31 Maart

Ek bid dat jy sal sien hoeveel goedheid en guns die Here vir jou gee. Hier is vandag se boodskap aan jou.

Tema: Sien die werk van God raak

Teks: “Dit is die kinders wat God in sy liefde aan my gegee het.” (Gen 33:5)

• Soms is die lewe hard, maar die Here tree tot alle vlakke van die lewe toe.
• Wanneer God betrokke is, stop alles wat verkeerd gaan.
• Die Here beskerm jou in alle omstandighede – jou hele lewe: gesondheid, familie, vriende, werk, finansies, gemeente sowel selfs ook die land en wêreld se politiek.
• Sy beskermende hand oor jou, maak jou gelukkig, dit gee vir jou vrede en sekuriteit.

Gebed

Liewe Vader. Baie dankie dat U in alles vir my genoeg gee.
In  Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

30 Maart

My wens is dat jy sal leer dat liefde en respek jou verhoudings met ander mense bou. Hier is ‘n Boodskap uit die Bybel vir jou.

Tema: Respek bring versoening

Teks: “Esau het hom tegemoet gehardloop en hom omhels. Esau het sy arms om Jakob se nek gesit en hom gesoen, en hulle het gehuil. ” (Gén 33:4)

• As jy iemand met respek hanteer sal dit hom / haar oorweldig.
• Jy is God se ambassadeur wat Sy vrede aan alle mense oordra (2 Kor 5:20).
• Jy is God se ambassadeur om aan alle mense te vertel dat ons moet versoen.
• Vandag moet jy na mense uitreik, versoen en vrede maak sodat jy ‘n beter en vrye mens kan word.
• Dit is wat God van jou vra (2 Kor 6:1)

Gebed

Liewe Vader. Gee my die genade om ‘n vredemaker te wees.
Amen.

Vorige dagstukkies

© NG Kerk Lynnwoodrif – word gebruik met toestemming.

29 Maart

EK bid vir jou dat jy alle mense met respek en menswaardigheid sal hanteer. Hier is God se Woord vir vandag.

Tema: Hanteer jou opponente altyd respekvol.

Teks: “Hy self het verbygegaan tot heel voor en toe hy nader na sy broer toe kom, het hy sewe keer diep gebuig. ” (Gén 33:3 )

• God se guns en goedheid is jou grootste bate. 
• Raak net vir ‘n oomblik stil en dink aan God se groot liefde vir jou.
• Bewys aan ander mense soortgelyke goedheid, guns, liefde en respek.
• Betoon so ook aan jou vyande en opponente eerbied en respek. Hulle is ook die beeld van God.
• Respek en liefde vra nie veel nie, maar dit bou verhoudinge en neem spanning weg.

Gebed

Liewe Vader. Gee my die geloofsmoed om aan alle mense liefde en respek te bewys.
In  Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

28 Maart

Ek bid dat jy die Here vandag sal vertrou. Hier is Sy boodskap vir jou.

Tema: Moenie moed opgee nie

Teks: “ Die man het gesê: “Jy sal nie meer Jakob genoem word nie, maar Israel, want jy het teen God en teen mense ‘n stryd gevoer en jy het dit end-uit volgehou.” ” (Gen 32:23)

• Soms voel dit vir jou asof jy eerder alles moet opgee, want jy kom net nie reg nie.
• Moenie moed opgee nie, deur te volhard kry jy die regte resultate.
• Die Here neem verlore geleenthede, selfs gebeure waaroor jy skaam is om dit in oorwinnings te verander.
• Jou grootste behoefte is die behoefte aan God, ja om binne Sy wil te wees.

Gebed

Liewe Vader. Dankie Vader dat U my konflik in oorwinnings verander.
In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

27 Maart

My gebed vir jou is dat jy jou geluk by die Here God sal soek. Hier is spesiale boodskap uit die Bybel vir jou.

Tema: Soek jou geluk by die Here

Teks: “ Jakob het geantwoord: “Ek sal jou net los as jy my seën.” (Gen 32:26)

• Jou ware geluk kom net van die Here af.
• Glo vas dat die Here jou sal help, Hy sal (Ps. 40:2).
• Hy sal jou uit die gemors optel (Ps. 40:3).
• Jou lewe sal ‘n getuienis wees dat God getrou is.

Gebed

Liewe Vader. Dankie dat U krag my veilig bewaar.

In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

26 Maart

Ek hoop en bid dat jy die vrymoedigheid het om jou vrese aan God bekend te maak. Hier ‘n Woord van God vir jou..

