Erediens
Prediker: Ds. Leon Cronje
Skriflesing: Johannes 11: 1-44
Tema: Doodsreuk of Hoopreuk
Datum: 22 Maart 2026
Doodsreuk of Hoopreuk! Ds. Leon Cronje. Johannes 11: 1 – 44. Sondag 22 Maart 2026
Stof tot nadenke: Diensbaar
“Wysheid begin met die dien van die Here; wie die Heilige ken, het werklik insig.”
Spr. 9: 1083
Wat verstaan ons onder diensbaar?
Diensbaar is om gewillig, hulpvaardig en nuttig te wees in die diens van ander. Dit gaan dikwels gepaard met ‘n gesindheid van nederigheid en liefde. Dit beteken om ‘n direkte besluit te neem, om gawes wat jy van God ontvang het, te gebruik om God en medemens te dien. Selfs of juis sonder om erkenning te soek. Dis werklik ‘n moeilike keuse om te maak vir baie van ons. Ons wil almal so graag erkenning hê vir wat ons doen, of dit nou diensbaarheid of enige ander aktiwiteit is waar ons voel dat ons iets beteken.
Moeder Teresa, die rolmodel van diensbaarheid, het dit so goed beskryf: ‘God roep jou nie om ‘n sensasie te word nie, Hy roep jou om ‘n dienskneg te wees.’ Ook die aanhaling van Martin Luther verwoord die konsep van om diensbaar te wees, baie goed. ‘’n Christen is absoluut vry: meester van almal; onderdanig aan niemand. ‘n Christen is ook absoluut gebonde: dienskneg van God en diensbaar aan almal.’
Dit is ‘n opdrag wat ons soms in ons spore laat vassteek. Sal ek dit kan doen? Sal ek iemand anders se behoeftes voor my eie kan stel? God verwag dit egter van ons, en het Sy Seun, Jesus Christus gestuur om die uiterste diensbaarheid vir ons te kom demonstreer.
Teksverse:
“Wie opreg lewe, dien die Here; wie krom paaie loop, het nie eerbied vir die Here nie.” (Spr. 14: 283);
“Wie die Here dien, het daarin ‘n veilige toevlug, en ook sy kinders vind daar skuiling. Wie die Here dien, vind daarin ‘n bron van lewe; en dit laat jou die strikke van die dood ontkom.” (Spr. 14: 26-2783);
Gesindheid
Om diensbaar te wees, moet ons die regte gesindheid kweek. Daar is ‘n anonime aanhaling wat goed verduidelik hoe ons die regte gesindheid kan kry. ‘Die sleutel tot ‘n goeie gesindheid is om God toe te laat om ons gedagtewêreld te beheer, eerder as om ons eie sondige natuur beheer daaroor te gee.’ Ons moet onsself dissiplineer om almeer soos Jesus Christus te word.
Die keuse vir die regte gesindheid, is iets wat ek as mens, elke dag moet kies. Elke uur, elke dag, tussen die dinge wat ek kán doen, wat ek wil doen, en wat ek móét doen. Dis wanneer mens aktief besluit het om jou gesindheid te verander, dat God ons bystaan deur die Heilige Gees. Dan sal ons hierdie gesindheid suksesvol in ons lewens kan kweek.
Dan sal ons al hoe meer soos Jesus Christus kan wees. Dit sal ons help om gewillig, nederig en met liefde, mekaar te dien, sodat die Koninkryk van God uitgebou kan word.
