Etiket: Dagstukkies

31 Mei

Mag jy jou oë oopmaak vir die nuwe geleenthede wat die Here vir jou gee. Hier is Sy Woord vir jou.

Tema : Leerervarings bring geleenthede

Teks: “Jakob het vir Juda vooruit gestuur na Josef toe om hom te laat weet dat hy op pad is na Gosen toe.” (Gen 46:28)

• Laat jou mislukkings agter en begin weer van voor af leef.
• Wanneer jy die Here vertrou, kan jy verwag dat wonderlike dinge sal gebeur.
• Hy verander sonde en mislukkings in leerervarings.
• Hy maak leerervarings leierskapsgeleenthede.
• Hy maak leerervarings nuwe geleenthede waaruit jy die beste kan kies.
• Hy gee oorwinning! Hy gee sukses! Hy gee geluk!

Gebed

Liewe Vader, baie dankie dat U my nuwe geleenthede van hoop gee.
In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

30 Mei

Mag jy iemand van hoop en geloof wees. Hier is God se spesiale Woord vir jou.

Tema : Die Here sal jou meer gee as wat jy gehad het

Teks: “Moenie bang wees om na Egipte toe te gaan nie, want Ek sal jou daar ‘n groot nasie maak.” (Gen 46:3)

• Wanneer jy die Here vertrou, kan jy verwag dat die regte geleenthede na jou sal kom.
• Hy is nie doof nie — Hy hoor jou. Sy arm is nie kort nie — Hy help jou (Jes. 59:1).
• Begin dadelik in gehoorsaamheid leef.
• Moenie langer uitstel nie.
• Hy wil en sal jou gelukkig maak.

Gebed

Liewe Vader, baie dankie dat ek binne U genade kan leef.

In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

29 Mei

Mag jy sien hoeveel keer God presies vir jou goeie dinge in jou lewe laat gebeur. Hier is ‘n spesiale gedagte uit God se Woord vir vandag.

Tema : Jy sal geluk beleef

Teks: “En hulle pa Israel het gesê: “Ek verlang niks meer nie. My seun Josef leef, en ek wil hom net sien voor ek sterf.” (Gen. 45:28)

• Staan sterk en byt vas — God is altyd met jou!
• Jy sal gelukkig wees, want die Here God sorg dat dit met jou goed gaan (Ps. 128:2).
• Jy staan in die sonskyn van Sy goedheid — die Here is ontsettend goed vir Sy kinders (Ps. 128:4).
• Wees op die uitkyk na die geluk wat die Here elke dag vir jou gee.
• Leef met hoop! Wees gelukkig! Dank die Here!

Gebed

Liewe Vader, baie dankie dat U my altyd gelukkig maak.

In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

28 Mei

Mag jy iemand van hoop en geloof wees. Hier is God se spesiale Woord vir jou.

Tema : Leef in vertroue en hoop

Teks: “Moenie langs die pad bang word en begin twyfel nie.” (Gen. 45:25).

• Moenie twyfel oor die goedheid en genade van die Here nie.
• Ongeag wat met jou gebeur, die Here is presies Wie jy nodig het.
• Ontvang die goeie dinge wat Hy elke dag vir jou doen.
• Aanvaar dit! Geniet dit! Leef dit!
• Wees gelukkig en lewe ‘n vol lewe.

Gebed

Liewe Vader, dankie dat U my ‘n vol lewe gee.

In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

27 Mei

Ek bid dat jy sal hoor hoe die Here jou roep om na Hom te gaan. Ek bid dat jy na Hom sal gaan. Hier is Sy Woord vir jou.

Tema : Hy roep jou! Hy wag vir jou!

Teks: “Kom na my toe. Moenie talm nie, kom bly in die Gosenstreek.” (Gen. 45:10)

• Die Here weet jy het ‘n behoefte aan geluk en ‘n beter lewe.
• Hy roep jou sodat Hy in al jou aardse en geestelike behoeftes kan voorsien (Jes. 55:1-3).
• Die Here gee vir almal wat Hy liefhet al die goeie dinge – selfs in hulle slaap (Ps. 127:3).
• God wil jou gelukkig maak — sien jou geleenthede raak, en gryp dit aan (Jes. 55:1-3).

Gebed

Liewe Vader, so baie dankie vir al die geluk wat U oor my pad bring.
In die Naam van Jesus, die Here.

Amen.

Vorige dagstukkies

© NG Kerk Lynnwoodrif – word gebruik met toestemming.

26 Mei

Ek hoop dat jy sensitief sal wees vir die nuwe uitkomste wat die Here in die lewe gee. Hier is Sy Woord vir jou.

