Etiket: Bybel

20 Oktober

My wens en gebed is dat jy vandag sal kies om na God se stem te luister eerder as na die wêreld se wysheid. Hier is die Woord vir vandag.

Tema: Wat vir die mense sin maak, maak nie vir God sin nie

Teks: “Jy moet na die Here jou God luister en jy moet lewe volgens die gebooie en die voorskrifte wat ek jou vandag beveel” (Deut. 27:10)

• Wil jy gelukkig wees?
• Onthou! Dinge in die samelewing bied opsies wat soms beter as die antwoorde van die Gees lyk.
• Onthou! Wat vir mense sin maak, maak nie noodwendig by God sin nie (1 Kor. 1:27-28).
• Dit is noodsaaklik dat jy eerder God se dinge doen as die oënskynlik goeie argumente van ander mense.
• God se wysheid mag soms vreemd voorkom, maar dit lei altyd tot ware sukses, vreugde en geluk.

Gebed

Vader, gee my die oortuiging om na die Bybel te luister.
In die Naam van Jesus Christus die Here. Amen

Vorige dagstukkies

© NG Kerk Lynnwoodrif – word gebruik met toestemming.

19 Oktober

My wens en gebed is dat jy vandag sal stilword en luister na God se stem – jy is Sy kind. Hier is God se Boodskap net vir jou.

Tema: Word rustig en stil – hoor God se wil en plan

Teks: “Bly stil en luister, Israel! Vandag het jy die volk van die Here jou God geword” (Deut. 27:9)

• Wees stil en weet, die Here is die Almagtige God – Hy doen die onmoontlike.
• Wat Hy besluit, gebeur (Jes. 41:1).
• Maak spesiale tyd om stil te word – Hy praat met jou in tye van stilte (1 Kon. 19:13).
• In stilte hoor jy Sy stem! In stilte kry jy vrede! In stilte kry jy nuwe krag!
• In stilte kry jy ‘n nuwe visie!

Gebed:

 Vader, dankie dat U ook in my stil tye met my werk.
In die Naam van Jesus Christus die Here. Amen

Vorige dagstukkies

© NG Kerk Lynnwoodrif – word gebruik met toestemming.

18 Oktober

Ek bid vir jou. Ek hoop dat jy die nuwe geleenthede wat God aan jou bied, sal raaksien. Hier is ‘n gedagte net vir jou.

Tema: Sien jou nuwe seisoene raak

Teks: “Julle staan op die punt om deur die Jordaan te trek om die land in besit te neem wat die Here julle God aan julle gee” (Deut. 11:31)

• Die Here van nuwe geleenthede bied ook aan jou geleenthede waarvoor jy al lank bid.
• Jou nuwe seisoen en nuwe tydperk is om die draai – dit kom.
• Al moet jy dalk nog ‘n kort rukkie wag, dit is op pad en niemand kan dit keer nie.
• Wees gereed om te beweeg. Nuwe deure gaan oop.
• Wees bly en opgewonde! Wees gelukkig! Glimlag en leef rustig in vrede.

Gebed

Vader, gee my die moed om elke nuwe geleentheid aan te gryp.
In die Naam van Jesus Christus die Here. Amen

Vorige dagstukkies

© NG Kerk Lynnwoodrif – word gebruik met toestemming.

17 Oktober

My wens en gebed is dat jy vandag sal kies om die mense naby jou gelukkig te maak. Hier is God se wil uit die Woord.

Tema: Jy kan seën of straf spreek

Teks: “Let op, ek hou julle vandag die seën en die straf voor” (Deut. 11:26)

• Dikwels spreek ons dood oor mense, sake, dinge of selfs die natuur – deur ons woorde, styl en ingesteldheid.
• Jy kan ook lewe of dood oor mense spreek.
• Christusgelowiges is geroep om lewe oor ander mense te spreek.
• Selfs teenoor jou grootste vyande moet jy goeie dinge uitspreek, nie slegte dinge nie.
• Seën ander mense. Maak hulle gelukkig deur jou woorde.
• Fokus daarop om iemand te wees wat lewe en hoop oor ander uitspreek.

