Jesus vir my, Jesus vir ons, Jesus vir almal.
Liewe vriende en familie
Dankie dat julle bid. Dankie vir 30 jaar se ondersteuning, bemoediging, vriendskap en liefde! Dankie dat julle die pad saam met my stap en nie opgee nie; dat julle hierdie wedloop saam met my hardloop en my steeds aanmoedig om aan te gaan.
Lees meer “Sendingnuus: Oekraïne – Dankie vir 30 jaar”
Liewe Vriend
Ek hoop dat jy vandag in moontlike moeilike tye ook God se uitkoms raak sal sien. God se Woord wil jou hierin raad gee.
Teks: “Hoor tog wat ek sê, Here! Luister hoe ek my hart teenoor U leegmaak.” (Ps. 5:1 – Die Boodskap)
Liewe Vader, baie dankie dat U na my luister wanneer ek my hart voor U leegmaak. Help my om vandag nie vas te bly in ‘n doodlooppad nie, maar U uitweg raak te sien.
In Jesus se Naam.
Amen.
© NG Kerk Lynnwoodrif – word gebruik met toestemming.
Op Dag 11 van ons Lydenstydreeks ”VisioDivina” luister ons na die groep, “Celtic Worship” se weergawe van “In Christ Alone.”
In Christ alone my hope is found,
He is my light, my strength, my song;
This Cornerstone, this solid Ground,
Firm through the fiercest drought and storm.
What heights of love, what depths of peace,
When fears are stilled, when strivings cease!
My Comforter, my All in All,
Here in the love of Christ I stand.
Op Dag 10 van ons Lydenstydreeks #VisioDivina luister ons na die Suid-Afrikaanse sopraan en komponis; Gisela du Plessis, se weergawe van “Voel jy soms.”
Voel jy soms of die Here te ver is
Twyfel jy soms aan God se bestaan
Jy moet glo dat die Here met jou saamloop
Dat Sy gees oral met jou sal gaan
Op Dag 9 van ons Lydenstydreeks #VisioDivina luister ons Bernard Sexton se komposisie, “GOD WILL WIPE AWAY ALL TEARS.”
God will wipe away all tears
God will bring you home
To the place he has prepared for you
You shall never be alone
Storms may gather, evening fall
Daylight turn to shade
And when you earthly work is done
Do not fear, be not afraid.
Op Dag 8 van ons Lydenstydreeks #VisioDivina luister ons na die wonderskone stem van die 14-jarige Anastasia Gladilina. Sy was een van die finaliste in die Russiese weergawe van “The Voice Kids.” Hier sing sy saam met die “Sretensky Kloosterkoor” (wat reeds in 1397 gestig is) ‘n weergawe van die Kyrie Eleison (Here, vergewe).
Sondag 8 Maart 2026 : Erediens en Kategese om 09:00 en Kleuterkerk,,
Sondag 8 Maart 2026 : Alternatiewe Erediens om 17:00-18:00 in die kerksaal
Dinsdag 10 Maart 2026 08:00 tot 09:00: Rek en strek Oefeninge
Woensdag 11 Maart 2026 : Blokbyeenkoms van Blok 9 (Agter-Polisiestasie) om 18:00
Woensdag 11 Maart 2026 : Kooroefening by die orrel om 16:45.
Woensdag 11 Maart 2026: Wolwedans Boodskap Sop en Brood: 11 & 25 Maart
Vrydag 13 Maart 2026 14:00-15:30 Kleuterkerk Wolwedans Gemeenskapsaal
Sondag 15 Maart 2026 : Erediens en Kategese om 09:00 – GEEN Kleuterkerk,
Lees die volledige afkondigings hier: Afkondigings 8 – 15 Maart 2026
Baie geluk aan al ons verjaarsdag maats
Ons ontvang vandag besoek van ‘n verteenwoordiger van Geopende Deure.
Geopende Deure bedien Christene in lande waar hulle vervolg word. Meer as 380 miljoen Christene ervaar vervolging en diskriminasie weens hul geloof. Hulle volg Jesus, ongeag die koste. Christelike vervolging is enige vyandigheid wat vanaf die wêreld ervaar word as gevolg van ʼn mens se identifisering met Jesus Christus. Dit kan vyandige gevoelens, houdings, woorde en aksies insluit. Ongelukkig, maak baie Christene vandag die aanname dat vervolging deel is van die Kerk se verlede. Die waarheid is dat daar lede van die liggaam van Christus is wat tans erge vervolging en beperkings in die gesig staar as gevolg van hul geloof in Jesus Christus. Elke dag, van elke jaar, en op elke kontinent, staar mans en vroue vervolging in die gesig as gevolg van hul geloof in Jesus Christus. Hierdie Christene ervaar lyding ter wille van ONS geloof. En al wat hulle vra is dat ons vir hulle sal bid en nie van hulle sal vergeet nie. Ons gebede hou hulle staande.
