Etiket: Bybeldagstukkies 2026

20 Januarie

Liewe vriend

Mag jy vandag die ware rykdom van God se wysheid waardeer! Hier is God se Boodskap net vir jou vir vandag:

Tema: Ware rykdom lê in jou verhouding met die Here

Teks vir vandag: “Eerder ‘n arme wat die Here ken, as ‘n ryke sonder enige wysheid. Hy sê en doen die domste dinge.” Spr. 19:1 (Die Boodskap)

• Jou verhouding met God is jou grootste bate – geen bedrag geld of eiendom kan dit ooit vervang nie.
• Rykdom sonder wysheid lei tot slegte besluite wat alles verlore kan laat gaan.
• God se wysheid lei jou na besluite wat jou lewe verryk, ongeag jou finansiële situasie.
• Wees vandag dankbaar vir jou persoonlike verhouding met God en bid vir Sy wysheid in alles wat jy doen.

Gebed

Liewe Vader, leer my om die verhouding met U te koester as my grootste skat en om U wysheid bo materiële rykdom te stel.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

19 Januarie

Liewe vriend

Mag jy vandag vir ander leef en nie net vir jouself nie! Hier is God se Boodskap net vir jou vir vandag:

Tema: Selfsug vernietig jou verhoudinge

Teks vir vandag: ‘n Selfsugtige mens wat net vir homself leef, soek altyd na ‘n rede om die rug vir sy mense te draai.” Spr. 18:1 (Die Boodskap)

• Selfsug verblind jou en maak dat jy net jou eie behoeftes en begeertes kan sien.
• God het ons gemaak om saam met ander mense te leef – ons is sosiale mense. Isolasie is gevaarlik vir jou geestelike groei.
• Wanneer jy net vir jouself leef, mis jy die geluk van ware verhoudings en saamwees met ander mense.
• Maak vandag ‘n doelbewuste keuse om aan iemand anders te dink en iets vir hulle te doen.
• Leef sag teenoor ander mense. Maak jou hart oop vir mense. Geniet so God se liefde, vrede en geluk!

Gebed

Liewe Vader, breek vandag die selfsug in my lewe en help my om opreg vir ander om te gee en diensbaar te wees.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

18 Januarie

Liewe …

Mag jy vandag tevrede wees met wat jy het! Hier is God se Boodskap net vir jou vir vandag:

Tema: Kies eerste vir vrede en geluk in jou lewe

Teks vir vandag: “Eerder met min klaarkom en gelukkig wees, as om oorvloed te hê en heeltyd te baklei.” Spr. 17:1 (Die Boodskap)

• Ware rykdom word nie gemeet in wat jy het nie, maar in die vrede en liefde wat in jou huis en plek heers.
• God maak ‘n huis en plek gelukkig waar daar eenheid en vrede is, – al is daar min materiële besittings.
• Moenie deur jou gejaag na meer geld, status en aansien jou verhoudinge met mense, veral jou gesin en familie, laat skade kry nie.
• Wees vandag dankbaar vir wat jy het. Werk daaraan om vrede in jou plek te bevorder.

Gebed

Liewe Vader, help my om vandag tevrede te wees met wat ek het en om vrede en harmonie in my huis en plek te koester.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

17 Januarie

Liewe vriend

Mag jy vandag jou planne aan God toevertrou! Hier is God se Boodskap net vir jou vir vandag:

Tema: Beplan in geloof

Teks vir vandag: ‘n Mens maak baie planne, maar die Here besluit of dit suksesvol sal wees of nie… Elke mens beplan sy lewe, maar alles hang van die Here af.” Spr. 16:1, 9 (Die Boodskap) lees ook Spreuke 19:21; 21:1

• Dit is reg om te beplan en jou beste doen, maar bly afhanklik van God vir die finale uitkoms.
• Jou planne moet altyd onderworpe wees aan God se wil – Hy sien die groter prentjie.
• Wanneer dinge nie loop soos jy beplan het nie, vertrou dat God besig is met iets beters. Wag dan eers.
• Begin vandag deur jou planne in gebed aan God voor te lê en Sy leiding te vra. Stap agter Hom aan. Doen Sy wil.
• Moet jou nie aan mense steur nie. God bepaal wat gebeur. Wees rustig, tevrede en gelukkig.

