Jesus vir my, Jesus vir ons, Jesus vir almal.
Die Ring van Mosselbaai, waarvan ons gemeente deel is, het Sondag 11 Januarie 2026 om 18:00 saamgekom om te bid by die ATKV Amfiteater.
Die Ring het reeds ook n noodfonds. Indien enigeen n skenking ten behoewe van die brandslagoffers wil maak, is die bankbesonderhede op die foto beskikbaar.
Vir enige skenkings:
NGK Brandwag
(Ring Noodfonds)
ABSA Mosselbaai
Tjek:
207 058 0007
Verwysing: Noodfonds
Ons medelye aan die mense wie deur die brand geraak is, sowel as hul families en vriende.
“Kom, Ek sal julle rus gee”
Matteus 11:28-30
6 Maart 2026
Geïnspireer deur Matteus 11:28-30, rig die Nigeriese komitee vir die 2026 Wêreldbiddag ‘n wêreldwye uitnodiging om vertroosting in God te vind. Hulle verwoord ‘n diepgaande begrip van rus, geraam deur die lens van hedendaagse laste soos sistemiese onderdrukking, vervolging en wanhoop. Hierdie perspektief beweeg verder as fisiese verligting om ‘n rus te bevorder wat genees en transformeer deur genade en gemeenskaplike sorg.
Diep gewortel in die Nigeriese kultuur, gebruik die viering resonante simbole; die kalbasbak word byvoorbeeld ‘n metafoor vir hoe God voorsien in beide ons tasbare en geestelike honger. Die bydraes van hierdie vroue verweef plaaslike wysheid met ‘n universele oproep om ons swaarste laste neer te lê, daar waar God ons in ons moegheid ontmoet.
Lees meer “Wêreldbiddag vir Vroue 6 Maart 2026 – Nigerië: “Kom, Ek sal julle rus gee!””
Hemelse vader, sal U ‘n helder vlam voor my wees, sal U die sterrewyser bo my wees en sal U ‘n gelyke pad onder wees. My goeie Herder – vandag, vanaand en vir altyd.
Lees meer “Gebedsgids vir elke dag van Januarie 2026”
Jesus, U weet hoe droog dit in ons land is en hoe swaar die boere kry, maar ook die veld en vee. Gee U lewegewende water vir mens en dier en loof ons U vir U wonderlike gawe van Reën.
Die polisiemag is nou nog meer paraat tydens die feestyd en dra ons hulle en hul families aan die Here op vir leiding en gesondheid.
Mense kuier gedurende die feestyd by familie en vriende en dink ons vandag aan al die eensames wie nie meer familie het nie, of dalk nooit by hul familie besoek aflê nie en eensaam is tydens die kersseisoen.
Ons vra vandag Here dat U sal help met die uitreike en uitsaai boodskappe wat Radio FEBA se span behartig om U woord uit te dra en mag ons vra dat U boodskap by die onbereiktes sal uitkom.
Jesus, depressie en verwante siektes is iets wat al hoe meer voorkom. Gee asseblief dat die persoon wat hieraan lei hulp sal soek op die regte plek en by die regte persone.
Here, help die stranddiensspanne wat besig is om U Woord ook uit te dra tydens die feestyd en dan veral met pret en plesier op die strande. Mag U woord op vrugbare grond val.
Vandag is ons offer vir BADISA en vra ons dat die kerkgangers mildelik sal bydra ter ondersteuning van hierdie werk in die NG kerk.
Vader, ek wil U elke dag Verheerlik.
Wat help dit as iemand beweer dat hy glo, maar sy dade wys dit nie? Bid dat ons dade by ons woorde pas om ander na die Here te lei.
Dankie Vader vir nog ‘n jaar. Gaan asseblief met die leerders en leerkragte gedurende die heerlike vakansie en gee dat hulle sal uitrus om weer met nuwe ywer die nuwe jaar aan te pak.
Ons dink vandag aan persone wat verslaaf is aan een of ander middel en bid dat die Vader deur Sy troue liefde, die persone sal help om weg te beweeg en hulp te ontvang.
Vader, baie dankie vir U troue liefde. Gee dat ons ook liefde aan onsself en medemens bewys.
Here, Baie dankie vir die wonderlike gawe wat u aan ons sportmanne en vroue gee. Gee dat hulle hul sport so speel tot eer en verheerliking van U.
Ons gee vandag ’n bydrae vir ons kerk se instandhouding. Ons bid dat die persone in beheer die nood sal aanspreek en die geld reg sal aanwend.
Kom ons reik uit en raak betrokke by die sendingaksies, geldelik, deur gebed en dalk hulp waar jul kan. Bid ook vir die sendelinge wat die Woord van die Here versprei.
Op 16 Desember het hulle ‘n gelofte voor God afgelê. Hulle het belowe om ‘n kerk te bou en dat hulle nageslagte hierdie dag as ‘n dankseggingsdag sal vier. In 1994 is Versoeningsdag ingestel en dink ons vandag aan altwee hierdie gebeurtenisse.
Dankie Hemelse Vader dat U ons sondes vergewe en sê U ons moet ook die wat teen ons sondig, vergewe. Here, help my om dit te doen – 70 x 7.
Versoekings is elke dag op ons pad en vra ons, Vader, dat U vir ons die nodige insig en begrip sal gee en sal uitwys wanneer ons moet omdraai en wegstap.
Leiers is mense wat die voortou moet neem en in die land se mense se belang moet optree. Gee vir hulle die nodige leiding Heer sodat ons kan opkyk na hulle.
