandstofpryse. COVID-19, vloede en bosbrande het ook ‘n behuisingskrisis veroorsaak.Vrydag 16 Desember: Bid asseblief vir God se hand van beskerming oor die reddingswerkers in Australie wat help tydens die vloede en brande, sowel as die burgerlikes wat deur die rampe getref is.Saterdag & Sondag 17-18 Desember: In Australië word inperkings geleidelik opgehef, wat die FEBC-Australië span in staat stel om kerke te besoek en kontak te maak met mense wat FEBC nog nie ken nie. Bid asseblief dat meer mense met FEBC-Australië in verbinding sal tree en dat hul bediening ‘n toonbeeld van God se kragtige werk sal word.  
Maandag 19 Desember: Bid vir ons broers en susters in China. Baie van hulle loop deur onder streng wette wat deur die regering afgedwing word in ‘n poging om die Kerk te beheer. Bid dat God die Chinese gelowiges moed en wysheid sal gee. Mag Hy die FEBC personeel lei om die evangelie te versprei ten spyte van vervolging.

Dinsdag 20 Desember: Bid asseblief vir die 443 onbereikte mensegroepe in China. ‘n Luisteraar deel: “Jul programme het my laat besef daar is Christene regoor die wêreld. Nou verwerp ek dit nie meer nie.” Bid dat meer mense soos hierdie luisteraar die Goeie Nuus sal hoor en Christenskap sal aanvaar.

Woensdag 21 Desember: Bid asseblief vir God se beskerming in China, insluitende vir ons span en kollegas in Hong Kong. Ten spyte van COVID-19 se swaar impak het FEBC se aanlynprogramme rekord speel-en aflaaisyfers getref. Mag die evangelie na meer en meer mense in hierdie land versprei.

Donderdag 22 Desember: Bid asseblief dat God gelowige mans en vroue in die Chinese regering sal plaas en dat hulle sal opstaan vir die Christelike geloof.

Vrydag 23 Desember: China het ‘n bevolking van 1,457,801,933. Slegs 5,1% is Christene. Ons bid dat die Here die FEBC-span in China sal uitbrei sodat die oorblywende 94,9% die evangelie sal hoor en gered sal word.

Saterdag & Sondag 24-25 Desember: Hoewel die COVID-19 inperkings deels opgehef is in China, is daar nog baie wat siek is. Bid asseblief dat God diegene wat aan of onder COVID-19 ly, sal aanraak en genees, en dat Hy die FEBC-China span veilig sal hou waar hulle hoop deur die evangelie versprei.  
Maandag 26 Desember: Ons is dankbaar vir al FEBC/FEBA se vennote, vriende en ondersteuners. Bid asseblief dat die Here almal sal seën wat die bediening regoor die wêreld so getrou ondersteun.

Dinsdag 27 Desember: Bid asseblief vir FEBC se direksie, dat God hulle gesond sal hou en krag sal gee om met insig en wysheid te lei.

Woensdag 28 Desember: Bid asseblief dat die Here ons stasies en uitsaaiers sal seën met nuwe insigte om met hul luisteraars te deel.

Donderdag 29 Desember: Soveel mense regoor die wêreld moet nog die Goeie Nuus hoor. Bid saam met ons vir nuwe deure om oop te gaan sodat ons spanne nog meer mense wat God nodig het, kan bereik.

Vrydag 30 Desember: Bid asseblief vir die geestelike, emosionele en finansiële welstand van elke persoon wat by FEBC en FEBA se bediening betrokke is.

Saterdag 31 Desember: Terwyl die wêreld vir 2022 groet en die nuwe jaar verwelkom, bid ons dat God sal waak oor die visie wat Hy vir FEBA gegee het en dat Hy struikelblokke uit die weg sal ruim sodat die evangelie die verlorenes in 2023 sonder hindernisse sal bereik.    
Maak ‘n donasie op ons webwerf
Gepubliseer op

Radio FEBA Gebesdsgids vir November 2022

Feba Gebedsgids
JAPAN FILIPPYNE PAKISTAN
JAPAN  
 
Dinsdag 1 November: Bid asseblief dat die Here vir FEBC Japan nuwe en getroue personeel sal voorsien. Hul huidige personeel se gesondheid is afgetakel, want hulle werk elke dag tot middernag om uitsendings aan die gang te hou. 
 
Woensdag 2 November: Bid asseblief dat die Here Sy goeie werk in die personeel se lewe sal volhou en sal aanhou om hulle moed en krag te gee, beide fisies en geestelik. 
 
Donderdag 3 November: FEBC Japan het op 1 Oktober hul nuutste reeks geloods. Bid asseblief dat die program luisteraars se harte sal aangryp en hulle sal aanmoedig om dieper in hul geloof te groei. 
 
Vrydag 4 November: FEBC Japan is trots om vanjaar hul 70ste herdenking te vier. Hulle bied ‘n reeks spesiale programme aan en vra dat u asseblief bid dat die reeks nuwe luisteraars sal lok. 
 