Gebed

Liewe Vader, ek lê vandag al my planne in U hande en vertrou dat U sal besluit wat die beste vir my is.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

16 Januarie

Liewe vriend

Mag jy vandag selfbeheersing oefen! Hier is God se Boodskap net vir jou vir vandag:

Tema: Selfbeheersing getuig van innerlike krag

Teks vir vandag: ‘n Sagte antwoord laat die woede bedaar. Skerp woorde maak mense woedend. ‘n Gelowige se woorde getuig van kennis… Wie sy humeur kan beteuel, is sterker as die sterkste mens. Wie sy drange en emosies kan beheer, is magtiger as baie magtiges” Spr. 15:1; 16:32 (Die Boodskap)

• Mense sal jou seermaak, ander kan jou by die werk onder druk plaas. Ja, spanning en konflik kan jou onwaardig laat optree.
• Selfbeheersing is ‘n vrug van die Heilige Gees (Gal. 5:22) – vra Hom om jou vandag te help om kalm te bly.
• ‘n Sagte antwoord het die krag om konflik te ontlont, vrede en rus te bring. Dit kan jou in beheer van die situasie plaas.
• Beheer jou tong wanneer jy kwaad is, al is dit bitter moeilik om te doen (Jak 3:5-6).
• Byt jou tong vas voordat jy praat as jy kwaad is. Dink eers en tel jou woorde.
• Wees vandag doelbewus om rustig te reageer, al voel jy baie anders. Leef in vrede en wees gelukkig.

Gebed

Liewe Vader, gee my vandag die krag om myself te beheer en met sagtheid te reageer, selfs wanneer ander my provokeer.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

15 Januarie

Liewe vriend

Mag jy vandag wysheid gebruik om te bou! Hier is God se Boodskap net vir jou vir vandag:

Tema: Behou jou goeie reputasie en integriteit

Teks vir vandag: ‘n Mooi lewe kan deur dom optrede vernietig word. Dit is soos Wysheid wat ‘n mooi huis met moeite bou. Dan kom dwaasheid en breek dit af.” Spr. 14:1 (Die Boodskap)

• Moenie met jou toekoms speel nie!!!
• Jou integriteit, reputasie, verhoudings en getuienis is kosbaar – dit kan deur een dom besluit en optrede op die spel geplaas word.
• Dit neem lank om vertroue en ‘n goeie naam te bou, maar net sekondes om dit te vernietig.
• Wees ekstra versigtig om niks te doen wat kan afbreek maak aan wat God besig is om in jou lewe te bou nie.
• God wil hê jy moet ‘n goeie naam opbou wat vas bly staan – gebruik daarom Sy wysheid in elke besluit.
• Bou jou toekoms op tot iets wat mooi, goed en positief is.

Gebed

Liewe Vader, help my om vandag wys te leef en te beskerm wat U in my lewe besig is om te bou.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

14 Januarie

Liewe vriend

Mag jou woorde vandag ander opbou! Hier is God se Boodskap net vir jou vir vandag:

Tema: Spreek lewe en wees positief

Teks vir vandag: ‘n Gelowige se woorde kan vir ander mense baie beteken. Hy trek self ook voordeel daaruit. Slegte mense kan nie genoeg van geweld kry nie.” Spr. 13:2 (Die Boodskap)

• Jou woorde het die krag om lewe of dood te bring – kies vandag om met jou woorde lewe te skenk (Deut. 30:19).
• Kies lewe deur jou woorde, dan sal jy en jou nageslag gelukkig wees en voluit leef (Deut. 30:19).
• Wanneer jy ander bemoedig en opbou, ontvang jy self ook die geluk, vrede en vreugde van positiewe verhoudings.
• Fokus vandag spesifiek op ten minste drie mense wat jy met jou woorde kan opbou en bemoedig.

Gebed

Liewe Vader, help my om vandag my woorde met wysheid te gebruik sodat dit ander kan opbou en U Naam kan verheerlik.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

13 Januarie

Liewe vriend

Mag jy vandag oop wees vir God se onderrig! Hier is God se Boodskap net vir jou vir vandag:

Tema: Wees leerbaar

Teks vir vandag: “Wie die lesse van die lewe ernstig opneem, is slim. Wie uit sy foute leer, leer die kuns van die lewe ken. Wie na geen raad luister nie, is dom.” Spr. 12:1 (Die Boodskap)

• God gebruik jou lewenservaring (waarvan jou foute deel van is) om jou te leer en te vorm – leer daaruit.
• Jy is leerbaar wanneer jy raad en advies ontvang en dit is ‘n teken van wysheid, nie van swakheid nie.
• Mense wat dink hulle weet alles, is “halsstarrig” en bly vasgevang in hulle eie blindekolle en beperkinge.
• Maak vandag ‘n keuse om oop te wees vir regstellings, advies en raad van ander wat wys is.
• Dank God die Heilige Gees dat Hy die God van alle wysheid is. Ontvang Sy lesse en leef gelukkig!

