Etiket: 2025

Sondag 15 Desember 2024 :

• Baie welkom by die erediens en ’n spesiale verwelkoming aan die familie en vriende van die doop ouers: Corry & Luchelle Roets (seuntjie – Connor).
• Ons skriflesing kom vanoggend uit Jesaja 61.
• Die tema van die prediking is: Godsbeeld.
• Derde Advent.
• Spesiale offer vir Paarl-Skool (Brackenfell) by die deure.
• Tee word bedien in die kerksaal na afloop van die erediens. Almal is welkom.
• GEEN Groenkloof preek om 10:00.

FEBA RADIO SA 15 Des :Ons bid vir FEBA-direkteure in Afrika

Prys God vir die geleentheid dat FEBA vanjaar in Niger kon begin uitsaai. Dank Hom dat Hy al die FEBA Afrika-stasies bewaar en ’n deur na Soedan oopgemaak het. Elke stasie het sy eie uitdagings.

Ons gebed vir die week:Bid dat God elke FEBA-direkteur in Afrika sal toerus met wysheid om sy span in hul bediening te lei. Bid ook dat diegene wat vir FEBA werk, gesond sal bly en dat elke uitsending die Goeie Nuus van Sy liefde sal uitdra na hulle wat dit moet hoor.

Maandag 16 Desember 2024 : Versoeningsdag.

Sondag 22 Desember 2024 :

• Erediens om 09:00. Prediker – Ds Danie Goosen.
• Doop – ’n Spesiale verwelkoming aan die familie en vriende van die doop ouers: Emile & Phelia Klopper (seuntjie – Herman).
• Vierde Advent.
• Spesiale offer vir Gemeente Instandhoudingsfonds by die deure.
• GEEN tee na die erediens nie .
• GEEN Groenkloof preek om 10:00.

FEBA RADIO SA – 22 Des: Ons bid vir FEBA-spanne

Terwyl ons hierdie week Kersfees vier, kom ons bid vir luisteraars reg oor die wêreld om die ware betekenis van God se liefde en Christus se opoffering te ontdek.

Ons gebed vir die week:Bid vir FEBA-spanne wat elke dag die Goeie Nuus deel ten spyte van vervolging, konflik, vrees en smart. Bid dat God hul harte met vreugde sal vul, en dat Hy vir hulle Sy vrede sal gee wat alle verstand te bowe gaan, sodat hulle die Lig in die duisternis kan laat skyn en verdwaalde siele na Sy veiligheid kan bring.

Woensdag 25 Desember 2024 :

Kersdag – Kersdagdienste:

• 07:00 – ds Danie Goosen.
• 08:00 – ds Danie Goosen.

• 09:00 – dr Frans Hancke.
• 10:00 – dr Frans Hancke.

Donderdag 26 Desember 2024 : Welwillendheidsdag.

Sondag 29 Desember 2024 :

Erediens om 09:00. Prediker – Ds Charné Viljoen.

• Spesiale offer vir Gemeente Instandhoudingsfonds by die deure.
• GEEN tee na die erediens nie.
• GEEN Groenkloof preek om 10:00.

FEBA RADIO SA – 29 Des: Ons bid vir FEBA Wêreldwyd

Soos ons die nuwe jaar hierdie week betree, bid ons dat God herlewing in Sy kerk sal bring in die lande waar FEBA uitsaai. Meer as ’n derde van die wêreldbevolking moet God se Woord nog hoor en baie soek Hom op die verkeerde plekke. FEBA se uitsendings bereik luisteraars in hul motors, kamers en selfs by die haarkapper!

Ons gebed vir die week:Bid dat God die nodige hulpbronne sal voorsien en elke FEBA-uitsending in die komende jaar sal gebruik om die oes in te bring.

Dinsdag 31 Desember 2024 :

• Oujaarsdiens om 18:00. Prediker – Ds Charné Viljoen.

Woensdag 1 Januarie 2025 : Nuwejaarsdag.

Sondag 5 Januarie 2025 :

• Erediens om 09:00. Prediker – Ds Danie Goosen.
• Doop – ’n Spesiale verwelkoming aan die familie en vriende van die doop ouers: Kegan Roach & Anna Buys (seuntjie – Arlo).

• Spesiale offer vir Huis JJ Watson vir Bejaardes (BADISA George) by die deure.
• GEEN tee na die erediens nie.
• GEEN Groenkloof preek om 10:00.