Teksverse:
“Laat dan die gesindheid wat daar in Christus Jesus was, ook in julle wees: Hoewel Hy in die gestalte van God was, het Hy gelykheid aan God nie beskou as iets om aan vas te klem nie, maar Hy het homself daarvan leeggemaak, deur die gestalte van ‘n slaaf aan te neem en aan mense gelyk te word.” (Fil. 2: 5-720)
“Hoewel ek vry is en van niemand afhanklik nie, het ek my aan almal diensbaar gestel om soveel as moontlik vir Christus te wen.” (1 Kor. 9: 1983);
“Maar, noudat julle van die sonde vrygemaak is en diensbaar aan God geword het, lewer julle die vrug van heiligmaking, en die uiteinde hiervan is die ewige lewe.” (Rom. 6: 2220);
“Maar aangesien ons gesterf het, is ons nou vrygestel van die wet waarin ons vasgevang was, sodat ons diensbaar kan wees in die nuwe bedeling van die Gees, en nie in die ou bedeling van die letter van die wet nie.” (Rom. 7: 620);
“Maar ek dissiplineer my liggaam en maak dit diensbaar, sodat ek nie, terwyl ek vir ander gepreek het, dalk self gediskwalifiseer word nie.” (1 Kor. 9: 2720)
Om God te dien
Die belangrikste is egter dat ons al hoe meer diensbaar aan God moet word. Net soos Jesus Christus diensbaar was om vir ons aan die Kruis te kom sterf. God se liefde vir ons is soms vir ons as mense onverstaanbaar, omdat ons so moeilik ander aanvaar en liefhet net soos hulle is. Ons moet egter ons gesindheid verander om meer en meer soos Jesus Christus te word.
Dis eers wanneer ons gesindheid reg is, dat ons volkome aan God en ons medemens diensbaar kan wees. Ons kan ons gesindheid vir ander mense verberg, maar God ken ons harte. Hy is alomteenwoordig en alomsienend. Ons kan nie ons gesindheid vir Hom wegsteek nie.
Om nederig te wees is noodsaaklik om diensbaar te wees. Ons moet gedurig waak, en ook hierin die voorbeeld van Jesus Christus volg. Ons gesindheid, waarmee ons dinge doen, is nie verborge vir God nie. Waak teen geestelike hoogmoed, want dit kan ‘n diensbare mens tot ‘n val bring.
Laat ons uitgaan en diensbaar wees. Allereers diensbaar aan God. In alles wat Hy van ons vra. Daarna sal ons, as gevolg van die verlossende genade van die kruisdood van Christus, en onder leiding van die Heiige Gees, met die regte gesindheid diensbaar kan wees vir ons medemens. Daar waar God ons heen lei.
Teksverse:
“Maar, U, Here, U ken my; U sien my en toets of my hart by U is.” (Jer. 12: 320);
“Maar Jesus het hulle nader geroep en gesê: “Julle weet dat die heersers van die nasies oor hulle baasspeel, en die maghebbers oor hulle gesag uitoefen. So mag dit nie by julle wees nie; maar wie belangrik onder julle wil wees, moet julle dienaar wees, en wie eerste onder julle wil wees, moet julle slaaf wees. Net so het die Seun van die Mens nie gekom om gedien te word nie, maar om te dien en sy lewe as losprys vir baie te gee.” (Matt. 20: 25-2820);
“Maar laat die belangrikste onder julle wees soos die geringste, en die een wat leiding gee, soos iemand wat dien. Want wie is belangriker, die een wat aan tafel aanleun, of die een wat bedien? Is dit nie die een aan die tafel nie? Ek, egter, is tussen julle soos iemand wat dien.” (Luk. 22: 26-2720);
“As iemand My wil dien, laat hy My volg; en waar Ek is, daar sal my dienskneg ook wees. As iemand My dien, sal die Vader hom eer.” (Joh. 12: 2620)
Lief en Leed Week 13 van 2026
Verjaarsdae
Baie geluk aan al ons verjaarsdag maats
Nuusflitse Week 13+ van 2026
Sondag 22 Maart 2026 : Erediens en Kategese om 09:00 – Kleuterkerk 09:00
Sondag 22 Maart 2026 : Alternatiewe Erediens om 17:00-18:00 in die kerksaal
Dinsdag 24 Maart 2026 08:00 tot 09:00: Rek en strek Oefeninge
Woensdag 25 Maart 2026 : Blokbyeenkoms van Blok 13 (Suiderkruis) vind om 18:00
Woensdag 25 Maart 2026 : Kooroefening by die orrel om 16:45.
Woensdag 25 Maart 2026: Wolwedans Boodskap Sop en Brood:
Donderdag 26 Maart 2026 : Bloedskenk in die saal 16:00-19:00
Sondag 29 Maart 2026 : Erediens om 09:00 – Ds Leon Cronje GEEN Kleuterkerk of Kategese nie.
