Etiket: Bybeldagstukkies 2026

Julie — Josua en Rigters

19 Julie

My gebed is dat jy vandag eers stil sal raak en die Here se wil sal soek. Hier is ’n boodskap uit die Bybel net vir jou.

Tema: Kyk saam met God vorentoe

Teks: “Julle het gesien wat die Here julle God alles aan hierdie nasies gedoen het ter wille van julle. Dit is Hy, die Here julle God, wat die oorlog vir julle gevoer het.” (Jos. 23:3)

• Die Here sal jou beskerm teen alle gevaar — jou kom en gaan, nou en altyd. (Ps. 121:7–8)
• By God is jy altyd veilig.
• Kyk net ’n bietjie na alles wat Hy reeds vir jóú gedoen het.
• Wanneer jy bang voel, onthou: dieselfde God wat jou tot hier gedra het, sal jou help wanneer jy Sy planne uitvoer.

Gebed

Liewe Vader, dankie dat ek altyd veilig in U hande is.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

18 Julie

Ek bid dat jy vandag rustig sal stilstaan en eerlik na jou eie lewe sal kyk. Neem God se boodskap vandag ernstig op.

Tema: Neem bestek op

Teks: “Die Here het aan Israel die hele land gegee wat Hy met ’n eed aan hulle voorvaders beloof het.” (Jos. 21:43)

• Die Here laat nie die werk van Sy hande vaar nie. Hy sal alles goed laat afloop. (Ps. 138:8)
• Wat die Here aan jou belowe het, sál Hy doen — Hy is getrou.
• Vat ’n oomblik om jou lewe weer in lyn te bring met God se plan.
• Die Here is jou Beskermer — Hy sal jou beskerm, lei en help, elke tree van die pad wat jy stap.
• Stap agter Hom aan.

Gebed

Liewe Vader, dankie dat U my beskerm en getrou is aan U beloftes.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

17 Julie

My gebed vir jou is dat jy met sagte oë na die mense om jou sal kyk. Hier is die Woord van God vir vandag.

Tema: Sorg vir ander mense

Teks: “Die Israeliete het toe die bevel van die Here uitgevoer en uit hulle woongebiede vir die Leviete dorpe met weivelde gegee.” (Jos. 21:3)

• Die Here is vir almal goed en Hy ontferm Hom oor alles wat Hy gemaak het — laat jou hart ook so wees teenoor ander. (Ps. 145:9)
• Die Here sien jou raak, en daarom sal Hy vir jou sorg.
• Hy gebruik dikwels die mense wat jou pad kruis om vir jou te sorg — maak jou hart daarvoor oop.
• Ontvang dit met dankbaarheid, maar onthou: jy kan ook vir iemand anders ’n helper wees.

Gebed

Liewe Vader, dankie dat U my raaksien — help my om ook ander raak te sien.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Julie — Josua en Rigters

16 Julie

My gebed is dat die Here jou hart vandag sal vul met rus, vreugde en vrede. God se Woord is vandag net vir jou. Lees dit.

Tema: Moenie oorhaastig optree nie

Teks: “Josua het die stad herbou en daar gaan woon.” (Jos. 19:50)

• As die Here nie self die huis bou nie, swoeg die bouers tevergeefs — laat Hom in alles wat jy bou die Een wees wat lei. (Ps. 127:1)
• Die Here gee regtig vir jou om, en Hy help jou om rustig klaar te maak met wat jy moet doen.
• Jy hoef nie alles gejaagd en haastig te doen nie — gee dit tyd en doen dit reg.
• So word jy met vrede in jou hart alles wat die Here jou bedoel het om te wees. Geniet die vreugde wat dit bring.

Gebed

Liewe Vader, baie dankie vir die nuwe geleenthede wat U oor my pad bring.
In die Naam van Jesus Christus, die Here.
Amen.

© NG Kerk Lynnwoodrif – word gebruik met toestemming.

Julie — Josua en Rigters

15 Julie

Ek bid dat jy vandag sal waag om te doen wat jy lankal weet jy moet doen. Neem die Woord van God ernstig op. Reageer daarop.

Tema: Van uitstel kom afstel

Teks: “Hoe lank gaan julle nog talm voordat julle die land in besit gaan neem wat die Here, die God van julle voorvaders, aan julle gegee het?” (Jos. 18:3)

• Vra die Here om jou te leer om jou dae reg te gebruik, sodat jy wysheid kan kry en nie tyd mors nie. (Ps. 90:12)
• Soms is ’n mens net bang om die ding aan te pak wat voor jou lê.
• Maar die tyd het aangebreek om God se plan vir jou aan te gryp en uit te voer.
• Hy gee jou geleenthede — gryp dit aan, sodat jy kan word wat Hy bedoel het jy moet wees.

