Kategorie: Ander Sendingaksies

Ander Sendingaksies

Gepubliseer op

Gerrie & Arlene Coetzee deel met ons hul Sendingnuus

Gerrie en Arlene

Liewe vriende en ondersteuners, ons groet julle opnuut in die wonderlke naam van ons Here, Jesus Christus – die Naam bo alle name!
Ons word telkens herinner aan die volgende teksvers wat die belangrikheid van wêreldsending so duidelik uitspel:
“En hierdie evangelie van die koninkryk sal verkondig word in die hele wêreld tot ‘n getuienis vir al die nasies; en dan sal die einde kom.” Matt 24:14. Ons is oortuig daarvan dat ons betrokkenheid by opleiding bydra tot die beskikbaarheid van toegeruste sendelinge om die sendingveld te betree.

Lees meer “Gerrie & Arlene Coetzee deel met ons hul Sendingnuus”
Gepubliseer op

Jan Kriel Paasbrief

Liewe Vriende
“Easter is meant to be a symbol of hope, renewal and new life.”
Janine di Giovanni
Oraloor vier Christene die HOOP wat Paasfees bring. In ʼn wêreld met soveel sigbare hartseer, pyn en teleurstelling, word elkeen herinner aan God se liefde en die nuwe lewe wat Hy gee.
Hier by Jan Kriel kry die Paasverhaal ook nuwe betekenis. Vanuit die hartseer van leef met ʼn (leer-) gestremdheid, kry kinders ʼn kans om te vernuwe, aan te pas, struikelblokke te oorkom en die (nuwe) lewe voluit aan te gryp. En vir meer as 85 jaar maak die liefde van donateursvriende soos jy dit moontlik!
Dankie vir die hoop en bemoediging wat jy vir hierdie kinders bring.
Ontvang en gebruik asb die volgende elektroniese geskenke om die Paasboodskap te versprei.
Laai ‘n VIDEO af om te deel op Whatsapp of sosiale media (Download/ Save to device)en/of
Laai ‘n PRENTJIE af om te deel op Whatsapp of sosiale media (Download/ Save image)en/of
Laai ʼn AGTERGROND af vir jou slimfoon (Save image as/Set as background).
Paasgroete
Ds André Van Wyk
Direkteur: Jan Kriel Instituut
Oorweeg asb om in hierdie Paastyd Jan Kriel se kinders te ondersteun
DONASIE
Gepubliseer op

Vriende van Gideon’s nuusbrief – Herfs 2023

Welkom by die eerste uitgawe vir 2023! Hierdie is ʼn besondere uitgawe
en ons gebed is dat ons lesers dit interessant, motiverend en uitdagend
sal vind. Mag 2023 die jaar wees waar ons almal opnuut ons roeping
besef en uitleef.
Hierdie uitgawe is propvol getuienisse wat ons almal sal motiveer om
meer passievol te werk in Sy akker.
Die derde deel van Pastoor Werner Strauss se aanbieding by die Nasionale
Konvensie 2022 is baie insiggewend en roep ons onder andere om meer
aktief te wees by ons medebroers en -susters. Ware dissipels van Jesus
gee om vir mekaar want ons gee om vir die verlorenes daar buite.
Groete in Christus,
Die redaksionele span
facebook.com/
GideonsinternationalSouthAfrica
The Gideons Intl in SA
The Gideons International in
South Africa
@GideonsSA

Lees meer “Vriende van Gideon’s nuusbrief – Herfs 2023”
Gepubliseer op

NUWE SEISOEN VIR Christelike Lektuur Fonds

Dit is seker ’n cliché om die stelling te maak dat ons in voortdurend veranderende tye leef. Dit is egter empiries waarneembaar dat die tydsgewrig waarin ons tans leef gekenmerk word deur snel opeenvolgende gebeurtenisse met omvangryke impak op gemeenskappe. Hierdie impak voel dikwels aardskuddend met ontwrigtende gevolge vir almal wat daardeur geraak word. Die werklikheid van globale interaktiwiteit en onderlinge verbondenheid het die effek van ’n web wat beweeg wanneer enige van die drade daarvan geraak word. Dit is waarvan ons by CLF ook die afgelope aantal jare bewus geword het met Covid, die oorlog in Oekraïne, plundering in KZN in 2022, jarelange oorloë in Sirië, aardbewings in Turkye en noem maar op.