Saterdag & Sondag 5 – 6 November: Bid asseblief dat God vir FEBC Japan die wysheid sal gee in die bespreking van hul finansiële state en dat Sy Gees hulle sal lei wanneer hulle ‘n nuwe begroting by die opkomende raadsvergadering opstel. FEBC Japan streef daarna om getroue rekenmeesters te wees met die fondse wat die Here voorsien. 
 
FILIPPYNE 
 
Maandag 7 November: Prys God dat al die radiostasies na die onlangse supertifoon gespaar is en minimale skade gely het. Bid asseblief dat God die stasies sal aanhou beskerm tydens die tifoon-seisoen en dat Hy sal sorg vir herstel van die skade. 
 
Dinsdag 8 November: Bid asseblief vir die veiligheid van almal wat deur die tifoon getref is en vir genesing van diegene wat beseer is. 
 
Woensdag 9 November: Bid asseblief vir FEBC Filippyne se leiers, personeel en vrywilligers, dat hulle sal aanhou saam werk en dien met vreugdevolle harte en ‘n standvastige gees terwyl hulle God se koninkryk uitbrei. 
 
Donderdag 10 November: Bid asseblief dat God ‘n menigte harte sal aanspoor om aan FEBC Filippyne te skenk. Hulle volhard in gebed en weet dat die Here diegene seën wat gee sodat die Goeie Nuus die onbereiktes kan bereik.  
 
Vrydag 11 November: Bid asseblief dat God nuwe vennote en luisteraars sal stuur, veral uit Laguna, en dat hulle aangespoor sal wees om by FEBC Filippyne se gemeenskap aan te sluit en hulle te ondersteun.  
 
Saterdag & Sondag 12 – 13 November: Hou aan bid vir UP987 DYFR-FM Cebu’s “Life-Changing” se luisteraars en vennote om gemotiveerd en verbind te bly. Ons is dankbaar vir hul volgehoue ondersteuning aan die stasie en bid dat God hulle sal bewaar om tot seën te wees vir ander. 
 
PAKISTAN 
 
Maandag 14 November: Die vernietigende vloede in Pakistan het meer as 2 miljoen mense siek gemaak aan cholera, malaria en ander siektes. Bid asseblief dat God se Gees hulle sal troos en dat Jesus hulle sal genees. 
Dinsdag 15 November: As gevolg van die ramp wat Pakistan getref het, is die land in chaos. Bid asseblief dat God hulpbronne sal voorsien en Sy hand van beskerming oor Sy mense sal hou. 
 
Woensdag 16 November: Bid asseblief vir die vrywilligers, reddingswerkers, veiligheidsdienste, maatskaplike dienste en FEBC Pakistan waar hulle in samewerking met plaaslike kerke diegene met beperkte hulpbronne help en ondersteun. 
 
Donderdag 17 November: Bid asseblief vir die beskerming van FEBC Pakistan se personeel en hul gesinne wanneer hulle reis na gebiede waar luisteraars, kerke en gemeenskappe deur die onlangse vloede getref is. In sommige gebiede het die Christen-gemeenskap swaar deurgeloop. 
 
Vrydag 18 November: Sedert die vloede begin het, het slangbyte toegeneem en baie mense beseer. Bid asseblief vir die vriende en families wat geliefdes verloor het as gevolg van die vloede en bygaande tragedies. 
 
Saterdag & Sondag 19 – 20 November: Die vervaardigingspanne van FEBC Pakistan is baie besig om nuwe inhoud te skep vir mense wat deur die vloede geraak is. Bid asseblief dat God wysheid en insig sal skenk aan die betrokke kunstenaars, skrywers en aanbieders sodat die luisteraars bereik en bemoedig sal word deur onderskeie media platforms. 
 
MONGOLIË 
 
Maandag 21 November: Ons prys God vir FEBC Mongolië se goeie verhouding met die Mongoliese regering, wat hulle in staat gestel het om hul nuwe plaaslike FM lisensies te kry. Bid asseblief dat God se guns op hulle sal bly rus. 
 
Dinsdag 22 November: Bid asseblief dat FEBC Mongolië se invloed sal uitbrei en die evangelie by die mense in hul gemeenskap sal tuisbring. 
 
Woensdag 23 November: Ten spyte van ekonomiese druk behou FEBC Mongolië hul passie vir die bereiking van die onbereiktes. Bid asseblief dat God vir Sy mense sal voorsien in hierdie tyd van drastiese inflasiekoerse sodat die span die FEBC missie kan aanhou vervul.  
 
Donderdag 24 November: Die uitgee van oudiotoestelle met die evangelie aan nomadiese herders, deur Veterinarian Mission in Mongolia, is tot dusver baie effektief. Bid asseblief dat God nuwe finansiële vennote sal voorsien om die voorsiening en invloed van die toestelle te vermeerder.  
 
