Etiket: Dagstukkies

20 Augustus

Ek bid dat jou oë elke dag sal begin raaksien hoeveel wonderwerke God doen. Hier is Sy Woord vandag vir jou.

Tema: Onmoontlik? Nie vir God nie! Kyk na Sy wonders.

Teks: “Voor jou hele volk gaan Ek magtige dade doen wat nog nooit tevore op die hele aarde onder enige nasie gedoen is nie. Die hele volk by wie jy is, sal sien wat Ek, die Here, doen.” (Eks. 34:10)

• Jy kan nie onmoontlike dinge doen nie  net God kan.
• Jy moet die onmoontlike aan God oorlaat.
• Moet nooit die kragtige dade van die Here in jou lewe onderskat nie.
• Hy kan magtige, kragtige en bonatuurlike dinge doen  ook vir jou.
• Verwág Sy wonderwerke vandag in jou lewe  sien hierdie wonderwerke raak.
• Aan Sy liefde is geen einde nie (Ps. 136:1).

Gebed:

Liewe Vader, dankie dat U steeds vandag wonderwerke doen. Dankie dat U steeds die onmoontlike moontlik maak.

In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

19 Augustus

My wens en gebed vir jou vandag is om te weet: Jy hoef dit nie alleen te doen nie. Hier is God se Woord vandag.

Tema: Jy hoef nie alleen te wees nie

Teks: “Moses het toe vinnig gebuig in eerbied en gesê: ‘As ek U goedgesindheid geniet, Here, moet

U saam met ons wegtrek.'” (Eks. 34:8-9)

• Alles op die aarde is die Here s’n. Waarom sal jy dan sonder Hom jou lewe aanpak?
• Sy genade sal jou dra en ondersteun.
• Maak seker dat jy vandag alles saam met die Here aanpak.
• Laat Hom vandag saam met jou en by jou wees.
• Loof die Here, want Hy is goed. Aan Sy liefde is geen grense nie (Ps. 136:1).

Gebed:

Liewe Vader, baie dankie dat U liefde ook vandag saam met my gaan.

In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

18 Augustus

My wens en gebed vandag vir jou is dat jy die Here van “meer-as-een-kans” leer ken. Hier is ‘n spesiale boodskap uit God se Woord vir jou.

Tema: Die Here van tweede kanse

Teks: “Terwyl Hy by Moses verbygaan, roep die Here: ‘Ek, die Here, is die barmhartige en genadige God, lankmoedig, vol liefde en trou.'” (Eks. 34:6)

• Voel jy soms moeg vir die lewe?
• Knak jou knieë dikwels onder die druk en verantwoordelikhede van die lewe? (Matt. 11:28).
• Kom na God toe wat vir mense omgee en jou graag wil help (Eks. 34:6).
• Jy kan vandag op Hom reken. Hy bly getrou.
• Hy is jammer vir jou. Hy is geduldig met jou (Eks. 34:7).
• By Jesus sal jou hele lewe weer sin en betekenis kry (Matt. 11:28).
• Die genade wat God jou aanbied, is al wat jy nodig het.

Gebed:

Liewe Vader, baie dankie dat U vir my sin in hierdie lewe gee.

In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

17 Augustus

My wens en gebed vir jou is dat jy die krag van die onsigbare God in aksie sal sien. Hier is ‘n boodskap uit die Bybel vir jou.

Tema: Glo in die krag van die onsigbare God

Teks: “Vir My kan jy nie sien nie, want geen mens kan My sien en bly lewe nie.” (Eks. 33:20)

• Jy kan swak, moeg en afgemat voel. Tog dien jy ‘n kragtige en sterk God.
• Alles in die lewe  die goeie en die slegte  kan jy weens die krag van Jesus oorkom (Fil. 4:13).
• Daarom sal die Almagtige God vandag vir jou in alle omstandighede krag en moed gee.
• Wees bly en opgewonde hieroor!

Gebed:

 Liewe Vader, dankie vir U wonderlike krag wat U vandag vir my gee.

In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

16 Augustus

My wens en gebed vir jou vandag is om te weet dat die Here genade gee. Hier is God se Woord vandag vir jou.

Tema: Die Here gee genade

Teks: “Die Here het vir Moses geantwoord: ‘Ook wat jy nou gevra het, sal Ek doen. Ek is jou goedgesind en Ek ken jou op jou naam.'” (Eks. 33:17)

• Moenie jou eie planne maak nie. Soek God se planne. Volg Sy wil.
• Maak seker dat jy niks sonder die Here se duidelike leiding aanpak nie.
• Die Here verhoor jou gebed en gee wat jy Hom gevra het.
• Die Here ken jou op jou naam en is jou goedgesind (Jes. 49:16).
• Elke goeie ding en volmaakte geskenk kom van Hom af.
• Loof Hom! Dank Hom! Prys Hom!