Tema: Soek net hulp by die Here.

Teks: “ Red my tog uit die mag van my broer Esau, ek is bang vir hom …  (Gen 32:11)

• Selfs in moeilike tye is God daar om jou te red en te help 
• Daar is geen keer aan al die goeie dinge wat God vir jou wil gee nie, al verdien jy dit nie (Joh. 1:16).
• Dit is belangrik dat jou planne afhang van die leiding wat die Here gee.  J Volkome herstel is deel van God se plan vir jou.

Gebed

Liewe Vader. Baie dankie dat U my uit elke situasie wat sleg is sal lei. In  Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

25 Maart

Mag jy vandag bewus wees van die ondersteunende krag van die Here. Hier is Sy boodskap vir jou.

Tema: Die Here veg vir jou

Teks: “ Jakob het sy koers gegaan, en engele van God het hom teëgekom. Toe Jakob hulle sien, sê hy: “Dit is ‘n leër van God,”” (Gen 32:1-2)

• In die grootste probleme, die moeilikste uitdagings en die felste stryd is jy nooit alleen nie.
• Die Here stuur Sy engele om jou as Christusgelowige te dien en op te pas (Heb 1:14).
• Wanneer jy bang bly, onthou jy is in Christus se hande. Hyself beskerm en versorg jou (Joh. 10:28-29).
• Die Here is vir jou goed en Hy gee Sy liefde vir jou.

Gebed

Liewe Vader. Baie dankie dat U my beskerm en versorg.
In Jesus se Naam.
Amen.

Vorige dagstukkies

© NG Kerk Lynnwoodrif – word gebruik met toestemming.

24 Maart

Ek wens dat jy die volwassenheid sal aanleer om jou woorde te tel voordat jy praat wanneer jy kwaad is. Hier is God se Woord aan jou.

Tema: Tel jou woorde, God sal voorsien

Teks: “Dié nag het God in ‘n droom na Laban die Arameër toe gekom en vir hom gesê: “Wees versigtig met wat jy vir Jakob sê!” ” (Gen 31:24)

• Waar mense is, is daar ook dikwels konflik.
• Byt jou tong vas voordat jy praat. Druk jou “pause-knoppie”. Wag ‘n bietjie voor jy praat.
• ‘n Verkeerde woord kan jy nie terug trek nie, al is jy daaroor jammer.
• ’n Sagte antwoord sal die woede en konflik tussen julle laat afkoel en bedaar (Spr. 15:1).
• ‘n Christengelowige se woorde getuig van insig, wysheid en kennis. (Spr. 15:2)

Gebed

Liewe Vader, laat U liefde deur my lewe vloei. Amen.

Vorige dagstukkies

© NG Kerk Lynnwoodrif – word gebruik met toestemming.

23 Maart

Ek bid dat jy vandag God se geleenthede met albei jou hande sal aangryp. Ontvang God se Woord spesiaal vir jou.

Tema: Doen wat die Here van jou vra

Teks: “ Jakob het toe klaargemaak en … na sy pa, na Isak toe vertrek in Kanaän. ” (Gen 31:17-18)

• Raak vir ‘n oomblik stil en dink aan God se groot liefde vir jou. J God se kennis van jou lewe is meer as wat jy dink en besef. 
• Alles is klaar gereël en gereed sodat jou nuwe tydperk kan begin.
• Die uitkomste van die Here se planne maak jou altyd gelukkig.
• Hy het voor jou geboorte jou geken en lief gehad. Hy sorg vir jou (Jer. 1:4-5).

Gebed

Liewe Vader. Dankie dat my geluk in U planne is.
In Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

22 Maart

Mag jy die vrede beleef en weet dat God altyd saam met jou is. Hier is die Woord van die here vir jou.

Tema: Die Here sal altyd sorg

Teks: Toe sê die Here vir Jakob: “Gaan terug na jou vaderland, na jou familie toe. Ek sal by jou wees.” ” (Gen 31:3)

• Dit is die Here wat splinternuwe geleenthede vir jou gee – gryp dit aan.
• Net so laat Hy jou nooit alleen of in die koue nie. 
• Dit maak nie saak watter paaie van die lewe jy stap nie, die Here sal alles goed laat uitwerk.
• Dis noodsaaklik dat jy agter die Here aanstap. Los alles binne Sy veilige beskermende hand.
• Leef met hoop, kry vrede en slaap rustig.

Gebed

Liewe Vader. Baie dankie dat U my beskerm. 

