Jesus vir my, Jesus vir ons, Jesus vir almal.
Kom luister / kyk na hierdie liedjies spesiaal verwerk in gebare taal vir die gene wat doof is of gehoorverlies het. Beleef ook saam met ons liedjies sonder klank met slegs gebaretaal.
Lees meer “Liedjies van die Nasionale instituut vir Dowes”
Hierdie liedjies is spesiaal geskryf vir die Wereld biddag vir vroue 2025 deur Ruru Maeva
Nasionale Biddag vir Dowes – 07 September 2025 Op hierdie Biddag vir Dowes eer ons die taal van die hande, die krag van stille geloof, en die skoonheid van gebede wat verder strek as woorde. Ons bid vir Dowes en persone met gehoorverlies. Mag vrede, liefde, hoop en begrip die dowe gemeenskap vandag en altyd omring.
On this Prayer Day for the Deaf, we honor the language of hands, the power of quiet faith, and the beauty of prayers heard beyond words. We pray for the Deaf and persons with hearing loss. May peace, love, hope and understanding surround the Deaf community today and always.
Lees meer “Nasionale Biddag vir Dowes – 07 September 2025, Nasionale Instituut vir Dowes”
Liewe…
My wens en gebed is dat jy vandag die ondersteuning en hulp van die Here sal ervaar wanneer jy dit die meeste nodig het. Hier is God se Boodskap net vir jou vir vandag.
Teks: “Bring vir my sewentig van Israel se leiers… Ek sal dan afkom en daar met jou praat” (Num 11:16-17)
Liewe Vader, dankie dat U ondersteuning in my lewe voorsien wanneer ek dit nodig het.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
“Neem daarom die volle wapenrusting van God op, sodat julle op die dag van onheil weerstand kan bied en, nadat julle alles uitgevoer het, staande kan bly.”
(Eff. 6: 13)
Hoe dikwels is ons in eiesinnige weerstand teen wat die Heilige Gees van ons vra om te doen? Hoe dikwels vlug ons weg van die verantwoordelikheid wat op ons gelê word, net omdat ons nie van die moontlike uitkomste hou nie? Daar is verskeie voorbeelde in die Bybel wat ons vertel van die effekte van teenstand, eiesinnige weerstand en ongeloof in God se almag.
Lees meer “Stof tot nadenke: Eiesinnige Weerstand…”
Prediker: Ds. Charné Viljoen
Skriflesing: Lukas 14:1, 7-14
Tema: By watter tafel gaan sit ek?
Orrelis: Marida Bridges
Datum: 31 Augustus 2025
My wens en gebed vir jou vandag is vir die tye wanneer jy ongelukkig is oor jou verantwoordelikhede. Hier is God se Woord vandag vir jou.
Teks: ” Waarom behandel U my so sleg …. dat U die verantwoordelikheid van hierdie volk op my gelaai het” (Num 11:11)
Liewe Vader, baie dankie dat U my vashou en help om ‘n sukses van my opdrag te maak. In Jesus se Naam. Amen.
© NG Kerk Lynnwoodrif – word gebruik met toestemming.
Sondag 31 Augustus 2025 : Erediens 10:00 Kategese (kerksaal) & Kleuterkerk (konsistorie).
Woensdag 3 September 2025: Kooroefening 16:45
Saterdag 6 September 2025 – Brandwag Boerebasaar
Wolwedans boodskap, sop en brood: 3 & 17 September
Sondag 7 September 2025: Erediens 09:00 Kategese & Kleuterkerk 09:00 Groenkloof Erediens 10:00
10 September 2025 – 18-49 jariges samekoms
17 September 2025 – 60+ bymekaarkoms
20 – 21 September 2025 – Getuienis Toerustingsgeleentheid
24 Oktober 2025 SS- Gemeentekonsert
25 Oktober 2025 Basaar
Almal is welkom om saam te kom kuier op Brandwag vir ‘n feestelike boerebasaar op die kerkgronde.
