Kategorie: Dagstukkies

30 April

Liewe ….

Mag jy vandag die Here God as die Een wat jou omarm leer ken. Hier is God se Woord net vir jou.

Tema: Besef jy dat jy ‘n behoefte aan die Here het?

Teks: “Josef het die volgende more by hulle gekom en opgemerk dat hulle bedruk was… Waarom lyk julle so bedruk” (Gen 40:6)

• Jou grootste behoefte is nie fisiese, psigiese, finansiële of emosionele behoeftes nie, al dink jy so.
• Jou grootste behoefte is die behoefte aan die Here self.
• Wanneer jy by ‘n doodloopstraat kom, gee die Drie-enige God hoop en nuwe lewe.
• Niks of niemand kan jou lewe so vinnig en so dramaties verbeter soos juis Hy nie.
• Die Here God is die Hoop-geeër, die Hersteller, die Geneser en die Meester van tweede kanse.
• Hy omarm en verwelkom jou.

Gebed

Liewe Vader, baie dankie dat U my altyd omarm en verwelkom. Dankie vir tweede kanse.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

29 April

Liewe ….

My gebed is dat jy die geleenthede wat die Here gee sal gebruik om God groot te maak. Hier is ‘n wonderlike Woord vandag net vir jou.

Tema: Jou uitdagings is ook jou getuienistye

Teks:  Wat Josef ook al aangepak het, die Here het dit laat slaag.” (Gen 39:23)

• Jou lewe is ‘n getuienis van God se liefde – van die begin tot die einde.
• Selfs in die uitdagendste situasies, sien ander mense God se krag in jou raak
• Mens kan swaarkry, maar die Here sal jou in elke moeilikheid uitkoms gee (1 Kor 10:13).
• Daar is niks wat met jou gebeur wat bo jou kragte is nie. Die Here help jou (1 Kor 10:13).
• Moet dus nie op jouself staatmaak nie. Steun op die Here.
• As jy ‘n lewe van vertroue in God leef, sal jy ‘n getuienis vir ander wees.
• Vertrou Hom vandag.

Gebed

Liewe Vader, baie dankie dat U in alle omstandighede uitkoms gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

28 April

Liewe ….

Ek hoop dat jy sensitief sal wees vir die nuwe uitkomste wat die Here in die lewe gee. Hier is Sy Woord vir jou.

Tema: Die Here gee nuwe geleenthede

Teks: “ Terwyl Josef daar in die tronk was,was die Here by hom, en Hy het Josef sy troue liefde laat ondervind, sodat die tronkbewaarder hom goedgesind geword het. ” (Gen 39:20-21)

• Vertrou die Here. Jy kan heeltemal op Hom staatmaak.
• Jy hoef nie vir ander mense bang te wees nie.
• Die Here, die Almagtige God is daar om jou te help.
• Jou genadige God gee altyd nuwe geleenthede en nuwe uitkomste.
• Hy is die God van nuwe kanse.

Gebed

Liewe Vader, baie dankie dat U altyd nuwe kanse en geleenthede gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

27 April

Liewe ….

My gebed vir jou is dat die Here jou gesondheid sal gee. Mag Hy ook jou gemoed verlig. Hier is die Here se Woord aan jou.

Tema: Sien die pyn van ander mense raak

Teks: “Josef het die volgende môre by hulle gekom en opgemerk dat hulle bedruk was… Waarom lyk julle so bedruk” (Gen 40:6)

• Die emosies en ervaringe van ander mense is altyd belangrik.
• Wees sensitief vir die gemoed van ander mense.
• Jy moet vandag vir ander mense omgee.
• Wees beskikbaar om mense wat oor hulle lewe moedeloos is, op te lig en hoop te gee.
• Doen net die dinge wat die Here se hart bly maak (Ps. 37:27).

Gebed

Liewe Vader, baie dankie dat ek ook ander mense kan bemoedig.

In Jesus se Naam.

Amen.en.

Vorige dagstukkies

© NG Kerk Lynnwoodrif – word gebruik met toestemming.

26 April

Liewe ….

My gebed vir jou is dat die Here elke moeilike situasie in ‘n wonderlike geleentheid sal omskep. Mag Hy vir jou nuwe geleenthede gee en jou baie gelukkig maak. Hier is ‘n boodskap uit God se Woord vir jou, net vir vandag.

Tema: Jou moeilike tye verander in goeie situasies

Teks:  Wat Josef ook al aangepak het, die Here het dit laat slaag. ” (Gen 39:23)

• Sukses is om alles in die Naam van die Here aan te pak. Hy is jou God en hulp.
• Wanneer almal rondom jou swaarkry, sal jy steeds genoeg hê. Die Here sorg vir jou (Ps 37:19).
• Bly getrou om dit wat van jou verwag word om te doen, te doen.
• Gryp dan elke dag, elke uur en minuut en oomblik aan om voluit te leef.