Vrydag 25 November: Bid asseblief vir elke gesin wat deur die ekonomiese krisis geraak word en dat die Here aan hul behoeftes sal voorsien.  
 
Saterdag & Sondag 26 – 27 November: Bid vir Bat en Boogii, FEBC Mongolië se leierskap, dat God sal aanhou om hulle die nodige wysheid te gee vir daaglikse bestuur. Bid dat God hul passie vir die bereiking van die onbereiktes branded sal hou! 
 
KASAKSTAN 
 
Maandag 28 November: Ons dank God vir FEBC Kasakstan se jeug, wat die evangelie deel deur sosiale media platforms soos TikTok, waar hulle meer as 250000 “views” en duisende vrae kry oor kerk en geloof. Bid asseblief dat Jesus meer van die jeug se harte sal aanraak sodat hul invloed kan toeneem. 
Dinsdag 29 November: Bid asseblief dat God FEBC Kasakstan leiding sal gee in hul poging om die TikTok projek verder te ontwikkel. 
 
Woensdag 30 November: FEBC Kasakstan is op die punt om ‘n nuwe projek, “Online Biblical Counselling”, te loods. Bid asseblief vir sukses en dat God die betrokke beraders die nodige leiding sal gee.       Skenk nou via ons webblad
Gepubliseer op

FEBA Radio: Bid saam met ons vir die onbereikte wereld.

 INDONESIË
OEKRAÏNE
RUSLAND
FEBC INDONESIË

Saterdag & Sondag 1-2 Oktober: Yaski FM in Indonesië het ‘n nuwe program op die lug, “Yaski Care for Covid-19”. Die program reik uit na luisteraars in Tangerang en die omliggende gebiede wat deurgeloop het onder Covid-19. Hulle deel ook kos- en vitamienpakkies uit. Bid dat dié program baie gesinne sal baat.
 
FEBC OEKRAÏNE

Maandag 3 Oktober: Bid asseblief vir Inna, ‘n uitsaaier vir FEBC Oekraïne, se beskerming. Sy is passievol daaroor om na luisteraars uit te reik. Sy spandeer gereeld haar tyd deur aanlyn met luisteraars se gesels en hulle ook in persoon te ontmoet.

Dinsdag 4 Oktober: Bid asseblief vir die vroue in Inna se bediening. Mag hul harte oop wees om die Here te ontvang en kerk by te woon.

Woensdag 5 Oktober: Bid asseblief dat God vir die uitsaaiers krag en energie sal gee. Hulle reis gedurig regoor die Oekraïne om luisteraars te ontmoet en te bedien.

Donderdag 6 Oktober: Bid asseblief vir diegene wat by die span in Oekraïne se aanlyn gebedsgeleenthede aansluit. Sommige se stories is hartverskeurend. Bid dat God vir Inna die regte woorde sal gee om met hulle te praat.

Vrydag 7 Oktober: Bid asseblief vir die uitsaaiers wat in Vinnytsia woon se veiligheid. Geweld en verwoesting het onlangs baie toegeneem in die stad.

Saterdag & Sondag 8-9 Oktober: Bid dat die Goeie Nuus die verlorenes sal bereik in die oorlogstyd, of dit nou deur radio, internet, sosiale media of ander middele is. Miljoene is verslae en op soek na hoop.

FEBC RUSLAND

Maandag 10 Oktober: FEBC Rusland se beradingsbediening ontwikkel vinnig en sodoende raak die vrae en probleme wat beraders moet aanspreek al hoe moeiliker. Bid dat die beraders die nodige wysheid sal ontvang.

Dinsdag 11 Oktober: Dit het moeiliker geraak vir die span in Rusland om sekere platforms te benut, danksy die regering se inperkings. Bid vir die volgehoue vryheid om die evangelie uit te saai.

Woensdag 12 Oktober: Rusland se luistertal groei ten spyte van die oorlog. Bid dat elke persoon wat na die programme luister ontvanklik sal wees vir die evangelie.

Donderdag 13 Oktober: Rusland skep kort video’s van uitsaaiers wat bid – hulle is gewild omdat hulle dialoog insluit wat kykers nooi om saam te bid. Bid dat meer kykers sal aansluit by die gebede.

Vrydag 14 Oktober: In Moskou groei en ontwikkel die bediening wat gemik is op mense uit Sentraal-Asië. Die span in Rusland verfilm video’s met die doel om gehore uit Sentraal-Asië te bereik. Bid dat die bediening sal aanhou groei.

Saterdag & Sondag 15-16 Oktober: Prys God dat die bediening in die Buryat Republiek aanhou groei, met nuwe jongmense wat by die span aansluit as vrywilligers.

FEBC MONGOLIË

Maandag 17 Oktober: Prys God dat FEBC Mongolië ‘n goeie verhouding met die regering het en sodoende maklik FM lisensies kon kry. Bid dat God hierdie gunstige verhouding sal bewaar.

