Etiket: Dagstukkies

24 Julie

Mag jy vandag wysheid kry om jou las ligter te maak en verstandig te beplan. Hier is God se Woord vir vandag.

Tema: Voorkom uitbranding

Teks: “Jy en al hierdie mense by jou sal uitgeput raak…” (Eks 18:18)

• Dikwels wil jy dinge alleen doen. Jy vertrou nie ander mense nie. Jy dink: Net ek kan hierdie saak reg hanteer.
• Daar is baie ander Christusgelowiges wat jou kan help – moenie die las alleen dra nie.
• Jy is nie die enigste persoon met gawes nie. Vra advies en gebruik ander se wysheid en insig.
• Die Gees se teenwoordigheid in jou en ander gelowiges maak ‘n groot verskil.
• Daarom sal die Here jou wys wat om te doen – selfs al maak dit nie onmiddellik sin nie.
• Vertrou Hom! Leef in vrede en hoop! Wees gelukkig!

Gebed

Liewe Vader, dankie dat ander mense die lewe vir my ligter maak. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

23 Julie

Ek bid dat jy sal begin om vir alle mense van die wonderlike dinge wat God in jou lewe doen te vertel. Geniet God se boodskap wat spesiaal vir jou gegee word.

Tema: Vertel van die werk van die Here

Teks: “Daar het Moses vir sy skoonpa alles vertel wat die Here gedoen het ter wille van Israel, en ook van al die ontberings wat die Israeliete op pad gehad het en hoe die Here hulle bevry het.” (Eks 18:8)

• Wanneer jy God se wonders in jou lewe raaksien, sal jy daaroor praat.
• Dit sal so goed soos ‘n loflied vir God klink.
• Van jou geboorte af, deur jou hele lewe, is en was die Here God altyd met jou.
• Die Here God was nog altyd jou Raadgewer en Beskermer.
• Beleef die vrede en vreugde wanneer jy oor Sy groot en magtige dade in jou lewe vertel.
• Dit sal jou gelukkig maak.

Gebed

Liewe Vader, dankie dat ek oor U kan praat. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

22 Julie

My gebed vir jou is vreugde, vrede, hoop en geluk. Dit is ‘n boodskap uit die Woord van God wat spesiaal vir jou gegee word.

Tema: Leer om geloofstoetse te slaag

Teks: “Toe het die volk met Moses rusie gemaak en gesê: ‘Gee jý vir ons water om te drink!'” (Eks. 17:2)

• Die vierde geloofstoets is skaarsheid aan water.
• Soms word jy met oënskynlik onmoontlike dinge gekonfronteer.
• Daar was al soveel geleenthede waar die Here van genade en mag jou gehelp het.
• Wat jy nie kan doen nie, kan God die Skepper doen.
• Weet dit: God is met jou. Jy is Sy beminde. Hy is lief vir jou en sorg vir jou.

Gebed

Liewe Vader, dankie dat U in my lewe die onmoontlike moontlik maak. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

21 Julie

Mag jy vandag glo dat jy in God se hande veilig is. Dit is ‘n boodskap uit die Woord van God wat spesiaal vir jou gegee word.

Tema: God sorg wanneer jy honger is

Teks: “As ons maar liewer in Egipte omgekom het deur die hand van die Here terwyl ons by die vleispotte kon sit en oorgenoeg kos kon hê om te eet!” (Eks. 16:3)

• Die Israeliete dop die derde geloofstoets (honger).
• Tog het die Here al soveel wonderwerke vir hulle (en jou) gedoen.
• Die Here het jou in die palm van Sy hand (Jes. 41:10).
• God die Almagtige wat die onmoontlike moontlik maak, sal jou nooit uit Sy hand laat gaan nie (Joh. 10:28-30).
• Dit het tyd geword dat jy begin glo dat jy in Sy hande veilig is.

Gebed

Liewe Vader, maak my sensitief om te glo dat U werklik vir my sorg. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

20 Julie

Ek bid vir jou. Ek bid dat jy sal sien dat die Here God in jou behoeftes voorsien. Hier is die boodskap uit die Woord van God wat spesiaal vir jou is.

