23 Junie
Vandag wil God jou leer om kalm te bly, selfs wanneer ander mense jou wil omkrap. Hier is vandag se geestelike saad uit God se Woord.
Tema: Hou jou humeur in toom.
Teks: “Iemand wat sy humeur in toom hou, is slim. Wie dié vergewe wat hom beledig, word deur almal gerespekteer.” (Spr. 19:11 – Die Boodskap)
- Die Here self is geduldig en stadig om vir jou kwaad te word; Hy is vol liefde en goedheid teenoor jou. (Ps. 103:8)
- Wanneer iemand jou kwaad maak, is dit nie swakheid om kalm te bly nie — dit is juis ’n teken van ware krag en diep selfbeheersing.
- ’n Mens wat sy woorde en sy humeur kan beheer, sê later nooit dinge waaroor hy spyt is nie.
- Vra die Here vandag om jou te help om eers stil te raak en diep asem te haal voordat jy reageer.
Gebed
Liewe Vader, dankie dat U self so geduldig met my is. Help my om vandag my humeur in toom te hou en kalm te bly.
In die Naam van Jesus Christus, ons Here.
Amen.
© NG Kerk Lynnwoodrif – word gebruik met toestemming.