Erediens
Prediker: Ds. Leon Cronje
Skriflesing: Genesis 21: 8-18
Tema: Vertrouensbreuk!
Datum: 21 Junie 2026
Vertrouensbreuk! Ds. Leon Cronje. Genesis 21. Sondag 21 Junie 2026 10:00
Stof tot nadenke: Groei…
“Ek het geplant, Apollos het natgegooi, maar God laat groei. Daarom is nóg hy wat plant, nóg hy wat natgooi iets, maar slegs God wat laat groei.”
(1 Kor. 3: 6-720)
Hoe verstaan ons groei?
Ons assosieer meer dikwels groei met kinders of plante. Babas ontwikkel en groei in die moederskoot; word versorg en opgepas, om te verseker dat hulle normaal en gesond opgroei. Ons plant saad of jong plantjies en hou dit angstiglik dop, om te sien dat hulle die nodige groei toon, sodat ons in die blom of vrugdra seisoen, plesier daaruit kan kry.
Ons is nie altyd ten volle bewus daarvan dat daar konstante verandering is in hierdie groei fases nie. Selfs al sien ons verstommende verandering van bv. ‘n pap babatjie na ‘n tweejarige kindjie, wat reeds alle tekens van eie menswees toon. Dis dieselfde verstommende verandering wat in ‘n plantsaad opgevang lê. Daardie saadjie is ontwerp om ten volle te ontwikkel en blomme te ontwikkel wat dan weer siklies saad voort te bring.
Blote verandering is egter nie op sig self groei nie. Groei is die sintese van verandering en volharding. Dus waar volharding kortkom, is daar nie groei nie. Wanneer mens ophou groei, dis wanneer ons begin sterf.
Teksverse:
“Kyk, dit is verplant. Sal dit gedy? Sal dit nie, as die oostewind dit tref, heeltemal verdroog, in die bedding waar dit groei, verdor nie.” (Eseg. 17: 1020);
“En Hy het gesê: “Die koninkryk van God is soos ‘n man wat saad op die land uitstrooi, en nag ná nag gaan slaap, en dag ná dag opstaan, en die saad ontkiem en groei – hoe weet hy self nie. Die land bring die graan vanself voort: eers ‘n halm, dan ‘n aar en dan die koring vol in die aar.”” (Mar 4: 26-2820);
“Dit is immers u wat my niere geskep het, my in die moederskoot geweef het.” (Ps.139: 1320)
Bybelse voorbeelde van geloofsgroei
Daar is verskeie voorbeelde in geloofsgroei. Ons kan gaan kyk na Petrus en Paulus. Beide mans wat deur God naamsveranderinge ontvang het. Petrus het Jesus blindelings gevolg, maar was ‘n wispelturige en emosionele man. Hy is egter ook deur Christus as die Rots van die evangelie aangewys, Ten spyte van sy verloëning van Christus. Die liefde waamee Jesus hom bejeën het, het Hom uiteindelik ‘n vurige kampvegter en apostel vir die evangelie gemaak, onder leiding van die Heilige Gees.
Paulus is tydens sy vervolging van die Christene, deur Christus tot stilstand geruk, en het ook ‘n draer van die evangelie geword. Hy het gelei en geleef vir die uitdrae van die evangelie, na die destyds ongeoorloofde lande. Die leiding en ondersteuning wat hy van God ontvang het, deur die genade gawe van die Heilige Gees, het hom gedring om aan te hou en te volhard.
Deur die werk van al die apostels, het daar menige mense tot geloof gekom, en ook gegroei in die geloof, soos duidelik uit die briewe van Paulus aan die Efesiërs, Kolosense en Petrus se briewe aan ander midde ooste dorpies. Die groei in geloof was duidelik gestel as mylpaal, “Om soos Christus te wees”, te kom.