Gebed

Liewe Vader, maak my gewillig en bekwaam om te waag.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

14 Julie

Vandag wil ek jou herinner hoe kosbaar eerlikheid is en hoe belangrik dit is om ’n mens van jou woord te wees. Die Here wil jou vandag ’n stukkie lewenswaarheid leer.

Tema: Leef met integriteit

Teks: “Josua het sy seën uitgespreek oor Kaleb … en aan hom Hebron as besitting gegee.” (Jos. 14:13)

• Die Here weerhou niks goeds van dié wat opreg leef nie — leef daarom met integriteit en vertrou Hom daarvoor. (Ps. 84:12)
• Kaleb het op die ou end gekry wat aan hom belowe is — al was hy toe al 85 jaar oud.
• Hou jou beloftes, kom jou woord na en wees eerlik. Op hierdie manier maak jy ander mense se lewens gelukkiger en makliker.
• Soms neem dit tyd voordat jy ontvang wat aan jou belowe is, maar die Here sorg getrou vir jou.
• Glo dit en vertrou Hom hierin.

Gebed

Liewe Vader, gee my ’n hart van integriteit en help my om altyd my woord te hou.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

13 Julie

Mag dit hierdie jaar goed met jou gaan — sukses op sukses. Sy boodskap is vandag spesiaal net vir jou.

Tema: Kyk na die suksesse wat behaal is

Teks: “Die Israeliete het die volgende konings van die land oorkant die Jordaan … verslaan … Dit was altesaam een en dertig konings.” (Jos. 12:1, 23)

• Dink terug aan al die magtige dinge en wonders wat die Here al vir jou gedoen het. (Ps. 105:5)
• Wanneer die lewe deurmekaar voel, raak ’n mens maklik bekommerd.
• Kyk dan ’n bietjie terug oor jou lewe — die Here het jou elke keer weer opgetel, deurgehelp en die onmoontlike laat gebeur.
• Dink net waarvandaan jy kom en waar jy vandag is. Daarom kan jy positief wees — dít is geloof.
• Gaan dus met hoop, vertroue en geloof vorentoe.

Gebed

Liewe Vader, gee my die geloof om te weet dat U my weer sal help.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

12 Julie

Ek bid dat jy diep binne-in vrede sal hê, selfs al gaan dit buite soms moeilik. Laat God se Woord vandag vir jou hoop gee.

Tema: Daar kom ’n tyd wanneer alles rustig raak

Teks: “Die land kon toe rus van oorlog.” (Jos. 11:23)

• Kom tot rus, want die Here was goed vir jou — jy kan weer rustig asemhaal. (Ps. 116:7)
• Voel jy soms net bang, onseker, moeg en moedeloos? Jy is nie die enigste een nie.
• Dit neem soms tyd, maar die Here sal jou herstel en jou weer laat asemhaal. Hy sal jou weer laat lag.
• Jy sal jou pad en jou doel weer terugkry. Hy gee jou nuwe krag en ’n tyd van rus en vrede.

Gebed

Liewe Vader, laat my in U rus en vrede ingaan.
In die Naam van Jesus Christus, die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

11 Julie

My gebed is dat jy hierdie jaar staande sal bly, wat ook al oor jou pad kom. Ontvang vandag hierdie troos uit God se Woord.

Tema: Jy sal die jaar staande kan bly

Teks: “Moenie vir hulle bang wees nie. Ek gee hulle in jou mag oor. Nie een van hulle is teen jou bestand nie.” (Jos. 10:8)

• Vir slegte nuus hoef jy nie bang te wees nie — jou hart kan rustig wees, want jy vertrou op die Here. (Ps. 112:7)
• Die Here belowe dat Hy jou geloofsplanne sal laat slaag, selfs deur wonderwerke.
• Soms is daar dinge wat jou wil afbreek — spanning, gesinsprobleme, finansiële druk, uitdagings by die werk, politieke onsekerheid, gesondheidsprobleme of seer in ’n verhouding, om maar net ’n paar te noem.
• Niks hiervan is te groot vir Hom nie. Die Almagtige God van wonderwerke gee oorwinning, sodat jy in vryheid kan leef.

Gebed

Liewe Vader, dankie dat niks teen my kan standhou wanneer U aan my kant is nie.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

10 Julie

Mag jy vandag die moed hê om met geloof ’n plan te maak en ’n besluit te neem. Neem die boodskap van die Bybel vandag ernstig op.