Tema: God voorsien in skaarsheid

Teks: “Die volk het by Moses gekla: ‘Wat moet ons drink?'” (Eks 15:24)

• Ten spyte van wonderwerke, twyfel die Israeliete elke keer of die Here hulle ‘n volgende keer sal help.
• Dink gou vir 30 sekondes… Watter wonderwerke het die Here alles vir jou gedoen?
• Dan twyfel jy nog steeds of die Here in jou behoeftes en uitdagings vandag en môre sal voorsien.
• Elke probleem, uitdaging en krisis is ‘n geloofstoets.
• Hoe jy geloofstoetse hanteer wys of jy God regtig vertrou.
• Onthou altyd: God maak die onmoontlike moontlik! Hy doen dit spesiaal ook vir jou!

Gebed

Liewe Vader, gee my genade om elke geloofstoets te slaag. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

19 Julie

Mag jy vandag jou vrese aan die Here gee en vertrou dat Hy jou sal red. Dit is ‘n boodskap uit die Woord van God wat spesiaal vir jou gegee word.

Tema: Moenie vrees nie

Teks: “Toe die Farao nader kom, sien die Israeliete skielik die Egiptenaars sit hulle agterna. Hulle het baie bang geword en benoud na die Here geroep.” (Eks 14:10)

• Nou op hierdie oomblik, in die middel van die uitdagings wat jy in die gesig staar, kan jy die Here vertrou.
• God die Almagtige en Beskermer sal jou deur jou donker water lei.
• God van wonderwerke sal jou deur jou Rietsee droogvoets laat gaan.
• Jy het hierdie versekering – wat benodig jy meer?
• Roep na die Here. Hy help jou uit elke probleem, uitdaging en nood.

Gebed

Liewe Vader, vandag gee ek my vrese aan U sodat U my kan leer om te glo. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

18 Julie

Mag jy vandag begin vertel van die wonderwerke wat die Here in jou lewe gedoen het. Hier is ‘n boodskap uit die Woord van God wat spesiaal vir jou gegee word.

Tema: Vertel van God se wonderwerke.

Teks: “Dan kan jy aan jou kinders en kleinkinders vertel wat Ek aan die Egiptenaars gedoen het en watter wonders Ek onder hulle verrig het om julle te laat besef dat Ek die Here is.” (Eks 10:2)

• Hoe kan mens van die Here weet as jy nog nooit van Hom gehoor het nie? (Rom. 10:14)
• Hoe kan mens in die Here glo as jy nog nooit van Hom gehoor het nie? (Rom. 10:14)
• Hoe kan mens van die groot dinge van die Here weet?
• Vertel van God se wonderwerke.
• Wanneer jy oor God se wonderwerke praat, help jy ander om tot geloof te kom.
• Hoe wonderlik klink die voetstappe van iemand wat vir ander mense van God se groot en wonderlike dinge vertel (Rom. 10:15).

Gebed

Liewe Vader, dankie vir die wonderwerke in my lewe en help my om daarvan te vertel. In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

17 Julie

Mag jy vandag rustig wees omdat die Here vir jou sorg. Dit is ‘n boodskap uit die Woord van God wat spesiaal vir jou gegee word.

Tema: Die Here beskerm Sy kinders

Teks: “Die farao het navraag gedoen en jou werklik waar, nie ‘n enkele stuk van die Israeliete se vee is dood nie. (Eks 9:7, 26 )

• Mense dink dikwels dat God Sy kinders sleg behandel.
• God is ‘n fontein van alles wat goed is.
• Daarom sal God vir Sy kinders sorg.
• Wanneer moeilike tye toeslaan moet jy rustig bly.
• Leef so dat ander mense jou geloof sal raaksien.
• God wat alles weet, ook dit wat nog gaan kom, sal vir jou uitkoms gee.

Gebed 

Liewe Vader, maak my oë oop vir U versorging in my lewe.

In Jesus se Naam. 

Amen.

Vorige dagstukkies

© NG Kerk Lynnwoodrif – word gebruik met toestemming.

16 Julie

Mag jy vandag met integriteit optree sodat mense jou kan vertrou. Lees hierdie boodskap uit die Bybel wat vir jou gegee word.

Tema: Leef met integriteit.

