Etiket: Bybel

25 Desember (Kersdag)

My wens en gebed is dat jy vandag die onbeskryflike geskenk van Jesus se liefde ten volle sal ontvang. Hier is God se Kersboodskap vandag net vir jou.

Tema: Die grootste geskenk

Teks: “Want so lief het God die wêreld gehad dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.” (Johannes 3:16)

• God het Sy kosbaarste geskenk gegee – Sy Seun – ons Verlosser en Redder!
• Kersfees handel nie oor geskenke onder die boom nie, maar oor die Geskenk in die krip, ons Redder Jesus Christus.
• Stop vandag te midde van die fees en ontvang bewustelik Jesus se liefde vir jou.
• Die beste geskenk wat jy kan gee is om Jesus se liefde ook aan ander te wys en oor te dra.
• Vertel ten minste vir een persoon persoonlik van God se reddende liefde in Jesus Christus.

Gebed

Liewe Vader, dankie vir die onbeskryflike geskenk van Jesus se geboorte. Help my om hierdie liefde daagliks te ontvang en uit te deel.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

24 Desember (Ou Kersdag)

Vandag het die Here ‘n boodskap uit Sy Woord wat jy nie kan verstaan nie. Lees dit en aanvaar dit net.

Tema: Vrede op aarde

Teks: “Eer aan God in die hoogte, en vrede op aarde in mense in wie Hy ‘n welbehae het.” (Lukas 2:14)

• Die engele het vrede verkondig – vrede tussen God en mense, tussen mense en mense.
• Jesus se vrede kan jou bekommerde hart kalmeer en jou verhoudings heel maak.
• Hierdie vrede is beskikbaar vir jou angstige gedagtes en gespanne verhoudings – vandag nog.
• Kies een situasie waar daar onrus is en bid vir God se vrede daarin.

Gebed

Liewe Vader, dankie vir die vrede wat Jesus se geboorte gebring het

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

23 Desember

My wens en gebed is dat jy vandag vervul sal word met die blydskap wat alleen Jesus kan gee. Hier is Sy Woord vir vandag.

Tema: Wees ‘n draer van vreugde en blydskap

Teks: “Toe sê die engel vir hulle: ‘Moenie bang wees nie, want ek verkondig vir julle ‘n groot blydskap wat vir die hele volk sal wees.” (Lukas 2:10)

• Die engele het die beste nuus ooit gebring – ‘n Verlosser is gebore!
• Hierdie blydskap hang nie af van jou omstandighede nie, dit kom van Jesus, ons Verlosser.
• Al was die jaar moeilik, daar is rede vir blydskap.
• Deel vandag hierdie blydskap met iemand wat moedeloos is – wees ‘n engel van goeie nuus.

Gebed

Liewe Vader, maak my ‘n boodskapper van hierdie groot vreugde van hoop.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

22 Desember

My wens en gebed is dat jy vandag sal sien hoe God jou gewone lewe vir Sy grootsheid wil gebruik. Hier is Sy Woord.

Tema: God gebruik nederige omstandighede

Teks: “En sy het haar eersgeborene seun daar gebaar en Hom in doeke toegedraai en Hom in ‘n krip neergelê, omdat daar geen plek vir hulle in die gastehuis was nie.” (Lukas 2:7)

• Die Koning van die heelal is in ‘n stal gebore – nederigheid op sy beste.
• Jou huisie, gewone werk en eenvoudige lewe is genoeg vir God se groot planne.
• Moenie voel jy is te “gewoon” om deur God gebruik te word nie.
• God wil vandag in jou werkplek, huis of daaglikse roetine groot dinge doen.
• Stel jou oop om deur Hom gebruik te word. Kyk nou uit na die geleenthede wat kom.

Gebed

Liewe Vader, dankie dat U ook vir my gebruik om U groot dade te doen.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

21 Desember

My wens en gebed is dat jy vandag sal glo dat niks onmoontlik is by God nie. Hier Sy wonderboodskap vir jou.

Tema: Niks is onmoontlik by God nie

Teks: “Want by God sal niks onmoontlik wees nie.”(Lukas 1:37)

• ‘n Maagd word swanger deur die Heilige Gees – onmoontlik, vir mense ja.
• God doen wonderwerke. Ons kan dit nie verstaan nie. Dit is bokant is denkraamwerk.
• Wat vir mense onmoontlik is, is by God moontlik.
• Jou finansiële krisis, gesondheidsprobleem of gebroke verhouding is nie vir God te groot om reg te maak nie.
• Skryf vandag een “onmoontlike” situasie neer en gee dit aan God oor. Sê vir Hom dankie vir die oplossing.