Tema: Geloof vra ook aksie

Teks: “Maar toe die inwoners van Gibeon hoor wat Josua met Jerigo en Ai gedoen het, het hulle ’n slim plan gemaak …” (Jos. 9:3)

• Mag die Here vir jou gee wat jou hart begeer en al jou planne laat slaag. (Ps. 20:5)
• Partykeer staan jy voor ’n deur wat lyk asof dit nooit sal oopgaan nie.
• In sulke tye het jy geloof, vertroue in Hom en gehoorsaamheid nodig.
• God gee jou die wysheid en die moed om te waag, sodat jy kan slaag.
• Moenie bang wees om nuut te dink en dan op te tree nie — dít is wat geloof in aksie beteken.

Gebed

Liewe Vader, dankie vir die moed om te waag.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

9 Julie

My gebed vir jou vandag is ’n hart wat geduldig op die Here kan wag. Hier is die Woord van God vir vandag.

Tema: Wag eers, doen dan

Teks: “Die manne van die stad het haastig klaargemaak en hulle het Israel vroeg die môre tegemoet getrek vir die veldslag.” (Jos. 8:14)

• Stel jou hoop op die Here en wag rustig op wat Hy sê — Hy is die wag werd. (Ps. 130:5)
• God wil jou herstel en jou weer op die been bring.
• Hy doen dit wanneer jy stil raak en met wysheid na Sy Gees luister.
• Moenie haastig wees nie. Wag ’n oomblik, luister na Sy stem en doen dán wat Hy sê.

Gebed

Liewe Vader, dankie dat U my altyd weer ’n nuwe kans gee.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

8 Julie

As jou moed vandag dalk op ’n laagtepunt is, wil ek jou herinner: die Here is naby. Leef met die hoop en troos wat jy vandag uit Sy Woord ontvang.

Tema: Skep weer moed

Teks: “Die volk se moed is gebreek, en Josua … het tot die aand toe … voor die ark van die Here gelê …” (Jos. 7:5–6)

• Die Here trek jou uit die put op en laat jou weer op vaste grond staan — jou voete kry weer vastigheid. (Ps. 40:2–3)
• Wanneer jou moed gebreek is, is die Here daar om jou weer op te tel.
• ’n Terugslag hoef nie die storie van jou lewe of jou identiteit te word nie.
• God weet presies wat jy nou nodig het en Hy sal jou wys wat om te doen.
• Soms kom die antwoord nie dadelik nie. Soms moet jy ’n bietjie wag. Dit sal kom. Weet dit. Glo Hom. Vertrou Hom. Leef in hoop.

Gebed

Liewe Vader, dankie dat ek altyd by U leiding kan vind.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

7 Julie

Mag jy elke dag, elke oomblik en elke sekonde voluit leef! Hier is ’n wonderlike boodskap net vir jou.

Tema: Jy sal weer bo kom

Teks: “Net die prostituut Ragab mag lewe … want sy het die verkenners … weggesteek.” (Jos. 6:17)

• Die Here help die nederiges op — buig laag voor Hom, en Hy lig jou op. (Ps. 147:6)
• Daar is iets besonders aan ’n mens wat bereid is om nederig voor God en mense te wees.
• Juis dáár, in nederigheid, tel die Here jou op na plekke wat jy nooit gedink het jy sou bereik nie.
• Wees geduldig en leef vol verwagting — ’n nuwe seisoen wag vir jou.

Gebed

Liewe Vader, gebruik my om die wêreld ’n beter plek te maak.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

6 Julie

My gebed is dat jy die hoop waarmee jy die jaar begin het, vandag met iemand anders sal deel. Neem die boodskap van die Bybel persoonlik vir jou lewe aan.

Tema: Toe deure gaan oop

Teks: “Jerigo was gesluit en verskans teen die Israeliete; niemand het uitgegaan of ingekom nie.” (Jos. 6:1)

• Roep na God, want Hy is die Een wat alles vir jou goed laat afloop — Hy maak op Sy tyd ’n pad oop. (Ps. 57:3)
• Soms voel dit of elke deur voor jou toe is en of niks wil beweeg nie.
• Maar geen geslote deur kan God se plan vir jou keer nie — Hy maak op Sy tyd ’n pad oop.
• Moenie bang of moedeloos word nie. Bly glo, want die lewende Here sorg dat Sy plan vir jou waar word.

Gebed

Liewe Vader, dankie dat U toe deure vir my oopmaak.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

5 Julie

Mag jy vandag onthou dat jy nie alleen veg nie — die Here self veg vir jou. Ontvang hierdie boodskap en laat dit jou troos.

