Etiket: Ons is die plan

Groepgesprek

Week 9
DIE PLAN KOM TOT UITING

Luister na snit 13 (Waar’s jy saaier?) op die ingeslote CD.

Waar is die Saaier? – Johann Botes

Waar is die Saaier? – Johann Botes

Kom ons gaan en keer die wêreld om
Kom ons gaan, getuig, vertel van Hom
Saai die Woord oor alle nasies heen
Bring die gerwe soos God alleen dit seën

Dis nou oestyd, die aar is ryp gewag
Kom nou saaier, kom oes ook in sy krag
In Jerusalem, maar ook oor lande heen
Bring die Waarheid, God wil die wêreld seën

Wie met trane saai sal met vreugde maai
Juigend kom hy t’rug wyl hy gerwe dra
Die Heer se opdrag staan, die oesland is gereed
Gaan dan heen soos Hy jou vra

Kom nou saaier, die ure gaan verby
Steun op Jesus, Hy sal jou daagliks lei
Soveel volkere wat sonder hoop voortgaan
Waar’s jy saaier, wie bied dan redding aan?

Lofprysing en aanbidding

Bybelverse wat jou vandag aangespreek het:

---

Belewenisse en ervarings tydens vandag se Bybelstudie:

---

Wat het jy geleer of ontdek?

---

Hoe het vandag se studie jou tot aksie geïnspireer? Hoe het jy geestelik gegroei of is jou lewe verander?

---

Iets wat jy graag met die groep wil deel of bespreek?

---

Gebedsonderwerpe:

---

5. Hoeveel punte uit 10 sal die gemeente waaraan julle behoort, kry
   as ’n verskil-makende gemeente? En jy?

---

Onthou om die bladsy vir die week se groepgesprek te voltooi!

WEEK-9_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Dag 45
Nege weke saamgevat
Week 9
Die Plan kom tot uiting

IS JY?

Is jy?
Wat ’n snaakse opskrif vir die laaste dag van hierdie 9 weke! Dié rare opskrif sluit aan by die titel van hierdie Bybelstudieboek – Nege weke van Transformasie. Jy sien, die wesenlike vaag is of jy deur die afgelope 9 weke iets van ’n transformasie in jou eie lewe ervaar het?

Het jy verander?
Het jy nuwe insigte ontwikkel?
Het jy die Here beter leer ken in hierdie tyd?
Het jy sy stem gehoor?
Is jy getransformeer?
Is jy ?

Daarom wil ek vra dat jy nou genoeg tyd sal deurbring deur met Hom hieroor te praat. Sê vir Hom wat jy beleef het. Praat met Hom oor jou vreugdes, bekommernisse, vrese en dalk ontnugterings van die afgelope 9 weke.

Vandag gaan dit oor 45 stellings.
Martin Luther se bekende 95 Stellings het eintlik die begin van die Reformasie ingelui. Ons het deur die loop van die 9 weke elke dag ’n stelling geformuleer waardeur ons probeer het om die dag se studie saam te vat. Mag hierdie 45 stellings ook ’n voortgaande reformasie in jou eie lewe inlui!

Blaai na bladsy 169 – daar sal jy die 45 stellings te siene kry. Ek wil voorstel dat jy in die toekoms gereeld daarheen sal blaai, ’n paar minute sal gebruik om daardeur te lees en sodoende weer jou geheue verfris. Só sal hierdie materiaal deel van jou geestelike pad bly en nie in die vergetelheid verdwyn, as maar net nog ’n Bybelstudieboek waardeur jy gewerk het nie. Dit sal ook jou ervaring van die afgelope 9 weke lewendig hou. Blaai asseblief daarheen en lees die 45 stellings. Doen dit rustig, met konsentrasie en bedink elke stelling opnuut. (Sien Bylaag 1)

Ek wil hê jy moet hierdie 9 weke afsluit deur 2 dinge te doen:

Luister na snit 15 op die CD – die snit se titel is Ek het ’n droom.
Maak jou oë toe as jy luister en konsentreer op wat jy hoor.

Sien Bylaag 3 : Ek het ‘n droom

Ten slotte wil ek vra dat jy in die blok hieronder iets van jou ervaring van die afgelope 9 weke in enkele kort sinne neerskryf. Wat het met jou gebeur? Wat sal jy onthou? Wat was vir jou die ingrypendste ervaring?

---

Praat met die Here …

WENK: op bladsy 174 is ’n groot afdruk van die model wat hierdie 9 weke se studies aanmekaar knoop. (Sien Bylaag 2)
Gebruik een ekstra dag om dit deur te werk. Oorweeg dit gerus om die Model by ’n groepgesprek te bespreek

Onthou om die bladsy vir die week se groepgesprek te voltooi!

WEEK-9_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 44
Praktiese uitkomste: Lukas en Johannes
Week 9
Die Plan kom tot uiting

VERSKIL… EN MAAK ‘N VERSKIL

Ons kom nou by die einde van hierdie 9 weke se Bybelstudie. God is steeds besig met sy transformasie proses in jou lewe. Stel jouself beskikbaar en gee Hom geleentheid om met jou te praat

Lees in afhanklikheid van die Heilige Gees: Luk 4:14-30.

Luk 4:14-30

¹⁴Vol van die krag van die Gees, het Jesus na Galilea teruggegaan, en die nuus oor Hom het deur die hele omgewing versprei. ¹⁵Hy het die mense in hulle •sinagoges geleer, en almal het met lof van Hom gepraat.

¹⁶Toe Jesus in Nasaret kom, waar Hy grootgeword het, het Hy op die Sabbat na die •sinagoge gegaan, soos sy gewoonte was. Toe Hy opstaan om voor te lees, ¹⁷is die boekrol van die profeet Jesaja vir Hom aangegee, en Hy het dit oopgerol en die plek gevind waar geskryf staan:

¹⁸“Die Gees van die Here is op My,
omdat Hy My gesalf het
om die goeie boodskap
aan arm mense te verkondig.
Hy het My gestuur om vir gevangenes aan te kondig dat hulle vrygelaat sal word,
en vir blindes dat hulle weer sal sien,
om onderdruktes te bevry,
¹⁹en om die genadejaar van die Here aan te kondig.”
²⁰Hierna het Jesus die boekrol opgerol, dit aan die amptenaar teruggegee en gaan sit. Almal in die sinagoge se oë was stip op Hom gerig. ²¹Toe het Hy met hulle begin praat: “Hierdie gedeelte uit die Skrif is vandag vervul terwyl julle daarna geluister het.”

²²Almal het hulle instemming met Hom betuig, en was verwonderd oor die woorde vol genade wat uit sy mond gevloei het. En hulle het gesê: “Is Hy dan nie die seun van Josef nie?”

²³Toe sê Jesus vir hulle: “Julle sal seker die spreekwoord aan My wil voorhou, ‘Geneesheer, genees jouself. Ons het gehoor wat alles in Kapernaum gebeur het. Doen daardie dinge nou ook hier in jou tuisdorp.’ ” ²⁴En Hy het gesê: “•Amen, Ek sê vir julle: Geen profeet is welkom in sy tuisdorp nie. ²⁵Wat Ek vir julle sê, is die waarheid: In Elia se tyd, toe die hemel vir drie jaar en ses maande gesluit gebly en ‘n groot hongersnood in die land geheers het, was daar baie weduwees in Israel. ²⁶Tog is Elia nie na een van hulle gestuur nie, maar wel na ‘n weduwee in Sarfat, in die omgewing van Sidon. ²⁷Daar was ook in die tyd van die profeet Elisa baie melaatses in Israel. Tog is nie één van hulle gereinig nie, maar wel Naäman, die Siriër.”

²⁸Toe hulle hierdie dinge hoor, het almal in die sinagoge woedend geword. ²⁹Hulle het opgespring en Hom uit die dorp gedryf. En hulle het Hom geneem tot op die rand van die berg waarop hulle dorp gebou was, om Hom daar af te gooi. ³⁰Maar Hy het tussen hulle deur geloop en weggegaan.

DIEPER DELF: Lees gerus ook Deut 15:7-11; Spr 19:17; Spr 21:13; Spr 22:9, 16, 22-23; Spr 29:13; Jes 58:6-10; 61:1-4.

Deut 15:7-11;

⁷“As daar tog in jou land, wat die Here jou God aan jou gaan gee, in een van jou dorpe ‘n behoeftige persoon is, een van jou volksgenote, dan moet jy nie jou hart verhard nie en nie jou hand toehou vir jou behoeftige volksgenoot nie. ⁸Nee, jy moet jou hand vir hom wyd oopmaak en aan hom leen sonder voorbehoud, soveel as wat hy nodig het, wat ook al sy behoefte is.

⁹“Wees versigtig dat daar nie in jou hart die slinkse gedagte opkom om te dink, die sewende jaar, die jaar van kwytskelding kom nader nie, en jy dan jou oë sluit vir jou behoeftige volksgenoot en jy nie vir hom iets gee nie. Hy sal hom op die Here beroep teen jou, en dan staan jy skuldig. ¹⁰Gee milddadig aan hom; en wanneer jy vir hom gee, moet dit nie met ‘n teensinnige hart wees nie. Om hierdie rede sal die Here jou God jou immers seën in al jou werk, in alles waaraan jy jou hand waag. ¹¹Ja, behoeftiges sal nie uit die land verdwyn nie. Daarom beveel ek jou: Maak jou hand wyd oop vir jou volksgenoot, vir die magtelose en die behoeftige in jou land.”

Spr 19:17;

¹⁷Wie hom oor ‘n arme ontferm,
leen aan die Here,
en Hy sal hom vergoed
vir sy weldaad.

Spr 21:13;

¹³Wie sy ore sluit vir die hulpkreet
van ‘n arme,
sal self ook roep
en nie geantwoord word nie.

Spr 22:9, 16, 22-23;

⁹Wie ruimhartig is,
sal geseën word,
want hy gee van sy brood
aan die hulpelose

¹⁶Wie ‘n arm mens uitbuit
om vir homself meer te kry,
en aan ‘n ryk mens geskenke gee –
dit lei net tot gebrek.

²²Moenie ‘n arme beroof
omdat hy arm is nie,
en moenie die magtelose vertrap
in die poort nie,
²³want die Here
sal hulle regstryd voer
en van hulle plunderaars
die lewe plunder.

Spr 29:13;

¹³Die arme en onderdrukker
het dít gemeen:
Die Here gee lig aan albei se oë.

Jes 58:6-10;

⁶Is dit nie hierdie vas
wat Ek verkies nie,
dat julle die boeie
van goddeloosheid losmaak,
die stroppe van die juk
stukkend ruk,
verdruktes vry wegstuur
en elke juk breek?
⁷Is dit nie bedoel om vir
hongeriges jou brood te breek,
om aan magteloses
en haweloses onderdak te bied nie?
Wanneer jy iemand sien
wat kaal is, moet jy hom bedek,
en jou nie afsydig hou van jou
eie vlees en bloed nie.”

⁸Dan sal jou lig deurbreek
oos die oggendskemering;
en jou herstel
sal spoedig aanbreek.
Jou geregtigheid sal jou vooruitloop;
die heerlikheid van die Here
sal jou agterhoede dek.
⁹Dan sal jy roep en die Here
sal antwoord.
Jy sal om hulp roep,
en Hy sal sê: “Hier is Ek!”
As jy die juk uit jou midde verwyder,
die vingerwysery
en verderflike gepraat,
¹⁰as jy hulle wat honger is,
jou empatie laat ervaar,
die mens wat verdruk word,
versadig laat word,
sal jou lig in die duisternis skyn;
jou donkerte sal soos helder dag wees.

Jes 61:1-4

¹Die Gees van my Heer,
die Here is op my,
omdat die Here my gesalf het.
Hy het my gestuur
om ‘n goeie boodskap te bring
aan magteloses,
om dié met gebroke harte
se wonde te verbind,
om dié wat weggevoer is
se vrylating aan te kondig
en bevryding vir dié wat geboei is,
²om die genadejaar
van die Here aan te kondig,
ons God se dag van wraak,
om almal wat rou, te troos,
³om te voorsien vir hulle
wat oor Sion rou,
om vir hulle •tulbande te gee
in plaas van stof,
vreugde-olie in plaas van rou,
klere vir lofprysing
in plaas van ‘n verslae gees.
Hulle sal genoem word:
terebinte van geregtigheid,
geplant deur die Here
om Hom te verheerlik.
⁴Hulle sal die oeroue puinhope herbou,
die verwoeste plekke van vroeër weer oprig,
dorpe wat in puin lê,
wat geslagte lank verwoes is,
sal hulle nuut maak.

Dink jy die mense van Nasaret het die Goeie Nuus van God se genadejaar rég verstaan? (Kyk veral na Luk 4:18-19, 22 en vergelyk dit met Luk 4:24- 27, 28-29.)

Luk 4:18-19, 22

¹⁸“Die Gees van die Here is op My,
omdat Hy My gesalf het
om die goeie boodskap
aan arm mense te verkondig.
Hy het My gestuur om vir gevangenes aan te kondig dat hulle vrygelaat sal word,
en vir blindes dat hulle weer sal sien,
om onderdruktes te bevry,
¹⁹en om die genadejaar van die Here aan te kondig.”

²²Almal het hulle instemming met Hom betuig, en was verwonderd oor die woorde vol genade wat uit sy mond gevloei het. En hulle het gesê: “Is Hy dan nie die seun van Josef nie?”

Luk 4:24- 27, 28-29

²⁴En Hy het gesê: “•Amen, Ek sê vir julle: Geen profeet is welkom in sy tuisdorp nie. ²⁵Wat Ek vir julle sê, is die waarheid: In Elia se tyd, toe die hemel vir drie jaar en ses maande gesluit gebly en ‘n groot hongersnood in die land geheers het, was daar baie weduwees in Israel. ²⁶Tog is Elia nie na een van hulle gestuur nie, maar wel na ‘n weduwee in Sarfat, in die omgewing van Sidon. ²⁷Daar was ook in die tyd van die profeet Elisa baie melaatses in Israel. Tog is nie één van hulle gereinig nie, maar wel Naäman, die Siriër.”

²⁸Toe hulle hierdie dinge hoor, het almal in die sinagoge woedend geword. ²⁹Hulle het opgespring en Hom uit die dorp gedryf. En hulle het Hom geneem tot op die rand van die berg waarop hulle dorp gebou was, om Hom daar af te gooi. ³⁰Maar Hy het tussen hulle deur geloop en weggegaan.

---

Wat dink jy sou die diepere rede agter hierdie optrede van die mense van Nasaret wees?

---

Wat sê dié gedeelte vir jou oor God se genadejaar, asook die feestelike aard van die Goeie Nuus?

---

As dokter-skrywer bekyk Lukas Jesus se lewe en bediening veral vanuit die hoek van praktiese liefde. Hy beklemtoon dat Jesus se bediening liefde-in aksie was – ’n evangelie van ware omgee vir ryk én arm en vir almal wat in nood verkeer. Daarom beskryf Lukas die Evangelie van Jesus Christus as ’n verhaal van die dinge wat onder ons gebeur het (Luk 1:1¹Baie mense het reeds hulle hand daaraan gewaag om ‘n verhaal saam te stel oor dit wat onder ons tot vervulling gekom het, ). Dink ook aan die verwagting wat hy by Jesus bespeur, dat sy volgelinge daders van die woord sal wees (Luk 6:46-49 ⁴⁶“Waarom noem julle My ‘Here, Here!’ maar julle doen nie wat Ek sê nie? ⁴⁷“Elkeen wat na My toe kom en my woorde hoor en daarvolgens handel – Ek sal vir julle verduidelik soos wie hy is: ⁴⁸Hy is soos ‘n man wat besig was om ‘n huis te bou. Hy het gespit en diep gegrawe, en die fondament op die rots gelê. Toe daar ‘n oorstroming kom en die vloedwater die huis tref, kon dit die huis nie laat ineenstort nie, omdat dit goed gebou was. ⁴⁹“Maar wie hoor en nie doen nie, is soos ‘n man wat ‘n huis sonder ‘n fondament op die grond bou. As die vloedwaters dit tref, stort dit onmiddellik ineen. Die verwoesting van daardie huis was geweldig.”)!

Dit was nooit die bedoeling van Lukas om die evangelie van bevryding te vergeestelik nie. (Vgl Jesus se boodskap uit Jesaja in Luk 4:16-30

Luk 4:16-30
¹⁶Toe Jesus in Nasaret kom, waar Hy grootgeword het, het Hy op die Sabbat na die •sinagoge gegaan, soos sy gewoonte was. Toe Hy opstaan om voor te lees, ¹⁷is die boekrol van die profeet Jesaja vir Hom aangegee, en Hy het dit oopgerol en die plek gevind waar geskryf staan:

¹⁸“Die Gees van die Here is op My,
omdat Hy My gesalf het
om die goeie boodskap
aan arm mense te verkondig.
Hy het My gestuur om vir gevangenes aan te kondig dat hulle vrygelaat sal word,
en vir blindes dat hulle weer sal sien,
om onderdruktes te bevry,
¹⁹en om die genadejaar van die Here aan te kondig.”²⁰Hierna het Jesus die boekrol opgerol, dit aan die amptenaar teruggegee en gaan sit. Almal in die sinagoge se oë was stip op Hom gerig. ²¹Toe het Hy met hulle begin praat: “Hierdie gedeelte uit die Skrif is vandag vervul terwyl julle daarna geluister het.”

²²Almal het hulle instemming met Hom betuig, en was verwonderd oor die woorde vol genade wat uit sy mond gevloei het. En hulle het gesê: “Is Hy dan nie die seun van Josef nie?”

²³Toe sê Jesus vir hulle: “Julle sal seker die spreekwoord aan My wil voorhou, ‘Geneesheer, genees jouself. Ons het gehoor wat alles in Kapernaum gebeur het. Doen daardie dinge nou ook hier in jou tuisdorp.’ ” ²⁴En Hy het gesê: “•Amen, Ek sê vir julle: Geen profeet is welkom in sy tuisdorp nie. ²⁵Wat Ek vir julle sê, is die waarheid: In Elia se tyd, toe die hemel vir drie jaar en ses maande gesluit gebly en ‘n groot hongersnood in die land geheers het, was daar baie weduwees in Israel. ²⁶Tog is Elia nie na een van hulle gestuur nie, maar wel na ‘n weduwee in Sarfat, in die omgewing van Sidon. ²⁷Daar was ook in die tyd van die profeet Elisa baie melaatses in Israel. Tog is nie één van hulle gereinig nie, maar wel Naäman, die Siriër.”

²⁸Toe hulle hierdie dinge hoor, het almal in die sinagoge woedend geword. ²⁹Hulle het opgespring en Hom uit die dorp gedryf. En hulle het Hom geneem tot op die rand van die berg waarop hulle dorp gebou was, om Hom daar af te gooi. ³⁰Maar Hy het tussen hulle deur geloop en weggegaan. .)

Jesus beklemtoon juis dat die Koninkryk van God nie gaan oor ’n “pie in the sky when you die” nie, maar oor ’n verhouding met God wat hier en nou ’n verskil in my alledaagse lewe maak (Luk 7:22 ²²Hy het hulle geantwoord: “Gaan vertel vir Johannes wat julle gesien en gehoor het:
“Blindes sien weer,
verlamdes loop,
melaatses word gereinig,
dowes hoor,
dooies word opgewek,
aan armes word die goeie boodskap verkondig.)!

Die Goeie Nuus, volgens Lukas, behels die totale bevryding van enige vorm van onderdrukking. Aan die ander kant waarsku Thomas Hanks dat sommige Christene ’n evangelie van sosiopolitieke bevryding aan armes wil verkondig, terwyl nog ander weer vergifnis van sonde vir die rykes wil aanbied. Jesus bied ons egter nie die luuksheid van een evangelie vir die armes en een vir die rykes nie. (Vgl Spr 29:13 ¹³Die arme en onderdrukker het dít gemeen: Die Here gee lig aan albei se oë.; Kol 3:11.¹¹By die nuwe mens is daar nie onderskeidings soos Griek of Jood, besnedene of onbesnedene, barbaar of Skittiër, slaaf of vry persoon nie, maar Christus is alles en in almal. )

Geen wonder dat Lukas Jesus se bediening en sending met feestaal inkleur nie (Luk 4:18- 19)! So verkondig Jesus God se Goeie Nuus aan mense in nood. Daarom vind ons dan ook die meeste genesingsverhale in die Evangelie volgens Lukas.

Lees nou ook Joh 1:1,14; 3:16-19; 20:21.

Joh 1:1,14;

1¹In die begin was die Woord,
en die Woord was by God,
en die Woord was God.

Joh 3:16-19;¹

⁶Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê. ¹⁷God het immers nie sy Seun na die wêreld gestuur om die wêreld te veroordeel nie, maar sodat die wêreld deur Hom verlos kan word. ¹⁸Wie in Hom glo, word nie veroordeel nie, maar wie nie glo nie, staan reeds veroordeel omdat hy nie in die Naam van die unieke Seun van God geglo het nie. ¹⁹En dit is die oordeel: Die lig het in die wêreld gekom, maar die mense het die duisternis liefgehad bo die lig, omdat hulle dade boos was. 

Joh 20:21.

²¹Jesus sê toe weer vir hulle: “Vrede vir julle! Soos die Vader My gestuur het, stuur Ek julle ook.”

DIEPER DELF: Lees gerus ook Joh 7:29; 17:3, 18, 21, 25; Hand 1:8; 2 Kor 4:13-15

Joh 7:29;

²⁹Ek ken Hom, omdat Ek van Hom af kom en Hy My gestuur het.”

Joh 17:3, 18, 21, 25;

³En dit is die ewige lewe: dat hulle U ken, die enigste ware God, en ook Hom wat U gestuur het – Jesus Christus. 

¹⁸Net soos U My in die wêreld ingestuur het, so het Ek ook hulle in die wêreld ingestuur.

²¹dat hulle almal een kan wees, net soos U, Vader, in My is en Ek in U, en dat hulle ook in Ons kan wees, sodat die wêreld kan glo dat U My gestuur het.

²⁵•Regverdige Vader, die wêreld ken U nie, maar Ek ken U, en hulle weet dat U My gestuur het. 

Hand 1:8;

⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

2 Kor 4:13-15

¹³Maar aangesien ons dieselfde Gees van die geloof het – soos geskryf staan, “Ek het geglo, daarom het ek gepraat” – glo ons ook, en daarom praat ons. ¹⁴Ons weet dat Hy wat die Here Jesus opgewek het, ons ook saam met Jesus sal opwek, en julle voor Hom sal stel. ¹⁵Want dit gebeur alles ter wille van julle, sodat die genade, wat steeds meer mense insluit, die dankbaarheid oorvloedig kan maak tot eer van God.

Met Jesus as Hoof van sy Kerk; met God se vaderhart wat uitgaan na mense wat verlore is en met die Heilige Gees wat deur ons wil getuig (Joh 15:26-27; Hand 1:8)

Joh 15:26-27;
²⁶“Wanneer die Parakleet kom wat Ek van die Vader af aan julle sal stuur, die Gees van die waarheid wat van die Vader uitgaan, sal Hy oor My getuig. ²⁷En julle moet ook getuig, omdat julle van die begin af by My is.

Hand 1:8
⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

– hoe kan dit wees dat daar gemeentes is wat hulle nie steur aan ’n wêreld in nood nie?!

Wat dink jy sou die diepere rede hieragter wees?

---

Watter rol speel kerkleiers hierin?

---

In Johannes se weergawe van die evangelie, kry sending die gestalte van die Woord wat vlees (mens) geword het (Joh 1:14) en as Immanuel onder ons kom woon het. Jesus het nie ’n boodskap gebring nie; Hy WAS (en IS) die Boodskap – vandaar dat Johannes Jesus aanhaal waar Hy ’n persoonlike verhouding met Homself, beklemtoon (Joh 5:39-40³⁹Julle ondersoek die Skrifte, omdat julle dink dat die ewige lewe daarin te vinde is. En dit is juis hulle wat oor My getuig. ⁴⁰Maar julle wil nie na My kom, sodat julle die lewe kan hê nie.). Jesus se hele wese is missionêr; God-gerig; Koninkryksgerig! Dan sit Jesus die inkarnasie voort wanneer Hy sy Heilige Gees op die Kerk uitstort. Uiteindelik word die Geesvervulde Kerk, soos Hy, gestuur om die status quo in die wêreld te verander (Luk 10:1-3a¹Hierna het die Here nog twee-en-sewentig ander aangewys en hulle twee-twee voor Hom uitgestuur na elke dorp en plek wat Hy nog wou besoek. ²Hy het vir hulle gesê: “Die oes is groot, maar die arbeiders min. Daarom moet julle bid tot die Here, aan wie die oes behoort, om arbeiders uit te stuur vir sy oes. ³Gaan nou!; Joh 20:21²¹Jesus sê toe weer vir hulle: “Vrede vir julle! Soos die Vader My gestuur het, stuur Ek julle ook.”). GOD is die Een wat stuur ( Missio Dei ) – soos Hy sy Seun gestuur het, stuur Hy sy Kerk. Daarom gaan die Kerk van Jesus se identiteit oor gestuur-wees . Dit is die missionele kerk – elkeen ’n gestuurde!

Wat dink jy van die stelling dat dit vir Johannes nie in sending gaan oor harde werk nie, maar eerder gaan oor die voorreg van ontvang en insamel (Joh 4:36)?

Joh 4:36
³⁶Hy wat oes, ontvang sy loon en samel die oes in vir die ewige lewe, sodat die een wat saai en die een wat oes, saam bly kan wees.