Dankie Heilige Gees dat U ons elkeen seën met unieke gawes. Ons vra dat U ons elke dag sal bemoedig en aanpor om ons gawes tot die welstand van ander aan te wend.
Here, ons is dankbaar vir alles wat U ons gee en wil ons ook ons 10de tot U eer gee en aanwend vir U kerk.
Elkeen van ons is ’n sendeling daar waar ons is. Vader, help ons om U woord uit te dra aan elkeen met wie ons in aanraking kom deur woord en daad.
God ken ons lewe. God ken ons verhoudings. Vra vandag vir God om jou te help om te sien waar jy optree met onvergewensgesindheid of liefdeloosheid en stel dit reg.
Vanaand in die stilte van die nag dink ons aan daardie eerste nag met die Betlehem-ster wat vir die skaapwagters en wyse manne die pad aangedui het na die Baba in die krip.
Dankie Vader vir U Seun wat na die Werêld gekom het vir ons sondes. Ons dink vandag aan U Seun in die krip en wil U loof en prys vir U liefde vir ons.
Hierdie dag was vroeër in Engels, Boxing Day, vanweë ’n ou Engelandse gebruik waarvolgens werknemers Christmas boxes of geskenke aan hul werkers gegee het. Onder sy nuwe naam beklemtoon dit vandag die toegeneentheid en liefde wat in die Kersboodskap vervat is. Reik uit na alle persone wie met jou in aanraking kom.
God gee aan ons kinders om hulle in die Woord op te lei en nie te verwaarloos nie. Bid vandag vir alle ouers om hulle kinders in liefde te versorg.
Wanneer jy nie meer weet nie, herinner die Here jou: “Ek wil, en ek kan”.
Jesus wil vandag vir jou kom sê dat Hy van jou hou en dat jy lieflik geskape is. Hy wil jou sien in jou volle potensiaal. Praat net met hom.
Gedurende hierdie feestyd is die paaie baie besig en ongelukke meer. Bid vandag vir die mediese personeel wat oortyd werk en hul families alleen moet laat.
Vader, ons dank U vir die jaar wat verby is en dat U ons gespaar het en ook met al U milde seëninge bederf het.
| 1 Joh 5:4 “Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof” |
Here, help my om die mense wat my pad vandag verbykom nie mis te kyk nie, maar my oor hulle te ontferm. Hulle is dalk honger, koud, siek, eensaam of hartseer. God se genade is vir almal beskikbaar maar ek moet net die bereidwillige instrument wees.
Mag die liefde van God en Sy beloftes jou altyd verseker van Sy nabyheid en beskerming. Mag Sy vrede jou gemoedsrus gee en Sy blydskap jou beskerm. Al druis en skuim die waters van die see, weet ek U is vir my ‘n beskutting.
Het God vandag jou planne gekanselleer om gevaar te vermy? Hy het dalk jou ‘n ander pad laat ry om jou lewe te red. Jy moet dit net aanvaar, want Sy plan is beter as joune.
Jesus se paaie is hoër as myne, Sy gedagtes is by verre meer verrykend en kan nie met myne vergelyk word nie. Sonder Hom is ek totaal verlore. Jesus, neem my hand en lei my veilig na U Koninkryk.
God wil hê ons moet gister se laste agter laat, want Sy genade is elke oggend nuut. Hy wil saam met ons wandel, want Hy het reeds die pad vir ons voorberei. Hou jou oë gerig op Hom, dan sal jy nooit in die duisternis wandel nie.
Jesus, U is nie net deel van die skepping nie, maar die middelpunt waartoe alles lei. U is die Brood van die lewe, die Opstanding en wat die ewige lewe bied aan diegene wat in U glo – te midde van lyding en dood.
Vader, leer ons ook hoe om die sout van die aarde te wees soos wat ons in U woord lees. Ons moet die gemeenskap met medelye, geregtigheid en barmhartigheid kan geur deur aktief die leringe van Jesus uit te leef.
Here, help ons om ‘n baken van U liefde te wees. Gee ons die wysheid om geduldig en vriendelik te wees met elkeen wat ons pad kruis. Help ons om U lig uit te leef.
Wanneer ouers verneem dat hul baba met Downs Sindroom gediagnoseer is, dui jou wêreld ineen. Jy wil nie hierdie grondpad loop nie. Maar as jy met God die pad stap, dan kry jy die mooiste waardering vir die klein mensie wat jou lewe inkleur.
Vader, help my om te volhard in geloof met die wete dat U my nooit sal verlaat nie. Anker my siel in U waarheid en hou my vas in tye van twyfel en onsekerheid.
Jesus, wanneer ek so verlang na my familie of kinders wat so wyd versprei is, is dit net U wat my kan troos. Dit is ook net U wat langs my staan en my optel as die pad vir my te lank is.
Jesus word geslaan, gekruisig en Hy sterf. Hy beleef die uiterste liggaamlike pyn. Hy word verwerp en verloën. Hy kan nou vir jou meegevoel en troos bied want Hy het die ergste reeds beleef deur die prys vir ons redding te betaal.
Vermy ons dalk die kruis omdat dit ontbering en opoffering is? Kom ons hardloop eerder na die kruis, nie in vrees nie, maar met volharding. Die doel is om die wedloop van die lewe te voltooi, met Jesus as die Leidsman en Voleinder.
Jesus, wat ‘n wonderlike voorreg om U voetstappe te hoor, veral wanneer ons oorweldig en moedeloos voel. Om by U voete te sit, is vir my ‘n plek van veiligheid en vurige gebed.
