Etiket: Bybeldagstukkies 2026

31 Januarie

Liewe vriend

Mag jy vandag die betroubare Woord van God in jou hart vashou! Hier is God se Boodskap net vir jou vir vandag:

Tema: God se woorde en Woord is betroubaar – glo dit!

Daar is baie dinge wat jy nie sal verstaan nie, maar een ding is seker – God se Woord is volkome betroubaar en jy kan daarop reken.

Teks vir vandag: “Wie kan die Here deurgrond? Wie het al ooit hemel toe gegaan en weer teruggekom? Dit is onmoontlik om Hom volledig te ken… Elke woord van die Here is waar. Jy kan daarop reken…” Spr. 30:4 (Die Boodskap)

• Wat vir mense slim en wys is, is eintlik by God dom en dwaas (1 Kor 1:19-20).
• God se Woord is jou anker in ‘n wêreld vol onsekerhede – dit is die een ding waarop jy altyd kan staatmaak
• Eindig hierdie maand deur jou lewe op die vaste fondament van God se Woord te bou.
• Elke belofte en woord wat die Here deur Sy Woord aan jou gemaak het, sal waar word (Jes. 55:11).
• Volg Hom hierin. Stap agter Hom aan. Prys Sy Naam. Wees bly en opgewonde.

Gebed

Liewe Vader, dankie dat U Woord volkome betroubaar is en dat ek in ‘n onsekere wêreld op U beloftes kan reken.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

30 Januarie

Liewe vriend

Mag jy vandag ‘n lerende houding hê! Hier is God se Boodskap net vir jou vir vandag:

Tema: Moenie hardkoppig wees nie

Teks vir vandag: ‘n Hardkoppige mens wat nooit na ander luister nie, sal hom nog lelik vasloop.” Spr. 29:1 (Die Boodskap)

• Wanneer jy hardkoppig is, is jy trots en blind vir jou eie foute en tekortkominge. Die meeste mense leef so, selfs gelowiges en Christenleiers ook.
• God gebruik mense om jou reg te help en te lei – moenie té trots wees en nie na hulle luister nie.
• Elke keer wat jy weier om na raad te luister, word jou hart harder en is dit moeiliker om jou lewe te verbeter.
• Wie aanhou om hom / haar teen goeie advies en hulp te verset, sal iewers tot ‘n val kom (Spr. 29:1b 1983-vertaling).
• Wees vandag oop om van ander te leer, om raad te ontvang en om dinge weer reg te stel, selfs as dit jou ongemaklik maak.
• Geniet dan God se vrede, vreugde en geluk.

Gebed

Liewe Vader, breek vandag die hardkoppigheid in my hart en maak my nederig genoeg om na ander te luister en van hulle te leer.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

29 Januarie

Liewe vriend

Mag jy vandag die vrede van ‘n skoon gewete ervaar! Hier is God se Boodskap net vir jou vir vandag:

Tema: ‘n Skoon gewete bring rus en vrede vir jou.

Teks vir vandag: ‘n Ongelowige se slegte gewete laat hom onrustig voel. Hy is soos iemand wat weghardloop, al jaag niemand hom nie. ‘n Gelowige ervaar kalmte. Hy is soos ‘n leeu in ‘n veilige skuilplek.” Spr. 28:1 (Die Boodskap)

• ‘n Skoon gewete is een van die grootste gawes wat jy jouself kan gee – dit bring vrede en rus.
• Wanneer jy reg leef, hoef jy nie oor jou skouer te kyk nie. Dan hoef jy nie bang te wees vir die gevolge van jou gedrag nie.
• Bid en vertrou God vir kalmte in krisistye.
• Leef so dat jy elke aand met vrede, rustigheid en gelukkig kan slaap omdat jy voor God reg leef.

Gebed

Liewe Vader, help my om vandag reg te leef sodat ek die vrede van ‘n skoon gewete kan ervaar en in U rus kan leef.

In die Naam van Jesus Christus die Here.

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

28 Januarie

Liewe vriend

Mag jy vandag nederig wees oor die toekoms! Hier is God se Boodskap net vir jou vir vandag:

Tema: Jou toekoms is onbekend

Teks vir vandag: “Moenie te seker oor môre en oormôre wees nie, want jy weet nie wat in die toekoms gaan gebeur nie.” Spr. 27:1 (Die Boodskap). Lees ook Jakobus 4:13-15

• Die toekoms behoort aan God – maak planne, maar hou hulle met ‘n oop hand voor Hom.
• Erken en onthou dat jy nie in beheer is nie, maar jy elke dag van God se genade afhanklik is (Matt 6:30, 34).
• Leef vandag ten volle. Moenie veronderstel dat môre gewaarborg is nie.
• Sê daarom eerder: “As die Here wil en ek môre leef, sal ek dit of dat doen!”– dit wys dat jy erken dat Hy in beheer is.(Jak 5:15).