---

So gesien, beteken gelowige wees, om jou gestuurdheid te verstaan. Volgens Johannes gee Jesus ’n praktiese inhoud aan die nuwe gebod van liefde (Joh 13:34-35).

Joh 13:34-35

³⁴Ek gee julle ‘n nuwe gebod: Julle moet mekaar liefhê. Net soos Ek julle liefgehad het, moet julle ook mekaar liefhê. ³⁵Dit is hoe almal sal weet dat julle my dissipels is – as julle liefde teenoor mekaar het.”

DIEPER DELF: Lees gerus ook Joh 13:1-17 (:17!); 2 Kor 8:4-5.

Joh 13:1-17 (:17!);

13¹Voor die Fees van die Pasga het Jesus reeds geweet dat sy uur aangebreek het dat Hy van hierdie wêreld na die Vader sou oorgaan. Daarom, omdat Hy sy eie mense in die wêreld liefgehad het, het Hy hulle liefgehad tot aan die einde. ²Gedurende die aandete het die Duiwel dit reeds in die hart van Judas, seun van Simon Iskariot, gelê om Jesus te verraai. ³Jesus het geweet dat die Vader alles in sy hande gegee het, en dat Hy van God gekom het en weer na God terugkeer. ⁴Daarom het Hy van die ete opgestaan, sy boklere uitgetrek, ‘n linnedoek geneem en dit om Hom vasgebind. ⁵Toe gooi Hy water in die waskom en begin om die voete van die dissipels te was en dit met die linnedoek wat om Hom gebind was, af te droog. ⁶Toe Hy by Simon •Petrus kom, sê dié vir Hom: “Here, gaan U my voete was?” ⁷Jesus het hom geantwoord: “Wat Ek doen, verstaan jy nie nou nie, maar hierna sal jy verstaan.” ⁸Petrus sê toe vir Hom: “U sal beslis nie my voete was nie – tot in ewigheid nie!” Jesus het hom geantwoord: “As Ek jou nie was nie, het jy nie deel aan My nie.” ⁹Toe sê Simon Petrus vir Hom: “Here, dan nie net my voete nie, maar ook my hande en my kop.” ¹⁰Maar Jesus sê vir hom: “Iemand wat gebad is, het nie nodig dat iets anders as sy voete gewas word nie, omdat hy reeds heeltemal skoon is. En julle is skoon, maar nie almal nie.” ¹¹Want Jesus het geweet wie Hom sou verraai, en daarom het Hy gesê: “Julle is nie almal skoon nie.”

¹²Toe Hy hulle voete klaar gewas het en weer sy boklere aangetrek en aangeleun het om te eet, sê Hy vir hulle: “Verstaan julle wat Ek vir julle gedoen het? ¹³Julle noem my Meester en Here, en julle sê dit tereg, want Ek is dit. ¹⁴As Ek, julle Here en Leermeester, dan julle voete gewas het, behoort julle ook mekaar se voete te was. ¹⁵Ek het immers vir julle ‘n voorbeeld gegee sodat julle ook kan maak soos wat Ek gemaak het. ¹⁶Amen, amen, Ek sê vir julle: ‘n Slaaf is nie belangriker as sy eienaar nie, en ‘n gesant nie belangriker as die een wat hom gestuur het nie. ¹⁷As julle dit begryp, gelukkig is julle as julle dit doen.

2 Kor 8:4-5

⁴Hulle het pleitend by ons aangedring om deel te kan hê aan die genadewerk van hulpverlening aan die heiliges. ⁵Dit was nie slegs soos ons gehoop het nie; trouens, hulle het hulleself eers aan die Here gegee, en toe, deur die wil van God, ook aan ons.

Waarom dink jy sou iemand die liefde beskryf as die belangrikste toets vir dissipelskap?

---

Praat met God – veral oor jou antwoord op vandag se Bybelstudie. Deel met Hom al jou emosies, vrae, onsekerhede. Antwoord ook op dit wat jy glo die Here van Homself aan jou geopenbaar het.

DIEPER DELF: handboek, p 187-196
Lees ook (vanuit die hoek van fees- en jubeltaal) die gevolg van die Goeie Nuus op mense se lewens: Hand 4:19-20; Matt 12:34 Hoe rym dit met Luk 9:26 en Jesus se belofte in Hand 1:8? Waarvan getuig hierdie skaam vir Jesus ? Vgl ook Matt 10:19-20; Rom 1:16; 8:9; 2 Tim 1:7-8; 3:5.

Hand 4:19-20;

¹⁹Petrus en Johannes het hulle egter geantwoord en gesê: “Of dit reg is voor God om eerder na julle te luister as na God, moet julle self oordeel; ²⁰want ons kan nie swyg oor wat ons gesien en gehoor het nie.”

Matt 12:34

³⁴Addergeslag! Hoe kan julle iets goeds sê as julle sleg is? Want waar die hart van vol is, loop die mond van oor. 

Luk 9:26

²⁶Wie hom vir My en my woorde skaam, vir hom sal die •Seun van die Mens Hom ook skaam wanneer Hy kom in sy heerlikheid en dié van die Vader en die heilige engele.

Hand 1:8

⁸Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Matt 10:19-20;

¹⁹En wanneer hulle julle oorlewer, moet julle julle nie bekommer oor hoe en wat julle moet sê nie, want wat julle moet sê, sal op daardie oomblik aan julle gegee word. ²⁰Dit is immers nie julle wat praat nie, maar die Gees van julle Vader wat deur julle praat.

Rom 1:16;

¹⁶Ek skaam my immers nie vir die evangelie nie, want dit is die krag van God tot verlossing vir elkeen wat glo, eerste vir die Jood, maar ook vir die Griek.

Rom 8:9;

⁹Julle, daarenteen, bly nie in julle sondige aard nie, maar in die Gees – as die Gees van God inderdaad in julle woon. As iemand nie die Gees van Christus het nie, behoort hy nie aan Hom nie.

2 Tim 1:7-8;

⁷God het ons tog nie ‘n gees van vreesagtigheid gegee nie, maar van krag en liefde en selfbeheersing. ⁸Moet jou dus nie skaam vir die getuienis van ons Here nie, ook nie vir my, sy gevangene, nie. Maar dra jou deel van die lyding vir die evangelie deur middel van die krag van God.

2 Tim 3:5.

⁵mense wat wel ‘n skyn van godvresendheid voorhou, maar wat die krag van godvresendheid misken. Bly weg van sulke mense. 

WENK: Maak ’n lys van ongelowiges met wie die Here jou die afgelope 10 dae in aanraking gebring het. Hoe het jy jou missie hanteer?
(Agter in die gids is ’n bladsy met kaartjies vir hierdie doel wat uitgeskeur kan word.)

Onthou om die bladsy vir die week se groepgesprek te voltooi!

WEEK-9_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 42
Strategiese en Operasionele bestuur bring die visie en praktyk bymekaar
Week 9
Die Plan kom tot uiting

MY BELYDENIS IS TEN MINSTE REG…

Ek wil voorstel dat jy vandag baie ernstig vir 3 mense bid – mense vir wie jy nie normaalweg intree nie. Begin deur geestelik stil en rustig te raak. Vra die Here vir emosionele vrede. Vra Hom om jou te wys vir wie Hy wil hê jy moet bid. Bid vir hulle. Moenie gejaagd wees nie. Laat die Heilige Gees toe om jou in jou gebed te lei en aan jou duidelik te maak waarvoor jy moet bid (Rom 8:26 ²⁶So kom die Gees ons ook in ons swakheid tot hulp, want ons weet nie mooi waarvoor ons behoort te bid nie; maar die Gees tree self vir ons in met versugtinge wat nie verwoord kan word nie.).

Gister het ons oor strategie gepraat. Vandag wil ek jou ’n bietjie omkrap. Om waarde uit vandag se studie te kry, gaan jy eerliker as ooit met jouself moet wees. As jy nie daarvoor bereid is nie, wil ek voorstel dat jy ’n geliefkoosde gedeelte uit die Bybel lees, tyd in gebed deurbring en môre by dag 43 begin. Anders – hier gaan ons.

Dit kan gebeur dat ek (of die gemeente) ’n Godgegewe visie het en dat ek selfs oortuig is van die strategieë wat dit sal waarmaak, maar daar is ’n ander wesenlike vraag. Wat speel normaalweg die bepalende rol in die besluite en keuses wat ek uitoefen? Dis presies waar vandag se opskrif vandaan kom. Jy sien, ons wéét gewoonlik wat die regte teologiese antwoord moet wees – daarom kan ek roem op my belydenis. Die probleem is dat wanneer dit by die praktyk kom, lyk die realiteit meestal anders.

Kom ek noem ’n voorbeeld. In die meeste gevalle word gemeentes se planne vir die jaar deur die begroting bepaal. Ons las ’n persentasie of vyf vir die inflasie-effek by en dan word die begroting opgestel. Ek weet van weinig gemeentes waar die leiers sonder die besoedeling van ’n begroting, EERS vir die Hoof van die Kerk vra wat Hy deur hulle wil doen, voordat die geld daaraan gekoppel word. Ons kan hieroor rasionaliseer soos ons wil – die finansies, of gebrek daaraan, is die bepalende faktor. Ons belydenis dat ons die Here vertrou, klink reg en mooi – maar ons optrede getuig van iets anders. Hierdie is een van die primêre redes waarom ’n opkomende geslag jong gelowiges meermale ontnugter is met die tradisionele kerk.

Jy sien, al ons mooi stories oor visie beteken niks as ons dit nie waarmaak deur ons belydenisse prakties uit te leef nie. In ’n post-moderne samelewing beïndruk mooi woorde alleen nie meer nie. Dit het in elk geval nog nooit vir God beïndruk nie (Matt 7:21-23; 15:8)!

Matt 7:21-23
²¹“Nie elkeen wat vir My sê, ‘Here, Here,’ sal ingaan in die •koninkryk van die hemele nie, maar net diegene wat die wil doen van my Vader in die hemele. ²²Baie sal op daardie dag vir My sê, ‘Here, Here, het ons nie in u Naam geprofeteer en in u Naam demone uitgedryf en in u Naam baie kragtige dade verrig nie?’ ²³Dan sal Ek openlik vir hulle sê, ‘Ek het julle nooit geken nie. Gaan weg van My, julle wat wetteloosheid bedryf!’ ”
Matt 15:8
⁸“ ‘Hierdie volk eer My met die lippe,
maar hulle harte is ver van My af;

Nou kom ons by die plek waar jy eerlik met die Here en jouself moet wees. Dis wat jy moet doen: Hier is ’n tabel. In die linkerkantse kolom, het ek enkele faktore gelys wat ons keuses of besluite kan beïnvloed. In die tweede kolom is daar in sekere gevalle Bybelse voorbeelde. Die derde kolom is leeg. Kyk na die faktore en lees die Bybelverwysings waar van toepassing. Kyk of jy Bybelse voorbeelde kan invoeg waar dit ontbreek. Dan die moeilike opdrag: Skryf ’n 1 in die ry langs die faktor wat NORMAALWEG die grootste rol speel in jou besluitneming of keuses. Skryf ’n 2 langs die faktor wat normaalweg die tweede grootste invloed op jou besluite het – en so aan.

Finansiële implikasies bepaal my keuse	Die ryk jong man – Matt 19:16-30	1234567
My behoefte aan mag en gesag bepaal my keuse	Versoek van ’n ma – Matt 20:20-28	1234567
Die verwagte uitkoms of resultaat bepaal my keuse		1234567
Die effek wat dit op my gesin gaan hê bepaal my keuse		1234567
My posisie in die gemeenskap bepaal my keuse	Herodus – Hand 12:20-25	1234567
Die wil van die Here bepaal my keuse		1234567
Omstandighede bepaal my keuse		1234567

Kyk na jou prentjie hierbo en praat met die Here daaroor.

Ten slotte. Ons kan bly leef met ’n onvervulde visie tesame met die frustrasie en ontnugtering wat dit meebring en voortgaan om ons eie planne, inisiatiewe en strategieë te fabriseer. Ons kan die mooi belydenisse wat deur die eeue verwoord is, beaam en selfs uitspreek. MAAR dit alles klink ontstellend baie soos die prentjie wat die Bybel van die Fariseërs in Jesus se tyd skets. Nee, ons moet outentieke volgelinge van Jesus wees. Mense waarvan woorde, dade en belydenisse in harmonie met mekaar is. Mense wat so intiem met Hom die pad loop dat ons kan hoor, kan glo en kan doen wat sy Gees vir die gemeente sê!

DIEPER DELF: Ons is die Plan handboek, p 173-186
Lees gerus Jak 1:19-27; 2:14-26; 1 Joh 3:5-8

Jak 1:19-27;
¹⁹Let op, my geliefde broers, elke mens moet flink wees om te luister, stadig om te praat, stadig om kwaad te word. ²⁰Want die woede van ‘n mens bewerk nie •geregtigheid voor God nie. ²¹Doen daarom in sagmoedigheid afstand van alle morele besoedeling en die kwaad wat gedy, en ontvang die woord wat in julle geplant is, en daartoe in staat is om julle •siele te verlos. ²²Wees doeners van die woord, en nie slegs hoorders wat julleself mislei nie. ²³Want wie ‘n hoorder van die woord is en nie ‘n doener nie, is soos iemand wat sy eie gesig in ‘n spieël sien. ²⁴Hy sien homself, gaan weg en vergeet onmiddellik hoe hy gelyk het. ²⁵Maar wie diep in die volmaakte wet van vryheid inkyk en daaraan hou, sal gelukkig wees in wat hy doen, omdat hy nie ‘n vergeetagtige hoorder is nie, maar ‘n doener. ²⁶As iemand dink dat hy godsdienstig is en nie sy tong kan beheer nie, mislei hy homself; so ‘n mens se godsdiens is vergeefs. ²⁷Dít is suiwer en onbesmette godsdiens voor ons God en Vader: om na weeskinders en weduwees om te sien in hulle ellende, en jouself onbesmet van die wêreld te hou.

Jak 2:14-26;

¹⁴Wat baat dit, my broers, as iemand sê dat hy geloof het, maar hy het nie dade nie? Dié geloof kan hom tog nie verlos nie? ¹⁵As ‘n broer of ‘n suster sonder klere en daaglikse kos is, ¹⁶en een van julle sê vir hulle, “Gaan in vrede, word warm en word versadig,” maar julle gee nie vir hulle wat die liggaam nodig het nie, wat help dit? ¹⁷So is geloof alleen, as dit nie op dade uitloop nie, dood.

¹⁸Maar as iemand sê, “Jy het geloof en ek het dade,” wys dan vir my jou geloof sonder dade, en ek sal jou uit my dade my geloof wys. ¹⁹Glo jy dat God Een is? Goed so. Ook die demone glo dit, en hulle bewe. ²⁰Wil jy weet, o nietige mens, dat geloof sonder dade nutteloos is? ²¹Is Abraham, ons vader, nie op grond van sy dade regverdig verklaar, omdat hy sy seun Isak op die altaar geplaas het nie? ²²Kan jy sien dat die geloof meegewerk het met sy dade, en dat vanuit die dade die geloof volkome geword het? ²³En die Skrif is vervul wat sê: “Abraham het God geglo, en God het sy geloof vir hom as regverdiging gereken, en hy is ‘n vriend van God genoem.” ²⁴Julle sien dus dat ‘n mens op grond van dade regverdig verklaar word, en nie deur geloof alleen nie. ²⁵Is Ragab, die prostituut, nie ook net so op grond van dade regverdig verklaar, toe sy die boodskappers gasvry ontvang en met ‘n ander pad weggestuur het nie? ²⁶Want net soos die liggaam sonder asem dood is, só is die geloof sonder dade dood.

1 Joh 3:5-8

⁵Julle weet dat Hy verskyn het om die sondes weg te neem, en in Hom is daar geen sonde nie. ⁶Elkeen wat in Hom bly, sondig nie meer nie; elkeen wat aanhou sondig, het Hom nie gesien, en Hom nie leer ken nie.

⁷Kinders, laat niemand julle mislei nie: wie doen wat reg is, is regverdig, soos Hy regverdig is. ⁸Wie sonde doen, is uit die Duiwel, omdat die Duiwel van die begin af sondig. Hiervoor het die •Seun van God verskyn: om die dade van die Duiwel te vernietig.

WENK: Probeer om telkens wanneer jy vandag belangrike keuses moet maak, te let op dít wat die swaarste weeg in die bepaling van jou keuse.

Onthou om die bladsy vir die week se groepgesprek te voltooi!

WEEK-9_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 41
Strategiese en Operasionele bestuur bring die visie en praktyk bymekaar
Week 9
Die Plan kom tot uiting

TEKKIE OP DIE TEER…

Begin vandag met lof aan die Here. Jy kan een van die lofpsalms in die Bybel lees en aan die Here lof bring vir sy liefde, sorg en getrouheid. Prys Hom ook vir dit wat jy rondom jou kan hoor, sien, ruik en voel. Gebruik tyd om aan Hom hulde te bring!

Ons het heelwat tyd spandeer aan die gedagte van ’n visie. Ons het ooreengekom dat visie belangrik is, dat dit van God moet kom, dat dit eintlik sy plan met en deur ons is en dat ons dit in woorde moet kan omsit.

Dit is alles goed en wel. Ons kan oortuig wees dat die visie van die Here kom, ons kan dit mooi in woorde beskryf, ons kan selfs getuig hoe ons daarvan oortuig geraak het, maar as dit net by ’n goed geformuleerde visie bly, gaan NIKS verander nie. Die visie moet in vervulling kom, of in die terme van vandag se opskrif, moet die tekkie en die teer tog iewers bymekaarkom. Hoe gebeur dit?

Lees Jos 6

Jos 6

6¹Jerigo se poorte was egter dig gesluit vanweë die Israeliete; niemand het daar uitgegaan of ingegaan nie. ²Die Here sê toe vir Josua: “Kyk, Ek gee Jerigo, sy koning en sy dapper krygers in jou hand. ³Julle moet om die stad trek, al die krygsmanne. Jy moet een keer om die stad gaan. Ses dae lank moet jy só maak: ⁴Sewe priesters moet sewe •ramshorings voor die ark dra. Op die sewende dag moet julle sewe keer om die stad trek, terwyl die priesters op die horings blaas. ⁵En wanneer daar lank op die horing van die ram geblaas word, moet al die manskappe, sodra julle die geluid van die ramshorings hoor, ‘n baie harde oorlogskreet aanhef. Die stadsmuur sal dan ineenstort, en die manskappe moet bo-oor klim, elke man reg voor hom uit.”

⁶Josua, seun van Nun, het toe die priesters ontbied en vir hulle gesê: “Dra die verbondsark. Sewe priesters moet die horings van sewe ramme voor die ark van die Here dra.” ⁷Hy sê toe vir die manskappe: “Trek op en gaan om die stad; die gewapende manne moet voor die ark van die Here optrek.”

⁸Net toe Josua dit vir die manskappe gesê het, het die sewe priesters wat die horings van sewe ramme voor die Here dra, opgetrek en op die ramshorings geblaas, terwyl die verbondsark van die Here hulle volg. ⁹Die gewapende manne het voor die priesters wat op die ramshorings blaas, geloop, terwyl die agterhoede die ark volg. Daar is aanhoudend op die ramshorings geblaas. ¹⁰Aan die manskappe het Josua die opdrag gegee: “Julle mag nie ‘n oorlogskreet aanhef en julle stemme laat hoor nie. Daar mag nie ‘n woord uit julle monde kom nie, tot die dag dat ek vir julle sê, ‘Skreeu!’ dan moet julle die oorlogskreet aanhef.”

¹¹Josua het die ark van die Here om die stad laat trek. Dit het een keer om die stad gegaan. Daarna het hulle na die kamp teruggegaan en in die kamp oornag. ¹²Josua het vroeg die môre opgestaan. Die priesters het die ark van die Here gedra, ¹³en die sewe priesters wat die horings van sewe ramme voor die ark van die Here dra, het aanhoudend op die ramshorings geloop en blaas. Die gewapende manne het voor hulle geloop, en die agterhoede het die ark van die Here gevolg. Daar is aanhoudend op die ramshorings geblaas. ¹⁴Op die tweede dag het hulle een keer om die stad getrek en na die kamp teruggekeer. So het hulle dit ses dae lank gedoen. ¹⁵Op die sewende dag het hulle vroeg, toe die rooidag breek, opgestaan en op dieselfde manier sewe keer om die stad getrek. Net op daardie dag het hulle sewe keer om die stad getrek. ¹⁶Die sewende keer het die priesters op die ramshorings geblaas. Josua het vir die manskappe gesê: “Hef die oorlogskreet aan, want die Here gee die stad aan julle! ¹⁷Die stad en alles wat daarin is, is onder die ban vir die Here. Net Ragab, die prostituut, mag leef, sy en almal wat by haar in die huis is, omdat sy die boodskappers wat ons gestuur het, versteek het. ¹⁸Bly net weg van die bangoed, anders neem julle van die bangoed terwyl julle die stad met die banvloek tref. Julle sal die kamp van Israel onder die ban bring en dit in die ongeluk stort. ¹⁹Al die silwer en die goud en al die voorwerpe van brons en yster is heilig vir die Here; na die skatkamer van die Here moet dit gaan.”

²⁰Die manskappe het die oorlogskreet aangehef en die priesters het op die ramshorings geblaas. Ja, net toe die manskappe die geluid van die ramshoring hoor, het hulle ‘n harde oorlogskreet aangehef. Die stadsmuur het ineengestort, en die manskappe het elkeen reg voor hom uit bo-oor geklim, die stad in. Hulle het die stad ingeneem ²¹en alles wat in die stad was, deur die skerpte van die swaard met die banvloek getref – van man tot vrou, kind tot oumens, ja, selfs die beeste, skape en donkies.

²²Vir die twee manne wat die land verken het, het Josua gesê: “Gaan na die huis van die prostituut. Bring die vrou en al haar mense uit, soos julle haar met ‘n eed beloof het.” ²³Die jong manne wat die verkenners was, het toe gegaan en Ragab, haar vader en moeder, haar broers en almal wat by haar hoort, na buite gebring. Haar hele familiegroep het hulle na buite gebring en hulle buite die kamp van Israel laat bly.

²⁴Die stad en alles wat daarin was, het hulle afgebrand. Net die silwer, die goud en voorwerpe van brons en yster het hulle oorhandig vir die skatkamer van die huis van die Here. ²⁵Maar vir Ragab, die prostituut, en haar familie – almal wat by haar hoort – het Josua laat leef. Sy het in Israel bly woon tot vandag toe, omdat sy die boodskappers wat Josua gestuur het om Jerigo te verken, versteek het.

²⁶Josua het in daardie tyd ‘n eed afgelê:
“Vervloek voor die Here is die man
wat opstaan en hierdie stad,
Jerigo, herbou:
Ten koste van sy eersgeborene
sal hy die fondamente lê,
en ten koste van sy jongste
sal hy die poortdeure oprig.”
²⁷Die Here was met Josua, en sy roem het deur die hele land versprei.

Doen die volgende:
Skryf in die eerste blok die visie wat God vir Josua en sy volk gegee het, neer. Soos wat jy verder lees, kyk jy of jy kan identifiseer watter voorskrifte, planne en strategieë die Here vir hulle gegee het om die visie te kan verwesenlik

Visie: (Jos 6:2)

---

Strategieë: (Jos 6:3-7)

---

Sien jy wat hier gebeur? ’n Visie bly net ’n droom as daar nie strategieë is wat ons prakties lei om dit tot uitvoering te bring nie. Dit geld vir die gemeente, maar ook vir my as gelowige.

Kom ons gebruik ’n alledaagse voorbeeld en maak dit nog méér prakties. Gestel ’n tennisspeler het ’n droom, ’n visie, om die beste in die wêreld te wees. Die visie kan helder en duidelik wees en hy kan dit selfs goed in woorde uitdruk, maar dit sal ’n droom bly, as hy nie ’n strategie ontwikkel om die beste te word nie. Deel van die strategie sal natuurlik wees om daagliks te oefen. Verstaan jy? Sonder strategie, bly visie net ’n droom. Deur die uitvoering van sinvolle strategieë, kan die visie verwesenlik word.

Die voorbeeld uit Josua maak dit ook duidelik. God gee aan hulle die visie om die beloofde land in te neem. Jerigo is die eerste stad wat oorwin moet word – die visie is duidelik – neem Jerigo in. Maar, dan kom die Here en gee ook die strategieë wat sal lei tot die verwesenliking van die visie.

Ek wil hê jy moet eers aan jou eie lewe dink. Het jy ’n visie? Is daar strategieë wat die visie in vervulling sal laat kom? Baiekeer het ons ’n geldige Godgegewe droom, maar die strategieë om dit waar te maak, ontbreek.

Dink nou aan die gemeente waarvan jy deel is. Is daar ’n visie waarvan julle oortuig is dat dit God se plan met julle is? Is daar strategieë om dit waar te maak? Leef hierdie visie in die hart van al die lidmate? Of staan dit net êrens op ’n kerkmuur geplak?

’n Laaste gedagte. Ons is oortuig dat die Here alleen die Bron en Oorsprong van visie vir die gemeente en individuele gelowiges is. As Hy Hoof van sy Kerk is, dan is visie wat uit enige ander bron ontspring, niks anders as geestelike muitery nie. Dit geld ook vir ons persoonlik, wanneer ons bely dat Hy die Koning van ons lewens is. Nou die vraag: Waarvandaan moet die strategieë vir die vervulling van die visie dan kom? Sekerlik van dieselfde Bron! Kyk weer na Josua 6.

