Jesus vir my, Jesus vir ons, Jesus vir almal.
Sondag 7 Julie 2024 : • Baie welkom by die erediens. Prediker – Ds Danie Goosen. GEEN Kategese.
Woensdag 10 Julie 2024 : • Kooroefening by die orrel om 17:00
Vrydag 12 Julie 2024 : • Getuienisnaweek skop af om 17:00
Saterdag 13 Julie 2024 : • Getuienisnaweek verrigtinge hervat om 09:00
Sondag 14 Julie 2024 : • Getuienisnaweek afsluiting om 10:00 (sien meegaande program). • Prediker – Ds Hendrik Saayman. • Nagmaal – Ds Charné Viljoen. • GEEN Kategese
Sterftes:
28 Junie – Poppie Delport: Wyk 04A
Ons innige meegevoel aan haar familie & vriende.
Verjaarsdae:
Sondag 7 Julie 2024 :
• Baie welkom by die erediens. Prediker – Ds Danie Goosen.
• Ons skriflesing kom vanoggend uit Markus 6:1-13.
Die tema van die prediking is: Onder die knie kry?
• GEEN Kategese.
• Spesiale offer vir Gemeente Instandhoudingsfonds by die deure.
• Tee word bedien in die kerksaal na afloop van die erediens. Almal is welkom.
• Groenkloof erediens prediker: Ds Charné Viljoen.
Prediker: Ds. Danie Goosen
Skriflesing:
Markus 6: 1-13
Tema: Onder die knie kry…
Datum: 7 Julie 2024
Musiek; ProChristo – Johann Botes
Lees meer “Erediens: Onder die knie kry… Ds. Danie Goosen 7 Julie 2024 Markus 6: 1-13 NG Kerk Groot-Brakrivier”
….or rather The Weeks! The last few weeks have been busy and that explains the fact that I have not posted any news. Not for a lack of news though. The schools closed on Friday and we had our concert in the afternoon. I’ll do a special post about that.
So what have we been doing you might ask. Dries had a couple of demanding weeks. He got a lot done on the boat. Amidst that, the Land Rover decided to give trouble and that meant that he spent a week to get the starter fixed, together with some other problems waiting to happen.
Lees meer “Sendingnuus uit Madagaskar: Die Week 23 Junie 2024”
Prediker: Ds. Danie Goosen
Skriflesing:
Markus 5: 21-43
Tema: Vertel jou storie…
Datum: 30 Junie 2024
Musiek; ProChristo – Johann Botes
Lees meer “Erediens: Vertel jou storie… Ds. Danie Goosen 30 Junie 2024 Markus 5: 21-43 NG Kerk Groot-Brakrivier”
Sondag 30 Junie 2024 : Erediens 10:00, GEEN Kategese.
Aktief kerk 08:30 – 10:00 Kleine Loerie Klipheuwel.
Woensdag 3 Julie 2024 : • Klub 50: Bingo om 10:00 in kerksaal. Anina Geldenhuys – 083 276 1909.
• Daar sal GEEN Kooroefening
Sondag 7 Julie 2024 : • Prediker – Ds Danie Goosen. • Groenkloof diens prediker – Ds Charné Viljoen. • GEEN Kategese.
Wolwedans boodskap, sop en brood: 10 & 24 Julie, 7 & 21 Augustus en 4 & 18 September
12 -14 Julie Getuienis Naweek
22 Junie – Wynand Roeloffze: Wyk 13D
Ons innige meegevoel aan sy familie & vriende
Sondag 30 Junie 2024 :
• Baie welkom by die erediens.
• Ons skriflesing kom vanoggend uit
Markus 5:21-43.
Die tema van die prediking is: Vertel jou storie!
• GEEN Kategese.
• Spesiale offer vir Jan Kriel-Instituut (Kuilsrivier) by die deure.
• Tee word bedien in die kerksaal na afloop van die erediens. Almal is welkom.
Woensdag 3 Julie 2024 :
• Klub 50: Bingo om 10:00 in kerksaal. Anina Geldenhuys – 083 276 1909.
• Daar sal GEEN Kooroefening wees gedurende die skoolvakansie nie. Oefening hervat weer op 10 Julie 2024 om 17:00. Marida – 082 471 0751.
