Jesus vir my, Jesus vir ons, Jesus vir almal.
Sondag 23 November 2025 :Erediens om 09:00 – Ds Herman Burger
Sondag 23 November 2025: Kerssangdiens 19:00
Woensdag 26 November 2025 GEEN kooroefening
Donderdag 27 November 2025 : Bloedskenk
Sondag 30 November 2025 : Erediens om 09:00 – Ds Charné Viljoen.
Sondag 30 November 2025: 14:00 16 Days of Activism against Gender-based Violence
Woensdag 10 Desember 2025: Wolwedans boodskap, sop en brood:
Lees die volledige afkondigings hier:Afkondigings 23-30 November 2025 NG Kerk Groot-Brakrivier
Dis met leedwese dat ons kennis neem van die afsterwe van Willem van Langelaar. Ons innige meegevoel aan hul familie en vriende.
Tydens die kerkraadsvergadering gehou op 18 November 2025 is die volgende persone as blokleier/diaken/ouderling verkies ten einde vakatures te vul wat ontstaan met die nuwe blokindeling in ons gemeente:
Christo Smith – BLOK 1: Plaas gedeeltes
Heidi Erasmus – BLOK 2: Voorbrug
Pieter van der Merwe – BLOK 4: Langstraat-Bo & Pine Creek
Robbie Katthage – BLOK 7: Onder-Bergsig
Koos van Zyl – BLOK 10: Bergsig-Bo
Mona de Wet – BLOK 11: Sandhoogte pad
Whitey van der Merwe – BLOK 13: Suiderkruis
Koos van der Merwe – BLOK 14: Die Eiland & BLOK 15: Dolphin Creek
Pieter Theron – BLOK 24: Reebok Village
Johan Spies – BLOK 25: Seegenot tot Tergniethoogte
Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.
Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:
Vir meer inligting kontak:
Riana Briers – Kontak Ons / Riëtte Jansen van Rensburg – Kontak Ons
Baie dankie aan almal wat so getrou help met die voorsiening van sop vir 115 gesinne elke twee weke. Die laaste uitreikdatum vir die jaar is 10 Desember.
Daar is ’n deurlopende behoefte aan wol.
Dankie vir die skenking van die twee enkelbeddens, sowel as die drie selfone. Ons waardeer die oop harte en hande opreg!
Grootbrak Senior Persone Vereniging nooi u vriendelik uit na die CAROLS BY CANDLE LIGHT wat sal plaasvind op 14 Desember 2025 op die Markplein oorkant die Munisipale gebou in Groot Brakrivier.
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Charné besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak – Maandae, Woensdae en Vrydae tussen 08:30 en 12:30.
“Volhard in gebed. Wees waaksaam en dankbaar as julle bid” (Kol. 4:2 Afr20).
Na raming word tussen 50 000 en 70 000 Christene in Noord-Koreaanse gevangeniskampe aangehou. Die land is bo-aan Geopende Deure se Wêreldwaarnemingslys van die slegste plekke om ’n Christen te wees, en tog volhard die ondergrondse kerk. FEBA Korea saai die Goeie Nuus vir 18 ure per dag na Noord-Korea toe uit, met programme wat vervaardig en aangebied word deur Noord-Koreaanse oorlopers.
Ons gebed vir die week: Bid dat die kerk in Noord-Korea sal floreer en dat FEBA Korea se uitsendings luisteraars sal help om in die geloof te volhard.
Danie Goosen
Charné Viljoen
Langstraat 10,
Groot-Brakrivier, 6525 ‘
044 620 2205
e-pos: Kontak Ons
Webwerf adres: https://www.nggrootbrak.co.za
FNB tjekrekening
Rek Nr. 530 831 865 11
Takkode 210314
My wens en gebed is dat jy vandag sal begin werk aan ‘n persoonlike verhouding met God. Hier is God se Boodskap net vir jou vir vandag.
Teks:“Hulle het met mekaar gepraat, en hulle het mekaar persoonlik geken” (Deut. 34:10d – Die Boodskap)
Liewe Vader, help my om U persoonlik te ken.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag so sal leef dat ander jou as God se vriend sal beskou. Hier is God se Boodskap net vir jou vir vandag.