Gebed

Liewe Vader, baie dankie dat U my swaarkry tye ook verander in goeie tye.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

25 April

Liewe ….

My wens is dat jou oë oop sal wees sodat jy kan sien dat die Here selfs ongelowige mense gebruik om vandag Sy wil te doen. Hier is God se Woord waaroor jy vandag moet nadink.

Tema: Die Here kan ook ongelowiges gebruik

Teks: “ Terwyl Josef daar in die tronk was,was die Here by hom, en Hy het Josef Sy troue liefde laat ondervind, sodat die tronkbewaarder hom goedgesind geword het. ” (Gen 39:20-21)

• Die Here kyk uit die hemel en sien al die mense (Ps. 33:13).
• Van die plek waar Hy regeer, sien Hy alles en almal wat op die aarde is (Ps. 33:14).
• Daar is geen mens wat nie onder die sorg en beheer van die Here is nie.
• Die Here verander mense se harte om jou goedgesind te wees.
• Gryp elke geleentheid aan om voluit te leef.
• Dit was nog nooit ‘n mors van tyd om op die Here te vertrou nie.

Gebed

Liewe Vader, dankie dat U elke mens onder U beheer het en so ook vir my sorg.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

24 April

Liewe ….

Ek bid vandag vir jou. Ek bid dat jy in die lewe teen elke versoeking en beproewing sterk sal staan. Hier is ‘n Woord van die Here om jou te help.

Tema: Versoekings wag om elke draai

Teks: “Na sy bevordering in sy eienaar se huis het dié se vrou na Josef gekyk en vir hom gesê: “Kom slaap by my.” (Gén 39:7)

• Die lewe is vol van verleidelikhede en versoekings.
• Verkeerde gedagtes lok jou al dieper in die moeilikheid in (Jak 1:14-15).
• Verkeerde gedagtes toets jou Christenskap (Jak 1:14-15).
• As jy oor hierdie verkeerde dinge dink, sal jy dit ook begin doen (Jak 1:15).
• Bly weg van hierdie gedagtes en dinge af.
• Vul jou gedagtes eerder met dit waaroor Jesus sou dink (2 Kor 10:5b; Jak 1:15).

Gebed

Liewe Vader, dankie dat ek my gedagtes met die gedagtes van Jesus kan volmaak. Help my hiermee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

23 April

Liewe ….

Ek wens dat jou lewe ‘n voorbeeld van eerlikheid sal wees. Hier is ‘n boodskap uit die Bybel vir jou.

Tema: Eerlikheid skep vertroue

Teks: “Hy het alles aan Josef oorgelaat en hom aan niks gesteur nie, behalwe aan sy kos.” (Gén 39:6)

• Die Here, die God van genade en liefde maak jou baie gelukkig, en Hy bring voorspoed.
• Omdat jy betroubaar en eerlik is, vorder jy deur die fases van die lewe.
• Gelukkig help die Here jou. Hy hou jou lewe in Sy hand vas (Ps 54:6; Joh. 10:28-30).
• Leef so deur jou lewe dat jy vir die Here dankie sê (Ps 54:8).

Gebed

Liewe Vader, baie dankie dat U my integriteit en eerlikheid gee, sodat ek dit ook tot U eer kan gebruik.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

22 April

Liewe ….

Ek hoop dat jy nie kanse sal vat nie, maar ver van versoekings en sonde sal wegbly. Lees vandag se gedagte van die dag vir jou.

Tema: Versoekings is orals

Teks: “Na sy bevordering in sy eienaar se huis het dié se vrou na Josef gekyk en vir hom gesê: “Kom slaap by my.”(Gén 39:7)

• Saam met mag, kom versoeking.
• Aanloklike en soms, oënskynlik onskuldige dinge, kan jou getuienis tot ‘n val bring.
• Daar is baie geleenthede waar jy die verkeerde keuses kan maak.
• Vlug daarvan weg sodat jou getuienis tot eer van die Here sal bly staan (Jak 1:14-15).
• Leef naby die Here. Dit sal jou van die versoekings en sonde laat wegbly.

Gebed

Liewe Vader, dankie dat U my help om van sonde weg te bly.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

21 April

Liewe ….

My gebed vir jou is dat jy met integriteit sal leef en die Here se genade sal beleef. Hier is God se Woord aan jou.