Sondag 7 Julie 2024 :
• Prediker – Ds Danie Goosen. • Groenkloof diens prediker – Ds Charné Viljoen. • GEEN Kategese. • Spesiale offer vir Gemeente Instandhoudingsfonds by die deure. • Tee word bedien in die kerksaal na afloop van die erediens. Almal is welkom.
Gebedsgidse :
Gebedsgidse vir Julie 2024 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Ons benodig nog persone wat kan help met die opstel van maandelikse gebedsgidse. Elke persoon kry 3 beurte per jaar (elke 4de maand) om ’n gebedsgids op te stel, dit kan oor enige onderwerpe handel. Indien u wil betrokke raak skakel Mona de Wet – 084 628 2866.
Sterftes 2024:
22 Junie – Wynand Roeloffze: Wyk 13D
Ons innige meegevoel aan sy familie & vriende.
Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi en by die kerkkantoor inhandig of u kan dit in die posbus by die kerkkantoor ingooi.
Getuienisbediening :
• Wolwedans boodskap, sop en brood:
Ons nooi die gemeente om deel te neem aan ons projek – om 2 liter sop, ‘n brood en ‘n bemoedigende boodskap te voorsien aan 100 gesinne elke 2de week. Die datums vir die derde kwartaal is 10 & 24 Julie, 7 & 21 Augustus en 4 & 18 September. By voorbaat baie dankie vir julle getroue ondersteuning.
• Behoeftes vir Getuienisprojekte:
• Daar is ‘n deurlopende behoefte aan wol, materiaal, gare, borduurgare, linne, eetgerei en gebreekte keramiek/porselein (vir mosaïk projekte). Baie dankie vir alles wat deurlopend voorsien word.
Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons gerus: Riana Briers – 081 039 8853 / Riëtte Jansen van Rensburg – 082 928 9625.
Omgeebediening :
• Ons het ’n geweldige tekort aan inkopiesakke om die kruideniersware in te verpak.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ens. Enige bydraes help om nood te verlig.
• Enige persoon wat graag by die Omgeebediening betrokke wil raak skakel asseblief vir Corrie Pieters – 082 327 9527.
FEBA RADIO SA: Ons bid vir FEBA Taiwan
Die meeste Taiwanese beoefen Chinese volksgodsdienste – ’n kombinasie van Boeddhisme, Taoïsme en Confucianisme. Hulle bring offerandes aan ’n menigte gode by duisende tempels en heiligdomme reg oor die land, in ’n soeke na welvaart en beskerming. FEBA Taiwan vervaardig tans programme vir China, sowel as twee programme wat op FM-stasies in twee Taiwanese stede uitgesaai word. Hulle werk hard om hul bediening te bevorder en die Goeie Nuus te deel.
Ons gebed vir die week:Bid dat meer mense op FEBA Taiwan se programme sal inskakel en die ware Bron van beskerming en redding sal vind
Die webwerf (nggrootbrak.co.za) 30 Junie 2024
1. Erediensbediening:
Skakel na die YouTube Erediens van 30 Junie 2024.
2. Getuienisbediening:
Gebedsversoek van die Oekraïne, die oorlog-geteisterde wêrelddeel
het intense voorbidding nodig.
3. Bybelstudiereeks:
Die Weeklikse: “Stof tot nadenke: Daardie ander wang…”
4. Gemeentenuus:
a) Bybel Blokkiesraaisels 5 en 6 se antwoorde is beskikbaar.
b) Daar is ‘n verskeidenheid Woordsoek-blokraaie vir verskillende ouderdomme wat
nou beskikbaar is op die webwerf.
Ons dank u vir u volgehoue bydrae en ondersteuning van die werk van die Here.
Leraars: Danie Goosen – 079 525 3624
Charné Viljoen – 083 294 6640
Lanstraat 10, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webwerf adres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Takkode 210314
“Hoofsaak is dat julle lewenswandel in ooreenstemming met die evangelie van Christus moet wees…in volkome eensgesindheid standvastig saamstry vir die geloof in die evangelie.”
Fil. 1: 27
Ons worstel so dikwels met ons eie swakhede, sodat ons in ooreenstemming met die evangelie van Christus kan leef. Een van die moeilikste dinge in hierdie lewe is om eensgsindheid in die gemeente en gemeenskap te hê. Daardie eie ek wat altyd wil seëvier. Ons kom almal, selfs uit dieselfde kultuur, uit soveel verskillende agtergronde, en met sovel verskillende ervarings, dat ons selde die ander se verwysingsraamwerk verstaan. Volgens Fil. 1:27 blyk eensgesindheid een van die belangrikste eienskappe van die gemeente te wees, sodat hulle standvastig kan saamstry vir die geloof in die evangelie.