11 April 2026 – Gholfdag
15 April 2026 – Bingo vir 60+ jariges
2 Mei 2026 – Gemeentefees
Lees die volledige afkondigings hier: Afkondigings 22 – 29 Maart 2026
Afkondigings 22 – 29 Maart 2026
Sondag 22 Maart 2026 :
- Baie welkom by die erediens gelei deur ds Leon Cronje.
- Ons skriflesing kom vanoggend uit Johannes 11:1-44.
- Die tema van die prediking is:Doodsreuk of Hoopreuk.
- Vyfde Lydensweek.
- Kleuterkerk in die konsistorie.
- Kategese.
- Spesiale offer vir Carpe Diem Skool by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Ds Leon Cronje.
- Alternatiewe Erediens om 17:00 in die kerksaal, gelei deur ds Leon Cronje.
Woensdag 25 Maart 2026 :
- Die Blokbyeenkoms van Blok 13 (Suiderkruis) vind om 18:00 plaas by Marelie van Zyl – Columbasingel 29. Kontak Whitey van der Merwe – E-Pos Kontak .
- Kooroefening by die orrel om 16:45. Marida – E-Pos Kontak . Alle belangstellendes welkom.
Donderdag 26 Maart 2026 :
Vrydag 27 Maart 2026 :
- Skole sluit.
Sondag 29 Maart 2026 :
- Erediens om 09:00 – Ds Herman Burger.
- Groot Lydensweek.
- Palm Sondag.
- GEEN Kleuterkerk. Ouers welkom saam met kinders in die konsistorie.
- GEEN Kategese.
- Spesiale offer vir Arbeidsbediening Mosselbaai by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Digitaal.
- Daar is GEEN Alternatiewe Erediens tydens die skoolvakansie nie.
Getuienisbediening :
Wolwedans boodskap, sop en brood
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 115 gesinne elke tweede week. Die laaste uitreikdatum vir die tweede kwartaal is 25 Maart. Die uitreikdatums vir die derde kwartaal is 8 & 22 April, 6 & 20 Mei en 3 & 17 Junie.
Behoeftes vir Getuienisprojekte
Die Getuienisbediening se uitreikarm na Wolwedans begin ‘n kunsvlyt projek en skenkings van die volgende sal ons baie help: skêre, ou tydskrifte, Pritt of gom, ou waterverf, akrielverf, ou kwassies, inkleurpotlode, naalde, garing, en wol. En dan is daar ook nood vir ‘n ou yskas en stoof of twee-plaat kookstofie. Baie, baie dankie vir u volgehoue meelewing, omgee en ondersteuning!
Gebedsbediening – Jou gebede maak ‘n verskil!
As Christene weet ons dat gebed die asemhaling van die gelowige is. Ons weet ook dat ons niks kan doen sonder die Here nie. Daarom bid ons ook vir die gemeente en vir mense wat siek is of swaarkry, maar ook vir gemeentelike bedrywighede en werk wat gedoen word tot aan die uithoeke van die aarde.
Ons weet dat daar lidmate is wat die gawe van voorbidding het. Daarom wil ons u nooi om, daar waar jy is, as voorbidder in te tree vir gemeentelike gebedsversoeke. Spesifieke gebedsversoeke sal per WhatsApp aan u gestuur word.
Indien u betrokke wil raak tree in verbinding met die kerkkantoor om jou kontakbesonderhede deur te gee. Hierdie gebedsversoeke vervang nie die maandelikse gebedsgids nie. Ons wil egter meer en meer ‘n biddende gemeente wees wat altyd staatmaak op God se leiding en krag. Kom bid gerus saam!
Eiendomsbediening :
Die Eiendomsbediening vra dat u asseblief geduldig sal wees met die gat in die plafon. Ons wil van die geleentheid gebruik maak om fout-opsporing te doen en toeganklikheid te verleen vir die herstelwerk aan die dak.
Omgeebediening :
- Indien u bewus is van iemand met nood, siekte of wat eensaam is en hulp benodig kontak u kerkraadslid of die kerkkantoor.
- Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
- Enige persoon wat graag by die Omgeebediening betrokke wil raak skakel asseblief vir Corrie Pieters – 082 327 9527.
