Kategorie: Gemeente nuus

Gemeentenuus en Aktiwiteite van die NG Kerk Groot-Brakrivier

Gepubliseer op

Afkondigings 29 Januarie to 5 Februarie 2023

Afkondigings

Vandag – Sondag 29 Januarie 2023 :

• Baie welkom by die erediens wat vanoggend gelei word deur dr. Frans Hancke en ’n baie spesiale verwelkoming aan dr. Lesley Hayward wat vanoggend die doopplegtigheid waarneem.
• Ons verwelkom graag die familie en vriende van Stefan & Helga Hayward en hul dogtertjie Lillian Ruth wat vanoggend gedoop word.
• Ons skriflesing kom vanoggend uit 1 Joh. 2 verse 1 tot 11.  Die tema van die prediking is : Die ongemaklike toets.

• Spesiale Offer vir die Instituut vir Dowes by die deure.

JEUG :
Kategese vind plaas op Sondagoggende om 09:00.
Skakel asb. vir Pauline (079 557 8591) indien u enige verdere inligting verlang.

Nuwe lidmate in ons gemeente:
Ons nooi nuwe lidmate om asb. na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken. U is welkom om ons te kontak of te kom inloer by die kerkkantoor Maandae, Woensdae & Vrydae tussen 08:00 & 13:00.

Gebedsgidse:
Gebedsgidse vir Februarie 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.

Woensdag 1 Februarie 2023 :
• Klub 50+ hou hul eerste saam kuier vir 2023 op Woensdag 1 Februarie om 10:00 in die kerksaal.  Almal is baie welkom, ook nuwe intrekkers. Bring asseblief ‘n bordjie eetgoed saam.
Vir enige navrae, kontak Mariana (082 922 9291).

• Kooroefening - 17:15 by die orrel. Marida (082 471 0751). Alle belangstellendes is welkom.  

• Blokbyeenkoms om 18:00 in Blok 1 (Gonnakraal, Sorgfontein & Vlakte) by

Louis & René Vorster, Wolwedraai Boerdery, Sorgfontein (083 702 8639).

Donderdag 2 Februarie 2023 :
• Bloedskenk-geleentheid vanaf 15:00 tot 19:00 in die kerksaal
(Christo 083 447 9891).

Sondag – 5 Februarie 2023 :
• Prediker:  Ds. Danie Goosen.
• Spesiale Offer vir kinderhuise (Algemeen) Môreson by die deure.

Rek en strek oefEninge vir seniors :
Elke Dinsdag van 08:00 tot 09:00 is daar oefeninge vir seniors in die kerksaal. Nuwe lede is baie welkom.
Kontakpersoon: Piet Snyman (082 297 3476).

Omgeebediening : 
• In hierdie gemeente wil ons vir mekaar omgee. Ons wil weet van nood, siekte en eensames wat hulp en ondersteuning benodig.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas. Ons ondervind tans ‘n groot tekort aan groot inkopiedrasakke asook bydraes vir die kruideniers-pakkies soos blikkieskos, suiker, koffie, tee, pasta, skoonmaakmiddels soos gesigseep, tandepasta, skottelgoedseep, wasgoedseep, toiletpapier, ens.
• Enige persoon wat graag by die Omgeebediening betrokke wil raak skakel asb. vir Corrie Pieters (082 327 9527).

Ondersteuningsgroep :
Ons groep wil graag mense ondersteun met:
• Vervoer na doktersafsprake, of vir inkopies.
• Emosionele ondersteuning weens verlies van een of ander aard.

Soms het ’n mens net iemand nodig om te luister of by jou te sit.
Skakel ons by 081 039 8853 – Kontakpersoon Riana Briers.

• Inskrywings kan nog gedoen word vir die kursus in Pastorale Narratiewe Terapie vir 2023.  Finansiële bystand kan verleen word in dié verband vir mense in ons gemeente of breër gemeenskap. Vir meer inligting, kontak Riana Briers (Sel 081 039 8853).