Gebed

Vader, help my om iemand van seën en lewe te word.
In die Naam van Jesus Christus die Here. Amen

Vorige dagstukkies

© NG Kerk Lynnwoodrif – word gebruik met toestemming.

16 Oktober

My wens en gebed is dat jy vandag sal vertrou dat die Here vir al jou fisiese en materiële behoeftes sal sorg. Hier is God se Boodskap net vir jou vir vandag.

Tema: Die Here sorg vir al jou emosionele, geestelike, fisiese en materiële behoeftes

Teks: “… sal Hy vir julle land sy reën gee op die regte tyd, lente- en somerreëns, en julle sal koring, wyn en olie oes” (Deut. 11:14)

• Soms kom jy in ervarings waar dit voel asof alles doodloop – jou planne werk nie meer uit nie.
• Onthou dan: Dit is die Here wat voorsien en sorg.
• Wanneer jou planne nie meer werk nie, doen God die onmoontlike.
• Hy sal verseker in voorspoed én teenspoed vir jou sorg.
• Soms moet jy net leer om te wag. Wees net gelukkig!

Gebed

Vader, gee my die geloof om U te vertrou vir die regte uitkomste vir my lewe.
In die Naam van Jesus Christus die Here. Amen

Vorige dagstukkies

© NG Kerk Lynnwoodrif – word gebruik met toestemming.

15 Oktober

My gebed is dat jy vandag sal ervaar hoe ononderbroke die Here vir jou sorg. Hier is God se Boodskap spesiaal vir jou vir vandag.

Tema: Hy sorg ononderbroke vir jou

Teks: “Dit is ’n land waarvoor die Here jou God sorg: van nuwejaarsdag af tot oujaarsdag toe hou Hy ononderbroke sy oog daarvoor” (Deut. 11:12)

• “Ononderbroke” beteken sonder om te stop – die Here sorg heeltyd vir jou.
• Hy sluimer nie en slaap nie (Ps. 121:4) – elke sekonde, minuut, uur, maand en jaar is Hy by jou.
• Ongeag watter spanning of probleme jy beleef, jy is altyd ononderbroke onder Sy beskermende hand.
• Sy liefde en sorg het geen tydsbeperkings nie – dit is 24/7, 365 dae per jaar.

Gebed

Liewe Vader, dankie dat U heeltyd en altyd vir my sorg.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

14 Oktober

My wens en gebed is dat jy vandag sal weet die Here sorg die hele jaar vir jou. Hier is ’n Woord net vir jou vir vandag.

Tema: Die Here sorg die hele jaar

Teks: “Dit is ’n land waarvoor die Here jou God sorg: van nuwejaarsdag af tot oujaarsdag toe hou Hy ononderbroke sy oog daaroor” (Deut. 11:12)

• Daar is nooit ’n tyd wanneer die Here nie in jou lewensverhaal betrokke is nie.
• Van Januarie tot Desember is Hy teenwoordig – in jou gesin, familie, werk, ja, elke area van jou lewe.
• Wanneer jy dink jy is alleen, weet dat die Here by jou is. Hy help jou om te oorwin.
• Hy sorg nie net vir ’n rukkie nie – dit duur die hele jaar en jou hele lewe lank.
• Wees nou rustig en word gelukkig!

Gebed

Liewe Vader, dankie dat U van die begin tot die einde van die jaar, heeltyd by my is.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

13 Oktober

My wens en gebed is dat jy vandag sal besluit om die Here heelhartig lief te hê in elke area van jou lewe. Hier is God se Boodskap net vir jou vir vandag.