Miskien het jy behoefte om teenoor die Here te bely dat jy, soos ek, Hom met die groot goed vertrou, maar dat jy sommer self verantwoordelikheid neem vir die strategieë, planne en die uitvoering daarvan.

DIEPER DELF: handboek, p 173-186
Lees Eks 3-6 (en verder) en kyk hoe die Here in duidelike terme vir Moses strategieë gee.

Sien Figuur 10 van Bylae 2, p 173

WENK: Skryf jou lewensvisie neer met die strategieë wat dit moet help waarmaak daaronder. Sit dit vir ’n week lank op ’n strategiese plek, sodat jy dit gereeld raaksien. Praat met die Here daaroor – onthou Hy is die Bron van visie en ook ons strategieë.
(Agter in die gids is ’n bladsy met kaartjies vir hierdie doel wat uitgeskeur kan word.)

Onthou om die bladsy vir die week se groepgesprek te voltooi!

WEEK-9_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 40
Verhoudings
Week 8
Leiers en verhoudings

JY’S JAMMER…?

Toe ek op skool was, het dit finansieel baie swaar met ons as gesin gegaan. Ons kon nie ’n huishulp bekostig nie. Dus moes ons kinders self uitspring en help – ook in die huis. So het ons ook beurte gemaak om skottelgoed te was.Soms het dit gebeur dat ’n koppie per ongeluk in die proses geval en gebreek het. Wetende dat daar nie geld was om dit te vervang nie, moes ons nogtans vir Ma gaan sê – natuurlik ook dat ons regtig jammer was. Sy het dan gekom, na die gebreekte koppie gekyk en gesê: “Oeps, kyk hoe spring hy weer aanmekaar!” – nie om te sê sy aanvaar nie ons jammer nie, maar om ons daarop te wys dat jammer nie altyd ’n gebreekte ding regmaak of vervang nie! Ons moes ook op ander terreine van die lewe leer om te dink voor jy praat, om ander se gevoelens in ag te neem voor jy iets doen of sê wat dalk kan seermaak en verhoudings onberekenbare skade berokken.

In God se hart brand ’n onblusbare liefdesvuur vir jou, vir my en vir elke mens wat Hy ooit geskape het (Hos 11:8-9
⁸“Hoe kan Ek jou prysgee, Efraim?
Hoe kan Ek jou oorlewer, Israel?
Hoe kan Ek jou prysgee soos Adma,
jou maak soos Sebojim?
My hart is diep ontroer in My,die deernis brand in My.
⁹Ek sal nie in my brandende toorn
optree nie;
Ek sal nie omdraai en Efraim
vernietig nie;
want Ek is God, nie ‘n mens nie –
die Heilige in jou midde;
Ek sal nie in woede kom nie.”).
Ons verhouding met Hom en met mekaar is vir God verskriklik belangrik. Raak stil in sy teenwoordigheid en laat Hom toe om deur die Heilige Gees en sy Woord met jou te praat. Vertel Hom ook wat in jou hart aangaan.

God se Woord is deur Homself geïnspireer. Glo jy dit? Lees dan ook met hierdie geloofsoortuiging Matt 5:23-24; Mark11:25-26.

Matt 5:23-24;

²³“En wanneer jy jou offergawe na die altaar bring en daar onthou dat jou broer iets teen jou het, ²⁴laat jou offergawe net daar by die altaar en gaan versoen jou eers met jou broer, en gaan gee dan jou offergawe.

Mark 11:25-26

²⁵En wanneer julle staan en bid – as julle iets teen iemand het, vergeef hom, sodat julle Vader in die hemele julle ook julle oortredings kan vergeef.”

DIEPER DELF: Lees gerus ook Jes 1:11-16; 43:1-5; 59:1-2.

Jes 1:11-16;

¹¹“Wat baat julle magdom
slagoffers My?”
vra die Here.
“Ek het genoeg gehad
van die •brandoffers van ramme
en die vet van gevoerde diere.
Die bloed van bulle,
lammers en bokramme
staan My nie aan nie.
¹²Wanneer julle kom
om voor My te verskyn –
wie eis dit van julle
om my voorhowe te vertrap?
¹³Hou op om waardelose
•graanoffers aan te dra!
Reukwerk – afstootlik is dit vir My.
Nuwemaansfeeste en Sabbatte,
die saamroep van byeenkomste –
Ek kan nie onreg én gewyde rusdae
verdra nie.

¹⁴Julle nuwemane en vaste feestye
haat Ek met my hele wese;
dit is vir My ‘n las,
Ek is moeg daarvoor om dit te dra.
¹⁵As julle julle hande uitstrek,
sluit Ek my oë vir julle.
Selfs as julle baie bid,
luister Ek nie.
Julle hande is vol bloed.
¹⁶Was julle! Reinig julle!
Verwyder julle bose dade voor my oë!
Hou op om kwaad te doen!

Jes 43:1-5;

¹“Maar nou,” so sê die Here,
jou Skepper, Jakob,
die Een wat jou gevorm het, Israel,
“moenie bang wees nie,
want Ek het jou losgekoop,
Ek het jou op jou naam geroep –
aan My behoort jy.
²As jy deur water moet gaan –
Ek is by jou,
of deur riviere –

hulle sal jou nie oorspoel nie.
As jy deur vuur moet gaan –
jy sal nie geskroei word nie,
en die vlam sal jou nie brand nie.
³Want Ek is die Here, jou God,
die Heilige van Israel,
jou verlosser.
Ek gee Egipte as jou losprys,
Kus en Seba gee Ek in jou plek.
⁴Omdat jy kosbaar is in my oë,
geëer is,
omdat Ek die Een is wat jou liefhet,
gee Ek mense in jou plek,
volke in ruil vir jou lewe.
⁵Moenie bang wees nie,
want Ek is by jou.
Uit die ooste bring Ek jou nageslag,
uit die weste maak Ek jou bymekaar.

Jes 59:1-2.

¹Kyk, die hand van die Here
is nie te kort om te verlos nie,
sy oor is nie hardhorend,
sodat Hy nie kan hoor nie.
²Maar julle sondeskuld,dit het skeiding gebring
tussen julle en julle God.
Julle sondes het Hom sy gesig
vir julle laat verberg,
sodat Hy nie luister nie;

Wat hoor jy by God? Hoe sou jy die kernwaarheid wat in hierdie verse voorkom, beskryf?

---

Dink jy die Here was ernstig toe Hy hierdie dinge gesê het? Dink mooi en versigtig voordat jy antwoord, want jou antwoord het implikasies vir jou lewe (Henry T Blackaby het gesê: “What you DO next, is what you really believe – the rest is just religious talk!”) Skryf ook sommer hoe jy voel oor wat Blackaby gesê het.

---

DIEPER DELF: Lees gerus ook 1 Kor 3:1-4; Gal 5:13-17.

1 Kor 3:1-4;

¹Wat my betref, broers, ek kon nie met julle praat soos met geestelike mense nie, maar wel soos met wêreldse mense, soos met klein kindertjies, in •Christus. ²Ek het julle melk gegee om te drink, nie vaste kos nie, omdat julle nog nie daartoe in staat was nie. Selfs nou is julle nog nie daartoe in staat nie, ³want julle is steeds wêrelds. Waar daar onder julle afguns en onenigheid is, is julle dan nie wêrelds, en gedra julle julle dan nie soos wêreldse mense nie? ⁴Elke keer as een van julle sê, “Ek is van Paulus,” en ‘n ander, “Ek van Apollos,” is julle nie wêreldse mense nie? 

Gal 5:13-17.

¹³Julle, broers, is tog tot vryheid geroep. Moet net nie julle vryheid misbruik, sodat dit aanleiding gee vir die vlees nie, maar dien mekaar deur liefde. ¹⁴Want die hele wet word in één uitspraak vervul: “Jy moet jou naaste liefhê soos jouself.” ¹⁵As julle mekaar byt en verslind, pas op dat julle nie deur mekaar verorber word nie!

¹⁶Maar ek sê: Leef deur die Gees, dan sal julle beslis nie die begeertes van die vlees uitvoer nie. ¹⁷Want die vlees begeer teen die Gees, en die Gees begeer teen die vlees; die twee opponeer mekaar, sodat julle dit wat julle ook al wil, nie kan doen nie. 

Dink jy jou gebroke verhouding(s) kan regtig maak dat God nie na jou gebede wil luister nie? Sê ook hoekom jy so voel.

---

Ons offer nie meer soos in die Bybelse tyd nie. Ons staan nie meer, soos die Jode van ouds, daglank in die son om ons bokkie of duif na die altaar te bring nie. Jesus is mos die Lam van God wat die sondes van die wêreld op Hom kom neem het (Joh 1:29²⁹Die volgende dag sien Johannes Jesus na hom toe kom, en hy sê: “Kyk, die Lam van God wat die sonde van die wêreld wegneem! ). Ons offers van vandag lyk anders, dis dankoffers. Die geld wat ons Sondag in die kollekte-bordjie gooi, is ’n offer van dank vir wie God is in my lewe, asook ’n simboliese oorgawe van my lewe aan sy HEERSKAPpy. Die ou tannie wat ek so gereeld besoek, of die straatkinderprojek waarby ek betrokke is, is dalk iets van ’n offer vir God. Miskien is dit wat ek vir die basaar bydra, my offer. Die Woord sê – voor jy daardie offer gee, moet jy eers seker maak dat jy nie iets teen iemand anders het of iemand dalk iets teen jou het nie. As jy aan iemand kan dink wat ’n wrok teen jou koester moet jy eers versoening tussen julle bewerkstellig voordat jy jou beskuit, melktert of skaap kan bydra. Mense mag dalk beïndruk wees, maar God is geensins beïndruk met bolangse goed nie. Al die dinge wat jy gee en openlik vir God doen, beteken nie veel as jou hart nie reg is nie (Hy beoordeel immers die bedoelinge en motiewe van die hart!) (Heb 4:12).

Heb 4:12
¹²Want die woord van God
is lewend en kragtig,
en skerper as enige
tweesnydende swaard.
Dit dring deur tot by die raakpunt
tussen siel en gees,
tussen gewrig en murg,
en beoordeel die hart
se voornemens en gedagtes.

DIEPER DELF: Lees gerus

Heb 10:11-23.

¹¹Elke priester staan wel dag vir dag en diens doen, en bring oor en oor dieselfde offers, wat nooit in staat is om sondes weg te neem nie; ¹²maar toe Christus vir altyd een offer ter wille van sondes gebring het, het Hy aan die regterhand van God gaan sit. ¹³Sedertdien wag Hy totdat sy vyande ‘n voetbank vir sy voete gemaak word. ¹⁴Want deur een offer het Hy hulle wat geheilig word, vir altyd vervolmaak.

¹⁵Ook die Heilige Gees getuig teenoor ons; want nadat Hy gesê het,
¹⁶“Dit is dan die verbond
wat Ek ná daardie dae
met hulle sal sluit, sê die Here:
Ek sal my wette in hulle harte gee,
en dit op hulle verstand neerskryf,”sê Hy ook:
¹⁷“Aan hulle sondes
en aan hulle wettelose dade
sal Ek glad nie meer dink nie.”

¹⁸Waar daar vergifnis hiervoor is, word ‘n offer vir sondes nie meer gebring nie.

¹⁹Broers, ons het dus vrymoedigheid deur die bloed van Jesus om in te gaan na die heiligdom, ²⁰langs ‘n nuwe en lewende weg wat Hy vir ons geopen het deur die voorhangsel heen, dit is deur sy liggaam, ²¹en ons het ‘n groot Priester oor die huis van God. ²²Laat ons daarom ingaan met ‘n opregte hart, in volle geloofsekerheid, met ons harte besprinkel, vry van ‘n slegte gewete, en ons liggame gewas met skoon water. ²³Laat ons styf vashou aan die belydenis van wat ons hoop, sonder om af te wyk, want Hy wat die belofte gemaak het, is getrou.

Dit raak nie net ons offers aan God nie. Dit raak ook ons gebedslewe. Wanneer ons God nader in gebed moet ons eers ander vergeef sodat God ons kan vergeef. Ons moet na alle kante toe vrede nastreef – of iemand iets teen jou het en of jy iets teen iemand anders het, vrede moet nagejaag word (Heb 12:14 ¹⁴Streef na vrede met almal en na die heiligmaking, waarsonder niemand die Here sal sien nie. ).

Skryf nou neer wat jy glo die Here se Woord hieroor van jou in die praktyk vra.

---

Dit is baie maklik om te sê dat ons in God glo en dat ons sy kinders is. Tog kom sê Hy deur die Evangelie volgens Johannes dat as ons Hom liefhet, ons sy gebooie moet onderhou. So amper asof Hy wil sê: “Don’t talk cream and live skimmed milk“. Moenie jou liefde vir My bely, maar dit afgewater leef nie!”

DIEPER DELF: Lees gerus Joh 14:15, 21; 1 Joh 4:20-5:3

Joh 14:15, 21;

¹⁵“As julle My liefhet, sal julle my gebooie onderhou.

²¹Wie my gebooie het en dit onderhou, hy is die een wat My liefhet. En wie My liefhet, my Vader sal hom liefhê, en Ek sal hom liefhê en Myself aan hom bekend maak.”

1 Joh 4:20-5:3

²⁰As iemand sê, “Ek het God lief”, en sy broer haat, is hy ‘n leuenaar. Want wie sy broer, wat hy sien, nie liefhet nie, kan nie God liefhê, wat hy nie sien nie. ²¹En dit is die gebod wat ons van Hom ontvang het: Wie God liefhet, moet ook sy broer liefhê.

5¹Elkeen wat glo dat Jesus die •Christus is, is uit God gebore, en elkeen wat die Vader liefhet, het ook almal lief wat uit Hom gebore is. ²Hieraan weet ons dat ons die kinders van God liefhet: wanneer ons God liefhet, en sy gebooie nakom. ³Want dit is die liefde vir God, dat ons sy gebooie onderhou, en sy opdragte is nie ‘n swaar las nie; 

Skryf neer wat dit vir jou prakties beteken in terme van die verhoudings waarbinne jy elke dag funksioneer.

---

In my agterplaas groei ’n boom wat beide suur, geelgroen lemmetjies en heerlike soet, oranje nartjies dra. Volg jy egter die takke wat die nartjies dra, kom jy op die plek af waar die tak ingeënt is in die lemmetjieboom. Die evangelie werk nie so nie. Ons kan nie ingeënt word in God, maar dan steeds die vrugte bly dra waaraan ons gewoond was nie. As ons ingeënt word in God, dan impliseer dit ons word soos Hy. Ons dra die vrug van sy Gees. Ons dra nie meer die nartjies van ons eie tak nie, maar die lemmetjies van die boom. Ons dink, droom en doen, proe en lyk soos lemmetjies. Ons dra liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing. Al hierdie skyfies van die vrug impliseer iets van hoe ons teenoor mense moet optree. Dit wat ons na mense uitleef, moet ’n spieël wees van wat in ons harte is, nie ’n masker nie.

DIEPER DELF: Lees gerus ook Gal 5:10-26.

Gal 5:10-26.

¹⁰Wat julle betref: Ek is in die Here daarvan oortuig dat julle nie anders as ek sal dink nie; maar die een wat julle in verwarring bring, sal die straf dra, wie hy ook al mag wees.

¹¹En ek, broers, as ek steeds die besnydenis verkondig, waarom word ek dan nog vervolg? Dan is die struikelblok van die kruis immers uit die weg geruim. ¹²Ek wens diegene wat julle so opstandig maak, wil hulleself heeltemal ontman!

‘N LEWE DEUR DIE GEES

¹³Julle, broers, is tog tot vryheid geroep. Moet net nie julle vryheid misbruik, sodat dit aanleiding gee vir die vlees nie, maar dien mekaar deur liefde. ¹⁴Want die hele wet word in één uitspraak vervul: “Jy moet jou naaste liefhê soos jouself.” ¹⁵As julle mekaar byt en verslind, pas op dat julle nie deur mekaar verorber word nie!

¹⁶Maar ek sê: Leef deur die Gees, dan sal julle beslis nie die begeertes van die vlees uitvoer nie. ¹⁷Want die vlees begeer teen die Gees, en die Gees begeer teen die vlees; die twee opponeer mekaar, sodat julle dit wat julle ook al wil, nie kan doen nie. ¹⁸As julle egter deur die Gees gelei word, staan julle nie onder die wet nie.

¹⁹Die praktyke van die vlees is goed bekend, naamlik onsedelikheid, onreinheid, losbandigheid, ²⁰afgodery, towery, vyandskap, twis, jaloesie, woede, selfsug, tweespalt, skeuring, ²¹afguns, dronkenskap, gefuif, en hierdie soort dinge – waarteen ek julle nou weer waarsku, soos ek julle vroeër gewaarsku het, naamlik dat diegene wat sulke dinge doen, die •koninkryk van God nie sal beërf nie.

²²Maar die vrug van die Gees is: liefde, blydskap, vrede, geduld, vriendelikheid, goedheid, getrouheid, ²³sagmoedigheid, selfbeheersing. Teen hierdie soort dinge is daar nie ‘n wet nie.

²⁴Almal wat aan •Christus Jesus behoort, het die vlees met sy hartstogte en begeertes gekruisig. ²⁵Aangesien ons deur die Gees leef, laat ons ook met die Gees in pas bly. ²⁶Laat ons nie verwaand wees, mekaar uittart of op mekaar jaloers wees nie.

Dink jy as ons ingeënt is in God, dit sou beteken dat ons erns sal maak met gebroke verhoudings en alles in ons vermoë sou doen om dit te herstel? Hoekom sê jy so? Wat gaan jy vandag daaraan doen?

---

As jy voel die Here het met jou gepraat deur sy Woord en Gees – praat dan nou met Hom en loof en aanbid Hom. Erken en bely wat die Gees ook al op jou hart lê (Jes 30:21; Joh 16:8). Hy nooi ons immers om ons hart voor Hom uit te stort en op Hom te vertrou (Ps 62:9).

Jes 30:21;

²¹Met julle ore sal julle
‘n woord agter julle hoor:
“Hier is die pad, gaan daarop,
wanneer julle regs of links wil hou!”

Joh 16:8
⁸En wanneer Hy kom, sal Hy die wêreld oortuig van sonde en van •geregtigheid en van oordeel:

Ps 62:9

⁹Vertrou te alle tye op Hom, o volk,
stort julle hart voor Hom uit.
God is vir ons ‘n skuilplek. Sela

DIEPER DELF: Ons is die Plan handboek, p 165-172
Lees gerus Ps 97:10; Kol 3:12-17; 1 Tess 4:9; Tit 3:3-8; 1 Joh 4:7-21.

Ps 97:10;

¹⁰Julle wat die Here liefhet,
moet die kwaad haat.
Hy beskerm die lewe
van sy troue volgelinge;
uit die hand van goddeloses
red Hy hulle.

Kol 3:12-17;

¹²Daarom, omdat julle God se uitverkore •heiliges en geliefdes is, beklee julleself met innige meelewing, goedheid, nederigheid, sagmoedigheid en geduld. ¹³Verdra mekaar en, as enigiemand ‘n klagte teen iemand anders het, vergewe mekaar. Soos die Here julle vergewe het, so moet julle ook vergewe. ¹⁴Maar beklee julle, bo en behalwe al hierdie dinge, met die liefde, wat die band is wat alles volmaak saambind. ¹⁵Verder, laat die vrede van Christus in julle harte regeer. As lede van een liggaam, is julle juis daartoe geroep. En wees dankbaar. ¹⁶Laat die woord van Christus in sy volle rykdom in julle woon. Leer en vermaan mekaar, in alle wysheid, deur met dankbare harte psalms, lofgesange en geestelike liedere tot eer van God te sing. ¹⁷En wat julle ook al doen, in woord of daad, doen alles in die Naam van die Here Jesus, terwyl julle God die Vader deur Hom dank.

1 Tess 4:9;

⁹Oor die broederliefde is dit nie nodig dat ek vir julle skryf nie, want julle is self deur God geleer om mekaar lief te hê.

Tit 3:3-8;

³Want ons was ook voorheen onverstandig, ongehoorsaam, verdwaal, verslaaf aan allerlei begeertes en luste. Ons het in kwaadwilligheid en naywer geleef, ons was haatlik en het mekaar gehaat.

⁴Maar toe die goedheid
en menseliefde van God,
ons Verlosser, verskyn,
⁵het Hy ons verlos –
nie op grond van werke
wat ons uit •geregtigheid gedoen het nie,
maar op grond van sy ontferming –
by wyse van die afwassing
deur die weergeboorte
en vernuwing deur die Heilige Gees,
⁶wat Hy ryklik oor ons uitgegiet het
deur Jesus •Christus, ons Verlosser.
⁷So het ons,
geregverdig deur sy genade,
erfgename geword
van die ewige lewe
waarop ons hoop.

⁸Dié uitspraak is betroubaar. Ek wil hê dat jy hierdie dinge moet benadruk, sodat hulle wat in God glo, daarop bedag sal wees om hulle aan goeie werke toe te wy. Hierdie dinge is goed en voordelig vir die mense.

1 Joh 4:7-21.

⁷Geliefdes, laat ons mekaar liefhê,
want die liefde is uit God,
en elkeen wat liefhet,
is uit God gebore
en ken God.
⁸Wie nie liefhet nie,
het God nie leer ken nie,
want God is liefde.
⁹Hierin is die liefde van God
aan ons geopenbaar:
dat God sy unieke Seun
na die wêreld gestuur het,
sodat ons deur Hom kan leef.
¹⁰Hierin bestaan die liefde:
nie dat ons God liefgehad het nie,
maar dat Hy ons liefgehad het,
en sy Seun gestuur het
as versoening vir ons sondes.

¹¹Geliefdes, as God ons so liefgehad het, behoort ook óns mekaar lief te hê. ¹²Niemand het God ooit aanskou nie. As ons mekaar liefhet, bly God in ons, en het sy liefde in ons tot vervulling gekom. ¹³Hieraan weet ons dat ons in Hom bly, en Hy in ons: Hy het ons aan sy Gees laat deel kry. ¹⁴En ons het dit aanskou, en ons getuig daarvan, dat die Vader die Seun as Verlosser van die wêreld gestuur het. ¹⁵Wie ook al bely dat Jesus die •Seun van God is, God bly in hom, en hy in God. ¹⁶Ons ken en vertrou die liefde wat God vir ons het.

God is liefde. En wie in die liefde bly, bly in God, en God bly in hom. ¹⁷Hierin het die liefde onder ons tot vervulling gekom: Ons sal op die oordeelsdag vrymoedigheid hê, omdat ons in hierdie wêreld ook soos Jesus is. ¹⁸In die liefde is daar geen vrees nie. Inteendeel, volmaakte liefde dryf die vrees na buite; want vrees het te doen met straf, en wie vrees, het nie volmaak geword in die liefde nie. ¹⁹Ons het lief, omdat Hy ons eerste liefgehad het. ²⁰As iemand sê, “Ek het God lief”, en sy broer haat, is hy ‘n leuenaar. Want wie sy broer, wat hy sien, nie liefhet nie, kan nie God liefhê, wat hy nie sien nie. ²¹En dit is die gebod wat ons van Hom ontvang het: Wie God liefhet, moet ook sy broer liefhê.

WENK: Bid en vra die Heilige Gees of daar iemand is met wie jy moet gaan vrede maak. Dan gaan doen jy dit in afhanklikheid van Hom tot sy eer.

Onthou om die bladsy vir die week se groepgesprek te voltooi!

WEEK-8_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 39
Verhoudings
Week 8
Leiers en verhoudings

AS JY DIT NIE HET NIE…

Jy ken seker die Onse Vader-gebed wat Jesus in Matt 6:9-13 vir sy dissipels geleer het uit jou kop? Miskien kan jy nog soos in jou Sondagskooldae jou oë toeknyp, die gebed aframmel en uitasem by die Amen uitkom. Maar pasop Iemand het by geleentheid gesê jy moet weet dat wanneer jy met God in gebed praat, Hy jou SAL antwoord…

Verwag daarom dat God jou sal antwoord – ook wanneer jy nou jouself voor Hom gaan blootstel om as klei in die Pottebakker se hande, gevorm te word. Deel met Hom jou vrae (vrese?), pyne en seerkry wanneer dit kom by die verhoudings in jou lewe – met God, maar ook met jou huweliksmaat, kollegas, familie, vriende of jou naaste met wie jy te doen kry. Vra dan ook vir die leiding van sy Heilige Gees deur sy Woord.

Lees Matt 18:21-35 en Luk 6:37 biddend in ’n gees van afhanklikheid.

Matt 18:21-35

²¹Toe het •Petrus nader gekom en Hom gevra: “Here, hoeveel keer sal my broer teen my sondig en ek hom vergewe? Tot sewe keer toe?” ²²Jesus antwoord hom: “Ek sê vir jou, nie tot sewe keer nie, maar tot sewentig maal sewe keer.