Teksverse:
“…totdat ons almal kom tot eenheid in geloof en kennis van die Seun van God, en tot volwassenheid wat in ooreenstemming is met die volgroeide gestalte van die volheid van Christus. Die doel hiervan is dat ons nie meer klein kindertjies sal wees nie, wat deur die onstuimige golwe rondgeslinger word en rondgewaai sal word deur elke wind en lering, deur mense se slinksheid en die gekonkel waardeur hulle dwaling beplan; maar dat ons eerder, terwyl ons in liefde aan die waarheid vashou, in alle opsigte na Hom toe sal groei. Hy, Christus, is die Hoof…” (Ef. 4: 13-1520);
“…op grond van die hoop wat in die hemel op julle wag, Julle het al hiervan gehoor toe die woord van die waarheid, die evangelie, julle bereik het. Soos oral in die wêreld, het die evangelie, van die dag dat julle van God se genade gehoor en dit werklik verstaan het, ook onder julle begin vrug dra en groei.” (Kol. 1: 5-620);
“Daarom dan, van die dag dat ons dit gehoor het, hou ons nie op om vir julle te bid nie. Ons bid dat julle vervul mag word met die volle kennis van God se wil, deur al die wysheid en insig wat die Gees gee, om ‘n lewe te lei wat die Here waardig is, en Hom in alles tevrede stel, terwyl julle vrug dra deur elke goeie werk, en groei in die kennis van God,…” (Kol. 1: 9-1020)
Groei deur verandering
Dit is vir elkeen van ons moontlik om na bekering verder te groei in geloof.
Dat ons gedurig deur moet verander is ‘n voldonge feit. Slegs deur verandering kan ons groei. Ons moet stil raak voor God in gebed en smeking. Dit is wanneer ons lewegewende water van God af ontvang. Dan sal ons kan vrugdra en verder groei in geloof. Dis dan wanneer ons as Christene, diensbaar kan wees in die koninkryk en as voedsel sal kan dien vir ander mense, wat smag na God se lewegewende water. Laat ons almal saam groei in die genade en kennis van ons Here, Jesus Christus.
Ons moet net altyd waak om nie soos die Fariseërs hoogmoedig te word in geloof nie. Ons moet mekaar nederig dien en liefhê. Dis nie uit eie krag dat ons die genade gawe van God ontvang nie, maar in ons swakheid as mens.
Teksverse:
“Aan weerskante van die stroom, op sy walle, sal allerhande vrugtebome groei. Hulle blare sal nie verwelk nie, en hulle vrugte sal nie opraak nie. Elke maand sal hulle nuwe vrugte dra, want dit is uit die heiligdom wat hulle water vloei. Hulle vrugte sal as voedsel dien en hulle blare tot genesing.” (Eseg. 47: 1220);
“Soos dit gepas is, moet ons God altyd oor julle dank, broers, omdat julle geloof uitermate groei, en een en almal van julle se liefde vir mekaar toeneem.” (2 Thes. 1: 320);
“Sorg dat julle aanhou groei in die genade en kennis van ons Here en Verlosser, Jesus Christus. Aan Hom behoort die heerlikheid, nou en ook tot op die dag van die ewigheid. Amen.” (2 Pet. 3: 1820)
Skep asem vir vandag. Bybel dagstukkie vir vandag: 20 Junie 2026 – Om nederig te wees bring vrede. – konflik 3
20 Junie
Liewe Vriend
Vandag wil God jou leer om beskeie en nederig te wees, sodat jy ware eer van Hom kan kry. Hier is die Bybel se riglyn vir jou lewe vandag.
Tema: Om nederig te wees bring vrede. – konflik 3.
Teks: “Wie mense beledig, lok rusie uit. Wie baie van homself dink, word verneder.” (Spr. 17:19 – Die Boodskap)
- Die Here wys vir mense wat nie grootpraat nie hoe om reg te leef. Beskeie mense leer wat God se wil is. (Ps. 25:9)
- Slegte woorde en beledigings laat mense altyd baklei. Pas jou tong vandag op sodat jy nie sulke skadelike dinge sê nie.
- Mense wat te veel van hulleself dink, sal deur die lewe self klein gemaak word.
- Kies vandag doelbewus om ‘n klein en beskeie gesindheid te hê, want dit is die plek waar God Sy geluk gee.
Gebed:
Liewe Vader, dankie dat U my leer om met ‘n nederige hart te lewe.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Lief en Leed Week 26 van 2026
Verjaarsdae
Baie geluk aan al ons verjaarsdag maats
Nuusflitse Week 26+ van 2026
Sondag 21 Junie 2026 : Erediens om 10:00 Kleuterkerk en Kategese om 10:00.
Sondag 21 Junie 2026: LEEFkerk 17:00
Woensdag 24 Junie 2026 : Kooroefening by die orrel om 16:45.
Woensdag 24 Junie 2026 Nuwe Lidmate Verwelkomingsfunksie om 18:00 in die kerksaal
Sondag 28 Junie 2026 : Erediens om 10:00 GEEN Kleuterkerk en Kategese nie.
Lees die volledige afkondigings hier: Afkondigings 21-28 Junie 2026
Afkondigings 21-28 Junie 2026
Sondag 21 Junie 2026 :
- Baie welkom by die erediens gelei deur ds Leon Cronje.
