2 Augustus
My wens en gebed vir jou vandag is dat jy soos gister, ook sal onthou om ander se besittings te respekteer. Hier is God se Woord vandag vir jou.
Tema: Woestyntyd – leer ander se besittings te respekteer
Teks: “Jy mag nie steel nie” (Eks 20:15)
- Alles behoort aan die Here; Hy gee aan elkeen soos Hy goed dink om te gee.
- Alle vorme van onregmatige toe-eiening is diefstal, ook belastingontduiking.
- Waar armoede tot steel lei, is dit jou verantwoordelikheid om te help.
- Hoe meer ons mekaar help, hoe minder sal daar diefstal en geweld wees.
- Hoe meer ons mekaar help, hoe meer geluk en rustigheid sal daar ook wees.
Gebed
Liewe Vader, gee my genade dat ek ‘n vredemaker sal wees. In Jesus se Naam.
Amen.
© NG Kerk Lynnwoodrif – word gebruik met toestemming.