13 Maart

My gebed is dat jy deur-en-deur eerlik en opreg sal wees. Hier is Sy boodskap vir jou.

Tema: Die gevaar van bedrog

Teks: “maar die aand van die troue het hy sy dogter Lea gevat en haar na Jakob toe gebring,…” (Gen 29:23)

• Jy moet Ja sê en dit doen, of nee sê en dit doen (Matt 5:37). 
• Moenie iets sê wat nie waar of half-waar is nie (Jak 5:12).
• Soms sê jy een ding en doen ‘n ander ding, of doen dit glad nie. 
• Dit is emosionele bedrog wat mense emosioneel seermaak en verhoudinge opbreek. 
• Die Here haat liegstories, halwe waarhede en mense wat ander uitbuit. Hy haat ‘n kullery (Spr. 16:11).
• Hy is lief vir die waarheid en vir mense wat die waarheid praat (Spr. 12:22).

Gebed

Liewe Vader. Gee my integriteit en die gawe om altyd eerlik te wees. In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

12 Maart

Ek bid dat jy regverdig teenoor ander mense sal optree. Hier is die Woord van die Here vir vandag.

Tema: Tree reg en billik op

Teks: “Jy is familie, maar dit beteken nie dat jy vir my verniet moet werk nie. Sê my wat ek jou moet betaal.” (Gen. 29:15)

• Iemand moet vergoed word vir dit wat hy doen en dit wat hom of haar toekom (Matt 10:10). 
• Jy mag nie van iemand iets neem wat syne of hare is en jou nie toekom nie – die Bybel noem dit steel (Eks 20:15).
• Jy moet alle mense, gesinslede en familielede, vriend en vyand, werker en werknemer, almal eerlik, reg en billik hanteer (Job 36:4; Spr. 18:5; 22:2; 29:7; Rom. 2:11; Kol 3:25; 4:1).
• As jy vir iemand werk, wees eerlik en werk hard omdat die Here jou altyd sien en jy Sy kind is (Kol 3:22-23).
• As jy vir iemand werk gee moet jy toe sien dat jou werkers eerlik, reg en billik beloon word, anders steel jy hulle geld (Kol 4:1) .
• Jou eintlike Baas en Hoof, God die Alsiende Vader sien jou en sal jou vir jou regverdigheid, eerlikheid en hardwerkendheid beloon (Kol 3:22-25).

Gebed

Liewe Vader. Baie dankie U my help om regverdig teenoor almal op te tree. In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

11 Maart

My gebed is dat dit vandag met jou goed sal gaan en dat jy goeie gesondheid beleef. Hier is die Woord van die Here vir vandag.

Tema: Help iemand anders

Teks: “ Jakob het nader gekom en die klip van die put af weggerol en Laban se kleinvee laat suip.” (Gen 29:10)

Daar is mense wat hulp nodig het. Help hulle.

• Wanneer jy ander mense help, sal jy self die vrugte daarvan pluk (Spr. 11:17).
• Wanneer jy vir ander mense help, is jou lewe vol blydskap en geluk (Spr. 11:18).
• As die Here vir jou goed is, sal jy arms vol geluk ervaar. Ander mense sal dit sien (Spr. 10:22).

Gebed

Liewe Vader. Dankie dat U my help om ander te help.

In  Jesus se Naam. Amen.e Vader. Baie dankie dat U uitkoms vir my beplan as dit moeilik gaan. In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

10 Maart

Mag jy die uitkoms wat onverwags kom, raak sien en dit met oop arms aangryp. Hier is God se Woord vir jou.

Tema: Die uitkoms is daar – sien dit raak

Teks: “ Hy het onverwags uitgekom by ‘n put in die veld waar drie troppe kleinvee lê.” (Gen. 29:2)

• Die Here God beplan ons lewe haarfyn en voer dit in detail uit – dit pas soos ‘n legkaart in mekaar in. 
• Jy is met ‘n plan en doel in gedagte, geskep.
• Voor jou geboorte is jy al aangestel en gekies vir ‘n bepaalde taak (Est 4:14; Jer. 1:5).
• Niks in die lewe is per “toeval” of per “ongeluk” nie. 
• God gee altyd die rigting aan en wys met insig en wysheid die pad wat jy moet stap. Volg dit.

Gebed

Liewe Vader. Baie dankie dat U uitkoms vir my beplan as dit moeilik gaan. In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

9 Maart

Vandag bid ek vir jou. Ek bid dat jy die tweede, derde en vierde kanse wat die Here vir jou gee sal raaksien en aangryp. Hier is God se boodskap aan jou.

