Jesus vir my, Jesus vir ons, Jesus vir almal.
Gemeentenuus en Aktiwiteite van die NG Kerk Groot-Brakrivier
Prediker: Dr. Gerrie van Deventer
Skriflesing: Psalm 62
Tema: Sielerus!
Datum: 19 November 2023
Orrelis: Marida Bridges
Lees meer “Erediens 19 November 2023 – Sielerus – Dr. Gerrie van Deventer. NGK Groot-Brakrivier”
Vandag – Sondag 19 November 2023 :
Die tema van die prediking is: Sielsrus.
Gedurende spesiale kerkraadsvergadering gehou op 14 November 2023, is ds Charné Viljoen van NG Pellissier in Bloemfontein beroep na Groot-Brakrivier.
Alle belangstellendes is welkom.
Kerssangdiens om 19:00
NG Kerk Burgersdorp ter herstelwerk aan brandskade,
asook aan plaaslike bejaardesorg.
Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
VUL ’N FLES VIR KERSFEES – Omgeebediening: Desember Kerspakkies
In die voorportaal is ’n houer met leë koffieflesse. Neem een en vul dit met lekkers, koekies of enige iets wat daarin pas – maak ’n hart bly! Bind ’n strikkie om of versier die bottel.
Bring asb terug voor Maandag 4 Desember. Plaas weer terug in houer of gee in by die kerkkantoor gedurende kantoorure.
Omgeebediening :
Baie dankie aan elkeen wat op welke wyse ’n bydrae die afgelope jaar gelewer het.
Ons is steeds dankbaar oor enige bydraes soos kruideniers, beddegoed, gordyne, ens.
Ons het altyd ’n tekort aan kinderklere. Moedig asb die kinders en kleinkinders wat die vakansie kom kuier aan om vir ons hulle “ou” klere saam te bring. Dit sal ons baie help.
Gebedsgidse :
Gebedsgidse vir November 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Ondersteuningsgroep :
Ons groep wil graag mense ondersteun met:
Soms het ’n mens net iemand nodig om te luister of by jou te sit.
Skakel ons gerus: Riana Briers – 081 039 8853 / Riëtte Jansen van Rensburg – 082 928 9625.
G etuienisbediening :
Baie dankie vir alles wat deurlopend voorsien word – daar is groot waardering vir elke skenking vanaf die ontvangers daarvan.
koffiebottel droë bestanddele) vir die 100 gesinne wat ons tans elke tweede week ondersteun.
twee jaar het hul deelname aan die 2023 Kersprojek onttrek en benodig ons tans ten minste nog R 35 000 om vir 100 gesinne (R500 elk) en 50 kinders (R 50 elk) ‘n geskenkpakkie te gee. U ondersteuning vir hierdie projek in ons gemeenskap sal baie waardeer word en die sluitingsdatum vir kontant bydraes is 1 Desember 2023.
Groenewaldfonds
Aansoeke deur persone wat kwalifiseer vir studielenings uit die Groenewaldfonds sluit op 30 November 2023. Die voorgeskrewe vorm is by die kerkkantoor beskikbaar. Skakel asb die kerkkantoor indien u enige verdere inligting benodig.
DRINGENDE VERSOEK – voorrade BAIE laag!
Bloedskenk-geleentheid op Donderdag 30 November 2023 vanaf 15:00 tot 19:00 in die kerksaal. Christo Smith – 083 447 9891.
Klub 50
Klub 50 is gestig vir afgetrede gemeentelede wat graag op ’n gesellige manier wil vergader om saam te kan uithang en nuwe kenisse maak.
Ons betaal jaarliks ledegeld en reël ook funksies waardeur ons fondse insamel om aan die einde van die jaar ’n afsluitingsete en ook ander funksies te subsideer.
Ons probeer ook uitstappies reël vir almal om te geniet. Jul bywoning met funksies sal help bepaal wie aan wat belangstel. Ons stel ’n jaarprogram op en lede word aangemoedig om soveel moontlikby te woon.
Ons vergader die 1ste Woensdag van elke maand (Feb-Nov) en sluit die jaar af met ’n algemene jaarvergadering, lede word aangemoedig om dit by te woon, want hier word verslag oor die funksies en finansies bespreek. Ons kies elke twee jaar nuwe bestuur.