Tema: Gee jouself heelhartig oor aan God

Teks: “Daarom moet jy die Here jou God liefhê met hart en siel, met al jou krag” (Deut. 6:5)

• God vra nie vir halfhartige toewyding nie – Hy wil jou hele hart, siel en krag, jou hele menswees.
• Ondersoek jou lewe: in watter plekke van jou lewe is jy nie so lief vir die Here nie?
• Heelhartige liefde beteken totale oorgawe in jou persoonlikheid, gesin, werk en finansies.
• God maak jou gelukkig wanneer jy met alles wat jy is en het Hom volg – hou niks terug nie.

Gebed

Liewe Vader, help my om U met al my krag, al my verstand en emosie heelhartig lief te hê.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

12 Oktober

Ek hoop só dat die Woord van God jou hele denke en optrede sal oorneem. Hier is ’n spesiale boodskap van die Here vandag.

Tema: Maak jou vol van God se dinge

Teks: “Hierdie gebooie wat ek jou vandag gegee het, moet in jou gedagtes bly” (Deut. 6:6)

• Die Bybel moet jou gedagtes oorneem en die Gees moet jou denke beheers.
• Dit word jou kompas.
• Almal moet deur die manier hoe jy dink, praat en optree weet jy is ’n Christusgelowige.
• Jou identiteit moet so deur God se Woord gevorm wees dat mense Jesus in jou raaksien.

Gebed

Liewe Vader, baie dankie dat U vir my riglyne in die Bybel gee vir hoe ek moet leef.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

11 Oktober

Ek hoop so dat jy sal leer om te kan hoor wanneer God met jou praat. Hier is Sy Boodskap vir vandag.

Tema: Die deur is oopgemaak! Vertel alles vir God!

Teks: “Vandag het ons ondervind dat God met mense praat, en hulle bly lewe” (Deut. 5:24)

• Is jy ook verwonderd dat jy met God kan praat sonder om te sterf – wat ’n voorreg!
• Daar is geen saak te groot, te klein of te skandelik om nie met die Here te deel nie.
• Die Here God weet in elk geval alles van jou af.
• Deel met Hom alles wat op jou hart is – Hy gee vir jou om. Hy hoor jou. Hy verhoor dit.
• Die deur na God is altyd oop – gebruik dit vandag. Hy wag al van vroeg af vir jou.

Gebed

Liewe Vader, help my om U stem te hoor wanneer U met my praat.
In die Naam van Jesus Christus die Here.
Amen

Vorige dagstukkies

© NG Kerk Lynnwoodrif – word gebruik met toestemming.

10 Oktober

My wens en gebed is dat jy vandag sal weet die Here hoor jou gebede en antwoord wanneer jy opreg soek. Hier is God se Boodskap net vir jou vir vandag.

Tema: Die Here verhoor jou gebede

Teks: “As julle die Here julle God dáár aanroep, sal Hy julle gebed verhoor as julle Hom nader in onverdeelde trou” (Deut. 4:29)

• Die Here het belowe om jou gebede te verhoor. Bid tot Hom met ’n opregte hart (Matt. 6:6).
• Die Almagtige Drie-enige God het lankal antwoorde vir elke uitdaging van jou – Hy wag dat jy vra.
• Soek slegs hulp by die Here en hou jou oë oop vir die uitkomste wat Hy gee.
• Bid met geloof, vertroue en verwagting – Hy wat beloof het, is getrou om te antwoord en te gee.
• Word nou rustig. God maak alle toe deure vir jou oop.

Gebed

Liewe Vader, dankie dat U my gebede verhoor.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

9 Oktober

My wens is dat jy nie die oorsaak sal wees dat ander mense foute maak nie. Hier is ’n Woord van God net vir jou.

Tema: Moenie ander laat struikel nie

Teks: “Deur julle toedoen het die Here vir my kwaad geword en dit met ’n eed bevestig dat ek nie deur die Jordaan sou gaan nie…” (Deut. 4:21)

• Soms maak mense jou so kwaad dat jy self sonde doen – ons optrede beïnvloed ander.
• Jou lewe, woorde en dade het ’n ingrypende invloed op die mense rondom jou.
• Maak seker jy stap agter die Here aan sodat jy nie die oorsaak is dat ander mense skade kry nie (Matt. 5:29–30).
• Bou ander mense op. Wees ’n positiewe invloed in die samelewing.