- Ons skriflesing kom vanoggend uit Genesis 21:8-21.
- Die tema van die prediking is:Vertrouensbreuk.
- Vadersdag.
- Kleuterkerk in Lokaal 6.
- Kategese.
- Spesiale Offer vir Jan Kriel-Instituut (Kuilsrivier) by die deure.
- Tee sal bedien word in die kerksaal na afloop van die erediens.
- Die Blokbyeenkoms vanBlok 28 (Reebok Kusweg), Blok 29 (Reebok-Oos) & Blok 30 (Reebok-Wes tot Danabaai) vind plaas direk na die erediens in die kerksaal.
- Groenkloof preek om 10:00 – Ds Charné Viljoen.
- LEEFKerk om 17:00 in die kerksaal – Ds Leon Cronje.
Woensdag 24 Junie 2026 :
- Kooroefening by die orrel om 16:45. Marida – Epos Kontak.
- Nuwe Lidmate Verwelkomingsfunksie om 18:00 in die kerksaal (vir persone wat RSVP gegee het).
Vrydag 26 Junie 2026 :
- Skole sluit.
Sondag 28 Junie 2026 :
- Erediens om 10:00 – Ds Charné Viljoen.
- GEEN Kleuterkerk. Ouers welkom saam met kinders in die konsistorie.
- GEEN Kategese.
- Spesiale Offer vir Ondersteuningsbediening by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Ds Leon Cronje.
- GEEN LEEFKerk tydens die skoolvakansie.
Nuwe Lidmate 2026:
Johann & Rhenda Theart van Pretoria: Blok 25 (Seegenot tot Tergniethoogte)
Baie welkom by ons gemeente.
DEURKOLLEKTE
JAN KRIEL INSTITUUT het ontstaan uit die kerk se sorgsame betrokkenheid by die geskiedenis van Jan Krielskool (sedert 1937). Die Instituut is ‘n kerkgebaseerde organisasie en onafhanklike NPO. Dit fokus op die koestering en bestuur van die netwerk van ondersteuning vir die kinders van Jan Kriel Skool deur bewusmaking en die insameling van fondse vir kinders met spesiale onderwysbehoeftes.
Skenkers en donateursvriende speel ‘n onontbeerlike rol om hierdie kinders ‘n kans te gee om te ontwikkel en sukses te behaal. Gespesialiseerde onderrig en kundigheid sal altyd duur wees, maar 80 jaar se ondervinding bevestig ons vaste geloof in die waarde daarvan vir ons kinders. ‘n Kind wat na ons verwys is, sal nooit weggewys word op grond van finansiële behoefte of geloof nie.
Deur ons toegewyde span en lojale skenkers kry ons dit reg om ‘n groot impak op die lewens van die studente by Jan Krielskool te maak. Van studentesukses tot sportbyeenkomste tot bou-opgraderings en sosiale byeenkomste, ons is trots om te wys wat ons bereik deur harde werk ‘n passie.
“Aan God, die Vader van ons Here Jesus Christus, kom al die lof toe! Hy is die Vader wat Hom ontferm en die God wat in elke omstandigheid moed gee. In elke moeilikheid bemoedig Hy ons. Daarom kan ons ook ander bemoedig wat in allerlei moeilikhede verkeer” (2 Kor. 1:3-4 Afr83).
FEBA RADIO SA: Ons bid vir FEBA se werk onder vlugtelinge
Stel jou voor dat jy gedwing word om uit jou huis te vlug weens oorlog, vervolging of ’n natuurramp, en dan kry jy nêrens om weer huis te noem nie. Dis die werklikheid van meer as 100 miljoen ontheemdes in die wêreld. Baie FEBA-luisteraars in Afrika en Eurasië is vlugtelinge wat hulle na ons programme wend vir die hoop en samesyn wat in hul omgewing ontbreek.
Ons gebed vir die week: Bid dat elke vlugteling wat op FEBA Radio inskakel nuwe lewe in Christus sal vind, asook ’n nuwe tuiste in Sy kerk.
Die Webtuiste (nggrootbrak.co.za)
Nuut op 21 Junie 2026
- Erediensbediening:
- Kry die skakel na die YouTube Erediens van 21 Junie 2026, deur ds Leon Cronje.
- Bybelstudiereekse:
- ‘Skep asem vir vandag’ is ‘n heerlike positiewe begin vir elke dag.
