7 November
My wens en gebed is dat jy vandag sal kies om eerder aan ander mense te dink as net aan jouself. Hier is God se Boodskap.
Tema: Dink aan ander mense
Teks:“Hy (Moses) het tot die laaste woord toe alles neergeskryf wat die Here van Sy volk verwag” (Deut. 31:24 – Die Boodskap)
- Hoewel Moses op sterwe was, het hy steeds alles wat vir hulle goed was, neergeskryf.
- Jy moet ook eerder aan ander mense as aan jouself dink – dis hoe Christene optree.
- Kies vandag om vir ander mense te leef – soek dit wat vir hulle goed is.
- Doen vandag mooi en goeie dinge vir ander – dit is wat ware leierskap en diensbaarheid beteken.
Gebed
Liewe Vader, help my om die beswil van ander mense te soek.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.