Etiket: Bybeldagstukkies 2026

Gepubliseer op

Splitsekondes met God. Bybel dagstukkie vir vandag: 8 Augustus 2026 – Leef eerlik voor God

Dagstukkies April

Augustus — Psalms

8 Augustus

Liewe Vriend

’n Skoon gewete is een van die beste geskenke wat jy kan hê.  Ontvang vandag God se Woord net vir jou.

Tema:  Leef eerlik voor God

Teks:  “Dit gaan goed met die mens vir wie die Here die oortreding nie toereken nie en in wie se gees daar geen valsheid is nie.”  (Ps. 32:2)

  • God kan jou hart skoonmaak en jou binnekant nuut maak — vra Hom, en Hy doen dit.  (Ps. 51:12)
  • Geen valsheid nie — dit beteken jy is eg en eerlik voor God en voor mense.
  • Jy hoef niks vir God weg te steek nie; Hy ken jou klaar deur en deur, en Hy het jou steeds lief.
  • Kies vandag om eerlik te wees in die klein goedjies — dit bou ’n karakter wat God kan gebruik.

Gebed: 

Liewe Vader, dankie dat U my foute nie teen my hou nie — maak my hart skoon en eg.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 7 Augustus 2026 – Vergifnis maak jou vry

Dagstukkies April

Augustus — Psalms

7 Augustus

Liewe Vriend

Min dinge voel so lig soos ’n hart wat weet sy sonde is vergewe.  Hier is God se Boodskap net vir jou vir vandag.

Tema:  Vergifnis maak jou vry

Teks:  “Dit gaan goed met die mens wie se oortredings nie gestraf word nie, wie se sonde vergewe word.”  (Ps. 32:1)

  • By die Here kry jy vergifnis — daarom kan jy Hom met blydskap dien.  (Ps. 130:4)
  • Dit gaan goed met die mens wie se sonde vergewe is — vergifnis is waar ware vryheid begin. Dit is wat Jesus vir ons hier op aarde kom doen het.
  • Moenie ou skuld ronddra wat God klaar vergewe het nie — los dit by die kruis.
  • Vergewe ander soos God jou vergewe het — dit maak jou eie hart ook vry.

Gebed: 

Liewe Vader, dankie dat U my sonde vergewe en my hart lig maak.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 6 Augustus 2026 – God is só goed

Dagstukkies April

Augustus — Psalms

6 Augustus

Liewe Vriend

Maak vandag jou oë oop vir al die goeie dinge wat God rondom jou sit.  Hier is ’n Bybelse gedagte net vir jou vir vandag.

Tema:  God is só goed

Teks:  “Hoe groot is U goedheid: dit is altyd daar vir dié wat U dien, U bewys dit voor die oë van die mense aan dié wat by U skuil.”  (Ps. 31:20)

  • Die Here is goed en Hy vergewe graag — sy liefde is groot vir almal wat Hom aanroep.  (Ps. 86:5)
  • Sy goedheid is altyd daar vir dié wat Hom dien — dit raak nooit op nie.
  • God wys sy goedheid waar ander dit kan sien — jou lewe kan vandag daarvan vertel.
  • Tel vanaand jou seëninge een vir een — dit verander ’n moeë hart in ’n dankbare een.

Gebed: 

Liewe Vader, dankie vir U goedheid wat elke dag oor my lewe uitspoel.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 5 Augustus 2026 – God se liefde faal nooit

Dagstukkies April

Augustus — Psalms

5 Augustus

Liewe Vriend

Daar is ’n liefde wat jou nooit sal los nie en nooit vir jou moeg word nie.  Die volgende geestelike saad word vandag gesaai.

Tema:  God se liefde faal nooit

Teks:  “Verskyn tog tot my redding, red my deur U onfeilbare liefde. Here, laat my nie teleurgestel staan in my verwagting as ek U aanroep nie…”  (Ps. 31:17-18)

  • Jy kan op God se liefde staatmaak — Hy gee uitkoms en jou hart kan weer bly wees.  (Ps. 13:6)
  • God se liefde hou nooit op nie. Dit laat jou ook nooit in die steek nie — dit hang nie af van hoe goed jy vandag presteer nie.
  • Roep Hom gerus — wie op die Here hoop, word nooit teleurgestel nie.
  • Dra daardie liefde ook aan ander mense oor — wys vandag vir iemand anders hoe God se liefde lyk.