God sê: “Ek is die opstanding en die lewe wat die dode laat verrys. Ek is die Waarmaker van jou drome – laat my toe om jou drome wat gesterf het weer te laat herleef. Jy sal leer om My stem te herken, moenie bang wees om My te vertrou met jou hele hart nie.
Jesus Christus het juis aan die kruis ons siektes op Hom geneem en ons swaarkry gedra. Ons besef ons diepe afhanklikheid van God en weet dat Hy alleen in beheer is.
Hy is die Seun van God, die Opstanding en die Lewe, die Alfa en die Omega. Hy is die Goeie Herder. Jesus Christus is onveranderlik – tot in ewigheid. Amen.
God se waarheid is nie afhanklik van ons emosionele toestand nie. Al is ons van alles gestroop, is Jesus steeds die Koning van die konings en is aan stuur van ons lewe – ongeag wat die uitkoms gaan wees. Vertrou Hom, Hy is steeds in beheer.
Here, help my om op u beloftes te vertrou en op u voorsiening staat te maak. Ek wil my bekommernisse en angs aan u voete neerlê. Ek vertrou alleen op U.
Hemelse Vader, ons bid vir alle verhoudings en huwelike en dat U hulle sal beskerm teen elemente wat dit wil vernietig. Seën hulle met ‘n diep liefde vir mekaar en vul hulle met ‘n passie om mekaar elke dag opnuut te ontdek en te waardeer.
Vader, as ek my hoof buig voor ‘n bord kos, dan wil ek U ook dank vir lepels vol genade, koppies vol hoop en bakke vol liefde. Mag elkeen se beker vandag oorloop in die teenwoordigheid van Jesus. U goedheid en guns is nimmereindigend.
Laat ons dan gedurig deur Hom aan God ‘n lofoffer bring, dit is die vrug van die lippe wat Sy naam bely. Vergeet die weldadigheid maar nie van mededeelsaamheid nie, want God het ‘n welbehae aan sulke offers.
Psalm 142:7 Luister tog na my hulpgeroep want ek is magteloos. Red my van my vervolgers want hulle is te sterk vir my. FEBA verkondig die Goeie Nuus onder die nasies sodat elke man, vrou en kind die Evangelie van Jesus Christus kan hoor.
Here, U ken my en sien dwarsdeur my. U ken my gedagtes nog voordat hulle by my opkom. U is goed bekend met my paaie – of ek reis of oorbly, U bepaal dit. Hoe kan ek anders om myself volkome oor te gee aan God wat so Almagtig is?
Hemelse Vader, die dood is buite ons beheer, dit is bedreigend en onvriendelik. Die angel van die dood, die sonde, is aan ‘n kruishout vasgeslaan. Die skuldbrief is vereffen en daar is geen veroordeling vir die wat in Christus Jesus is nie. Ons loof U!
Spreuke 4:4 “Wat ek jou sê, moet jy vashou. Moenie my woorde vergeet en daarvan afwyk nie en wees veral versigting met wat in jou hart omgaan”. So moet ons ook ons kinders as verantwoordelike, selfstandige volwassenes die lewe instuur.
Hemelse Vader, ons wil vir elke bejaarde bid vir gesondheid en krag, hoop en vertroosting, vrede en berusting en bid dat hulle familielede hulle met baie liefde sal omring. Maak dit vir hulle ‘n tyd van verdieping en voortgesette diens.
Welk ‘n vriend het ons in Jesus, wat ons sonde straf wou dra. Wat ‘n voorreg dat ons alles, in gebed van God kan vra. As ons vriende ons verlaat het, dra ons hul op aan die Heer, in Sy arms is ons veilig, Hy vertroos ons keer op keer. Amen.
Here, rus die opvoeders toe met wysheid om gedagtes te vorm. Rus hulle toe met die waarheid en visie om die toekoms te vorm en leer hulle van liefde om die wêreld te vorm. Ons is dankbaar vir hul onbaatsugtige liefde in elke kind se lewe.
Vader, ons bid vandag vir beskerming vir ons kinders en kleinkinders in hierdie wêreld waar dit so boos is. Seën hulle oorvloedig en help hulle om in U wysheid te groei en U weë te wandel.
GEBEDSGIDS – OKTOBER 2025
Dit is Oktobermaand en ons sê saam met Louis Leipoldt dankie vir die helder dae, ‘n blou hemel en ‘n blomtuin vol bome.
Kom ons sê dankie vir almal wat ‘n helpende hand uitsteek en die moed het om betrokke te raak by hulle wat langs die pad lê.
Dit is die begin van ‘n kort vakansie. Kom ons tree so op dat ons kinders ons ook sal navolg en ons maak hierdie vakansie vir hulle onvergeetlik. Ons bid vir alle rolmodelle en dat ons besef dat elke dag is ‘n dag om ‘n voorbeeld vir hulle te kan wees.
Ons gebed is dat alle verslaafdes na U sal kom vir redding, reiniging en genesing en dat hulle sal besef dat die Here hulle lief het al is hulle ook in ‘n diep put en dat Hy hulle sal vergewe ongeag waarin hulle ookal verval het.
Daar is baie bejaardes onder ons. Kom ons dank God dat hy by ons bejaardes is en hulle begenadig met rustigheid, vrede en wysheid en dat hulle ook sal voel dat hul nog iets beteken vir die jongeres.
“Here, te midde van ‘n besige en luidrugtige wêreld, is ons gebed: maak dit stil in ons binneste sodat ons net ‘n sagte teenwoordigheid sal ervaar en so sensitief vir U stem sal wees.”
Kom ons bid dat mense in liefde en vrede sal saam leef, dat elke knie sal buig en elke tong sal getuig dat Christus die Here is.