By CLF is ons diep bewus daarvan dat dit presies die wêreld is waarbinne die Here hierdie
bediening vandag roep om van sy liefde en verlossing te getuig. Te midde van die kontekstuele ontwrigting en uitdagings rondom ons, is daar ’n gees van entoesiasme en roepingsbesef binne die CLF. Personeel, Beheerraadslede en ondersteuners openbaar ’n bewussyn dat God sy kerk en kinders roep om sy koninkryk te laat kom, ook deur die bediening van CLF.

Lees meer “NUWE SEISOEN VIR Christelike Lektuur Fonds”
Gepubliseer op

Sending aan die Melaatse – Suidelike Afrika

Beste Vriende

Melaatsheid beroof mense van hul vingers, vriende en vooruitsigte.

Met u bystand bring die Sending aan die Melaatse hierdie rower agter tralies.

Soos meeste rowers, vermom melaatsheid sy aanvalle.

Dit is die Sending aan die Melaatse se taak om hom te ontmasker.

Indien iemand hom raaksien, kan ons hom gevange neem, voordat hy met ‘n misdaadveldtog begin.

Lees meer “Sending aan die Melaatse – Suidelike Afrika”
Gepubliseer op

Sendingnuus: Japan – Elmar en Nadine du Randt van OMF

Goeie dag liewe vriende.

Graag deel ons nuus oor die afgelope paar weke se bedrywighede.

Ons is weer volstoom besig met besoeke aan gemeentes. Ons het Clarens, Frankfort, Volksrust en Bethal onlangs besoek. Dit was geseënde geleenthede by elke gemeente. Ons het ‘n wêreldsending kinderboodskap aangebied by Volksrust. Ons het ook vir die mediese ondersoek gegaan wat OMF vereis. Ons moet nou heelwat inentings ontvang. Die mediese goedkeuringsproses is baie volledig, so daar is nog heelwat toetse wat gedoen moet word voordat dit voltooi is.

Lees meer “Sendingnuus: Japan – Elmar en Nadine du Randt van OMF”
Gepubliseer op

Elmar en Nadine van OMF se Nuusbrief vir Januarie 2023

Elmar en Nadine se Nuusbrief vir Januarie
Konnichiwa Nuusbrief 　
こんにちは

Goeie dag liewe ondersteuner, 
“You will keep him in perfect peace,whose mind is stayed on You,because he trusts in You.” 
Isaiah 26:3
NIV Hierdie vers in Jesaja is ‘n belofte dat as ons ons gedagtes op Christus vestig, ons vrede sal ervaar. In die Nuwe Testament beloof Jesus aan Sy volgelinge Sy vrede. Dit is nie die valse vrede van die wêreld nie rn ook nie ‘n vrede wat afhangend van die omstandighede rondom ons is nie. Dis ‘n innelike vrede wat ons die vertroue gee dat Jesus altyd saam met ons is. Dis ons gebed dat jy vrede in Jesus sal vind temidde van moeilike omstandighede en dat jy sal onthou Hy het beloof dat Hy met ons is tot die voleinding van die wêreld.

Lees meer “Elmar en Nadine van OMF se Nuusbrief vir Januarie 2023”
Gepubliseer op

Sending: Gerrie en Arlene Coetzee Nuus vir Nov en Des 2022

Gerrie en Arlene

Liewe Ondersteuners, ons groet julle in die wonderlke naam van ons Jesus Christus!
Baie dankie vir julle gebede en ondersteuning gedurende die afgelope twee maande van die EMT, alle eer en dank aan ons Drie-Enige God. Daar was ook ‘n jongman van KZN en hy was nog baie jonk in sy geloof. Hy het gegroei deur die inspraak van die Heilige Gees en is ook gedoop deur ‘n Pastoor waar hy en van die ander studente tuis gegaan het.

Lees meer “Sending: Gerrie en Arlene Coetzee Nuus vir Nov en Des 2022”
Gepubliseer op

Gerrie en Arline – Portugal

Gerrie en Arlene - Bersig George

September/Oktober 2022 nuusbrief
September en Oktober was sommer lekker besig op alle
fronte! Aanvanklik moes ons al die voorbereidings afhandel
vir die Oktober EMT, die laaste van 2022 (Ethnos mission
training). Ons het o.a. ́n biddag gehad vir die nuwe studente,
hul aansoeke deurgegaan en die klaskamer opgestel.
Aan die SIM kant van ons bediening het
Gerrie ook ́n baie besige tydjie gehad
om ‘n egpaar en ́n enkel jong dame deur
die aansoekproses te begelei; die vele dokumente,
onderhoude, Sielkundige-, Leefstyl- en Doktrinale
assesserings en mediese ondersoeke.