Gebed

Liewe Vader, help my om vandag oor die toekoms nederig te wees. Laat ek erken dat elke dag ‘n geskenk van U genade is.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

27 Januarie

Liewe vriend

Mag jy vandag beskerm wees teen alle slegte woorde! Hier is God se Boodskap net vir jou vir vandag:

Tema: Vloeke oor jou uitgespreek, is kragteloos

Teks vir vandag: “Al wens iemand jou slegte dinge toe, niks daarvan sal waar word nie. Soos verskrikte voëltjies wat wegvlieg, sal dit in die niet verdwyn.” Spr. 26:2 (Die Boodskap)

• God is jou beskermer – geen vervloeking of slegte wense kan jou raak as jy onder Sy sorg leef nie.
• Moenie jou energie mors deur bekommerd te wees oor wat ander oor jou sê of jou toewens nie.
• Jou toekoms word nie bepaal deur mense se opinies of wense nie, maar deur God se plan vir jou.
• Leef vandag in die vryheid en vrede dat God jou beskerm teen alle slegte woorde en bedoelinge.
• Wees rustig! Wees hoopvol! Sien uit na jou toekoms!

Gebed

Liewe Vader, dankie dat U my beskerm teen alle slegte woorde en wense, en dat niks my kan raak sonder U toestemming nie.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

26 Januarie

Liewe vriend

Mag jy vandag vrede vind met wat jy nie verstaan nie! Hier is God se Boodskap net vir jou vir vandag:

Tema: Jy kan God nie verstaan nie

Teks vir vandag: “Die Here is baie groot. ‘n Mens verstaan nie alles wat Hy doen nie. ‘n Mens kan alles ondersoek en bestudeer. Baie dinge bly vir hom ‘n geslote boek.” Spr. 25:2 (Die Boodskap)

• Jy hoef nie alles te verstaan om God te vertrou nie – vertroue is om Hom te glo al maak dinge nie sin nie.
• God se manier om dinge te doen is heeltemal anders en beter as jou manier. Die wyse hoe Hy dink groter, beter, wyser en anders as jou gedagtes en planne (1 Kor 1:27-28).
• Party van God se planne sal jy eers na jou dood verstaan – wees tevrede met dit wat Hy jou nou wys.
• Jy hoef nie alles te weet of te verstaan nie. Laat Sy “onverstaanbaarheid” eerder jou bewondering vir God laat toeneem. 
• Soek dus Sy wil en planne elke oomblik vir jou lewe. Hy maak die onmoontlike moontlik!

Gebed

Liewe Vader, help my om vandag U te vertrou, al verstaan ek nie alles nie. Help my om rus te vind in die wete dat U in beheer is.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

25 Januarie

Liewe vriend

Mag jy vandag versigtig wees met wie jy meng! Hier is God se Boodskap net vir jou vir vandag:

Tema: Wees versigtig met wie jy tyd deurbring en meng

Teks vir vandag: “Moet niks van slegte mense wil hê nie. Moet onder geen omstandighede met hulle bevriend raak nie. Hulle dink net aan verkeerde dinge. Hulle sê verskriklike goed.” Spr. 24:1-2 (Die Boodskap)

• Moenie meng met mense wat slegte dinge doen, dink of sê nie – hulle sal jou aftrek en jou lewe vernietig (Spr. 24:2 1983-vertaling).
• Die mense met wie jy tyd deurbring, beïnvloed jou meer as wat jy dink – kies hulle versigtig.
• Slegte geselskap bederf ‘n goeie karakter, goeie gedrag (gewoontes) en ordentlike optrede (1 Kor 15:33).
• God roep jou om in die wêreld te wees, maar nie deel van die wêreld se sonde te word nie.
• Beskerm jouself deur afstand te hou van slegte invloede.
• Kies Christenvriende en mense met goeie karakter en positiewe invloed.