Na die koms van Christus wat die vervulling van die beloftes van God se koninkryk ‘n werklikheid gemaak het (Mark 1: 15) word ons opgeroep om ons te bekeer en te glo in die evangelie. Die evangelie waarvan Jesus Christus, die seun van God, die begin was (Mark. 1:1). Ons kan egter nie ons eie lewe red nie, maar onder leiding van die Heilige Gees is dit vir ons moontlik om ons eie ek te verloor ter wille van die evangelie (Mark. 8:35), en die enigste manier wat ‘ons’ ons lewe kan red.
Ons moet besef, net soos Petrus in sy toespraak by Cornelius (Hand 10:34-35) noem“…dat God niemand volgens sy uiterlike beoordeel nie, maar dat die mens wat ontsag vir Hom het en doen wat reg is, uit watter nasie hy ook mag wees, vir Hom aanvaarbaar is. ”Jesus Christus is die Here van alle mense” (Hand. 10: 36). Daar is soveel rigtingwysers in die Woord van God , oor hoe ons moet lewe en wees, om meer en meer soos Christus te wees. “Julle liefde moet ongeveins wees. Verafsku die kwaad; hou vas aan die goeie. Julle moet mekaar liefhê met innige broederliefde. Gaan mekaar voor in eerbetoning. Moenie traag wees in julle toewyding nie; bly geesdriftig; hou vol om die Here te dien, …” (sien Rom 12: 9-21).
Ons hoef dus nie uit eie krag te probeer eensgesind wees nie, want God wat ons bemoedig deur die genade van die verlossing in Jesus Christus en die Heilige Gees as trooster gestuur het, sal ons bystaan sodat ons “onder mekaar eensgesind sal wees, ooreenkomstig die wil van Christus Jesus, sodat julle eenparig, ja, uit een mond, aan God, die Vader van ons Here Jesus Christus, die lof sal bring. Daarom aanvaar mekaar, soos Christus julle ook aanvaar het, tot eer van God.” (Rom 15: 5-7). Ons moet mekaar egter aanvaar. Elkeen met sy eie swakhede, maar meeste moet ons soek na die sterkpunte, of spesiale gawes wat ‘n ander het, en wat God wil gebruik om Sy koninkryk uit te bou.
Ons kan dus net pleit soos Paulus in 1 Kor. 1:10, “Ek pleit by julle, broers, in die Naam van ons Here Jesus Christus, dat julle almal eenstemmig sal wees, en dat daar nie verdeeldheid onder julle sal wees nie, maar dat julle volkome eensgesind mag wees, met dieselfde denkwyse en dieselfde oortuiging.”, sodat ons as gemeente in eensgesindheid werktuie in die hand van God, en tot uitbouing van Sy koninkryk, kan wees.
Prediker: Ds. Danie Goosen
Tema: Bedrieglike self?
Skriflesing: Genesis 29: 15+
Orrel begeleiding: Marida Bridges
Lees meer “Erediens 30 Julie 2023”
Prediker: Ds. Danie Goosen
Tema: Bedrieglike self?
Skriflesing: Genesis 29: 15+
Orrel begeleiding: Marida Bridges
Lees meer “Erediens 30 Julie 2023 – Die bedrieglike self? Genesis 29:15+ Ds. Danie Goosen- NG Kerk Groot-Brakrivier”
Liewe vriende en familie.
Hierdie brief is in twee dele geskryf, vandag en eergisteraand in Turkye.
Ek begin eers met vandag, 25 Julie.
Ons het gister oggend hier in Kaapstad geland. Ons het geen internet toegang gehad nie, maar die oomblik toe ek toegang gekry het, het die skokkende nuus deurgekom. Reni is in die nag aangeval deur hommeltuie en daar was 7 groot ontploffings in die hawe. Ses persone is beseer en een persoon is in Intensief opgeneem. Die graan silos waar koring bewaar word is uitgebrand.
Lees meer “Nuusbrief en gebedsversoeke vanaf Michele van Oekraïne”
Woensdag 2 Augustus 2023 : • Kooroefening – 17:15 by die orrel.
Sondag 6 Augustus 2023 : • Nagmaal om 09:00. • Prediker: ds Danie Goosen. GEEN Kategese.