Tema: ‘n Tweede kans

Teks: “Gaan na Paddan-Aram toe,… en trou daar met ‘n dogter van jou oom Laban… ” (Gen. 28:2)

• Het jy al agtergekom dat jy soms dom en dwase dinge gedoen en besluit het.
• Tog gee die Here, die God van meer kanse aan jou ‘n tweede, ‘n derde, ‘n vierde of meer kanse om dinge weer reg te stel.
• Herstel is deel van God se wonderlike plan vir jou.
• Vertrou God volkome vir hierdie herstel en genade.
• In Christus kry jy Sy vergifnis, maar ook baie ander geleenthede wat Hy gee.

Gebed

Liewe Vader. Baie dankie dat U vol van genade is en my meer geleenthede gee om dinge reg te stel. In Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

8 Maart

Ek hoop en bid dat jy jou nie deur verkeerde advies sal laat mislei nie . Hier is die boodskap vir jou.

Tema: Kies reg en leef gelukkig
Teks: “Nou moet jy na my luister, my seun, en doen wat ek jou sê.” (Gen. 27:8)

• Soos wat jy in die Here vertrou, moet jy ook verwag dat dinge sal gebeur.
• Soms kom verleiding na jou toe terwyl dit mooi, goed en reg lyk en klink. 
• Die Here verlos jou daaruit, want Hy is regtig getrou, goed en sal jou uit alles uithelp.
• Leef binne die wil van die Drie-enige God. 
• Hy sal jou beskerm en gelukkig maak.

Gebed

Liewe Vader. Baie dankie dat U my lei om die regte dinge te doen. In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

Ek hoop dat jy vandag in moontlike moeilike tye ook God se uitkoms raak sal sien. God se Woord wil jou hierin raad gee.

Tema: ‘n Doodlooppad
Teks: “Trek weg van ons af. Jy het te sterk geword.” (Gen. 26:16)

• Jaloesie, vrees en konflik veroorsaak dat ander mense die lewe vir jou moeilik kan maak.
• Dit kan dan voel asof jy by doodloopstrate kom.
• Wat vir jou na ‘n ramp lyk is vir die Here die begin van ‘n nuwe oplossing.
• Jy weet mos die Here is altyd by jou.
• Jy kan altyd op Hom vertrou. Hy beskerm jou en gee jou raad (Spr. 3:25-26).

Gebed
Liewe Vader. Dankie dat U my tydens krisisse en probleme
bystaan. In Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

Mag jy die nuwe era en seisoen vir jou lewe wat God laat aanbreek, raaksien. Hier is Sy boodskap vir jou.

Tema: Die moeilike besluit is soms reg
Teks: “ Moenie Egipte toe trek nie. Bly waar Ek jou sê: in hierdie land” (Gen. 26:2)

• Oënskynlike beter opsies is nie noodwendig die regte opsie en uitkoms nie.
• Soms wys die Here vir jou om iets te doen wat teen die verloop van die lewe gaan
• Dit lyk na ‘n dom besluit, maar dit is die wil van die Here – stap agter die Here aan.
• Wie die wil van die Here doen, sal gelukkig wees.

Gebed
Liewe Vader. Gee my ‘n fyn aanvoeling sodat ek U wil sal doen. In Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

My wens is dat jy vandag besonderse respek aan die Here sal wys. Hier is Sy boodskap vir jou.

Tema: Alles wat moontlik is, is nie aanvaarbaar nie
Teks: “ Dit is hoe min Esau gedink het van sy reg as eersgeborene.” (Gen. 25:34)

• Ideale en volmaakte omstandighede bestaan nie altyd in die lewe nie. Moet nie daarvoor wag nie.
• God is jou Beskermer, jou Rots, jou Skepper en jou Versorger.
• Daarom kan jy onbesorg in die aande slaap en in die dag leef (Ps. 4:9)
• Leef met jou oë gerig op die toekoms – ‘n beter toekoms.
• Die Drie-enige God, Hy maak jou baie gelukkig.

Gebed
Liewe Vader. Dankie dat U vir my sorg.
In Jesus se Naam. Amen

Vorige Dagstukkies

© NG Kerk Lynnwoodrif – word gebruik met toestemming.

Ek bid dat jy sal leer om die regte waardes te hê. Geniet God se Woord vandag vir jou.

Tema: ʼn Droom vir iets beters
Teks: “Verkoop eers jou reg as eersgeborene aan my.” (Gen. 25:31)

• Die Here sal die goeie dinge van die lewe vir jou gee(Spr. 3:4).
• As die Here jou nie help nie, werk niks vir jou uit nie(Ps. 94:17).
• Gryp na beter dinge in die lewe. Kry dit op ‘n eerlike en hardwerkende maniere. Jy sal vol geluk wees.
• Moenie met die minder belangrike en middelmatige dinge tevrede wees nie.
• Neem eerlike leiding en bereik die beste vir God en vir jouself.

Gebed
Liewe Vader. Maak my oë oop dat ek kan sien wat U vir my wil gee. In Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.