Tema : Kyk reg na die lewe

Teks: “Maar julle moet nou nie sleg voel of bang wees omdat julle my verkoop het nie, want God het my voor julle uitgestuur om lewens te red.” (Gen. 45:5)

• Fokus op die regte dinge van jou lewe.
• Moenie dat slegte omstandighede jou onderkry of met jou op loop gaan nie (Fil 4:12).
• Wees tevrede met wat ook al met jou gebeur (Fil 4:11).
• Hy sal vir jou sorg deur jou te gee wat jy nodig het (Fil 4:19).
• Fokus op die goeie goed wat God in jou lewe waar maak.

Gebed

Liewe Vader, baie dankie dat U altyd vir my genoeg gee.

In die Naam van Jesus, die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

25 Mei

My hoop vir jou is dat jy iemand van hoop en vreugde vir alle mense sal wees. Hier is Sy Woord net aan jou vandag.

Tema : Vertrou die Here

Teks: “Vat die manne na my huis toe. Laat slag en laat ‘n ete voorberei, want hulle moet vanmiddag by my eet.” (Gen. 43:16)

• Jy het niks om voor bang te wees nie.
• Jy het baie rede om oor die toekoms positief te wees.
• Dit is die Almagtige God wat toe deure vir jou oopbreek.
• Jy het niks om voor bang te wees nie, want Hy sorg, gee hoop en verseker ‘n mooi toekoms.
• Prys die Here met jou hele lewe (Ps. 138:1).

Gebed

Liewe Vader, baie dankie dat U vir my hoop en ‘n toekoms gee.

In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

24 Mei

My gebed is dat jy sal leer om God vir jou lewe te vertrou. Hier is Sy Woord vir jou.

Tema : Jy is in die hande van die Here

Teks: “Maar julle moet nou nie sleg voel of bang wees omdat julle my verkoop het nie, want God het my voor julle uitgestuur om lewens te red.” (Gen 45:5)

• Wees rustig! Jy is totaal van God se getrouheid afhanklik.
• Die God wat omgee se hart is vol van deernis en genade vir jou.
• Die Here God is jou helper. Hy kom en versorg jou.
• Hy maak jou gelukkig en oorspoel jou met Sy teerheid, hoop en liefdevolheid.

Gebed

Liewe Vader, dankie dat U die Een is wat altyd vir my omgee en my versorg.
In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

23 Mei

Mag jy vandag vir ander mense die een seën op die ander wees. Maak God se Woord vandag jou eie.

Tema : Jy sal ‘n dubbele seën kry

Teks: “Toe Josef inkom, bring hulle vir hom die geskenk wat hulle saamgebring het, na die huis toe. Toe buig hulle diep voor hom.” (Gen 43:26)

• Soms mag dit so voel, maar jy is nie alleen nie. Die Here is by jou!
• Nou, op hierdie oomblik, wanneer jy oor jou toekoms dink, onthou dat God deel daarvan is.
• Jy sal ‘n dubbele seën van die Here die Almagtige ontvang (2 Kon 2:9-10; Jes. 61:7).
• Hy sal jou twee keer meer gee as wat jy het (2 Kon 2:9-10; Jes. 61:7).
• Daarom sal jy baie bly wees.

Gebed

Liewe Vader, baie dankie dat U mense gelukkig wil hou — gee my ook daardie dubbele geluk.
In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

22 Mei

My gebed is dat jy vandag gesondheid en hoop sal beleef. Hier is God se Woord vir jou.

Tema : Belyn jou lewe met God se hart

Teks: “Nadat die amptenaar hulle in Josef se huis ingebring het, het hy vir hulle water gegee, en hulle het hulle voete gewas.” (Gen. 43:24)

• Kies om mense nie in eie munt terug te kry nie.
• Belyn jou lewe met die hart en gees van die Here, die God van vrede.
• Jy kies om volgens Sy wil te leef.
• Kies om iemand van vrede, seën en genade te wees.
• Kyk met deernis na mense en wees baie goed vir hulle (Num 6:25).

Gebed

Liewe Vader, dankie dat U Gees die Gees van vrede en liefde is.
In Jesus se Naam.
Amen

Vorige dagstukkies

© NG Kerk Lynnwoodrif – word gebruik met toestemming.

21 Mei

Liewe ….

Ek hoop en bid dat jy sal aanleer om nie jou oor jou lewe te bekommer nie. Hier is ‘n spesiale boodskap uit Sy Woord vir jou.