Gebedsgidse vir Augustus 2023 is beskikbaar
Wolwedans boodskap, sop en brood 2 & 16 Aug en 6 & 20 Sep
Bloedskenking : Donderdag 3 Augustus 2023 vanaf 15:00 tot 19:00
Klub 50 l Woensdag 2 Augustus om 10h00 buffet ontbyt
Vandag – Sondag 30 Julie 2023 :
• Baie welkom by die erediens.
• Ons skriflesing kom vanoggend uit Gen 29: 15-28.
Die tema van die prediking is: Die bedrieglike self?
• Kategese.
• Sinodale Offer vir Gemeentebediening by die deure.
• As gevolg van instandhoudingswerk in die kerksaal sal daar GEEN tee bedien word na afloop van die erediens nie.
JEUG :
• Kategese vind plaas op Sondagoggende om 09:00.
Skakel asb vir Pauline (079 557 8591) indien u enige verdere inligting verlang.
Woensdag 2 Augustus 2023 :
• Kooroefening – 17:15 by die orrel. Marida – 082 471 0751.
Alle belangstellendes is welkom.
Sondag 6 Augustus 2023 :
• Erediens om 09:00.
• Prediker: ds Danie Goosen.
• Nagmaal
• GEEN Kategese.
• Spesiale Offer vir Groenewaldfonds by die deure.
• Tee sal bedien word in die kerksaal na afloop van die erediens. Almal is welkom.
Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Danie Goosen besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor.
Bestaande lidmate wat ’n besoek verlang kan ook gerus die kerkkantoor kontak of kom inloer.
Gebedsgidse :
Gebedsgidse vir Augustus 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Getuienisbediening :
• Wolwedans boodskap, sop en brood uitreike vir die derde kwartaal geskied op 2 & 16 Aug en 6 & 20 Sep. Ons wil graag vir elke getroue ondersteuner van hierdie uitreike baie dankie sê vir julle deurlopende en liefdevolle bydraes.
• Behoeftes vir Getuienisprojekte
◦ Daar is ‘n deurlopende behoefte aan wol, material, gare, borduurgare en keramiek. Baie dankie vir alles wat reeds voorsien is – daar is groot waardering vir elke skenking vanaf die ontvangers daarvan.
◦ Ons benodig van tyd tot tyd hulp met die fisiese uitdeel van die boodskap, sop en brood as ‘n lid van die span siek, uitstedig of op die spesifieke Woensdag dit nie kan maak nie. Geliewe vir Emile Hurter by 082 554 1979 per WhatsApp of sms te verwittig, aangesien hy nie oproepe wat nie van een van sy gelyste kontakte kom, antwoord nie. Hy sal u dan kontak.
Omgeebediening :
• In hierdie gemeente wil ons vir mekaar omgee. Ons wil weet van nood, siekte en eensames wat hulp en ondersteuning benodig.
• Indien u bewus is van iemand wat hulp nodig het kontak u kerkraadslid of die kerkkantoor.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee ens. Enige bydraes help om nood te verlig. Ons het elke maand ’n groot tekort.
• Enige persoon wat graag by die Omgeebediening betrokke wil raak skakel asb. vir Corrie Pieters – 082 327 9527.
Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons by Riana Briers – 081 039 8853 / Riëtte Jansen van Rensburg – 082 928 9625.
Dankies
Atlete vir Christus 2023
Graag wil ons ons dank betuig aan elkeen wat ’n matras vir die huisvesting van Atlete vir Christus in ons kerksaal geleen het. Elke atleet kon uiteindelik op ’n matrassie slaap.
Die huisvesting van die atlete was ’n sukses!
Baie dankie aan elkeen van die Gasvryheidsbediening wat betrokke was en ook aan die braaiers.
Ons is trots en geseënd om deel van so raakvat gemeente te kan wees!
Bloedskenking :
DRINGENDE VERSOEK – voorrade BAIE laag!
Bloedskenk-geleentheid op Donderdag 3 Augustus 2023 vanaf 15:00 tot 19:00 in die kerksaal. Christo – 083 447 9891.
FEBA RADIO SA: Ons bid vir FEBA Internasionaal
Dis ‘n groot voorreg om ’n Bybel in jou hartstaal te hê. ‘n Menigte mensegroepe het dit nog steeds nie. Baie mense in minderheidsgroepe is ook ongeletterd. Hulle neem gereeld FEBA Internasionaal se programme op om hulle in hul geloof te help groei.