Lees meer “Gerrie en Arline – Portugal”
Gepubliseer op

Elmar en Nadine Durandt – こんにちは😁 Konnichiwa, Goeie dag 15 November 2022

Elmar en Nadine Durandt2022-11-18

こんにちは😁 Konnichiwa, Goeie dag. Ons hoop dit gaan goed met jou. Dit gaan goed met ons gesinnetjie. Leah is alreeds 2 maande oud ☺️. Hierdie maand sing ons saam met mede sendelinge by Kerssangdienste tydens eredienste by 3 gemeentes. Ons sal ‘n Japanese kerslied sing. Vroeg Desember het ons ‘n kursus saam met OMF, waarin ons saam ander sendelinge wat ook oppad na Japan gaan vergader. Ons sien uit om weer gemeentes te begin besoek. Ons sal graag by huidige ondersteunende gemeentes wil uit kom sodat ons, ons sendeling kindjie (Leah) aan almal kan voorstel. Alhoewel ons ook nuwe gemeentes moet probeer besoek. Baie dankie dat jy vir ons bid en ons roeping na Japan ondersteun. ありがとうございます (Baie dankie).

Lees meer “Elmar en Nadine Durandt – こんにちは😁 Konnichiwa, Goeie dag 15 November 2022”
Gepubliseer op

Sendingnuus: Elmar en Nadine

Elmar en Nadine Durandt

Goeie dag 😁. U goedheid Heer kan ons nie peil nie, wie word daardeur nie diep getref. Dis vanoggend die boodskap in ons hart en die woorde op ons lippe. Ons kan net dankie sê vir ‘n pragtige, gesonde klein dogterjie. Ons kan nie ophou om onsself te verkyk aan haar kleine handjies en voetjies nie. Ons bid vir elkedeel van Leah. Ons bid dat Jesus haar voete sal seën sodat sy diep spore in harte sal trap, dat Jesus haar oortjies sal seën sodat sy, God se Woord eendag sal kan aanhoor en verstaan (ook dat sy sal luister na mamma en pappa😉) . Ons bid vir haar mondjie om Jesus daarmee te loof en net mooi woorde te uiter. Ouerskap verander alles, en dis regtig waar dat ‘n mens se hart buite jou liggaam is wanneer jy ‘n kindjie kry. Ons wil Leah elkedag net koester en begeer net die beste vir haar. Ouerskap leer ‘n mens ook van God se liefde vir ons. Dis ‘n diep en onvoorwaardelike liefde. Baie dankie vir jou gebede en omgee vir ons. Liefde Elmar, Nadine en Leah 🌸

Gepubliseer op

Gerrie en Arlene SA vir WÊRELDSENDING – Augustus 2022

Gerrie en Arlene

Augustus 2022
Ons groet julle in die wonderlike Naam van Jesus Christus. Ons dank die Here vir elkeen van julle wat hier lees en aan ons dink, vir ons bid en ons ondersteun. Ons het die voorreg gehad om bietjie met verlof te kon gaan en by ons kinders in Potchefstroom te gaan kuier. Dit is so wonderlik dat ons bande te kon versterk en ook om die geleentheid te kon hê om tyd met die kleinkinders te spandeer.

Lees meer “Gerrie en Arlene SA vir WÊRELDSENDING – Augustus 2022”
Gepubliseer op

Sendingwerk in die Himalayas: D&H

Himalaya Sending

Nog ‘n SA paartjie wat geroep is om te help met die verspreiding van die Evangelie deur:

  • Een-tot-een gebed, evangelisasie en dissipelskap.
  • Opleiding, dissipelskap en ondersteuning van gelowige besigheidseienaars.
  • Bestuur restaurant wat ingerig is as ‘n oase vir families, waar gesinne uit die stadsgeraas kan kom.
  • Restaurant het bovertrek en ander ruimte vir byeenkomste van gelowiges, waar hulle sonder vrees van vervolging kan bymekaarkom.
  • Stap in die Himalayas.