Gebed

Liewe Vader, gee my wysheid om die regte vriende te kies en die moed om weg te bly van mense wat my van U sal afdraai.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

24 Januarie

Liewe vriend

Mag jy vandag tevrede wees met wat genoeg is! Hier is God se Boodskap net vir jou vir vandag:

Tema: Geniet die lewe met wat jy het

Teks vir vandag: “Moenie jou vir geld afsloof nie. Wees slim genoeg om te weet wanneer jy genoeg het.” Spr. 23:4 (Die Boodskap)

• God wil hê jy moet werk en vooruitgaan.
• Hy wil egter nie hê dat jy jou gesondheid, sin vir goeie waardes en goeie verhoudings ter wille van geld en aansien prysgee nie.
• Die jaag na rykdom, eer en aansien kan jou verblind en jou van die werklike belangrike dinge in die lewe laat wegdryf.
• Tevredenheid is ‘n vrug van die Heilige Gees (Gal 5:22). Dank eerder vir God die Vader vir al die dinge wat jy het (Eks 20:17 – 10de gebod; Ef. 5:20; Kol. 3:16).
• Toets vandag jou prioriteite en maak seker dat geld, rykdom en besittings nie onder die boonstes tel nie.

Gebed

Liewe Vader, help my om vandag wysheid te hê om te weet wanneer genoeg, genoeg is en om nie my lewe vir geld weg te gooi nie.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

23 Januarie

Liewe vriend

Mag jy vandag jou integriteit bo rykdom stel! Hier is God se Boodskap net vir jou vir vandag:

Tema: Beskerm jou reputasie

Teks vir vandag: ‘n Goeie naam is beter as geld. Ander se liefde is kosbaarder as groot rykdom.” Spr. 22:1 (Die Boodskap). Lees ook Prediker 7:1

• Jou karakter en reputasie is iets wat jy daagliks bou deur klein keuses, integriteit en konsekwente optrede.
• Geld kan verlore gaan, maar ‘n goeie naam bly voortgaan selfs daar wanneer jy nie meer leef nie – na jou dood.
• Selfs na jou dood onthou die nageslag jou voorbeeld en tipe reputasie.
• Mense se vertroue en respek verdien jy nie met geld nie, maar met integriteit, eerlikheid, vriendelikheid, liefde en hardwerkendheid.
• Maak vandag besluite wat jou goeie naam sal beskerm en jou getuienis sal versterk.

Gebed

Liewe Vader, help my om vandag my integriteit te beskerm en ‘n goeie naam op te bou deur reg te leef.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

22 Januarie

Liewe vriend

Mag jy vandag jou planne aan God se wil onderwerp! Hier is God se Boodskap net vir jou vir vandag:

Tema: God bepaal die uitkoms

Teks vir vandag: ‘n Groot leier dink baie oor dinge, maar die Here rig sy denke. Hy beplan, maar God besluit wat sal gebeur.” Spr. 21:1 (Die Boodskap) – lees ook Spreuke 16:1, 9; 19:21

• Jou leierskap, visioenêre sienings, strategiese beplanning en intelligensie is goeie gawes van God, maar moet altyd onder Sy leiding funksioneer.
• God kan jou gedagtes en planne rig as jy Hom toelaat om in beheer te wees.
• Wees bereid om jou planne te verander as God jou in ‘n ander rigting lei.
• Begin elke dag deur God te vra om jou denke en besluite te lei.
• Stap agter die Here aan. Volg Hom. Hy kan die onmoontlike moontlik maak!

Gebed

Liewe Vader, rig vandag my denke en planne sodat alles wat ek doen in lyn is met U volmaakte wil vir my lewe.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

21 Januarie

Liewe vriend

Mag jy vandag selfbeheersing oefen! Hier is God se Boodskap net vir jou vir vandag:

Tema: “Afhanklikheid” vernietig jou en ander mense

Teks vir vandag: “Te veel wyn laat jou nonsens praat. Sterk drank maak jou rumoerig. Dit is slim van jou om nie dronk te word nie.” Spr. 20:1 (Die Boodskap)

• Alkohol en verslawende middels verswak jou vermoë om goeie besluite te neem.
• Dit sal ook jou verhoudings en werk seermaak en groot skade aan doen.
• God het jou geroep om jou liggaam en gedrag te beheer.
• Baie mense het hulle getuienis, werk, verhoudinge en geleenthede verloor omdat hulle beheer aan verslawing afgestaan het.
• Uiteindelik sterf jy weens jou gebrek aan dissipline en selfbeheer (Spr. 5:23).
• Kies om altyd in beheer van jouself te bly.
• Staan sterk en wees deur jou keuses en gedrag in beheer van jou lewe!

Gebed

Liewe Vader, help my om vandag wysheid te hê in hoe ek met alkohol omgaan en om altyd in beheer van myself te bly.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.