Ons gebed vir die week: Bid dat God se woord deur FEBA se Bybelprogramme lewend sal word in hul harte en bid dat die Bybel aan meer mense in hul hartstaal beskikbaar sal raak.
Die webwerf (nggrootbrak.co.za)
30 Julie 2023
1. Erediensbediening:
a) Skakel na die YouTube Preek van 30 Julie 2023.
Klub 50
Klub 50 lede word uitgenooi om op Woensdag 2 Augustus om 10h00 saam ‘n buffet ontbyt te kom geniet.
Plek: Restourant My Beker Loop Oor.
Reël asb eie vervoer.
Koste: Lede betaal R60.
Klub 50 borg die res.
Navrae by:
Estelle Uys – 072 675 6696
Marie Snyman – 082 229 8316
Johan Snyman – 083 736 5747
Faan Muller – 084 870 3236
NG KERK REEBOK
MANNEBEDIENING BIED AAN OPSTAAN EN AANGAAN!
KIES IS ’N KEUSE
Nagmerrie-ervaring van ‘n plaasaanval en hoe hy dit oorkom het.
SPREKER: COBUS ERASMUS
DATUM: 2 AUGUSTUS 2023
TYD: 18:00
PLEK: NG KERK REEBOK
KERKSAAL
PRYS: R50 PER PERSOON
SLUIT VETKOEK MET KERRIE-RYS EN ‘N BIER / KOELDRANK IN.
Kaartjies te koop by Reebok Kerkkantoor.
Liewe Musiekliefhebber
Kom vier die vrou in jou lewe saam met die Carpe Musicam! Kwartet.
Hierdie konsert maak deel uit van die heel eerste Mosselbaai Kunstefees.
Al die items op die program het iets met vroue te doen… Kaartjies en meer inligting by www.carpemusicam.co.za OF KONTANT BY DIE DEUR.
Bring jou bure, vriende, familie, kollegas, kliënte, ens saam om hierdie unieke verskeidenheid musiek te kom geniet!
CM! groete
Ons dank u vir u volgehoue bydrae en ondersteuning van die werk van die Here.
Leraar: Danie Goosen – 079 525 3624
Posbus 9, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Takkode 210314
Gebedsgids
Augustus 2023
Dinsdag 1 Augustus:Kom ons bid vir al die eensames
“My God My God waarom het u My verlaat” was Sy woorde met Sy kruisiging. Eensaamheid kan erg wees en daar kan tye kom dat ons ook so mag voel. Kom ons bid tot die Here vir Sy alom teenwoordigheid en nabyheid.
Woensdag 2 Augustus:Kom ons bid vir al die siekes
Daar is vele siekes in ons gemeenskap. Kom ons dra hulle almal aan die Vader op vir genesing.
Donderdag 3 Augustus: Kom ons bid vir al die armes
In ons gemeenskap is daar baie gesinne wat brandarm is en skaars ‘n huis het om in te woon. Wat snags in die koue in ‘n sink kaia moet slaap. Ons bid dat die Vader hulle moet bystaan in hulle nood.
Vrydag 4 Augustus: Beskermingsdienste en Polisie
Die land se beskermingsdienste verkeer onder groot druk. Ons dra hulle aan die Vader op.
Saterdag 5 Augustus:Eerbiedwaardige optrede
Ons kan ons soms so skuldig maak aan ruwe en onbeskofte optrede teenoor ons medemens en naaste. Kom ons vra die Vader deur gebed om Sy Heilige Gees in ons harte te vestig en dat ons gelei kan word tot eerbiedwaardige en vreugdevolle optrede.
Sondag 6 Augustus: Gestremdes
Gestremdheid van watteraard ookal is nie maklik nie. Die gestremde asook hulle gesinne het ‘n swaar las om te dra. Ons smeek God in Sy almag om Sy genade oor gestremdes en hul gesinne in oormaat uit te stort.
Maandag 7 Augustus: Oues van dae
In ons omgewing is daar vele oues van dae. Hulle woon by kinders, in ouetehuise of sorgsentrums. Van hulle is ook enkellopend en woon alleen. Ons bid vir hulle en vir mekaar en vra ons Almagtige Vader vir Sy liefde en beskerming en dat die laaste jare met vreugde, lag en liefde gevul sal wees.