Gebed: 

Liewe Vader, dankie vir U liefde wat my elke dag red en dra.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 4 Augustus 2026 – Jou lewe in God se hand

Dagstukkies April

Augustus — Psalms

4 Augustus

Liewe Vriend

Niks wat vandag gebeur, vang God onkant nie — jou hele lewe is veilig in sy hande.  Hier is ‘n deel uit die Bybel vandag vir jou.

Tema:  Jou lewe in God se hand

Teks:  “My tye is in u hand. Red my uit die hande van my vyande en vervolgers!”  (Ps. 31:16)

  • God het al jou dae in sy boek opgeskryf nog voor jou eerste dag begin het — Hy ken jou lewe van begin tot einde.  (Ps. 139:16)
  • Jou tye is in sy hand — ook die tye van wag, onsekerheid en verandering.
  • Moenie dat vrees jou lewe beheer nie; gee dit eerder vir die Een wat môre al klaar ken.
  • Leef vandag rustig en voluit — die Here hou jou vas: gister, vandag en môre.

Gebed: 

Liewe Vader, dankie dat my lewe in u hand is — ek vertrou U met elke dag.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 3 Augustus 2026 – God wys jou pad

Dagstukkies April

Augustus — Psalms

3 Augustus

Liewe Vriend

Jy hoef nie vandag self uit te werk hoe alles gaan uitdraai nie — daar is Iemand wat voor jou uit loop.  Ontvang God se Boodskap net vir jou vir vandag.

Tema:  God wys jou pad

Teks:  “Ja, U is my rots en my bergvesting, ter wille van u Naam sal U my voorgaan en my lei.”  (Ps. 31:4)

  • God lei jou met sy raad en Hy hou jou hand vas — jou hele lewe is in sy sorg.  (Ps. 73:24)
  • Die Here is jou rots — as alles rondom jou in mekaar stort, staan Hy vas.
  • Hy loop voor jou uit; daar is nie ’n dag waar Hy nie reeds is nie.
  • Vra Hom vanoggend om jou te lei, en vertrou Hom dan met elke tree.

Gebed: 

Liewe Vader, dankie dat U my rots is en elke dag voor my uitloop.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 2 Augustus 2026 – Skuil by die Here

Dagstukkies April

Augustus — Psalms

2 Augustus

Liewe Vriend

As vandag te veel raak, is daar ’n veilige plek waarheen jy kan hardloop.  Hier is God se Woord net vir jou.

Tema:  Skuil by die Here

Teks:  “By U, Here, skuil ek. Laat my tog nooit teleurgestel staan nie! Bevry my, want U is getrou.”  (Ps. 31:2)

  • Die Here is jou veilige plek — jy kan Hom met jou hele hart vertrou.  (Ps. 91:2)
  • Om by God te skuil, beteken jy los jou bekommernisse by Hom en probeer nie alles self dra nie.
  • Mense kan jou soms in die steek laat, maar God doen dit nooit.
  • Maak dit vandag jou eerste keuse om na Hom toe te gaan — nie jou laaste opsie nie.

Gebed: 

Liewe Vader, dankie dat ek altyd by U kan skuil — U los my nooit nie.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 1 Augustus 2026 – Die Here red jou

Dagstukkies April

Augustus — Psalms

1 Augustus

Liewe Vriend

Hierdie nuwe maand begin met goeie nuus: God het jou al baie keer gehelp en Hy gaan nie nou ophou nie.  Hier is God se Boodskap net vir jou vir vandag.

Tema:  Die Here red jou

Teks:  “Ek wil U lof verkondig, Here, want U het my gered en my vyande nie laat bly wees oor my nie.”  (Ps. 30:2)

  • Die Here het jou uit die gemors uitgetrek en jou op vaste grond laat staan — Hy hou jou regop.  (Ps. 40:3)
  • Dink vandag terug aan die kere toe God jou gehelp het — dit gee jou moed vir wat voorlê.
  • Moenie dit stilhou nie — vertel vir ander wat die Here vir jou gedoen het.
  • Begin die maand met ’n “dankie” in jou hart — ’n dankbare mens sien elke dag God se hand raak.

Gebed: 

Liewe Vader, dankie dat U my red en my regop hou — ek wil U hierdie hele maand prys.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 31 Julie 2026 – God rus jou toe om ander te lei

Dagstukkies April

Julie — Josua en Rigters

31 Julie

God rus jou toe om ander te lei.