- Die Weeklikse: Stof tot nadenke se tema is: “Groei…”
- Gemeentenuus:
- Kort oorsig en fotogallery van Klub 50 se “Sop en Bingo” oggend.
- Die weeklikse Afkondigings,asook Lief en Leed is op die webtuiste indien u wil seker maak van enigiets.
Ons dank u vir u volgehoue bydrae en ondersteuning van die werk van die Here.
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Epos Kontak
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Skep asem vir vandag. Bybel dagstukkie vir vandag: 19 Junie 2026 – Tema: Stop die bakleiery betyds – konflik 2.
19 Junie
Liewe Vriend
Vandag wil God jou daaraan herinner hoe belangrik dit is om vrede te maak oral waar jy gaan. Vat hierdie goeie lig van die Bybel vandag saam met jou.
Tema: Stop die bakleiery betyds – konflik 2.
Teks: “’n Rusie begin altyd klein en word dan erger en erger. Dit is soos ‘n damwal. Eers is die lek klein, en dan breek die wal. Keer die rusie voordat dit te ver gaan.” (Spr. 17:14 – Die Boodskap)
- Sorg dat jy wegbly van slegte dinge af en doen wat goed is. Soek altyd vrede. (Ps. 34:15)
- ‘n Klein verskil in opinie kan baie vinnig ‘n baie groot geveg word.
- Wees die wysste persoon in die vertrek deur die klein probleem vinnig op te los, nog voordat daar groot skade is.
- Stop ‘n argument doelbewus voor dit te ver gaan deur ‘n mooi, sagte antwoord te gee en kalm te bly (Spr. 15:1).
- ‘n Sagte antwoord, laat die woede bedaar – Spr. 15:1
Gebed:
Liewe Vader, dankie dat U vir my vrede gee.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 18 Junie 2026 – Moenie heeltyd baklei nie – konflik 1.
18 Junie
Liewe Vriend
Vandag wil God vir jou die nodige wysheid gee om groot probleme en moeilike mense reg te hanteer. Hier praat God se Woord nou reguit met jou.
Tema: Moenie heeltyd baklei nie – konflik 1
Teks: “Moeilike mense maak met almal rusie. Op ‘n dag sal hulle nog hulle moses teëkom.” (Spr. 17:11 – Die Boodskap)
- Die Here is soos ‘n sterk skild wat jou getrou oppas teen mense wat sonder rede met jou wil baklei. (Ps. 35:1-2)
- Mense wat baie rusie maak, bring dikwels baie spanning in jou lewe.
- God se keuse vir die lewe is dat jy die pad van vrede sal volg.
- Moenie self probeer om mense terug te kry of dinge self uit te sorteer nie – laat alles aan die Here oor.
- Kies om vandag doelbewus weg te stap van argumente af. Dink eerder aan die mooi planne wat die Here vir jou het.
Gebed:
Liewe Vader, dankie dat U my oppas teen mense wat wil baklei.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
KLUB 50: Sop & Bingo oggend
Klub 50 se lede het op 3 Junie ‘n heerlike oggend van sop en bingo gehad. Daar is met spanning gewag op die uitroep van nommers om tog net’ n kaartjie vol te kry.
Die geleentheid was in die Kerksaal gehou, en almal wat daar was het die oggend geniet. Baie dankie aan KLUB 50 se bestuur vir al die reëlings.
Skep asem vir vandag. Bybel dagstukkie vir vandag: 17 Junie 2026 – Alles hang van God af – stap agter Hom aan.
17 Junie
Liewe Vriend
Vandag nooi God jou uit om jou eie planne aan Hom oor te gee. Kyk nou na wat die Bybel vandag vir jou sê.
Tema: Alles hang van God af – stap agter Hom aan.
Teks: “Elke mens beplan sy lewe, maar alles hang van die Here af.” (Spr. 16:9 – Die Boodskap)
- Die planne van die Here is vir altyd vas. Wat Hy wil hê, sal vir altyd gebeur, van geslag tot geslag. (Ps. 33:11)
- Dit is baie goed om self mooi planne te maak, maar onthou altyd dat God die laaste sê het.
- Die sukses van jou toekoms hang op die ou end nie van hoe slim jy is nie.
- Dit hang af van die Here wat geluk gee en vol van liefde is.
- Gee die beheer van jou dag oor aan God, en vertrou dat Sy pad altyd die heel beste is.
Gebed:
Liewe Vader, dankie dat my hele lewe veilig in U hande is.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 16 Junie 2026 – Niks is weggesteek nie.
