Etiket: Dagstukkies

27 Januarie

Liewe vriend

Mag jy vandag beskerm wees teen alle slegte woorde! Hier is God se Boodskap net vir jou vir vandag:

Tema: Vloeke oor jou uitgespreek, is kragteloos

Teks vir vandag: “Al wens iemand jou slegte dinge toe, niks daarvan sal waar word nie. Soos verskrikte voëltjies wat wegvlieg, sal dit in die niet verdwyn.” Spr. 26:2 (Die Boodskap)

• God is jou beskermer – geen vervloeking of slegte wense kan jou raak as jy onder Sy sorg leef nie.
• Moenie jou energie mors deur bekommerd te wees oor wat ander oor jou sê of jou toewens nie.
• Jou toekoms word nie bepaal deur mense se opinies of wense nie, maar deur God se plan vir jou.
• Leef vandag in die vryheid en vrede dat God jou beskerm teen alle slegte woorde en bedoelinge.
• Wees rustig! Wees hoopvol! Sien uit na jou toekoms!

Gebed

Liewe Vader, dankie dat U my beskerm teen alle slegte woorde en wense, en dat niks my kan raak sonder U toestemming nie.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

26 Januarie

Liewe vriend

Mag jy vandag vrede vind met wat jy nie verstaan nie! Hier is God se Boodskap net vir jou vir vandag:

Tema: Jy kan God nie verstaan nie

Teks vir vandag: “Die Here is baie groot. ‘n Mens verstaan nie alles wat Hy doen nie. ‘n Mens kan alles ondersoek en bestudeer. Baie dinge bly vir hom ‘n geslote boek.” Spr. 25:2 (Die Boodskap)

• Jy hoef nie alles te verstaan om God te vertrou nie – vertroue is om Hom te glo al maak dinge nie sin nie.
• God se manier om dinge te doen is heeltemal anders en beter as jou manier. Die wyse hoe Hy dink groter, beter, wyser en anders as jou gedagtes en planne (1 Kor 1:27-28).
• Party van God se planne sal jy eers na jou dood verstaan – wees tevrede met dit wat Hy jou nou wys.
• Jy hoef nie alles te weet of te verstaan nie. Laat Sy “onverstaanbaarheid” eerder jou bewondering vir God laat toeneem. 
• Soek dus Sy wil en planne elke oomblik vir jou lewe. Hy maak die onmoontlike moontlik!

Gebed

Liewe Vader, help my om vandag U te vertrou, al verstaan ek nie alles nie. Help my om rus te vind in die wete dat U in beheer is.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

25 Januarie

Liewe vriend

Mag jy vandag versigtig wees met wie jy meng! Hier is God se Boodskap net vir jou vir vandag:

Tema: Wees versigtig met wie jy tyd deurbring en meng

Teks vir vandag: “Moet niks van slegte mense wil hê nie. Moet onder geen omstandighede met hulle bevriend raak nie. Hulle dink net aan verkeerde dinge. Hulle sê verskriklike goed.” Spr. 24:1-2 (Die Boodskap)

• Moenie meng met mense wat slegte dinge doen, dink of sê nie – hulle sal jou aftrek en jou lewe vernietig (Spr. 24:2 1983-vertaling).
• Die mense met wie jy tyd deurbring, beïnvloed jou meer as wat jy dink – kies hulle versigtig.
• Slegte geselskap bederf ‘n goeie karakter, goeie gedrag (gewoontes) en ordentlike optrede (1 Kor 15:33).
• God roep jou om in die wêreld te wees, maar nie deel van die wêreld se sonde te word nie.
• Beskerm jouself deur afstand te hou van slegte invloede.
• Kies Christenvriende en mense met goeie karakter en positiewe invloed.