Dinsdag 18 Oktober: Bid dat God sal aanhou om FEBC Mongolië se bediening te onderhou en hul luisteraars sal seën soos hulle groei in hul geloof.

Woensdag 19 Oktober: FEBC Mongolië se programme fokus daarop om die samelewing te verbeter en dien as ‘n steunpilaar vir luisteraar gedurende onseker tye. Prys God vir die impak wat hulle in die land het en mag ‘n menigte lewens nog deur hul programme geraak word.

Donderdag 20 Oktober: Bid dat die Heilige Gees sal spreek tot die harte van diegene wat antwoorde by God soek, dat hulle ‘n ware vader, vriend en veilige hawe in Hom sal vind.

Vrydag 21 Oktober: Bid vir FEBC Mongolië se pogings om oudiotoestelle aan nomadiese herders te verskaf. Hulle werk saam met die Veterinarian Mission in Mongolia. Mag God voortgaan om hierdie projek te seën.

Saterdag & Sondag 22-23 Oktober: Die span in Mongolië behou nogsteeds hul passie ten spyte van swaar ekonomiese tye. Die inflasiekoers het in die afgelope 8 maande toegeneem tot 16%. Bid dat God sal aanhou voorsien aan die bediening se behoeftes.

FEBC PAKISTAN

Maandag 24 Oktober: Bid asseblief vir die mense wat deur die verwoestende vloede in Pakistan geraak is. Ongeveer 2 miljoen mense ly aan cholera, malaria en ander epidemies as gevolg van die ramp.

Dinsdag 25 Oktober: Bid asseblief vir Pakistan se vrywilligers, reddingswerkers, veiligheidswerkers, maatskaplike diensorganisasies en FEBC se span, wat mense met beperkte hulpbronne help en ondersteun in samewerking met plaaslike kerke.

Woensdag 26 Oktober: Bid vir die vrouens, kinders en bejaardes wat deurloop as gevolg van slangbyte en velsiektes, asook diegene wat aan trauma ly weens die vloede.

Donderdag 27 Oktober: Bid vir FEBC se produksiespanne wat uiters besig is om nuwe inhoud te skep vir gehore in vloedgeteisterde dele van Pakistan.

Vrydag 28 Oktober: Bid vir Goddelike wysheid en insig vir die kunstenaars, skrywers en aanbieders wat betrokke is in gemeenskapsuitreikte oor verskillende media platforms.

Saterdag & Sondag 29-30 Oktober: Bid vir die beskerming van FEBC personeel en hul families soos wat hulle na verskillende dele van die land reis om luisteraars, kerke en ander te besoek. In sommige dele is die Christen-gemeenskap ook hard deur die vloede geslaan.
 
NOORD-KOREA & SUID-KOREA

Maandag 31 Oktober: ‘n Luisteraar skryf onlangs: “Halleluja! Gister, tydens ‘n spesiale lewendige evangelisasie-uitsending, het my ma Christus as haar Verlosser aanvaar! Ek is baie dankbaar teenoor FEBC Korea se span.” Bid dat God nog ‘n menigte ander in hierdie lande tot redding sal bring.      Skenk nou via ons webblad
r mailing address is:
info@febaradio.co.za
Gepubliseer op

Radio Feba – E-Gebedsgids vir September 2022

Feba Gebedsgids
  • E-gebedsgids vir September 2022
September 2022 
“Alles wat julle wil hê dat die mense aan julle moet doen, moet julle ook aan hulle doen. Dit is tog waarop dit neerkom in die wet en die profete.”

MATTEUS 7:12
KAMBODJA FILIPPYNE MALAWI
KAMBODJA
 
Donderdag 1 September: Prys God vir ‘n plaaslike vennoot wat by ons span in Kambodja kan aansluit om Christelike inhoud vir hul regstreekse uitsaaiprogram te vervaardig.

Vrydag 2 September: Bid asseblief vir die suksesvolle beplanning van die “Voice of Love” radio se begroting vir 2023. Mag die wysheid van God hulle lei in hul besluitneming.

Saterdag & Sondag 3 -4 September: Bid asseblief vir die verwerking van die dokument wat nodig is vir die antenna-konstruksiepermit van die regering om goed voort te gaan.
 
FILIPPYNE
 
Maandag 5 September: Prys die Here dat die span in die Filippyne veilig in Cagayan de Oro aangekom het om te help om die antenna van een van hulle stasies reg te maak.
 
Dinsdag 6 September: Bid asseblief vir goeie weer, die veiligheid van werkers, en dat die herstelwerk suksesvol afgehandel sal word. Bid ook vir hul veilige reis terug huis toe.
 
Woensdag 7 September: Bid asseblief vir die verkryging van ‘n nuwe 50-kilowatt-sender vir 702 DZAS se stasie.
 