Teks:“Want die Here het Moses as Sy vriend beskou” (Deut. 34:10c – Die Boodskap)
Liewe Vader, laat ek U voluit dien sodat ek U vriend kan wees.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag nie skaam sal wees om te sê wat God in Sy Woord leer nie. Hier is God se Boodskap net vir jou vir vandag.
Teks:“Hy het vir die volk kom sê wat die Here hom beveel het” (Deut. 34:10b – Die Boodskap)
Liewe Vader, gee my moed om U waarheid met ander te deel.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag sal kies om naby die Here te leef en die beste vir ander te soek. Hier is God se Boodskap net vir jou vir vandag.
Teks:“Daar was nie nog ‘n man soos Moses nie” (Deut. 34:10a – Die Boodskap)
Liewe Vader, laat ek naby U leef en die beste vir ander mense soek.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag sal leef op so ‘n manier dat mense jou geestelike voorbeeld sal mis. Hier is geestelike brood vir vandag.
Teks: “Die mense van Israel was baie hartseer oor Moses, hulle leier” (Deut. 34:8)
Liewe Vader, laat ek so leef dat mense my geestelike voorbeeld raaksien.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag sal glo en vertrou in die unieke, Almagtige God. Hier is God se Boodskap net vir jou vir vandag.
Teks:“Daar is niemand soos die God van Israel nie!… Hy is die Koning van die heelal” (Deut. 33:26 – Die Boodskap)
Liewe Vader, help my om te glo en te vertrou dat U die Koning van die heelal is.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
“Maar nou, Here, U is ons Vader. Ons is die klei en U is ons pottebakker – ons almal is die werk van u hande. Moenie mateloos toornig wees nie, Here, moenie vir altyd ons sondeskuld onthou nie! Ja, sien tog in: Ons almal is u volk.
”Jes. 64: 8-920
Wanneer mens ‘n pottebakker beleef, vanaf die klei se voorbereiding tot die finale eindproduk, besef mens wat hierdie inleidende en opvolgende verse vir mens probeer sê oor God, die Pottebakker van ons bestaan. Die Pottebakker het reeds ‘n beeld van die eindproduk in gedagte. Daar is egter ‘n groot hoeveelheid voorbereidings wat gedoen moet word, voordat daar hoegenaamd begin word. Die klei word in voorbereiding gebrei, sag gemaak, klamgemaak en gesif om alle onsuiwerhede uit die klei te verwyder. Daarna kom dit as ‘n bondel klei op die draaitafel of pottebakkers tafel waar dit verder met deeglikheid en noukeurigheid verder verwerk word.
Daar word met oorleg en met ervarings-kennis van alle beskikbare pottebakkersgereedskap gebruik gemaak. ‘n Draadsnyer, spons, ribbes, metaal skraper, hout modelerings werkstuk, ‘n lint werkstuk en ‘n skerp naaldwerkstuk, ‘n rand werkstuk en ‘n klei-gat werkstuk. Al hierdie gereedskap stukke word gebruik om die klei te vorm. Met ‘n baie stil en standvastige hand word die klei bewerk. Enige onsekerheid kan lei tot die her-begin van die finale produk. Deur al die werkery word die klei klam en nat gehou, sodat dit nie te vinnig uitdroog nie. Daar word gedurig weer her-beplan, om te verseker dat die beste produk op die tafel oorbly. Die klei word met die hande van die pottebakker in die aanvanklike proses bewerk en gevorm. Die hande hou die klei liefdevol vas, om die gewenste groote, holtes, openinge en vorm aan die gang te sit. Die rand word met die draadsnyer gelyk gemaak, en die vorm word verder met die ribbes, metaal skraper en hout modelerings werkstukke gevorm. Daarna word die versiering met skerp en snydende werkstuk gereedskap gevorm, ingesny en versier. In die proses word baie onnodige klei weggewerk. Aan die einde van die proses, word die produk losgesny van die tafel. Dit word verder stadig en stelselmatig uitgedroog, om enige barste en skeef trek te vermy. Dan word die finale produk geglasuur met verskillende kleure glasuur en word dan in ‘n baie warm potebakkersoond gebak om uiteindelik die finale produk te kry.