Gebed

Liewe Vader, maak my vandag nederig genoeg om uit my foute te leer en oop genoeg om na goeie raad te luister.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

12 Januarie

Liewe vriend

Mag jy vandag eerlik wees in al jou transaksies! Hier is God se Boodskap net vir jou vir vandag:

Tema: Eerlikheid is deel van God se besigheid

Teks vir vandag: “Dit walg die Here wanneer besigheidsmense oneerlik is, wanneer produkte swak en pryse buitensporig is. Eerlike transaksies maak Hom gelukkig.” Spr. 11:1 (Die Boodskap)

• God is nie net betrokke by jou geestelike lewe nie – Hy gee ook om hoe jy in die sakewêreld optree.
• Om kwaliteit produkte teen regverdige pryse te verkoop is ‘n vorm van aanbidding aan God.
• Jou integriteit in besigheid is ‘n getuienis vir ander van God se karakter.
• Wees vandag ekstra versigtig om in elke transaksie volkome eerlik en deursigtig te wees.

Gebed

Liewe Vader, help my om vandag in al my besigheidstransaksies eerlik te wees sodat my integriteit vir U ‘n bron van vreugde sal wees.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

11 Januarie

Liewe vriend

Mag jy vandag integriteit in al jou sake beoefen! Hier is God se Boodskap net vir jou vir vandag:

Tema: Hanteer jou geld eerlik en verantwoordelik

Teks vir vandag: “Geld wat oneerlik verkry is, bring net verdriet. Eerlike optrede maak mens gelukkig.” Spr. 10:2 (Die Boodskap)

• Oneerlike wins kom met ‘n prys – jou gemoedsrus, jou getuienis en uiteindelik jou vreugde gaan verlore.
• God sien alles wat jy doen en Hy seën eerlikheid, nie kortpaaie of slim planne nie.
• Eerlike geld maak jou huis en huismense gelukkig. Dit gee en vrede en rustigheid in jou hart.
• Kies vandag vir integriteit, al lyk dit asof jy ‘n kans misloop – God se seën is meer werd as enige oneerlike wins.

Gebed

Liewe Vader, help my om vandag in al my sake eerlik en opreg te wees sodat U seën en vrede op my lewe kan rus.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

10 Januarie

Liewe vriend

Mag jy vandag wysheid hê in hoe jy antwoord! Hier is God se Boodskap net vir jou vir vandag:

Tema: Wees versigtig hoe jy praat en antwoord.

Teks vir vandag: “Dink mooi hoe jy iemand wat met God spot, moet antwoord.  Hy kan jou begin haat, en jou groot skade aandoen.” Spr. 9:7 (Die Boodskap)

• Nie alle mense is gereed om God se waarheid te hoor nie – bid vir wysheid om te weet wanneer om te praat.
• Spotters is mense wat God se manier van leef en hoe Hy ons deur Jesus gered het, bespot en verwerp – hulle kan gevaarlik wees vir jou geestelike welstand.
• God gee jou onderskeidingsvermoë om te weet met wie jy God se dieper waarhede kan deel.
• Wees nederig genoeg om te erken dat jy nie almal kan oortuig nie – los ruimte vir die Heilige Gees om te werk.
• Antwoord ongelowige mense versigtig en met wysheid, sodat jy hulle vir Christus kan wen.