Gebed

Liewe Vader, gee my wysheid om ander mense eerder op te bou.
In die Naam van Jesus Christus die Here.
Amen

Vorige dagstukkies

© NG Kerk Lynnwoodrif – word gebruik met toestemming.

8 Oktober

My wens en gebed is dat jy vandag goeie raad sal ontvang en ook wysheid met ander sal deel. Hier is God se Boodskap net vir jou vir vandag.

Tema: Wees ’n wyse adviseur

Teks: “Gee vir Josua sy opdragte, praat hom moed in en gee hom raad…” (Deut. 3:28c)

• God se wysheid kom dikwels na ons deur ervare gelowiges wat gewillig is om te deel.
• Wees nederig genoeg om te luister na raad van mense wat al ver op die geloofspad geloop het.
• Jou eie ervaring – beide suksesse en mislukkings – kan kosbare lesse vir ander wees.
• Goeie advies op die regte tyd gegee, kan iemand help om groot foute te vermy.
• Goeie advies op die regte tyd gegee, kan iemand help om groot foute reg te maak.
• Geniet God se wysheid! Leef tevrede!

Gebed

Liewe Vader, maak my hart oop om U wysheid te ontvang en dit met ander te deel.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

7 Oktober

My hoop is dat jy vandag moed sal ontvang en ook ’n bron van bemoediging vir ander sal wees. Hier is God se Boodskap net vir jou vir vandag.

Tema: Praat mekaar moed in

Teks: “Gee vir Josua sy opdragte, praat hom moed in en gee hom raad…” (Deut. 3:28b)

• Jy is nie alleen in jou stryd nie – God sien elke traan en verstaan elke vrees wat jy het.
• Die Here gebruik dikwels ander mense se woorde en dade om jou hart te bemoedig en te versterk.
• Jou eie woorde van bemoediging kan vandag iemand anders se lewe totaal verander.
• Wees bewus van mense rondom jou wat moeg en ontmoedig is – jy kan God se instrument van hoop wees.
• Wees ’n oase van hoop!

Gebed

Liewe Vader, gebruik my vandag om ander se harte te verlig en hoop te gee.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

6 Oktober

My wens is dat jy vandag sal verstaan dat God jou spesifieke roeping en take gee. Hier is God se Boodskap net vir jou vir vandag.

Tema: Die Here gee vir jou hulp

Teks: “Gee vir Josua sy opdragte, praat hom moed in en gee hom raad…” (Deut. 3:28a)

• God het jou nie doelloos geskep nie – Hy het ’n belangrike plan met jou lewe wat net jy kan uitvoer.
• Jou roeping kan in die werkplek, familie, gemeenskap of bediening wees – alles is ewe belangrik.
• Moenie die “klein” take verontagsaam nie – dikwels gebruik God dit om jou voor te berei vir groter dinge.
• Vertrou dat die Here jou alles sal gee wat jy nodig het om jou roeping suksesvol uit te voer.

Gebed

Liewe Vader, help my om elke dag met doelgerigtheid te leef en my roeping te voltooi.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

5 Oktober

My wens en gebed is dat jy vandag sal weet die Here veg jou gevegte. Hier is God se spesiale Boodskap net vir vandag.

Tema: Die Here hanteer jou probleme

Teks: “Moenie vir hulle bang wees nie. Die Here julle God sal vir julle veg” (Deut. 3:22)

• Die Here het jou altyd gehelp, daarom hoef jy nie bang te wees nie.
• Die Here is groter as alle gevare – persoonlik, finansieel, politiek, jou werk of selfs jou gesondheid.
• Staan terug en vertrou Hom dat Hy alleen alles sal oorwin.
• Leef met vrede omdat jy weet jy is nie alleen in die stryd nie – Hy veg saam met jou.