Amen.

Vorige dagstukkies

© NG Kerk Lynnwoodrif – word gebruik met toestemming.

21 Maart

My gebed is dat jy moeite sal doen om gesonde verhoudings met alle mense sal bou. Hier is God se Boodskap aan jou

Tema: Hou jou verhoudings gesond

Teks: “Jakob het ook aan Laban gemerk dat hy nie meer soos voorheen oor hom voel nie. ”

(Gen 31:2)

• Christusgelowiges doen moeite om alle verhoudinge waarbinne ons is, gesond te hou – dis wat God met jou gedoen het (2 Kor 5:17-21).
• Jy mag nie iemand in eie munt terug kry nie – ‘n oog vir ‘n oog en ‘n tand vir ‘n tand geld nie vir Christusgelowiges nie  (Matt 5:38; Rom. 12:17).
• Jy mag nie ophou vergewe en mense emosioneel vry laat nie (Matt 18:21-35).
• Maak altyd eerste vrede wanneer daar slegte gevoelens tussen jou en iemand anders is (Matt 5:9).
• Vergewe altyd iemand weer wanneer hy/sy jou daarna weer seermaak (Matt 5:9).
• Selfs al wil ander nie in vrede met jou lewe nie, doen dan steeds moeite om in vrede met hom / haar te leef (Rom. 12:18).

Gebed

Liewe Vader. Dankie dat U wat die groot Versoener is, my ook ‘n versoener maak. In die Naam van Jesus Christus die Verlosser. Amen

Vorige dagstukkies

© NG Kerk Lynnwoodrif – word gebruik met toestemming.

20 Maart

My gebed is dat jy vandag in afhanklikheid teenoor God wat die onmoontlike moontlik maak sal leef.

Tema: Die Here sal vir jou sorg

Teks: “Toe vra Laban: “Wat moet ek jou betaal?” en Jakob antwoord: “U hoef my niks te betaal nie. ” (Gen 31:28)

• Toe deure bly nooit toe nie. Nuwe uitkomste en geleenthede volg weer.
• God is jou voorsiener en jou versorger. Hy gee nuwe geleenthede.
• God sorg vir jou deur situasies om te draai.
• Hy verander jou angs in hoop, moedeloosheid in moed.
• Hy sal jou dubbel soveel geluk gee as wat jy op gehoop het.

Gebed

Liewe Vader. Baie dankie dat U my geleenthede omdraai in wonderlike geluk. In die Naam van Jesus Christus die Here.

Amen.

Vorige dagstukkies

© NG Kerk Lynnwoodrif – word gebruik met toestemming.

19 Maart

Ek bid dat jou lewe ‘n getuigskrif vir almal sal wees wat sien dat jy altyd net jou beste gee. Hier is Sy boodskap vir jou.

Tema: Gee jou beste

Teks: “Gee my nou my vrouens en kinders vir wie ek by u gewerk het, want ek wil weggaan. U weet hoe goed ek vir u gewerk het.” ” (Gen 30:26)

• Gaan leer by die diere van die natuur hoe om eerlik en hard te werk – veral by die miere (Spr. 6:6-8).
• As jy lui is word jy gou arm. 
• As jy hard werk het jy geld vir kos, klere en genoeg om van te leef (Spr. 10:4; 13:4).
• As jy hard werk, sal jy jou doel bereik (Spr. 12:24).
• ‘n Werkgewer sal die goeie werknemer vir sy / haar goeie werk beloon (Spr. 14:35).

Gebed

Liewe Vader. Dankie dat ek ‘n goeie werker kan wees. Dankie dat ek ‘n goeie werker was. In Jesus se Naam.  Amen.

Vorige dagstukkies

© NG Kerk Lynnwoodrif – word gebruik met toestemming.

16 Maart

My gebed is dat jy sal  verstaan dat alles wat met jou gebeur, so gebeur dat Hy daarvan kennis dra. Ek gee graag hierdie boodskap van God vir jou.

Tema: Hy dra kennis van alles

Teks: “Jakob het hom vir Ragel vererg en vir haar gevra: ‘Kan ek God se werk oorneem?’” (Gen. 30:2)

• Dit is God wat toelaat dat sekere dinge oor jou pad kom, goeie en slegte dinge.
• Jy kan jou planne maak, maar dit is op die ou einde die Here wat finaal besluit wat daarmee sal gebeur (Spr. 16:1, 9). 
• Niks gebeur met jou waarvan God nie weet nie. 
• As slegte dinge gebeur, gee Hy ook die uitkoms – jy sal sien (1 Kor 10:12-13).  
• Ontspan dan nou en leef in vrede en vertroue. God sal vir jou sorg.