Bid vandag vir almal wat leiding gee voor U sal buig en dat hulle suiwer sal koers hou en nie sal betrokke raak by korrupsie nie en die mense vir wie hulle moet lei, hul uiteindelike oorweging sal wees.
Here, maak ons huis die eerste skool en kerk vir ons kinders en dat hulle hier sal leer wat goed en reg en edel is.
Ons bid vandag dat Psalm 23 se groen weivelde en rustige waters nie net ‘n droom sal wees nie, maar ‘n werklikheid en dat ons die rustigheid en vrede wat God gee in ons elkeen se lewe sal wys en dat ons dit ook kan uitdra aan ander.
“Here, help ons om elke ding wat ons hand vind om te doen, ons na die beste van ons vermoë doen, asof ons dit vir U doen”.
Ons dankoffer is vandag vir die Gideons en ons dank God vir die miljoene testamente wat hulle al langer as ‘n eeu versprei in skole, hotelle, hospitale, gevangenisse en militêre basisse en so miljoene mense bereik met die evangelie van Jesus.
Die skole open weer vandag en ons dank God vir toegewyde onderwysers wat leerders voorberei vir die eise van die lewe. Ons dink aan hulle wat ook die kinders moet leer en wys met hul optrede hoe om te lewe.
Dankie Here dat U die Weg, die Waarheid en die Lewe is en dat U met U liefde ons beskerm teen gevare en die invloed van die duiwel wat ons wil wegraap van U liefde.
Ons bid dat U aan ons sal gee, ‘n fyn aanvoeling om die regte besluite te neem en ‘n positiewe gesindheid te openbaar.
Vandag dank ons U vir U Woord wat ewig, onfeilbaar en onmisbaar is en ons spesiale dank ook vir die leraars, sendelinge, pastore en godsleiers wat dit vir ons oopmaak en verduidelik sodat ons dit kan verstaan en uitleef.
Leer my Here, om lief te hê soos U liefgehad het: onvoorwaardelik en tot die einde toe. Dankie dat U gesterf het vir my sondes en my vergewe vir al my sondes.
Here, gee ons ‘n sagte hart wat medelye het met die armes en almal wat in nood is en gee dat ons sal help waar ons kan en so hul nood verlig en ook maniere sal vind om hul te bemagtig en hul trots sal herstel.
Vandag is dit ‘n biddag vir gesondheidsdienste. Gee vir die dokters en verpleegsters simpatieke harte en seën hulle op hul arbeid en help hul ook dat hul die nodige insig en krag sal ontvang om hul werk met vreugde te doen.
Kom ons bid vandag saam met Dawid in Psalm 51 dat die Here ons sondes sal weg neem sodat ons weer rein kan wees om so voor Hom te verskyn.
Dankie Here dat U deur U Gees by ons teenwoordig is. Help ons om U stem duidelik te hoor. Maak ons ook stil sodat ons U stem in die sagte fluistering van die wind sal herken.
Here, ons bid U seën af op ons land en al sy mense en ons bid dat U ons sal bevry van bitterheid en haat. Ons bid dat ons in liefde en vrede sal saambly en werk en U naam in alles sal vereer.
Kom ons dank die Here vandag vir die gawe van ons sintuie en die gawe van lewe en gesondheid, die feit dat ons kan beweeg, sien voel en hoor. Ons bid ook dat ons sal dink aan die mense wat sukkel. Gee ons die empatie om ook uit te reik om behulpsaam te wees indien hulle sukkel.
Dit is vanaand ons gemeentekonsert en ons wil saam met Paulus in Filippense 4:4 sê: “wees bly in die Here!” Ons sê dankie vir heerlike samesyn van ons gemeente dat hulle ook so U Naam kan vereer.
Vandag is ons Dankfees! Kom ons juig saam met Dawid in Psalm 65:12. U kroon die jaar met U goeie gawes. Waar U ook gaan, is daar oorvloed. Ons dank U Here.
Op Hervormingsondag dank ons die Here vir ons duur gekoopte Protestantse erfenis en vir al die geestelike seëninge waaraan ons vandag opnuut herinner word.
Die getuienisbediening vergader vandag en ons dank die Here vir die bereidwillige sopkokers, sopskenkers en die uitreikspan wat die sop, brood en die Woord gaan uitdra en verkondig en ons dank die Here vir die onbaatsugtige werk wat hulle doen.
“Here, hoe helderder die lig van U heerlikheid skyn, hoe meer word ons bewus van ons donkerte. Dankie dat ons uit die bevryding van ‘n opregte skuldbelydenis kan leef”.
“Jesus, versterk tog ons hoop en liefde, maar veral ook ons geloof sodat ons seker kan wees dat niks ons van U liefde sal skei nie.”
Kom ons bid vir alle geskeides dat hulle sal opstaan tot ‘n nuwe lewe van hoop en dat die Here vir hulle die pad wat hulle moet loop, sal wys. Bid ook dat hulle die liefde van God sal ervaar en weer geliefd sal voel.
Bid vandag saam vir alle sportmanne en -vroue dat hulle nie sal nalaat om aan die Heer al die eer te gee vir hul gesondheid en talent nie.
Nasionale Biddag vir Dowes – 07 September 2025 Op hierdie Biddag vir Dowes eer ons die taal van die hande, die krag van stille geloof, en die skoonheid van gebede wat verder strek as woorde. Ons bid vir Dowes en persone met gehoorverlies. Mag vrede, liefde, hoop en begrip die dowe gemeenskap vandag en altyd omring.