Getuienisbediening :
Ons uitreikdatums vir Wolwedans vir die eerste kwartaal is:
8 en 22 Februarie, asook 8 en 22 Maart.

Ons nooi almal weereens uit om deel te neem aan die sopprojek en te help om 80 gesinne te kan bedien. Die voorsiening van sop is ’n deurlopende behoefte en ons vrieskaste is tans redelik leeg. Baie dankie vir u getroue ondersteuning.

Behoeftes vir Getuienisprojekte :

• Daar is ‘n dringende behoefte vir ’n fiets vir ‘n volwasse man.  Indien iemand hiermee kan help kan dit gedurende kantoorure by die kerkkantoor afgegee word / gereël word vir afhaal. Vir navrae skakel Aletia ( 084 783 1308).    

• Enige geestelike dagstukkieboeke wat u nie meer gebruik nie. Boeke kan by die kerkkantoor gedurende kantoorure afgegee word.    

• Die voorsiening van materiaal, gare, borduurgare, keramiek en wol is ook  ’n deurlopende behoefte en ons gee gereeld terugvoer van die produkte wat die mensies maak d.m.v. foto’s wat op die webblad geplaas word.

FEBA RADIO SA:  GEBEDSFOKUS – ONS BID VIR FEBA:

FEBA saai tans uit in meer as 145 tale in ongeveer 50 lande regoor die wêreld. Die uitsendings word vanuit 149 radiostasies en senders uitgesaai en ongeveer 2000 ure se programmering word per dag gedoen, 365 dae van die jaar. Hierdie indruk-wekkende statistieke is maar ’n klein deeltjie van die wonderwerk. Die groter wonder is daarin geleë dat honderde duisende mense daagliks hul lewens aan die Here Jesus Christus oorgee. FEBA doen baanbrekerswerk in die Christelike radio- en mediabediening en beplan om vanjaar nog meer van die mins bereikte lande te bereik.
Ons gebed vir die week: Bid dat God se voortgesette seën ook hierdie jaar op FEBA sal rus waar hulle die evangelie deur middel van radio-uitsendings aan die mees afgeleë gebiede op aarde verkondig. Bid dat God Sy guns sal betoon wanneer nuwe lisensies benodig word en dat programme ontwikkel word wat nog meer luisteraars sal bereik.

Die webtuiste (nggrootbrak.co.za)
29 Januarie 2023

  1. Skakel na die YouTube Preek van 29 Januarie 2023.
  2. Getuienisbediening:
    a) Terugvoer vanaf Lynette uit Madagaskar oor die tropiese storm bedreiging.
    b) Naaldwerk Projek.
    c) Christen vervolging wêreldwyd.
  3. Jeugbediening: Kategese opening 2023.
  4. Kommunikasiebediening: Stof tot nadenke: ”Vreugde en swaarkry.” ’n Kort boodskap vir die week.

Ons deurkollekte gaan vandag vir die Instituut vir Dowes

Ons het egter in 2020 gedurende die Covid pandemie opnuut weer besef hoe belangrik sosialisering vir die mensdom is, en dat ons mekaar fisies en geestelik nodig het. Dowes se grootste emosionele uitdaging is dat hulle uitgesluit kan voel te midde van gesprekke met horende vriende, en juis daarom is dit so wonderlik om te weet dat Dowes hul eie veilige gemeentes het waar hulle kan sosialiseer en verstaan word, en van God leer.

Sonder gemeentebydraes en ondersteuning van mense soos u word die geestelike Bediening aan Dowes wel baie beperk. Baie dankie dat u as gemeente dit verstaan en help om ‘n merkwaardige verskil te maak ten opsigte van die werksaamhede van die bogenoemde twee gemeentes.