Gebed

Liewe Vader, gee my wysheid om die regte vriende te kies en die moed om weg te bly van mense wat my van U sal afdraai.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

24 Januarie

Liewe vriend

Mag jy vandag tevrede wees met wat genoeg is! Hier is God se Boodskap net vir jou vir vandag:

Tema: Geniet die lewe met wat jy het

Teks vir vandag: “Moenie jou vir geld afsloof nie. Wees slim genoeg om te weet wanneer jy genoeg het.” Spr. 23:4 (Die Boodskap)

• God wil hê jy moet werk en vooruitgaan.
• Hy wil egter nie hê dat jy jou gesondheid, sin vir goeie waardes en goeie verhoudings ter wille van geld en aansien prysgee nie.
• Die jaag na rykdom, eer en aansien kan jou verblind en jou van die werklike belangrike dinge in die lewe laat wegdryf.
• Tevredenheid is ‘n vrug van die Heilige Gees (Gal 5:22). Dank eerder vir God die Vader vir al die dinge wat jy het (Eks 20:17 – 10de gebod; Ef. 5:20; Kol. 3:16).
• Toets vandag jou prioriteite en maak seker dat geld, rykdom en besittings nie onder die boonstes tel nie.

Gebed

Liewe Vader, help my om vandag wysheid te hê om te weet wanneer genoeg, genoeg is en om nie my lewe vir geld weg te gooi nie.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

23 Januarie

Liewe vriend

Mag jy vandag jou integriteit bo rykdom stel! Hier is God se Boodskap net vir jou vir vandag:

Tema: Beskerm jou reputasie

Teks vir vandag: ‘n Goeie naam is beter as geld. Ander se liefde is kosbaarder as groot rykdom.” Spr. 22:1 (Die Boodskap). Lees ook Prediker 7:1

• Jou karakter en reputasie is iets wat jy daagliks bou deur klein keuses, integriteit en konsekwente optrede.
• Geld kan verlore gaan, maar ‘n goeie naam bly voortgaan selfs daar wanneer jy nie meer leef nie – na jou dood.
• Selfs na jou dood onthou die nageslag jou voorbeeld en tipe reputasie.
• Mense se vertroue en respek verdien jy nie met geld nie, maar met integriteit, eerlikheid, vriendelikheid, liefde en hardwerkendheid.
• Maak vandag besluite wat jou goeie naam sal beskerm en jou getuienis sal versterk.

Gebed

Liewe Vader, help my om vandag my integriteit te beskerm en ‘n goeie naam op te bou deur reg te leef.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

22 Januarie

Liewe vriend

Mag jy vandag jou planne aan God se wil onderwerp! Hier is God se Boodskap net vir jou vir vandag:

Tema: God bepaal die uitkoms

Teks vir vandag: ‘n Groot leier dink baie oor dinge, maar die Here rig sy denke. Hy beplan, maar God besluit wat sal gebeur.” Spr. 21:1 (Die Boodskap) – lees ook Spreuke 16:1, 9; 19:21

• Jou leierskap, visioenêre sienings, strategiese beplanning en intelligensie is goeie gawes van God, maar moet altyd onder Sy leiding funksioneer.
• God kan jou gedagtes en planne rig as jy Hom toelaat om in beheer te wees.
• Wees bereid om jou planne te verander as God jou in ‘n ander rigting lei.
• Begin elke dag deur God te vra om jou denke en besluite te lei.
• Stap agter die Here aan. Volg Hom. Hy kan die onmoontlike moontlik maak!

Gebed

Liewe Vader, rig vandag my denke en planne sodat alles wat ek doen in lyn is met U volmaakte wil vir my lewe.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

21 Januarie

Liewe vriend

Mag jy vandag selfbeheersing oefen! Hier is God se Boodskap net vir jou vir vandag:

Tema: “Afhanklikheid” vernietig jou en ander mense

Teks vir vandag: “Te veel wyn laat jou nonsens praat. Sterk drank maak jou rumoerig. Dit is slim van jou om nie dronk te word nie.” Spr. 20:1 (Die Boodskap)

• Alkohol en verslawende middels verswak jou vermoë om goeie besluite te neem.
• Dit sal ook jou verhoudings en werk seermaak en groot skade aan doen.
• God het jou geroep om jou liggaam en gedrag te beheer.
• Baie mense het hulle getuienis, werk, verhoudinge en geleenthede verloor omdat hulle beheer aan verslawing afgestaan het.
• Uiteindelik sterf jy weens jou gebrek aan dissipline en selfbeheer (Spr. 5:23).
• Kies om altyd in beheer van jouself te bly.
• Staan sterk en wees deur jou keuses en gedrag in beheer van jou lewe!