Tema: Integriteit skep vertroue

Teks: “Hy het alles aan Josef oorgelaat en hom aan niks gesteur nie, behalwe aan sy kos.” (Gén 39:6)

• Die Here sal jou gelukkig maak en dit met jou goed laat gaan.
• Almal sal dit raakgesien.
• Omdat jy betroubaar is, ontwikkel jou naam, jou besigheid en jou gesin.
• Integriteit lewer altyd sy positiewe vrugte.
• Mense sien dit raak. Jy sal in goeie en slegte tye daarvoor beloon word. Mense sal jou respekteer.
• So lank jy naby die Here leef, sal Hy vir jou goed wees (Ps 23:6).

Gebed

Liewe Vader, dankie dat my eerlikheid van U af kom.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

20 April

Liewe ….

Ek bid dat jy sal opmerk hoe die Here jou kan verander en wil gebruik. Hier is God se Woord aan jou.

Tema: Daar wag nuwe geleenthede en groot herstel

Teks: “ Potifar het hom aangestel oor sy hele huishouding en oor al sy besittings” (Gen 39:4)

• Die Here bring herstel te weeg.
• Hy wil hê dat jy presies sal word wat Sy bedoeling met jou was.
• Moet nooit die Here onderskat nie – kyk wat Hy deur jou en in jou nog wil doen.

Gebed

Liewe Vader, baie dankie dat U my verander en nuwe geleenthede gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

19 April

Liewe ….

My gebed is dat jy elke geleentheid wat na jou kom sal aangryp en ‘n sukses daarvan sal maak. Hier is God se Woord aan jou.

Tema: Die Here dra jou altyd

Teks: “ Die Here was by Josef en dit het baie goed met hom gegaan” (Gen 39:2)

• Wees bedag vir nuwe geleenthede wat vir jou wag.
• Selfs wanneer jy onder druk en gespanne is, bly jy waardevol vir die Here
• Daarom belê Hy deur Sy Gees in jou en sal jou nie los nie (Joh. 10:28-30).
• Die Here herstel alles – jou gesondheid, jou finansies, jou werk, jou verhoudinge en jou toekoms.
• Hy verander en verbeter alles – vir jou.

Gebed

Liewe Vader, baie dankie dat U my donker oomblikke in goue oomblikke verander.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

18 April

Liewe ….

My gebed is dat jy vas sal glo dat God jou uitkoms sal gee. Hier is ‘n Woord van die Here aan jou vir vandag.

Tema: Daar sal verseker uitkoms wees

Teks: “So sê die Here: ‘n Soldaat se gevangene kan ontset word, selfs ‘n man met mag se buit kan afgeneem word. Ek is ‘n vyand van jou vyand en Ek sal jou kinders red.” (Gen. 37:35)

• Soms lyk dit asof jy in doodloopstrate is. Jy het nie hoop nie, raak paniekerig en wil moed opgee.
• Soms het jy nie beheer oor dinge nie, ander kere kan jy aan situasies iets verander.
• Wanneer dit finansieël moeilik gaan, jou werk onder druk is, of as jy familieprobleme het, gee Hy die oplossing.
• Wanneer jou kinders probleme het, help Hy hulle en gee Hy hulle uitkomste.
• Wat vir jou onmoontlik lyk, maak Hy moontlik.
• Jou toe deure, maak die Almagtige God groot oop deure.

Gebed

Liewe Vader, dankie dat U die moeilike situasies in my lewe goed laat uitwerk.

In Jesus se Naam.

Amen

Vorige dagstukkies

© NG Kerk Lynnwoodrif – word gebruik met toestemming.

17 April

Liewe ….

Ek hoop dat jy sal raaksien wanneer iemand nie skuldig aan iets is nie. Hier is ‘n gedagte van die Bybel vir jou.

Tema: Erken die onskuld van ander mense

Teks: “Maar Juda het dit erken en gesê: Sy is onskuldig, ek nie” (Gen 38:26)

• Dit is nie maklik en lekker om te erken dat jy verkeerd is en skuldig is aan iets nie.
• Dit is waarom jy eerder ander mense sal verwyt – jy sal eerder aanval.
• Wil jy vrede kry – hou op om ander mense se foute uit te wys.
• Wil jy vrede kry – erken jou aandeel aan die probleme.

Gebed

Liewe Vader, gee my genade om my foute te erken en ander mense nie meer seer te maak nie.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

16 April

Liewe ….

My gebed is dat jy sal sien dat God elke hartseer in iets goeds verander. Hier is ‘n Woord van die Here aan jou vir vandag.