Gebed:
Liewe Vader, dankie dat U elke situasie in goeie, volmaakte dinge verander.

In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

15 Augustus

Ek hoop dat jy iemand sal word wat vir ander mense sal begin omgee. Geniet die boodskap van God vandag.

Tema: Smeek vir ander mense by God

Teks: “As U my goedgesind is, onthou tog hierdie nasie is U volk” (Eks 33:13)

• Hou aan en aan en aan om God vir genade te smeek. Pleit vir jouself en ander mense.
• Dit is belangrik om tot Hom te roep. Hy is die eerste en laaste, die enigste bron wat kan help.
• Sy genade is beskikbaar, ongeag jou foute of die omstandighede waarin jy is.
• Wanneer jy aanhoudend die regte dinge te doen, sal jy ook God se seëninge soos waterstrome oor jou voel vloei.     Jy sal baie gelukkig wees.

Gebed 

Liewe Vader, dankie dat U vir ander mense en ook vir myself omgee. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

14 Augustus

Ek hoop tog so dat jy ook hartseer word oor jou verkeerde optrede, foute en sonde. Hier is God se boodskap net vir jou.

Tema: Belydenis en verandering

Teks: “Toe het die volk … getreur en geen juwele gedra nie” (Eks 33:4)

• Die Here ken elke aspek van jou lewe – niks is vir Hom weggesteek nie.
• Die regte soort van hartseer, bring jou terug na God toe (2 Kor 7:10).
• Hierdie berou gee jou ‘n nuwe en ware lewe wat met God en ander mense reg is (2 Kor 7:10).
• Roep tot God vir hulp. Dit is die regte ding om te doen. HY hoor jou en beantwoord jou hulproep.
• Leef nou vry. Leef nou gelukkig. Leef nou met hoop. Wees nou nuut.

Gebed 

Liewe Vader, dankie dat U my hartseer sien en van my sonde en foute vry maak. Dankie dat ek nou weer nuut is.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

13 Augustus

My wens en gebed vir jou vandag is dat jy sal weet dat God jou baie lief het. Vandag se boodskap uit die Bybel is net so spesiaal as gister se boodskap – net vir jou.

Tema: Verander jou woede en aggressie in seën

Teks: “Toe het die Here daarvan afgesien om die ramp… oor Sy volk te bring” (Eks 32:14)

• Hoe geseënd is jy nie: Weet dat God jou baie lief het en vir jou omgee.
• As jy vra, verander Hy Sy besluit en gee Sy seën in plaas van straf – vir jou, ook vandag.
• Hy het jou in die palm van Sy hand – niemand sal jou uit Sy versorgende en seënende hand ruk nie (Joh. 10:28).

Gebed 

Liewe Vader, baie dankie dat U ook aan ons genade gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

12 Augustus

My wens en gebed vir jou vandag is dat jy die Here sal vra dat jy nes Hy nie sal aanhou om in woede te leef nie. Hier is ‘n baie, baie spesiale en besonderse gedagte uit die Bybel vandag vir jou.

Tema: Laat God jou woede in genade verander

Teks: “Laat U toorn bedaar en wees U volk genadig…” (Eks 32:11)

• Bid vir mense en jouself sodat God slegte situasies in goeie omstandighede sal verander.
• God is ‘n goeie God wat mense help (Eks 34:6).
• Hy kry mense jammer en is geduldig met jou – daarom kan jy Hom vra om jou te help (Eks 34:6).
• Vertrou op Sy genade, selfs wanneer jy fouteer, want Hy vergeet alles wat jy verkeerd doen (Eks 34:7).
• Dit is vandag die regte ding om te doen indien jy vir God hulp vra.

Gebed 

Liewe Vader, dankie dat U vol van liefde en genade is. Dankie dat U my foute vergeet. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

11 Augustus

My wens en gebed vir jou vandag is dat jy vandag weer en weer, oor en oor vir die Here God se wil sal kies. Hier is ‘n gedagte uit God se Woord vandag vir jou.

Tema: Hou aan om vir God te kies

Teks:“ Klim van hierdie berg af, want jou volk… het iets vreesliks gedoen…” (Eks 32:7)

• Die Here die Alwyse God se planne vir jou is om met hoop en verwagting die toekoms binne te gaan.
• As jy op jou eie die toekoms wil binnegaan, vernietig jy jouself, ander mense en selfs die wêreld.
• Stap in al jou keuses agter die Here God aan, selfs al vat dit soms tyd om Sy rigting te ontdek.
• Die uitdagings rondom jou is geen struikelblok vir Hom nie.
• God is volmaak en gee net die beste. Hy is goed vir jou – wees rustig en tevrede (Ps. 50:2).