²³“Daarom is die •koninkryk van die hemele soos ‘n koning wat rekenskap van sy slawe wou eis. ²⁴Toe hy hulle skuld begin nagaan, is een wat tienduisend talent verskuldig was, na hom gebring. ²⁵Omdat hy nie kon terugbetaal nie, het die heer beveel dat hy, asook sy vrou en kinders en alles wat hy besit, verkoop word en dat die skuld so terugbetaal moes word. ²⁶Die slaaf het toe voor hom op die grond neergeval, laag voor hom gebuig en gesê, ‘Wees geduldig met my, en ek sal u alles terugbetaal.’ ²⁷Die heer van daardie slaaf het hom innig jammer gekry, hom vrygelaat en sy skuld vir hom kwytgeskeld. ²⁸Maar toe daardie slaaf uitgaan, het hy een van sy medeslawe gekry wat hom honderd denarius geskuld het. Hy het hom aan die keel gegryp, gewurg en gesê, ‘Betaal terug wat jy skuld!’ ²⁹Sy medeslaaf val toe neer en smeek hom, ‘Wees geduldig met my, en ek sal jou terugbetaal.’ ³⁰Maar hy wou nie – inteendeel, hy het weggegaan en hom in die tronk laat gooi, totdat hy die verskuldigde bedrag sou terugbetaal.

³¹“Toe sy medeslawe sien wat gebeur het, was hulle baie ontsteld en het vir hulle heer alles gaan vertel wat gebeur het. ³²Daarop ontbied sy heer hom en sê vir hom, ‘Jou slegte slaaf! Al daardie skuld het ek jou kwytgeskeld omdat jy my gesmeek het. ³³Moes jy nie ook jou medeslaaf begenadig soos ek jou begenadig het nie?’ ³⁴En sy heer het kwaad geword en hom aan die folteraars oorgegee totdat hy al die skuld sou terugbetaal. ³⁵So sal my hemelse Vader ook met julle maak as julle nie elkeen sy broer van harte vergewe nie.”

Luk 6:37

³⁷“Moenie oordeel nie, dan sal ook julle beslis nie geoordeel word nie. Moenie veroordeel nie, dan sal julle ook nie veroordeel word nie. Vergeef, dan sal julle ook vergewe word.

DIEPER DELF: Lees gerus ook Kol 3:12-15.

Kol 3:12-15

¹²Daarom, omdat julle God se uitverkore •heiliges en geliefdes is, beklee julleself met innige meelewing, goedheid, nederigheid, sagmoedigheid en geduld. ¹³Verdra mekaar en, as enigiemand ‘n klagte teen iemand anders het, vergewe mekaar. Soos die Here julle vergewe het, so moet julle ook vergewe. ¹⁴Maar beklee julle, bo en behalwe al hierdie dinge, met die liefde, wat die band is wat alles volmaak saambind. ¹⁵Verder, laat die vrede van Christus in julle harte regeer. As lede van een liggaam, is julle juis daartoe geroep. En wees dankbaar.

Wat hoor jy by God? Wat verstaan jy uit die gedeelte wat jy gelees het?

---

Lees nou ook Matt 6:9-15.

Matt 6:9-15

⁹“Só moet julle dan bid:
“Ons Vader wat in die •hemele is,
laat u Naam geheilig word.
¹⁰Laat u koninkryk kom.
Laat u wil geskied,
soos in die hemel, so ook op die aarde.
¹¹Gee ons vandag ons daaglikse brood.
¹²En vergeef ons ons skulde,
soos ook ons hulle vergeef
wat teenoor ons skuldig staan.
¹³En bring ons nie in versoeking nie,
maar verlos ons van die Bose.
Want aan U behoort die koninkryk
en die krag en die heerlikheid tot in ewigheid. •Amen.

¹⁴“Want as julle die mense hulle oortredings vergewe, sal julle hemelse Vader julle ook vergewe. ¹⁵Maar as julle die mense nie vergewe nie, sal julle Vader julle ook nie julle oortredings vergewe nie.”

DIEPER DELF: Lees gerus ook Spr 19:11; Jes 58:1-14; 59:1-2.

Spr 19:11;

¹¹Die skranderheid van ‘n mens
maak hom geduldig,
en dit is vir hom ‘n eer
om ‘n oortreding oor te sien.

Jes 58:1-14

58¹“Roep hard uit!
Moenie terughou nie!
Verhef jou stem soos ‘n •ramshoring!
Maak aan my volk
hulle oortredings bekend,
aan die huis van Jakob
hulle sonde!
²Vir My raadpleeg hulle dag ná dag;
kennis van My weë begeer hulle.
Soos ‘n nasie wat geregtigheid uitleef
en nie afwyk van sy God
se beslissings nie,
vra hulle My oor
regverdige beslissings;
die nabyheid van God begeer hulle.
³‘Waarom vas ons,
maar U sien dit nie raak nie,
verootmoedig ons ons,
maar U merk dit nie op nie?’
Kyk, op julle vasdag
kry julle kans vir besigheid,
en jaag julle al julle werknemers aan.
⁴Kyk, net om te twis
en rusie te maak, vas julle,
en om genadeloos
met die vuis te slaan.
Julle vas nie vandag om julle stem
in die hoogte te laat hoor nie.
⁵Is die vas wat Ek verkies dan so,
‘n dag van verootmoediging
vir ‘n mens?
Is dit om die hoof te buig soos ‘n biesie,
en in sak en as te lê?
Is dit wat julle vas noem?
is dit ‘n dag wat die Here
se goedkeuring wegdra?
⁶Is dit nie hierdie vas
wat Ek verkies nie,
dat julle die boeie
van goddeloosheid losmaak,
die stroppe van die juk
stukkend ruk,
verdruktes vry wegstuur
en elke juk breek?
⁷Is dit nie bedoel om vir
hongeriges jou brood te breek,
om aan magteloses
en haweloses onderdak te bied nie?
Wanneer jy iemand sien
wat kaal is, moet jy hom bedek,
en jou nie afsydig hou van jou
eie vlees en bloed nie.”

⁸Dan sal jou lig deurbreek
soos die oggendskemering;
en jou herstel
sal spoedig aanbreek.
Jou geregtigheid sal jou vooruitloop;
die heerlikheid van die Here
sal jou agterhoede dek.
⁹Dan sal jy roep en die Here
sal antwoord.
Jy sal om hulp roep,
en Hy sal sê: “Hier is Ek!”
As jy die juk uit jou midde verwyder,
die vingerwysery
en verderflike gepraat,
¹⁰as jy hulle wat honger is,
jou empatie laat ervaar,
die mens wat verdruk word,
versadig laat word,
sal jou lig in die duisternis skyn;
jou donkerte sal soos helder dag wees.
¹¹Die Here sal jou voortdurend lei;
in dor plekke sal Hy jou keel verkwik,
jou gebeente sal Hy sterk maak.
Jy sal soos ‘n natgeleide tuin wees,
soos ‘n waterbron waarvan
die water nie teleurstel nie.
¹²Sommige uit jou sal die oeroue
puinhope herbou,
die fondamente van geslagte gelede
sal jy weer oprig.
Jy sal genoem word:
die een wat bresse toebou,
die een wat paaie herstel,
sodat mense daar kan woon.
¹³As jy jou voet terughou
van die Sabbat,
jou daarvan weerhou
om te doen wat jy wil
op my heilige dag,
en die Sabbat ‘n vreugde noem,
eerbied toon vir dit wat heilig is
vir die Here,
die dag eer deur nie te doen
wat jy gewoonlik doen nie,
deur nie geleentheid te vind
om jou besigheid te doen
en ‘n saketransaksie
te bespreek nie,

¹⁴dan sal jy jou vreugde vind
by die Here.
“Ek sal jou laat ry op die hoogtes
van die aarde.
Ek sal jou die erfenis van jou vader
Jakob laat geniet.”
Ja, die mond van die Here
het gespreek.

Jes 59:1-2.

59¹Kyk, die hand van die Here
is nie te kort om te verlos nie,
sy oor is nie hardhorend,
sodat Hy nie kan hoor nie.
²Maar julle sondeskuld,
dit het skeiding gebring
tussen julle en julle God.
Julle sondes het Hom sy gesig
vir julle laat verberg,
sodat Hy nie luister nie;

Lees Matt 6:11-15(sien bo) weer stadig deur. Hoe verstaan jy dit? Wat sê Jesus hier?(Miskien selfs méér as wat sommige teoloë wil aanvaar.)

---

Vers 12 sê iets wat jy nie ondeurdag vir God moet vra nie: “ …vergeef ons ons skulde, soos ons ook ons skuldenaars vergewe.” Dink ʼn bietjie. Kan jy, met ’n skoon gewete, deur al die herinneringe van mense wat jy ken (of dalk ooit geken het), blaai en sê dat jy dié wat jou seergemaak of te na gekom het, onvoorwaardelik vergewe het? Kan jy aan jou medegelowiges by die gemeente of kleingroep dink en eerlik sê dat jy geen kwade gevoelens koester nie? Want as jy nie kan nie, verstaan ek uit hierdie gedeelte, dat God jou oortredinge dan ook nie vergewe nie (Matt 6:14-15). Dit is soos ’n handgranaat – as jy dit nie van jou weggooi nie (verkieslik so vêr as moontlik), ontplof dit in jou eie hand. Die ander persoon kom niks oor nie, maar jy sit met bitter gevolge. Die wyse Salomo sê ’n verstandige mens stel sy eer daarin om vergewensgesind te wees. Hy het toe reeds geweet dat dit dom is om nie te vergeef nie.

Miskien het jy lank reeds vir God gevra om jou sondes te vergewe, maar ontdek dit dan steeds op jou eie skouers. Dalk ervaar jy steeds die las, want jy weier om jou broer sy oortreding te vergeef? In Jes 58:1-3; 59:2 blyk dit verder dat God soms nie luister na ons pleidooie nie – oor ons eie oortredings!

Skynbaar het die rabbi’s in die tyd van Jesus, na aanleiding van Amos 2:6(
⁶So sê die Here:
“Oor drie oortredings van Israel,
ja, oor vier, sal Ek dit nie herroep nie;
omdat hulle regverdiges
vir geld verkoop
en behoeftiges
vir ‘n paar sandale.)

, aangevoer dat dit billik is om drie tot vier keer te vergewe. Petrus neem dit ’n bietjie verder en vra vir die Here of sewe maal genoeg sou wees – amper twee keer soveel soos die samelewing vereis. Ek vermoed dat Jesus se antwoord hom bietjie onkant betrap het. Sewentig maal sewe keer! En moenie dink Jesus bedoel 490 keer nie! Nee, sy antwoord beteken jy moet onophoudelik, elke keer, oneindig baie kere vergewe.

Lees Ps 25:6-11; 79:9

Ps 25:6-11;

ז ZAJIN

⁶Dink aan u barmhartigheid
en u troue liefde, Here,
want dit is van altyd af daar.

ח GET

⁷Aan die sondes van my jeug
en my oortredings
moet U nie dink nie;
dink aan my in u troue liefde,
omdat U goed is, Here.

ט TET

⁸Die Here is goed en reg,
daarom leer Hy sondaars die pad.

י JOD

⁹Mag Hy verdruktes lei in wat reg is;
mag Hy hulle sy pad leer.

כ KAF

¹⁰Al die paaie van die Here
is troue liefde en waarheid
vir hulle wat hou by sy verbond
en sy bepalings.

ל LAMED

¹¹Ter wille van u Naam, Here,
vergewe my sondeskuld,
want dit is groot.

Ps 79:9

⁹Help ons, o God wat ons verlos,
ter wille van die eer van u Naam.
Red ons en bedek ons sondes,
ter wille van u Naam.

DIEPER DELF: Lees gerus ook Ps 103; Miga 7:18-19.

Ps 103;

103¹Van Dawid.
Loof die Here, o my siel,
ja, alles wat in my is,
sy heilige Naam!
²Loof die Here, o my siel,
en moenie enige van sy weldade
vergeet nie –
³Hy wat al jou sondeskuld vergewe,
wat al jou siektes genees,
⁴wat jou lewe vrykoop van die graf,
jou kroon met troue liefde
en ontferming,
⁵wat jou begeerte
met die goeie versadig.
Soos ‘n arend word jou jeug
dan weer nuut.
⁶Die Here handhaaf geregtigheid,
die regte van almal wat verdruk word.
⁷Hy het sy weë aan Moses geopenbaar,
aan die Israeliete sy dade.
⁸Barmhartig en genadig is die Here,
geduldig en oorvloedig
in troue liefde;
⁹Hy beskuldig nie vir ewig nie,
en bly nie vir altyd toornig nie.
¹⁰Hy behandel ons nie ooreenkomstig
ons sonde nie
en vergeld ons nie ooreenkomstig
ons sondeskuld nie;
¹¹want so hoog as wat die hemel
bo die aarde is,
so troon sy troue liefde uit bo dié
wat vir Hom ontsag het.
¹²So ver as wat die ooste verwyder
is van die weste,
so ver verwyder Hy ons oortredings
van ons.
¹³Soos ‘n vader hom ontferm
oor kinders,
so ontferm die Here Hom
oor dié wat vir Hom ontsag het;
¹⁴want Hy, Hy weet waarvan
ons gemaak is,
Hy hou in gedagte dat ons
maar stof is.
¹⁵‘n Mens, soos gras is sy lewensdae,
soos ‘n veldblom, so bloei hy.
¹⁶As die wind oor hom waai,
is hy nie meer daar nie
en sy plek ken hom nie meer nie.
¹⁷Maar die troue liefde van die Here
is van altyd af en vir ewig oor hulle
wat vir Hom ontsag het,
en sy geregtigheid geld
vir die kinders se kinders,
¹⁸vir hulle wat sy verbond hou,
en vir hulle wat sy opdragte
in gedagte hou, om dit uit te voer.
¹⁹Die Here het in die hemel
sy troon gevestig,
en sy heerskappy strek oor alles.
²⁰Prys die Here,
julle wat sy boodskappers is,
sterk helde wat sy woord uitvoer
deur sy bevel te gehoorsaam.
²¹Loof die Here, al sy hemelse magte,
sy dienaars wat sy wil volbring.
²²Loof die Here,
alles wat Hy gemaak het,
op al die plekke waar Hy heers!
Loof die Here, o my siel!

Miga 7:18-19

¹⁸Wie is ‘n God soos U?
U is ‘n God wat skuld vergewe,
wat by die oortreding verbygaan
tot voordeel van die oorblyfsel
van sy eiendom,
wat nie vir altyd vasklem
aan sy toorn nie,
maar wat vreugde vind in troue liefde,
¹⁹wat ons weer genadig sal wees,
ons skuld sal vertrap.
U sal al ons sondes in die dieptes
van die see gooi.

Let veral op die REDE wat Dawid aanvoer vir vergifnis. Skryf neer watter leiding jy in hierdie verband by die Gees kry.

---

In Ps 25:11 vra Dawid vir God om sy sondes te vergewe – om sy Naam ontwil. Asaf vra in Ps 79:9 vergifnis van sonde ter wille van God se Naam. (Vgl ook Eseg 20:9.⁹Maar Ek het toe ter wille van my Naam opgetree, sodat dit nie ontheilig sou word in die oë van die nasies tussen wie hulle was nie – die nasies voor wie se oë Ek My aan Israel bekend gemaak het met die belofte om hulle uit Egipteland uit te lei.) God se Naam is hier ter sprake – nie in die eerste plek die mens se behoefte (selfs aan vergifnis) nie! Impliseer sy Naam dan vergifnis? God se vergifnis is so volmaak en volledig dat dit selfs herinneringe aan die oortredings uitwis. Hy verwyder ons oortredinge so ver van ons as die ooste verwyderd is van die weste (Ps 103:12). Noord en Suid is identifiseerbare plekke op die aarde, maar by Wes en Oos sal jy nooit uitkom nie. Net so sal jy en jou sondes nie weer bymekaar uitkom, as God dit vergewe het nie. God verwag van ons om, soos Hy, Oos-Wes te vergewe en nie Noord-Suid nie. Jou voortdurende behoefte aan God se genade moet jou juis ’n draer van genade aan ander maak . (Afgelei van anonieme aanhaling.)

Dink ’n bietjie na: God se mense is God se beelddraers. Niemand gaan jou glo dat God skarlakenrooi sonde wit maak soos sneeu en sonde van purperrooi, wit soos wol (Jes 1:18) as jy dit self nie leef nie.

Jes 1:18
¹⁸“Kom tog,
laat ons die saak uitpraat!”
sê die Here.
“Al is julle sondes rooi soos karmosyn,
dit sal wit word soos sneeu;
al is dit rooi soos skarlaken,
soos wol sal dit word.

Miskien pas die bekende Engelse spreekwoord “Walk the Talk” baie goed hierby.

DIEPER DELF: Lees gerus ook Fil 3:1-17

Fil 3:1-17

3¹Verder, my broers, wees bly in die Here. Om dieselfde dinge aan julle te skryf, is nie vir my moeite nie, en aan julle gee dit vastigheid. ²Waak teen die honde! Waak teen die kwaadstokers! Waak teen die afsnyding!
³Want ons is die besnydenis, ons wat God deur sy Gees dien, ons wat ons op •Christus Jesus beroem, en nie op die liggaamlike dinge vertrou nie, ⁴al het ek self rede om op menslike dinge te vertrou. As iemand anders dink dat hy op menslike dinge kan vertrou, ek nog meer –
⁵Ek is besny op die agtste dag,
afkomstig uit die volk Israel,
uit die stam van Benjamin,
‘n Hebreër uit die Hebreërs;
wat die wet betref, ‘n •Fariseër,
⁶wat ywer betref,
‘n vervolger van die •kerk,
wat •geregtigheid op grond van
wetsbeoefening betref,
onberispelik.
⁷Maar alles wat vir my wins was,
reken ek nou as verlies,
ter wille van Christus.
⁸Inderdaad reken ek alles as verlies,
ter wille van die uitnemendheid
daarvan om Christus Jesus,
my Here, te ken.
Ter wille van Hom,
het alles vir my ‘n verlies geword,
en beskou ek dit as vullis,
sodat ek Christus as wins kan verkry,
⁹en in Hom bevind kan word –
nie met my eie geregtigheid
op grond van die wet nie,
maar met die geregtigheid
deur geloof in Christus,
die regverdiging wat van God kom,
deur die geloof –
¹⁰en sodat ek Christus kan ken,
die krag van sy opstanding,
en die verbondenheid met sy lyding,
deur aan sy dood gelykvormig te word,
¹¹en ek so, hoe dan ook,
die opstanding uit die dood kan bereik.

¹²Nie dat ek dit al verkry het of reeds volmaak is nie, maar ek streef daarna om dit my eie te maak, omdat Christus Jesus my reeds sy eie gemaak het. ¹³Broers, ek reken nie dat ek dit self reeds my eie gemaak het nie, maar een ding doen ek: Ek vergeet die dinge wat agter is, en strek my uit na wat voorlê. ¹⁴Ek beur voort na die wenstreep, om in Christus Jesus die prys van God se roeping van omhoog te bekom. ¹⁵Laat ons, wat geestelik volwasse is, so hieroor dink; maar as julle anders hieroor dink, sal God dit wel aan julle bekend maak. ¹⁶In elk geval, laat ons die pas volhou in ooreenstemming met dit wat ons bereik het.

¹⁷Broers, volg dan my voorbeeld, en let op hulle wat so leef volgens die voorbeeld wat ons aan julle gestel het, 

Die Here het met jou gepraat deur sy Woord en Gees. Nou kan jy met Hom in gebed praat en dit prakties toepas en uitleef tot eer van sy Naam. Vertel Hom wat op jou hart is,,,

DIEPER DELF: handboek, p 165-172
Lees gerus Ps 25; Jes 58; 59; Matt 5:23-24; 18:15-35; Mark 11:25; Luk 17:3-4 ; Rom 2:1-11; 1 Kor 13:4-7; 2 Kor 5:14-6:1; Kol 3:13, 18- 21.

Ps 25;

25¹Van Dawid.

א ALEF

Na U, Here, hunker ek.

ב BET

²My God, op U vertrou ek;
laat my tog nie beskaamd staan nie;
laat my vyande nie oor my jubel nie.

ג GIMEL

³Ja, niemand wat op U wag,
sal beskaamd staan nie;
maar hulle wat sonder rede
ontrou is, sal beskaamd staan.

ד DALET

⁴Here, maak u paaie aan my bekend;
leer my u weë.

ה HE

⁵Lei my deur u waarheid

ו WAW

en leer my,
want U is die God wat my red;
op U wag ek die hele dag.

ז ZAJIN

⁶Dink aan u barmhartigheid
en u troue liefde, Here,
want dit is van altyd af daar.

ח GET

⁷Aan die sondes van my jeug
en my oortredings
moet U nie dink nie;
dink aan my in u troue liefde,
omdat U goed is, Here.

ט TET

⁸Die Here is goed en reg,
daarom leer Hy sondaars die pad.

י JOD

⁹Mag Hy verdruktes lei in wat reg is;
mag Hy hulle sy pad leer.

כ KAF

¹⁰Al die paaie van die Here
is troue liefde en waarheid
vir hulle wat hou by sy verbond
en sy bepalings.

ל LAMED

¹¹Ter wille van u Naam, Here,
vergewe my sondeskuld,
want dit is groot.

מ MEM

¹²Wie is die mens
wat vir die Here ontsag het?
Die Here leer hom die pad
wat hy moet kies.

נ NUN

¹³Sy lewe verloop voorspoedig
en sy nageslag sal die land besit.

ס SAMEK

¹⁴Die Here neem
hulle wat vir Hom ontsag het,
in sy vertroue,
en sy verbond is daar
om hulle te onderrig.

ע AJIN

¹⁵My oë bly altyd op die Here,
want dit is Hy wat my voete
uit die vangnet bevry.

פ PE

¹⁶Draai U na my en wees my genadig,
want ek is eensaam en magteloos.

צ TSADE

¹⁷Die benoudheid van my hart
is oorweldigend;
lei my uit my kwellinge.

ר RESJ

¹⁸Sien tog my ellende
en my swaarkry raak
en vergewe al my sonde.
¹⁹Kyk na my vyande,
hoe baie hulle geword het;
en hoe fel hulle my haat.

שׁ SJIN

²⁰Beskerm tog my lewe en red my;
laat my nie beskaamd staan nie,
want ek skuil by U.

ת TAW

²¹Mag onskuld en opregtheid
oor my wag hou,
want ek wag op U.
²²Bevry Israel, o God,
van al sy benoudheid.

Jes 58;

58¹“Roep hard uit!
Moenie terughou nie!
Verhef jou stem soos ‘n •ramshoring!
Maak aan my volk
hulle oortredings bekend,
aan die huis van Jakob
hulle sonde!
²Vir My raadpleeg hulle dag ná dag;
kennis van My weë begeer hulle.
Soos ‘n nasie wat geregtigheid uitleef
en nie afwyk van sy God
se beslissings nie,
vra hulle My oor
regverdige beslissings;
die nabyheid van God begeer hulle.
³‘Waarom vas ons,
maar U sien dit nie raak nie,
verootmoedig ons ons,
maar U merk dit nie op nie?’
Kyk, op julle vasdag
kry julle kans vir besigheid,
en jaag julle al julle werknemers aan.
⁴Kyk, net om te twis
en rusie te maak, vas julle,
en om genadeloos
met die vuis te slaan.
Julle vas nie vandag om julle stem
in die hoogte te laat hoor nie.
⁵Is die vas wat Ek verkies dan so,
‘n dag van verootmoediging
vir ‘n mens?
Is dit om die hoof te buig soos ‘n biesie,
en in sak en as te lê?
Is dit wat julle vas noem?
is dit ‘n dag wat die Here
se goedkeuring wegdra?
⁶Is dit nie hierdie vas
wat Ek verkies nie,
dat julle die boeie
van goddeloosheid losmaak,
die stroppe van die juk
stukkend ruk,
verdruktes vry wegstuur
en elke juk breek?
⁷Is dit nie bedoel om vir
hongeriges jou brood te breek,
om aan magteloses
en haweloses onderdak te bied nie?
Wanneer jy iemand sien
wat kaal is, moet jy hom bedek,
en jou nie afsydig hou van jou
eie vlees en bloed nie.”
⁸Dan sal jou lig deurbreek
soos die oggendskemering;
en jou herstel
sal spoedig aanbreek.
Jou geregtigheid sal jou vooruitloop;
die heerlikheid van die Here
sal jou agterhoede dek.
⁹Dan sal jy roep en die Here
sal antwoord.
Jy sal om hulp roep,
en Hy sal sê: “Hier is Ek!”
As jy die juk uit jou midde verwyder,
die vingerwysery
en verderflike gepraat,
¹⁰as jy hulle wat honger is,
jou empatie laat ervaar,
die mens wat verdruk word,
versadig laat word,
sal jou lig in die duisternis skyn;
jou donkerte sal soos helder dag wees.
¹¹Die Here sal jou voortdurend lei;
in dor plekke sal Hy jou keel verkwik,
jou gebeente sal Hy sterk maak.
Jy sal soos ‘n natgeleide tuin wees,
soos ‘n waterbron waarvan
die water nie teleurstel nie.
¹²Sommige uit jou sal die oeroue
puinhope herbou,
die fondamente van geslagte gelede
sal jy weer oprig.
Jy sal genoem word:
die een wat bresse toebou,
die een wat paaie herstel,
sodat mense daar kan woon.
¹³As jy jou voet terughou
van die Sabbat,
jou daarvan weerhou
om te doen wat jy wil
op my heilige dag,
en die Sabbat ‘n vreugde noem,
eerbied toon vir dit wat heilig is
vir die Here,
die dag eer deur nie te doen
wat jy gewoonlik doen nie,
deur nie geleentheid te vind
om jou besigheid te doen
en ‘n saketransaksie
te bespreek nie,
¹⁴dan sal jy jou vreugde vind
by die Here.
“Ek sal jou laat ry op die hoogtes
van die aarde.
Ek sal jou die erfenis van jou vader
Jakob laat geniet.”
Ja, die mond van die Here
het gespreek.