Tema: Moet jou nie bekommer nie

Teks: “Toe sê die amptenaar vir hulle: “Wees gerus! Moenie bekommerd wees nie.” (Gen 43:23)

• Soms bekommer jy jou omdat dinge nie verloop soos jy dit beplan nie.
• Dit is heel dikwels die Here se manier hoe Hy jou gaan seën.
• Die Here is by jou. Hy is jou God. Hy sal jou nooit in die steek laat nie (Jes. 41:9-10).
• Hy help jou. Hy maak jou sterk. Hy gee jou krag en gee jou insig (Jes. 41:10).
• Moenie bang of bekommerd wees nie (Jes. 41:10).
• Wees gereed om die seëninge van die Here te ontvang.

Gebed

Liewe Vader, baie dankie dat U negatiewe oomblikke in seën verander.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

20 Mei

Liewe ….

My gebed is dat jy ontvanklik sal wees dat die Here op die mees onwaarskynlike plekke vir jou sal sorg. Hier is ‘n boodskap uit God se Woord vir jou.

Tema: Hy sorg selfs vir jou as jy dit nie verwag nie

Teks: “Vat die manne na my huis toe. Laat slag en laat ‘n ete voorberei, want hulle moet vanmiddag by my eet.” . ” (Gén 43:16)

• Die Here Jesus kyk met sagte oë na jou en ander mense.
• Hy help self al verwag jy moeilikheid en doodlooppaaie.
• Vir Hom is niks onmoontlik nie.
• Maak jou hart oop vir Sy sorg, selfs al is dit onwaarskynlik.
• Dit is die Here se voorreg om jou te help, en hoe Hy dit doen, bly Sy keuse.
• Verwag dat Hy sal uitkoms gee.

Gebed

Liewe Vader, baie dankie dat U altyd help en uitkoms gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

19 Mei

Liewe ….

Ek hoop dat jy sensitief sal wees vir die nuwe positiewe uitkomste wat die Here vooruit vir jou beplan het. Hier is Sy Woord vir jou.

Tema: Die Here beplan ‘n goeie lewe lank vooruit

Teks: “Maar julle moet nou nie sleg voel of bang wees omdat julle my verkoop het nie, want God het my voor julle uitgestuur om lewens te red.” (Gen 45:5 )

• Die Here ken en beplan die toekoms lank vooruit (Open. 5).
• Hy kan en wil al die goeie dinge vir jou doen (1 Pet 1:4).
• Hy maak van jou lewensverhaal gebruik om goeie dinge daaruit te laat gebeur.
• Die Here sal nie toelaat dat dinge in jou lewe buite beheer raak nie (1 Kor 10:12-13).
• Kry vrede en leef met berusting.

Gebed

Liewe Vader, baie dankie dat ek in U hande veilig is.

In Jesus se Naam. Amen

Vorige dagstukkies

© NG Kerk Lynnwoodrif – word gebruik met toestemming.

18 Mei

Liewe ….

Ek bid dat jy elke dag sal sien hoe God se beloftes vir jou waar word. Hier is Sy woord vir vandag.

Tema: Wat die Here aan jou belowe sal Hy waar maak

Teks:“Toe Josef inkom, bring hulle vir hom die geskenk wat hulle saamgebring het, na die huis toe. Toe buig hulle diep voor hom. ” (Gen 43:26)

• Om die Here te raadpleeg, is nooit ‘n mors van tyd nie.
• Wanneer die Here sê dat Hy iets sal doen, doen Hy dit.
• Soms neem Hy ‘n tydjie voordat Hy Sy beloftes waar maak, maar Hy doen dit.
• Neem die Here op Sy woord, en leef vanuit Sy beloftes.
• Kry daarom vrede dat die goeie dinge wat Hy belowe ‘n werklikheid sal word – geloof is nodig.

Gebed

Liewe Vader, maak U beloftes in my lewe waar.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

17 Mei

Liewe ….

Ek bid dat jy sal verstaan dat jy ook ander mense moet dien. My wens is dat jy sal begryp wat dit beteken. Hier is ‘n boodskap uit die Bybel vir jou.

Tema: Kies om ander te dien

Teks: “Nadat die amptenaar hulle in Josef se huis ingebring het, het hy vir hulle water gegee, en hulle het hulle voete gewas.” (Gén 43:24)

• Voetwassing was ‘n groot vernedering – ‘n slaaf kon kies om nie iemand se voete te was nie, maar Josef was sy broers se voete.
• Moenie wraak neem oor seer wat jou aangedoen is nie.
• Maak ander ,mense vry deur hulle te dien – wees die minste.
• So sal jy groot innerlike vrede, wat van die Here van Vrede kom, kry en ervaar.