Vanaf 09:00 is alle buite stalletjies oop. Om 10:00 open die gebak en om 11:00 die vleistafels. Bring u vriende saam en kom deel in ons dankbaarheid en kom geniet ‘n heerlike kuiertjie op Brandwag
Tydens die kerkraadsvergadering gehou op 19 Augustus 2025 is die volgende persoon as diaken verkies:
Voorsitter Ondersteuningsbediening: Riana Briers.
Gebedsgidse vir September 2025 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Bybelblokraai & Bybelwoordsoek nommer 27, asook die antwoorde vir nommer 26, is beskikbaar in die voorportaal en by die traliehek van die kerkkantoor.
Daar is ’n lys by die tee na die erediens waar enigeen wie graag by die basaar as vrywilliger wil help, jou naam kan opgee. Alternatiewelik kan julle vir Ruan kontak –Kontak Ons .
Ons het vrywilligers nodig wie ‘n handjie kan by sit by onderskeie tafels/stalletjies.
Dit beloof om, soos in die verlede, ‘n aand vol pret, stories en lekker lag te wees. Indien jy belangstel om deel te neem, kan jy die kerkkantoor kontak. Sien jou daar
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die uitreikdatums vir die derde kwartaal is 3 & 17 September.
Daar is tans ’n behoefte aan ‘n tweedehandse yskas in ‘n goeie werkende toestand, ‘n tweedehandse boekrak vir geestelike boeke, sopbakkies, kleinbordjies, koppies & pierings, eetlepels, bottermesse, teelepels (so 15 van elk), 4-5 tafeldoeke, handdoeke, waslappe, seep, wol, hekelgare en speletjies.
Ons benodig ook asseblief 3 tweedehandse selfone in ‘n werkende toestand vir ons Wolwedans uitreik werkers. Indien u het om te skenk kan u dit asb tydens kantoorure by die kerkkantoor afgee of kontak vir Aletia – Kontak Ons om dit by u af te haal.
Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.
Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:
Vir meer inligting kontak:
Riana Briers – Kontak Ons / Riëtte Jansen van Rensburg – Kontak Ons .
FEBA saai uit in Mosambiek, Malawi, Tsjad, Mali, Niger en Soedan, waar geweld en armoede algemene verskynsels is. Die spanne in hierdie lande deel die Goeie Nuus deur radio-uitsendings en op praktiese wyse, deur na gehuggies te reis om radio’s en oudio-Bybels uit te deel, nuwe gelowiges te doop, en luisteraars te bemoedig.
Ons gebed vir die week: Bid dat FEBA Afrika se spanne nooit moeg sal word om góéd te doen nie. Vra ook dat luisteraars hul geloof in God sal plaas en daardie geloof met ander sal deel.
Erediensbediening:
Getuienisbediening
Sending aan die Melaatse : Nuus om u trots te maak.
Bybelstudiereeks:
Gemeentenuus:
Ons dank u vir u volgehoue bydrae en ondersteuning van die werk van die Here.
Danie Goosen
Charné Viljoen
Langstraat 10,
Groot-Brakrivier, 6525 ‘
044 620 2205
e-pos: Kontak Ons
Webwerf adres: https://www.nggrootbrak.co.za
FNB tjekrekening
Rek Nr. 530 831 865 11
Takkode 210314
My wens en gebed vir jou vandag is dat jy saam met God die pad sal stap. Hier is God se Woord vandag vir jou.
Teks: “Dit het sleg gegaan met die volk, en hulle het die Here daaroor verwyt…” (Num 11:1)
Liewe Vader, help my om U te vertrou dat U my uit al my nood sal help. In Jesus se Naam. Amen.
© NG Kerk Lynnwoodrif – word gebruik met toestemming.
Die kerkraad het besluit om geloofsonderskeidend die moontlikheid van ’n standplaasverwisseling tussen ds. Danie Goosen (NG Kerk Groot-Brakrivier) en ds. Leon Cronjé (NG Kerk Stellenbosch Welgelegen) te begin ondersoek. Ons wil die gemeente vra om saam met ons te bid en te onderskei wat die Here se stem is vir die pad vorentoe.
’n Standplaasverwisseling is ’n beroepingsproses waar die uiteinde sou kon wees dat twee spesifieke predikante standplase (bedieningsgemeentes) verwissel (in hierdie geval Leon Cronjé na Groot Brakrivier en Danie Goosen na Stellenbosch-Welgelegen).