Jes 59;

59¹Kyk, die hand van die Here
is nie te kort om te verlos nie,
sy oor is nie hardhorend,
sodat Hy nie kan hoor nie.
²Maar julle sondeskuld,
dit het skeiding gebring
tussen julle en julle God.
Julle sondes het Hom sy gesig
vir julle laat verberg,
sodat Hy nie luister nie;
³want julle handpalms
is deur bloed besoedel,
en julle vingers
deur sondeskuld.
Julle lippe praat leuens,
julle tonge prewel ongeregtigheid.
⁴Niemand beroep hom
op geregtigheid nie,
en niemand bepleit sy saak
met die waarheid nie.
Hulle vertrou op nietighede,
en maak valse uitsprake.
Hulle raak swanger van moeilikheid,
en gee geboorte aan onheil.
⁵Hulle broei die eiers van kobras uit,
en weef spinnerakke.
Wie van daardie eiers eet, sterf;
en as dit stukkend gedruk word,
peul daar adders uit.
⁶Hulle spinnerakdrade deug nie
vir klere nie –
met hulle handewerk kan mense
hulleself nie bedek nie.
Hulle handewerk is onheilswerk –
dade van geweld is in hulle hande.
⁷Hulle voete hardloop na die kwaad;
hulle haas hulle om onskuldige
bloed te vergiet.
Hulle planne is planne van onheil;
daar is verwoesting en vernietiging
op hulle hoofpaaie.
⁸Die pad van vrede ken hulle nie.
Daar is geen regverdige optrede
op hulle roetes nie.
Hulle maak self hulle paaie
vol kinkels;
niemand wat daarop loop,
ervaar vrede nie.
⁹Daarom is regverdigheid
ver van ons,
geregtigheid bereik ons nie.
Ons wag op die lig,
maar kyk, daar is duisternis –
op ‘n ligskynsel,
maar ons dwaal in die donker.
¹⁰Ons tas soos blindes aan ‘n muur,
asof sonder oë tas ons rond.
Ons slaan helder oordag neer,
asof dit skemeraand is;
ons slaan tussen gesondes neer,
asof ons dooies is.
¹¹Soos bere grom ons almal,
soos duiwe kla ons aanhoudend.
Ons wag op regverdigheid,
maar daar is niks nie –
op verlossing,
maar dit bly ver van ons.
¹²Want ons oortredings voor U is baie,
ons sonde getuig teen ons.
Ja, ons oortredings is met ons,
en ons sondeskuld – ons ken dit:
¹³Ons oortree teenoor,
en verloën die Here;
ons draai weg van ons God af
deur te praat oor afpersing
en wat vals is.
Ons het swanger geraak
van leuentaal,
en prewel dit uit die hart.
¹⁴So is regverdigheid teruggedwing,
en bly geregtigheid ver weg staan.
Ja, op die dorpsplein
struikel die waarheid,
en openhartigheid
kan nie daar kom nie.
¹⁵So gebeur dit dat trou ontbreek.
Wie afwyk van die kwaad,
word beroof.
Die Here sien dit,
en dit is verkeerd in sy oë dat daar
geen regverdigheid is nie.
¹⁶Hy het gesien dat daar niemand is nie,
en was verbaas dat niemand tussenbeide tree nie.
Sy voorarm het Hom bygestaan,
en sy geregtigheid,
dit het Hom ondersteun.¹⁷Hy het geregtigheid aangetrek

as ‘n harnas,
met die helm van verlossing
op sy hoof.
Hy trek klere van wraak
as sy uitrusting aan;
Hy draai Hom toe in ywer
soos in ‘n mantel.
¹⁸Volgens verdienste vergeld Hy:
woede vir sy teenstanders,
en wat hulle verdien, vir sy vyande.
Die eilande vergeld Hy
volgens verdienste.
¹⁹In die weste sal hulle ontsag hê
vir die Naam van die Here,
in die ooste vir sy heerlikheid.
Want Hy sal kom soos ‘n rivier
in ‘n vernouing,
wat deur die wind van die Here
voortgedryf word.
²⁰“’n Losser sal na Sion kom;
Hy sal na dié in Jakob kom
wat hulle bekeer van oortredings,”
is die uitspraak van die Here.
²¹“Wat My betref,
dit is my verbond met hulle,”
sê die Here:
“My Gees wat op jou rus
en my woorde wat Ek
in jou mond gelê het,
sal nie uit jou mond wyk,
of uit die mond
van jou nageslag,
of uit die mond
van jou nageslag se nageslagte nie,
van nou af en vir altyd,” sê die Here.

Matt 5:23-24;
²³“En wanneer jy jou offergawe na die altaar bring en daar onthou dat jou broer iets teen jou het, ²⁴laat jou offergawe net daar by die altaar en gaan versoen jou eers met jou broer, en gaan gee dan jou offergawe.

Matt 18:15-35;

¹⁵“As jou broer teen jou sondig, moet jy hom teregwys waar julle twee alleen is. As hy na jou luister, het jy jou broer teruggewen. ¹⁶As hy nie luister nie, neem nog een of twee met jou saam, sodat in die mond van twee of drie getuies elke saak bevestig mag word. ¹⁷As hy weier om na hulle te luister, sê dit vir die •gemeente. En as hy ook weier om na die gemeente te luister, laat hy vir jou wees soos die heiden en die •tollenaar.

¹⁸“•Amen, Ek sê vir julle: Wat julle ook al op aarde bind, sal in die hemel gebind wees, en wat julle ook al op aarde ontbind, sal in die hemel ontbind wees. ¹⁹Verder, amen, Ek sê vir julle: As twee van julle op aarde saamstem oor enigiets wat julle vra, sal my Vader in die hemele dit aan julle toestaan. ²⁰Want waar twee of drie in my Naam byeen is, daar is Ek in hulle midde.”

HERHAALDELIKE VERGIFNIS

²¹Toe het •Petrus nader gekom en Hom gevra: “Here, hoeveel keer sal my broer teen my sondig en ek hom vergewe? Tot sewe keer toe?” ²²Jesus antwoord hom: “Ek sê vir jou, nie tot sewe keer nie, maar tot sewentig maal sewe keer.

²³“Daarom is die •koninkryk van die hemele soos ‘n koning wat rekenskap van sy slawe wou eis. ²⁴Toe hy hulle skuld begin nagaan, is een wat tienduisend talent verskuldig was, na hom gebring. ²⁵Omdat hy nie kon terugbetaal nie, het die heer beveel dat hy, asook sy vrou en kinders en alles wat hy besit, verkoop word en dat die skuld so terugbetaal moes word. ²⁶Die slaaf het toe voor hom op die grond neergeval, laag voor hom gebuig en gesê, ‘Wees geduldig met my, en ek sal u alles terugbetaal.’ ²⁷Die heer van daardie slaaf het hom innig jammer gekry, hom vrygelaat en sy skuld vir hom kwytgeskeld. ²⁸Maar toe daardie slaaf uitgaan, het hy een van sy medeslawe gekry wat hom honderd denarius geskuld het. Hy het hom aan die keel gegryp, gewurg en gesê, ‘Betaal terug wat jy skuld!’ ²⁹Sy medeslaaf val toe neer en smeek hom, ‘Wees geduldig met my, en ek sal jou terugbetaal.’ ³⁰Maar hy wou nie – inteendeel, hy het weggegaan en hom in die tronk laat gooi, totdat hy die verskuldigde bedrag sou terugbetaal.

³¹“Toe sy medeslawe sien wat gebeur het, was hulle baie ontsteld en het vir hulle heer alles gaan vertel wat gebeur het. ³²Daarop ontbied sy heer hom en sê vir hom, ‘Jou slegte slaaf! Al daardie skuld het ek jou kwytgeskeld omdat jy my gesmeek het. ³³Moes jy nie ook jou medeslaaf begenadig soos ek jou begenadig het nie?’ ³⁴En sy heer het kwaad geword en hom aan die folteraars oorgegee totdat hy al die skuld sou terugbetaal. ³⁵So sal my hemelse Vader ook met julle maak as julle nie elkeen sy broer van harte vergewe nie.”

Mark 11:25;
²⁵En wanneer julle staan en bid – as julle iets teen iemand het, vergeef hom, sodat julle Vader in die hemele julle ook julle oortredings kan vergeef.”

Luk 17:3-4 ;
 ³Wees dus op julle hoede. As jou broer sondig, wys hom tereg, en as hy berou het, vergewe hom. ⁴En as hy sewe maal op een dag teen jou sondig, en sewe maal na jou terugkom en sê, ‘Ek het berou’, moet jy hom vergewe.”

Rom 2:1-11;
2¹Daarom is daar vir jou, o mens, wat oordeel, wie jy ook al is, geen verontskuldiging nie. Met die oordeel wat jy oor die ander persoon uitspreek, veroordeel jy immers jouself, omdat jy wat oordeel, dieselfde doen. ²Ons weet dat God se oordeel na waarheid oor mense kom wat sulke dinge doen. ³Dink jy, o mens, wat ander veroordeel wat sulke dinge doen terwyl jy dieselfde dinge doen, dat jy God se oordeel sal vryspring? ⁴Of verag jy die rykdom van sy goedheid, verdraagsaamheid en geduld, en besef jy nie dat God se goedheid jou tot bekering wil bring nie? ⁵Deur jou hardkoppigheid en onbekeerlike hart is jy besig om toorn teen jouself op te stapel op die dag van toorn, wanneer die regverdige oordeel van God geopenbaar sal word. ⁶“Hy sal elkeen beloon volgens sy dade:” ⁷die ewige lewe aan diegene wat deur volgehoue goeie werke streef na heerlikheid, eer en onsterflikheid, ⁸maar toorn en gramskap aan diegene wat uit eiesinnigheid ongehoorsaam is aan die waarheid en gehoorsaam aan die ongeregtigheid. ⁹Verdrukking en benoudheid wag vir elke mens wat aanhou kwaad doen, eerstens vir die Jood, maar ook vir die Griek. ¹⁰Maar heerlikheid, eer en vrede wag vir elkeen wat die goeie doen, eerstens vir die Jood, maar ook vir die Griek. ¹¹Want God beoordeel niemand volgens sy uiterlike nie.

1 Kor 13:4-7;

⁴Liefde bly geduldig,
liefde gee om,
liefde is nie jaloers nie,
spog nie,
en is nie verwaand nie.
⁵Liefde tree nie onbehoorlik op nie,
jaag nie eiebelang na nie,is nie liggeraak nie.

Dit hou nie boek van die kwaad nie,
⁶is nie bly oor onreg nie,
maar is saam bly oor die waarheid.
⁷Dit bedek alles,
glo alles,
hoop alles,
verduur alles.

2 Kor 5:14-6:1;

¹⁴Die liefde van •Christus dryf ons, omdat ons tot dié insig gekom het dat, indien Een vir almal gesterf het, almal dan gesterf het; ¹⁵en Hy het ter wille van almal gesterf, sodat dié wat leef, nie meer vir hulleself sal leef nie, maar vir Hom wat ter wille van hulle gesterf het en opgewek is.

¹⁶Gevolglik ken ons van nou af niemand meer na sy uiterlike nie. Selfs al het ons Christus eens na die uiterlike leer ken, ken ons Hom nou nie meer so nie. ¹⁷Daarom, as iemand in Christus is, is hy ‘n nuwe skepping. Die ou dinge het verbygegaan – kyk, hulle het nuut geword. ¹⁸En dit alles kom van God af, wat ons deur Christus met Homself versoen het, en aan ons die bediening van die versoening gegee het. ¹⁹Dit bestaan daarin dat God in Christus die wêreld met Homself versoen het deur hulle nie hulle oortredings toe te reken nie; en Hy het aan ons die boodskap van versoening toevertrou. ²⁰Ons tree dan op as gesante ter wille van Christus, asof God self deur ons ‘n beroep op julle doen. Ons pleit by julle, om Christus ontwil: Laat julle met God versoen! ²¹Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.
6¹As medewerkers van God doen ons ‘n ernstige beroep op julle om nie die genade van God tevergeefs te ontvang nie!

Kol 3:13, 18- 21.
¹³Verdra mekaar en, as enigiemand ‘n klagte teen iemand anders het, vergewe mekaar. Soos die Here julle vergewe het, so moet julle ook vergewe.
¹⁸Vroue, julle moet onderdanig wees aan julle mans, soos dit gepas is vir mense in die Here. ¹⁹Mans, julle moet julle vroue liefhê, en nie verbitterd teenoor hulle raak nie. ²⁰Kinders, julle moet julle ouers in alle opsigte gehoorsaam, omdat dit vir die Here aanneemlik is. ²¹Vaders, julle moenie julle kinders treiter, sodat hulle moedeloos word nie. 

WENK: Jy weet wat die Here vandag van jou vra. (Om jou geheue te verfris: lees weer die boublok hierbo.) Werk vandag aan jou
verhoudings!

Onthou om die bladsy vir die week se groepgesprek te voltooi!

WEEK-8_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 38
Verhoudings
Week 8
Leiers en verhoudings

SOOS ALEXANDER …

Daar word vertel dat Alexander die Grote ’n gedrewe en gemotiveerde leier was, wat nie met mislukkings tevrede was nie. Hy was uiters streng en self ’n dapper kryger. Die verhaal lui dat een van die jong wagte op ’n nagwaak uitgevang is, waar hy op sy wagpos aan die slaap geraak het. Hy is voor Alexander gebring. Op die vraag van sy keiser: “Seun, wat is jou naam?”, het die vreesbevange jongman geantwoord: “ Alexander, my keiser.” “Wat sê jy is jou naam?!”, skree die woedende keiser vir die jongman. “My naam is Alexander, my heer”, sê die jongman skaam, vreesbevange en verleë. Die verhaal lui dat Alexander se reaksie almal verstom het, aangesien hulle verwag het dat hy die jongman met die dood sou straf. Alexander het egter die jongman aangekyk en gesê: “As jou naam Alexander is – gaan leef dan soos ALEXANDER!”

Hierdie woorde eggo appellerend in ’n mens se ore. Raak daarom eers ’n paar minute emosioneel en geestelik stil in God se teenwoordigheid. Vertel Hom van jou verwagting om ’n besondere ontmoeting met Hom te hê. Moenie gejaagd wees nie. Wees ontvanklik om te hoor wat Hy deur sy Gees vir jou wil sê.

God se Gees praat primêr met ons deur sy Woord. Lees die volgende Skrifgedeeltes met die wete dat Hy daardeur met jou persoonlik wil praat: Fil 2:1-5; Rom 15:1-7.

Fil 2:1-5;

2¹Daarom, as daar enige aansporing in •Christus is, as daar enige troos uit die liefde is, as daar enige gemeenskap van die Gees is, as daar enige innige meelewing en ontferming is, ²maak dan my blydskap volkome deur eensgesind te wees – een in liefde, een van gees, een in denke; ³deur nie iets uit selfsug of ydelheid te doen nie, maar in nederigheid die een die ander hoër te ag as homself; ⁴deur elkeen nie net na sy eie belange om te sien nie, maar ook na dié van ander.

⁵Laat dan die gesindheid wat daar in Christus Jesus was, ook in julle wees:

Rom 15:1-7

¹Ons wat sterk is in die geloof, is verplig om die swakhede te dra van diegene wat nie sterk is nie, en nie onsself te behaag nie. ²Laat elkeen van ons sy medemens behaag met die oog op wat vir hom goed is en hom kan opbou. ³•Christus het tog ook nie Homself behaag nie, maar, soos daar geskryf staan:
“Die beledigings van hulle
wat U beledig,
het My getref.”
⁴Alles wat vroeër opgeteken is, is tog vir ons tot lering opgeteken, sodat ons hoop kan hê deur die volharding en die bemoediging wat ons uit die Skrif ontvang. ⁵En mag die God wat volharding en bemoediging bewerk, gee dat julle onder mekaar eensgesind sal wees, ooreenkomstig die wil van Christus Jesus, ⁶sodat julle eenparig, ja, uit een mond, aan God, die Vader van ons Here Jesus Christus, die lof sal bring.

⁷Daarom, aanvaar mekaar, soos •Christus julle ook aanvaar het, tot eer van God.

Jy kon sekerlik agterkom dat hierdie gedeeltes in die eerste plek iets te sê het oor die verhouding tussen God en sy kinders.

DIEPER DELF: Lees gerus ook Fil 1:27; 4:2-5.

Fil 1:27;

²⁷Nog net dit: Tree so op dat dit die evangelie van •Christus waardig is, sodat, of ek kom en julle sien, of nie teenwoordig is nie, ek aangaande julle omstandighede mag hoor dat julle in één gees vasstaan, en een van hart en siel saam stry vir die geloof in die evangelie,

Fil 4:2-5

²Ek vermaan Euodia en ek vermaan Sintige om in die Here eensgesind te wees. ³Ja, ek vra jou ook, getroue medewerker, help hierdie vroue. Hulle het saam met my vir die saak van die evangelie gestry, ook saam met Klemens en my ander medewerkers wie se name in die boekrol van die lewe staan. ⁴Verbly julle altyd in die Here! Ek herhaal: Verbly julle! ⁵Laat julle vriendelikheid aan alle mense bekend word. Die Here is naby.

Hoe sou jy die kernwaarheid wat in hierdie verse voorkom beskryf?

---

Watter praktiese implikasie(s) het my verhouding as kind met God, my Vader, vir my verhouding(s) met God se ander kinders? Kyk weer na die teksgedeeltes hierbo en beantwoord dan die vraag so prakties as moontlik.

---

DIEPER DELF: Lees gerus ook 1 Joh 5:1-2.

1 Joh 5:1-2.

¹Elkeen wat glo dat Jesus die •Christus is, is uit God gebore, en elkeen wat die Vader liefhet, het ook almal lief wat uit Hom gebore is. ²Hieraan weet ons dat ons die kinders van God liefhet: wanneer ons God liefhet, en sy gebooie nakom.

Lees Joh 13:34-35; Rom 13:8; Gal 5:13-17.

Joh 13:34-35;

³⁴Ek gee julle ‘n nuwe gebod: Julle moet mekaar liefhê. Net soos Ek julle liefgehad het, moet julle ook mekaar liefhê. ³⁵Dit is hoe almal sal weet dat julle my dissipels is – as julle liefde teenoor mekaar het.”

Rom 13:8;

⁸Wees aan niemand iets verskuldig nie, behalwe die verpligting om mekaar lief te hê. Wie sy medemens liefhet, het die wet vervul.

Gal 5:13-17

¹³Julle, broers, is tog tot vryheid geroep. Moet net nie julle vryheid misbruik, sodat dit aanleiding gee vir die vlees nie, maar dien mekaar deur liefde. ¹⁴Want die hele wet word in één uitspraak vervul: “Jy moet jou naaste liefhê soos jouself.” ¹⁵As julle mekaar byt en verslind, pas op dat julle nie deur mekaar verorber word nie!

¹⁶Maar ek sê: Leef deur die Gees, dan sal julle beslis nie die begeertes van die vlees uitvoer nie. ¹⁷Want die vlees begeer teen die Gees, en die Gees begeer teen die vlees; die twee opponeer mekaar, sodat julle dit wat julle ook al wil, nie kan doen nie.

DIEPER DELF: Lees gerus ook Matt 25:30-46; Fil 2:5-11; 1 Pet 1:22

Matt 25:30-46;

³⁰En gooi die nuttelose slaaf uit in die duisternis daarbuite. Daar sal ‘n geween wees en ‘n gekners van tande.’ ”

³¹“Wanneer die •Seun van die Mens in sy heerlikheid kom, en al die engele saam met Hom, sal Hy op sy glansryke troon gaan sit. ³²Al die nasies sal voor Hom byeengebring word, en Hy sal hulle van mekaar skei soos ‘n herder die skape van die bokke skei. ³³Die skape sal Hy aan sy regterhand laat staan en die bokke aan sy linkerhand. ³⁴Dan sal die Koning vir dié aan sy regterhand sê, ‘Julle, geseëndes van my Vader, kom beërf die koninkryk, wat vir julle gereedgemaak is van die grondlegging van die wêreld af. ³⁵Want Ek was honger, en julle het vir My iets te ete gegee; Ek was dors, en julle het vir My iets te drinke gegee; Ek was ‘n •vreemdeling, en julle het My as ‘n gas verwelkom; ³⁶Ek was nakend, en julle het My geklee; Ek was siek, en julle het My versorg; Ek was in die tronk, en julle het My besoek.’ ³⁷Dan sal die •regverdiges Hom antwoord, ‘Here, wanneer het ons U honger gesien en gevoed, of dors en iets te drinke gegee? ³⁸En wanneer het ons U as ‘n vreemdeling gesien, en as gas verwelkom, of nakend, en U geklee? ³⁹En wanneer het ons U siek of in die tronk gesien, en U besoek?’ ⁴⁰Maar die Koning sal vir hulle sê, ‘•Amen, Ek sê vir julle: Wat julle ook al vir een van hierdie geringste broers van My gedoen het, het julle vir My gedoen.’

⁴¹“Dan sal Hy vir dié aan sy linkerhand sê, ‘Gaan weg van My, julle vervloektes, in die ewige vuur, wat gereedgemaak is vir die Duiwel en sy engele. ⁴²Want Ek was honger, en julle het My nie iets te ete gegee nie, dors, en julle het My nie iets te drinke gegee nie. ⁴³Ek was ‘n vreemdeling, en julle het My nie as gas verwelkom nie, nakend, en julle het My nie geklee nie, siek en in die tronk, en julle het My nie besoek nie.’ ⁴⁴Dan sal hulle antwoord, ‘Here, wanneer het ons U honger gesien, of dors, of as ‘n vreemdeling, of nakend, of siek, of in die tronk, en U nie versorg nie?’ ⁴⁵Dan sal Hy hulle antwoord, ‘Amen, Ek sê vir julle: Wat julle vir een van hierdie geringstes nie gedoen het nie, het julle ook nie vir My gedoen nie.’ ⁴⁶Hierdie mense sal weggaan na die ewige straf, maar die regverdiges na die ewige lewe.”

Fil 2:5-11;

⁵Laat dan die gesindheid wat daar in Christus Jesus was, ook in julle wees:
⁶Hoewel Hy in die gestalte van God was,
het Hy gelykheid aan God nie beskou as iets om aan vas te klem nie,
⁷maar Hy het Homself daarvan leeggemaak,
deur die gestalte van ‘n slaaf aan te neem
en aan mense gelyk te word.
En toe Hy in die vorm van ‘n mens verskyn het,
⁸het Hy Homself verneder,
deurdat Hy gehoorsaam
geword het tot die dood toe,
ja, die dood aan die kruis.
⁹Daarom het God Hom
ook uitermate verhoog
en aan Hom die Naam geskenk
wat bo elke naam is,
¹⁰sodat in die Naam van Jesus
elke knie sal buig –
van diegene in die hemel
en op die aarde
en onder die aarde –
¹¹en elke tong sal bely,
“Jesus Christus is die Here!”
tot eer van God die Vader.

1 Pet 1:22

²²Omdat julle julle innerlike, in gehoorsaamheid aan die waarheid, tot ongeveinsde broederliefde gereinig het, moet julle mekaar innig met rein harte liefhê. 

Wat sou ’n verskil maak in ons getuienis en aan die eer wat God
toekom?

---

Teen hierdie agtergrond – hoe sou jy jou eie verhouding met ander beoordeel? Sê nou maar jy moes jouself ’n punt uit 10 gee vir hoe jou verhouding met ander mense, bydra tot God se eer – hoeveel sou jy jouself gee?

---

Twee stellings:

• “The church is a people, a community of people, who owe their existence, their solidarity and their corporate distinctness from other communities to one thing only – the call of God. Such is the church, God’s people, called out of the world to Himself, called to holiness, called to mission, called to suffering, and called through suffering to glory. And this calling of the church is the calling of the whole church and of every member of the church, without any distinction or partiality.”–John Stott
• “Dis nie moontlik om die boodskap van versoening (2 Kor 5:14-21) te verkondig as ons self met gekoesterde gebroke verhoudings saamleef nie. Ons verkondig die evangelie van liefde – ons kan nie iets met geloofwaardigheid verkondig wat ons self nie uitleef nie!”

2 Kor 5:14-21

¹⁴Die liefde van •Christus dryf ons, omdat ons tot dié insig gekom het dat, indien Een vir almal gesterf het, almal dan gesterf het; ¹⁵en Hy het ter wille van almal gesterf, sodat dié wat leef, nie meer vir hulleself sal leef nie, maar vir Hom wat ter wille van hulle gesterf het en opgewek is.

¹⁶Gevolglik ken ons van nou af niemand meer na sy uiterlike nie. Selfs al het ons Christus eens na die uiterlike leer ken, ken ons Hom nou nie meer so nie. ¹⁷Daarom, as iemand in Christus is, is hy ‘n nuwe skepping. Die ou dinge het verbygegaan – kyk, hulle het nuut geword. ¹⁸En dit alles kom van God af, wat ons deur Christus met Homself versoen het, en aan ons die bediening van die versoening gegee het. ¹⁹Dit bestaan daarin dat God in Christus die wêreld met Homself versoen het deur hulle nie hulle oortredings toe te reken nie; en Hy het aan ons die boodskap van versoening toevertrou. ²⁰Ons tree dan op as gesante ter wille van Christus, asof God self deur ons ‘n beroep op julle doen. Ons pleit by julle, om Christus ontwil: Laat julle met God versoen! ²¹Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.

Hoe voel jy oor hierdie (skerp) woorde? Skryf neer wat dit prakties vir jou beteken.