Onthou om die kerk afkondigings dop te hou vir verdere besonderhede.
Estelle Uys – 0726756696
Tydens die kerkraadsvergadering gehou op 14 November 2023 is die volgende persone as kerkraadslede verkies:
Ouderling: Johan du Toit Blok 12A
Diakens: Madeleine Vermeulen Blok 5C&D
Ilse du Toit Blok 12A
Lief en Leed
Ons gemeente wil graag ‘n familie van gelowiges wees. Daarom gaan ons van Januarie 2024 weekliks die name plaas van lidmate wat die komende week verjaar. Die idee is om vir mekaar te bid en geluk te wens. Kontak asb die kerkkantoor betyds as jy nie jou naam wil laat verskyn nie.
Op dieselfde wyse wil ons ook mekaar se leed en hartseer deel en help dra. Kontak asb jou kerkraadslid, dienswerker, leraar of kerkkantoor oor siekte, sterfgevalle of ander donker driwwe waarvoor die res van die gemeentefamilie kan bid. Met toestemming sal ons dit ook in die gemeentenuus plaas.
FEBA RADIO SA: Ons bid vir FEBA Rusland
In Rusland is godsdiensvryheid gedurig onder bedreiging. Bid vir FEBA Rusland se span wat hard werk om te bedien onder moeilike sosiale en politieke omstandighede.
Ons gebed vir die week: Bid vir die beradingspanne, wat meer en meer oproepe ontvang vanaf mense wat moeilike vrae vra en hartverskeurende stories deel. Bid ook vir Dr Viktor Akhterov, Direkteur van FEBA Eurasië, wat die spanne van FEBA Rusland en FEBA Oekraïne in hierdie moeilike tye moet lei.
Die webwerf(nggrootbrak.co.za)
19 November 2023
a) Skakel na die YouTube Preek van 19 November 2023.
a) Nuutste nuusbrief van Missie van Japan.
3. Bybelstudiereeks:
a) Die Weeklikse: “‘Luister en doen.”
4. Gemeente Nuus:
a) Die video van die SSSSS-Konsert is beskikbaar.
b) Die Kategese afsluiting is beskikbaar in fotogallery.
c) ‘n Kort stukkie en foto’s is beskikbaar van die nuwe 2023 beleidende lidmate.
5. Die Afkondigings word weekliks op die webwerf geplaas.
Ons dank u vir u volgehoue bydrae en ondersteuning van die werk van die Here.
Leraar: Danie Goosen – 079 525 3624
Posbus 9, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Takkode 210314
Vandag – Sondag 12 November 2023 :
• Baie welkom by die erediens en ’n spesiale verwelkoming aan die familie en vriende van die doop ouers:Riaan en Cindy van Wyk (seuntjie – Ryno van Wyk).
• Ons skriflesing kom vanoggend uit Matt 25: 1-13.
Die tema van die prediking is: End-uit bly?
• Kategese Afsluiting & Kinderdankoffer.
• Spesiale Offer vir Up with Downs-Skool by die deure.
• Tee sal bedien word in die kerksaal na afloop van die erediens. Almal is welkom.
Ons kategese sluit vanoggend af.
Katkisante ontvang getrouheidsertifikate en
ons hou ’n afsluitingsbraai na die erediens.
Dinsdag 14 November 2023 :
• Die Kerkraad vergader in die kerksaal onder voorsitterskap van Willem du Preez. Daar is ’n spesiale beroepingsvergadering om 17:30 en die normale kwartaalikse vergadering volg direk daarna.
Ons vra asb u voorbidding vir die vergadering.
Woensdag 15 November 2023 :
• Kooroefening - 17:15 by die orrel. Marida - 082 471 0751. Alle belangstellendes is welkom.
Sondag 19 November 2023 :
• Erediens om 09:00.
• Prediker: dr Gerrie van Deventer.
• GEEN Kategese.
• Biddag vir Beskermingsdienste.
• Spesiale Offer vir Kankervereniging by die deure.
• Tee sal bedien word in die kerksaal na afloop van die erediens. Almal is welkom. Gebedsgidse :
Gebedsgidse vir November 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
VUL ’N FLES VIR KERSFEES – Omgeebediening: Desember Kerspakkies
In die voorportaal is ’n houer met leë koffieflesse. Neem een en vul dit met lekkers, koekies of enige iets wat daarin pas – maak ’n hart bly! Bind ’n strikkie om of versier die bottel.