Gebed 

Liewe Vader, dankie dat U volmaakte geskenke aan my gee, al sien ek nie meer hoop nie. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

10 Augustus

My wens en gebed vir jou vandag is om op te staan en binne God se wil te bly leef. Hier is ‘n spesiale gedagte uit God se Woord vandag vir jou.

Tema: Kies vir die Here

Teks: “Toe die volk sien dat Moses talm… het hulle om Aäron saamgedrom en vir hom gesê:

‘ Kom, maak vir ons ‘n god…’” (Eks 32:1)

• Soms voel dit asof die Here nie naby jou is nie.
• In sulke tye besluit jy dikwels om op jou eie besluite te neem, sonder om die Here te raadpleeg.
• Onthou: Die Here is nie ver nie! Hy wag vir jou! Hy wil luister en hoor! Hy wil help!

(Jes. 59:1).

• Selfs al voel jy swak en moeg, jy dien ‘n Almagtige God wat altyd sterk is.
• Wag geduldig op Hom. Hy gaan alle goeie gawes en volmaakte geskenke vir jou gee.
• Hy is getrou! Wees gelukkig!

Gebed 

Liewe Vader, dankie dat U altyd naby my is, al voel dit nie vir my so nie. Dankie dat U getrou bly.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

9 Augustus

My wens en gebed vir jou vandag is om vergifnis aan mense uit te deel. Lees God se Woord vir vandag en laat dit jou motiveer tot goeie dade. 

Tema: Vergewe! Vergewe! Vergewe!

Teks: “Vergewe tog hulle sonde…” (Eks 32:32)

• Moenie in God se krag en liefde vir jou twyfel nie.
• Jesus het vir jou by die Vader ingetree en vergifnis vir jou sondes gekry.
• Aanvaar dit en begin elke dag van voor af ander mense ook te vergewe.
• God vergewe jou waar jy verkeerd doen, NET SOOS jy mense vergewe wat nie teenoor jou reg optree nie (Matt 6:12).
• Leef so dat mense kan sien jy het hulle vergewe.
• Rus in God se vrede.

Gebed 

Liewe Vader, gee my ‘n nuwe lewe en laat ek vergewe soos U vergewe. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

8 Augustus

My wens en gebed vir jou vandag is om ‘n nuwe lewe in Christus te begin. Hier is die boodskap uit die Bybel vir jou.

Tema: ‘n Nuwe lewe

Teks: “Wie vir die Here is, kom hier na my toe” (Eks 32:25)

• Jy kry altyd weer ‘n kans om dinge reg te stel – ‘n tweede, ‘n derde en soms selfs meer kanse.
• Twyfel laat jou wonder of God en mense vir jou meer as een kans sal gee.
• Al het jy verkeerd opgetree, aanvaar die geleentheid om oor te begin. Gryp dit met jou hele hart aan, en verander jou gedrag!
• Hierdie vertroue en geloof gee die selfvertroue om met ‘n nuwe lewe te begin.  Jou nuwe lewe het al reeds begin. Wees vry en leef vry!

Gebed 

Liewe Vader, baie dankie dat U my in Jesus Christus ‘n nuwe kans en nuwe lewe gee. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

7 Augustus

My wens en gebed vir jou vandag is om nie van die Here af weg te draai nie. Hier is God se Woord vandag vir jou.

Tema: Bly naby die Here

Teks: “Kom maak vir ons ‘n god dat hy ons kan lei” (Eks 32:1)

• As jy wag vir die waarmaak van God se planne – bly geduldig. Moenie ongeduldig word nie.
• Ongeduld maak dat jy teen God en Sy planne kies – dan hoor jy Hom glad nie meer nie.
• Soms is daar plekke in jou lewe waar jy van die Here wegdraai omdat jy jou eie planne bo Hom stel.
• Neem ‘n kort tydjie – 30 sekondes – bid, “Here laat my na U wil terugkeer”.       Begin om weer die wil van God te doen – stap agter Hom aan!

Gebed

Liewe Vader, gee my wysheid en insig om raak te sien waar ek U nie volg nie. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

6 Augustus

My wens en gebed vir jou vandag is om altyd in God se teenwoordigheid te bly. Lees God se Woord vandag – dit is vir jou.

Tema: Bly in God se teenwoordigheid

Teks: “Die magtige teenwoordigheid van die Here het op Sinaïberg gebly… ” (Eks 24:15)

• Die Here is jou Beskermer, Helper en Versorger.
• Jy is elke oomblik, elke minuut, uur en dag in die magtige teenwoordigheid van die Here.
• Leef binne hierdie magtige teenwoordigheid van die Here God.
• Hy sal jou slegste situasie in die beste situasie omskep.