Donderdag 8 September: Bid asseblief vir die personeelbehoeftes by FEBC Filippyne. Mag die Here mense met die regte vaardighede stuur om die vakatures te vul.
 
Vrydag 9 September: Prys God vir al die nuwe skole wat tussen 2021 en 2022 by die Change Can Change-veldtog aangesluit het. Mag die Here die studente en hul gesinne seën terwyl hulle die bediening ondersteun.
 
Saterdag & Sondag 10 – 11 September: Mag die Here voortgaan om al FEBC se ondersteuners in die Filippyne te seën. Mag God ook die bediening in staat stel om sterk vennootskappe met meer eendersdenkende organisasies en kerke te handhaaf.
 
 
FEBA MALAWI
 
Maandag 12 September: Prys God vir diegene wat deur die bediening van FEBA Malawi tot bekering gekom het. Mag die uitsendings hulle aanhou bemoedig.
 
Dinsdag 13 September: Prys God vir die nuwe menger vir die ateljee wat uit Suid-Afrika aangekom het. Bid dat God die span sal help om die toerusting in stand te hou.
 
Woensdag 14 September: Prys die Here dat die sender wat foutief was, nou herstel en in werking is. God het ook voorsiening gemaak vir opnemers, oorfone, mikrofone en skootrekenaars.
 
Donderdag, 15 September: Malawi ondervind tans ‘n ekonomiese krisis en ons stasie Litala FM voel die impak. Bid vir God se voorsiening vir die buitensporige huurkoste van die ateljee.
 
Vrydag, 16 September: Bid asseblief vir God se voorsiening van vervoer om ons verslaggewers en aanbieders na-en-van die ateljee te vervoer, aangesien die koste van vervoer onbekostigbaar is.
 
Saterdag & Sondag 17 – 18 September: Bid vir die oes van gelowiges wat elke dag na Christus toe kom deur FEBA Malawi se bediening. Mag hulle elke dag nader aan God groei en Sy goedheid aanskou.
 
FEBA INDIË
 
Maandag 19 September: Bid vir die “Eerste Reaksie” radio-opleiding in die Noorde van Indië sodat nuwe en jonger lede by die span sal aansluit wat tydens rampe ontplooi kan word.
 
Dinsdag 20 September: Baie luisteraars gaan steeds deur ‘n ernstige finansiële krisis in die nasleep van Covid. Bid asseblief vir ‘n deurbraak in hulle lewens.
 
Woensdag 21 September: Bid vir ons vrywilligers en vennote wat plaaslike radioprogramme vervaardig vir uitsending in Indië. Bid dat God hulle sal help om kreatiewe en relevante programme te vervaardig.
 
Donderdag 22 September: Bid asseblief vir die gesondheid en veiligheid van spanlede terwyl hulle na verskillende plekke reis om luisteraars te ontmoet.
 
Vrydag 23 September: Bid asseblief vir die spanlede se kinders – baie van hulle soek toelating tot universiteite.
 
Saterdag & Sondag 24 – 25 September: Bid vir die werkswinkels wat gehou word om kreatiewe inhoud vir programme in verskillende tale te produseer. Mag die Heilige Gees kreatiwiteit by elke deelnemer inspireer.
 
INDONESIË
 
Maandag 26 September: Bid dat FEBC Indonesië se rampreaksie-opleiding deelnemers sal oplewer wat vaardig is in die gebruik van aanlyn-radio om mense tydens ‘n ramp te help.
 
Dinsdag 27 September: Bid asseblief vir die vervanging van ‘n verouderde sender vir een van Indonesië se plaaslike stasies. Dit is hoofsaaklik ‘n Moslemstad.
 
Woensdag 28 September: Bid asseblief vir geestelik volwasse, etniese omroepers om programme te skep en dissipelskapopvolging aan luisteraars te verskaf.
 
Donderdag 29 September: Bid dat elke program wat deur die “Heartline Network” vanaf ons stasies uitgesaai word, ‘n bemoediging vir baie sal wees en meer siele na God sal bring.
 
Vrydag 30 September: Bid vir Vania wat in die sendingafdeling by FEBC Indonesië werk. Sy ontvang terapie vir erge pyn in haar heupbeen en is tans besig om te herstel.      Skenk nou via ons webblad
Website
Gepubliseer op

Radio Feba Gebedsfokus vir Augustus 2022

Feba Gebedsgids
Augustus 2022 
“U is my skuilplek en my skild; op u woord wag ek.”

PSALMS 119:114
Kambodja Mongolië FEBC Sjinese Bedienings
Kambodja
 
Maandag 1 Augustus: Bid vir FEBC Kambodja se CCBI (Cambodian Community Bible Institute) . Die instituut voorsien duisende studente van hulpbronne en gereedskap om hul kennis van die woord van God uit te brei. Baie studente het as gevolg daarvan predikante en Christelike leiers in hul gemeenskappe geword.
 