Ons kan betrokke raak deur:

Lees meer “Sendingwerk in die Himalayas: D&H”
Gepubliseer op

8th Tsabong Missional Conference DRC in Botswana – Dr Frans Hancke

8th Tsabong Conference DRCB

Dr. Frans Hancke shares with us some of his experiences in Botswana and the 8th Missional Conference of the Dutch Reformed Church in Botswana.

The reality that being a Christian means: being a disciple (obedient follower) of Jesus, was undeniably made clear in this 8th Tsabong Missional Conference.

Lees meer “8th Tsabong Missional Conference DRC in Botswana – Dr Frans Hancke”
Gepubliseer op

Dr. Frans Hancke deel met ons nuus uit kGalagadi – ‘dit het Hy vir ons gedoen’

Deur: Dr. Frans Hancke

Op pad terug van Bokspits na Tsabong het ons by ʼn klein village, Kolongkwaneng, gestop. Oupa Frank Otlhadisang, ʼn lidmaat van Tsabong-gemeente, woon hier. Hy is vanjaar 100 jaar oud, blind en byna heeltemal doof weens ouderdom. Hy wou hê TC, sy Moruti, moes hom met Nagmaal bedien. ʼn Familielid het vertaal wat TC gesê het – sy het letterlik in die ou dowe ore geskreeu. Hoeveel hy gehoor het weet ons natuurlik nie, maar dat hy geweet het ons is daar, is verseker. Ek het ook geweet ons was op ʼn besondere manier in die Here se teenwoordigheid. Toe die familielid hom help en die broodjie in sy mond sit, het emosie my byna oorweldig. Geen ingewikkelde Teologie, geen verdelende dogma, geen geredekawel – net die byna rou eenvoud van ‘dit het Hy vir ons gedoen’.

Lees meer “Dr. Frans Hancke deel met ons nuus uit kGalagadi – ‘dit het Hy vir ons gedoen’”
Gepubliseer op

Gerrie en Arlene se Nuusbrief

Gerrie en Arlene - Bersig George


Mei/Junie/Julie Nuus
Ons is uiters dankbaar asook ietwat verbaas om te besef dat ons agter geraak het met die uitstuur van ons nuusbrief! Ons was vir die afgelope 2 maande besig met die tweede EMT (ETHNOS Mission Training) van die jaar, ek kan net getuig van God se wonderlike genade, getrouheid en voorsiening in die tyd.
Ons het met hierdie inname 11 studente gekry. Weereens ‘n baie spesiale groepie wat die Here gestuur het. In die groep is daar ‘n egpaar wat in Rusland, sending werk doen.

Lees meer “Gerrie en Arlene se Nuusbrief”
Gepubliseer op

Elmar en Nadine se Konnichiwa Nuusbrief

Elmar en Nadine Durandt

Konnichiwa Nuusbrief 　
こんにちは “Dit is nie geluk wat ons dankbaar maak nie, dit is dankbaarheid wat ons gelukkig maak”.

Liewe ondersteuner,
dis met groot dankbaarheid dat ons hierdie nuusbrief aan u skryf. Ons is dankbaar vir die Here se onverdiende genade, voorsiening en omgee oor ons lewens. Ons is dankbaar vir elke oop deur en oop hart wat net die Here kon bewerk het. Ons is dankbaar vir ‘n gesonde baba-dogtertjie wat groei, vir elke kerk wat hulle erediens vir ons beskikbaarstel en ons is dankbaar vir elkeen van u. 

Lees meer “Elmar en Nadine se Konnichiwa Nuusbrief”
Gepubliseer op

Gerrie en Arlene se nuusbrief: April nuus en getuienis

Gerrie en Arlene - Bersig George

Hiermee Gerrie en Arlene se maandelikse nuusbrief vir julle inligting en volgehoue gebede. Watter goeie nuus is dit nie net dat Gerrie se  operasie suksesvol was en dat hy goed aan die herstel is. Watter wonderlike getuienis is dit wat hulle met ons deel – mag ons ook hier in ons eie gemeente sulke getuienisse met mekaar deel. Dit doen wondere vir ander en dien ook as motivering om doelgerig die goeie nuus van Jesus so wyd moontlik te versprei.

Lees meer “Gerrie en Arlene se nuusbrief: April nuus en getuienis”
Privaatheidsbeleid Trots aangedrewe deur WordPress