---

Dit bring ons by ’n laaste, maar uiters belangrike vraag: Hoe sien jou verhouding met die Here op hierdie oomblik daaruit? (Eerlik, want dit beïnvloed elke ander verhouding!) En: hoe lyk (die) God wat jy en jou gemeente vir die wêreld wys? (Dink sommer ook aan die gesigte en gesindheid van jou mede-kerkgangers Trek dit mense nader aan Christus?)

---

(Kyk weer terug na Week 1 Dag 1 en dit wat jy toe daar geskryf het – het daar al verandering, vernuwing en groei plaasgevind?)

Miskien het jy behoefte om hieroor met die Here te praat….
Maak dan die beste gebruik van hierdie geleentheid (Ef 5:16 ¹⁶Koop die tyd uit, omdat die dae vol boosheid is) en moenie in die slaggat val van uitstel nie …

Luister na snit 11 (DIS ALWAT EK VRA: 1 KOR:13) op die ingeslote CD.

DIS ALWAT EK VRA: 1 KOR:13 – Johann Botes

DIS ALWAT EK VRA: 1 KOR:13 – Johann Botes

Net een ding wil ek vra o Heer
Dis al wat ek van U begeer
’n Liefde in my hart, ’n liefde van U, slegs van U
Dis al wat ek vra van U Heer

Al is daar geloof, ’n vreemde taal
Al sou ek aan ander alles gee
Dan baat dit my niks, sonder liefde is ek niks
Dis al wat ek vra van U Heer

Geloof, hoop en liefde, hierdie drie o Heer
Maar ek vra van U die grootste, die liefde my Heer
Dit bedek, hoop, glo, verdra en sal nooit kan vergaan
Ek vra die allerbeste, die liefde van U o Heer

Die liefde is geduldig, nooit verwaand
Dit soek nie sy eie belang
Dis nooit nie jaloers en reken die kwaad nie toe
Ja dis al wat ek vra van U Heer

Geloof, hoop en liefde, hierdie drie o Heer
Maar ek vra van U die grootste, die liefde my Heer
Dit bedek, hoop, glo, verdra en sal nooit kan vergaan
Ek vra die allerbeste, die liefde van U Heer

DIEPER DELF: handboek, p 165-172
Lees gerus Sag 7:1-14; Matt 22:37-40; Joh 15:17; 1 Tess 3:12; 4:9; 1 Joh 4:7-21.

Sag 7:1-14;

7¹In die vierde regeringsjaar van koning Darius, op die vierde dag van die negende maand, Kislef, was dít die woord van die Here aan Sagaria. ²Bet-El het Sar-Eser en Regem-Meleg met sy manne gestuur om die Here se guns te soek. ³ Hulle moes vir die priesters van die huis van die Here, Heerser oor alle magte, en vir die profete vra: “Moet ek nog in die vyfde maand huil terwyl ek my van baie dinge onthou, soos ek so baie jare lank gedoen het?”

⁴Toe was dít die woord van die Here, Heerser oor alle magte, aan my: ⁵“Sê vir die hele volk van die land en vir die priesters, ‘Toe julle in hierdie sewentig jaar in die vyfde en sewende maand gevas en gerou het, het julle werklik om my ontwil gevas? ⁶En wanneer julle eet en wanneer julle drink, eet en drink julle nie net soos gewoonlik nie?’ ⁷Is dit nie die woorde wat die Here by monde van vroeëre profete verkondig het nie, toe Jerusalem en sy omliggende dorpe nog rustig en bewoon was, en ook die Negev en die Sjefela nog bewoon was?”

⁸Daarna was die woord van die Here aan Sagaria: ⁹“So sê die Here, Heerser oor alle magte, ‘Laat die waarheid seëvier in julle regspraak; betoon troue liefde en barmhartigheid aan mekaar. ¹⁰Moenie weduwees, weeskinders, •vreemdelinge en armes verdruk nie; moenie bose planne in julle harte teenoor mekaar bedink nie.’ ”¹¹Maar hulle het geweier om te luister; hulle was halsstarrig. Hulle het hulle ore toegestop sodat hulle nie kon hoor nie. ¹²Hulle het hulle harte verhard, so hard soos ‘n diamant, sodat hulle nie die wet en die woorde gehoor het wat die Here, Heerser oor alle magte, deur sy Gees en deur die vroeëre profete gestuur het nie. Daarom was daar van die kant van die Here, Heerser oor alle magte, ‘n baie groot oordeel uit toorn.

¹³“ ‘Soos hulle nie geluister het toe daar geroep is nie, so roep hierdie mense en luister Ek nie,’ sê die Here, Heerser oor alle magte. ¹⁴‘Ek gaan hulle wegwaai tot tussen al die nasies wat hulle nie geken het nie. Agter hulle sal die land verlate wees; niemand sal daardeur trek of daarheen terugkeer nie. Hulle het van ‘n pragtige land ‘n verlate plek gemaak.’ ”

Matt 22:37-40;

³⁷Hy het vir hom gesê: “ ‘Jy moet die Here jou God liefhê met jou hele hart en met jou hele siel en met jou hele verstand.’ ³⁸Dit is die belangrikste en die eerste gebod. ³⁹En die tweede wat hieraan gelyk staan, is, ‘Jy moet jou naaste liefhê soos jouself.’ ⁴⁰Op hierdie twee gebooie berus die hele Wet en die Profete.”

Joh 15:17;

¹⁷Dit beveel Ek julle: Julle moet mekaar liefhê

1 Tess 3:12;

¹²mag die Here julle liefde vir mekaar en vir almal laat toeneem en oorvloedig maak, soos ons liefde vir julle ook is. 

1 Tess 4:9;

⁹Oor die broederliefde is dit nie nodig dat ek vir julle skryf nie, want julle is self deur God geleer om mekaar lief te hê.

1 Joh 4:7-21

⁷Geliefdes, laat ons mekaar liefhê,
want die liefde is uit God,
en elkeen wat liefhet,
is uit God gebore
en ken God.
⁸Wie nie liefhet nie,
het God nie leer ken nie,
want God is liefde.
⁹Hierin is die liefde van God
aan ons geopenbaar:
dat God sy unieke Seun
na die wêreld gestuur het,
sodat ons deur Hom kan leef.
¹⁰Hierin bestaan die liefde:
nie dat ons God liefgehad het nie,
maar dat Hy ons liefgehad het,
en sy Seun gestuur het
as versoening vir ons sondes.

¹¹Geliefdes, as God ons so liefgehad het, behoort ook óns mekaar lief te hê. ¹²Niemand het God ooit aanskou nie. As ons mekaar liefhet, bly God in ons, en het sy liefde in ons tot vervulling gekom. ¹³Hieraan weet ons dat ons in Hom bly, en Hy in ons: Hy het ons aan sy Gees laat deel kry. ¹⁴En ons het dit aanskou, en ons getuig daarvan, dat die Vader die Seun as Verlosser van die wêreld gestuur het. ¹⁵Wie ook al bely dat Jesus die •Seun van God is, God bly in hom, en hy in God. ¹⁶Ons ken en vertrou die liefde wat God vir ons het.

God is liefde. En wie in die liefde bly, bly in God, en God bly in hom. ¹⁷Hierin het die liefde onder ons tot vervulling gekom: Ons sal op die oordeelsdag vrymoedigheid hê, omdat ons in hierdie wêreld ook soos Jesus is. ¹⁸In die liefde is daar geen vrees nie. Inteendeel, volmaakte liefde dryf die vrees na buite; want vrees het te doen met straf, en wie vrees, het nie volmaak geword in die liefde nie. ¹⁹Ons het lief, omdat Hy ons eerste liefgehad het. ²⁰As iemand sê, “Ek het God lief”, en sy broer haat, is hy ‘n leuenaar. Want wie sy broer, wat hy sien, nie liefhet nie, kan nie God liefhê, wat hy nie sien nie. ²¹En dit is die gebod wat ons van Hom ontvang het: Wie God liefhet, moet ook sy broer liefhê.

Sien Figuur 9 van Bylae 2, p 173

WENK: Oordink vandag hierdie twee gedagtes:

• As jy ’n Christen is – gaan leef dan soos CHRISTUS!
• The beauty of life does not depend on how happy you are, but on how happy others can be… because of God’s love through you!

Onthou om die bladsy vir die week se groepgesprek te voltooi!

WEEK-8_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 37
Leiers se invloed moeilik oorskat
Week 8
Leiers en verhoudings

SOOS EK Sê NIE SOOS EK MAAK NIE …

Probeer vandag ontvanklik-stil wees in God se teenwoordigheid. Fokus jou gedagtes op sy sorg en liefde. Luister wat Hy deur sy Gees vir jou sê.

Lees 1 Kor 13 en hou in gedagte dat hierdie bekende hoofstuk ook maar net ’n ten dele -prentjie van liefde kan skilder. God se liefde is nie in woorde of gedagtes vertaalbaar of uitdrukbaar nie!

1 Kor 13
LIED VAN DIE LIEFDE

13¹Al praat ek die tale
van mense en engele,
maar ek het nie liefde nie,
dan het ek ‘n weergalmende ghong
of ‘n kletterende simbaal geword.
²En al profeteer ek,
en begryp ek alle geheime,
en besit ek alle kennis,
en al het ek al die geloof
om berge te versit,
maar ek het nie liefde nie,
is ek niks!
³Al deel ek al my besittings uit,
en gee ek my liggaam oor,
sodat ek my daarop kan beroem,
maar ek het nie liefde nie,
baat dit my niks.

⁴Liefde bly geduldig,
liefde gee om,
liefde is nie jaloers nie,
spog nie,
en is nie verwaand nie.
⁵Liefde tree nie onbehoorlik op nie,
jaag nie eiebelang na nie,
is nie liggeraak nie.
Dit hou nie boek van die kwaad nie,
⁶is nie bly oor onreg nie,
maar is saam bly oor die waarheid.
⁷Dit bedek alles,
glo alles,
hoop alles,
verduur alles.

⁸Liefde faal nooit nie.
Maar profesieë,
dit sal tot ‘n einde kom;
of tale, dit sal ophou;
of kennis, dit sal tot niet gaan.
⁹Want ons ken gedeeltelik,
en ons profeteer gedeeltelik,
¹⁰maar wanneer die volmaakte gekom het,
sal wat gedeeltelik is, ophou bestaan.
¹¹Toe ek nog ‘n kind was,
het ek gepraat soos ‘n kind,
gedink soos ‘n kind,
geredeneer soos ‘n kind.
Noudat ek volwasse is,
het ek die dinge van ‘n kind agtergelaat.
¹²Nou sien ons wel ‘n geheimnisvolle beeld,
soos in ‘n spieël,
maar eendag van aangesig tot aangesig.
Nou ken ek slegs gedeeltelik,
maar eendag sal ek ten volle ken,
soos ek ten volle geken is.

¹³En nou bly geloof, hoop en liefde,
hierdie drie –
maar die grootste hiervan is die liefde

Gister het ons agtergekom dat leierskap in God se Koninkryk ’n uiters belangrike funksie vervul. Inteendeel, die Bybelse getuienis bevestig dat die Here byna sonder uitsondering deur leiers werk. Voordat ons met vandag se studie begin, moet ons van ’n ander belangrike vertrekpunt sekermaak. Leiers word nie deur hulself aangestel nie. Waar mense leiersrolle beklee as gevolg van eie ambisie of agendas, stuur dit op ’n katastrofe af – en daarvan getuig die kerkgeskiedenis. Ware, outentieke geestelike leiers se mandaat kom van Jesus, die Hoof van sy Kerk!

Nou wil ek hê jy moet skryf. As ek sou sê: “Leiers moet kan … ”, dan sal jy die sin natuurlik op verskillende maniere kan voltooi. Ek wil hê jy moet dit hier doen.

---

Daar is seker eindelose antwoorde moontlik, maar ek wil graag hê dat ons vier sleutelaspekte van geestelike leierskap vandag uit die Bybel sal ontdek.

Lees Joh 10:3-4, 27; 14:6-14.

Joh 10:3-4, 27;

³vir hom maak die hekwagter oop, en die skape luister na sy stem. Hy roep sy eie skape op hulle naam en lei hulle uit. ⁴Wanneer hy al sy eie skape uitgelei het, gaan hy voor hulle uit, en hulle volg hom, omdat hulle sy stem ken.

²⁷My skape luister na my stem, en Ek ken hulle, en hulle volg My. 

Joh 14:6-14.

⁶Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie. ⁷As julle My leer ken het, sal julle ook my Vader ken. En van nou af ken julle Hom, en het Hom reeds gesien.” ⁸Filippus sê toe vir Hom: “Here, wys ons die Vader, en dit is vir ons genoeg.” ⁹Jesus sê vir hom: “Ek is al so ‘n lang tyd by julle, en het jy My nie leer ken nie, Filippus? Wie My gesien het, het die Vader gesien. Waarom sê jy dan, ‘Wys ons die Vader?’ ¹⁰Glo jy dan nie dat Ek in die Vader is en die Vader in My nie? Die woorde wat Ek vir julle sê, sê Ek nie uit Myself nie, maar dit is die Vader wat in My bly en sy werke doen. ¹¹Glo My dat Ek in die Vader en die Vader in My is; of glo dan op grond van die werke self. ¹²Amen, amen, Ek sê vir julle: Wie in My glo, hy sal ook die werke doen wat Ek doen, en hy sal nog groter dinge as dit doen, omdat Ek na die Vader gaan. ¹³En wat julle in my Naam vra, sal Ek doen, sodat die Vader deur die Seun verheerlik mag word. ¹⁴As julle My iets in my Naam vra, sal Ek dit doen.”

• Wat sou jy dink is die kernbegrip wat hier na vore kom?

Geestelike leiers moet kan HOOR

Jesus is telkens die voorbeeld van wat ware geestelike leierskap beteken. In Johannes 14 kom die belangrikheid van sy verhouding en kommunikasie met die Vader na vore. Hy tree nie sommer net op nie. Hy doen dit wat Hy van die Vader hoor en sien. Geestelike leiers moet die vermoë hê om God se stem te hoor. Hulle moet so intiem met Hom verkeer dat hulle nie hul eie ding sal doen nie! Geestelike leiers kan die kerk net lei as hulle van die Hoof van die kerk hoor.

Lees 1 Kor 11:1; Heb 13:7.

1 Kor 11:1;

11¹Volg my voorbeeld, soos ek die voorbeeld van •Christus volg.

Heb 13:7.

⁷Hou altyd julle leiers in gedagte, dié wat die woord van God aan julle verkondig het; gee ag op die uiteinde van hulle lewensloop, en neem hulle geloof as voorbeeld. 

• Wat dink jy is die kernbegrip wat hier na vore kom?

Geestelike leiers moet kan DOEN

Het jy al gewonder waar kom vandag se opskrif vandaan? Ek het grootgeword met hierdie tong-in-die-kies gesegde – maak soos ek sê en nie soos ek maak nie. Die skrywer aan die Hebreërs is uitgesproke daaroor dat leiers die verantwoordelikheid het om die voorbeeld te stel. Hulle moet dit wat hulle leer self toepas. Ons sou sê hulle moet dit kan modelleer. Dit beteken dat leiers ’n besondere verantwoordelikheid het om self reg te lewe. Mattheus wys gereeld daarop (veral in die bergpredikasie) hoe Jesus beklemtoon dat die evangelie nie ’n saak van praatjies is nie. Geleerdes sê dit gaan nie net oor ortodoksie (die regte leerstellings) nie, maar ook oor ortopraksie (die regte manier om dit uit te leef)!

DIEPER DELF: Lees gerus Matt 3:8; 5:16; 7:21-23; 23:1-39; Joh 4:34; Jak 1:22.

Matt 3:8;

⁸Dra liewer vrugte wat by die bekering pas. 

Matt 5:16;

¹⁶“Laat julle lig só voor die mense skyn, sodat hulle julle goeie werke kan sien en julle Vader wat in die hemele is, kan verheerlik.”

Matt 7:21-23;

²¹“Nie elkeen wat vir My sê, ‘Here, Here,’ sal ingaan in die •koninkryk van die hemele nie, maar net diegene wat die wil doen van my Vader in die hemele. ²²Baie sal op daardie dag vir My sê, ‘Here, Here, het ons nie in u Naam geprofeteer en in u Naam demone uitgedryf en in u Naam baie kragtige dade verrig nie?’ ²³Dan sal Ek openlik vir hulle sê, ‘Ek het julle nooit geken nie. Gaan weg van My, julle wat wetteloosheid bedryf!’ ”

Matt 23:1-39;

23¹Toe het Jesus vir die skare en vir sy dissipels gesê: ²“Die skrifkenners en •Fariseërs sit op die stoel van Moses. ³Doen en onderhou dan alles wat hulle vir julle sê. Maar moenie doen wat hulle doen nie, want hulle praat net en doen nie. ⁴Hulle bind swaar vragte saam, ja, moeilik om te dra, en lê dit op die mense se skouers, maar self is hulle nie bereid om met ‘n vinger aan die vrag te raak nie. ⁵Al hulle dade is bedoel om deur die mense gesien te word. Hulle maak immers hulle gebedsrieme breër en die tossels langer. ⁶Hulle hou van die ereplek by feesmaaltye en die voorste sitplekke in die •sinagoges, ⁷om op die markpleine begroet en om deur die mense as ‘rabbi’ aangespreek te word. ⁸Maar julle, julle moet julle nie as ‘rabbi’ laat aanspreek nie; want net Een is julle Leermeester, en julle is almal broers. ⁹En moet niemand op aarde as julle ‘vader’ aanspreek nie; want julle het net een Vader, Hy wat in die hemel is. ¹⁰Julle moet julle ook nie as leraars laat aanspreek nie, omdat net Een julle Leraar is, naamlik die •Christus. ¹¹Die belangrikste onder julle moet julle dienaar wees. ¹²Wie homself verhef, sal verneder word, en wie homself verneder, sal verhef word.”

¹³“Wee julle, skrifkenners en •Fariseërs, skynheiliges! Want julle sluit die mense uit die •koninkryk van die hemele uit. Self gaan julle nie in nie, en boonop laat julle die mense wat probeer ingaan, nie toe om in te gaan nie.

¹⁵“Wee julle, skrifkenners en Fariseërs, skynheiliges! Want julle deurkruis land en see om ‘n enkele proseliet te werf, en wanneer dit gebeur, maak julle hom ‘n kind van Gehenna, dubbel so erg as julleself.

¹⁶“Wee julle, blinde leiers! Julle sê, ‘Wie by die heiligdom van die •tempel sweer – dit beteken niks nie; maar wie sweer by die goud van die heiligdom, is gebonde.’ ¹⁷Dwase en blindes! Wat is belangriker, die goud of die heiligdom wat die goud heilig? ¹⁸Verder sê julle, ‘Wie by die altaar sweer – dit beteken niks nie; maar wie sweer by die offergawe daarop, is gebonde.’ ¹⁹Blindes! Wat is belangriker, die offergawe of die altaar wat die offergawe heilig? ²⁰Wie dan sweer by die altaar, sweer daarby en by alles daarop. ²¹Wie sweer by die heiligdom, sweer daarby en by Hom wat dit bewoon. ²²En wie by die hemel sweer, sweer by die troon van God en by Hom wat daarop sit.

²³“Wee julle, skrifkenners en Fariseërs, skynheiliges! Want julle gee tiendes van kruisement en vinkel en komyn, maar julle het die gewigtigste van die wet nagelaat – die reg en die barmhartigheid en die trou. Hierdie dinge moes julle gedoen het sonder om die ander na te laat. ²⁴Blinde leiers! Julle sif die muggie uit, maar sluk die kameel in.

²⁵“Wee julle, skrifkenners en Fariseërs, skynheiliges! Want julle maak die buitekant van die beker en die skottel skoon, maar binnekant is dit vol roofsug en onbeheersdheid. ²⁶Blinde Fariseër! Maak eers die binnekant van die beker skoon, dan sal ook die buitekant skoon wees.

²⁷“Wee julle, skrifkenners en Fariseërs, skynheiliges! Want julle is soos witgekalkte grafte wat van buite pragtig lyk, maar van binne is julle vol doodsbeendere en elke vorm van •onreinheid. ²⁸So lyk julle inderdaad ook van buite vir die mense regverdig, maar van binne is julle vol skynheiligheid en wetteloosheid.

²⁹“Wee julle, skrifkenners en Fariseërs, skynheiliges! Want julle bou die grafte vir die profete en versier die grafmonumente van die •regverdiges. ³⁰En julle sê, ‘As ons in die dae van ons vaders geleef het, sou ons nie saam met hulle deel gehad het aan die bloed van die profete nie.’ ³¹Daarmee getuig julle teen julleself dat julle kinders is van hulle wat die profete vermoor het. ³²Maak julle dan maar die maat van julle vaders vol. ³³Slange, addergeslag! Hoe sal julle die oordeel van die Gehenna ontvlug? ³⁴Daarom, kyk, Ek stuur vir julle profete en wyses en skrifkenners. Julle sal sommige van hulle doodmaak en kruisig, en julle sal sommige van hulle in julle •sinagoges gesel en hulle van dorp tot dorp vervolg. ³⁵So sal alle regverdige bloed wat op aarde vergiet is, vir julle toegereken word, van die bloed van Abel, die regverdige, tot by die bloed van Sagaria, die seun van Beregja, wat julle tussen die heiligdom en die altaar vermoor het. ³⁶•Amen, Ek sê vir julle: Al hierdie dinge sal op hierdie geslag neerkom.”

³⁷“Jerusalem, Jerusalem, jy wat die profete doodmaak en dié stenig wat na jou gestuur is! Hoe dikwels wou Ek jou kinders bymekaarmaak soos ‘n hen haar kuikens onder haar vlerke bymekaarmaak, maar julle wou nie. ³⁸Kyk, julle huis word vir julle verwoes agtergelaat. ³⁹Want Ek sê vir julle, van nou af sal julle My beslis nie weer sien nie, totdat julle sal sê,
‘Geseënd is Hy wat kom
in die Naam van die Here.’ ”

Joh 4:34;

³⁴En Jesus sê vir hulle: “My voedsel is om die wil te doen van Hom wat My gestuur het, en om sy werk te voltooi.

Jak 1:22.

²²Wees doeners van die woord, en nie slegs hoorders wat julleself mislei nie.

Lees Matt 20:25-28; Fil 2:5-11.

Matt 20:25-28;

²⁵Maar Jesus het hulle nader geroep en gesê: “Julle weet dat die heersers van die nasies oor hulle baasspeel, en die maghebbers oor hulle gesag uitoefen. ²⁶So mag dit nie by julle wees nie; maar wie belangrik onder julle wil wees, moet julle dienaar wees, ²⁷en wie eerste onder julle wil wees, moet julle slaaf wees. ²⁸Net so het die •Seun van die Mens nie gekom om gedien te word nie, maar om te dien en sy lewe as losprys vir baie te gee.”

Fil 2:5-11

⁵Laat dan die gesindheid wat daar in Christus Jesus was, ook in julle wees:
⁶Hoewel Hy in die gestalte van God was,
het Hy gelykheid aan God nie beskou as iets om aan vas te klem nie,
⁷maar Hy het Homself daarvan leeggemaak,
deur die gestalte van ‘n slaaf aan te neem
en aan mense gelyk te word.
En toe Hy in die vorm van ‘n mens verskyn het,
⁸het Hy Homself verneder,
deurdat Hy gehoorsaam
geword het tot die dood toe,
ja, die dood aan die kruis.
⁹Daarom het God Hom
ook uitermate verhoog
en aan Hom die Naam geskenk
wat bo elke naam is,
¹⁰sodat in die Naam van Jesus
elke knie sal buig –
van diegene in die hemel
en op die aarde
en onder die aarde –
¹¹en elke tong sal bely,
“Jesus Christus is die Here!”
tot eer van God die Vader.

Wat sou jy dink is die kernbegrip wat hier na vore kom?

Geestelike leiers moet kan DIEN

Van die redes waarom mense baiekeer streef om leiers te word, lê opgesluit in die mag en die voorregte wat dit meebring. Meermale is die feit dat die leier gedien word deur die volgelinge van die byvoordele waarna mense hunker.
Dit is presies daar waar geestelike leierskap fundamenteel van die tradisionele siening verskil – geestelike leiers is diensknegte by uitnemendheid!
(Vergelyk die spreekwoord “to lead by example” .)

Jesus maak baie seker dat daar geen verwarring oor hierdie saak kan wees nie. Hy sê dit self in duidelike taal, deur sy Gees laat Hy Paulus daaroor skryf en om dit bo alle twyfel te bevestig, demonstreer Hy dit self. Daar kan geen twyfel wees nie – geestelike leiers moet kan dien.

Lees Ef 4:7,11-16; 1 Pet 4:11.

Ef 4:7,11-16;

⁷Maar aan elkeen van ons is ‘n genadegawe geskenk, soos •Christus dit uitgedeel het. 

¹¹En Hy het sommige as •apostels, ander as profete, ander as evangeliste, en ander as herders en leraars gegee, ¹²om die •heiliges toe te rus vir hulle dienswerk, om die liggaam van Christus op te bou, ¹³totdat ons almal kom tot eenheid in geloof en in kennis van die •Seun van God, en tot ‘n volwassenheid wat in ooreenstemming is met die volgroeide gestalte van die volheid van Christus. ¹⁴Die doel hiervan is dat ons nie meer klein kindertjies sal wees nie, wat deur onstuimige golwe rondgeslinger word en rondgewaai word deur elke wind van lering, deur mense se slinksheid en die gekonkel waardeur hulle dwaling beplan; ¹⁵maar dat ons eerder, terwyl ons in liefde aan die waarheid vashou, in alle opsigte na Hom toe sal groei. Hy, Christus, is die Hoof ¹⁶uit wie die hele liggaam, harmonieus saamgevoeg en saamgebind, deur die ondersteuning van elke gewrig, volgens die werking van elke deel afsonderlik, die groei van die liggaam bewerk tot sy eie opbou in liefde.