Gebed

Liewe Vader, gee my vandag wysheid om te weet wanneer om te praat en wanneer om stil te bly, en beskerm my teen mense wat my wil seermaak.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

9 Januarie

Liewe vriend

Mag jy vandag vir ander ‘n getuienis van God se goedheid wees! Hier is God se Boodskap net vir jou vir vandag:

Tema: Word ‘n sigbare getuie van genade

Teks vir vandag: “Iemand wat reg leef, is ‘n getuienis. Om reg te leef is soos ‘n goeie vrou. Waar sy gaan, sien mense hoe goed en mooi sy is.” Spr. 8:1 (Die Boodskap)

• Jou lewensstyl is die sterkste en kragtigste preek wat jy ooit kan gee – mense kyk na hoe jy leef.
• Om reg te leef beteken om God se karakter in jou daaglikse besluite en optrede uit te leef.
• Jou integriteit en eerlikheid trek ander mense na God toe.
• Wees vandag bewus daarvan dat jy vir ander ‘n voorbeeld is van hoe ‘n kind van God leef.

Gebed

Liewe Vader, maak my vandag ‘n getuienis van U goedheid sodat ander mense deur my lewe na U toe getrek sal word.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

8 Januarie

Liewe vriend

Mag jy vandag God se voorskrifte vir die lewe onthou! Hier is God se Boodskap net vir jou vir vandag:

Tema: God se riglyne is vir jou goed – wees leerbaar.

Teks vir vandag: “… onthou wat ek jou oor die lewe geleer het. Bêre my voorskrifte in jou gemoed. Leef daarvolgens en jy sal gelukkig wees.” Spr. 7:1 (Die Boodskap)

• Jy moet bereid wees om die wysheid van God aan te leer – wees leerbaar!
• God se voorskrifte is nie ‘n las nie, maar eerder beskerming wat jou van swaarkry bewaar.
• Om God se wysheid in jou hart te bêre beteken om dit so goed te ken dat dit outomaties deel van jou denke word.
• Wanneer jy volgens God se beginsels leef, ervaar jy vrede en geluk wat die wêreld nie kan gee nie.
• Maak vandag ‘n doelbewuste keuse om een voorskrif van God uit te leef.

Gebed

Liewe Vader, help my om U Woord in my hart te bêre en daarvolgens te leef sodat ek die ware geluk kan ervaar wat U belowe het.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

7 Januarie

Liewe vriend

Mag jy vandag bedagsaam wees met elke ooreenkoms! Hier is God se Boodskap net vir jou vir vandag:

Tema: Moenie te vinnig wees met jou handtekening nie

 – neem tyd om elke ooreenkoms behoorlik te verstaan voordat jy dit onderteken of tot iets instem.

Teks vir vandag: “As jy ‘n ooreenkoms te maklik gemaak het, jou handtekening te vinnig op papier geplaas het, is jy dom.” Spr. 6:2 (Die Boodskap)

• Mense is geneig om net aan hulle eie belange te dink – nie aan ander sin nie.
• Neem tyd om elke ooreenkoms behoorlik deur te lees, te deurdink en te verstaan.
• Moenie onder druk onderteken nie – ‘n goeie ooreenkoms sal môre nog daar wees.
• Vra raad by mense met insig, wysheid en onderskeidingsvermoë voordat jy iets onderteken.
• Geduld met kontrakte en ooreenkomste kan jou van jare se probleme spaar

Gebed

Liewe Vader, gee my geduld en wysheid om nooit te vinnig ooreenkomste te sluit nie, maar om elke besluit bedagsaam te neem.

In die Naam van Jesus Christus die Here.

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

6 Januarie

Liewe vriend

Mag jy vandag slim finansiële besluite neem! Hier is God se Boodskap net vir jou vir vandag:

Tema: Moenie borg staan vir ander mense se skuld nie

– dit plaas ‘n gevaarlike las op jou wat jou finansiële toekoms kan vernietig.

Teks vir vandag: “As jy vir iemand borg gestaan het, is jy dom. Jy het ‘n groot geldlas op jouself gelaai.” Spr. 6:1 (Die Boodskap)

• Moenie maklik borg staan of verantwoordelik wees vir iemand anders se skuld nie.
• Finansiële wysheid beteken juis ook om jou eie toekoms te beskerm.
• Jou goeie hart moet jou lei deur insig en wysheid, nie deur emosie nie.
• Barmhartigheid beteken nie dat jy jouself materieel moet vernietig nie.
• Vra God om leiding voordat jy enige groot finansiële verpligtinge aangaan. Moenie self die besluit neem nie.
• Jy sal dan rus en vrede in jou hart beleef.