YouTube Eredienste

YouTube eredienste is elke Sondagoggend om 07:00 beskikbaar op YouTube. Die skakel word per WhatsApp aan u gestuur. Alternatiewelik is die skakel ook op ons gemeente webwerf beskikbaar by https://www.nggrootbrak.co.za.

Ons dank u vir u volgehoue bydrae en ondersteuning van die werk van die Here.

Leraar: Danie Goosen (079 525 3624)

Posbus 9, Groot-Brakrivier, 6525  044 620 2205

e-pos: ngkgbr@mweb.co.za / tilliengk@live.co.za

Webbladadres: https://www.nggrootbrak.co.za

Bankbesonderhede: FNB tjekrekening

Rek Nr. 530 831 865 11

Takkode 210314

Gepubliseer op

Kategese opening 2023

Kategese Opening - NGK Groot-Brakrivier

Die jaar skop weg vir ons kategese met ‘n heerlike braai en kenmekaar geleentheid vir ons ouers, kinders en kategete. Ds. Danie Goosen het ‘n kort, treffende boodskap vir die Jeug gegee oor groei en hoe ons as Christene ook water nodig het, soos die plante, waarsonder niks kan groei nie. Daarna het Isabella Wolmarans, wat hard geywer het in die kerk se tuin die afgelope jaar, die kinders geneem om oor die plante in die tuin te gesels en hoe ons ook soos plante groei in God se tuin.

Ons Kategete vir die jaar is:

Lees meer “Kategese opening 2023”
Gepubliseer op

Wat is jou antwoord op God se belofte?

Antwoord op God se belofte

Ek is juis om hierdie rede begenadig, sodat Christus Jesus aan my as sondaar, al sy geduld kon betoon, as voorbeeld vir hulle wat in Hom sou glo met die oog op die ewige lewe”

1 Tim. 1: 16

Laas week het ons gekyk na die belofte van God, wat beloof het om ons harde harte te versag sodat ons met mede-menslike liefde die verskil in ons lewe aan almal om ons kan uitstraal. Ons is dus ook begenadig deur die liefde en geduld wat God aan ons betoon indien ons God se belofte ons eie maak.

Lees meer “Wat is jou antwoord op God se belofte?”
Gepubliseer op

Afkondigings – 22 -29 Januarie 2023

Afkondigings - NGK Groot-Brakrivier

Vandag – Sondag 22 Januarie 2023:

  • Baie welkom by die erediens en ’n spesiale verwelkoming aan familie en vriende van Corné en Anneke Mulder en hul seuntjie Harley wat vanoggend gedoop word.
  • Ons skriflesing kom vanoggend uit Matt. 4:12-23. Die tema van die prediking is : Geroep om te groei en te laat groei!
  • Spesiale Offer by die deure vir die Gemeente-Instandhoudingsfonds.
Lees meer “Afkondigings – 22 -29 Januarie 2023”
Gepubliseer op

WÊRELDWAARNEMINGSLYS: EEN UIT SEWE CHRISTENE LEEF MET HOË VLAKKE VAN VERVOLGING

Kerkbode Geopende deure: Christen vervolging

Meer as 360 miljoen. Dié syfer verteenwoordig die hoogste vlakke van vervolging van Christene sedert Geopende Deure Internasionaal 30 jaar gelede met ’n jaarlikse Wêreldwaarnemingslys begin het.

Dié lys wys die top 50 lande waar Christene die ergste vervolging weens hulle geloof ervaar en skep bewustheid oor die swaarkry wat vervolgde Christene elke dag beleef.

Die nuutste data wys dat een uit elke sewe Christene wêreldwyd (een uit vyf in Afrika, twee uit vyf in Asië) met baie hoë of uiterste vlakke van vervolging leef.

Christen-vlugtelinge uit Noordoos-Nigerië.

Noord-Korea is terug in die topposisie nadat Afganistan verlede jaar daar ingeskuif het weens die Taliban-oorname van die land in 2021. Voor dit was Noord-Korea vir 20 jaar in die eerste posisie (2002-2021).

