12 Maart
Ek bid dat jy regverdig teenoor ander mense sal optree. Hier is die Woord van die Here vir vandag.
Tema: Tree reg en billik op
Teks: “Jy is familie, maar dit beteken nie dat jy vir my verniet moet werk nie. Sê my wat ek jou moet betaal.” (Gen. 29:15)
- Iemand moet vergoed word vir dit wat hy doen en dit wat hom of haar toekom (Matt 10:10).
- Jy mag nie van iemand iets neem wat syne of hare is en jou nie toekom nie – die Bybel noem dit steel (Eks 20:15).
- Jy moet alle mense, gesinslede en familielede, vriend en vyand, werker en werknemer, almal eerlik, reg en billik hanteer (Job 36:4; Spr. 18:5; 22:2; 29:7; Rom. 2:11; Kol 3:25; 4:1).
- As jy vir iemand werk, wees eerlik en werk hard omdat die Here jou altyd sien en jy Sy kind is (Kol 3:22-23).
- As jy vir iemand werk gee moet jy toe sien dat jou werkers eerlik, reg en billik beloon word, anders steel jy hulle geld (Kol 4:1) .
- Jou eintlike Baas en Hoof, God die Alsiende Vader sien jou en sal jou vir jou regverdigheid, eerlikheid en hardwerkendheid beloon (Kol 3:22-25).
Gebed
Liewe Vader. Baie dankie U my help om regverdig teenoor almal op te tree. In Jesus se Naam. Amen.
© NG Kerk Lynnwoodrif – word gebruik met toestemming.