Gebed

Liewe Vader, ek glo dat niks onmoontlik is by U nie.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

20 Desember

My wens en gebed is dat jy vandag sal verstaan hoe God jou uitkies vir Sy onmoontlike en buitengewone planne. Hier is God se Boodskap net vir jou vir vandag.

Tema: God se buitengewone planne

Teks:“Die engel het vir haar gesê: ‘Moenie bang wees nie, Maria, want God het jou uitverkies.'” (Lukas 1:30 )

• Maria was ‘n jong vrou uit Nasaret – nie ‘n belangrike plek nie – maar God het haar uitverkies om die Verlosser se ma te wees.
• Die Almagtige Here kies gewone mense vir buitengewone planne.
• Wanneer God jou uitkies vir iets wat buitengewoon en onmoontlik lyk, vertrou Hom.
• Sy planne is altyd groter as wat ons kan verstaan.
• Leef gehoorsaam! Hy kan die onmoontlike moontlik maak! Eer Hom.

Gebed:

 Liewe Vader, ek wil ook beskikbaar wees, soos Maria beskikbaar was.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

19 Desember

My wens en gebed is dat jy vandag sal verstaan wat ware verbintenis in die huwelik beteken. Hier is God se Woord vir vandag.

Tema: U goedheid en guns

Teks: “Dan het Peninna, wat nie van Hanna gehou het nie, haar gespot oor die Here nie vir haar kinders gee nie…”.(1 Sam. 1:6 – Die Boodskap)

• Peninna wys die lelike kant van menswees – sy spot Hanna omdat sy kinderloos is.
• Mense breek ander mense dikwels af weens hulle swakhede – dis nie hoe God is nie.
• Moenie die leuens van afbrekende mense glo nie.
• God is goed, vol van guns, genade en liefde.
• Word omarm deur die liefde, goedheid en guns van die Here – aanvaar dit.

Gebed

Liewe Vader, dankie dat U liefde baie meer is as die lelikste kant van mense.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

18 Desember

My wens is dat jy God so sal vertrou dat jy Hom in alles sal ken. Hier is jou daaglikse brood vir vandag.

Tema: Jy kan jou hart voor God oopmaak

Teks: “ Elkana het gereeld een keer per jaar … na die tempel … gegaan om voor die magtige Here te kniel en vir Hom te offer.” (1 Sam. 1:3 – Die Boodskap)

• Jy is ‘n kind van die Almagtige God wat jou hoor en antwoord.
• Daarom kan jy elke dag direk met God praat – jy kan tot Hom bid.
• Jy hoef nie te wag om met die Here te praat nie. Moenie uitstel voordat jy bid nie.
• Doen dit nou! Doen dit heeltyd en altyd – oop oë en toe oë, beplan en onbeplan, as jy ry of bly, sit of staan, lê of loop – bid sonder ophou.

Gebed

Liewe Vader, dankie dat ek altyd tot U kan bid.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

17 Desember

Ek hoop so dat jy in verwondering sal staan oor God se vreemde optrede. Hier is God se Woord vir vandag.

Tema: Die vreemde werklikheid

Teks: “Elkana het twee vroue gehad… Peninna het kinders gehad, Hanna nie.”( 1 Sam. 1:2 – Die Boodskap)

• Elkana was vir die kinderlose Hanna liewer as vir Peninna. Hanna was die randfiguur – die een wat bespot is.
• en tog, die Here gebruik vreemde dinge om groot dinge te doen.
• Hierdie liefdesverhaal is die begin van een van die grootste profete van Israel – Samuel.
• As jy soms eenkant voel, God gebruik eenkant-mense om wonderwerke te verrig – wees net beskikbaar?

Gebed

Liewe Vader, ek is beskikbaar sodat U deur my groot dinge kan doen.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

16 Desember

My wens en gebed is dat jy sal raaksien hoe die Here jou help. Hier is God se spesiale Woord van hoop vir jou.