““Is Ek nie in staat om soos hierdie pottebakker met julle te maak nie, huis van Israel?” is die uitspraak van die Here. ‘Kyk, soos klei in die hand van die pottebakker, so is julle in my hand, huis van Israel.” (Jer. 18: 620); “Jy sal nou vir my sê: Hoe kan Hy dan nog ‘n mens die skuld gee? Want wie kan sy wil tog teengaan?” Wie is jy tog, o mens, om God te weerspreek? Sal die maaksel vir sy maker sê: “Waarom het jy my so gemaak?” Of het die pottebakker dan nie die reg om uit dieselfde stuk klei ‘n voorwerp vir edele gebruik of vir onedele gebruik te maak nie?” (Rom. 9: 19-2120)
Net so vorm God ons deur ons lewe. Ons word geskuur en geskaaf. Ons kry dikwels seer soos wat die klei met die skerp en snyers gereedskap gevorm word. God het ons reeds beplan nog voordat ons in die moederskoot gevorm is, om die beste ons te wees, soos wat Hy dit beplan het. Deur ons lewe ervaar ons terugslae en teenslae, wat ons nie altyd begryp nie, maar dit alles is deel van God se Pottebakkers Hand in ons lewens. Ons word dikwels losgesny van dinge wat ons standvastigheid gegee het. Ons word versier met genade gawes en die liefde van die Pottebakker. Ons moet egter onthou dat die Pottebakker ook die mag het om die kleipot wat nie voldoen aan sy skeppingsdoel nie, te breek en te vernietig.
”Het Hy, wat my in die moederskoot gemaak het, hulle nie ook gemaak nie? Het Een ons nie in die baarmoeder voorberei nie?” (Job 31: 1520); “Op U is ek aangewese van die moederskoot af; van my geboorte af is U my God.” (Ps. 22: 1120); “Dit is immers U wat my niere geskep het, my in die moederskoot geweef het.” (Ps. 139: 1320); “Jy moet vir hulle sê: “So sê die Here, Heerser oor alle magte: “Só sal Ek hierdie volk en hierdie stad breek – soos mens die kleipot van ‘n pottebakker breek, sodat dit nie weer heelgemaak kan word nie. In Tofet sal mense begrawe word weens gebrek aan begraafplek.” ” (Jer. 19: 1120)
Wanneer ons oorgee aan die leiding van God deur die Heilige Gees kan ons ook vashou aan die belofte wat God vir Jakob gee in Jesaja. Ons hoef nie bang te wees nie, want God het ons met ‘n rede, en vir ‘n doel geskep in die moederskoot. Hy sal ons met waterstrome lawe en seën. Ons grootse Pottebakker het ons geseën met die ewige lewe, wat vir ons gegee is as genadegawe, deur Jesus Christus ons Verlosser, en die bystand en leiding van die Heilige Gees. Ons kan dus as oorwinnaars lewe, wat nie van ons Skepper geskei kan word nie.
”So sê die Here, wat jou gemaak het, jou in die moederskoot al gevorm het, wat jou help; “Moenie bang wees nie, my dienskneg, Jakob, ja, Jeserum, wat Ek uitgekies het. Want Ek sal water uitgiet op dorre aarde, waterstrome op droeë grond. Ek sal my Gees uitgiet op jou nageslag, en my seën op jou nakomelinge. Hulle sal groei tussen gras, soos rivierwilgers langs waterstrome.” (Jes. 44: 2-420); “Maar in dit alles is ons selfs meer as oorwinnaars deur Hom wat sy liefde aan ons bewys het. Ek is immers daarvan oortuig dat nóg dood, nóg lewe, nóg engele, nóg magte, nóg teenswoordige, nóg toekomstige gebeure, nóg kragte, nóg hoogte, nóg diepte, nóg enigiets anders in die skepping, ons sal kan skei van die liefde van God in Christus Jesus ons Here.” (Rom. 8: 37-3920)
Die oggend van 9 November 2025 het die gemeente weer die voorreg gehad om die jongmense van die gemeente se afsluiting mee te maak.
Die kleiner kinders het sertifikate ontvang vir hul bywoning, en die Belydende Kategete kon ‘n kers aansteek om hulle te herinner om God se lig in die wêreld te wees.
Dit was ‘n mooi en vreugdevolle oggend wat afgesluit is met koek en drinkgoed in die Kerksaal. Ons bid God’s rykste seën op al die jongmense se pad vorentoe.
Klub50 se lede het ‘n heerlike saamkuier afsluitings funksie by Searle Village Restaurant gehou 5 November 2025. Daar is gesels, heerlike etes genuttig, En selfs vlugvoetig gedans.