Bring asb terug voor Maandag 4 Desember. Plaas weer terug in houer of gee in by die kerkkantoor gedurende kantoorure.
Omgeebediening :
Baie dankie aan elkeen wat op welke wyse ’n bydrae die afgelope jaar gelewer het.
Ons is steeds dankbaar oor enige bydraes soos kruideniers, beddegoed, gordyne, ens.
Ons het altyd ’n tekort aan kinderklere. Moedig asb die kinders en kleinkinders wat die vakansie kom kuier aan om vir ons hulle “ou” klere saam te bring. Dit sal ons baie help.
Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons gerus: Riana Briers – 081 039 8853 / Riëtte Jansen van Rensburg – 082 928 9625.Getuienisbediening :
• Wolwedans boodskap, sop en en brood se uitreike vir die laaste deel van die jaar geskied op 15 en 29 November. Ons wil vir elke getroue ondersteuner van hierdie uitreike baie dankie sê vir julle deurlopende en liefdevolle bydraes.
• Behoeftes vir Getuienisprojekte
◦ Daar is ‘n deurlopende behoefte aan wol, materiaal, gare, borduurgare en keramiek.
Baie dankie vir alles wat deurlopend voorsien word – daar is groot waardering vir elke skenking vanaf die ontvangers daarvan.
◦ Daar is ook ‘n deurlopende behoefte aan sop (2 liter verpakking of 250 gram
koffiebottel droë bestanddele) vir die 100 gesinne wat ons tans elke tweede week ondersteun.
◦ Kersprojek – een van ons groot borge van die afgelope
twee jaar het hul deelname aan die 2023 Kersprojek onttrek en benodig ons tans ten minste nog R 35 000 om vir 100 gesinne (R500 elk) en 50 kinders (R 50 elk) ‘n geskenkpakkie te gee. U ondersteuning vir hierdie projek in ons gemeenskap sal baie waardeer word en die sluitingsdatum vir kontant bydraes is 1 Desember 2023.
Een van ons dienswerkers benodig ’n selfoon. Indien iemand ’n selfoon, wat in ’n werkende toestand is, kan skenk kan u dit asseblief by die kerkkantoor indien tydens kantoorure.
Dankies – Dankfees
Ons wil u graag in hierdie tyd bedank vir al u harde werk tydens ons dankfees. Ons is ook dankbaar vir elke bydrae. Ons lof en dank aan die Here Jesus ons Here.
Groenewaldfonds
Aansoeke deur persone wat kwalifiseer vir studielenings uit die Groenewaldfonds sluit op 30 November 2023. Die voorgeskrewe vorm is by die kerkkantoor beskikbaar. Skakel asb die kerkkantoor indien u enige verdere inligting benodig.
Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Danie Goosen besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak.
FEBA RADIO SA: Ons bid vir FEBA se tegniese spanne
Tegnologie is sentraal tot FEBA se werk – van radiotorings en senders tot rekenaarhardeware en -sagteware. FEBA se tegniese ondersteuningspanne is dus ‘n onontbeerlike deel van die organisasie. IT-personeel en ingenieurspanne reis die wêreld vol om nuwe stasies te help oprig en die Goeie Nuus op die lug te hou.
Ons gebed vir die week: Bid dat God hulle sal bewaar en die wysheid sal gee om enige probleme wat opduik, te kan oplos. Bid ook dat Hy sal sorg dat FEBA altyd die regte mense vir die taak het.
Klub 50
Klub 50 is gestig vir afgetrede gemeentelede wat graag op ’n gesellige manier wil vergader om saam te kan uithang en nuwe kenisse maak.
Ons betaal jaarliks ledegeld en reël ook funksies waardeur ons fondse insamel om aan die einde van die jaar ’n afsluitingsete en ook ander funksies te subsideer.
Ons probeer ook uitstappies reël vir almal om te geniet. Jul bywoning met funksies sal help bepaal wie aan wat belangstel. Ons stel ’n jaarprogram op en lede word aangemoedig om soveel moontlik
by te woon.
Ons vergader die 1ste Woensdag van elke maand (Feb-Nov) en sluit die jaar af met ’n algemene jaarvergadering, lede word aangemoedig om dit by te woon, want hier word verslag oor die funksies en finansies bespreek.