Gebed

Liewe Vader, help my om vandag wysheid te hê in hoe ek met alkohol omgaan en om altyd in beheer van myself te bly.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

20 Januarie

Liewe vriend

Mag jy vandag die ware rykdom van God se wysheid waardeer! Hier is God se Boodskap net vir jou vir vandag:

Tema: Ware rykdom lê in jou verhouding met die Here

Teks vir vandag: “Eerder ‘n arme wat die Here ken, as ‘n ryke sonder enige wysheid. Hy sê en doen die domste dinge.” Spr. 19:1 (Die Boodskap)

• Jou verhouding met God is jou grootste bate – geen bedrag geld of eiendom kan dit ooit vervang nie.
• Rykdom sonder wysheid lei tot slegte besluite wat alles verlore kan laat gaan.
• God se wysheid lei jou na besluite wat jou lewe verryk, ongeag jou finansiële situasie.
• Wees vandag dankbaar vir jou persoonlike verhouding met God en bid vir Sy wysheid in alles wat jy doen.

Gebed

Liewe Vader, leer my om die verhouding met U te koester as my grootste skat en om U wysheid bo materiële rykdom te stel.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

19 Januarie

Liewe vriend

Mag jy vandag vir ander leef en nie net vir jouself nie! Hier is God se Boodskap net vir jou vir vandag:

Tema: Selfsug vernietig jou verhoudinge

Teks vir vandag: ‘n Selfsugtige mens wat net vir homself leef, soek altyd na ‘n rede om die rug vir sy mense te draai.” Spr. 18:1 (Die Boodskap)

• Selfsug verblind jou en maak dat jy net jou eie behoeftes en begeertes kan sien.
• God het ons gemaak om saam met ander mense te leef – ons is sosiale mense. Isolasie is gevaarlik vir jou geestelike groei.
• Wanneer jy net vir jouself leef, mis jy die geluk van ware verhoudings en saamwees met ander mense.
• Maak vandag ‘n doelbewuste keuse om aan iemand anders te dink en iets vir hulle te doen.
• Leef sag teenoor ander mense. Maak jou hart oop vir mense. Geniet so God se liefde, vrede en geluk!

Gebed

Liewe Vader, breek vandag die selfsug in my lewe en help my om opreg vir ander om te gee en diensbaar te wees.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

18 Januarie

Liewe …

Mag jy vandag tevrede wees met wat jy het! Hier is God se Boodskap net vir jou vir vandag:

Tema: Kies eerste vir vrede en geluk in jou lewe

Teks vir vandag: “Eerder met min klaarkom en gelukkig wees, as om oorvloed te hê en heeltyd te baklei.” Spr. 17:1 (Die Boodskap)

• Ware rykdom word nie gemeet in wat jy het nie, maar in die vrede en liefde wat in jou huis en plek heers.
• God maak ‘n huis en plek gelukkig waar daar eenheid en vrede is, – al is daar min materiële besittings.
• Moenie deur jou gejaag na meer geld, status en aansien jou verhoudinge met mense, veral jou gesin en familie, laat skade kry nie.
• Wees vandag dankbaar vir wat jy het. Werk daaraan om vrede in jou plek te bevorder.