Tema: Leef in die waarheid

Teks: “ So het Josef se pa bly treur oor hom.” (Gen 37:35)

• Die Here wil eerder dat jy die mooi dinge van die lewe sien en geniet, as hartseer.
• Die Here God is jou veilige wegkruipplek, jou Beskermer en jou toekoms.
• Jy kan met vertroue op die Here staatmaak. Jy kan weet dat Hy jou sal help.
• Hy sal alles herstel. Jy sal ‘n nuwe tyd beleef. Wees positief.

Gebed

Liewe Vader, maak my sterk sodat ek in hoop leef.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

15 April

Liewe ….

Ek wens dat jy sal aanleer wat dit beteken om vir ander mense om te gee. Hier is ‘n spesiale Woord van die Here aan jou.

Tema: Gee om en help

Teks: “ Ruben het dit gesê sodat hy vir Josef kon red en hom na sy pa toe kon terugstuur. ” (Gen 37:22)

• Reik uit na mense in nood.
• Gelukkig is jy wanneer jy regtig vir ander mense omgee (Matt 5:7).
• Gelukkig is jy wanneer jy hartseer is oor die pyn en lyding van die wêreld (Matt 5:4).
• Wanneer jy mense in nood sien, probeer hulle uit daardie situasie help.

Gebed

Liewe Vader, help my sodat ek vir mense sal begin omgee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

14 April

Liewe ….

Ek wens dat jy verstaan dat dit waarde het om eerlik te wees en dat oneerlikheid net hartseer bring. Hier is God se Woord aan jou.

Tema: Leuens bring pyn

Teks: “ So het Josef se pa bly treur oor hom.” (Gen 37:35)

• Leuens veroorsaak net hartseer en teleurstellings: teenoor jouself en alle ander mense.
• Christusgelowiges het die waarheid lief. Die waarheid maak jou vry (Joh. 8:32).
• Christusgelowiges vertel nie eens witleuens of buig die waarheid ‘n bietjie nie. Dit bind jou.
• Wees eerlik en leef met integriteit.
• Gelukkig is jy wanneer jy met integriteit leef. Jy sal baie vrede en gemoedsrus geniet.

Gebed

Liewe Vader, maak my eerlik en gee my gemoedsrus omdat ek integriteit het.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

13 April

Liewe ….

Ek bid dat jy deur die Heilige Gees sal aanleer wat dit is om deur die oë van Jesus na ander mense te kyk. Hier is God se Woord net vir jou vandag.

Tema: Kyk met sagte oë na ander mense

Teks: “ Ruben het dit gesê sodat hy vir Josef kon red en hom na sy pa toe kon terugstuur. ” (Gen 37:22)

• Soms sien jy probleme kom. Ander kere kom dit onverwags.
• Verstandige en verantwoordelike Christusgelowiges vermy moeilikheid en probleme.
• Maak planne om daaruit te kom, of, as jy kan, om te keer dat dit jou tref.
• God wat jou beskermer is, is ook die Gees wat jou wysheid gee om uit elke nood te kom.
• Leef met hoop en vrede.

Gebed

Liewe Vader, oorspoel my met insig dat ek nie in donker oomblikke bly lê nie.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

12 April

Liewe ….

Ek wens dat jy die volwassenheid sal aanleer om jou woorde te tel voordat jy praat wanneer jy kwaad is. Hier is God se Woord aan jou.

Tema: Oppas vir die leuen

Teks: “Hulle het hom al van ver af gesien en voor hy by hulle gekom het, het hulle ooreengekom om hom dood te maak.” (Gén 37:18). 

• Almal hou nie van jou nie. Sommige mense beplan slegte dinge teen jou – aanvaar dit.
• Jy moet wag hou oor jou hart voordat jy teenoor hierdie mense optree.
• God die Alwyse en Almagtige is die enigste Een en plek waar jy advies, troos en veiligheid kry.
• Wees daarom positief. Moenie moedeloos of depressief raak nie. Hy help jou

Gebed

Liewe Vader, laat ek elke situasie tot U eer hanteer.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

11 April

Liewe ….

Ek wens dat jy ‘n harde werker sal wees – iemand met eerlikheid en integriteit. Ontvang God se boodskap spesiaal aan jou vandag.

Tema: Voer jou take noukeurig uit.

Teks: “Josef se broers het hulle pa se kleinvee gaan oppas in Sigem. ” (Gén 37:12)

• God hou van orde en harde werk.
• Hy hou daarvan wanneer jy jou eiendom oppas en meer maak.
• Neem verantwoordelikheid om dit wat die Here vir jou gee, te koester en te beskerm.
• Voer die take en opdragte wat jy van God kry, goed, noukeurig  en deeglik uit.
• Jy sal geluk ervaar wanneer jy sien hoe tevrede die Here moet jou gedrag is.

Gebed

Liewe Vader, help my om dit wat U oor my pad bring tot U eer op te pas.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.