Dinsdag 8 Augustus:Beskerming van gelowiges in die Midde-Ooste
Ons broers en susters in die Here in die Midde-Ooste het dit geweldig swaar. Word hulle geïdentifiseer, is dood of is marteling hulle voorland. Ons bid tot God vir ‘n versoenende Gees aldaar en dat Hy hulle sal beskerm om Hom vrylik te kan aanbid en dien.
Woensdag 9 Augustus: Nasionale Vrouedag
Ons rig ons gebede tot die Vader om Sy vleuels van liefde en beskerming oor die ganse vroulike geslag uit te sprei en hulle te seën vir die enorme positiewe bydrae wat vroue oor die wêreld, in die wêreld maak.
Donderdag 10 Augustus:Misbruik van kinders (Markus 9:42)
Miljoene kinders van alle ouderdomme word dwarsoor die wêreld misbruik en verniel. Hulle word seksueel misbruik, hulle word as slawe verkoop, op allerlei wyses mishandel en verniel. Ons dra die kinders se lot deur ons gebede aan die Here op.
Vrydag 11 Augustus:Bekommerde mense
In ons gemeenskap kan vele bekommerde geliefdes wees. Bekommerd oor finansies, behuising, gesondheid, kinders, ouers ens. Kom ons dra hulle almal aan die Vader op vir die nodige gemoedsrus.
Saterdag 12 Augustus: Stop van bendegeweld
Bendegeweld is ‘n groot probleem in ons samelewing. Gepaardgaande daarmee ook baie misdaad en moord. Kom ons vra die Vader vir vrede op hierdie gebied en dat Hy dit sal omskakel na iets wat Sy grote naam tot eer sal strek.
Sondag 13 Augustus:Werkende mense
Ons dank en gebede gaan uit na werkende mense wat ons land instand hou. Ons vra vir die Vader om hulle te onderskraag, ook in so ‘n mate dat hulle Hom nooit sal vergeet nie.
Maandag 14 Augustus: Radelose mense
Vele mense in ons omgewing en in ons land is raadop met omstandighede wat hulle deel is. Dit mag hulle finansies wees, hulle kinders, hulle ouers, hulle vriende en dalk nog hulle kerk ook. Kom ons dra hulle aan die Here op vir verligting van hulle omstandighede.
Dinsdag 15 Augustus: Korrupsie
Ons land word geteister deur korrupsie van der duisende miljarde rande. Skaamtelose amptenare maak hulle skuldig daaraan. Ons bid tot die Vader om hulle gewetes aan te raak om die gestelery te staak.
Woensdag 16 Augustus: Ons land se leiers
Ons dra ons land se leiers aan die Here op. Ons land is in groot verknorsing op alle gebiede. Ons vra vir die Vader om ons leiers met helderheid van verstand toe te rus om sodoende ons land weer op ‘n wenpad te plaas en hulle te weerhou van korrupsie en staatskaping.
Donderdag 17 Augustus:U Skepping
Soos Adam en Eva in ‘n pragtuin gewoon het, woon ons steeds in U tuin Here. Deur ‘n “klein” oortreding het U hulle verblyf opgeskort. In teenstelling bemors en vernietig ons U Skepping teen ‘n ongehoorde tempo. Ons gebede is om die Vader te vra om elke mens se gesindheid teenoor Sy Skepping positief te verander.
Vrydag 18 Augustus:Bybelgenootskap
Ons weet almal wat die Bybelgenootskap vermag. Kom ons dra die genootskap aan die Vader op om in al hulle behoeftes te voorsien en hulle wonderlike werk te seën.
Saterdag 19 Augustus:Ons land se jeug
U, Here het eenkeer gesê dat as een kinders leed aandoen, dit vir hom beter sal wees om met ‘n meuelsteen om die nek in die see gewerp te word. Kom ons bid vir kinders en dat God Sy vleuels van beskerming oor elkeen sal hou.
Sondag 20 Augustus: Ons erediens
Ons dra vanoggend se erediens in ons gebede aan die Vader op en vertrou dat ons lofprysing vir Hom aanneemlik sal wees.
Maandag 21 Augustus:Sending
Oor die hele wêreld heen is daar pragtige mense wat die evangelie aan ander bekendstel en baie mense wat die evangelie aanvaar of dalk twyfel of hulle dit moet aanvaar. In sekere wêrelddele is dit ‘n lewensgevaarlike taak vir beide partye. Kom ons bid weer dat die Vader hulle almal onder Sy vleuels sal intrek, sal lei en bewaar.