Gebed

Liewe Vader. Baie dankie dat U vir my in alle omstandighede sorg. In  Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

17 Maart

Mag jy die wonderwerke van God verwag, raaksien en self ook beleef. Hier is ‘n boodskap uit die Bybel vir jou.

Tema: Die Here gee altyd uitkoms

Teks: “God het op Ragel ag geslaan en haar Gebed verhoor. Sy het swanger geword…” (Gen. 30:22)

• Die Here God kyk altyd met sagte oë na jou, selfs wanneer jy verstote en alleen voel.
• Moet nooit God se teenwoordigheid en hulp in jou lewe beperk nie.
• Hou aan glo dat Hy uitkoms vir jou sal gee.
• Die Here sorg vir jou soos ‘n skaapwagter wat sy skape oppas (Ps. 23:1).

Gebed

Liewe Vader. Baie dankie dat U my gebede verhoor as dit met my swaar gaan. In Jesus se Naam. Amen

Vorige dagstukkies

© NG Kerk Lynnwoodrif – word gebruik met toestemming.

16 Maart

My gebed is dat jy sal  verstaan dat alles wat met jou gebeur, so gebeur dat Hy daarvan kennis dra. Ek gee graag hierdie boodskap van God vir jou.

Tema: Hy dra kennis van alles

Teks: “Jakob het hom vir Ragel vererg en vir haar gevra: ‘Kan ek God se werk oorneem?’” (Gen. 30:2)

• Dit is God wat toelaat dat sekere dinge oor jou pad kom, goeie en slegte dinge.
• Jy kan jou planne maak, maar dit is op die ou einde die Here wat finaal besluit wat daarmee sal gebeur (Spr. 16:1, 9). 
• Niks gebeur met jou waarvan God nie weet nie. 
• As slegte dinge gebeur, gee Hy ook die uitkoms – jy sal sien (1 Kor 10:12-13).  
• Ontspan dan nou en leef in vrede en vertroue. God sal vir jou sorg.

Gebed

Liewe Vader. Baie dankie dat U vir my in alle omstandighede sorg. In  Jesus se Naam. Amen.

Vorige dagstukkies

© NG Kerk Lynnwoodrif – word gebruik met toestemming.

15 Maart

Ek bid dat jy tevrede met dit wat jy van God ontvang sal wees. Hier is die Woord van die Here vir jou.

Tema: Wees tevrede

Teks: “Toe Ragel merk dat sy nie … kinders in die wêreld bring nie, het sy jaloers geword op haar suster.” (Gen. 30:1)

• ‘n Christusgelowige is dankbaar vir dit wat mens ontvang het – al is dit soms nie baie nie.
• Gelukkig is jy wanneer jy vir ander mense omgee en nie hulle goed wil vat nie.
• Gelukkig is jy wanneer jy nie afgunstig op ander mense se besittings is nie – dit kom jou nie toe nie (Eks 20:17).
• God die Skepper wat weet wat jy nodig het sal elke dag vir jou genoeg kos, klere en geld gee sodat jy gelukkig kan wees (Matt 6:33).

Gebed

Liewe Vader. Gee my insig om dankbaar te wees dat U elke dag vir my sorg. In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.

14 Maart

Ek hoop dat jou oë sal oopgaan vir God se liefde en genade in jou lewe. Hier is Sy boodskap wat jy ernstig moet opneem.

Tema: Die Here voorsien ook wanneer jy swaar kry

Teks: “… die Here het vir Lea kinders gegee…” (Gen. 29:31)

• Kyk, jou lewe is ‘n getuigskrif van God wat getrou, vol liefde en genade is.
• Verstaan jy dat jy uit die goeie hand van die genadige God leef (Ps. 16:1; Joh. 10:28-30).
• God die Almagtige sorg altyd vir jou. Alles wat jy het kom van Hom af (Ps. 16:5). 
• Hy het ‘n wonderlike deel in die lewe vir jou afgemeet en gegee. Jy kan nie daaroor uitgepraat raak nie (Ps. 16:6).

Gebed

Liewe Vader. Baie dankie dat U selfs in moeilike tye sorg.
In  Jesus se Naam. Amen.

Vorige Dagstukkies

© NG Kerk Lynnwoodrif – word gebruik met toestemming.