Ondersteuningsbediening :
“Want ek het die ellendige gered wat om hulp geroep het, en die wees en hom wat geen helper het nie. Die seën van hom wat klaar was om onder te gaan, het op my gekom; en die hart van die weduwee het ek laat jubel.” Job 29:12-13(AFR33)
Ons voorsien hulp in die vorm van (onder andere) rygeleenthede na doktersafsprake, hulp met inkopies en ondersteuning aan eensames, want dit is God se hart vir die wees en die weerloses en as gemeente is dit ook ons hart vir ons medemens en gemeenskap.
Vir meer inligting kontak: Riana Briers – E-Pos Kontak / Riëtte Jansen van Rensburg – E-Pos Kontak .
Verlof
Neem asb kennis dat ds Charné Viljoen vir ’n paar dae met welverdiende verlof is (tot 27 Maart 2026). Kontak asb u blokleier, die kerkkantoor of vir ds Leon in dringende gevalle.
Nuwe Lidmate 2026:
Schoeman & Etresia Herbst van Groot-Brakrivier: Blok 05 (Kiewietlaan)
Baie welkom by ons gemeente.
“Laat die regverdige hom in die Here verbly en sy toevlug by Hom soek, laat al die opregtes Hom prys” (Ps. 64:11 Afr83).
FEBA RADIO SA: Ons bid vir FEBA Pakistan
Die oorlog in die Midde-Ooste het ‘n sterk reaksie in Pakistan ontlok en gelei tot anti-Westerse optogte. Volgens FEBA Pakistan se direkteur hou dit potensieel gevaar in vir gelowiges, want in Pakistan word Christenskap nog gesien as ‘n Westerse geloof en enige anti-Westerse gevoel kan maklik teen Christene draai.
Ons gebed vir die week: Bid vir God se vrede en beskerming oor FEBA Pakistan en ander gelowiges in die land. Vra dat Hy ‘n einde sal maak aan die oorlog in die Midde-Ooste en dat Hy die situasie in Pakistan ook tot bedaring sal bring.
Die Webtuiste (nggrootbrak.co.za)
Nuut op 22 Maart 2026
- Erediensbediening:
- Die skakel na die YouTube Erediens van 22 Maart 2026, deur Ds Leon Cronje, is beskikbaar.
- Getuienisbediening:
- Die 60-Plusser netwerk van Wolwedans: ‘n kort oorsig.
- Bybelstudiereekse:
- Palmsondag: Die Koning wat gekom het om te dien: Die diep betekenis van Palmsondag.
- ‘Skep asem vir vandag’ is ‘n goeie begin vir elke dag.
- Die Weeklikse: Stof tot nadenke se tema is: “Diensbaar”.
- Die weeklikse Afkondigings, asook Lief en Leed is op die webtuiste indien u wil seker maak van enigiets.
Ons dank u vir u volgehoue bydrae en ondersteuning van die werk van die Here.
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Kontak ons vorm
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Skep asem vir vandag. Bybel dagstukkie vir vandag: 21 Maart 2026
21 Maart
My gebed is dat jy moeite sal doen om gesonde verhoudings met alle mense te bou. Hier is God se Woord spesiaal net vir jou.
Tema: Hou jou verhoudings gesond.
Teks: “U het die mooiste dinge in die lewe vir my gegee. Ek kan nie uitgepraat raak oor al U wonderlike dinge nie. Dit maak my baie gelukkig.” (Ps. 16:6 – Die Boodskap)
- ‘n Christusgelowige word geroep om gesonde en positiewe verhoudings te bou – dit is ‘n deel van God se wonderlike plan vir jou lewe.
- Die mooiste dinge in die lewe sluit gesonde verhoudings in – koester dit en sorg daarvoor.
- ‘n Verhouding wat seer is, moet gesond word – wees bereid om die eerste stap te neem.
- Belê vandag bewustelik in jou verhoudings met jou gesin, vriende en kollegas – dit is ‘n belegging vir die ewigheid.