Tema: God rus jou toe om ander te lei

Teks: “Wanneer die Here vir hulle leiers na vore laat kom het, was Hy by die leiers.” (Rigt. 2:18)

  • Die Here is jou krag en skild. (Ps. 28:7)
  • Waar Hy roep, rus Hy toe.
  • Jy hoef nie in eie krag te werk nie.
  • Vra vir wysheid en leiding.

Gebed

Liewe Vader, dankie dat U my die krag en wysheid gee om ander te lei.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 30 Julie 2026 – Dien die Here getrou

Dagstukkies April

Julie — Josua en Rigters

30 Julie

Dien die Here getrou.

Tema: Dien die Here getrou

Teks: “Solank Josua geleef het, het die volk die Here gedien.” (Rigt. 2:7)

  • Vra vir ’n getroue hart. (Ps. 86:11)
  • Een getroue lewe beïnvloed baie ander.
  • God is ’n daaglikse lewenswyse, nie net Sondag nie.
  • Hy gee jou die krag om Hom te dien.

Gebed

Liewe Vader, maak my nie net gewillig nie, maar ook bekwaam en dapper om U te dien. In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 29 Julie 2026 – Vra God se leiding

Dagstukkies April

Julie — Josua en Rigters

29 Julie

Vra God se leiding.

Tema: Vra God se leiding

Teks: “Na die dood van Josua het die Israeliete die Here geraadpleeg.” (Rigt. 1:1)

  • God lei jou ook in nuwe seisoene. (Ps. 48:15)
  • Vra Hom eerste.
  • Luister en gehoorsaam.
  • Sy pad bring lewe.

Gebed

Liewe Vader, dankie dat U my lei in elke besluit.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 28 Julie 2026 – Met God aan jou kant

Dagstukkies April

Julie — Josua en Rigters

28 Julie

God is aan jou kant.

Tema: Met God aan jou kant

Teks: “Moenie vir hulle bang wees nie …” (Jos. 10:8)

  • Die Here is by jou. (Ps. 23:4)
  • Niks is vir Hom te groot nie.
  • Jou oorwinning is reeds in Hom vasgemaak.
  • Stap met moed.

Gebed

Liewe Vader, dankie dat ek met U aan my kant oorwinning het.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 27 Julie 2026 – Vertel van God se groot dade

Dagstukkies April

Julie — Josua en Rigters

27 Julie

Vertel van God se groot dade.

Tema: Vertel van God se groot dade

Teks: “… die volgende geslag het nie die Here geken nie …” (Rigt. 2:10)

  • Vertel jou kinders van God se goedheid. (Ps. 78:4)
  • Geloof word nie outomaties oorgedra nie.
  • Deel jou getuienis.
  • Elke storie plant ’n saadjie van geloof.

Gebed

Liewe Vader, dankie vir U groot dade in my lewe. Help my om dit te deel.
In die Naam van Jesus Christus, die Here. Amen

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 26 Julie 2026 – Bly getrou tot die einde

Dagstukkies April

Julie — Josua en Rigters

26 Julie

Bly getrou tot die einde.

Tema: Bly getrou tot die einde

Teks: “Israel het die Here bly dien tydens die lewe van Josua …” (Jos. 24:31)

  • Getrouheid hou jou lewenskragtig. (Ps. 92:15)
  • Goeie voorbeelde maak ’n verskil.
  • Klein daaglikse keuses bou ’n getroue lewe.
  • Hou jou woord en leef opreg.

Gebed

Liewe Vader, maak my bekwaam om eerlik te wees en my woord te hou.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 25 Julie 2026 – Kies vir wie jy wil leef

Dagstukkies April

Julie — Josua en Rigters

25 Julie

Kies vandag wie jy wil dien.

Tema: Kies vir wie jy wil leef

Teks: “… kies dan vandag wie julle wil dien … Maar ek en my familie, ons sal die Here dien.” (Jos. 24:15)

  • Dien die Here met blydskap. (Ps. 100:2)
  • Jy kan nie twee here dien nie.
  • Kies elke dag bewustelik vir God.
  • Staan vas in jou keuse.

Gebed

Liewe Vader, gee my die dapperheid om openlik net vir U op te staan.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 24 Julie 2026 – Waar kom jou hulp vandaan?