Dinsdag 2 Augustus: Bid dat God die gesinseminare sal seën wat deur die Voice of Love– radiospan regoor Kambodja aangebied word. Baie gesinne trek voordeel uit die inligting wat by hierdie seminare aangebied word.
 
Woensdag 3 Augustus: Bid dat God Kambodja se span sal beskerm en lei terwyl hulle luisteraars in verskillende provinsies besoek om op te volg en aan hulle behoeftes te voldoen. Mag baie die goedheid van God deur hulle optrede sien.
 
Donderdag 4 Augustus: Bid en vra die seën vir hierdie luisteraar wat sê: “Dankie Krusa FM dat jy altyd naby ons is. Ek is so bly dat die Woord van God my aanspoor om hoop op God te bou en nederig te lewe.”
 
Vrydag 5 Augustus: Bid vir Krusa FM se luisteraars wat offergawes aan die bediening skenk. Hulle doen dit met ‘n dankbare hart en kan daardeur God se seën op hul lewens sien.
 
Saterdag & Sondag 6 – 7 Augustus: Bid dat God die radiostasie en die spanlede sal bewaar en elke aktiwiteit seën wat ten doel het om die Koninkryk van God te bevorder. Bid ook dat die span wysheid sal ontvang om inhoud te produseer wat God en al Sy goedheid in ‘n verlore en gebroke wêreld sal weerspieël.
 
 
Mongolië
 
Maandag 8 Augustus: Prys God vir die 3 nuwe radiostasies in Wes-Mongolië. Bid vir die suksesvolle koördinering en beplanning vir die twee nuwe stasies waarmee hulle in die komende maande sal begin.
 
Dinsdag 9 Augustus: Bid vir al die Suid-Afrikaanse en internasionale individue en kerke wat die bediening in Mongolië ondersteun.
 
Woensdag 10 Augustus: Bid dat God se seën en guns  by Me Enkhe, FEBC Mongolië se nuwe raadslid, sal wees.
 
Donderdag 11 Augustus: Prys God dat Hy al Mongolië se radiostasies onderhou het gedurende ‘n tyd van ekonomiese swaarkry. Dit weerspieël God se getrouheid teenoor luisteraars en diegene wat die bediening ondersteun.
 
Vrydag 12 Augustus: Bid dat God die span sal lei in die vervaardiging van nuwe inhoud om aan te pas by die veranderinge wat in die land plaasvind.
 
Saterdag & Sondag 13 – 14 Augustus: Bid vir FEBC Mongolië se kinderbediening –  kinders bied die programme aan. Ons weet dat God ‘n kinderhart liefhet en ons vra dat u asseblief u seën sal uitspreek oor elke kind wat deur hierdie bediening gebruik en bereik sal word.
 
FEBC Sjinese Bedienings
 
Maandag 15 Augustus: Prys God dat die Sjinese bedienings van  FEBC Verenigde State van Amerika amptelik kon begin met die LiangMu Bybelinstituut  – ‘n aanlyn opleidingsprogram. Die instituut lei pastore en kerkleiers vir die Sjinese kerke op. Daar word tans twee klasse aangebied vir ‘n totaal van 51 studente.
 
Dinsdag 16 Augustus: Bid dat God die LiangMu Bybelinstituut sal beskerm. Ook dat God hulle sal gebruik om leiers vir Sjinese kerke toe te rus – veral in die afgeleë gebiede van Sjina waar daar nie baie hulpbronne beskikbaar is nie.
 
Woensdag 17 Augustus: FEBC se Sjinese bedienings het onlangs ‘n nuwe mobiele toepassing bekend gestel, maar die owerhede blok die onderskeie toepassings- en WeChat-kanale. Bid vir die beskerming en bevordering van die toepassings sodat meer mense na die programme kan luister.
 
Donderdag 18 Augustus: Bid vir God se seëninge oor Ds Raymond wat hierdie jaar afgetree het. Hy het vir baie jare getrou gedien as die bediening se direkteur.

Vrydag 19 Augustus: Bid dat God Ds King-yin HO sal seën. Hy is nou die waarnemende uitvoerende hoof van die span in Hong Kong. Mag hy die span lei met visie, krag en wysheid.
 
Saterdag & Sondag 20 – 21 Augustus: Bid vir die opgedateerde weergawe van die Liangyou Theological Seminary toepassing wat hierdie jaar geïmplementeer is. Mag dit deur God gebruik word om meer studente te dien wat gekies het om God se roeping vir hulle lewens na te streef. Etlike honderde nuwe studente het ingeskryf nadat die toepassing bekend gestel is.
 
Kirgisië
 
Maandag 22 Augustus: Bid dat God meer voltydse personeel sal stuur om by FEBC Kirgisië se span aan te sluit. Hulle het ‘n personeeltekort en moet huidige personeel vervang wat binnekort gaan vertrek.
 
