28 Mei
Liewe Vriend
Vandag wil God jou help om jou naaste se menswaardigheid te respekteer — Hier is God se Boodskap net vir jou vir vandag.
Tema: Respekteer ander se goed.
Teks: “Respekteer ander se eiendom. Moenie… mense … uitbuit nie. Die Here is hulle helper. Hy sal vir hulle sorg en jou straf.” (Spr. 23:10-11 – Die Boodskap)
- Die Here is regverdig. Hy verlaat jou nooit as jy eerlik en opreg leef nie — Hy bewaar jou vir altyd. (Ps. 37:28-29)
- God sien elke onreg wat gedoen word — Hy is die Helper van dié wat uitgebuit word. Hy staan vir hulle op.
- Hanteer ander se besittings asof dit jou eie is.
- Kies vandag om regverdig en eerlik op te tree — nie omdat jy bang is vir straf nie, maar omdat dit die regte ding is.
Gebed
Liewe Vader, dankie dat U die beskermheer van die kwesbare is — help my om vandag in alle eerlikheid en regverdigheid met ander se goed om te gaan.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.