Danie het die Bestuurspan tydens ‘n strategiese sessie verlede jaar ingelig dat hy die moontlikheid ondersoek om nader aan Stellenbosch te probeer vestig, aangesien sy persoonlike omstandighede verander het. Hy het egter onderneem om ‘n paar strategiese sake af te handel en vir voorbidding gevra. Rondom die einde van die eerste kwartaal het Danie vir Leon Cronje geskakel om te hoor of hy nie bewus is van ‘n persoon of self dalk standplaasverwisseling ondersoek nie.
Leon het gesê dat hy die hand van die Here in die proses ervaar en ongeveer 9 maande gelede al gevoel het om Danie te kontak. Hy het egter gewag en vertrou Danie sou met hom praat as die saak ook op sy hart gelê is deur die Here.
Danie is gelukkig in die gemeente van Groot-Brakrivier en die proses is nie maklik vir hom nie. Hy leef in afhanklikheid voor die Here, en glo dat na ongeveer 14 jaar in die gemeente, sy gawes ook ‘n dienende bydrae in Stellenbosch Welgelegen kon beteken. Hy dink ook dat standplaasverwisseling die moontlikheid oopmaak vir leraars en gemeentes om vernuwend voor die Here te bly leef. Hy vertrou alle partye sal dit as ‘n geskenk uit God se hand kan beleef. Vernuwende denke en roepingsbewustheid is die sleutels vir die pad waar God ons ookal mag lei. Danie vertrou saam met elkeen dat ons duidelikheid sal hê.
Die proses wat nou voorlê is dat die onderskeie kerkrade van die moontlike nuwe standplase van die predikante onderhoude met hulle het om meer oor hulle unieke gawes en persoonlikhede te leer ken om te bepaal of hulle ’n vrugbare bedieningspad saam met die nuwe gemeentes sal kan loop.
Hierna, sal beide gemeentes se kerkrade ’n beroepingsvergadering hê om biddend te besluit of hulle die ander predikant wil beroep.
Vir ’n standplaasverwisseling om suksesvol te gebeur, moet beide gemeentes oortuig wees hulle hoor by die Here dat die nuwe predikant beroep moet word. Enige kerkraad kan op enige punt besluit dat hulle die proses wil beëindig.
Dit is hoekom dit so belangrik is om geloofsonderskeidend oor die saak te dink sodat ons besluite neem wat ons oortuig is die Here lei ons in. Ons vra daarom dat julle as gemeente asseblief in gebed sal intree in die volgende tyd wat ons besig is met hierdie proses as kerkraad. Bid vir:
Kontak my gerus met enige vrae in die verband.
Danie is bereid om met enige lidmaat oor die saak te gesels en onderneem om die pad met integriteit te loop.
Die Sinode en onderskeie ringe ondersteun en begelei die kerkrade in die proses.
Mag die Here ons almal hierin lei!
Die uwe,
Willem du Preez
Voorsitter van die Kerkraad
My wens en gebed vir jou vandag is dat die Here jou vrede sal gee. Hier is God se Woord vandag vir jou.
Teks: “Die Here sal… aan julle vrede gee!” (Num 6:26)
Die Here gee jou vrede.
Wanneer jy die Here dien, kom jy vry van onvrede, onrus en gevegte.
Dan word jy ‘n vredemaker. Leef in vrede en soek vrede.
Dink twee keer voordat jy praat of iets doen. Kies vir vrede.
Liewe Vader, baie dankie dat met U aan my kant, ek die magtigste vyand vandag en môre kan oorwin. In Jesus se Naam. Amen.
© NG Kerk Lynnwoodrif – word gebruik met toestemming.
1 Johannes 3:16 Hieraan weet ons wat liefde is: Jesus het sy lewe vir ons afgelê.
Nadat Jesus gedoop was, het Hy dadelik uit die water uitgeklim en die Hemele het meteens vir Hom oopgegaan. Dit is Sy nuwe seisoen en Hy verwag ook dat ons elke seisoen van ons lewe vreugdevol sal ervaar tot ere van Sy naam.