Een van die grootste bekommernisse op vanjaar se lys sluit in dat ’n humanitêre krisis in sub-Sahara Afrika dreig weens godsdienstig gemotiveerde geweld. Net meer as 5 000 Christene is in 2022 oor godsdienstige redes in Nigerië vermoor – ’n skokkende 89% van die internasionale totaal.

Hierdie vlaag van geweld is besig om kommerwekkend vinnig deur die res van die streek te versprei tot sover suid as Mosambiek.

Wêreldwaarnemingslys: Lees meer daaroor hier.

Hierdie artikel het verskyn in die Kerkbode.

Lees die Kerkbode direk op jou foon deur een van die volgende:

https://kerkbode.christians.co.za/e-koerant/
Gepubliseer op

Nuusflitse Week 4+ van 2023

Nuusflitse

Sondag – 29 Januarie 2023: Erediens 09:00 Kategese 09:00 Prediker:  Dr. Frans Hancke. Doop.
Omgeebediening:Enige persoon wat graag betrokke wil raak skakel asb. vir Corrie Pieters (082 327 9527)
Ondersteuningsgroep: Skakel ons by 081 039 8853 – Riana Briers
Getuienisbediening: 25 Januarie, 8 en 22 Februarie, asook 8 en 22 Maart.
Klub 50+  Woensdag 1 Februarie 2023 om 10:00 in die kerksaal
Rek en strek oefEninge vir seniors Elke Dinsdag van 08:00 tot 09:00 in die kerksaal

Gepubliseer op

Stof tot nadenke: ‘n Belofte van God

Stof tot nadenke: 'n Belofte van God

En Ek sal julle ‘n nuwe hart gee en ‘n nuwe gees in julle binneste gee; en Ek sal die hart van klip uit julle vlees wegneem en julle ‘n hart van vlees gee.En Ek sal my Gees in julle binneste gee en sal maak dat julle in my insettinge wandel en my verordeninge onderhou en doen”

Eség. 36: 26-27

In hierdie Nuwe lewensjaar kom bevestig God weer sy belofte wat Hy in Eségiël 36 aan ons belowe het. Dit is nie in ons om self die veranderinge te bewerkstellig nie, maar God beloof dat Hy ons ongenaakbare harte sal verander en ons harte sal gee wat ‘n deernis vir ander mense sal openbaar. God sal hierdie verandering in ons lewens bewerkstellig. Hy sal ons tot ander insigte bring.

Lees meer “Stof tot nadenke: ‘n Belofte van God”
Gepubliseer op

Vakature: ADMIN- EN KOMMUNIKASIE-BEAMPTE (SKRIBA)

Vakature - NGK Groot-Brakrivier

Die NG Kerk Groot-Brakrivier adverteer hiermee ‘n pos vir ‘n
ADMIN- EN KOMMUNIKASIE-BEAMPTE (SKRIBA).
 God roep ons gemeente om ons visie “Jesus vir ons, vir almal ” intern en
ekstern te leef en die suksesvolle kandidaat moet hierdie roeping bemark en
kommunikeer.
 Pligte sluit in: administrasie; afneem, tik en verspreiding van notules asook
ander sekretariële werk; skakeling met personeel, lidmate en die publiek;
registerhouding; korrespondensie; bedryf van mediaplatforms, bemarking en
media skakeling.
VEREISTES VIR DIE POS BEHELS ONDER MEER:

 ‘n Gelowige wat met ons gemeente se roeping kan assosieer en lojaal sal wees.
 Iemand met goeie interpersoonlike vaardighede wat in ‘n span kan saamwerk en wat
met verskeie mense doeltreffend kan kommunikeer.
 Kennis en vaardigheid m.b.t. administratiewe take, toepaslike rekenaarprogramme,
sosiale media, gedrukte media en bemarking.