Dinsdag 22 Augustus: Verslaafdes
Baie volwassenes, jong mense en jong-jong kinders is verslaaf aan dwelms. Ons kan maar net vir God vra om hulle van hulp te wees met genesing. Mag God se gramskap ook fel neerkom op hulle wat die dwelms verskaf sodat hulle eerder smokkelaars van Sy Woord sal word.
Woensdag 23 Augustus:Mediese Wetenskap
Ons bid en dank die Vader vir die hulp en leiding wat Hy aan die mediese wetenskap gee in die ontwikkeling van medikasie. Medikasie wat siekes oor die hele wêreld van ‘n beter lewe verseker. Maar ook vir die voordeel wat ons hier in die Brak daaruit geniet.
Donderdag 24 Augustus: Diens aan oues van dae
In ons gemeenskap is daar dokters, verpleegpersoneel, verpleeg-assistente en omsien peroneel wat na vele van ons gemeenskap omsien. Kom ons dra hulle almal aan die Here op in ons gebede en dank ook die Here dat ons sulke pragtige mense om ons het.
Vrydag 25 Augustus: Vermiste mense en kinders
Ons hoor gereeld van volwassenes en kindertjies so jonk as 10 jaar en selfs jonger wat op een of ander tragiese wyse vermis geraak het. Ons bid vir kalmte en hoop by families en gesinne, maar ook vir die ingesteldheid of vrees wat by die vermistes aanwesig mag wees. Ons vra vir Vader vir hulle veiligheid en spoedige terugkeer.
Saterdag 26 Augustus: Verwaarloosde mense
Daar is vele verwaarloosde mense in ons en in die breër gemeenskap om ons, wat in wanhoop lewe. Laat ons die Vader in ons gebede vra om ook met elkeen van sulke mense te wees. Dat ons as sy bevooregte kinders die moed sal hê om ook na hierdie mense om te sien al is dit net deur ‘n bydrae te maak aan hulle wat daagliks na hierdie mense omsien.
Sondag 27 Augustus: Ons Munisipaliteite
Met meeste munisipaliteite gaan dit nie goed nie. Dienslewering en herstelwerk het tot stilstand gekom, korrupsie vier hoogty, miljarde rande word aan leweransiers geskuld en inwoners ly daaronder. Ons bid tot God om hier in te tree en ‘n verantwoordelikheid by amptenare te skep wat hierdie tragiek moet regstel.
Maandag 28 Augustus:Plaasmoorde
Ons land word geteister met plaasmoorde en sommige politici hits dit aan. Ons gaan die Vader vra om drasties hier in te tree ter beskerming van ons land se boere, maar ook om die hele ingesteldheid van moordenaars en potensiële moordenaars en aanhitsers te verander.
Dinsdag 29 Augustus:Skooldogters
Skooldogters is vandag onder geweldige sosiale druk. Duisende is swanger juis as gevolg van hulle weerloosheid. Kom ons dra hulle almal aan die Here op vir Sy beskerming.
Woensdag 30 Augustus:Ons skole
Dit is van groot belang dat ons jeug goeie skoolopleiding kry. Ongelukkig is dit nie oral die geval nie en is daar groot leemtes. Kom ons pleit by ons Here om ons skolestelsel ter wille te wees en dit sodanig op te hef dat ons dankbaar trots sal wees op die kinders wat dit sal lewer en wat hierdie pragtige land van ons die toekoms sal kan inlei.
Donderdag 31 Augustus: Omgeebediening
Ons dra vandag ons gemeente se omgeebediening aan die Here op deur ons gebede. Ons bid vir Sy seën op al hulle omgeewerk.
“Ek dring daarop aan dat daar in die eerste plek met smeking, voorbidding en danksegging gebid moet word vir alle mense, vir dié wat regeer en vir almal wat gesag uitoefen, sodat ons ‘n rustige en stil lewe kan lei in volkome toewyding aan God en in alle eerbaarheid”
1 Tim. 2: 1-2
Gebed is deel van ons dag se bestaan wanneer ons meelewende Chistene is. Dis egter nie altyd so maklik om te besluit wat en waarvoor ons moet bid nie. As kind, onder leiding van gelowige ouers, leer mens aanvanklik om enkel sin gebede te doen. Ons leer om vir die mense naby en om ons te bid. Soos ons ouer word raak die gebede soms dikwels meer ek-gesentreer. Daar word immers gesê “Bid en vir julle sal gegee word” (Mark. 11: 24). Vir sommiges is dit makliker om te bid as vir ander. Maar moet ons gebede ek-gesentreer wees?