Tema: Die Here is by jou

Teks: “Nee,” sê die man, “ek is die aanvoerder van die leër van die Here. Daarom is ek hier.” (Jos. 5:14)

• Die Here is by jou; daarom hoef jy nie bang te wees nie — niks wat ’n mens doen, kan jou van Hom wegneem nie. (Ps. 118:6)
• Partykeer is jy moeg gesukkel en onseker oor wat om te doen.
• Dan probeer jy met jou eie planne uit die probleem kom en met jou eie krag jou probleme oorwin — en raak jy net nóg moeër.
• Onthou: ons God wat oorloë wen, wen ook jóú gevegte. Stap agter Hom aan en vertrou Hom.

Gebed

Liewe Vader, ek loof U omdat U elke geveg namens my oorwin.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

4 Julie

Vandag wil ek jou herinner aan al die kere wat God jou reeds deurgedra het. Ontvang vandag Sy spesiale Woord vir jou.

Tema: Hou moed

Teks: “… daarom is hierdie klippe … ’n blywende herinnering daaraan.” (Jos. 4:7)

• Die Here hét al groot dinge vir jou gedoen — dink daaraan, onthou dit en wees bly. (Ps. 126:3)
• Jou geloofslewe is nie net ’n fotoalbum of ’n versameling herinneringe van lank gelede nie.
• Wat God in die verlede vir jou gedoen het, kan en sal Hy weer doen.
  Hou moed en moenie twyfel nie — dieselfde Here wat jou tot hier gehelp het, sal jou ook verder dra.

Gebed

Liewe Vader, laat my lewe ’n lewende getuienis van U almag wees.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

3 Julie

Ek bid dat jy vandag, selfs wanneer jy nie weet wat om te doen nie, met verwagting na God sal kyk. Hier is ’n boodskap uit die Bybel.

Tema: Verwag die beste

Teks: “… want môre gaan die Here wonders doen tussen julle.” (Jos. 3:5)

• Bly vol vertroue dat jy die goedheid van die Here gaan sien — vandag, môre en elke dag van jou lewe. (Ps. 27:13)
• Soms weet jy nie wat die volgende stap is nie — en dit is ook goed so.
  Juis daar waar jy vasgeval voel, wil die Here vir jou uitkoms gee.
• Hy is die God van wonderwerke. Vertrou Hom en bly hoopvol — Hy maak ’n pad waar jy nie een kan sien nie.
• Glo dat Hy die onmoontlike moontlik maak.

Gebed

Liewe Vader, dankie dat U uitkoms gee, juis wanneer ek vasval.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Julie — Josua en Rigters

2 Julie

My wens vir jou vandag is eenvoudig: Mag mense altyd weet dat hulle op jou woord kan staatmaak. Die Woord saai hierdie boodskap in jou hart.

Tema: Wees eerlik

Teks: “… sal ons julle goed behandel en ons woord hou.” (Jos. 2:14)

• Die Here verbly Hom in die mens wat reg lewe en met sy hele hart die waarheid praat — wees vandag so iemand. (Ps. 15:2)
• As jy iets belowe, kom dit na — dít is wat eerlikheid in die praktyk beteken.
  Eerlikheid en integriteit is kenmerke van ’n Christusgelowige.
• Die Heilige Gees help jou om reg en opreg op te tree. Laat jou lewe ’n stille getuie wees van die nuwe lewe in Christus.

Gebed

Liewe Vader, maak my ’n eerlike en opregte mens op wie ander kan staatmaak.

In die Naam van Jesus Christus die Here.

Amen.

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

Julie — Josua en Rigters

1 Julie

Ek dink vandag aan jou en bid dat hierdie nuwe jaar vir jou ’n vars, nuwe begin sal wees. Neem hierdie Woord van God vandag met jou saam.

Tema: ’n Nuwe begin om aan te gryp

Teks: “… ons sal gaan waar U ons ook al stuur.” (Jos. 1:16)

• Vra die Here elke môre om vir jou die pad te wys wat jy moet loop — Hy is getrou en Hy sal jou lei. (Ps. 143:8)
• God ken jou lewe deur en deur — Hy weet presies waar jy nou staan en wat voorlê.
• Hy stuur ook mense oor jou pad om jou te help, en Hy wil jou gebruik om ander te help waar hulle dit nodig het.
• Sê vandag vir Hom: “Ek sal gaan waar U my stuur.” Jy hoef nie die hele pad vooruit te sien nie — neem net die volgende tree in geloof.

Gebed

Liewe Vader, dankie vir al die seëninge wat U vir my gee. Lei my hierdie jaar net waar U wil hê ek moet wees. In die Naam van Jesus Christus die Here.

Amen.

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.