Aansoeke moet ‘n kort motiveringsbrief – met die vereistes hierbo in ag geneem – en ‘n
kort CV insluit.
Salaris is gebaseer op sinodale riglyne en posstruktuur.
Werksure is Maandae, Dinsdae, Woensdae en Vrydae vanaf 08:00 tot 13:00, asook enkele
na-uurse verpligtinge vir die afneem van notules by kerkraads- en bestuursvergaderings
en die bywoon van gemeente- en dankfeeste.
Aansoeke moet voor 09:00 op Maandag 23 Januarie 2023 elektronies by
ngkgbr@mweb.co.za ingedien word.
Navrae:
Mnr. Willem du Preez (082 823 5988)
Me. Alfreda Stander (083 444 4724)

Gepubliseer op

Madagaskar Sendingnuus: pic of the week #6

Lynette Madagaskar

We want to wish you a happy and peaceful 2023. Thank you for your love and support in difficult times. We appreciate you.

Hebrews 12:1-2

“Therefore, since we are surrounded by so great a cloud of witnesses, let us also lay aside every weight, and sin which clings so closely and let us run with endurance the race that is set before us, looking to Jesus, the founder and perfecter of our faith, who for the joy that was set before Him endured the cross, despising the shame, and is seated at the right hand of God.”

Lees meer “Madagaskar Sendingnuus: pic of the week #6”
Gepubliseer op

Radio FEBA gebedsgids vir Januarie 2023

FEBA Gebedsfocus

Sondag 1 Januarie: Bid dat FEBC Taiwan se nuwe kinder- en jeugprogramme, “Fun After School” en “Bible Unboxing”, kinders na Jesus toe sal lei.
Maandag 2 Januarie: Wetgewing in Japan verbied enige godsdienstige organisasie om uitsaaitorings te besit. FEBC Japan, die enigste Christelike uitsaaier in die land, saai uit vanaf Jeju Eiland in Suid-Korea. Bid asseblief dat FEBC Japan se programme nog baie verder sal reik.

Lees meer “Radio FEBA gebedsgids vir Januarie 2023”
Gepubliseer op

Stof tot Nadenke: ‘n Nuwe Jaar en ‘n Nuwe Lewe…

Stof tot nadenke Nuwe Jaar - NGK Groot-Brakrivier

“Aan God, die Vader van ons Here Jesus Christus, kom al die lof toe! In sy groot ontferming het Hy ons die nuwe lewe geskenk deur die opstanding van Jesus Christus uit die dood”

1 Pet. 1: 3

Nog ‘n Jaar is verby, maar ons lewe met die verwagting van ‘n hoopvolle toekoms. Die Nuwe Jaar lê voor ons, soos ‘n nuwe bladsy. Dit laat ons weereens met die keuse om die Nuwe Lewe wat God aan ons bied, in 2023 met alles in ons aan te gryp. God, die Vader het Hom oor ons omtferm. Hy het ons so lief dat Hy sy enigste Seun reeds meer as 2 duisend jaar gelede gestuur het, om dit vir ons moontlik te maak om die Nuwe Lewe, wat ons slegs deur in Hom te glo, kan ontvang. Ons kry dus weereens die kans om ons keuses te hernu of te verander.

Lees meer “Stof tot Nadenke: ‘n Nuwe Jaar en ‘n Nuwe Lewe…”
Gepubliseer op

Stof tot nadenke: Johannes kondig Jesus se koms aan

Stof tot nadenke

Johannes 1:1-34

1 In die begin was die Woord,
en die Woord was by God,
en die Woord was God.
2 Hy was in die begin by God.
3 Alles het deur Hom ontstaan,
en sonder Hom het selfs
nie een ding wat bestaan,
ontstaan nie.
4 In Hom was lewe,
en dié lewe was die lig vir die mense.
5 En die lig skyn in die duisternis,
en die duisternis kon dit nie uitdoof nie.