Teks: “U Majesteit moet nou net nie weer u woord breek deur die volk nie te laat gaan (Eks 8:29; 9:34-35).

• Jou optrede is nie ‘n geheim nie – mense weet watter tipe mens jy is.
• Sommige mense bou ‘n naam op dat hulle onbetroubaar, liefdeloos, wreed, geldgierig of selfs selfsugtig is.
• Hou jou woord – ‘n goeie naam is baie meer as edelmetale en edelstene werd (Spr. 22:1; Pred. 7:1).
• Leer om met eerlikheid en integriteit op te tree.
• Hanteer ander mense met respek en menswaardigheid.
• Wie ‘n goeie naam opgebou het, is gelukkig.

Gebed 

Liewe Vader, help my om met integriteit te leef sodat U geëer word. In Jesus se Naam.  Amen

Vorige dagstukkies

© NG Kerk Lynnwoodrif – word gebruik met toestemming.

15 Julie

Mag jy vandag die dapperheid hê om presies te doen wat die Here van jou vra. Hier is God se boodskap wat spesiaal vir jou gegee word.

Tema: Stap die pad wat die Here wil.

Teks: “Maar Moses antwoord: “Dit kan ons nie doen nie…” (Eks 8:26)

• Weier om die misleidende en verkeerde planne van Satan te volg en te doen.
• Weier om op te tree as jy nie seker is dis die wil van die Here wat jy doen nie.
• Moet jou nie laat mislei deur valshede nie.
• Wees fyn ingestel om God se wil te doen.
• Stap agter Hom aan sodat jy gelukkig kan wees.

Gebed 

Liewe Vader, gee my dapperheid om te doen wat U van my vra.

In Jesus se Naam. 

Amen.

Vorige dagstukkies

© NG Kerk Lynnwoodrif – word gebruik met toestemming.

14 Julie

Mag jy vandag seker wees dat jy honderd persent binne God se wil is. Dit is ‘n boodskap uit die Woord van God wat spesiaal vir jou gegee word.

Tema: Moenie God se arm te draai nie.

Teks: ” Toe roep die farao vir Moses en Aäron en sê: “Julle kan vir julle God gaan offer, maar hier in dié land!” (Eks 8:25; 10:8, 11, 20, 24)

• Soms doen ons dinge op ons eie sonder om Sy wil oor daardie sake te soek.
• Dan probeer ons na die tyd God se arm draai sodat Hy daarby inpas.
• So gee jy dikwels voor dat jy God se wil doen, maar doen eintlik jou eie wil.
• Dit is belangrik om agter God aan te stap, nie voor Hom nie.
• Maak seker jy weet wat Sy wil is – tree eers op as jy weet wat Sy wil is.
• Wees by die Here (Ps. 73:23).

Gebed 

Liewe Vader, help my om los te kom van my eie wil sodat ek agter U kan stap. In Jesus se Naam. 

Amen.

Vorige dagstukkies

© NG Kerk Lynnwoodrif – word gebruik met toestemming.

13 Julie

Mag jy vandag weet dat die Here vir jou sorg selfs in moeilike tye. Hier is ‘n boodskap uit die Bybel wat spesiaal vir jou gegee word.

Tema: God beskerm Sy kinders.

Teks: “Ek neem mý volk in beskerming, joune nie.” (Eks 8:23)

• Die Here gaan vandag van jou ‘n uitsondering maak.
• Daarom beskerm die Here jou vandag – in jou moeilike tye.
• Die lewe rondom jou kan ineenstort, tog sal jy vasstaan.
• Gryp die dag aan en leef voluit.
• Niks kan jou uit die Vader se hand ruk nie (Joh. 10:28-30).

Gebed 

Liewe Vader, help my om U werk in geloof raak te sien sodat ek U sal eer.
In Jesus se Naam. 
Amen.

Vorige dagstukkies

© NG Kerk Lynnwoodrif – word gebruik met toestemming.

12 Julie

Mag jy vandag met geestesoë na die lewe kyk en God se werk raaksien. Dit is ‘n boodskap uit die Woord van God wat spesiaal vir jou gegee word.