On this Prayer Day for the Deaf, we honor the language of hands, the power of quiet faith, and the beauty of prayers heard beyond words. We pray for the Deaf and persons with hearing loss. May peace, love, hope and understanding surround the Deaf community today and always.
Lees meer “Nasionale Biddag vir Dowes – 07 September 2025, Nasionale Instituut vir Dowes”
1 Johannes 3:16 Hieraan weet ons wat liefde is: Jesus het sy lewe vir ons afgelê.
Nadat Jesus gedoop was, het Hy dadelik uit die water uitgeklim en die Hemele het meteens vir Hom oopgegaan. Dit is Sy nuwe seisoen en Hy verwag ook dat ons elke seisoen van ons lewe vreugdevol sal ervaar tot ere van Sy naam.
Jesus, dankie dat U die ewige en onwrikbare rots in my lewe is waarop ek my fondasie kan bou. Met U kan ek die storms en aanslae teëstaan sonder om te val.
Die dorings van ons lewe is baie, maar God se genade is baie meer. En daar waar jy die seerste kry, is waar God se genade op sy grootste is.
Buiten U in die hemel, begeer ek niks op aarde nie. Dankie Vader vir U teenwoordigheid in my lewe. Al is ek afgetakel na liggaam en gees, aan U behoort ek vir altyd.
Jesus, versterk ons geloof sodat ons op U alleen sal vertrou. Verlos ons van die kleingeloof wat ons verhinder om U wonderwerke te sien en te ervaar.
Here, help ons om bewus te wees van die brandende bosse in ons lewens. Gee ons die vermoë om U stem duidelik te hoor en ons harte oop te maak vir U leiding.
Hou my vas Here Jesus te midde van stormagtige weer. Wanneer vrese en twyfel ontstaan wil ek U liefde en vrede ervaar. Hou my naby U Jesus, daar voel ek veilig.
Vader, ek wil elke dag gereed wees om U te verheerlik. Ons vertoon U beeld en moet U koningskap en liefde weerspieël. Sonder U is ons geestelik swak.
Wat help dit my broers, as iemand beweer dat hy glo, maar sy dade bevestig dit nie? Dankie Here vir geleenthede om geestelik fiks te bly, om vir die gemeenskap te bid en iemand na die Here toe te lei.
Dankie Vader dat U ons toerus met sintuie om waaksaam te wees. Ons sal aanhou waak en bid om oorwinning oor die wêreld, die vlees en die vyand te behaal.
Kyk watter groot liefde die Vader aan ons bewys het: Hy noem ons kinders van God, en ons is dit ook. En die wêreld ken ons nie, omdat hulle Hom nie ken nie.
Vader, ons wil gevul wees tot volheid van U. Ons wil uitstyg soos ‘n arend, want saam met U is daar geen beperking van U liefde en genade vir ons nie.
Vader, ons begryp hoe oneindig diep die liefde van Christus strek. Mag ons U liefde ken wat ons verstand te bowe gaan en vervul word met die volheid van God.
Vader, ons bid dat elkeen wat geaffekteer is met die siekte, U net kan aanraak. U het nie gekom om ons liggame te genees nie, maar om ons verhouding met God te herstel.
Laat God toe om jou toe te rus vir Sy werk. Kom ons reik uit en raak betrokke by die kerk se sendingwerk, gemeenskapswerk of by die ontferming oor die kwesbares.
My toevlug en my bergvesting, my God op wie ek vertrou. Hy sal jou dek met sy vlerke, en onder sy vleuels sal jy skuil. Ek dank U vir U beskerming, leiding, wysheid en liefde.
Dankie Hemelse Vader dat U die duurste prys vir ons betaal het. U is my rots by wie ek skuil. U is die stuurman van my lewe en my veilige hawe. Sonder U is ek niks.
Wees nie afgunstig op die kwaaddoeners nie en begeer nie om met hulle saam te wees nie. Hulle hart bedink verwoesting en hulle lippe spreek moeite.
Here, ek erken dat ek nog te veel beheer oor my eie besluite het en vra vergifnis vir my rebelsheid. Onderrig my met wysheid in oorvloed. U leiding is konstant.
Jesus het gekom om ons te versoen met die Vader. Hy is die lewende weg na die troon – die voorhangsel is geskeur. Dit is ons geboorte-voorreg om Sy stem te kan hoor.
Here, ons buig nederig voor U en dank U vir genade so groot. Ons bid vir herstel in ons liggame wat gebreek en gekneus is. Vader, raak asb die gehoor aan van diegene wat nie al hulle sintuie kan geniet nie. By U is niks onmoontlik nie.
Laat jou geloof sigbaar word in jou dade. Deel jou geloof en maak dissipels vir Jesus. Volhard sodat jy eendag alles wat Jesus vir jou in die hemel bewaar, in besit neem.
God ken ons lewe. Hy het die pad reeds voorberei. Hy ken die toekoms, vertrou Hom net. Hy ken jou bekommernis, gee dit oor en raak stil. Hy ken jou hartseer, teleurstellings en sien jou trane – Hy sal dit afdroog. Daar is geen einde aan Sy goedheid nie.
Vader, ons dra hierdie land met sy kulturele diversiteit op aan U. Seën asseblief ons land en mense en leer ons hoe om mekaar te kan aanvaar, te vergewe en lief te hê.
Dankie Vader vir die wonderlike gawe om te kan kommunikeer. Lei ons om dit met oorgawe te gebruik om mekaar aan te moedig en te vertroos en om U te eer.
Here, ek weet dat U tot alles in staat is en alles kan uitvoer volgens U wil. Soms is ons ongeduldig as ons gebede nie dadelik verhoor word nie. Vergewe ons ongeduld Here – U is altyd op tyd.