Baie dankie vir alle bydraes gemaak teenoor die noodfonds.
Dankie ook vir al die 5 liter waters wat u bygedra het, die water-insamelings-projek is nou afgesluit.
“Want ek het die ellendige gered wat om hulp geroep het, en die wees en hom wat geen helper het nie. Die seën van hom wat klaar was om onder te gaan, het op my gekom; en die hart van die weduwee het ek laat jubel.” Job 29:12-13 (AFR33)
Ons voorsien hulp in die vorm van (onder andere) rygeleenthede na doktersafsprake, hulp met inkopies en ondersteuning aan eensames, want dit is God se hart vir die wees en die weerloses en as gemeente is dit ook ons hart vir ons medemens en gemeenskap.
Vir meer inligting kontak:
Riana Briers -Kontak Ons. / Riëtte Jansen van Rensburg – -Kontak Ons.
Die Eiendomsbediening vra dat u asseblief geduldig sal wees met die gat in die plafon. Ons wil van die geleentheid gebruik maak om fout-opsporing te doen en toeganklikheid te verleen vir die herstelwerk aan die dak.
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die oorblywende uitreikdatums vir die tweede kwartaal is 11 & 25 Maart.
Die Getuienisbediening se uitreikarm na Wolwedans begin ‘n kunsvlyt projek en skenkings van die volgende sal ons baie help: skêre, ou tydskrifte, Pritt of gom, ou waterverf, akrielverf, ou kwassies, inkleurpotlode, naalde, garing, en wol. En dan is daar ook nood vir ‘n ou yskas en stoof of twee-plaat kookstofie. Baie, baie dankie vir u volgehoue meelewing, omgee en ondersteuning!
Gebedsgidse vir Maart 2026 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Bybelblokraai & Bybelwoordsoek nommer 31, asook die antwoorde vir nommer 30 is beskikbaar in die voorportaal en by die traliehek van die kerkkantoor.
FEBA Soedan is ’n jong radiostasie met groot uitdagings. Hoewel baie mense bly is oor die nuwe stasie, is daar ook erge teenstand vanaf plaaslike afgodaanbidders wat die span wil saboteer. Ten spyte hiervan werk God reeds kragtig deur FEBA Soedan se uitsendings en FEBA Radio SA kon onlangs ’n besending radio’s stuur om in die omliggende dorpies versprei te word.
Ons gebed vir die week: Bid vir God se beskerming oor die personeel van FEBA Soedan se harte en denke, sowel as oor die stasie se infrastruktuur. Vra dat die nuwe besending radio’s sal help om Sy koninkryk in Soedan uit te brei.
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Kontak ons vorm
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Mag jy die nuwe era en nuwe seisoen vir jou lewe wat God laat aanbreek, raaksien. Hier is Sy boodskap vir jou.
Teks: “God, help my asseblief wanneer ek by U kom hulp vra! U sorg altyd vir my. In ‘n krisis het U ‘n sagte hart. Wees asseblief goed vir my.”(Ps. 4:2 – Die Boodskap)
Liewe Vader, baie dankie dat U altyd by my is, veral in moeilike tye. Help my om vandag die regte besluite te neem, selfs al is dit moeilik.
In Jesus se Naam.
Amen.
© NG Kerk Lynnwoodrif – word gebruik met toestemming.
Teen dié tyd van die jaar in Japan voel ek soms die winter kaalheid en kouefronte kan gerus nou end kry. Maar daar lê gewoonlik nog heelwat bibberweer voor die deur. Dan moet ek myself staal. Gelukkig is dit ook net mooi dan wanneer die Wintersoet (ook bekend as Wax Plum in Engels, Rōbai in Japannees = 蝋梅) helder blom in die snerpende koue. Asof die opstandings-Lig rééds deur die krake van Lydenstyd inskyn in Japan … Vanjaar weer, in die parkeer terrein teen ons huis, het die Wintersoet boom teen einde Januarie nie teleurgestel nie. Saam met Nagtegaal se eerste spitsvondige gesang, ná ‘n lang winterstilte, sien en hoor ons nou die vroeë tekens van lente oral om ons. Wat ‘n vreugde!
Lees meer “Missie Japan: LYDENSTYD IN JAPAN”
Liewe Vriend
My wens is dat jy vandag besonderse respek aan die Here sal wys. Hier is Sy boodskap vir jou.