Dinsdag 23 Augustus: Bid dat God die span sal verbind met ‘n persoon wat vaardig is in inligtingstegnologie. Die ministerie se digitale en aanlyn-mediaplatforms het gegroei en moet in stand gehou word.
 
Woensdag 24 Augustus: Die oorlog in die Oekraïne het ‘n rimpeleffek gehad op Kirgisië, veral die ekonomie. Bid vir die land se politieke stabiliteit, en dat hulle kan voortgaan om voordeel te trek uit die vryheid van die media.
 
Donderdag 25 Augustus: Godsdienstige ekstremiste is ‘n groot bedreiging vir hul bediening. Spanlede ontvang dikwels doodsdreigemente, en dit het ‘n negatiewe impak op hul lewens. Bid dat God se beskerming oor hulle sal wees en dat die doodsdreigemente sal ophou.
 
Vrydag 26 Augustus: Korrupsie onder die mense in gesag is ‘n ernstige probleem in Kirgisië. Ten spyte van al die uitdagings waarmee die span te kampe het, dank hulle God vir die geleenthede en bly op Hom vertrou. Bid dat die radiostasie nie geraak sal word deur die nadelinge besluite van diegene in gesaghebbende posisies nie.
 
Saterdag & Sondag 27 – 28 Augustus: Bid vir suster Ainara, een van die uitsaaiers wat verantwoordelik is vir TikTok-uitsendings. Haar ouers is Moslems vanuit die suide van Kirgisië. Hulle wil hê sy moet met ‘n Moslemman trou.
 
PAKISTAN
 
Maandag 29 Augustus: Bid vir die vaardigheidsontwikkeling van die personeel deur verskeie opleidingsprogramme. Mag God die personeel lei en wysheid gee in die keuse van die toepaslike vaardighede om hulle spesiale vermoëns in die onderskeie departemente te verbeter.
 
Dinsdag 30 Augustus: Bid vir die suksesvolle werwingsproses van personeel om die rolle van inligtingstegnologie- en sosiale mediakoördineerders vir hulle digitale uitreikprojekte te vervul. Hulle sal sosiale media-platforms gebruik om uit te reik na die jonger generasie.
 
Woensdag 31 Augustus: Bid vir die beskerming en leiding van die Heilige Gees vir FEBA se Raad van Direkteure, die personeel en hulle gesinne terwyl hulle onder moeilike omstandighede werk om die koninkryk van God uit te brei.
Gepubliseer op

Radio FEBA – E-Gebedsfokus Julie 2022

Feba Gebedsgids
Julie 2022 “Wat ek bedoel, is dít: Laat julle lewe steeds deur die Gees van God beheers word, dan sal julle nooit swig voor begeertes van julle sondige natuur nie.”

GALASIËRS 5:16

FEBA Malawi
Mosambiek

Tsjad
Julie

FEBA Malawi
 
Vrydag 1 Julie: Prys die Here dat FEBA Malawi se radiostasie, Litala FM, uiteindelik op die lug is. Hul programme is opgeskort weens tegniese probleme. Ten spyte hiervan het die span voortgegaan om luisteraars te bedien deur middel van die aanlynsportprogram en die luisteraarklubs; en het hulle ook radio’s versprei.
 
Saterdag & Sondag 2 – 3 Julie: Verskeie Moslemleiers, sheikhs en hul volgelinge het die afgelope paar maande hul tot Christus bekeer as gevolg van  FEBA Malawi se bediening. Prys God vir hierdie nuwe oes van gelowiges.
 
Mosambiek
 
Maandag 4 Julie: Bid dat meer spiritualiste en animiste na Christus sal keer deur ons bediening in Mosambiek. Verlede maand het ons span ‘n sangoma na die Here gelei. Hy is nou ‘n getroue volgeling van Jesus Christus.
 
Dinsdag 5 Julie: Bid vir die gesondheid en veiligheid van ons span wat by Radio Nuru diens doen. Een van die omroepers het ‘n besering aan sy hand opgedoen en dit veroorsaak baie ongemak en pyn.
 
Woensdag 6 Julie: Gaan asseblief voort om te bid vir die vlugtelinge in Kamp Guaraguara wat deur die sikloon, Idai, verplaas is. Ons radiostasie, Radio Hope in Beira, bedien hulle deur hul programme en voorsien hulle van hulp.
 
Donderdag 7 Julie: Bid asseblief vir die ses nuwe luisteraarsklubs in Beira wat deur ons span by Radio FOT gestig is. Daar is nou 25 luisteraarsklubs in die gebied wat ontstaan het vanuit ons span se gemeenskapsuitreike.
 
Vrydag 8 Julie: Bid vir die nuwe program, Testimonial Hour, wat opnames uitsaai van die getuienisse van luisteraars wat na Christus keer deur ons bediening. Die program deel stories van wonderbaarlike veranderinge wat hulle in hul lewens ervaar nadat hulle Hom as hul Here en Verlosser aanvaar het. Hierdie nuwe program inspireer baie om Jesus te volg.
 