Gebed

Liewe Vader, gee my wysheid om slim finansiële besluite te neem en my toekoms te beskerm teen onverantwoordelike keuses.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

5 Januarie

Liewe vriend

Mag God se wysheid vandag deur jou praat en jou besluite lei! Hier is God se Boodskap net vir jou vir vandag:

Tema : Leer uit ander mense se ervarings sodat jy reg kan leef en met insig kan praat

– jy hoef nie elke fout self te maak of foute te herhaal nie.

Teks vir vandag: “Leer uit my ervaring sodat jy reg kan leef en met insig kan praat.” Spr. 3:2 (Die Boodskap)

• Jy hoef nie elke fout self te maak nie – leer uit ander se ervarings.
• Soek mentors en raad by mense wat goddelike wysheid en insig het – hulle het alreeds die pad van die lewe gestap.
• Wat jy uit ervaring leer, help jou om reg te leef en wys te praat – deel dit met ander.
• Wees nederig en sagmoedig genoeg om van ander te leer.

Gebed

Liewe Vader, help my om nederig te wees en uit ander se wysheid te leer sodat ek reg kan leef en insiggewend kan praat.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

4 Januarie

Liewe vriend

Mag jy vandag honger wees na God se wysheid! Hier is God se Boodskap net vir jou vir vandag:

Tema: Doen elke dag jou bes om meer wysheid en insig te kry.

 Wees lief daarvoor – dan sal jy reg leef en God se seën ervaar. Dan sal jy weet wat ‘n gelukkige lewe is.

Teks vir vandag: “Doen jou bes om elke dag meer wysheid en insig te kry. … Wees lief daarvoor soos ‘n goeie man sy vrou liefhet. Dan sal jy reg leef.” Spr. 4:5-6 (Die Boodskap)

• Groei in wysheid en insig is ‘n daaglikse keuse – jy moet jou bes doen.
• Wees passievol oor God se wysheid en insig – maak dit ‘n prioriteit in jou lewe.
• Ware liefde vir wysheid en insig lei tot ‘n lewe wat reg is voor God.
• Ware liefde vir wysheid en insig lei tot ‘n lewe wat geluk bring en respek tussen mense afdwing.
• Wysheid beskerm jou en lei jou tot die beste uitkomste.

Gebed

Liewe Vader, skep in my ‘n passie vir U wysheid sodat ek elke dag meer kan groei en reg kan leef.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

3 Januarie

Liewe Vriend

Mag jy vandag met goddelike wysheid deur jou dag beweeg! Hier is God se Boodskap net vir jou vir vandag:

Tema: Leef doelbewus deur mooi na te dink oor wat jy sê en doen, en weet wanneer om sekere dinge en mense te vermy.

Teks vir vandag: “Dink mooi oor die alledaagse lewe na. Dink wat jy op die regte oomblik moet sê en wat jy moet doen, wie en wat jy eerder moet vermy.” Spr. 3:1 (Die Boodskap)

• Leef doelbewus – dink mooi na voordat jy praat of optree.
• God gee jou wysheid en insig om te weet wat om te sê, wie om te vermy en wanneer om stil te bly.
• Dus: Jy sal sommige situasies en mense vir jou eie beskerming moet vermy.
• Vra God elke oggend om jou te lei in die klein, gemiddelde en groot besluite van die dag.

Gebed

Liewe Vader, gee my vandag wysheid om reg te praat, reg te handel en die dinge te vermy wat my kan seermaak.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

2 Januarie

Liewe vriend

Mag jy vandag God se hart vir jou duideliker sien! Hier is God se Boodskap net vir jou vir vandag:

Hoe meer jy aktief na God se wysheid soek, hoe beter verstaan jy hoe lief Hy regtig vir jou is.

Tema: Verstaan hoe lief Hy regtig vir jou is

Teks vir vandag:“… indien jy heeltyd na (hierdie wysheid) soek… sal jy die liefde van die Here begin verstaan.” Spr. 2:4 (Die Boodskap)

• Soek aktief na God se wysheid – dit kom nie toevallig of per geluk nie
• Hoe meer jy God se Woord leer ken, hoe beter verstaan jy Sy liefde vir jou
• Hoe meer jy God die Heilige Gees se stem ken, hoe beter verstaan jy Sy rigting vir jou
• God se wysheid en insig onthul Sy karakter en Sy goeie bedoelinge met jou lewe
• Maak tyd om vandag iets van God se hart te leer ken.

Gebed

Liewe Vader, leer my om elke dag na U wysheid en insig te soek sodat ek kan verstaan hoe lief U vir my is.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.