Teks: “Here, kyk net hoe baie mense wil my seermaak. Hulle word net meer en meer… Maar, Here, U beskerm my teen hulle… U help my om nie handdoek in te gooi nie.” (Ps. 3:1, 4 – Die Boodskap)
Liewe Vader, baie dankie dat U my beskerm en help om nie handdoek in te gooi nie. Help my om vandag die regte grense te stel en binne U wil te bly.
In Jesus se Naam.
Amen.
© NG Kerk Lynnwoodrif – word gebruik met toestemming.
Liewe Vriend
Ek bid dat jy sal leer om die regte waardes te hê. Geniet God se Woord vandag vir jou.
Teks: “God hou sommer baie van jou, want jy … is ook nie bevriend met die daardie spul wat met God spot nie.” (Ps. 1:1 – Die Boodskap)
Liewe Vader, baie dankie dat U drome en ideale in my hart plaas. Help my om die regte waardes te hê sodat my drome U eer sal bring.
In Jesus se Naam.
Amen.
© NG Kerk Lynnwoodrif – word gebruik met toestemming.
Liewe Vriend
Ek hoop dat jy sal leer om alle mense dieselfde te hanteer.
Teks: “God hou sommer baie van jou, want jy … is ook nie bevriend met die daardie spul wat met God spot nie.” (Ps. 1:1 – Die Boodskap)
Liewe Vader, baie dankie dat U elke mens lief het. Help my om vandag alle mense met dieselfde liefde en respek te behandel wat U aan hulle gee.
In Jesus se Naam.
Amen.
© NG Kerk Lynnwoodrif – word gebruik met toestemming.
Liewe Vriend
My hoop vir jou is dat jou toekoms rooskleurig sal wees. Vandag se Woord vir jou is as volg:
Teks: “God hou sommer baie van jou, want jy … hardloop nie agter elke sonde op die mark aan nie. …” (Ps. 1:1 – Die Boodskap)
Liewe Vader, baie dankie dat U my toekoms in U hande hou en dat U beloof het dat dinge vir my sal verbeter. Help my om dit elke dag te glo.
In Jesus se Naam.
Amen.
© NG Kerk Lynnwoodrif – word gebruik met toestemming.
Gebed verander alles. Moenie angstig wees nie. Bid tot God.
As God vir ons is, wie kan teen ons wees.
Ons bid vandag in die besonder vir die kweekskool wat opkomende dominees leer om die Woord te versprei en reg oor te dra. Ons offer by die deure is ook vandag spesifiek om hul bediening en opleiding te help.
Lees meer “GEBEDSGIDS Maart 2026 NG Kerk Groot-Brakrivier”
Prediker: Ds. Charné Viljoen
Skriflesing: Johannes 3: 1-17
Tema: Jesus het jou lief!
Datum: 1 Maart 2026
Liewe Vriend
Vandag begin die derde maand van hierdie jaar. Kan jy dit glo! Ek bid dat dit vir jou ‘n goeie maand sal wees. Mag jou drome vir hierdie maand waar word. Hier is God se boodskap aan jou:
Teks: “God hou sommer baie van jou, want jy leen nooit jou ore aan slegte mense uit nie…” (Ps. 1:1 – Die Boodskap)
Liewe Vader. Baie dankie dat U my hoop gee en my onrustige hart tot rus bring. Help my om hierdie nuwe maand met vertroue in U te begin.
In Jesus se Naam.
Amen.
© NG Kerk Lynnwoodrif – word gebruik met toestemming.
“Almal sal met die vuur van beproewing gelouter word.”
Mark. 9: 4983
Beproewing
Elkeen van ons gaan deur tye van beproewing. Dae en geberurtenisse wat ons dikwels laat voel dat ons nie weer sal opstaan nie. Tog kan ons, wanneer ons vashou aan God se woord, besef dat wat ons ookal mag deurgaan, ons geloof versterk word in hierdie tye. Ons word gelouter vir die werk van die Here wat vir elkeen van ons voorlê.
Volgens Calvyn se woorde: ‘Jy moet jou aan algehele beproewing onderwerp om volmaakte vreugde te ondek’, kan ons self die volmaakte vreugde ontdek aan die einde van beproewings. Ook die Chinese spreekwoord: ‘Die juweel kan nie gepoleer word sonder wrywing nie; so ook nie die mens sonder beproewing nie’, stel dit baie mooi. Ons moet enige beproewing wat na ons kant toe kom, verduur. Daardeur word ons sterker en beter om werksaam te wees in God se koninkryk.