Jesus, dankie dat U die ewige en onwrikbare rots in my lewe is waarop ek my fondasie kan bou. Met U kan ek die storms en aanslae teëstaan sonder om te val.
Die dorings van ons lewe is baie, maar God se genade is baie meer. En daar waar jy die seerste kry, is waar God se genade op sy grootste is.
Buiten U in die hemel, begeer ek niks op aarde nie. Dankie Vader vir U teenwoordigheid in my lewe. Al is ek afgetakel na liggaam en gees, aan U behoort ek vir altyd.
Jesus, versterk ons geloof sodat ons op U alleen sal vertrou. Verlos ons van die kleingeloof wat ons verhinder om U wonderwerke te sien en te ervaar.
Here, help ons om bewus te wees van die brandende bosse in ons lewens. Gee ons die vermoë om U stem duidelik te hoor en ons harte oop te maak vir U leiding.
Hou my vas Here Jesus te midde van stormagtige weer. Wanneer vrese en twyfel ontstaan wil ek U liefde en vrede ervaar. Hou my naby U Jesus, daar voel ek veilig.
Vader, ek wil elke dag gereed wees om U te verheerlik. Ons vertoon U beeld en moet U koningskap en liefde weerspieël. Sonder U is ons geestelik swak.
Wat help dit my broers, as iemand beweer dat hy glo, maar sy dade bevestig dit nie? Dankie Here vir geleenthede om geestelik fiks te bly, om vir die gemeenskap te bid en iemand na die Here toe te lei.
Dankie Vader dat U ons toerus met sintuie om waaksaam te wees. Ons sal aanhou waak en bid om oorwinning oor die wêreld, die vlees en die vyand te behaal.
Kyk watter groot liefde die Vader aan ons bewys het: Hy noem ons kinders van God, en ons is dit ook. En die wêreld ken ons nie, omdat hulle Hom nie ken nie.
Vader, ons wil gevul wees tot volheid van U. Ons wil uitstyg soos ‘n arend, want saam met U is daar geen beperking van U liefde en genade vir ons nie.
Vader, ons begryp hoe oneindig diep die liefde van Christus strek. Mag ons U liefde ken wat ons verstand te bowe gaan en vervul word met die volheid van God.
Vader, ons bid dat elkeen wat geaffekteer is met die siekte, U net kan aanraak. U het nie gekom om ons liggame te genees nie, maar om ons verhouding met God te herstel.
Laat God toe om jou toe te rus vir Sy werk. Kom ons reik uit en raak betrokke by die kerk se sendingwerk, gemeenskapswerk of by die ontferming oor die kwesbares.
My toevlug en my bergvesting, my God op wie ek vertrou. Hy sal jou dek met sy vlerke, en onder sy vleuels sal jy skuil. Ek dank U vir U beskerming, leiding, wysheid en liefde.
Dankie Hemelse Vader dat U die duurste prys vir ons betaal het. U is my rots by wie ek skuil. U is die stuurman van my lewe en my veilige hawe. Sonder U is ek niks.
Wees nie afgunstig op die kwaaddoeners nie en begeer nie om met hulle saam te wees nie. Hulle hart bedink verwoesting en hulle lippe spreek moeite.
Here, ek erken dat ek nog te veel beheer oor my eie besluite het en vra vergifnis vir my rebelsheid. Onderrig my met wysheid in oorvloed. U leiding is konstant.
Jesus het gekom om ons te versoen met die Vader. Hy is die lewende weg na die troon – die voorhangsel is geskeur. Dit is ons geboorte-voorreg om Sy stem te kan hoor.
Here, ons buig nederig voor U en dank U vir genade so groot. Ons bid vir herstel in ons liggame wat gebreek en gekneus is. Vader, raak asb die gehoor aan van diegene wat nie al hulle sintuie kan geniet nie. By U is niks onmoontlik nie.
Laat jou geloof sigbaar word in jou dade. Deel jou geloof en maak dissipels vir Jesus. Volhard sodat jy eendag alles wat Jesus vir jou in die hemel bewaar, in besit neem.