1 Pet 4:11

¹¹As iemand aan die woord is, laat dit soos woorde van God wees; as iemand dien, laat dit wees vanuit die krag wat God voorsien, sodat God in alles verheerlik kan word deur Jesus •Christus, aan wie die heerlikheid en die krag behoort, vir ewig en ewig. •Amen.

Wat dink jy is die kernbegrip wat hier na vore kom?

Geestelike leiers moet kan BEMAGTIG

Paulus is uitgesproke daaroor: Die Here gee aan mense verskillende gawes. Hy is ook die een wat leiers aanstel in sy diens. Die rol van leiers is op hulle beurt om gelowiges toe te rus, te bekwaam en te bemagtig sodat hulle die gawes wat die Here aan hulle gegee het in sy diens tot sy eer kan gebruik.

Soos gister, wil ek hê jy moet afsluit deur:

As jy self enige leiersrol in die kerk vervul –
Dink en beoordeel jouself na aanleiding van dit wat ons vandag oor geestelike leierskap gesê het. Gebruik tyd om met Hom daaroor in gebed te praat.

As jy nie ’n leiersrol vervul nie –
Hoe dink jy vaar die gemeente waaraan jy behoort, se leiers na aanleiding van wat ons vandag bespreek het? Gebruik die tyd om vir jou leiers te bid.

DIEPER DELF: Ons is die plan, p 145-164
Lees gerus ook Matt 23:13-28; 2 Kor 8:16-24; Fil 2:4-5, 21; 3:17; 4:9

Matt 23:13-28; (Sien Bo)

2 Kor 8:16-24; ¹

⁶En aan God die dank, wat dieselfde ywer in julle belang in die hart van Titus gegee het. ¹⁷Want hy het wel ons versoek ontvang, maar het ook baie ywerig en vrywillig na julle toe vertrek. ¹⁸En saam met hom het ons die broer gestuur wie se lof in al die •gemeentes besing word oor sy werk vir die evangelie. ¹⁹En nie net dit nie: hy is ook deur die gemeentes aangewys as ons reisgenoot in hierdie genadewerk, wat deur ons verrig word tot verheerliking van die Here en as bewys van ons bereidwilligheid. ²⁰So wil ons voorkom dat iemand ons verdink oor hierdie ruim som wat ons behartig. ²¹Want ons is bedag op wat reg is, nie net voor die Here nie, maar ook voor mense. ²²Saam met hulle stuur ons ons broer, vir wie ons dikwels en in vele opsigte getoets, en ywerig bevind het, en wat nou nog yweriger is, deur sy groot vertroue in julle. ²³Wat Titus betref, hy is my deelgenoot en medewerker in julle belang. Wat ons broers betref, hulle is gesante van die gemeentes, ‘n eer vir •Christus. ²⁴Lewer dan aan hulle voor die gemeentes die bewys van julle liefde en van ons trots op julle.

Fil 2:4-5, 21;

⁴deur elkeen nie net na sy eie belange om te sien nie, maar ook na dié van ander.
⁵Laat dan die gesindheid wat daar in Christus Jesus was, ook in julle wees:

²¹Almal soek net hulle eie belang, nie dié van Jesus •Christus nie.

Fil 3:17;

⁷Broers, volg dan my voorbeeld, en let op hulle wat so leef volgens die voorbeeld wat ons aan julle gestel het,

Fil 4:9

⁹Wat julle van my geleer en ontvang en gehoor en in my gesien het: hou aan om dit te doen. En die God van vrede sal met julle wees.

Onthou om die bladsy vir die week se groepgesprek te voltooi!

WEEK-8_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Groepgesprek

Week 7
LAAT U KONINGKRYK KOM

Lofprysing en aanbidding

Bybelverse wat jou vandag aangespreek het:

---

Belewenisse en ervarings tydens vandag se Bybelstudie:

---

Wat het jy geleer of ontdek?

---

Hoe het vandag se studie jou tot aksie geïnspireer? Hoe het jy geestelik gegroei of is jou lewe verander?

---

Iets wat jy graag met die groep wil deel of bespreek?

---

Gebedsonderwerpe:

---

Onthou om die bladsy vir die week se groepgesprek te voltooi!

WEEK-7_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Dag 35
Groei
Week 7
Laat U koninkryk kom

DIE KIEM

In 1 Kor 3:6-7 sê Paulus: “ dit is God wat laat groei” en dan verwys hy hier na saad wat gesaai of geplant word, natgegooi word en wat groei. Wanneer ons van groei in God se Koninkryk praat, geld presies dieselfde beginsel.

1 Kor 3:6-7
⁶Ek het geplant, Apollos het natgegooi, maar God het laat groei. ⁷Daarom is nóg hy wat plant, nóg hy wat natgooi iets, maar slegs God wat laat groei.

Omdat alles uit God, deur God en tot God is, is dit belangrik dat jy nou eers sal stil word in sy teenwoordigheid, jouself vir die volgende paar minute afsonder en net op Hom sal fokus. Bid nou Ps 8 en dit wat die Heilige Gees in jou gedagtes plaas. Eer en aanbid Hom vir Wie Hy is.

PS 8

8¹Vir die •musiekleier. Op Haghittiet. ‘n Psalm. Van Dawid.
²Here, ons Heer,
hoe magtig is u Naam
oor die hele aarde,
U wat u luister
bo die hemelruim vestig.
³Deur die mond van kleuters en suigelinge
het U mag gevestig, vanweë u teenstanders,
om vyande en wraakgieriges stil te maak.
⁴Wanneer ek na u hemelruim kyk,
die werk van u vingers,
die maan en die sterre
wat U gevestig het –
⁵wat is ‘n mens dan dat U aan hom dink,
‘n mensekind dat U aan hom aandag skenk?
⁶U het hom net minder
as ‘n hemelse wese gemaak;
U het hom met eer en majesteit gekroon.
⁷U laat hom heers oor die werk
van u hande;
U het alles onder sy voete gestel:
⁸al die kleinvee en beeste,
ja, selfs die diere van die veld,
⁹die voëls van die hemel,
en die visse van die see wat verbytrek
op hulle roetes deur die oseane.
¹⁰Here, ons Heer,
hoe magtig is u Naam
oor die hele aarde!

Lees Matt 10:18-20; Luk 24:45-49; Hand 2:47; 9:27-31 en wees oop (ontvanklik) vir die inspraak en leiding van die Heilige Gees.

Matt 10:18-20;

¹⁸Voor prokurators en konings sal julle om my ontwil gesleep word, sodat julle voor hulle en voor die heidene kan getuig. ¹⁹En wanneer hulle julle oorlewer, moet julle julle nie bekommer oor hoe en wat julle moet sê nie, want wat julle moet sê, sal op daardie oomblik aan julle gegee word. ²⁰Dit is immers nie julle wat praat nie, maar die Gees van julle Vader wat deur julle praat.

Luk 24:45-49;

⁴⁵Daarop het Hy hulle verstand daarvoor geopen om die Skrifte te verstaan, ⁴⁶en vir hulle gesê: “So staan daar geskryf dat die Christus moet ly en op die derde dag uit die dood opstaan, ⁴⁷en dat in sy Naam bekering tot die vergewing van sondes aan alle nasies verkondig moet word. Julle moet by Jerusalem begin, ⁴⁸en getuies van hierdie dinge wees. ⁴⁹En kyk, Ek sal die belofte van my Vader na julle stuur. Maar bly julle in die stad totdat julle met krag uit die hoogte toegerus word.”

Hand 2:47;

⁴⁷Hulle het God bly prys, en die hele volk was hulle goedgesind. En die Here het daagliks verlostes by hulle getal gevoeg.

Hand 9:27-31

²⁷Barnabas het hom egter gaan haal en na die •apostels geneem, en vir hulle vertel hoe hy op die pad die Here gesien het, dat Hy met hom gepraat het en hoe hy in Damaskus met vrymoedigheid in die Naam van Jesus gepreek het. ²⁸Saam met hulle het hy in Jerusalem gekom en gegaan en met vrymoedigheid in die Naam van die Here gepreek. ²⁹Hy het ook met die Helleniste gepraat en geredeneer, maar hulle het hom probeer doodmaak. ³⁰Maar toe die broers dit agterkom, het hulle hom na Caesarea geneem en na Tarsus weggestuur.

³¹Die •kerk dwarsdeur die hele Judea, Galilea en Samaria het vrede beleef en is opgebou. Hulle het met ontsag voor die Here geleef, en met die bemoediging van die Heilige Gees, het hulle getalle toegeneem.

DIEPER DELF: Lees gerus ook Jes 10:5-16; Joh 6:37, 39, 44; 17:2, 6, 9, 24; Hand 10:19; 11:15-18; Ef 1:13; 3:6.

Jes 10:5-16;

⁵“Wee Assirië,
die stok van my toorn!
My verontwaardiging –
‘n staf is dit in hulle hand.
⁶Teen ‘n nasie, vervreem van God,
stuur Ek hom;
teen die volk op wie my gramskap rus,
gee Ek hom volmag,
om oorlogsbuit te roof
en buit te maak,
om van hulle ‘n vertrapte ding,
soos die kleigrond van strate,
te maak.
⁷Maar hy het dit nie so bedink nie,
sy hart het dit nie so beplan nie;
want sy voorneme was
om uit te delg,
om tallose nasies uit te roei.
⁸Hy het immers gesê,
‘Is my bevelvoerders
nie almal konings nie?
⁹Is Kalno nie soos Karkemis,
en Hamat soos Arpad
of Samaria soos Damaskus nie?
¹⁰Soos my hand die koninkryke
van nuttelose afgode bekom het,
hulle wie se gesnede beelde
dié van Jerusalem
en Samaria oortref het –
¹¹sal ek dan nie met Jerusalem
en haar afgode maak
net soos ek met Samaria
en haar nuttelose afgode gemaak het nie?’ ”

¹²En dan, wanneer my Heer al sy werk op die berg Sion en in Jerusalem voltooi het, sal Hy afreken met die vrug van die grootheidswaan van die koning van Assirië en met die verwaande blik in sy oë, ¹³omdat hy gesê het:

“Met die krag van my hand
het ek opgetree,
en in my wysheid –
ja, ek het insig.
Ek verwyder die grense van volke,
hulle voorraadkamers plunder ek,
en, as die sterke, slaan ek
wie op trone sit, neer.
¹⁴Asof dit ‘n voëlnes is,
het my hand die rykdom
van die volke bekom;
soos mens eiers insamel
wat in ‘n nes agtergelaat is,
het ek die hele aarde ingesamel.
Daar was nie ‘n vlerk wat geklap het,
‘n bek wat oopgegaan
of getjirp het nie.”
¹⁵Kan ‘n byl spog teen die een
wat met hom kap;
of kan ‘n saag hom groot hou
teen die een wat met hom saag,
asof ‘n stok die een swaai
wat hom optel,
of ‘n staf die een optel
wat nie hout is nie?
¹⁶Daarom sal die Heer, die Here,
Heerser oor alle magte,
onder Assirië se vet mense
‘n uitterende siekte instuur,
en onder sy geëerdes
sal ‘n brand uitbreek
wat soos ‘n egte vuur sal brand.

Joh 6:37, 39, 44;

³⁷Elkeen wat die Vader vir My gee, sal na My kom, en Ek sal die een wat na My kom, nooit verstoot nie; 

³⁹En dit is die wil van Hom wat My gestuur het: Dat Ek van almal wat Hy My gegee het, nie ‘n enkele een verlore sal laat gaan nie, maar hulle op die laaste dag sal opwek.

⁴⁴Niemand kan na My kom as die Vader, wat My gestuur het, hom nie na My toe trek nie, en Ek sal hom op die laaste dag laat opstaan.

Joh 17:2, 6, 9, 24;

²net soos U aan Hom gesag oor die hele mensdom gegee het, sodat Hy aan elkeen wat U aan Hom gegee het, die ewige lewe kan gee.

⁶“Ek het u Naam bekend gemaak aan die mense wat U My uit die wêreld gegee het. Hulle het aan U behoort, en U het hulle aan My gegee, en hulle het u woord gehoorsaam. 

⁹“Ek bid vir hulle. Ek bid nie vir die wêreld nie, maar vir hulle wat U aan My gegee het, omdat hulle aan U behoort.

²⁴Vader, Ek wil hê dat waar Ek is, hulle wat U My gegee het, ook saam met My kan wees, sodat hulle my heerlikheid kan sien, die heerlikheid wat U My gegee het, omdat U My van voor die grondlegging van die wêreld liefgehad het.

Hand 10:19;

¹⁹Terwyl Petrus nog nadink oor die visioen, sê die Gees vir hom: “Kyk, daar is drie manne wat na jou soek.

Hand 11:15-18;

¹⁵En toe ek begin praat, het die Heilige Gees op hulle neergedaal, net soos aanvanklik ook op ons. ¹⁶Ek het egter die woord van die Here onthou, toe Hy gesê het, ‘Johannes het wel met water gedoop, maar julle sal met die Heilige Gees gedoop word.’ ¹⁷As God dan aan hulle dieselfde gawe gegee het as aan ons wat in die Here Jesus Christus glo, wie was ek dan dat ek God sou verhinder?” ¹⁸Toe hulle dit hoor, het hulle geswyg en God verheerlik en gesê: “So het God dus ook aan die heidene die bekering tot die lewe geskenk.”

Ef 1:13;

¹³In Hom is julle, toe julle die woord van die waarheid,
die evangelie van julle verlossing,
gehoor en tot geloof gekom het,
verseël met die Heilige Gees, wat beloof is.

EF 3:6

⁶Laat niemand julle verlei met niksseggende redenasies nie, want daardeur kom die toorn van God oor die seuns van die ongehoorsaamheid.

Dink ’n bietjie na oor die vraag: “Wie is eintlik aan die werk in God se Koninkryk – God self, of sy Kerk (= mense)?”

---

Vergelyk ook Jes 10:5, 15-16 waar God selfs ʼn heidennasie as instrument gebruik – en hulle nie sy hand in hul lewens kon raaksien en sy hart kon hoor klop nie In die Nuwe Testament hoor ons duidelik dat ware (numeriese) groei die resultaat is van die Missio Dei (die sendinghart van God).

Jes 10:5, 15-16

⁵“Wee Assirië,
die stok van my toorn!
My verontwaardiging –
‘n staf is dit in hulle hand.

¹⁵Kan ‘n byl spog teen die een
wat met hom kap;
of kan ‘n saag hom groot hou
teen die een wat met hom saag,
asof ‘n stok die een swaai
wat hom optel,
of ‘n staf die een optel
wat nie hout is nie?
¹⁶Daarom sal die Heer, die Here,
Heerser oor alle magte,
onder Assirië se vet mense
‘n uitterende siekte instuur,
en onder sy geëerdes
sal ‘n brand uitbreek
wat soos ‘n egte vuur sal brand.

Jare gelede vra ’n groep leraars opgewonde en vol verwagting vir Mel Tari (toe ’n leraar van Indonesië) of hy reken dat hulle land ryp is vir herlewing. Sy antwoord het hul tot diepe selfondersoek geskok toe hy sê: “Nee, want die Kerk in hierdie land moet eers tot bekering kom!” As verduideliking vir sy antwoord, vra Mel Tari toe wat hulle sou doen as 200 000 van hul vyande (’n bevolkingsgroep van die buurland met wie hulle in ’n oorlog gedompel was) tot bekering sou kom en by hul kerk (denominasie) sou wou aansluit?

Soms bid ons mooi dinge , sónder om bereid te wees om self die instrumente te wees waardeur God ons gebede verhoor. Dan staan ons, as Kerk, as struikelblokke in sy pad en moet óns eers tot bekering kom voordat Hy ons tot sy eer in sy diens kan gebruik (Hand 10:1-11:4, 18).

Hand 10:1-11:4, 18

PETRUS EN CORNELIUS

10¹Daar was ‘n man in Caesarea bekend as Cornelius, ‘n centurio van die sogenaamde Italiaanse kohort soldate. ²Hy, en ook sy hele huis, was godsdienstig en godvresend, het baie liefdadigheid aan die volk bewys en gereeld tot God gebid. ³Hy het teen die negende uur van die dag in ‘n visioen duidelik ‘n engel van God na hom sien binnekom wat vir hom sê: “Cornelius!” ⁴Hy het stip na hom gestaar en beangs gevra: “Wat is dit, Meneer?” Toe antwoord hy hom: “Jou gebede en jou liefdadigheid het tot ‘n gedenkoffer voor God opgestyg. ⁵Stuur dan nou mans na Joppe om iemand met die naam Simon, ook bekend as •Petrus, te gaan haal. ⁶Hy gaan tuis by ‘n sekere Simon, die leerlooier, wie se huis langs die see staan.” ⁷Toe die engel wat met hom gepraat het weg is, roep hy twee van sy huisbediendes en ‘n godvresende soldaat, een van hulle wat hom dien, ⁸en nadat hy hulle alles vertel het, stuur hy hulle na Joppe.

⁹Die volgende dag, terwyl hulle op reis was en al amper by die stad, het Petrus teen ongeveer die sesde uur na die dakstoep opgeklim om te gaan bid. ¹⁰Hy het honger geword en wou eet. Terwyl hulle besig was om die maaltyd voor te berei, het hy in geestesvervoering geraak. ¹¹Hy sien toe die hemel geopen, en iets soos ‘n groot linnedoek wat afsak en aan sy vier hoeke op die aarde neergelaat word. ¹²Daarin was allerhande viervoetige en kruipende diere van die aarde en voëls van die hemel. ¹³Toe kom daar ‘n stem tot hom: “Staan op, Petrus, slag en eet!” ¹⁴Maar Petrus het geantwoord: “Onder geen omstandighede nie, Here! Want ek het nog nooit iets wat besoedel of •onrein is geëet nie.” ¹⁵Maar die stem het weer, ‘n tweede keer, na hom gekom: “Wat God rein gemaak het, mag jy nie as onrein beskou nie.” ¹⁶Dit het drie maal gebeur, en die voorwerp is dadelik weer in die hemel opgeneem.

¹⁷Petrus was nog aan die twyfel oor wat die visioen wat hy gesien het, kon beteken, toe die mans wat deur Cornelius gestuur is, skielik by die poort aankom, nadat hulle oor Simon se huis navraag gedoen het. ¹⁸Hulle roep toe en vra of Simon, ook bekend as Petrus, daar tuisgaan. ¹⁹Terwyl Petrus nog nadink oor die visioen, sê die Gees vir hom: “Kyk, daar is drie manne wat na jou soek. ²⁰Maak gereed, klim af en gaan sonder aarseling saam met hulle, want Ek het hulle gestuur.” ²¹En Petrus het afgeklim na die mans en gesê: “Kyk, dit is vir my wat julle soek. Waarom is julle hier?” ²²En hulle het geantwoord: “Cornelius, die centurio, ‘n regverdige en godvresende man, iemand oor wie die hele Joodse volk goeie getuienis gelewer het, het deur ‘n heilige engel ‘n openbaring ontvang om u na sy huis te laat kom en te luister na u woorde.” ²³Toe het Petrus hulle binnegenooi en as gaste verwelkom.

En nadat hy die volgende dag gereedgemaak het, het hy saam met hulle vertrek, en sommige van die broers uit Joppe het hom vergesel. ²⁴Die dag daarna het hy in Caesarea aangekom. Cornelius was hulle te wagte, en het reeds sy familie en naaste vriende bymekaar laat kom. ²⁵Toe Petrus binnekom, het Cornelius hom tegemoetgegaan, voor sy voete neergeval en hom begin aanbid. ²⁶Maar Petrus het hom opgehelp met die woorde: “Staan op, ek self is ook net ‘n mens.” ²⁷En terwyl hy met hom praat, het hy na binne gegaan en daar baie mense bymekaar aangetref. ²⁸Hy het vir hulle gesê: “Julle weet dat dit vir ‘n Joodse man verbode is om met iemand van ‘n ander volk te assosieer of hom te besoek. God het egter aan my getoon dat ek geen mens as besoedel of onrein mag beskou nie. ²⁹Daarom het ek sonder huiwering gekom toe ek ontbied is. Nou vra ek, waarom het julle my ontbied?” ³⁰Cornelius antwoord toe: “Vier dae gelede was ek teen hierdie tyd, op die negende uur, besig om in my huis te bid. Opeens staan daar toe ‘n man in ‘n stralende gewaad voor my ³¹en sê, ‘Cornelius, jou gebed is verhoor en jou liefdadigheid het voor God in herinnering gekom. ³²Stuur dan iemand na Joppe en laat haal Simon, ook bekend as Petrus. Hy is ‘n gas van Simon, die leerlooier, by ‘n huis langs die see.’ ³³Ek het toe onmiddellik mense na u gestuur, en dit is goed dat u gekom het. Hier is ons nou almal in die teenwoordigheid van God aanwesig om alles te hoor wat deur die Here aan u opgedra is.”

PETRUS SE TOESPRAAK BY CORNELIUS

³⁴Petrus het toe begin praat en gesê: “Ek besef nou werklik dat God niemand volgens sy uiterlike beoordeel nie, ³⁵maar dat die mens wat ontsag vir Hom het en doen wat reg is, uit watter nasie hy ook mag wees, vir Hom aanvaarbaar is. ³⁶Dít is die boodskap wat Hy vir die kinders van Israel gestuur het toe Hy die evangelie van vrede wat deur Jesus Christus gekom het, verkondig het: Hy is die Here van alle mense. ³⁷Julle weet wat dwarsdeur Judea gebeur het – dit het begin in Galilea, ná die doop wat Johannes verkondig het – ³⁸hoe God Jesus van Nasaret met die Heilige Gees en met krag gesalf het. Hy het die land deurreis, goed gedoen en almal wat onder die mag van die Duiwel was, genees, omdat God met Hom was. ³⁹Ons is getuies van alles wat Hy in die land van die Jode en in Jerusalem gedoen het. Maar hulle het Hom omgebring deur Hom aan ‘n kruishout op te hang. ⁴⁰Vir Hom het God op die derde dag opgewek, en beskik dat Hy verskyn – ⁴¹nie aan die hele volk nie, maar aan getuies wat vroeër reeds deur God aangewys is – aan ons wat saam met Hom geëet en gedrink het nadat Hy uit die dood opgestaan het. ⁴²En Hy het ons beveel om aan die volk te verkondig en kragtig te getuig dat dit Hy is wat deur God aangewys is as Regter oor die lewendes en die dooies. ⁴³Oor Hom getuig al die profete dat elkeen wat in Hom glo, deur sy Naam vergewing van sondes ontvang.”

DIE HEILIGE GEES AAN HEIDENE

⁴⁴Petrus was nog aan die woord, toe die Heilige Gees op almal wat na die toespraak luister, neerdaal. ⁴⁵Die gelowiges uit die besnydenis, almal wat saam met •Petrus gekom het, was uiters verbaas dat die gawe van die Heilige Gees selfs op die heidene uitgestort is. ⁴⁶Hulle het immers gehoor hoe hulle in tale spreek en God loof. Toe sê Petrus: ⁴⁷“Niemand kan tog verhinder dat hierdie mense, wat net soos ons die Heilige Gees ontvang het, met water gedoop word nie?” ⁴⁸En hy het opdrag gegee dat hulle in die Naam van Jesus •Christus gedoop word. Toe het hulle hom gevra om nog ‘n paar dae aan te bly.

PETRUS SE VERANTWOORDING IN JERUSALEM

11¹Die •apostels en die broers dwarsdeur Judea het gehoor dat ook die heidene die woord van God aanvaar het. ²Toe •Petrus na Jerusalem opgegaan het, het diegene wat besny is, met hom geargumenteer ³en gesê: “Jy was by onbesnede mans aan huis en het saam met hulle geëet.” ⁴Daarop het Petrus dit soos volg stap vir stap vir hulle begin uitlê: 

¹⁸Toe hulle dit hoor, het hulle geswyg en God verheerlik en gesê: “So het God dus ook aan die heidene die bekering tot die lewe geskenk.”

As ons die rol van die Kerk in God se verlossingsplan reg wil verstaan, moet ons eers God se hartklop volgens Joh 3:16 hoor. Soms moet die Kerk eers tot bekering kom voordat sy gereed is om ’n instrument in God se hand wees en nie ’n struikelblok in sy pad nie! (Vgl ook Hand 10:13-15, 34.)

Wat sê die Here nou vir jou persoonlik?

---

Dink aan praktiese voorbeelde waar jy tot nou toe versuim het om jou knie (of wil) voor God (se wil) te buig. Bely die sonde van opstandigheid en versuim en aanvaar God se vergifnis daarvoor (Ps 32:1-7).

32¹Van Dawid. ‘n Maskiel.
Gelukkig is die een
wie se oortreding vergewe,
wie se sonde bedek is.
²Gelukkig is die mens
vir wie die Here
sondeskuld nie toereken nie,
en in wie se gees geen bedrog is nie.
³Toe ek stilgebly het,
het my gebeente broos geword
onder my gekreun die hele dag.
⁴Ja, dag en nag was u hand
swaar op my;
my lewenskrag het weggekwyn
soos in die hitte van die somer. •Sela
⁵My sonde het ek teenoor U erken;
my sondeskuld het ek nie bedek nie.
Ek het gedink, ek wil my oortredings
teenoor die Here bely,
en U het my sondeskuld vergewe. Sela
⁶Dit is waarom elke getroue
volgeling tot U moet bid
terwyl die geleentheid daar is.
Die geluid van ‘n groot watervloed
sal hom nie bereik nie.
⁷U bied vir my beskutting;
U vrywaar my van nood;
met jubelkrete van bevryding
omring U my. Sela

Vra ook die Heilige Gees om jou van ander sondes in jou lewe te oortuig sodat jy dit kan bely, laat staan en ’n effektiewe instrument in God se hand kan wees (Ps 97:10).