Gebed

Liewe Vader, help my om vandag tevrede te wees met wat ek het en om vrede en harmonie in my huis en plek te koester.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

17 Januarie

Liewe vriend

Mag jy vandag jou planne aan God toevertrou! Hier is God se Boodskap net vir jou vir vandag:

Tema: Beplan in geloof

Teks vir vandag: ‘n Mens maak baie planne, maar die Here besluit of dit suksesvol sal wees of nie… Elke mens beplan sy lewe, maar alles hang van die Here af.” Spr. 16:1, 9 (Die Boodskap) lees ook Spreuke 19:21; 21:1

• Dit is reg om te beplan en jou beste doen, maar bly afhanklik van God vir die finale uitkoms.
• Jou planne moet altyd onderworpe wees aan God se wil – Hy sien die groter prentjie.
• Wanneer dinge nie loop soos jy beplan het nie, vertrou dat God besig is met iets beters. Wag dan eers.
• Begin vandag deur jou planne in gebed aan God voor te lê en Sy leiding te vra. Stap agter Hom aan. Doen Sy wil.
• Moet jou nie aan mense steur nie. God bepaal wat gebeur. Wees rustig, tevrede en gelukkig.

Gebed

Liewe Vader, ek lê vandag al my planne in U hande en vertrou dat U sal besluit wat die beste vir my is.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

16 Januarie

Liewe vriend

Mag jy vandag selfbeheersing oefen! Hier is God se Boodskap net vir jou vir vandag:

Tema: Selfbeheersing getuig van innerlike krag

Teks vir vandag: ‘n Sagte antwoord laat die woede bedaar. Skerp woorde maak mense woedend. ‘n Gelowige se woorde getuig van kennis… Wie sy humeur kan beteuel, is sterker as die sterkste mens. Wie sy drange en emosies kan beheer, is magtiger as baie magtiges” Spr. 15:1; 16:32 (Die Boodskap)

• Mense sal jou seermaak, ander kan jou by die werk onder druk plaas. Ja, spanning en konflik kan jou onwaardig laat optree.
• Selfbeheersing is ‘n vrug van die Heilige Gees (Gal. 5:22) – vra Hom om jou vandag te help om kalm te bly.
• ‘n Sagte antwoord het die krag om konflik te ontlont, vrede en rus te bring. Dit kan jou in beheer van die situasie plaas.
• Beheer jou tong wanneer jy kwaad is, al is dit bitter moeilik om te doen (Jak 3:5-6).
• Byt jou tong vas voordat jy praat as jy kwaad is. Dink eers en tel jou woorde.
• Wees vandag doelbewus om rustig te reageer, al voel jy baie anders. Leef in vrede en wees gelukkig.

Gebed

Liewe Vader, gee my vandag die krag om myself te beheer en met sagtheid te reageer, selfs wanneer ander my provokeer.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

15 Januarie

Liewe vriend

Mag jy vandag wysheid gebruik om te bou! Hier is God se Boodskap net vir jou vir vandag:

Tema: Behou jou goeie reputasie en integriteit

Teks vir vandag: ‘n Mooi lewe kan deur dom optrede vernietig word. Dit is soos Wysheid wat ‘n mooi huis met moeite bou. Dan kom dwaasheid en breek dit af.” Spr. 14:1 (Die Boodskap)

• Moenie met jou toekoms speel nie!!!
• Jou integriteit, reputasie, verhoudings en getuienis is kosbaar – dit kan deur een dom besluit en optrede op die spel geplaas word.
• Dit neem lank om vertroue en ‘n goeie naam te bou, maar net sekondes om dit te vernietig.
• Wees ekstra versigtig om niks te doen wat kan afbreek maak aan wat God besig is om in jou lewe te bou nie.
• God wil hê jy moet ‘n goeie naam opbou wat vas bly staan – gebruik daarom Sy wysheid in elke besluit.
• Bou jou toekoms op tot iets wat mooi, goed en positief is.