Dit was ‘n genotvolle aand vir almal betrokke, soos blyk uit die momentopname galery.
Prediker: Ds. Danie Goosen
Skriflesing: Psalm 46
Tema: Val jou in die rede?
Datum: 16 November 2025
My wens en gebed is dat jy vandag sal kies om ander mense te seën en voorspoed toe te wens. Hier is God se Woord.
Teks:“Toe het Moses die Israeliete voorspoed toegebid” (Deut. 33:1 – Die Boodskap)
Liewe Vader, help my om ander mense te seën.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
Dis met leedwese dat ons kennis neem van die afsterwe van Phillip Christiaan Meyer en Pieter Eduard Retief Redelinghuys. Ons innige meegevoel aan hul familie en vriende.
Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.
Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:
Vir meer inligting kontak: Riana Briers – Kontak Ons / Riëtte Jansen van Rensburg – Kontak Ons
Baie dankie aan almal wat so getrou help met die voorsiening van sop vir 115 gesinne elke twee weke. Die uitreikdatums vir die vierde kwartaal 19 November & 10 Desember.
Daar is ’n deurlopende behoefte aan wol.
Ons benodig asseblief ‘n enkelbed en indien moontlik ‘n matras. Ons waardeer die oop harte en hande opreg!
Grootbrak Senior Persone Vereniging nooi u vriendelik uit na die CAROLS BY CANDLE LIGHT wat sal plaasvind op 14 Desember 2025 op die Markplein oorkant die Munisipale gebou in Groot Brakrivier.
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Charné besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak – Maandae, Woensdae en Vrydae tussen 08:30 en 12:30.
“By elke geleentheid wanneer julle bid en smeek, moet julle telkens deur die Gees bid. Daarom moet julle waaksaam wees, deur volhardend te pleit vir al die heiliges” Ef. 6:18
’n Geweldige storm het onlangs FEBA Mali se stasie beskadig en hulle gedwing om uitsendings vir ’n paar dae te staak. Die direkteur vertel: “Ons het die ingenieur en sy assistent van Bamako af laat kom, ten spyte van verskriklike moeilike toestande … die twee mans het alles reg- en skoongemaak. Hulle het ook die toring geverf. Ons is nou terug op die lug en ons luisteraars is baie, baie bly.”
Ons gebed vir die week: Prys God vir Sy seën op FEBA Mali en vir Sy voorsiening wat hulle op die lug hou.
Danie Goosen
Charné Viljoen
Langstraat 10,
Groot-Brakrivier, 6525 ‘
044 620 2205
e-pos: Kontak Ons
Webwerf adres: https://www.nggrootbrak.co.za
FNB tjekrekening
Rek Nr. 530 831 865 11
Takkode 210314
My wens en gebed is dat jy vandag sal weet daar wag nog beter dinge vir jou in die toekoms. Hier is God se Boodskap net vir jou vir vandag.
Teks: “Daarom sal jy die land net op ‘n afstand sien, die land wat Ek vir jou volk gaan gee” (Deut. 32:52 – Die Boodskap)
Liewe Vader, wys vir my watter seëninge op my wag.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag sal besef al die goeie dinge in jou lewe kom van die Here af. God het hierdie goeie nuus vandag vir jou.
Teks:“Dis die Here wat vir Sy volk hierdie mooi land gegee het… Die Here het dit vir hulle gegee” (Deut. 32:13, 14 – Die Boodskap)
Liewe Vader, dankie vir die mooi dinge wat U aan my gee.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag sal weet jy is die Here se oogappel en Hy vertroetel jou. Hier is God se Woord.
Teks:“Die Here het sy volk omhels, hom vertroetel en versorg soos die appel van sy oog” (Deut. 32:10)
Liewe Vader, laat ek glo dat ek U oogappel is.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.
My wens en gebed is dat jy vandag sal leer om volkome op die Here te vertrou vir alle uitkomste. Hier is God se Boodskap net vir jou.
Teks:“Julle kan maar op Hom vertrou” (Deut. 32:4e – Die Boodskap)
Liewe Vader, gee my vertroue in U.
In die Naam van Jesus Christus die Here
Amen
© NG Kerk Lynnwoodrif – word gebruik met toestemming.