6 Daar was ‘n man, gestuur deur God, wie se naam Johannes was.

7 Hy het tot ‘n getuienis gekom om van die lig te getuig, sodat almal deur hom kon glo.

8 Hy was nie die lig nie, maar hy moes van die lig getuig.

9 Die ware lig wat elke mens verlig,
was aan die kom na die wêreld.

10 Hy was in die wêreld,
en die wêreld het
deur Hom ontstaan,
en tog het die wêreld
Hom nie erken nie
11 Hy het gekom na wat syne was
en tog het sy eie mense
Hom nie aanvaar nie.

12 Maar aan almal wat Hom
aanvaar het,
het Hy die reg gegee
om kinders van God te word –
hulle wat in sy Naam glo.

13 Hulle is nie uit bloed nie,
ook nie uit liggaamlike drang nie,
ook nie uit die wil van ‘n man nie,
maar uit God gebore.

14 En die Woord het vlees geword
en onder ons kom woon,
en ons het sy heerlikheid aanskou,
‘n heerlikheid soos dié
van die unieke Seun van die Vader –
vol genade en waarheid.

15 Johannes getuig oor Hom en roep uit: “Hý is die Een van wie ek gesê het, ‘Hy wat ná my kom, is my voor, omdat Hy die eerste was.’ ”

16 Uit sy volheid het ons almal genade ontvang – ja, genade op genade.

17 Want die wet is deur Moses gegee die genade en die waarheid het deur Jesus Christus gekom.

18 Niemand het God nog ooit gesien nie; die unieke Seun, self God, wat teen die bors van die Vader is, Hy het Hom bekend kom maak.

Getuienis van Johannes die Doper

19 En dit is die getuienis van Johannes toe die Jode priesters en Leviete uit Jerusalem na hom gestuur het om hom te vra: “Wie is u?”

20 Hy het verklaar, dit nie ontken nie, maar openlik verklaar: “Ek is nie die Christusl nie.”

21 Hulle vra hom toe: “Wat dan? Is u Elia?” En hy sê: “Ek is nie.” “Is u dié Profeet?” En hy antwoord: “Nee!”

22 Hulle sê toe vir hom: “Wie is u? Ons moet ‘n antwoord verskaf aan hulle wat ons gestuur het. Wat het u oor uself te sê?”

23 Hy antwoord toe,

“Ek is ‘die stem van een
wat uitroep in die woestyn
“Maak die pad van die Here reguit!”’ –
“soos die profeet Jesaja gesê het.”

24 Daar was ook afgevaardigdes uit die geledere van die •Fariseërs,

25 en hulle het hom gevra: “As u nie die Christus of Elia of die Profeet is nie, waarom doop u dan?”

26 Johannes het hulle geantwoord: “Ek doop met water, maar in julle midde staan daar Iemand vir wie julle nie ken nie.

27 Hy is die Een wat ná my kom, en ek is nie werd om die riempies van sy sandale los te maak nie.”

28 Dit het oorkant die Jordaan in Betanië gebeur, waar Johannes besig was om te doop.

Jesus die Lam van God

29 Die volgende dag sien Johannes Jesus na hom toe kom, en hy sê: “Kyk, die Lam van God wat die sonde van die wêreld wegneem!

30 Hy is die Een van wie ek gesê het, ‘Ná my kom ‘n Man wat belangriker as ek is, omdat Hy voor my was.’

31 Ook ek het Hom nie geken nie, maar juis daarom het ek gekom en doop ek met water, sodat Hy aan Israel bekend gemaak kan word.”

32 En Johannes het getuig: “Ek het die Gees uit die hemel sien neerdaal soos ‘n duif, en Hy het op Hom gebly.

33 Ook ek het Hom nie geken nie, maar Hy wat my gestuur het om met water te doop, Hy het vir my gesê, ‘Hy op wie jy die Gees sien neerdaal en bly, dit is Hy wat met die Heilige Gees doop.’