God ken ons lewe. Hy het die pad reeds voorberei. Hy ken die toekoms, vertrou Hom net. Hy ken jou bekommernis, gee dit oor en raak stil. Hy ken jou hartseer, teleurstellings en sien jou trane – Hy sal dit afdroog. Daar is geen einde aan Sy goedheid nie.
Vader, ons dra hierdie land met sy kulturele diversiteit op aan U. Seën asseblief ons land en mense en leer ons hoe om mekaar te kan aanvaar, te vergewe en lief te hê.
Dankie Vader vir die wonderlike gawe om te kan kommunikeer. Lei ons om dit met oorgawe te gebruik om mekaar aan te moedig en te vertroos en om U te eer.
Here, ek weet dat U tot alles in staat is en alles kan uitvoer volgens U wil. Soms is ons ongeduldig as ons gebede nie dadelik verhoor word nie. Vergewe ons ongeduld Here – U is altyd op tyd.
Deur die oortreding van een mens het baie gesterf, maar deur die genade van God en die genade van een mens, Jesus Christus, was Hy bereid om die losprys te betaal – vir jou.
Johannes 8:31 – Jesus sê vir die Jode wat in Hom geglo het: As julle in my woord bly, is julle waarlik my dissipels. En julle sal die waarheid ken, en die waarheid sal julle vrymaak.
Jesus is die vrede in tye van moedeloosheid, siekte en hartseer. Jy is nie gemaak om hierdie storms te beleef en te beveg nie. Jy is gemaak om God te beleef en te sien hoe Hy jou storms stilmaak.
Hy is die enigste seun van God. Hy is ewig en die enigste weg na die Vader. Hy het die mag om lewe te gee en die enigste Regverdige wat vir ons sondes verruil het.
My wens en gebed vir jou vandag is dat die Here jou sal hoor. Hier is God se Woord vandag vir jou.
Teks: “… die Here sal julle gebede verhoor…” (Num 6:26)
Liewe Vader, baie dankie dat ek van nou af weet dat U al my gebede ook verhoor. In Jesus se Naam. Amen.
© NG Kerk Lynnwoodrif – word gebruik met toestemming.
Hallo
U kan trots voel oor u kranige span van die Sending aan die Melaatse wat die afgelope klompie dae betrokke was om mense te red uit die kloue van melaatsheid.
Elena van den Berg het haastig uit Durban vertrek om meer as 150 km af te lê na Empangeni waar sy “Bheka” moes opspoor, wie op 21-jarige ouderdom, uiteindelik met melaatsheid gediagnoseer is. Ek sê uiteindelik, want hy het reeds op skool simptome van melaatsheid gehad.
My wens en gebed vir jou vandag is dat die Here nie jou foute teen jou sal hou nie. Hier is God se Woord vandag vir jou.
Teks: ” Die Here sal… julle genadig wees…” (Num 6:25)
Liewe Vader, baie dankie dat ek in Christus volle vryspraak en genade van my sonde kry. In Jesus se Naam. Amen.
© NG Kerk Lynnwoodrif – word gebruik met toestemming.
My wens en gebed vir jou vandag is dat die Here jou sal help. Hier is God se Woord vandag spesiaal vir jou.
Teks: “Die Here sal tot jou redding verskyn…” (Num 6:25)
Liewe Vader, gee my vertroue en geloof om te weet dat U my vandag sal red. In Jesus se Naam. Amen.
© NG Kerk Lynnwoodrif – word gebruik met toestemming.
My wens en gebed vir jou vandag is dat die Here jou veilig sal hou. Hier is God se Woord vandag vir jou.
Teks: “Die Here sal… julle beskerm…” (Num 6:24)
Liewe Vader, help my om te glo dat U my in alles sal beskerm.
In Jesus se Naam. Amen.
© NG Kerk Lynnwoodrif – word gebruik met toestemming.
“Maar nou sê ek vir julle: “Los hierdie mense uit en laat hulle gaan, want as hierdie plan of onderneming die werk van mense is, sal dit tot niet gaan; maar as dit van God af kom, sal julle hulle nie kan keer nie – moenie dat dit blyk dat julle teen God veg nie!””
(Hand. 5: 38-39)
Lees meer “Stof tot nadenke: Kritiek en krisisse”