Jesus vir my, Jesus vir ons, Jesus vir almal.
Prediker: Ds. Charné Viljoen en Ds. Leon Cronje
Skriflesing: Efesiërs 1: 3-14
Tema: Die Nagmaal as Dankbaarheidsmaaltyd
Datum: 2 Augustus 2026
Sondag 2 Augustus 2026 : NAGMAAL om 10:00 GEEN Kleuterkerk en GEEN Kategese nie.
Sondag 2 Augustus 2026 : Leefkerk 17:00
Dinsdag 4 Augustus 2026: Bestuursraad vergadering 17:30
Woensdag 5 Augustus 2026 – Kooroefening 16:45.
Woensdag 5 Augustus 2026 – Klub50 Pannekoek 10:00.
Woensdag 5 Augustus 2026 – Wolwedans Boodskap Sop en Brood
Sondag 9 Augustus 2026 : Erediens om 10:00 GEEN Kleuterkerk en GEEN Kategese nie.
22 Augustus 2026 – Frank Opperman 19:00
Lees die volledige afkondigings hier: Afkondigings 2 Augustus 2026 – 9 Augustus 2026
Baie geluk aan al ons verjaarsdag maats
God rus jou toe om ander te lei.
Teks: “Wanneer die Here vir hulle leiers na vore laat kom het, was Hy by die leiers.” (Rigt. 2:18)
Liewe Vader, dankie dat U my die krag en wysheid gee om ander te lei.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Dien die Here getrou.
Teks: “Solank Josua geleef het, het die volk die Here gedien.” (Rigt. 2:7)
Liewe Vader, maak my nie net gewillig nie, maar ook bekwaam en dapper om U te dien. In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Vra God se leiding.
Teks: “Na die dood van Josua het die Israeliete die Here geraadpleeg.” (Rigt. 1:1)
Liewe Vader, dankie dat U my lei in elke besluit.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
God is aan jou kant.
Teks: “Moenie vir hulle bang wees nie …” (Jos. 10:8)
Liewe Vader, dankie dat ek met U aan my kant oorwinning het.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Vertel van God se groot dade.
Teks: “… die volgende geslag het nie die Here geken nie …” (Rigt. 2:10)
Liewe Vader, dankie vir U groot dade in my lewe. Help my om dit te deel.
In die Naam van Jesus Christus, die Here. Amen
© NG Kerk Lynnwoodrif – word gebruik met toestemming.
Op Woensdag, 22 Julie 2026, doen die Ondersteuningsbediening, in samewerking met Seeds of Hope, dit weer.
Dit was ‘n heerlike oggend saam met Sing!, die Sanggroep van George,wat gereeld by ouetehuise optree. Saam met die pragtige Kersfees versierings van die tafels, die sop en vetkoek-vingers, is daar heerlik gekuier om die keurig gedekte tafels.
Sing! vra almal om saam te sing. Dit skep ‘n heerlike atmosfeer van meelewing en genot. Ook die uitdeel van geskenkies, herskep die atmosfeer van gee, so eie aan Kersfees.
Die musiek sleur Ons mee na lankvergete Kersfees Dae saam met familie, vriende en ander geliefdes. Dit was ‘n onvergeetlike belewenis.
Dankbaarheid gaan uit na al die vroue en man, van beide die Omgeebediening van die NG Kerk Groot-Brakrivier en Seeds of Hope, wat hard gewerk het om die oggend ‘n reuse sukses te maak.
Bly getrou tot die einde.
Teks: “Israel het die Here bly dien tydens die lewe van Josua …” (Jos. 24:31)
Liewe Vader, maak my bekwaam om eerlik te wees en my woord te hou.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Prediker: Ds. Leon Cronje
Skriflesing: Romeine 8: 26-39
Tema: Liefde in die Oortreffende trap
Datum:26 Julie 2026
“Laat julle harte nie ontsteld wees nie. Glo in God, glo ook in My. In die huis van my Vader is daar baie woonplek. As dit nie so was nie, sou Ek dit vir julle gesê het. Ek gaan om vir julle plek voor te berei.”