In die bybel is daar menige voorbeelde van gebed. Ons kan gaan kyk na koning Salomo se gebed by die opening van die Tempel (1 Kon. 8); die noodgebed van Dawid (Ps. 17); die lofgebed tot eer van God, van Dawid (Ps 86); die dankseggings en verootmoedigings gebed van Moses (Ps. 90); Daniël se gebed van sonde belydenis (Dan. 9: 8-9), Jona se noodroep gebed nadat hy ongehoorsaam was (Jon 2:7) en Habakuk se verootmoedigings gebed omdat die volk gesondig het (Hab. 3: 17-19). So kan ons voort gaan om voorbeelde aan te haal.
Hoe moet elkeen van ons egter bid? In Matt. 6: 7 word ons gemaan om nie met ‘n stortvloed van woorde te bid nie. Uit al die voorbeelde reeds genoem, is dit duidelik dat daar menige maniere van gebed is, afhangend van die dankbaarheid, nood of sondigheid. Elkeen van ons het ‘n unieke verhouding met God. Vir Job was God sy vriend wat vir hom voorspraak kon doen (Job 16: 19-22). Na Christus se kruisiging en hemelvaart, met die uitstorting van die Heilige Gees, het elkeen van ons wat glo, nou ‘n vriend en voorspraak by God. Die Heilige Gees wat ons lei in gebed.
Waar moet ons bid? Ons moet gedurig waak daarteen dat ons nie skuldig staan voor Christus se aantuiging van Matt. 21:13, nadat hy die kopers en verkopers van die tempelterrein verjaag het,: “My huis sal ‘n huis van gebed genoem word. Maar julle het daarvan ‘n rowerspelonk gemaak!” Laat ons die huis van die Here ‘n aanbiddings hawe maak. Soos Christus Hom self afgesonder het in voorbidding (Luk. 6:12) en in nood (Luk. 22:44-46) , kan ons ook enige plek in afsondering bid. Hetsy of dit in ‘n kerkgebou, jou binnekamer, of in die wye en wonderlike natuurskepping van God is.
Hoekom moet ons bid? Watter beter antwoord as “…sodat ons ‘n rustige en stil lewe kan lei in volkome toewyding aan God en in alle eerbaarheid” soos gestel in 1 Tim 2: 2. Sodat ons nie so verstrengel raak in hierdie wêreld se afleidings en moelikhede nie, maar dat ons deur lofgesong en in dankbaarheid, en in alles God se raad vra, net soos al die opregte gelowiges voor ons.
Waarvoor moet ons bid? Daar is geen einde aan waaroor en waarvoor ons kan bid nie. Dis soos om alles met jou beste vriend/in te deel. Sondebelydenis, vergifnis te vra, alles te deel wat in jou lewe gebeur…die hartseer, die blydskap, die dankbaarheid, die verwondering oor God se grootheid en almag. Daar is egter ook duidelike aanduidings van dinge wat ons nie moet nalaat in ons gebede nie. Die dinge wat ons soms liewer nie wil doen nie, soos om vir ons vyande en vervolgers te bid (Matt 5:44), of in smeking, voorbidding en danksegging te bid vir alle mense, vir dié wat regeer en vir almal wat gesag uitoefen (1 Tim. 2:1). Ons kan veral ook bid dat ons die vrug van die Gees sal verkry (Gal 5:22), sodat ons lewe volkome sal wees in Christus se genade en tot verheerliking van die Vader. Maar Christus het vir ons, vir wie woorde nie so maklik kom nie, die volmaakte gebed gegee in die woorde van die Onse Vader (Matt. 6: 9-13), en in Kol. 4:2-3 word ons gemaan om te volhard in waaksame en dankbare gebed sodat God se genade en die misterie van Christus en die Heilige Gees verder ontsluit sal word.
Prediker: Dr. Gerrie van Deventer
Tema: ‘n Droomplek
Skriflesing: Genesis 28: 10-28
Acapella Koor: Atlete vir Christus
Lees meer “Erediens 23 Julie 2023”