Gebed

Liewe Vader, ek het U krag nodig om mense wat my seergemaak het te dien. Help my hierin.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

16 Mei

Liewe ….

Ek hoop dat jy sensitief sal wees vir die nuwe uitkomste wat die Here in die lewe gee. Hier is Sy Woord vir jou.

Tema: Moet jou nie bekommer nie

Teks: “Toe sê die amptenaar vir hulle: “Wees gerus! Moenie bekommerd wees nie.” (Gen 43:23)

• Soms bekommer jy jou omdat die lewe nie verloop soos jy dit beplan nie.
• Dit is die Here se manier hoe Hy jou gelukkig gaan maak.
• Verwag die geluk van die Here op die heel vreemdste maniere. Aanvaar en ontvang dit dan.
• Dit is Sy wens dat jy wel die voordeel en vrugte van jou werk en lewe sal geniet.

Gebed

Liewe Vader, baie dankie dat U selfs in onverwagse oomblikke sorg.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

15 Mei

Liewe ….

Ek hoop jy aanvaar dat jou lewe binne God se hand is. Gee jouself in Sy hande. Hy sal vir jou sorg. Jy sal dit sien. Hier is Sy Woord vir jou.

Tema: Vertrou die Here vir jou toekoms

Teks: “God die Almagtige sal sorg dat die man julle goedgesind is en julle ander broer terugstuur en ook vir Benjamin. En ek, as ek dan my kinders moet verloor, moet ek hulle maar verloor.” (Gen. 43:14)

• Uiteindelik gee Jakob die saak van Josef en Benjamin aan die Here oor. Hy sorg en versorg.
• Hy kry vrede met die wete dat ook hulle toekoms in die hande van die Here veilig is – al is Hy nie by hulle nie.
• Jy kan op die Here staatmaak. Jy kan Hom vertrou. Hy sal jou help en uitkoms gee.
• Wees van die Here afhanklik, want Hy is getrou. Hy sal jou deur elke uitdaging lei en help.

Gebed

Liewe Vader, baie dankie dat U my deur alles help.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

14 Mei

Liewe ….

Ek bid dat die Heilige Gees jou die krag sal gee om op te hou om die verkeerde dinge te herhaal. Hier is Sy Woord vir jou.

Tema: As jy jammer is, sal jy anders begin optree

Teks: “Juda het vir sy pa Israel gesê: “Stuur tog maar die kind saam met my sodat ons dadelik kan vertrek.” (Gén 43:8)

• Wie die lesse van die lewe ernstig opneem (soos Juda), is slim. So iemand ken die kuns van die lewe (Spr. 12:1).
• Niemand kry uit verkeerde dade iets reg nie (Spr. 12:3).
• Christusgelowiges dink altyd hoe hulle reg kan leef en die verlede beter oor kan doen (Spr. 12:5).
• Jy is baie kosbaar vir die Here. Hy belê in jou sodat jy presies sal word wat Hy wil hê jy moet wees.
• Hy wil jou as ‘n instrument in Sy hande gebruik.

Gebed

Liewe Vader, gee my die wysheid om in te sien waar ek verkeerd leef, en die moed om heeltemal nuut te leef.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

13 Mei

Liewe ….

Vandag bid ek weer ‘n praktiese saak vir jou: dat jy ‘n verantwoordelike mens sal wees. Hier is Sy Woord vir jou.

Tema: Neem verantwoordelikheid

Teks: “Maak my verantwoordelik vir hom, en ek sal hom vir Pa terugbesorg.” (Gen 42:37)

• Ruben staan nie terug om verantwoordelikheid te neem nie. Hy het verantwoordelikheid vir Benjamin en Josef op hom geneem.
• Miere neem ook verantwoordelikheid vir hul toekoms – sonder druk van ‘n baas of ‘n toesighouer werk miere self en gaar vroegtydig kos.(Spr. 6:6-7).
• Wie nie selfdissipline het nie, neem nie verantwoordelikheid vir hulle toekoms nie, want hulle sterf as gevolg daarvan (Spr. 5:23).
• Harde werk het sy voordele. Praatjies bring jou nie ver nie (Spr. 14:23).
• Vir jou vandag, kyk na die Here en wag vir die geleenthede om verantwoordelikheid te neem. Hy sal jou baie gelukkig maak.

Gebed

Liewe Vader, dankie vir geleenthede om verantwoordelikheid vir dinge in die lewe te neem.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.