Dagstukkies April

Julie — Josua en Rigters

24 Julie

Waar kom jou hulp vandaan?

Tema: Waar kom jou hulp vandaan?

Teks: “Julle voorvaders het na My geroep om hulp …” (Jos. 24:7)

  • Jou hulp kom van die Here, Skepper van hemel en aarde. (Ps. 124:8)
  • Roep eerste na God wanneer jy swaarkry.
  • Soos Hy vorige geslagte gehelp het, help Hy jou vandag nog.
  • Soek eerste Sy leiding, dan kan jy optree.

Gebed

Liewe Vader, dankie dat ek altyd na U kan roep in moeilike tye.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 23 Julie 2026 – Wees altyd naby die Here

Dagstukkies April

Julie — Josua en Rigters

23 Julie

Wees altyd naby die Here.

Tema: Wees altyd naby die Here

Teks: “… en hulle het hulle plekke kom inneem in die teenwoordigheid van God.” (Jos. 24:1)

  • Dit is goed om naby God te leef — daar is jy veilig. (Ps. 73:28)
  • Jy hoef niks weg te steek nie — Hy ken jou.
  • Laat jou lewe wys dat jy in Sy teenwoordigheid leef.
  • Jy word ’n stille getuienis vir ander.

Gebed

Liewe Vader, help my om so te leef dat ek nie skaam hoef te wees vir wat ek dink, sê of doen nie. In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 22 Julie 2026 – Bly op die pad van die Woord

Dagstukkies April

Julie — Josua en Rigters

22 Julie

Bly op die pad van die Woord, selfs al kos dit moeite.

Tema: Bly op die pad van die Woord

Teks: “Maar julle moet sterk staan in die uitvoering van alles wat geskryf staan in die wetboek van Moses. Moet daarvan nie links of regs afwyk nie.” (Jos. 23:6)

  • Hou jou oog op die Here — Hy is aan jou kant, en daarom sal jy nie wankel nie. (Ps. 16:8)
  • God se Woord wys jou die regte pad. Bly daarop en moenie afwyk nie.
  • Die Heilige Gees help jou om reg te leef.
  • Klein gehoorsame keuses hou jou op koers.

Gebed

Liewe Vader, maak my gehoorsaam aan U Woord. Ek is gewillig om U te gehoorsaam.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 21 Julie 2026 – Vertrou God soos ’n kind

Dagstukkies April

Julie — Josua en Rigters

21 Julie

Jy hoef nie alles alleen te dra nie — jy mag soos ’n kind op jou Vader vertrou.

Tema: Vertrou God soos ’n kind

Teks: “… en hulle het hulle plekke kom inneem in die teenwoordigheid van God.” (Jos. 24:1)

  • Dit is vir jou goed om naby God te leef — daar, in Sy teenwoordigheid, is jy op die veiligste plek. (Ps. 73:28)
  • Voor God is alles oop en bloot. Jy hoef niks weg te steek nie — Hy ken jou en het jou lief.
  • Gee elke dag jou laste vir Hom, soos ’n kind wat op sy ouers vertrou.
  • Hoe meer jy Hom vertrou, hoe rustiger word jou hart.

Gebed

Liewe Vader, draai my hart weer na U toe. Help my om U te vertrou soos ’n kind sy ouers ten volle vertrou.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 20 Julie 2026 – Die onmoontlike word moontlik

Dagstukkies April

Julie — Josua en Rigters

12 Julie

My wens vir jou is dat jou oë vandag sal oopgaan vir die wonders wat die Here doen. Ontvang vandag die Woord.

Tema: Die onmoontlike word moontlik

Teks: “Die Here julle God sal hulle wegstoot voor julle en hulle voor julle uit verdryf.” (Jos. 19:50)

  • Met jou God aan jou sy kan jy selfs oor ’n muur spring — niks is vir Hom onmoontlik nie. (Ps. 18:30)
  • Vrees en bekommernis maak ’n mens se las net swaarder en laat jou perspektief verloor.
  • Raak bewus daarvan dat God die Groot Generaal van jou lewe is.
  • Jou situasie is nooit groter as God nie — Hy maak die onmoontlike moontlik.

Gebed

Liewe Vader, dankie dat U groter is as al my probleme.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Privaatheidsbeleid Trots aangedrewe deur WordPress