Deur die oortreding van een mens het baie gesterf, maar deur die genade van God en die genade van een mens, Jesus Christus, was Hy bereid om die losprys te betaal – vir jou.
Johannes 8:31 – Jesus sê vir die Jode wat in Hom geglo het: As julle in my woord bly, is julle waarlik my dissipels. En julle sal die waarheid ken, en die waarheid sal julle vrymaak.
Jesus is die vrede in tye van moedeloosheid, siekte en hartseer. Jy is nie gemaak om hierdie storms te beleef en te beveg nie. Jy is gemaak om God te beleef en te sien hoe Hy jou storms stilmaak.
Hy is die enigste seun van God. Hy is ewig en die enigste weg na die Vader. Hy het die mag om lewe te gee en die enigste Regverdige wat vir ons sondes verruil het.
Dankie Here, dat ons die wedergeboorte kan ontvang en so gewek word tot ‘n nuwe lewe as U kinders en gee dat ons ook as U kinders sal leef.
Lees meer “Gebedsgids – Augustus 2025 NG Kerk Groot-Brakrivier”
Ons Bid vandag vir alle siek mense en allerhande soorte siektes van ons tyd en bid dat hulle die nodige geduld sal hê om dit te hanteer en ook bid ons vir U genesende hand.
Liewe Vader, ek wil nie net besluite neem en my kop stamp nie. Laat ek volgens U wil bid en in U spoor loop sodat ek die regte optrede aan die dag sal lê.
Lees meer “GEBEDSGIDS – JULIE 2025 NG Kerk Groot-Brakrivier”
God se stem in die seisoene
“U wat al die seisoene van die aarde vasgestel het; somer en winter is die werk van U hand” – Psalm 74:17.
“As iemand agter My aan wil kom, moet hy homself verloën en sy kruis elke dag opneem en My volg.”
Lukas 9:23
Vader, help ons om weer bewus te word van ons gawes om ‘n seën vir ‘n ander een te wees. Om ander met onvoorwaardelike liefde en deernis te aanvaar en te bemoedig. Niemand van ons leef tog vir onsself nie, ons doen dit tot eer van God.
Lees meer “Gebedsgids April 2025”
Kom bid saam met die Bybelgenootskap van Suid-Afrika vir die werk wat hulle doen vir die verspreiding van Bybels in die wêreld.
Met die Bybel as grondslag en gemotiveer deur die Groot Opdrag, vervul die Bybelgenootskap van Suid-Afrika hul missie om bekostigbare Bybels beskikbaar te stel terwyl die volgende waardes al hul aktiwiteite rig – integriteit, vertroue, respek, diens, aanspreeklikheid – sodat elkeen die lewegewende boodskap van die Woord mag ervaar.
Lees meer “Bybelgenootskap – Gebedsgids Herfs 2025”
Lukas 9:23 – 24
“As iemand My wil navolg, moet hy homself verloën, en elke dag sy kruis opneem en My volg: want wie sy lewe wil red, sal dit verloor, maar wie sy lewe ter wille van My verloor, sal dit red”
Vader, hoe wonderlik is dit om te weet dat U my lewe op aarde beplan het en dat dit geen fout was nie. Ek weet Vader dat ek nie hier op aarde geplaas is om onthou te word nie, maar om vir die Ewigheid voor te berei. U naam sal ek loof. Dankie dat U my gekies het.
Lees meer “Gebedsgids Maart 2025”
‘Kia orana!’ is hoe die eilandbewoners van die Cook-eilande mekaar groet. Dit beteken: “Mag jy lank lewe en mag jy goed lewe. Mag jy soos die son skyn. Mag jy met die golwe dans.”
Die Christenvroue van hierdie afgeleë eilande in die Stille Oseaan het die tema gekies vir vanjaar se Wêreldbiddag vir vroue – ’n wêreldwye ekumeniese gebedsdag waaraan mense in 176 lande en streke deelneem. Die gebedsdag val tradisioneel op die eerste Vrydag in Maart. Die datum vanjaar is 7 Maart.
As tema het hulle Psalm 139:4 gekies ‘U het my volmaak geskape’. Hulle nooi almal wat daaraan deelneem om mekaar op 7 Maart met hierdie Maori-groet te groet en om blomkranse (‘ei katu) te dra.
Hierdie jaar se program nooi ons uit om opnuut te ervaar hoe God elkeen van ons met besondere aandag en liefdevolle sorg geskep het. God ken ons intiem, ons is spesiaal en elkeen uniek. Wanneer ons besef dat God ons wonderlik/volmaak geskape het, verander alles in ons lewe. Ons gloei van binne, en ons begin ander mense ook as geliefde kinders van God hanteer. Die vroue van Cook-Eilande vertrou dat ons geestelik versterk sal word as ons God se liefdevolle teenwoordigheid ervaar
Te dikwels is vroue en meisies stilgemaak en onderdruk, wat hierdie komende tema van WWDP Cook-eilande besonder relevant maak. Die boodskap dat ons, as vroue en meisies, “ontsagwekkend en wonderbaarlik” na die beeld van God gemaak is, versterk ons beweging se ondersteuning van vroue om hul geloof uit te druk en oor hul lewens te praat in gebed en aanbidding voor God en in die gemeenskap.
Die Biddag nooi ons om aspekte van ons God geskape liggame raak te sien wat ons dikwels as vanselfsprekend aanvaar.