(Joh. 14: 1-220)
Bekering
Wanneer ‘n mens nie in ‘n gelowige huis groot word nie, is die woord bekering ‘n baie vreemde konsep. Want, bekering is om tot die besluit gedring te word om alles wat jy het aan Christus toe te wy. Ons moet dus tot die besef kom dat ons lewe nie in ooreenstemming met God se wil is nie, en van daar ‘n totale omkeer maak na God toe. Dit kan ‘n drastiewe ommeswaai in lewensstyl en uitkyk in die lewe tot gevolg hê.
Selfs wanneer mens in ‘n gelowige huis grootgeword het, is ons as mens nog altyd geneig om so dikwels die verkeerde paaie te kies. Soos Koos du Plessis dit so mooi gestel het: “Elke afdraaipaadjie ken ek…”. Bekering kan in ‘n oomblik plaasvind, maar die pad na volkome toewyding kan lank en moeisaam wees. Want die verleidings om ons kan ons aandag maklik aftrek van God af.
Willie Jonker stel dit so mooi: ‘Bekering beteken dat ‘n mens in jou hart ‘n doelbewuste keuse vir God en sy wil en téén die kwaad en die sonde doen. Dit gaan om ‘n koerswysiging van 180 grade’ en dat dit ‘‘n verandering in feitlik enige situasie bring en die weg open vir ‘n nuwe toekoms’.
Ook Benjamin Whichcote stel die impak van bekering baie goed: ‘Ons verkry nie toegang tot die hemel in die uur van ons dood nie, maar op die oomblik van ons bekering’.
Teksverse:
“As iemand My wil dien, laat hy My volg; en waar Ek is, daar sal my dienskneg ook wees. As iemand My dien sal die Vader hom eer.” (Joh. 12: 2620);
“Thomas sê vir Hom: “Here, ons weet nie waarheen U gaan nie; hoe kan ons dan die weg ken?” Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie. As julle My leer ken het, sal julle ook my Vader ken. En van nou af ken julle Hom, en het Hom reeds gesien.” (Joh. 14: 5-720);
“Want so sê my Heer, die HERE, die Heilige van Israel: “In bekering en rustigheid lê julle redding, in kalmte en vertroue lê julle krag;….” (Hand. 15: 1120)
Geloof
Wanneer ons deur die genade tot bekering gedring word, is dit ‘n opwindende nuwe pad wat ons vat. Dit leer ons uithouvermoë en die opwindende bystand van die Heilige Gees wat ons lei; elke liewe dag. Sonder die Vader se liefde wat dit vir ons moontlik gemaak het om verlos te word, deur Jesus Christus se liefdesdaad, en die bystand van die Heilige Gees se leiding, kan ons nie in ons menslike swakheid die geloofspad loop nie.
Dit is noodsaaklik dat elke mens, wat God gevra het vir vergifnis, hul afhaklikheid van God se nabyheid, elke liewe dag moet besef. Die vreugde van die nabyheid van God, wat belowe dat Hy ons nie uit sy hand sal laat ruk nie, gee ‘n rustigheid en vrede wat mens se verstand te bowe gaan.
Om volkome tot geloof te kom is soms ‘n lang pad, maar elke tree is die moeite werd. Leer die Woord van God ken, waarin alle waarheid vasgelê is.
Die Vader het baie wonings, wat Jesus Christus reeds voorberei het, vir almal wat in Hom glo.
Teksverse:
“Glo jy dan nie dat Ek in die Vader is en die Vader in My nie? Die woorde wat Ek vir julle sê, sê Ek nie uit Myself nie, maar dit is die Vader wat in My bly en sy werke doen. Glo My dat Ek in die Vader en die Vader in My is; of glo dan op grond van die werke self.” (Joh. 14: 10-1120);
“Leer my u pad, Here; ek wil in u waarheid leef. Gee dat ek heelhartig vir u Naam ontsag sal hê.” (Ps. 86: 1120);
“Ek gee hulle die ewige lewe, en hulle sal tot in ewigheid nooit verlore gaan nie, en niemand sal hulle uit my hand ruk nie. My Vader, wat hulle aan My gegee het, is groter as almal, en niemand kan hulle uit die hand van die Vader ruk nie. Ek en die Vader is een.” (Joh 10: 28-3020)
Christus se voorbereiding
Jesus Christus self het vir elkeen wat in Hom glo plek gaan voorberei. Hy staan in vir ons by die Vader. Hy verseker ons dat daar baie woonplek is. So, elkeen wat Hom volg, kan verseker wees van woonplek in die Nuwe Jerusalem.