¹⁰Julle wat die Here liefhet,
moet die kwaad haat.
Hy beskerm die lewe
van sy troue volgelinge;
uit die hand van goddeloses
red Hy hulle.

DIEPER DELF: Lees gerus ook Spr 28:13; Matt 5:23-24; Mark 11:25; Joh 16:8-14; Rom 6:1-23; Heb 10:17-18; 1 Joh 1:8-9.

Spr 28:13;

¹³Wie sy oortredings bedek,
sal nie sukses behaal nie;
maar hy wat dit bely en dit laat vaar,
ervaar ontferming.

Matt 5:23-24;

²³“En wanneer jy jou offergawe na die altaar bring en daar onthou dat jou broer iets teen jou het, ²⁴laat jou offergawe net daar by die altaar en gaan versoen jou eers met jou broer, en gaan gee dan jou offergawe.

Mark 11:25;

²⁵En wanneer julle staan en bid – as julle iets teen iemand het, vergeef hom, sodat julle Vader in die hemele julle ook julle oortredings kan vergeef.”

Joh 16:8-14;

⁸En wanneer Hy kom, sal Hy die wêreld oortuig van sonde en van •geregtigheid en van oordeel:

⁹“Van sonde,
omdat hulle nie in My glo nie;
¹⁰van geregtigheid,
omdat Ek na die Vader gaan
en julle My nie meer sal sien nie;
¹¹van oordeel,
omdat die heerser van hierdie wêreld
reeds geoordeel is.

¹²“Ek het nog baie dinge om vir julle te sê, maar julle kan dit nie nou verwerk nie. ¹³Maar wanneer Hy kom, die Gees van die waarheid, sal Hy julle in die volle waarheid lei; want Hy sal nie uit Homself praat nie, maar Hy sal net sê wat Hy hoor, en Hy sal die toekomstige dinge aan julle bekend maak. ¹⁴Hy sal My verheerlik omdat Hy dit wat Hy van My sal ontvang, aan julle bekend sal maak.

Rom 6:1-23;

DOOD VIR DIE SONDE EN LEWEND VIR GOD

6¹Wat sal ons dan sê? Sal ons in die sonde bly voortleef, sodat die genade kan toeneem? ²Hoegenaamd nie! Ons wat die sonde afgesterf het, hoe kan ons nog langer daarin bly leef?

³Of weet julle nie dat ons wat in •Christus Jesus in gedoop is, in sy dood in gedoop is nie? ⁴Deur die doop is ons dus saam met Hom in die dood begrawe, sodat, net soos Christus deur die magtige heerlikheid van die Vader uit die dood opgewek is, ook ons só ‘n nuwe lewe kan lei. ⁵As ons inderdaad met Hom saamgegroei het in ‘n dood soos syne, sal ons ook met Hom saamgroei in ‘n opstanding soos syne. ⁶Dit weet ons: dat ons ou mens saam met Hom gekruisig is, sodat ons sondige bestaan tot niet gemaak kan word, en ons nie meer slawe van die sonde sal wees nie. ⁷Wie gesterf het, is immers vrygemaak van die sonde. ⁸As ons saam met Christus gesterf het, glo ons dat ons ook saam met Hom sal leef. ⁹Ons weet dat Christus, nadat Hy uit die dood opgewek is, nie weer sterf nie – die dood het nie meer seggenskap oor Hom nie. ¹⁰Want die dood wat Hy gesterf het, het Hy ter wille van die sonde eens en vir altyd gesterf, maar die lewe wat Hy leef, leef Hy vir God. ¹¹Beskou julleself dan so dat julle in Christus Jesus dood is vir die sonde, maar lewend vir God.

ALLES TOT BESKIKKING VAN GOD

¹²Laat die sonde dan nie langer oor julle sterflike liggaam heers, om julle sy begeertes te laat gehoorsaam nie. ¹³Julle moet ook nie meer julle ledemate as wapens van ongeregtigheid tot beskikking van die sonde stel nie. Nee, as mense wat uit die dood lewend geword het, stel julleself tot beskikking van God, en julle ledemate as wapens van •geregtigheid tot beskikking van God. ¹⁴Die sonde mag beslis nie oor julle heers nie; julle is immers nie onder die wet nie, maar onder die genade.

¹⁵Wat dan? Sal ons sonde doen omdat ons nie onder die wet is nie, maar onder die genade? Hoegenaamd nie!

¹⁶Besef julle nie dat as julle julleself vir iemand beskikbaar stel om hom as slawe te gehoorsaam, julle slawe is van die persoon aan wie julle gehoorsaam is nie? Julle is óf slawe van die sonde, wat tot die dood lei, óf slawe van gehoorsaamheid, wat lei tot geregtigheid. ¹⁷Aan God die dank dat julle wel slawe van die sonde was, maar van harte gehoorsaam geword het aan die vorm van leer waaraan julle onderwerp is; ¹⁸vrygemaak van die sonde, het julle slawe van die geregtigheid geword ¹⁹– ter wille van julle menslike swakheid praat ek in menslike terme – want soos julle julle ledemate in diens van onreinheid en losbandigheid gestel het om losbandig te leef, stel nou so julle ledemate in diens van die geregtigheid om heilig te leef. ²⁰Want toe julle nog slawe van die sonde was, was julle nie aan geregtigheid gebonde nie.

²¹Watter vrug het julle destyds verkry? Oor daardie dinge skaam julle julle nou, want die uiteinde daarvan is die dood. ²²Maar, noudat julle van die sonde vrygemaak is en diensbaar aan God geword het, lewer julle die vrug van heiligmaking, en die uiteinde hiervan is die ewige lewe. ²³Want die loon van die sonde is die dood; maar die genadegawe van God is die ewige lewe in •Christus Jesus ons Here.

Heb 10:17-18;

¹⁷“Aan hulle sondes
en aan hulle wettelose dade
sal Ek glad nie meer dink nie.”
¹⁸Waar daar vergifnis hiervoor is, word ‘n offer vir sondes nie meer gebring nie.

1 Joh 1:8-9

⁸As ons sê dat ons nie sonde het nie, mislei ons onsself, en is die waarheid nie in ons nie. ⁹As ons ons sondes bely – Hy is getrou en regverdig, en daarom sal Hy ons ons sondes vergeef en ons van alle kwaad reinig.

Dink na oor die volgende stellings en skryf jou indrukke daaroor neer:

Numeriese groei is ’n belangrike merkteken van die ware Kerk.

---

Die gemeente se hunkering na numeriese groei wys na sy
Sentrum, Jesus Christus.

---

Dis die gemeente se aard om daarna te hunker dat meer en meer mense tot aanbidding van God sal kom.

---

Numeriese groei is ten diepste die gevolg van die Missio Dei
(God se sending). (Vgl Joh 3:16; Hand 13:46-52.)

Hand 13:46-52

⁴⁶Maar Paulus en Barnabas het prontuit vir hulle gesê: “Die woord van God moes eerste aan júlle verkondig word. Maar aangesien julle dit verwerp en julleself nie die ewige lewe werd ag nie, kyk, nou wend ons ons tot die heidennasies. ⁴⁷Want so het die Here dit aan ons opgedra:
“ ‘Ek het jou aangewys
as ‘n lig vir die nasies,
sodat jy verlossing kan bring
tot aan die uiteindes van die aarde.’”
⁴⁸Toe die heidene dit hoor, was hulle bly en vol lof oor die woord van die Here. En diegene wat vir die ewige lewe bestem was, het gelowig geword. ⁴⁹Die woord van die Here het deur die hele landstreek versprei. ⁵⁰Die Jode het egter die godsdienstige vroue uit die vooraanstaande kringe en ook die leiers van die stad aangehits, en hulle het ‘n vervolging teen Paulus en Barnabas ontketen en hulle uit hulle gebied verdryf. ⁵¹Hulle het toe die stof van hulle voete afgeskud as getuienis teen die stad en na Ikonium vertrek. ⁵²Die dissipels is vervul met blydskap en met die Heilige Gees.

• Wat sê dit van jou gemeente?
• Wat sê dit van jou lewe?

---

Vertel God wat op jou hart is.

DIEPER DELF: handboek, p 138-144
Lees gerus Matt 28:19; Rom 1:16; 3:23-26, 28-31; Rom 10:9-15; 15:20; Fil 2:13; 1 Tim 2:1-7; 2 Tim 2:2; 3 Joh :5-8.

Matt 28:19;
¹⁹Gaan dan en maak dissipels van al die nasies, deur hulle te doop in die Naam van die Vader en van die Seun en van die Heilige Gees,

Rom 1:16;
¹⁶Ek skaam my immers nie vir die evangelie nie, want dit is die krag van God tot verlossing vir elkeen wat glo, eerste vir die Jood, maar ook vir die Griek.

Rom 3:23-26, 28-31;
²³Almal het trouens gesondig, en die eer aan God ontbreek by hulle; ²⁴en tog word hulle goedgunstig op grond van sy genade vrygespreek deur die bevryding in Christus Jesus. ^25-26God het Hom, deur sy bloed, daargestel as versoeningsoffer wat deur die geloof verkry word, as bewys van sy geregtigheid; want so het Hy in sy verdraagsaamheid die sondes wat voorheen gedoen is, oorgesien. Hy het sy geregtigheid in die huidige tyd bewys om so regverdig te wees en dié wat in Jesus glo, regverdig te verklaar.

²⁸Ons is immers daarvan oortuig dat ‘n mens regverdig verklaar word deur die geloof, sonder die uitvoering van die wet. ²⁹Of is God net die God van Jode? Is Hy nie ook God van nie-Jode nie? Ja, ook van nie-Jode, ³⁰aangesien dit een God is wat besnedenes op grond van die geloof regverdig sal verklaar, en ook onbesnedenes deur die geloof. ³¹Maak ons dan deur die geloof die wet ongeldig? Hoegenaamd nie! Trouens, ons bevestig die wet.

Rom 10:9-15; 15:20;

⁹Want as jy met jou mond bely dat Jesus die Here is, en jy glo met jou hart dat God Hom uit die dood opgewek het, sal jy verlos word. ¹⁰Want met die hart glo ons, en word so regverdig verklaar; met die mond bely ons, en word so verlos. ¹¹Die Skrif sê tog: “Elkeen wat in Hom glo, sal nie beskaamd staan nie.” ¹²Dit maak inderdaad geen verskil of jy ‘n Jood of ‘n Griek is nie. Ons het almal dieselfde Here, en Hy deel sy rykdom uit aan almal wat Hom aanroep. ¹³Want “elkeen wat die Naam van die Here aanroep, sal verlos word.”

¹⁴Hoe kan hulle Hom dan aanroep, as hulle nie tot geloof in Hom gekom het nie? En hoe kan hulle in iemand glo van wie hulle nie gehoor het nie? En hoe kan hulle hoor sonder iemand wat dit verkondig? ¹⁵En hoe kan hulle dit verkondig as hulle nie gestuur word nie? Soos daar geskryf staan: “Hoe lieflik is die voetstappe van diegene wat die goeie boodskap verkondig!”

Rom 15:20
²⁰So het ek my dit ten doel gestel om die evangelie te verkondig, nie waar Christus reeds bekend was en ek dus op iemand anders se fondament sou bou nie,

Fil 2:13;
¹³Want Hy wat die gewilligheid en die optrede in julle bewerk soos Hy dit goedvind, is God. 

1 Tim 2:1-7;

2¹Heel eerste versoek ek dat smekinge, gebede, voorbidding en dankgebede vir alle mense gedoen word, ²vir konings en vir almal wat gesagsposisies beklee, sodat ons ‘n rustige en stil lewe, in alle godvresendheid en waardigheid, kan lei. ³Dit is goed en reg in die oë van God, ons Verlosser, ⁴wat wil hê dat alle mense verlos word en tot kennis van die waarheid kom.

⁵Want daar is een God,
en een Middelaar tussen God en die mense:
die mens •Christus Jesus,
⁶wat Homself as losprys vir almal gegee het,

tot getuienis op die bestemde tyd.⁷Hiervoor is ek aangestel as prediker en •apostel – ek praat die waarheid, ek lieg nie – as leermeester om die heidene in geloof en waarheid te onderrig.

2 Tim 2:2;
²en dra dit wat jy deur baie getuies van my gehoor het, oor aan betroubare mense wat bekwaam sal wees om ook ander te onderrig. 

3 Joh 1:5-8
⁵Geliefde, jy tree getrou op in wat jy ook al vir die broers doen, en dit terwyl hulle vir jou vreemdelinge is. ⁶Hulle het voor die •gemeente van jou liefde getuig. Jy sal goed doen as jy hulle voorthelp op ‘n manier wat God waardig ag. ⁷Want ter wille van die Naam, het hulle uitgegaan, sonder om iets van die heidene te ontvang. ⁸Ons behoort sulke mense daarom goed te ontvang, sodat ons medewerkers van die waarheid kan wees.

WENK: Dink hoe God jou kan gebruik om ’n inset te lewer in jul gemeente se fokus op die uitbreiding van God se Koninkryk – ook deur die groei van jul plaaslike gemeente.

Onthou om die bladsy vir die week se groepgesprek te voltooi!

WEEK-7_GROEPGESPREKLaai af …

Inhoudsopgawe

Kopiereg
Dr. Frans Hancke.

Hierdie werk word deur kopiereg beskerm. Dit word aan u gebring deur die NG Kerk Groot-Brakrivier onder kopieregtoestemming soos verleen deur Dr. Frans Hancke aan die NG Kerk Groot-Brakrivier webtuiste. Enige kopieering of herverspreiding van hierdie materiaal is onderhewig aan goedkeuring van die kopiereghouer (Dr. Frans Hancke).

Sien ook die volgende kopiereg bepalings:
Kopiereg: Ons is die plan – 9 Weke van Transformasie

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Dag 34
Groei
Week 7
Laat U koninkryk kom

“GEESTELIKE” GROEI

Miskien dink jy dadelik: Van watter groei word hier gepraat? Geestelike groei? Dit sou tog immers pas by ’n Bybelstudie oor die Kerk en Koninkryk van die Here Jesus Christus. Tog is dit nie geestelike groei waarvan in hierdie volgende twee dae gepraat gaan word nie, maar wel numeriese groei, met ander woorde, groei in getalle.

Weer kan ’n mens se gedagtes op loop gaan: Gaan dit dan oor koppe-tel ? Die Bybel plaas mos nie ’n premie op (uiterlike) getalle nie?

Miskien moet jy nou eers vir die Here vra om jou los te maak van alle eie vooropgestelde idees en sienings. Ondersoek dan sy Woord met ’n oop gemoed asof vir die eerste keer…

Lees Joh 3:16-17;Joh 20:21.

Joh 3:16-17;

¹⁶Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê. ¹⁷God het immers nie sy Seun na die wêreld gestuur om die wêreld te veroordeel nie, maar sodat die wêreld deur Hom verlos kan word. 

Joh 20:21.

²¹Jesus sê toe weer vir hulle: “Vrede vir julle! Soos die Vader My gestuur het, stuur Ek julle ook.”

DIEPER DELF: Lees gerus ook: Rom 10:13-15; 1 Kor 4:20; Ef 1:10; Op 7:9

Rom 10:13-15;

¹³Want “elkeen wat die Naam van die Here aanroep, sal verlos word.”

¹⁴Hoe kan hulle Hom dan aanroep, as hulle nie tot geloof in Hom gekom het nie? En hoe kan hulle in iemand glo van wie hulle nie gehoor het nie? En hoe kan hulle hoor sonder iemand wat dit verkondig? ¹⁵En hoe kan hulle dit verkondig as hulle nie gestuur word nie? Soos daar geskryf staan: “Hoe lieflik is die voetstappe van diegene wat die goeie boodskap verkondig!”

1 Kor 4:20;

²⁰want die •koninkryk van God bestaan nie uit ‘n gepraat nie, maar uit krag. 

Ef 1:10;

¹⁰om die volheid van die tye te bestuur,
en om alle dinge
– die dinge in die hemel en die dinge op die aarde –
onder een Hoof in Christus saam te bring,

Op 7:9

⁹Hierna het ek gesien, en kyk, daar was ‘n baie groot skare, wat niemand kon tel nie. Hulle was afkomstig uit elke nasie en stam en volk en taal, en het voor die troon gestaan, en voor die Lam. Hulle het lang wit stolas gedra, met palmtakke in hulle hande.

Bid en besin daaroor of “stagnasie”, of “selfs ’n oorlewing-sindroom” , ooit ter sprake is as Jesus van sy Kerk en Koninkryk praat? Wat sê die Here vir jou?

---

Lees nou ook Ps 22:28-29; 67:1-8; 2 Pet 3:9; Eseg 18:23, 30-32.

Ps 22:28-29;

²⁸Almal tot aan die uithoeke
van die aarde
moet daaraan dink
en hulle tot die Here bekeer.
Al die familiegroepe van die nasies
moet voor U in aanbidding buig;
²⁹want aan die Here
behoort die koningskap,
en Hy heers oor die nasies.

Ps 67:1-8;

67¹Vir die •musiekleier. Met snarespel. ‘n Psalm. ‘n Lied.
²Mag God ons genadig wees
en ons seën;
mag Hy die lig van sy aangesig
by ons laat skyn. •Sela
³Mag U pad op die aarde bekend wees,
u verlossing onder al die nasies.
⁴Mag volke U prys, o God,
mag al die volke U prys.
⁵Mag nasies bly wees en jubel,
want U oordeel volke billik;
en nasies, mag U hulle
op die aarde lei. Sela
⁶Mag volke U prys, o God,
mag al die volke U prys.
⁷Die aarde het sy opbrengs gelewer.
Mag God, ons God, ons seën.
⁸Mag God ons seën,
sodat al die uithoeke van die aarde
vir Hom ontsag sal hê.

2 Pet 3:9;

⁹Die Here stel nie die belofte uit, soos party mense dink nie. Inteendeel, Hy is geduldig met julle, omdat Hy nie wil hê sommige mense moet verlore gaan nie, maar dat almal tot bekering moet kom.

Eseg 18:23, 30-32

²³Sou Ek enige vreugde vind in die dood van ‘n goddelose?” is die uitspraak van my Heer, die Here. “Is vreugde nie eerder daarin geleë dat hy van sy verkeerde paaie terugkeer en leef nie?

³⁰Daarom sal Ek julle oordeel, huis van Israel, elkeen volgens sy optrede,” is die uitspraak van die Heer, die Here. “Bekeer julle! Draai weg van al julle oortredings, sodat dit nie vir julle ‘n struikelblok word wat sondeskuld meebring nie. ³¹Werp al julle oortredings van julle af weg, dit waarmee julle oortree het, en maak vir julle ‘n nuwe hart en ‘n nuwe gees. Waarom moet julle sterf, huis van Israel? ³²Ja, Ek vind nie vreugde in die dood van een wat moet sterf nie,” is die uitspraak van die Heer, die Here. “Bekeer julle en leef!”

Wat verstaan jy onder numeriese (getalle) groei in terme van die Kerk en Koninkryk? Dink jy dit verwys na dinge soos geboorte-aanwas, nuwe intrekkers of eerder na nuwe bekeerlinge? Met dit in gedagte: Watter boodskap oor numeriese groei gee die Bybel ons in die tekste hierbo? Is dit regtig vir God belangrik dat sy Koninkryk sal uitbrei, of nie? (Kyk weer na Joh 3:16-17.)

---

Dink na oor die volgende stellings en reageer soos die Gees jou lei: Numeriese groei weerspieël ’n hunkering na die uitbreiding van die Koninkryk van God. Watter hunkering weerspieël jou lewe?

---

Numeriese groei is die gevolg van ’n polsende verlange om meer mense ingesluit te sien binne God se Koninkryk (Rom 15:20; 2 Kor 5:20).

Rom 15:20;

²⁰So het ek my dit ten doel gestel om die evangelie te verkondig, nie waar Christus reeds bekend was en ek dus op iemand anders se fondament sou bou nie,

2 Kor 5:20

²⁰Ons tree dan op as gesante ter wille van Christus, asof God self deur ons ‘n beroep op julle doen. Ons pleit by julle, om Christus ontwil: Laat julle met God versoen!

---

Die Skrif gebruik nêrens woorde soos “kleiner” , “verdwynend” of selfs “stagnerend” om God se Koninkryk en Kerk te beskryf nie. Dink na oor watter woorde die Bybel wél in hierdie verband gebruik. (Sien die implikasie van Jesus se woorde in Matt 28:19. ¹⁹Gaan dan en maak dissipels van al die nasies, deur hulle te doop in die Naam van die Vader en van die Seun en van die Heilige Gees, )

---

Geen gemeente kan ooit tevrede wees met die status quo nie! Dan ignoreer die Kerk sy roeping om ’n verskil te maak (Joh 1:4; 8:12; Matt 5:14-16; Fil 2:15-16a).

Joh 1:4;

⁴In Hom was lewe,en dié lewe was die lig vir die mense.

Joh 8:12;

¹²Toe het Jesus weer met hulle gepraat en gesê: “Ek is die lig vir die wêreld. Wie My volg, sal beslis nie in die duisternis leef nie, maar sal die lig van die lewe hê.”

Matt 5:14-16;

¹⁴“Julle is die lig vir die wêreld. ‘n Stad wat op ‘n berg lê, kan nie weggesteek word nie. ¹⁵Mens steek ook nie ‘n lamp op en sit dit onder ‘n maatemmer nie, maar op ‘n lampstaander, en so gee dit lig vir almal in die huis.

¹⁶“Laat julle lig só voor die mense skyn, sodat hulle julle goeie werke kan sien en julle Vader wat in die hemele is, kan verheerlik.”

Fil 2:15-16a

¹⁵sodat julle sonder blaam en onskuldig kan wees, kinders van God, smetteloos, te midde van ‘n krom en ontaarde geslag. Julle skyn onder hulle soos sterre in die heelal, ¹⁶deurdat julle vashou aan die woord van die lewe.

---

Skape wat bloot van een kraal (kerk-denominasie) na ’n ander verskuif word, is nie numeriese groei in die kudde (Koninkryk) nie.

---

Wanneer jy opnuut die waarheid uit God se Woord oor numeriese groei hoor: Wat beteken dit vir jou as gelowige? En vir die gemeente? Kan ons dan nog sê: “Sending is vir ánder mense. Dis nie vir my nie!”?

---

Hond
Iemand vertel dat hy eendag saam met ’n vriend op die trappies van hul kerkgebou gestaan het toe ’n man met ’n 1000cc motorfiets daar aangery kom. Die vreemdeling se vuil klere en lang poniestert-haarstyl het hom dadelik teen die bors gestuit. Tog het sy vriend die motorfietsryer vriendelik gegroet en later die storie vertel. Hierdie poniestert-man het ’n woeste, onverskillige lewe gelei, maar het die vorige week radikaal tot bekering gekom. Hy het die vorige Sondag geleentheid gehad om sy verhaal vir die gemeente te vertel. Hy sê toe dat sy naam Hond is – want so het hy grootgeword en uiteindelik met hierdie skelnaam saamgeleef. Hierdie gemeente het egter hul harte vir hom oopgemaak en geweier om hom só te noem. Van toe af het hulle sy regte naam, Gideon, gebruik.

Wat sou jy (julle gemeente) doen as Hond met sy poniestert en vuil klere op sy 1000cc motorfiets by julle kerkgebou se trappies opdaag? Sou julle belangstel om sulke lidmate by te kry? (Hunker jy / julle gemeente nog na groei in God se Koninkryk – ook in en deur julle plaaslike gemeente?)

Bid en dink ’n bietjie eerlik hieroor.

Wat sê die Here vir jou? (Vgl Jes 6:1-8.)

6¹In die sterfjaar van koning Ussia het ek my Heer sien sit op ‘n hoë en verhewe troon. Die some van sy kleed het die •tempel gevul. ²Serafs het bo Hom gereedgestaan. Elkeen het ses vlerke gehad: Met twee vlerke het elkeen sy gesig bedek, met twee het hy sy voete bedek en met twee kon hy vlieg. ³Hulle het na mekaar geroep en gesê: “Heilig, heilig, heilig is die Here, Heerser oor alle magte! Die hele aarde is vol van sy heerlikheid.” ⁴Die deurpenne in die drumpel het gebewe van die geluid van die een wat roep. Die tempel het vol rook geword.

⁵Ek het gesê:
“Wee my, want ek is verlore!
Want ek is ‘n mens
met onrein lippe,
en by ‘n volk met onrein lippe
woon ek.
Ja, my oë het die Koning,
die Here, Heerser oor alle magte,
gesien.”

⁶Een van die serafs het na my toe gevlieg met ‘n gloeiende kool by hom wat hy met ‘n tang van die altaar af geneem het. ⁷Hy het my mond aangeraak en gesê:

“Kyk, dit het jou lippe aangeraak,
jou sondeskuld het gewyk,
daar is vir jou sonde
versoening gedoen.”
⁸Toe hoor ek die stem van my Heer wat sê:
“Wie sal Ek stuur
en wie sal vir ons gaan?”
Ek sê toe:
“Hier is ek, stuur my!”

---