By die afsluiting van ‘n byeenkoms sê ons Tongareva-ouderlinge altyd hierdie kragtige woorde van bemoediging: ‘Kia mau te serenga! Kia mau te napena! Kia mau!’ Dit beteken ‘hou styf vas aan wie jy is, in alle aspekte van jou bestaan!’ Ons is wonderlik deur God gemaak, en ons moet al die aspekte van wie ons is koester!”
14Ek prys U omdat ek op ‘n ontsagwekkende, wonderbaarlike wyse gemaak is
Die Bybelstudie lei tot dialoog rondom Psalm 139, en fokus veral op die verhouding tussen God en elkeen van ons. Die studie kyk na 3 afdelings van Psalm 139, elk met ‘n ander fokus: verse 1-6 (God ken ons), verse 7-12 (God is met ons), en 13-18 (God het ons wonderlik gemaak).
14Ek prys U omdat ek
op ‘n ontsagwekkende,
wonderbaarlike wyse gemaak is.
Wonderbaarlik is u werke
en ek besef dit maar te goed.
15My skelet was nie vir U verborge
toe ek in die geheim gemaak is nie,
toe ek kunstig geweef is
in die dieptes van die aarde.
16U oë het my vormloosheid gesien.
En in u •boekrol is hulle almal
opgeteken –
dae wat beplan is,
toe nie een daar was nie.
17En vir my, hoe kosbaar
is u gedagtes, o God –
hoe oorweldigend
is die volle getal daarvan!
18As ek dit tel,
is dit meer as die sand.
Word ek wakker,
dan is ek steeds by U.
Skrifaanhalings geneem uit: die Bybel in Afrikaans 2020-vertaling © Bybelgenootskap van Suid-Afrika 2020. Gebruik met toestemming. Alle regte voorbehou. www.bybelgenootskap.co.za / www.biblesa.co.za. Kontak: copyright@biblesociety.co.za
Die derde gedeelte van hierdie Psalm fokus op hoe ons “ontsagwekkende en wonderbaarlik” deur God gemaak is. Dit vind aanklank by Genesis 1 en 2, waar ons God se skeppingsdade sien en leer dat mense na die beeld van God gemaak is. God het die skepping in Genesis “baie goed” genoem, wat resoneer met die woord “wonderlik” in hierdie Psalm.
’n Nuwe insig in God wat ons as mense geskep het, verskyn in die Psalm met die woord “ontsagwekkend ”. Die Hebreeuse woord is “yare”, wat vertaal kan word as “om bang te wees”, maar dit beteken ook “om in ontsag en eerbied te staan.” Ons leer dat God met groot eer en respek lewe in ons geskep en geblaas het.
In hierdie deel van die Psalm word die psalmis diep beweeg om lof en dank aan God te gee.
Tarani Napa en Tevairangi Napa is ‘n Moeder-Dogter-kunstenaarspan van die Cook-eilande. Hulle voel geëerd om hierdie kunswerk, “wonderbaarlik gemaak”, te kon deel uit erkenning van hul liefde vir hul huis, hul geloof en hul erfenis. Tarani Napa is ‘n ma van ses kinders en drie kleinkinders. Sy is ‘n gesertifiseerde laerskoolonderwyser, entrepreneur en kreatiewe kunstenaar. Tevairangi Napa is die oudste dogter van Tarani, en sy is ‘n trotse ma van twee kinders. Sy volg in haar ma se voetspore as kreatiewe kunstenaar.
Die kunstenaars beskryf dit so:
Die strandmere en oseane is vol seelewe, visse en edelstene (soos swart pêrels), wat ons met die wêreld verbind. Op elke eiland staan die magtige klapperboom hoog, ‘n simbool van krag en goedheid. Die klapperboom sorg vir ons gesondheid en welstand. Ons kosbare Tivaevae-kwilte verteenwoordig geduld, liefde en eenheid. Ons eer God se liefde en barmhartigheid met hoede wat ons kerk toe dra, geweef deur vaardige liefdevolle hande van die stringe rito, die jong klapperblaar. Ons versier onsself met soet geurige Tiare tropiese blomme, gemaak in krone en kranse. Ons is dankbaar vir die koms van die Christendom na ons kus 200 jaar gelede. Christenskap het hoop, vrede en lig gebring, met ‘n begrip van die evangelie van Jesus Christus.
Die Cook-eilande bestaan uit 15 eilande wat oor 2 miljoen vierkante kilometer in die Stille Oseaan versprei is. Uit die 15 eilande word 12 bewoon. Die hoofstad van die Cook-eilande is Rarotonga, ‘n vulkaniese eiland met ‘n bevolking van 10 040 (van 15 040 totale mense). Baie Cook-eilandbewoners woon nou in die buiteland in Nieu-Seeland en Australië.
Die 15 eilande wat nou Cook-eilande genoem word, is eers vermoedelik tussen 500-800 nC bewoon deur mense van eilande in wat nou bekend staan as Frans-Polinesië.
Die Britse ontdekkingsreisiger, Kaptein James Cook het na die eilande gekom in sy ekspedisies van 1773 en 1777. Ten spyte van die eilande wat uiteindelik die groot navigator se naamgenoot gedra het, het Kaptein Cook slegs op die destydse onbewoonde eiland Palmerston aan wal gegaan. Kaptein Cook het die groep die Hervey-eilande genoem, na ‘n Britse Lord of the Admiralty, maar hulle is herdoop na Cook-eilande, ter ere van die groot ontdekkingsreisiger, sowat 50 jaar later deur die Russiese kartograaf, Admiraal Adam Johann von Krusenstern.
Vandag is die Cook-eilande ‘n meerderheid Christelike nasie, waar die mense gedryf word deur ‘n sterk gevoel van gemeenskap en kulturele waardes wat uit hul geloof in God kom.