Tema: Daar is grense wat mense nie kan oorsteek nie

Teks: “Die towenaars het dieselfde probeer doen met hulle towerkunste, dié keer om muggies voort te bring, maar hulle kon nie.” (Eks 8:19)

• Met die derde plaag kon die towenaars nie meer sukses behaal nie.
• God trek ‘n streep en vertoon Sy almag. Tot hier toe en nie verder nie…
• Die wêreld kan wonderlike dinge regkry, maar God is groter as die magtigste, as die wonderlikste en slimste.
• God neem openlik oor wanneer dinge begin vasbrand.
• Wees by die Here, agter Hom en met Hom.
• Hy maak mense gelukkig en veilig.
• Wees veilig en gelukkig in Sy beskerming en versorging.

Gebed 

Liewe Vader, gee my die vermoë om geestelik na die lewe te kyk. In Jesus se Naam. 

Amen.

Vorige dagstukkies

© NG Kerk Lynnwoodrif – word gebruik met toestemming.

11 Julie

Mag jy vandag onverskrokke in die God van die Bybel glo. Hier is ‘n boodskap uit die Woord van God wat spesiaal vir jou gegee word.

Tema: Die wêreld is nie God se vriend nie

Teks: “Maar die Egiptiese towenaars het met hulle towerkunste dieselfde gedoen, sodat die farao koppig gebly het.” (Eks. 7:22)

• Die Satan is ‘n na-aper en probeer beter as God wees. Tog kry hy dit nie reg nie (Open. 12-14).
• Sommige ongelowiges bly hardkoppig en weier om te glo. Hulle is blind vir God se werk.
• Sommige mense manipuleer die wetenskap om die Bybel te verkleineer. Hulle is verblind en kan nie glo nie.
• Die duiwel gee glad nie vir die waarheid om nie. Hy stel net belang om vir jou te lieg en te bedrieg (Joh. 8:44).
• Moet jou nie deur sulke misleiers laat mislei nie.
• Glo in God – glo in Christus (Joh. 14:1).

Gebed 

Liewe Vader, gee my onderskeidingsvermoë om nie mislei te word nie. In Jesus se Naam. 

Amen.

Vorige dagstukkies

© NG Kerk Lynnwoodrif – word gebruik met toestemming.

10 Julie

Mag jy vandag jou uitdagings as geleenthede vir God om wonders te doen, sien. Hier is ‘n goeie boodskap uit die Woord van God vir jou.

Tema: Uitdagings word wonders

Teks: “Maar Ek sal die farao hardkoppig maak, sodat Ek baie tekens en wonders in Egipte kan doen. ” (Eks 7:3 )

• Geloof is nie altyd maklik nie, maar jy kan glo dat die Here in beheer is.
• Wat vir jou na ‘n probleem lyk, is vir God ‘n geleentheid.
• Met elke uitdaging is die Here gereed om groot tekens en wonders te doen.
• Sien dit raak en aanvaar dit met geloof.
• Glo dat God die onmoontlike moontlik maak.
• Gryp elke wonderwerk in jou lewe met oop arms aan.

Gebed

Liewe Vader, verander my hart sodat ek U magtige optrede kan sien.
In Jesus se Naam. 
Amen.

Vorige dagstukkies

© NG Kerk Lynnwoodrif – word gebruik met toestemming.

9 Julie

Mag jy vandag die vrede hê dat die Here altyd vir jou sorg. Hier is ‘n gedagte uit die Woord van God wat spesiaal vir jou gegee word.

Tema: God sorg vir jou.

Teks: “Kyk, Ek gee aan jou gesag oor die farao, en jou broer Aäron sal jou woordvoerder wees. ” (Eks 7:1)

• Jou vyande en probleme sal onder die gesag van die Here swig.
• Die Here gee vir jou hulp om jou hierin te ondersteun, te help, by te staan en te lei.
• Moenie benoud wees oor wat jy moet doen nie.
• Begin hoop op die beter môres.
• Die Here sal aan jou alles gee wat jy nodig het. Hy is jou veilige Beskermer.

Gebed 

Liewe Vader, gee my insig om U hulp in my lewe raak te sien. In Jesus se Naam. 

Amen.

Vorige dagstukkies

© NG Kerk Lynnwoodrif – word gebruik met toestemming.