Gebed

Liewe Vader, gee my vertroue in U dat U elke geveg vir my sal oorwin.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

4 Oktober

My gebed is dat jy vandag sal onthou dat dieselfde God wat in die verlede gehelp het, steeds vir jou sal sorg. Hier is God se Woord net vir jou vir vandag.

Tema: Vertrou die Here

Teks: “Ek het destyds vir Josua gesê: ‘Jou twee oë het nou alles gesien wat die Here julle God met daardie twee konings gedoen het'” (Deut. 3:21)

• God herinner jou aan al Sy wonderwerke en magtige dade – Hy wil hê jy moet dit onthou.
• Neem vandag tyd om te dink aan hoe die Here jou al gehelp het – maak ’n lys van Sy getrouheid.
• Die Here van toe is steeds die Here van vandag en môre – Hy verander nooit nie (Heb. 13:8).
• Moenie bang wees vir uitdagings, probleme, hartseer en geleenthede nie.

Gebed

Liewe Vader, dankie dat U vir my omgee en my elke dag help.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

3 Oktober

Ek hoop dat jy vandag wysheid sal ontvang en ook goeie raad aan ander sal kan gee. Hier is God se Boodskap vir vandag.

Tema: Gee mekaar goeie raad

Teks: “Gee vir Josua sy opdragte, praat hom moed in en gee hom raad…” (Deut. 3:28c)

• Moses moes vir Josua advies gee sodat hy as leier kon slaag – mentorskap is belangrik.
• Wees oop om advies van Geesvervulde mense te ontvang – God gebruik hulle om jou te lei.
• Gee ook aan ander mense goeie, Bybelse advies sodat hulle ook sukses kan behaal.
• Jou wysheid en ervaring kan ander help om suksesvoller te wees in hulle verhoudinge.
• Jou wysheid en ervaring kan ander help om suksesvoller te wees op alle terreine van hulle lewe.
• Leef met vreugde en verwagtinge!

Gebed

Liewe Vader, laat ek U Geesvervulde advies met oop arms vandag ontvang en uitdeel.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

2 Oktober

My gebed is dat jy vandag moed sal kry en ook ander sal bemoedig. Hier is God se spesiale Boodskap net vir jou.

Tema: Praat mekaar moed in

Teks: “Gee vir Josua sy opdragte, praat hom moed in en gee hom raad…” (Deut. 3:28b)

• Die Here verstaan jou onsekerhede.
• Wanneer jy bang is of jy iets moet doen, onthou: die Here help jou elke oomblik.
• God gebruik jou om ander mense moed in te praat – wees vandag ’n bron van bemoediging.
• Soek ook self bemoediging by ander gelowiges – God werk deur mense om jou te versterk.
• Wees opgewonde oor wat wag! Leef met moed! Die Here versterk jou!

Gebed

Liewe Vader, dankie dat U my die moed gee om elke dag se uitdagings te kan hanteer.
In die Naam van Jesus Christus die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

1 Oktober

My wens is dat jy vandag sal verstaan dat God jou spesifieke opdragte gee en jou toerus om dit uit te voer. Hier is die Here se Woord vir jou.

Tema: Die Here gee vir jou take

Teks: “Gee vir Josua sy opdragte, praat hom moed in en gee hom raad…” (Deut. 3:28a)

• Die Alwyse Here gee aan jou spesifieke take en verantwoordelikhede.
• Jou opdragte verskil van ander mense s’n – dit is uniek vir jou situasie, ouderdom en verhoudinge.
• God roep jou om elke taak wat Hy aan jou gee met oorgawe aan te pak en dit tot Sy eer uit te voer.
• Moenie die klein of groot take wat Hy jou gee onderskat nie – alles is belangrik in Sy oë.
• Wees dankbaar dat Hy jou gebruik. Wees rustig, die Gees lei jou. Wees bly dat Hy jou raaksien!

Gebed

Liewe Vader, maak my oë oop sodat ek elke taak tot U eer kan uitvoer.
In die Naam van Jesus Christus die Here.
Amen

Vorige dagstukkies

© NG Kerk Lynnwoodrif – word gebruik met toestemming.