Gebed
Liewe Vader, baie dankie vir die mooi verhoudings wat U in my lewe geplaas het. Help my om hierdie verhoudings met liefde en respek gesond te hou en te koester.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 20 Maart 2026
20 Maart
My gebed is dat jy vandag in afhanklikheid teenoor God wat die onmoontlike moontlik maak, sal leef. Hier is God se Woord.
Tema: Die Here sal vir jou sorg.
Teks:“Alles wat die Here vir my gedoen het, maak my vol vreugde. Hy is die grootste geskenk wat ek nog ooit gekry het. U sorg vir my, Here.”(Ps. 16:5 – Die Boodskap)
- God is die grootste geskenk – al die ander goeie dinge kom van Hom af.
- Wanneer deure toemaak en dit lyk asof daar geen uitweg is nie, maak die Here die Almagtige, ‘n nuwe pad oop – Hy sal dit weer-en-weer-en-weer doen.
- Afhanklikheid van God is nie swakheid nie – dit is die wysste keuse wat jy ooit kan maak.
- Vier vandag die goeie dinge wat God in jou lewe gedoen het – wees vol van dankbaarheid.
Gebed
Liewe Vader, baie dankie dat U my grootste geskenk is en dat U altyd vir my sorg. Help my om in volle afhanklikheid van U te leef en te weet dat U nooit sal tekortskiet nie.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 19 Maart 2026
19 Maart
Ek bid dat jou lewe ‘n getuigskrif vir almal sal wees wat sien dat jy altyd net jou beste gee. Hier is Sy boodskap spesiaal vir jou.
Tema: Gee jou beste.
Teks: “Beskerm my, o God, want ek leef uit U hand. U pas my op.” (Ps. 16:1 – Die Boodskap)
- As jy onder God se beskerming leef, is jy vry om jou volle potensiaal te bereik.
- Glo dan, moenie bang wees nie.
- Gaan leer van diegene wat voor jou geleef het en altyd hul beste gegee het – hulle nalatenskap inspireer.
- Jou beste is genoeg – Die Here God vra nie die onmoontlike nie, Hy sal die onmoontlike vir jou doen.
- Wees vandag teenwoordig, toegewyd en voluit in alles wat jy doen – dit is hoe jy God deur jou werk verheerlik.
Gebed
Liewe Vader, baie dankie dat U my beskerm en oppas. Help my om vandag my absolute beste te gee in alles wat ek aanpak, tot U eer.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 18 Maart 2026
18 Maart
Ek hoop en bid dat jy heeltemal tevrede met die dinge wat God vir jou gee, sal wees. Hier is die Here se boodskap vir jou.
Tema: Die gevaar van jaloesie.
Teks: “Here, wie is werd om by U te mag wees? Wie mag in U huis instap, daar waar U spesiaal teenwoordig is?” (Ps. 15:1 – Die Boodskap)
- Jaloesie is soos ‘n giftige wortel wat jou lewe vernietig – dit steel jou vreugde en vrede.
- Jaloesie fokus op wat ander het; dankbaarheid fokus op wat God jou gegee het.
- Kies vandag dankbaarheid.
- Kyk en toets jouself: Beskadig jaloesie jou verhouding met God en met mense?
Gebed
Liewe Vader, baie dankie vir alles wat U vir my gegee het. Help my om jaloesie te laat vaar en tevrede te wees met die goeie dinge wat U in my lewe geplaas het.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 17 Maart 2026
17 Maart
Verwag die wonderwerke van God, sien dit raak. Ek bid dat jy dit selfs sal beleef. Hier is ‘n boodskap uit die Bybel vir jou.
Tema: Die Here gee altyd uitkoms.
Teks:“Dit is net ‘n baie dom mens wat dink God is nie daar nie… Ek bid dat die Here Sy kinders sal help. Dit sal hulle bly maak as Hy hulle gee wat hulle nodig het.” (Ps. 14:1, 7 – Die Boodskap)
- Die Here God kyk nooit weg wanneer jy sukkel nie – Hy sien jou nood en Hy gee uitkoms.
- ‘n Lewe sonder God is soos ‘n pad in die donker sonder ‘n lig – dit eindig in ‘n doolhof van verwarring.
- God se uitkoms kom nie altyd op die tyd of manier wat jy wil hê nie, maar dit kom – wag op Hom.