16 Junie
Liewe Vriend
Vandag wil God jou daaraan herinner dat Hy alles sien en met Sy groot wysheid oor jou lewe waak. Maak die Bybel oop om te sien waarheen jy vandag moet gaan.
Tema: Niks is weggesteek nie.
Teks: “Die Here ken alles wat ons beplan. Niks is vir Hom weggesteek nie.” (Spr. 15:11 – Die Boodskap)
- Die Here ken jou deur en deur. Hy weet alles van jou af. Of jy sit, of jy staan, praat of op reis is, Hy weet lankal wat jy dink. (Ps. 139:1-2)
- God weet presies van elke plan en droom wat jy vir die toekoms het. Niks is vir Hom ‘n geheim nie.
- Omdat niks vir die Here weggesteek kan word nie, kan jy heeltemal eerlik en opreg vir Hom lewe.
- Vertrou op Hom – Hy gee die regte planne. Hy lei jou op die regte pad. Volg Hom. Stap agter Hom aan. Hy het vir jou gekies.
Gebed:
Liewe Vader, dankie dat niks in my lewe vir U weggesteek is nie.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Nuusflitse Week 25+ van 2026
Sondag 14 Junie 2026 : Erediens 09:00 – Geen Kinderkerk Geen Kategese nie
Sondag 14 Junie 2026: GEEN LEEFkerk nie
Maandag 15 Junie 2026 :Spesiale Skoolvakansie.
Dinsdag 16 Junie 2026 : Publieke vakansiedag – Jeugdag.
Woensdag 17 Junie 2026 : Kooroefening by die orrel om 16:45.
Woensdag 17 Junie 2026: Getuienisbediening Sop, Brood & Boodskap uitreik.
Sondag 21 Junie 2026 : Erediens om 10:00 Kleuterkerk en Kategese om 10:00.
Lees die volledige afkondigings hier: Afkondigings 14 – 21 Junie 2026
Afkondigings 14 – 21 Junie 2026
Sondag 14 Junie 2026 :
- Baie welkom by die erediens gelei deur ds Charné Viljoen en ’n spesiale verwelkoming aan die familie en vriende van die doop ouers:
- Wiehann & Claudia van der Walt (seuntjie – Johann van der Walt).
- Ons skriflesing kom vanoggend uit Genesis 18:1-15; 21:1-7.
- Die tema van die prediking is:Alles is moontlik.
- Biddag vir Jeug & Kategese.
- GEEN Kleuterkerk. Ouers welkom saam met kinders in die konsistorie.
- GEEN Kategese.
- Sinodale Offer vir Jeugwerk by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Digitaal.
- GEEN LEEFKerk.
Maandag 15 Junie 2026 :
- Spesiale Skoolvakansie.
Dinsdag 16 Junie 2026 :
- Publieke vakansiedag – Jeugdag.
Woensdag 17 Junie 2026 :
- Getuienisbediening Sop, Brood & Boodskap uitreik.
- Kooroefening by die orrel om 16:45. Marida – 082 471 0751.
Sondag 21 Junie 2026 :
- Erediens om 10:00 – Ds Leon Cronje.
- Vadersdag.
- Kleuterkerk in die konsistorie.
- Kategese om 10:00.
- Spesiale Offer vir Jan Kriel-Instituut (Kuilsrivier) by die deure.
- Tee na die erediens in die kerksaal.
- Groenkloof preek om 10:00 – Ds Charné Viljoen.
- Die Blokbyeenkoms van Blok 28 (Reebok Kusweg), Blok 29 (Reebok-Oos) & Blok 30 (Reebok-Wes tot Danabaai) vind plaas direk na die erediens in die kerksaal.Ilse du Toit – 083 610 1155.
- LEEFKerk om 17:00 in die kerksaal – Ds Leon Cronje.
| NG Kerk Outeniqualand KARNIVAL Voedsel, Vermaak & Kaskar 20 Junie vanaf 08:00 Vir meer inligting neem ‘n pamflet in die voorportaal of kontak die kerkkantoor. |
Nuwe Lidmate 2026:
- André & Yolanda Jordaan van Pretoria: Blok 11 (Sandhoogtepad)
- Jan & Dalene Fourie van Strydenburg: Blok 12 (Eurekapark)
Baie welkom by ons gemeente.
Sterftes 2026:
- 3 Junie – Elsie Potgieter: Blok 16
- 8 Junie – Adolf Jonker: Blok 9
Ons innige meegevoel aan hul familie & vriende.