Tema: Die Here is doelgerig besig om jou te help

Teks: “Boas sal nie rus voordat hy hierdie saak vandag nog opgelos het nie” (Rut.. 3:18 – Die Boodskap)

• Die Here stel dit nie uit om jou te help nie.
• Hy is net geduldig met jou ontwikkeling as mens.
• Nes Boas aktief besig was om onmiddellik vir Rut te help, help die Here.
• Die Almagtige God is daarom alreeds daarmee besig om aan jou die oplossings en uitkomste uit te wys – sien dit net raak.
• Wees geduldig. Wees hoopvol.

Gebed

Liewe Vader, baie dankie dat U dadelik ingryp om my te help en dit nie uitstel nie.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

15 Desember

My wens en gebed is dat jy sal leer wat geloofsvertroue is. Hier is God se Woord vir vandag.

Tema: Wag vir die Here se uitkoms

Teks: “Wees nou maar net geduldig totdat ons sien wat gebeur….” (Rut.3:18 – Die Boodskap)

• Die Almagtige Here werk op Sy tyd.
• Naomi sê vir Rut sy moet geduldig wag totdat Boas reggekry het wat hy beplan – dit gebeur nie dadelik nie.
• Geloof is om die Here te vertrou. Hy doen die onmoontlike.
• Soms moet die tyd net uitspeel sodat jy daarvoor gereed is.
• Jy sal sien die uitkoms gaan kom – wag net.

Gebed

Liewe Vader, help my om geduld te kry sodat ek kan wag totdat U U plan vir my lewe ‘n werklikheid maak.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

14 Desember

Ek hoop so dat jy sal begin om liefdesdade aan mense te wys. Hier is God se Woord vir vandag.

Tema: Om liefde aan mekaar te wys

Teks: “Wat jy nou doen, is nog ‘n groter liefdesdaad as die liefde wat jy aan jou skoonma bewys het…”(Rut. 3:10– Die Boodskap)

• Bybelse liefde is om jou eie wil en voorkeur vir iemand anders op te offer.
• Rut is bereid om met Boas te trou sodat sy én Naomi ‘n goeie toekoms sal hê – sy bewys wéér ‘n liefdesdaad aan Naomi.
• Jy sal vandag baie geleenthede kry om ook liefdesdade aan mense te betoon – gebruik dit.

Gebed

Liewe Vader, gee my die dapperheid om lief te hê.

In Jesus se Naam. Amen

Vorige dagstukkies

© NG Kerk Lynnwoodrif – word gebruik met toestemming.

13 Desember

My wens en gebed is dat jy vandag jou oë op God Almagtig wat na jou kyk, sal hou. Hier is God se Woord.

Tema: Jy sal versorg wees

Teks: “ Hy sal verstaan dat jy versorging nodig het en vir jou sê wat jy moet doen… ” (Rut. 3:4 – Die Boodskap)

• God is die Almagtige wat vir jou sorg.
• Boas weet watter versorging Rut nodig het, en Naomi weet dat hy dit aan haar sal gee.
• Net so kan jy oortuig wees dat die Here altyd vir jou sal sorg – ook vandag en môre.

Gebed

Liewe Vader dankie dat U vir my sorg.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

12 Desember

My gebed is dat jy vandag sal raaksien dat God deur klein dingetjies groot dinge waar maak. Hier is Sy boodskap vir vandag.

Tema: Die Here sorg selfs deur eenvoud

Teks: “…, hy is eintlik een van die mense wat veronderstel is om vir ons te sorg…”(Rut 2:20 – Die Boodskap)

• God is die Almagtige wat wonderwerke in jou lewe doen..
• Hy bring Rut in aanraking met die man wat veronderstel is om vir haar en Naomi te sorg.
• Die Here sorg altyd en heeltyd vir jou en doen dit in die fynste detail.
• Word rustig en leef in vertroue. In Sy hande is jy veilig.

Gebed

Liewe Vader, dankie dat U my lewe tot in die fynste besonderhede reg laat uitwerk.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

11 Desember

My wens is dat jy rustig sal word – onthou, die Here God sorg vir jou. Hier is God se Woord vir vandag.

Tema: Jy sal versorg word.

Teks: “Rut het toe saam met die ander vroue in Boas se land are opgetel…” (Rut 2:23 – Die Boodskap)

• Rut se harde werk het gelei tot voorsiening vir haar en Naomi.
• God het reeds ‘n plan om in jou behoeftes te voorsien – selfs voordat jy dit besef.
• Bly getrou in jou alledaagse pligte – die seëninge sal daar wees.
• Wees gelukkig. Wees vol van vrede. Wees rustig. Wees vol van vertroue.

