27 Oktober
Liewe vriend,
Net soos jy na ’n harde oefensessie na water smag, kan jou hart na God verlang. Hier is God se Boodskap, net vir jou.
Tema: Dors na God
Teks: “Ek soek U, o God, my God, ek dors na U; ek smag na U soos in ’n dor en droë land, ’n land sonder water.” (Ps. 63:2)
- God se barmhartigheid is groot — Hy hou jou in die lewe. (Ps. 119:156)
- Die leë gevoel binne-in jou kan nie deur goed, geld of aandag gevul word nie — net deur God.
- Hoe meer tyd jy saam met God deurbring, hoe meer verlang jy na Hom.
- Soek God vandag doelbewus: deur gebed, die Bybel of ’n lofliedjie.
Gebed:
Liewe Vader, dankie dat U my dors les — ek soek U vandag met my hele hart.
In die Naam van Jesus Christus, die Here.
Amen.
Vorige dagstukkies 2026
Vorige dagstukkies 2025
© NG Kerk Lynnwoodrif – word gebruik met toestemming.