FEBA RADIO SA – 5 Jan: Ons bid vir FEBA en gesiggestremdes

Het jy geweet? 4 Januarie is Wêreld Braille-dag! Die Bybel is in braille beskikbaar, maar dis duur en reusagtig groot, wat dit moeilik maak om ‘n hele Bybel saam met jou te dra. FEBA se bediening verbind dekades lank reeds gesiggestremdes met God se Woord, deur radio en oudio-Bybels te gebruik om mense te bereik wat nie ‘n gewone Bybel kan lees of ‘n braille-weergawe kan bekostig nie.

Ons gebed vir die week:Bid dat elke FEBA-uitsending gesiggestremde luisteraars sal seën en hulle nader aan God sal bring.

Maandag 6 Januarie 2025 :

• Kerkkantoor heropen.

Omgeebediening :

As deel van ons dankseisoen wil ons almal wie ons die afgelope jaar ondersteun het met kontant, kruideniers, beddegoed, klere, huisware, kersbottels ensovoorts, opreg bedank. Ons laaste kospakkies was Donderdag 12 Desember uitgedeel.

Ons kon onder andere ook help by huise met die onlangse brand in Wolvedans, soos ook tevore. So maak ons ‘n verskil op vele terreine met julle hulp.

Getuienisbediening :

Ons het aan die einde van 2024 gekom en wil graag vir elkeen wat gedurende die jaar ruim en deurlopend gehelp het met die voorsiening van elke behoefte wat ons gehad het, veral die sop, lappies, wol, gare, keramiek en Kersprojek, bedank vir jul liefdevolle deelname met die uitreik na minderbevoorregte mense in ons gemeenskap. Ons wens vir elkeen ‘n baie geseënde Kersseisoen saam met familie en vriende toe en ‘n voorspoedige en hoopvolle 2025. Ons begin weer met ons uitreike op 15 Januarie 2025.

Ondersteuningsgroep :

Ons groep wil graag mense ondersteun met:

• Vervoer na doktersafsprake of vir inkopies.
• Emosionele ondersteuning weens verlies van een of ander aard.

Soms het ’n mens net iemand nodig om te luister of by jou te sit. Skakel ons gerus: Riana Briers – 081 039 8853 / Riëtte Jansen van Rensburg – 082 928 9625

Die webwerf (nggrootbrak.co.za)

15 Desember 2024

1. Erediensbediening:

Skakel na die YouTube Erediens van 15 Desember 2024.

2. Getuienisbediening:

Die weeklikse nuusbrief van Lynette uit Madagaskar.

3. Bybelstudiereeks:

Die Weeklikse: “Stof tot nadenke: Herinnering van Christus”.

3. Gemeentenuus:

Die dienstye van Desember is op die webwerf beskikbaar.

4. Die Afkondigings word weekliks op die webwerf geplaas.

Ontvangs/Sekretaresse

Hartenbos Versorgingsdienste, Hartenbos

Hartenbos Versorgingsdienste is ‘n program van Badisa, ‘n gesamentlike bedieningsaksie van die NG Kerk [Wes-Kaapland] en VGKSA [Kaapland]. Aansoeke van entoesiastiese, verantwoordelike en gemotiveerde persone word vir hierdie betrekking ingewag.

Die aangewese kandidaat sal regstreeks aan die Bestuur verslag doen en verantwoordelik wees vir die volgende:

• Ontvangs van alle besoekers
• Antwoord van skakelbord
• Hantering van alle navrae
• Hantering van aansoeke en waglyste
• Hantering van etebesprekings en uitreik van fakture
• Hantering van alle kontant
• Administratiewe- en sekretariële pligte

Kandidate moet oor goeie menseverhoudinge beskik en ten alle tye geduldig wees.

Kandidaat moet volwasse en verkieslik ouer as 35 wees.

Kandidaat moet op meervoudige take gelyk kan fokus.

Ons bied ‘n onderhandelbare salaris, aangevul deur ‘n mediese en aftree skema, asook ruim verlof.

Rig ‘n volledige CV, en dui aan vir watter pos u aansoek doen, voor 31 Desember 2024 aan:
bejaarde1@gmail.com

Ons dank u vir u volgehoue bydrae en ondersteuning van die werk van die Here.

Leraars: Danie Goosen – 079 525 3624

Charné Viljoen – 083 294 6640

Langstraat 10, Groot-Brakrivier, 6525  044 620 2205

e-pos: kerkkantoor@nggrootbrak.co.za / kassiere@nggrootbrak.co.za

Webwerf adres: https://www.nggrootbrak.co.za

Bankbesonderhede: FNB tjekrekening

Rek Nr. 530 831 865 11

Takkode 210314