Gebed

Liewe Vader, baie dankie dat U vir my sorg..

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

10 Desember

Ek hoop dat jy elke dag van God se beskerming kan getuig. Hier is God se Woord vir vandag.

Tema: Jy sal beskerm word

Teks: “Dis goed so… Jy mag dalk net beledig word as jy op iemand anders se land gaan werk.” (Rut 2:22 – Die Boodskap)

• Naomi se raad was eenvoudig: bly waar jy veilig is.
• Moenie rondloop en rondgaan waar jy nie hoort nie – bly waar God jou geplaas het.
• Moenie rondloop en rondgaan waar jy nie hoort nie – bly tussen die grense wat God stel.
• Luister na die wysheid van mense wat vir jou belange omgee.

Gebed

Liewe Vader, baie dankie dat U my met grense beskerm.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

9 Desember

My wens is dat jy oortuig sal wees dat God vir jou sorg. Hier is Sy Woord vir vandag.

Tema: Die Here handel die saak af

Teks: “Dis nie al nie. Hy het ook gesê ek moet terugkom en elke dag saam met sy werkers are kom optel…. ” (Rut 2:21 – Die Boodskap)

• Boas het vir Rut ‘n permanente plek gegee, nie net ‘n eenmalige guns nie – so werk God ook.
• Die Here sorg in jou fisiese, materiële, emosionele, en geestelike behoeftes van elke dag, nie net vandag nie.
• Wees getrou in die klein geleenthede. Dan is jy ook in groot dinge getrou.
• So sal jy gelukkig wees en vrede geniet.

Gebed

Liewe Vader, help my met moed om die lewe van iemand anders op te hef deur vir hulle om te gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

8 Desember

My wens is dat jy die goeie dinge wat die Here doen, sal raaksien. Hier is brood vir vandag.

Tema: Beplan vooruit

Teks: “Ons moet vir jou ‘n man kry, sodat jy versorg kan word en jou eie huis en huisgesin kan hê” (Rut 3:1 – Die Boodskap)

• Dit is die een ding wat die God van gawes, goedheid en genade vir jou sal gee, ‘n mooi toekoms.
• Verwag hierdie wonderlike nuwe tydperk op meer en beter as wat jy nou het.
• Soos Naomi kan jy ook instrumenteel wees om vir ander ‘n nuwe lewe oop te breek.
• Maak jou lewe vandag vir die gawes van die goeie God oop.
• Leef met ‘n verwagting van beter en oorvloed. Wees gelukkig.

Gebed

Liewe Vader, dankie dat U meer gee as wat ek verwag.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

7 Desember

My wens en gebed is dat jy vandag werklik sal begin glo wat vir mense onmoontlik is, vir God heel gewoon en moontlik is. Hier is God se Woord vir vandag.

Tema: Onverstaanbaar, ondenkbaar en onverwags

Teks: “Weet jy, … hy is eintlik een van die mense wat veronderstel is om vir ons te sorg…” (Rut 2:20 – Die Boodskap)

• Wat was die kans dat dié twee vroue om iemand se grond sou beland wat volgens die Joodse wet hulle moes versorg – nul. Tog het dit gebeur.
• Die Here is vol goedheid en guns. Hy laat dinge gebeur wat jy jou nie kan indink nie – so sorg Hy.
• Die Here sorg vir jou op maniere en plekke wat onverstaanbaar, ondenkbaar en onverwags is.
• Ontvang dit net.

Gebed

Liewe Vader, baie dankie dat U onverstaanbaar werk en so vir my sorg.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

6 Desember

My wens en gebed is dat jy vandag sal verstaan wat ware verbintenis in die huwelik beteken. Hier is God se Woord vir vandag.

Tema: Daar sal in jou behoeftes voorsien word.

Teks: “… Josef het die graanskure oopgesluit en wat daarin was, … begin verkoop. ” (Rut 2:20 – Die Boodskap)

• Die hongersnood breek uit, maar Egipte het genoeg kos –die hele wye wêreld kom haal kos.
• Jy beleef ook dikwels hongersnoodtye, woestyntye en uitdagings.
• Dis die Here wat agter elke uitkoms is.
• Jy kan verseker weet dat vandag en môre in elke omstandigheid aan jou uitkoms sal gee – glo dit!

Gebed

Liewe Vader, ek loof U dat U doelgerig besig is om in elke behoefte van my te voorsien.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.