2 September
As jy regtig na iets soek, gaan jy alles daaraan doen om dit te kry — mag jy vandag so na God se plan, wil en wysheid soek. Hier is God se Woord net vir jou.
Tema: Soek wysheid soos ‘n skat
Teks: “My seun, neem aan wat ek jou sê, maak wat ek jou voorskryf jou eie, hou jou ore oop vir die wysheid, span jou in om te verstaan.” (Spr. 2:1-2)
● Ek dors na God, na die lewende God. (Ps. 42:3)
● God se insig, plan en wil vir jou lewe val nie sommer so in jou skoot nie — jy moet dit soek, net soos jy na iets kosbaars sou soek.
● Maak elke dag ‘n bietjie tyd oop om iets uit die Bybel te lees of te oordink, al is dit net een vers.
● Vra God gerus direk vir leiding en rigting oor ‘n keuse wat jy nou moet maak — Hy gee dit vry, gratis en verniet.
Gebed
Liewe Vader, dankie dat U wysheid gee aan almal wat daarna soek — leer my om dit ernstig op te soek.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.