Saterdag & Sondag, 9 – 10 Julie: Bid vir die sake- en innoveringsprogram wat deur Radio FOT aangebied word. Dit inspireer luisteraars wat in absolute armoede leef om op God te vertrou en hul eie klein besighede te begin. Baie het reeds ‘n kleinboerdery-onderneming begin.
 
 Tsjad
 
Maandag 11 Julie: Bid vir die beskerming en goeie gesondheid van die span by Radio Shahada. Baie van die lede was onlangs siek.

Dinsdag 12 Julie: Prys die Here vir die nuwe sender wat verlede week suksesvol by die stasie geïnstalleer is. Bid dat God die tegniese span sal bystaan om dit in stand te hou.
 
Woensdag 13 Julie: Bid dat die Heilige Gees teenwoordig sal wees en die harte van luisteraars sal aanraak elke keer as die span hul gebedsprogram tussen 13:00 – 15:00 elke Vrydag aanbied.
 
Donderdag 14 Julie: Radio Shahada saai amptelik in 11 plaaslike tale uit, naamlik: Frans, Arabies, Sar, Massa, Moundang, Daye, Kim, Sara-Kaba, Kanembu en Zakawa. Bid dat die mees onbereikte mensegroepe van Jesus sal hoor en Hom sal aanvaar.
 
Vrydag 15 Julie: Bid dat Radio Shahada deur sy uitsendings mense se harte sal verander. Mag elke luisteraar ‘n dieper begrip en verhouding met Jesus Christus nastreef na elke program.
 
Saterdag en Sondag, 16 – 17 Julie: Bid dat Radio Shahada sal voortgaan om die openbare mening te beïnvloed en om blywende verandering te bring aan die gemeenskappe wat hulle bereik, insluitend regeringsake.
 
Mali
 
Maandag 18 Julie: Bid vir God se beskerming oor KanuYah FM, hul span en die luisteraars wat hulle met hulle programme bedien. Mali is ‘n moeilike plek om in te woon. Die gevolge van konflik oorheers dikwels die lewens van gewone mense. Mag God se hand oor hulle wees.
 
Dinsdag 19 Julie: Groot genesings het plaasgevind as gevolg van die radiospanne se gebede en leiding. ‘n Jong vrou wie vir jare aan demensie gely het, is genees nadat ‘n groep Christene vir haar gebid het. Prys God dat Hy wonderwerke gedoen het deur middel van KanuYah FM.
 
Woensdag 20 Julie: Bid dat KanuYah FM se Moslem-luisteraars se harte verander sal word deur na ons programme te luister. Islam is sterk gevestig in Mali.
 
Donderdag 21 Julie: Bid vir elke behoefte wat by die stasie voorsien moet word en dat die span se besluite elke tree op die pad deur die Heilige Gees gelei sal word.
 
Vrydag 22 Julie: Bid dat KanuYah FM se invloed staatsamptenare sal bereik en die openbare mening sal beïnvloed en positief verander.
 
Saterdag & Sondag, 23 – 24 Julie: Bid dat God die span van wysheid sal voorsien en hulle sal inspireer om programme te skep wat luisteraars sal aanmoedig om Christus as hul Heer en Verlosser te aanvaar.
 
Kambodja
 
Maandag 25 Julie: Prys die Here dat die Covid-pandemie se beperkings opgehef is, en dat FEBC Kambodja se span nie langer verhinder word om luisteraars te besoek, radio’s te versprei en gesinseminare aan te bied nie.
 
Dinsdag 26 Julie: Prys die Here vir die manier waarop Hy FEBC Kambodja se kortgolfbediening gebruik. ‘n Luisteraar van die Kratie-provinsie het onlangs Jesus Christus as Sy Here en Verlosser aangeneem.
 
Woensdag 27 Julie: Bid dat God die Voice of Love Radio sal help om die permitte te bekom wat nodig is vir hul nuwe toring in Phnom Penh.
 
Donderdag 28 Julie: FEBC Kambodja se oudste plaaslike ondersteuners is respektiewelik 92 en 96 jaar oud en ondersteun steeds die bediening. Bid dat God hulle sal seën en beskerm.
 
Vrydag 29 Julie: Hou aan bid dat God die span die nodige wysheid sal gee om nuwe inhoud te produseer wat meer luisteraars sal help en inspireer om Christus te volg.
 
Saterdag en Sondag, 30 – 31 Julie: Bid vir al FEBC Kambodja se luisteraars. Mag God hulle genees en beskerm teen siektes of enige ander moeilikheid wat oor hulle pad mag kom.   
 Skenk nou via ons webblad
WebsiteFacebookTwitterYouTubeInstagram 
Our mailing address is:
info@febaradio.co.za
Privaatheidsbeleid Trots aangedrewe deur WordPress