Teksverse:
“Beskou dit as groot vreugde, my broers, wanneer allerhande versoekings julle oorval, omdat julle weet dat, as julle geloof getoets word, dit volharding meebring.” (Jak. 1: 2-320);
“My Heer verwerp beslis nie die mens vir ewig nie; maar as Hy iemand bedroef het, ontferm Hy Hom met die volle omvang van sy troue liefde.” (Klaag. 3: 31-3220);
“As ons dus in beproewing kom, is dit dat julle bemoedig en gered kan word. As ons bemoedig word, is dit om julle te bemoedig en te versterk, sodat julle met geduld dieselfde lyding kan verduur wat ons ook verduur. En wat julle betref, het ons ‘n vaste verwagting: ons weet dat net soos julle saam met ons deel het aan die lyding, julle ook aan die bemoediging deel het.” (2 Kor. 1: 6-783)
Berou
Berou is iets wat ons moet toon, en waartoe beproewings ons dikwels dwing. Dis alleen deur berou oor die dinge wat ons verkeerd gedoen het, en deur vergifnis te vra, dat ons die oorwinning kan bereik. Die oorwinning wat ons, uit genade van God ontvang, deur Jesus Christus se lyding en oorwinning.
Daar is egter ook gevalle, soos die bekende geval van Judas Iskariot, waar die berou oor sy daad te laat gekom het. Vir hom was daar nie ‘n terugkeer na die veroordeling van die onskuldige Jesus Christus nie.
Teksverse:
“Want Johannes het na julle gekom met die pad van geregtigheid, en julle het hom nie geglo nie, maar die tollenaars en prostitute het hom geglo. En hoewel julle dit gesien het, het julle tog nie later berou gekry en hom geglo nie.” (Matt. 21: 3220);
“Toe Judas, sy verraaier, sien dat Hy veroordeel is, het hy berou gekry. Hy het toe die dertig silwerstukke na die leierpriesters en familiehoofde teruggeneem en gesê: “Ek het gesondig deur onskuldige bloed te verraai.” Hulle het egter gesê: “Wat het dit met ons te doen? Jy moet maar self toesien” Hy het toe die silwerstukke in die tempel neergegooi, weggegaan en homself gaan ophang.” (Matt. 27: 3-520);
“Wees dus op julle hoede. As jou broer sondig, wys hom tereg, en as hy berou het, vergewe hom. En as hy sewe maal op een dag teen jou sondig, en sewe maal na jou terugkom en sê, ‘Ek het berou’, moet jy hom vergewe. ” (Luk. 17: 3-420)
“…is ek nou bly; nie omdat julle bedroef gemaak is nie, maar omdat julle droefheid tot berou gelei het.” (2 Kor. 7: 920)
Bestemming
Om die bestemming, waarheen elkeen van ons oppad is, met sukses te bereik, is al die beproewings en die berou, die moeite werd. Ons as mens voel so dikwels verneder voor ander mense, maar onthou: ‘Dis nie belangrik wat mense van ons dink nie!”
Dis wat God van ons dink wat belangriker as enigiets is, wat ons kan deurgaan hier op aarde. Dan sal ons ook soos Daniël kan rus en opstaan vir ons bestemming aan die einde van die dae. Laat ons dus die wedloop met ons oë gerig hou op Christus, wat die eindbestemming vir ons moontlik gemaak het, deur die beproewings wat Hy moes deurmaak.
Teksverse:
“Jy sal kan rus en daarna opstaan vir jou bestemming aan die einde van die dae.” (Dan. 12: 1320)
“Simeon het hulle geseën en vir Maria, sy moeder gesê: “Kyk, hierdie Kindjie is bestem vir die val en opstaan van baie mense in Israel, as ‘n teken wat betwis word,…” (Luk. 2: 3420)
Sondag 1 Maart 2026 : Erediens en Kategese om 09:00 – GEEN Kleuterkerk,
Sondag 1 Maart 2026 : Alternatiewe Erediens om 17:00-18:00 in die kerksaal
Dinsdag 3 Maart 2026 08:00 tot 09:00: Rek en strek Oefeninge
Woensdag 4 Maart 2026 : Blokbyeenkoms van Blok 8 (Groenkloof) en Blok 11 (Sandhoogtepad) vind plaas om 18:00
Woensdag 4 Maart 2026 : Kooroefening by die orrel om 16:45.
Woensdag 11 Maart 2026: Wolwedans Boodskap Sop en Brood: 11 & 25 Maart
Vrydag 6 Maart 2026 16:00 Wêreldbiddag vir Vroue by St. John Anglikaanse Kerk (oorkant die kliniek)
Vrydag 6 Maart 2026 14:00-15:30 Kleuterkerk Wolwedans Gemeenskapsaal
Sondag 8 Maart 2026 : Erediens en Kategese om 09:00 – GEEN Kleuterkerk,
Lees die volledige afkondigings hier: Afkondigings 1 – 8 Maart 2026