Gebed

Liewe Vader, help my om vandag wys te leef en te beskerm wat U in my lewe besig is om te bou.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

14 Januarie

Liewe vriend

Mag jou woorde vandag ander opbou! Hier is God se Boodskap net vir jou vir vandag:

Tema: Spreek lewe en wees positief

Teks vir vandag: ‘n Gelowige se woorde kan vir ander mense baie beteken. Hy trek self ook voordeel daaruit. Slegte mense kan nie genoeg van geweld kry nie.” Spr. 13:2 (Die Boodskap)

• Jou woorde het die krag om lewe of dood te bring – kies vandag om met jou woorde lewe te skenk (Deut. 30:19).
• Kies lewe deur jou woorde, dan sal jy en jou nageslag gelukkig wees en voluit leef (Deut. 30:19).
• Wanneer jy ander bemoedig en opbou, ontvang jy self ook die geluk, vrede en vreugde van positiewe verhoudings.
• Fokus vandag spesifiek op ten minste drie mense wat jy met jou woorde kan opbou en bemoedig.

Gebed

Liewe Vader, help my om vandag my woorde met wysheid te gebruik sodat dit ander kan opbou en U Naam kan verheerlik.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

13 Januarie

Liewe vriend

Mag jy vandag oop wees vir God se onderrig! Hier is God se Boodskap net vir jou vir vandag:

Tema: Wees leerbaar

Teks vir vandag: “Wie die lesse van die lewe ernstig opneem, is slim. Wie uit sy foute leer, leer die kuns van die lewe ken. Wie na geen raad luister nie, is dom.” Spr. 12:1 (Die Boodskap)

• God gebruik jou lewenservaring (waarvan jou foute deel van is) om jou te leer en te vorm – leer daaruit.
• Jy is leerbaar wanneer jy raad en advies ontvang en dit is ‘n teken van wysheid, nie van swakheid nie.
• Mense wat dink hulle weet alles, is “halsstarrig” en bly vasgevang in hulle eie blindekolle en beperkinge.
• Maak vandag ‘n keuse om oop te wees vir regstellings, advies en raad van ander wat wys is.
• Dank God die Heilige Gees dat Hy die God van alle wysheid is. Ontvang Sy lesse en leef gelukkig!

Gebed

Liewe Vader, maak my vandag nederig genoeg om uit my foute te leer en oop genoeg om na goeie raad te luister.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

12 Januarie

Liewe vriend

Mag jy vandag eerlik wees in al jou transaksies! Hier is God se Boodskap net vir jou vir vandag:

Tema: Eerlikheid is deel van God se besigheid

Teks vir vandag: “Dit walg die Here wanneer besigheidsmense oneerlik is, wanneer produkte swak en pryse buitensporig is. Eerlike transaksies maak Hom gelukkig.” Spr. 11:1 (Die Boodskap)

• God is nie net betrokke by jou geestelike lewe nie – Hy gee ook om hoe jy in die sakewêreld optree.
• Om kwaliteit produkte teen regverdige pryse te verkoop is ‘n vorm van aanbidding aan God.
• Jou integriteit in besigheid is ‘n getuienis vir ander van God se karakter.
• Wees vandag ekstra versigtig om in elke transaksie volkome eerlik en deursigtig te wees.

Gebed

Liewe Vader, help my om vandag in al my besigheidstransaksies eerlik te wees sodat my integriteit vir U ‘n bron van vreugde sal wees.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

11 Januarie

Liewe vriend

Mag jy vandag integriteit in al jou sake beoefen! Hier is God se Boodskap net vir jou vir vandag:

Tema: Hanteer jou geld eerlik en verantwoordelik

Teks vir vandag: “Geld wat oneerlik verkry is, bring net verdriet. Eerlike optrede maak mens gelukkig.” Spr. 10:2 (Die Boodskap)

• Oneerlike wins kom met ‘n prys – jou gemoedsrus, jou getuienis en uiteindelik jou vreugde gaan verlore.
• God sien alles wat jy doen en Hy seën eerlikheid, nie kortpaaie of slim planne nie.
• Eerlike geld maak jou huis en huismense gelukkig. Dit gee en vrede en rustigheid in jou hart.
• Kies vandag vir integriteit, al lyk dit asof jy ‘n kans misloop – God se seën is meer werd as enige oneerlike wins.