- Verwag ‘n wonderwerk in jou situasie – God is ‘n God van moontlikhede.
- Sy arm is nie te kort om jou te help nie.
Gebed
Liewe Vader, baie dankie dat U altyd uitkoms gee. Help my om U wonderwerke in my lewe raak te sien en te verwag dat U vir my uitkoms sal gee.
In Jesus se Naam. Amen.
© NG Kerk Lynnwoodrif – word gebruik met toestemming.
Die 60Plusser-Netwerk Wolwedans
Ontstaan en Verloop
Die 60Plusser-Netwerk in sy huidige formaat het afgeskop in Oktober 2025 as ‘n loodsprogram. Die begin was egter baie beskeie, en reeds agt jaar vantevore in ouma Rens se agterplaas in Wolwedans, onder haar wasgoedlyn! Dit was ‘n uitbreiding van die Getuienisbediening se sop uitdeel inisiatiewe. Na haar afsterwe is verskuif na ouma Miemie se kerkie, oorkant die Wolwedans Gemeenskapsaal waar verrigtinge tans weekliks plaasvind.
Bemoediging
Die aanvanklike idee dat slegs kwesbare, en meer verswakte bejaardes gehelp sal word by die byeenkomste, het vinnig plek gemaak vir ‘n meer evangeliserende doelwit vir die nagenoeg 24 vroue en 6 mans wat die weeklikse byeenkomste bywoon. Die klem het dus verskuif toe meer 60Plussers, wat nie noodwendig as “verswak” beskou kan word nie, die byeenkomste begin bywoon het. Bemoediging deur Skrifgefundeerde boodskappe, samesang en gebed (in klein groepies) was van die begin af belangrik en gaan steeds so voort.
Bamagtiging
Bemagtiging deur verskeie sprekers het tydens die loodsprojek plaasgevind. So was daar onder andere ‘n fisioterapeut wat stoeloefeninge kom demonstreer het, verpleegkundiges wat gepraat het oor die voorkoming van beroertes en hartaanvalle en ‘n somatoloog wat oor bekostigbare voedingsrome uit die yskas en tuin kom gesels het. Die voorkoming van kinderverwaarlosing is ook deur ‘n gesoute maatskaplike werker belig. Hierdie tipe bemagtigingsinisiatiewe word in 2026 voortgesit. Aletia Nortje en Karen Kamper van die Getuienisbediening neem hier die verantwoordelikheid.
Praktiese hulp
Praktiese hulp geskied ook steeds deur die koppeling van die byeenkomste met ‘n sopkombuis (‘n projek wat in 2025 ontstaan het by ‘n interdenominale en veelrassige manne-gebedsgroep en wat tans as die Wolwedans Gemeenskapsinisiatief bekend staan). Ander praktiese vaardighede wat geslyp word sluit in brei- en hekel lesse onder leiding van Carin van Ginkel. Ina Meyer, ‘n veelsydige laslappie kunstenaar in ons gemeente, het ook al ‘n paar klasse aangebied. Daar word beoog om eersdaags ook met naaimasjien klasse te begin onder leiding van Anette Cronje.
Inisiatiewe vir 2026
Daar is heelwat lesse geleer wat aanleiding gegee het tot ‘n meer uitgebreide formaat van aanbieding in 2026. Nuwe inisiatiewe sluit in:
- Naelversorging en knip onder leiding van twee ervare verpleegster in die 60Pluser-Netwerk span, nl. Jenny Smuts (Gideons Beweging) en Elsabé Oosthuizen (NGK).
- Kunsvlyt vind plaas onder leiding van die kreatiewe Marisha Vollmeyer van die Shofar gemeente.
- Twee Wolwedans gemeenskapslede, Amelda Plaatjies en Letima Julia is sover genooi as komitee lede vir beplanningsdoeleindes. Beide het aanvaar.
- Die sendingorganisasie YWAM, onder leiding van Marelize Visser, is aktiewe deelnemers aan ons byeenkomste.
Die 60Plusser-Netwerk onderskryf ‘n holistiese en verhoudingsgedrewe benadering. Die saamwerk oor kleur -en denominale grense heen is kosbaar en oes ‘n ryke skat van welwillendheid en verhoudingsbou in. Daar is ‘n behoefte om meer gestremdes te betrek.