Die Cook-eilande is in ‘n benydenswaardige posisie waar die meeste mense die rykdom van hul eie grond besit en daarvan leef. Cook-eilandbewoners is trots om wonderlike versorgers van hul familie-stamgrond te wees. Die “grondbesitstelsel” is ingestel deur die Cook Islands Act van 1915, wat bepaal het dat inheemse grond nie gekoop of verkoop mag word nie, behalwe aan die regering vir openbare doeleindes. In plaas daarvan sou alle inheemse grond aan die kinders van Cook-eilanders oorgedra word.
Cook-eilandbewoners is slim. Pandanus (screwpine) en rito (klapperblaarvesel) is die belangrikste natuurlike vesels wat vroue in die Cook-eilande vir weef gebruik. Pandanus word gebruik om matte, mandjies, hoede, waaiers en tafelmatjies te weef. Ei katu is ‘n krans van blomme wat om die kop gedra word. Dit word deur beide vroue en mans gedra as ‘n simbool van liefde en behoort. Dit is ‘n sirkel, wat beteken dat alles verbind is.
Hierdie liedjies is spesiaal geskryf vir die Wereld biddag vir vroue 2025 deur Ruru Maeva
Hierdie liedjies is spesiaal geskryf vir die Wereld biddag vir vroue 2025 deur Ruru Maeva.
Te Pure Ā Te ‘Atu
Cook Islands Māori Lord’s Prayer
By Rev. Ta Upu Pere
LW Die onderstaande werke word deur kopiereg beskem en mag slegs deur WWDP Komiteelede op plaaslike en nasionale vlak gebruik of afgelaai word.
Meer inligting – WWDP Amptelik
Copyright © 2024 World Day of Prayer International Committee, Inc.
“I Made You Wonderful” was prepared by the World Day of Prayer Committee of Cook Islands for the worship service and educational activities for the 2025 World Day of Prayer (WDP) annual celebration.
WDP materials are developed for the exclusive use of WDP programs organized by national or local committees and their partner organizations. For any other use, materials from the WDP 2025 Resource Packet may not be reproduced without the permission of World Day of Prayer International Committee (WDPIC).
Limited reproduction rights granted—Bible study, Worship Service, Country Background, Children’s Program, Artwork and Artist Statement, WDP composed songs and photos may be reproduced—printed or electronically—for WDP activities with congregations and groups, if appropriate credit is given. WDP National/Regional Committees are permitted to resell reproductions of the resources for the purposes of the WDP program.
Only WDP National/Regional Committees connected with WDPIC can make the resource packet or sections of the materials available online. Committees that make materials available online must ensure groups and individuals who access the online materials are accountable to the committee. The songs suggested for the worship service and children’s program include copyrighted information from the publishers. Permission to reproduce or translate the songs must be obtained from the publishers. WDPIC only gives permission to reproduce or translate the songs that are originally composed for WDP programs.
Any offerings or funds collected related to WDP activities must be reported to WDP committees. Scripture quotations are from the New Revised Standard Version of the Bible, copyright © 1989 by the Division of Christian Education of the National Council of Churches of Christ in the U.S.A. and are used by permission. All rights reserved.
For further information, please contact:
World Day of Prayer International Committee
475 Riverside Drive Room 729
New York, NY. 10115. USA
admin@worlddayofprayer.net – http://worlddayofprayer.net
To clarify, there is no restriction about where WDP activities happen, and many countries use the Children’s Activity sheets in Sunday School – if a community decides to utilise the materials, to please inform the committee about their activities. If the materials need to be reproduced, credit must be given to WDPIC.
Vix Daniell, Office Manager,
WDP EWNI – June 2024
1 Februarie – Saterdag – Opregte Liefde
Here, gee my vandag ‘n rustige hart sodat ek op U kan fokus. Gee my ‘n ruim hart sodat ek vir ander kan bid en ‘n sagte hart sodat ek ander kan liefhê – soos ek vir U.
2 Februarie – Sondag – Heerlikheid is so verfrissend
Lees meer “Gebedsgids Februarie 2025”
Woensdag, 1 Januarie – Feesvieringe
Almal vier fees vir die begin van die nuwe jaar en bid ons dat die vieringe tot eer van Jesus sal wees wat elke jaar vir ons nuut maak en nuwe kanse gee.
Donderdag, 2 Januarie – Drie-eenheid aanbid
Lees meer “Gebedsgids – Januarie 2025”
Sondag, 1 Desember – Kinders in verwaarlosing
Talle huishoudings in behoeftige areas word deur kinders so jonk as 9 jaar daagliks alleen gelaat. Bid vir daardie kinders en vra dat meer kinderhuise beskikbaar sal kom om ook aan ouerlose kinders sorg te bied. Bid dat mense mildelik sal bydra tot die kindersorg.
Maandag, 2 Desember – Eerste Advent week
Lees meer “Gebedsgids vir Desember 2024”
1 November – Vrydag – Geliefdes
Bid vandag vir jul geliefdes se welstand en sorg en vra dat Jesus hulle sal omarm waar hulle ook al is.
2 November – Saterdag – Eerlikheid
Lees meer “Gebedsgids November 2024”
GEBEDSGIDS – OKTOBER 2024
1 Oktober – Dinsdag – Skole heropen
“Ons dra vandag die leerkragte aan U op, Here, dat U hulle spesiaal sal seën waar hulle elke dag die kinders moet lei om goed voorbereide volwassenes te wees.”
Lees meer “Gebedsgids vir Oktober 2024 – NG Kerk Groot-Brakrivier”