34 En ek het gesien en getuig, ‘Hy is die •Seun van God

Skrifaanhalings geneem uit:
die Bybel in Afrikaans 2020-vertaling
© Bybelgenootskap van Suid-Afrika 2020.
Gebruik met toestemming.
Alle regte voorbehou.
www.bybelgenootskap.co.za / www.biblesa.co.za.
Kontak:
copyright@biblesociety.co.za

Gepubliseer op

Gebedsgids Januarie 2023

Gebed

GEBEDSGIDS – JANUARIE 2023

Here, stort U seën oor my uit, vergroot my grondgebied, neem my onder U beskerming en weerhou onheil van my, sodat geen smart my tref nie. (1 Kron. 4 :10)

Sondag 1 Januarie – ‘n Nuwe Jaar

Mag dit deur ons gebede en optrede wees dat mense ervaar ons is van God. Mag die nuwe jaar die begin wees van alle dinge wat nuut is in Christus. Vra dat ons as bidders getrou sal wees om te bid vir die Koninkryk van God en dat Jesus Here van alle mense sal word.

Maandag 2 Januarie – Getuie wees

Lees meer “Gebedsgids Januarie 2023”
Gepubliseer op

Afkondigings 18 Desember 2022 – 8 Januarie 2023

Afkondigings

Sondag – 18 Desember 2022:

  • Prediker:  Ds. Danie Goosen.
  • ’n Spesiale verwelkoming aan familie en vriende van die volgende ouerpare wie se babas vanoggend gedoop word:
     Anró & Wilmarié Boshoff (dogtertjie – Chrisendrie Zelmari).
     Johan & Danica de Klerk (seuntjie – Daniël Petrus).
     Emile & Phelia Klopper (dogtertjie – Margot Alette).
     Paul & Marli Delport (seuntjie – Leon Christiaan).
  • Spesiale Offer vir die Bybelgenootskap by die deure.

Nuwe lidmate in ons gemeente:

Ons nooi nuwe lidmate om asb. na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken. U is welkom om ons te kontak of te kom inloer by die kerkkantoor Maandae, Woensdae & Vrydae tussen 08:00 & 13:00.

Gebedsgidse:

Gebedsgidse vir Desember 2022 is beskikbaar in die voorportaal.

Gebedsgids vir Januarie 2023 sal vanaf 26 Desember op die Webtuiste beskikbaar wees

Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar. Januarie 2023 se gebedsgidse sal ook later in Desember beskikbaar wees.

Desember eredienstye:

Daar sal gedurende Desember slegs een erediens om 10:00 Sondae wees, met uitsondering van 25 Desember – Kersdag. Kersdag eredienstye is 07:00; 08:00; 09:00 & 10:00.

Sluiting van die Kerkkantoor:
Die kerkkantoor sal gesluit wees vir die tydperk 15 Desember 2022 tot 3 Januarie 2023.

31 Desember – Oujaarsdiens:
Die Oujaarsdiens sal om 18:00 plaasvind in die kerkgebou en nie om 23:30 soos op die kalender aangedui nie.

VANAF 1 JANUARIE 2023 BEGIN EREDIENSTE OM 09:00

Sondag – 1 Januarie 2023:
• Prediker:  Dr. Frans Hancke.
• Spesiale Offer vir die Gemeente Instandhoudingsfonds.

Ondersteuningsgroep:

Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons by 081 039 8853 – Kontak persoon Riana Briers.

Getuienisbediening:
Baie dankie aan almal wat so getrou deur die jaar betrokke was, op watter basis ookal, om te help met ons uitreike na Wolwedans asook ons sendelinge. Met u ondersteuning het dit ’n groot verskil in die lewens van kinders en bejaardes gemaak.

Kersprojek vir Wolwedans:
Baie dankie aan elkeen wat gehelp het om hierdie projek weer ‘n sukses te   maak  - deur voorbidding, bydraes en pakkies te pak. Ons kon Woensdag  wegry met die wete daar is blymoedige harte en groot dankbaarheid by    ten minste 120 mense met wie ons die liefde van Jesus kon deel.