Audrey Assad – “Abide with me” –
Ons sluit ons Lydenstyd musiek reeks af, op Dag 46 van Lydenstydreeks #VisioDivina, deur te luister na Audrey Assad se weergawe van die bekende “Abide with me” –
“Kyrie Eleison” deur “Chant of the Mystics” Lirieke en Notas
Op Dag 45 van ons Lydenstydreeks #VisioDivina luister ons na ‘n buitengewone weergawe van die “Kyrie Eleison” deur “Chant of the Mystics”. Dit is musiek wat uiters gepas is om stil te sit en te onthou dat Jesus bid: “Vader, vergewe hulle.”
This mystical gregorian melody gives a climpse of what can be found in the core of western spirituality. It is sung in the traditional roman-catholic liturgy, specifically found in the 11th mass music collection, called “orbis factor”. “Kyrie eleison” is greek and translates to “God, have mercy”. This is my personal heartfelt version of the chant. Text & Melody: XI traditional mass “orbis factor”
Instrumental Arrangement & Vocals: Patrick Lenk
Kiedy ranne wstaja zorze · Via Nostra (Wanneer die oggendligte breek)
Op Dag 44 van ons Lydenstydreeks #VisioDivina luister ons na ‘n Oos-Ortodokse oggendgebed. Die Engelse woorde van die gebed:
Almighty God,
you are the way, the truth and the life.
You know how few people walk with you in these times.
There are few who emulate you, their head,
in humility and silence, in poverty and purity,
in diligence and patience.
The path of Satan is open and many are walking along it.
Minister to your small flock,
so that they do not become discouraged,
but follow you along the narrow path until the end. Amen
Czarna Madonna, Abba Ojcze, Barka, …
℗ GAMMA
Released on: 2000-01-01
Composer: Various Artists
Lyricist: Various Artists
“In Remembrance of Me” deur Buryl Red and Ragan Courtney
Op Dag 43 van ons Lydenstydreeks #VisioDivina luister ons “In Remembrance of Me” soos uitgevoer deur Buryl Red and Ragan Courtney.
“In Remembrance Of Me”
by Ragan Courtney
The Faith We Sing, 2254
“For I have received of the Lord that which also I delivered unto you, that the Lord Jesus the same night in which he was betrayed took bread: And when he had given thanks, he brake it, and said, Take, eat: this is my body, which is broken for you: this do in remembrance of me. After the same manner also he took the cup, when he had supped, saying, this cup is the new testament in my blood: this do ye, as oft as ye drink it, in remembrance of me.” (I Corinthians 11:23-25, KJV)
In Remembrance Of Me Eat This Bread
In Remembrance Of Me Drink This Wine
In Remembrance Of Me Pray For The Time
When God’s Own Will Is Done
In Remembrance Of Me Heal The Sick
In Remembrance Of Me Feed The Poor
In Remembrance Of Me Open The Door
And Let Your Brother In, Let Him In
Take Eat And Be Comforted
Drink And Remember Too
That This Is My Body And Precious Blood
Shed For You, Shed For You
In Remembrance Of Me Search For Truth
In Remembrance Of Me Always Love
In Remembrance Of Me Don’t Look Above
But In Your Heart, In Your Heart
Look In Your Heart For God
Do This In Remembrance Of Me
Do This In Remembrance Of Me
In Remembrance Of Me
Reference: https://www.umcdiscipleship.org/artic…
Music: In Remembrance of Me performed by Robert Kochis with Gretchen Harris @ / robert kochis – topic
Video by Joe Hackney from Pixabay @https://pixabay.com/users/josephphack…
Music Notes Image from Canva @https://www.canva.com
“I Give You A New Commandment” deur Bob Hurd.
Op Dag 42 van ons Lydenstydreeks #VisioDivina luister ons na ‘n bekende Engelse gesang: “I Give You A New Commandment” deur Bob Hurd.
Die lirieke:
I give unto you
That you love one another
As I have loved you,
That you love one another
As I have loved you.
By this shall all men
Know you are My disciples
If you have love one to another.