DEURKOLLEKTE
Die Jeug en Familiebediening van die Wes-Kaapland fokus op die ondersteuning, toerusting en navorsing van Jeugwerk wat deur gemeentes gedoen word, en sluit die volgende in:
- · Kategese ondersteuning
- · Familiebediening hulpmiddels
- · #imagine feesnaweek
- · Navorsing oor Jong Volwasse bediening
- · Kinderbediening ondersteuning
“Soek die Here en sy krag, soek voortdurend sy teenwoordigheid op” (1 Kron. 16:11 Afr20).
FEBA RADIO SA: Ons bid vir FEBC Oezbekistan
Bid vir Umida en Sardor wat onder Moslems in Oezbekistan werk. Ondanks kwaai uitdagings bly hulle en die span vasbeslote om Christus met hul Oezbek broers en susters te deel. Hulle stel die evangelie en Bybelverwante inhoud op ’n warm, verstaanbare wyse bekend in kort video’s. Sommige kykers reageer met aggressie, maar ander kontak die span en is gewillig om meer van Jesus te leer.
Ons gebed vir die week: Bid dat FEBC Oezbekistan die moed sal hê om met vyandige kykers te gesels, asook die wysheid om hulle na Christus toe te lei.
Die Webtuiste (nggrootbrak.co.za) – Nuut op 14 Junie 2026
- Erediensbediening:
- Kry die skakel na die YouTube Erediens van 14 Junie 2026, deur ds Charné Viljoen.
- Bybelstudiereekse:
- ‘Skep asem vir vandag’ is ‘n heerlike positiewe begin vir elke dag.
- Die Weeklikse: Stof tot nadenke se tema is: “Bekering?”
- Gemeentenuus:
- Kort oorsig en fotogallery van Klub 50 se “Sop en Bingo” oggend.
- Die weeklikse Afkondigings,asook Lief en Leed is op die webtuiste indien u wil seker maak van enigiets.
Lief en Leed Week 25 van 2026
Sterftes
Dit met leedwese dat ons kennis neem van die heengaan van
3 Junie – Elsie Potgieter: Blok 16
8 Junie – Adolf Jonker: Blok 9.
Ons innige meegevoel aan hulle familie en vriende.
Ons dink aan julle in hierdie moeilike tyd.
Verjaarsdae
Baie geluk aan al ons verjaarsdag maats
Skep asem vir vandag. Bybel dagstukkie vir vandag: 15 Junie 2026 – Elke mens het sy eie geheime, die Here weet alles.
15 Junie
Liewe Vriend
Vandag wil God jou troos – Hy verstaan jou diepste gevoelens. Die Bybel wys nou vir jou hoe lief God jou het.
Tema: Elke mens het sy eie geheime, die Here weet alles.
Teks: “Elke mens het sy eie swaarkry. Niemand weet daarvan nie. Vreemdes weet ook nie wat hom bly maak nie.” (Spr. 14:10 – Die Boodskap)
- Die Here sien elke traan en Hy ken jou diepste probleme. Hy is baie naby aan jou as jou hart stukkend is. (Ps. 34:19)
- Ander mense verstaan nie altyd jou swaarkry nie – ook nie die dinge waarmee jy sukkel nie. Die Here God ken jou heeltemal.
- Net soos jou hartseer dikwels ‘n geheim is, is jou diepste blydskap weer ‘n spesiale geskenk tussen jou en God die Here.
- Moenie met jou gevoelens alleen voel nie. Vertel vandag vir God van al jou geheime vreugdes en jou grootste probleme.
Gebed:
Liewe Vader, help my om vandag gemoedsrus te hê, want U ken my hart so goed.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Alles Moontlik! . Ds. Charné Viljoen. Genesis 18&21. Sondag 14 Junie 2026 10:00
Prediker: Ds. Charné Viljoen
Skriflesing: Genesis 18: 1-15 & 21: 1-7
Tema: Alles Moontlik!
Datum: 14 Junie 2026
YouTube
Lees meer “Alles Moontlik! . Ds. Charné Viljoen. Genesis 18&21. Sondag 14 Junie 2026 10:00”Skep asem vir vandag. Bybel dagstukkie vir vandag: 14 Junie 2026 – Wense wat waar word.
14 Junie
Liewe Vriend
Vandag wil God jou daaraan herinner dat Hy die Een is wat jou diepste drome laat waar word. Hier is die Bybel se spesiale belofte vir jou dag.
Tema: Wense wat waar word.
