Beste Bybelvennoot
Hierdie September, tydens Dowebewustheidsmaand, het die Bybelgenootskap Die Woord binne die Stilte fondsinsamelingsveldtog geloods – ’n projek wat help om die Engelse Bybel vir Dowes gratis aan Dowes te voorsien deur skole en organisasies wat die dowe gemeenskap dien.
Baie dowe gelowiges sukkel om bestaande Bybelvertalings te volg. Stel jou voor jy probeer om die Woord van God te lees in ’n taal waarin jy nie natuurlik kommunikeer nie – dit kan verwarrend en ontmoedigend voel. Daarom het die Bybelgenootskap The Bible for the Deaf gepubliseer: ’n vertaling wat met duidelikheid en akkuraatheid geskryf is, sodat dowe lesers ten volle met die Bybel kan omgaan.
Hierdie inisiatief deur die Bybelgenootskap gaan oor veel meer as die skenking van 400 Bybels. Dit gaan daaroor om struikelblokke uit die weg te ruim en te verseker dat niemand uitgesluit word van ’n geleentheid om God se Woord te beleef nie.
Ons kan dit egter nie alleen doen nie. Kan ons op jou staatmaak tydens hierdie Dowebewustheidsmaand om die Bybel vir almal toeganglik te maak? Elke R250 wat ontvang word, help ons om ’n Bybel aan die dowes te skenk.
Seëngroete Ds Rodney van Wyk
Uitvoerende Hoof
e biblia@biblesociety.co.za