Gebed 

Liewe Vader, maak my bekwaam om te leef asof ek in U magtige teenwoordigheid is. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

5 Augustus

My wens en gebed vir jou vandag is om te onthou dat die Here altyd vir jou sal sorg. Dit is ‘n boodskap uit die Bybel vir vandag.

Tema: Die Here sal altyd vir jou sorg

Teks: “Hulle het soos een man gesê: Ons sal alles doen wat die Here beveel het (Eks 24:3)

• Die Here sal jou altyd beskerm en help.
• Wees getrou en doen alles wat die Here binne jou vermoë gee om te doen – volg Hom!
• Elke goeie geskenk kom van Hom af.
• Jou geloof, vertroue en gehoorsaamheid sal beloon word.
• Wees gelukkig. Leef met innerlike vrede. Geniet God se rus.

Gebed 

Liewe Vader, dankie dat U Gees my help om U wil te doen.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

4 Augustus

My wens en gebed vir jou vandag is dat jy sal leer om nie ander se goed te begeer nie. Hier is ‘n boodskap van die Heilige Gees vir jou.

Tema: Woestyntyd – leer om tevrede te wees met wat jy het.

Teks: “Jy mag nie iemand anders se huis begeer nie…” (Eks 20:17)

• Die Here gee vir jou besittings, wees tevrede daarmee (Fil 4:11).
• Ontevredenheid lei daartoe dat jy planne maak om ander se eiendom te neem. Dis sonde.
• Waardeer eerder iemand anders se eiendom as ‘n geskenk wat hulle van God ontvang het.
• Dank, prys, loof en eer die Here vir wat jy en ander mense gekry het.

Gebed

 Liewe Vader, help my om tevrede te wees met dit wat U vir my gegee het. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

3 Augustus

My wens en gebed vir jou vandag is dat jy altyd eerlik sal wees. Geniet God se boodskap vandag.

Tema: Woestyntyd – leer om altyd eerlik te wees

Teks: “Jy mag nie vals getuienis teen ‘n ander gee nie” (Eks 20:16)

• Ons is God se beeld en Sy verteenwoordigers.
• Hanteer alle ander mense met respek en menswaardigheid.
• Jy mag niemand voortrek nie, ook mag jy nie valshede vertel nie, of die waarheid verdraai om jouself of vriende te bevoordeel of beskerm nie.
• God het nie witbroodjies of gunstelinge nie – jy moet ook so optree (Rom. 2:11).
• God die Regverdige hanteer almal dieselfde, ongeag klas, finansies, ras, kleur of taal.  Bring ‘n glimlag om mense se gesig deur hulle mooi te hanteer. Maak soos die Here maak.

Gebed 

Liewe Vader, dankie dat ek ook eerlik kan wees.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

2 Augustus

My wens en gebed vir jou vandag is dat jy soos gister, ook sal onthou om ander se besittings te respekteer. Hier is God se Woord vandag vir jou.

Tema: Woestyntyd – leer ander se besittings te respekteer

Teks: “Jy mag nie steel nie” (Eks 20:15)

• Alles behoort aan die Here; Hy gee aan elkeen soos Hy goed dink om te gee.
• Alle vorme van onregmatige toe-eiening is diefstal, ook belastingontduiking.
• Waar armoede tot steel lei, is dit jou verantwoordelikheid om te help.
• Hoe meer ons mekaar help, hoe minder sal daar diefstal en geweld wees.
• Hoe meer ons mekaar help, hoe meer geluk en rustigheid sal daar ook wees.

Gebed 

Liewe Vader, gee my genade dat ek ‘n vredemaker sal wees. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

1 Augustus

My wens en gebed vir jou vandag is dat jy sal leer om ander se besittings te respekteer. Dit is ‘n boodskap uit die Woord van God wat spesiaal vir jou gegee word.

Tema: Woestyntyd – leer ander se besittings te respekteer

Teks: “Jy mag nie steel nie” (Eks 20:15)

• Die Here stel belang in jou doen en late.
• Soos jy leef, weet dan, die Here besit alle silwer en goud (Spr. 30:8b).
• Hy gee besittings uit genade, selfs aan sommige meer as ander
• Jaloesie, gierigheid, nood en honger lei dikwels tot diefstal en onregmatige wins.
• Deur mekaar te help, verminder jy geweld en diefstal.
• Deur mense te help bevorder jy vrede in die gemeenskap.

Gebed 

Liewe Vader, gee my genade sodat ek nie steel nie en altyd U wil gehoorsaam. In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.