Gebed

Liewe Vader, help my om vandag in al my sake eerlik en opreg te wees sodat U seën en vrede op my lewe kan rus.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

10 Januarie

Liewe vriend

Mag jy vandag wysheid hê in hoe jy antwoord! Hier is God se Boodskap net vir jou vir vandag:

Tema: Wees versigtig hoe jy praat en antwoord.

Teks vir vandag: “Dink mooi hoe jy iemand wat met God spot, moet antwoord.  Hy kan jou begin haat, en jou groot skade aandoen.” Spr. 9:7 (Die Boodskap)

• Nie alle mense is gereed om God se waarheid te hoor nie – bid vir wysheid om te weet wanneer om te praat.
• Spotters is mense wat God se manier van leef en hoe Hy ons deur Jesus gered het, bespot en verwerp – hulle kan gevaarlik wees vir jou geestelike welstand.
• God gee jou onderskeidingsvermoë om te weet met wie jy God se dieper waarhede kan deel.
• Wees nederig genoeg om te erken dat jy nie almal kan oortuig nie – los ruimte vir die Heilige Gees om te werk.
• Antwoord ongelowige mense versigtig en met wysheid, sodat jy hulle vir Christus kan wen.

Gebed

Liewe Vader, gee my vandag wysheid om te weet wanneer om te praat en wanneer om stil te bly, en beskerm my teen mense wat my wil seermaak.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

9 Januarie

Liewe vriend

Mag jy vandag vir ander ‘n getuienis van God se goedheid wees! Hier is God se Boodskap net vir jou vir vandag:

Tema: Word ‘n sigbare getuie van genade

Teks vir vandag: “Iemand wat reg leef, is ‘n getuienis. Om reg te leef is soos ‘n goeie vrou. Waar sy gaan, sien mense hoe goed en mooi sy is.” Spr. 8:1 (Die Boodskap)

• Jou lewensstyl is die sterkste en kragtigste preek wat jy ooit kan gee – mense kyk na hoe jy leef.
• Om reg te leef beteken om God se karakter in jou daaglikse besluite en optrede uit te leef.
• Jou integriteit en eerlikheid trek ander mense na God toe.
• Wees vandag bewus daarvan dat jy vir ander ‘n voorbeeld is van hoe ‘n kind van God leef.

Gebed

Liewe Vader, maak my vandag ‘n getuienis van U goedheid sodat ander mense deur my lewe na U toe getrek sal word.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.

8 Januarie

Liewe vriend

Mag jy vandag God se voorskrifte vir die lewe onthou! Hier is God se Boodskap net vir jou vir vandag:

Tema: God se riglyne is vir jou goed – wees leerbaar.

Teks vir vandag: “… onthou wat ek jou oor die lewe geleer het. Bêre my voorskrifte in jou gemoed. Leef daarvolgens en jy sal gelukkig wees.” Spr. 7:1 (Die Boodskap)

• Jy moet bereid wees om die wysheid van God aan te leer – wees leerbaar!
• God se voorskrifte is nie ‘n las nie, maar eerder beskerming wat jou van swaarkry bewaar.
• Om God se wysheid in jou hart te bêre beteken om dit so goed te ken dat dit outomaties deel van jou denke word.
• Wanneer jy volgens God se beginsels leef, ervaar jy vrede en geluk wat die wêreld nie kan gee nie.
• Maak vandag ‘n doelbewuste keuse om een voorskrif van God uit te leef.

Gebed

Liewe Vader, help my om U Woord in my hart te bêre en daarvolgens te leef sodat ek die ware geluk kan ervaar wat U belowe het.

In die Naam van Jesus Christus die Here.

Amen

Vorige dagstukkies 2026

Vorige dagstukkies 2025

© NG Kerk Lynnwoodrif – word gebruik met toestemming.