Teksverse:
“En as ek gegaan en vir julle plek voorberei het, kom Ek weer en sal julle na My toe neem, sodat julle ook kan wees waar ek is. Julle ken die weg na die plek waarheen Ek gaan. ” (Joh. 14: 3-420);
“Vader, Ek wil hê dat waar Ek is, hulle wat U My gegee het, ook saam met My kan wees, sodat hulle my heerlikheid kan sien, die heerlikheid wat U My gegee het, omdat U My van voor die grondlegging van die wêreld liefgehad het.” (Joh. 17: 2420);
“Maar God, ryk in barmhartigheid, het ons, alhoewel ons dood was as gevolg van die oortredings, op grond van sy groot liefde waarmee Hy ons liefgehad het, saam met Christus lewend gemaak – uit genade is julle verlos!” (Ef. 2: 4-520);
“Toe het ek ‘n nuwe hemel en ‘n nuwe aarde gesien, want die eerste hemel en die eerste aarde het tot niet gegaan, en die see bestaan nie meer nie. En Ek het die heilige stad, die Nuwe Jerusalem, van God af uit die hemel sien neerdaal…” (Open. 21: 1-220);
“Maar ons verwag, volgens sy belofte, nuwe hemele en ‘n nuwe aarde, waar geregtigheid woon.” (2 Pet 3: 1320)
Sondag 26 Julie 2026 : Erediens om 10:00 – Kategese & Kleuterkerk.
Woensdag 29 Julie 2026 – Kooroefening 16:45.
Sondag 2 Augustus 2026 : NAGMAAL om 10:00 GEEN Kleuterkerk en GEEN Kategese nie.
5 Augustus 2026: Klub 50 Pannekoek 10:00
22 Augustus 2026 – Frank Opperman
Lees die volledige afkondigings hier: Afkondigings 19 – 26 Julie 2026
Baie geluk aan al ons verjaarsdag maats
Kies vandag wie jy wil dien.
Teks: “… kies dan vandag wie julle wil dien … Maar ek en my familie, ons sal die Here dien.” (Jos. 24:15)
Liewe Vader, gee my die dapperheid om openlik net vir U op te staan.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Waar kom jou hulp vandaan?
Teks: “Julle voorvaders het na My geroep om hulp …” (Jos. 24:7)
Liewe Vader, dankie dat ek altyd na U kan roep in moeilike tye.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Wees altyd naby die Here.
Teks: “… en hulle het hulle plekke kom inneem in die teenwoordigheid van God.” (Jos. 24:1)
Liewe Vader, help my om so te leef dat ek nie skaam hoef te wees vir wat ek dink, sê of doen nie. In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Bly op die pad van die Woord, selfs al kos dit moeite.
Teks: “Maar julle moet sterk staan in die uitvoering van alles wat geskryf staan in die wetboek van Moses. Moet daarvan nie links of regs afwyk nie.” (Jos. 23:6)
Liewe Vader, maak my gehoorsaam aan U Woord. Ek is gewillig om U te gehoorsaam.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
Jy hoef nie alles alleen te dra nie — jy mag soos ’n kind op jou Vader vertrou.
Teks: “… en hulle het hulle plekke kom inneem in die teenwoordigheid van God.” (Jos. 24:1)
Liewe Vader, draai my hart weer na U toe. Help my om U te vertrou soos ’n kind sy ouers ten volle vertrou.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.
My wens vir jou is dat jou oë vandag sal oopgaan vir die wonders wat die Here doen. Ontvang vandag die Woord.
Teks: “Die Here julle God sal hulle wegstoot voor julle en hulle voor julle uit verdryf.” (Jos. 19:50)
Liewe Vader, dankie dat U groter is as al my probleme.
In die Naam van Jesus Christus, die Here.
Amen.
© NG Kerk Lynnwoodrif – word gebruik met toestemming.