Lyrics
Chorus
I give you a new commandment, that you love one another, love one another, love one another as I have loved you.
Vs. 1
At supper Jesus showed his perfect love, taking the role of a servant. He took a towel and a basin of water and washed the feet of his disciples
Vs. 2
If I, your Lord and Master, wash your feet, so must you do for each other. Thus all will know that you are my disciples, if you have love for one another
Vs. 3
There is no greater love than this, giving one’s life for one’s friend. You are my friends if you do what I command you. I call you friends, no longer servants.
Copyright 2006, Bob Hurd. Published by OCP.
Skep asem vir vandag. Bybel dagstukkie vir vandag: 16 Maart 2026
16 Maart
My gebed is dat jy sal verstaan dat alles wat met jou gebeur, so gebeur dat Hy daarvan kennis dra. Ek gee graag hierdie boodskap van God vir jou.
Tema: Hy dra kennis van alles.
Teks:“Hoe lank gaan U my nog alleen los, Here? Gaan U my aanmekaar vergeet?… Maar ek weet! Op U liefde kan ek staatmaak. In my binneste borrel dit van vreugde omdat U my uit my moeilikheid help.” (Ps. 13:2, 6 – Die Boodskap)
- Dit is God wat elke detail van jou lewe ken en omgee – niks gebeur buite Sy wete en sorg nie.
- Al voel jy alleen, weet dat God se liefde vas en seker is – jy kan altyd op Hom staatmaak.
- Selfs in die diepste moeilikheid kan jy vertroue hê – want God werk selfs wanneer jy dit nie sien nie.
- Weet dat God kennis dra van elke situasie in jou lewe – Hy het dit nie gemis nie en Hy sal ingryp.
- Leef met hoop!
Gebed
Liewe Vader, baie dankie dat U van alles in my lewe kennis dra. Help my om te onthou dat U my nooit vergeet nie en dat ek altyd op U liefde kan staatmaak.
In Jesus se Naam.
© NG Kerk Lynnwoodrif – word gebruik met toestemming.
Die Koning wat gekom het om te dien: Die diep betekenis van Palmsondag
Inleiding: Die poort na die Heilige Week
Soos ons die bladsye in ons “Seisoene in die Kerklike jaar“-reeks omslaan, kom ons by ‘n deurslaggewende oomblik aan—die Sondag wat dien as die groot poort na die heiligste week van die Christelike jaar. Palmsondag is ‘n dag van glorieryke paradokse, van triomfantlike lofprysing en ‘n somber profetiese kruisiging. Dit is die dag waarop ons die Koning van Konings sien ry, nie op ‘n oorlogsperd (Open 19) nie, maar op ‘n nederige donkie, verwelkom deur skares wat binne dae stil sou word.
Palmsondag
Vir ons vandag, is die begrip van Palmsondag noodsaaklik om die geheel van die Evangelie-narratief te verstaan. Dit is die begin van die einde van Jesus se aardse bediening, en die begin van ons verlossing.
Lees meer “Die Koning wat gekom het om te dien: Die diep betekenis van Palmsondag”“The Psalm Project” – Psalm 45.
![Psalm 45 (Mighty Warrior) [Radio Remix] by The Psalms Project [feat. Bethany John] - Lyric Video NG Kerk Groot-Brakrivier](https://www.nggrootbrak.co.za/wp-content/uploads/2026/03/Psalm-45-Mighty-Warrior-Radio-Remix-by-The-Psalms-Project-feat.-Bethany-John-Lyric-Video-NG-Kerk-Groot-Brakrivier.webp)
Op Dag 41 van ons Lydenstydreeks #VisioDivina luister ons na “The Psalm Project” se verwerking van Psalm 45.
Die “Psalm Project” is ‘n musiekgroep wat al 150 psalms met elke enkele vers per psalm nuut getoonset vir ‘n moderne gehoor.
The Messiah has Come – Sharefaith
Op Dag 40 van ons Lydenstydreeks, #VisioDivina, kyk ons na ‘n video gerig op Palmsondag. Daar is geen verdere inligting hieroor beskikbaar nie, behalwe dat die kopiereg aan Sharefaith behoort. Die woorde verskyn op die skerm.