Teks: “Drome wat nie waar word nie, bring hartseer. ‘n Wens wat waar word, maak die lewe die moeite werd.” (Spr. 13:12 – Die Boodskap)
- Wees baie bly oor die Here, en Hy sal vir jou gee wat jou hart graag wil hê. (Ps. 37:4)
- Om lank te wag vir drome wat nie waar word nie, kan jou hart baie seer maak.
- Gee eerder al jou hoop vir God.
- Wanneer God ‘n goeie wens in jou lewe laat waar word, gee Hy vir jou nuwe krag en maak Hy jou lewe mooi – alles kom van Hom af.
- Vertrou op die Here se perfekte tyd vir jou drome, dit maak die lewe die moeite werd.
Gebed:
Liewe Vader, dankie dat U weet wat my hart begeer en dat U my drome oppas.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Stof tot nadenke: Bekering?
“Of verag jy die rykdom van sy goedheid, verdraagsaamheid en geduld, en besef jy nie dat God se goedheid jou tot bekering wil bring nie.”
(Rom. 2: 420)
Wat is bekering?
Per definisie is bekering ‘die handeling van ‘n gesindheidsverandering. ‘n Totale omdraaiing of wegdraai van ‘n sondige lewe en verkeerde weë. Dis die omkeer na ‘n lewe in gehoorsaamheid in God. Dis ‘n daaglikse lewenswyse van vernuwing in denke en gedrag.’
Verskeie skrywers het ook sieninge oor bekering geuiter: Willie Jonker meen ‘bekering beteken dat ‘n mens in jou hart ‘n doelbewuste keuse vir God en sy wil en téén die kwaad en die sonde doen. Dit gaan om ‘n koersverandering van 180 grade.’ Dirkie Smit reken: ‘Die evangelie wil ons verbeelding vernuwe, ons maniere van kyk-na-mekaar, van droom-oor-wat-regtig-tel só radikaal vernader dat bekering eintlik die enigste woord is daarvoor.’ Benjamin Whichcote noem dat ‘Ons verkry nie toegang tot die hemel in die uur van ons dood nie, maar op die oomblik van bekering.’
Elkeen van ons kyk vanuit ‘n ander hoek na bekering, maar wat presies is bekering? Kan ons dit uit ons eie wil afdwing? Of is dit ‘n behoefte wat in ons hart deur God self geskep word?
Teksverse:
“Want so sê my Heer, die HERE, die Heilige van Israel: “In bekering en rustigheid lê julle redding, in kalmte en vertroue lê julle krag; maar julle weier.” (Jes. 30: 1520);
“Jesus het hulle geantwoord: “Gesonde mense het nie ‘n dokter nodig nie, maar wel die siekes. Ek het nie gekom om regverdiges te roep nie, maar sondaars tot bekering.”” (Luk 5: 31-3220)
Stappe tot bekering
Dit blyk dat daar drie stappe is wat lei tot bekering.
- Eerstens moet jy tot die besef kom en erken dat jy ‘n sondige lewe lei.
- Tweedens moet jy opregte berou hê oor jou sonde.
- Derdens moet jy ‘n besluit neem om weg te draai van ‘n verkeerde lewe.
Bekering beteken om weg te draai van sonde, en lei na weergeboorte.
Hierdie stappe is nie ‘n resep om te volg nie, maar die natuurlike verloop van die genade van God, die Vader, die bewusmaking van die Verlossing deur Jesus Christus, en die leiding van die Heilige Gees in ons lewens.
Ons kan dus nie bekering afdwing voor God nie. Ons kan net in ootmoed en in die bewuswording van die verkeerde dinge in ons lewe, voor God neerbuig en om vergifnis vra. Die Vader wil elkeen van ons as bekeerlinge in Sy koninkryk opneem – in Liefde. Jesus Christus het na hierdie wêreld gekom, nie om te veroordeel nie, maar om te verlos!
Teksverse:
“As ons ons sondes bely – Hy is getrou en regverdig, en daarom sal Hy ons ons sondes vergeef en ons van alle kwaad reinig.” (1 Joh. 1: 920);
“Want die droefheid, volgens die wil van God, bewerk inkeer, wat tot verlossing lei, en waaroor niemand ooit spyt is nie; maar wêreldse droefheid lei tot die dood.” (2 Kor. 7: 1020)
“Die Here stel nie die belofte uit, soos party mense dink nie. Inteendeel, Hy is geduldig met julle, omdat Hy nie wil hê sommige mense moet verlore gaan nie, maar dat almal tot bekering moet kom.” (Fil. 1: 2720);
“Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê. God het immers nie sy Seun na die wêreld gestuur om die wêreld te veroordeel nie, maar sodat die wêreld deur Hom verlos kan word. ” (Joh. 3: 16-1720);
“Daarop het Hy hulle vertand daarvoor geopen om die Skrifte te vertaan, en vir hulle gesê: “So staan daar geskryf dat die Christus moet ly en op die derde dag uit die dood opstaan, en dat Sy Naam bekering tot die vergewing van sondes aan alle nasies verkondig moet word.” (Luk. 24: 45-4720)
Kan ons ‘n tweede keer tot bekering kom?