• D&M van Himalayas se kalenders is ontvang en is beskikbaar by die kerkkantoor teen R120 elk.  Dit is ’n manier hoe ons hulle kan ondersteun vir die werk wat hulle doen met die uitdra van die Evangelie in moeilike omstandighede.

OMGEEBEDIENING: 

Gevulde Kersflesse vir kospakkies

Ons is sò dankbaar! Ons het 40 flesse uitgegee aan die gemeente om met iets lekkers vir Kersfees gevul te word.  Ons het 86 gevulde flesse terug ontvang. Hierdie gemeente is fantasties!!!! Baie-baie dankie. Die omgeebediening waardeer julle. Aan die einde van hierdie jaar wil ons ook vir almal bedank wie ‘n bydrae tot die bediening gelewer het, hetsy deur te werk, te luister, of enige iets te skenk. Sonder julle sal dit vir ons baie moeilik wees om ons opdrag te gehoorsaam.

Bloedskenking
Met die bloedskenking geleentheid op 24 November 2022 is 58 volpinte bloed geskenk. Baie dankie daarvoor, u skenking kan lewens red. Ons sal u in kennis stel wanneer die volgende geleentheid plaasvind.

Mosambiek het tans ‘n bevolking van sowat 33,2 miljoen mense waarvan 18 miljoen Christene is. Die aantal Christene mag indrukwekkend voorkom, maar die Islamitiese ekstremiste wat Christene vervolg, kan veroorsaak dat baie van die mense bang is om van Islam te bekeer en met Christus te wandel. Gewelddadige aanvalle wat ten doel het om hulle invloed en beheer te versprei, het al die lewens van baie gelowiges geëis. FEBA Mosambiek help om hoop te bring en die nodige hulpbronne te verskaf deur radio’s, oudiobybels asook voedsel uit te deel. Die stasies help ook weduwees om hulle eie gewasse te verbou as ‘n manier om ‘n inkomste te verdien en so te oorleef.

(Inligtingsbron:https://www.opendoorsuk.org/persecution/world-watch-list/mozambique/ )

Ons gebed vir die week: Bid dat God ons uitsaaiers as invloedryke stemme sal gebruik in die Zambezi-gemeenskap, waar hulle twee nuwe stasies, Voice of Hope en Impact FM, se uitsendings geniet.

Die webtuiste (nggrootbrak.co.za)

Nuut op 11 Desember 2022

  1. Link na die YouTube Preek van 11 Desember 2022.
  2. Kerssangdiens: ‘n Link na die video van die Kerssangdiens is beskikbaar op die webtuiste.
  3. Kommunikasiebediening: “Stof tot nadenke: ‘Feestyd saam met God’”. ‘n Kort boodskap vir die week.
    • Neem kennis dat enige verdere afkondigings oor die plasings op die webtuiste eers weer vanaf 8 Januarie beskikbaar sal wees.
    • Die YouTube preke van 18 Desember en 8 Januarie 2023 sal deur die vakansietyd op YouTube beskikbaar gestel word.

YouTube Eredienste

YouTube eredienste is elke Sondagoggend om 07:00 beskikbaar op YouTube. Die skakel word per WhatsApp aan u gestuur. Alternatiewelik is die skakel ook op ons gemeente webwerf beskikbaar by https://www.nggrootbrak.co.za.

Ons dank u vir u volgehoue bydrae en ondersteuning van die werk van die Here.

Leraar: Danie Goosen (079 525 3624)

Posbus 9, Groot-Brakrivier, 6525  044 620 2205
e-pos: ngkgbr@mweb.co.za / tilliengk@live.co.za
Webbladadres: https://www.nggrootbrak.co.za

Bankbesonderhede: FNB tjekrekening
Rek Nr. 530 831 865 11
Takkode 210314

Privaatheidsbeleid Trots aangedrewe deur WordPress