Sondag 31 Augustus 2025 :
- Baie welkom by die erediens gelei deur ds Charné Viljoen.
- Ons skriflesing kom vanoggend uit Lukas 14:1;7-14 (2020-vertaling).
- Die tema van die prediking is: By watter tafel gaan sit ek?
- Bybelsondag.
- Kategese (kerksaal) & Kleuterkerk (konsistorie).
- Spesiale offer vir Bybelverspreidingsfonds by die deure.
- Tee sal bedien word in die kerksaal na afloop van die erediens. Almal is welkom.
- Groenkloof preek om 10:00 – Digitaal.
Woensdag 3 September 2025 :
- Kooroefening by die orrel om 16:45. Marida –Kontak Ons . Alle belangstellendes welkom.
Saterdag, 6 September 2025 – Brandwag Boerebasaar
Almal is welkom om saam te kom kuier op Brandwag vir ‘n feestelike boerebasaar op die kerkgronde.
Vanaf 09:00 is alle buite stalletjies oop. Om 10:00 open die gebak en om 11:00 die vleistafels. Bring u vriende saam en kom deel in ons dankbaarheid en kom geniet ‘n heerlike kuiertjie op Brandwag
Sondag 7 September 2025 :
- Erediens om 09:00 – Ds Charné Viljoen.
- Nasionale Biddag vir Dowes.
- Kategese (kerksaal) & Kleuterkerk (konsistorie).
- Sinodale offer vir Instituut vir Dowes by die deure.
- Tee sal bedien word in die kerksaal na afloop van die erediens. Almal welkom.
- Groenkloof preek om 10:00 – Ds Charné Viljoen.
Kerkraadsverkiesing
Tydens die kerkraadsvergadering gehou op 19 Augustus 2025 is die volgende persoon as diaken verkies:
Voorsitter Ondersteuningsbediening: Riana Briers.
Gebedsgidse :
Gebedsgidse vir September 2025 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Bybelblokraai :
Bybelblokraai & Bybelwoordsoek nommer 27, asook die antwoorde vir nommer 26, is beskikbaar in die voorportaal en by die traliehek van die kerkkantoor.
17 September 2025
25 Oktober 2025 Basaar:
Daar is ’n lys by die tee na die erediens waar enigeen wie graag by die basaar as vrywilliger wil help, jou naam kan opgee. Alternatiewelik kan julle vir Ruan kontak –Kontak Ons .
Ons het vrywilligers nodig wie ‘n handjie kan by sit by onderskeie tafels/stalletjies.
24 Oktober 2025 SS- Gemeentekonsert!
Dit beloof om, soos in die verlede, ‘n aand vol pret, stories en lekker lag te wees. Indien jy belangstel om deel te neem, kan jy die kerkkantoor kontak. Sien jou daar
Verjaarsdae
Bedieninge
Getuienisbediening :
Wolwedans boodskap, sop en brood
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die uitreikdatums vir die derde kwartaal is 3 & 17 September.
Behoeftes vir Getuienisprojekte
Daar is tans ’n behoefte aan ‘n tweedehandse yskas in ‘n goeie werkende toestand, ‘n tweedehandse boekrak vir geestelike boeke, sopbakkies, kleinbordjies, koppies & pierings, eetlepels, bottermesse, teelepels (so 15 van elk), 4-5 tafeldoeke, handdoeke, waslappe, seep, wol, hekelgare en speletjies.
Ons benodig ook asseblief 3 tweedehandse selfone in ‘n werkende toestand vir ons Wolwedans uitreik werkers. Indien u het om te skenk kan u dit asb tydens kantoorure by die kerkkantoor afgee of kontak vir Aletia – Kontak Ons om dit by u af te haal.
Kinderkrans / Kleuterkerk
Jeug
Ondersteuningsgroep :
Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.
Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:
- Rygeleenthede vir dokterafsprake, hospitaal besoeke en dies meer.
- Hulp met inkopies.
- Ondersteuning deur dààr te wees in moeilike omstandighede.
- Uit te reik na die mense om die toenemende probleem van alleen wees en eensaamheid te verlig.
Vir meer inligting kontak:
Riana Briers – Kontak Ons / Riëtte Jansen van Rensburg – Kontak Ons .
Omgeebediening :
- Indien u bewus is van iemand met nood, siekte of wat eensaam is en hulp benodig kontak u kerkraadslid of die kerkkantoor.
- Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
- Enige persoon wat graag by die Omgeebediening betrokke wil raak skakel asseblief vir Corrie Pieters – Kontak Ons .
FEBA RADIO SA: Ons bid vir FEBA Afrika
FEBA saai uit in Mosambiek, Malawi, Tsjad, Mali, Niger en Soedan, waar geweld en armoede algemene verskynsels is. Die spanne in hierdie lande deel die Goeie Nuus deur radio-uitsendings en op praktiese wyse, deur na gehuggies te reis om radio’s en oudio-Bybels uit te deel, nuwe gelowiges te doop, en luisteraars te bemoedig.
Ons gebed vir die week: Bid dat FEBA Afrika se spanne nooit moeg sal word om góéd te doen nie. Vra ook dat luisteraars hul geloof in God sal plaas en daardie geloof met ander sal deel.
Die webwerf (nggrootbrak.co.za)
Erediensbediening:
- Die skakel na die YouTube Erediens van 31 Augustus, gelei deur Ds Charné Viljoen, is beskikbaar.
Getuienisbediening
Sending aan die Melaatse : Nuus om u trots te maak.
Bybelstudiereeks:
- Die ‘Skep asem vir vandag’, ‘n wonderlike begin vir elke dag.
- Vind die Weeklikse: “Stof tot nadenke: Eiesinnige weerstand…”
Gemeentenuus:
- Die skakel na die Kerkbode met Ds Nadia Marais se “Geseënd is die geborenes” artikel, is beskikbaar.
- Daar is ‘n kort artikel oor die ‘Praise and Worship’ aand van 22 Augustus.
- Al die advertensies vir die aktiwiteite van September is op die webtuiste.
- Bybelblokkiesraaisel 27 is beskikbaar vir aanlyn speel.
- Die weeklikse Afkondigings is op die webtuiste, indien u wil seker maak van enigiets.
Ons dank u vir u volgehoue bydrae en ondersteuning van die werk van die Here.
Leraars:
Danie Goosen
Charné Viljoen
Langstraat 10,
Groot-Brakrivier, 6525 ‘
044 620 2205
e-pos: Kontak Ons
Webwerf adres: https://www.nggrootbrak.co.za
Bankbesonderhede:
FNB tjekrekening
Rek Nr. 530 831 865 11
Takkode 210314