Volgens die brief aan die Hebreërs, het mense wat tot bekering gekom het en die vreugde van die Heilige Gees beleef het, en wat dan afvallig word, min genade in God se oë. Ons moet dus waak teen enige valse profete wat verdraaiings van die ware Verlossing verkondig. Ons moet vasstaan daarin om te groei in geloof, deur meer en meer bewus te word van die geheimenisse van God, wat in die Woord van God vasgevang is.
Dit is vir elkeen van ons moontlik om tot bekering te kom en verder te groei in geloof. Ons moet egter stil raak voor God en vir leiding en openbaring van die Woord vra. Dis dan dat ons die wapenrusting van God ontvang wat ons help in ons groei in ‘n vaste geloof.
Teksverse:
“Laat ons dan verder gaan as die eerste beginsels van die boodskap aangaande Christus, en voortgaan na volwassenheid, sonder om weer die fondament te lê van bekering van dooie werke, van geloof in God,… ” (Heb. 6: 120);
“Dit is immers onmoontlik om hulle wat eenmaal verlig is, wat die hemelse gawe gesmaak, en deel gekry het aan die Heilige Gees, en wat die goeie woord van God gesmaak het, en ook die kragte van die komende bedeling, en tog afvallig geword het, weer opnuut tot bekering te brin; aangesien hulle wat hulleself betref, die Seun van God opnuut gekruisig en openlik tot skande maak.” (Heb. 6: 4-620)
Skep asem vir vandag. Bybel dagstukkie vir vandag: 13 Junie 2026 – ‘n Slim manier van lewe.
13 Junie
Liewe Vriend
Vandag wil God vir jou die wysheid gee om ‘n baie goeie voorbeeld vir ander mense te wees. Kry nou nuwe lewenswysheid reguit uit die Bybel.
Tema: ‘n Slim manier van lewe.
Teks: “’n Mens word aan sy lewe gemeet. Slimheid word aan ‘n mooi manier van lewe gesien. Domkoppe weet nie hoe om reg te leef nie. Mense verag hulle.” (Spr. 12:8 – Die Boodskap)
- As jy die Here dien, het jy ware wysheid gekry. Hy gee Sy wysheid en kennis met baie liefde vir jou. (Ps. 111:10)
- Mense kyk na hoe jy elke dag optree om te sien waarin jy glo. Laat jou lewe wys hoe lief God mense het.
- Ware slimheid beteken nie jy het baie by ‘n skool of universiteit geleer nie. Dit beteken jy lewe op ‘n mooi, goeie en eerlike manier.
- Kies doelbewus om te leer hoe om reg en wys te lewe, sodat mense altyd respek sal hê vir wat jy doen.
Gebed:
Liewe Vader, dankie dat U vir my wys hoe om reg te lewe. Help my om vandag vir die wêreld ‘n baie mooi manier van lewe te wys.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 12 Junie 2026 – Blydskap maak jou gesond.
12 Junie
Liewe Vriend
Vandag wil God jou lewe vol maak met ‘n diep, goeie blydskap wat jou sommer gesonder sal maak. Kyk na wat die Bybel nou vir jou wys.
Tema: Blydskap maak jou gesond.
Teks: “Vreugde en geluk is goed vir jou gesondheid. Depressie kan jou knak.” (Spr. 17:22 – Die Boodskap)
- Die Here verander jou hartseer in groot blydskap. Hy vat jou rou weg en gee vir jou ‘n gemoed wat vol van fees is. (Ps. 30:12)
- Blydskap en geluk is nie net dinge wat jy voel nie, dit werk soos goeie medisyne vir jou hele lyf.
- Moenie toelaat dat negatiewe, donker gedagtes en hartseer jou gees stukkend maak of jou lewenslus wegneem nie.
- Kies doelbewus om vandag bly te wees oor God se goedheid. Dink aan dinge wat jou gelukkig maak.
Gebed:
Liewe Vader, help my om vandag die vreugde wat U vir my gee te kies.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.