Ons kies elke twee jaar nuwe bestuur.
Onthou om die kerk afkondigings dop te hou vir verdere besonderhede.
Estelle Uys – 0726756696
Die webwerf (nggrootbrak.co.za)
12 November 2023
1. Erediensbediening:
a) Skakel na die YouTube Preek van 12 November 2023.
2. Getuienisbediening:
a) Nuusbrief van Lynette vanaf Madagskar.
b) FEBA se E-Gebedsgids vir November.
Ons dank u vir u volgehoue bydrae en ondersteuning van die werk van die Here.
Leraar: Danie Goosen – 079 525 3624
Posbus 9, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Takkode 210314
1 November 2023
Goeiemôre gemeente
Ons wil u graag in hierdie tyd bedank vir al u harde werk tydens ons dankfees. Ons is ook dankbaar vir elke bydrae. Ons lof en dank aan die Here Jesus ons Here.
Ons wil u ook meedeel dat ek en ds. Danie by die Algemene Sinode se sitting was in Boksburg. Deur die sinode het ons elke sessie begin deur lofsang en aanbidding. Daarna het ons gewandel in die Woord en rondom tafelgesprekke met mekaar gedeel. Die sinode het belangrike en moeilike sake hanteer. Ons is trots om deel te wees van ‘n organisasie wat sekerlik een van die belangrikste rolspelers in ons land is met betrekking tot sake soos armoede, getuienis, jeug en vele meer. Ook sake wat die menswaardigheid van mense raak, is bespreek. Dit is egter teleurstellend dat die media klem lê op enkele negatiewe sake in hul beriggewing. U is welkom om te enige tyd met ons te gesels oor enige relevante saak in die breë kerk.
Ons wil u vra om ook voorbidding te doen vir ons beroepingsproses. Ons voer onderhoude in die komende week en beplan om ‘n beroep uit te bring die 14de November 2023. Bid asseblief saam met ons vir hierdie belangrike saak.
Groete in Christus.
Willem du Preez
Nms die Kerkraad
U word hartlik uitgenooi na ‘n Kerskonsert met Coenie de Villiers op 4 Desember 2023 om 19:00 in die NG Kerk Groot-Brakrivier.
Toegang R100. Kaartjies is tydens kantoorure te koop by die kerkkantoor.
Vandag – Sondag 5 November 2023 :
GJ en Bianca Maree (dogtertjies – Abia, Ilanca en Lizah Maree).
Die tema van die prediking is: ‘n Betekenisvolle lewe?
Die dankfees, waarvan die organisasie reeds twee maande voor die tyd begin het onder leiding van Ds. Goosen, was ‘n groot sukses.
Die fees is afgeskop meet ‘n gesellige SSSSS (sop, sap, sjerrie, stoepstories en ander stuitighede) Konsert, onder leiding van Johan Smit en geopen deur Hynn Engelbrecht, in die kerksaal. Die verskeidenheid van items en grapperige stories en oorhoofse projeksies, was goed ontvang. Dit was lekker om ander talente, as wat mens gewoonlik sien, hier tot uiting te sien kom. Die konsert se laaste item was wonderlike getuienis van die bekende Desire Gardner, wat vertel het hoe sy as jong kind deur geloofs genesing gesond geword het, en sy het ons ook gewaarsku om tog nooit ‘n eier in die mikrogolf gaar te maak nie. Dit was ‘n gesellige saamkuier, om nie te mis volgende jaar nie.
Die dankfees van Saterdag was heerlik, met al die stalletjies, die heerlike tente waaronder mense kon skuil en die verskuiwing van verskillende stalletjies teen die moontlike impak vn die voorspelde reën . Die mense het reeds vroeg begin regmaak, poedings uitskep, groente en vleis aflaai, roosterkoeke bak, sosaties braai, kerrie inskep, worsbroodjies maak, jaffels en allerhande heerlike gebak by beide die koektafel en die teetuin, en defnitief nie die minste nie, die groep pannekoek bakkers, wat deur tien emmers deeg moes werk (1800 pannekoeke), in vergelyking met die ses emmers van vroeër jare. Die boeke tafel en die wit olifant tafel het ook lekker snuffel moontlikhede geskep, vir wie dit ‘n belangrike aktiwiteit is.
Die kindertafel, teetuin en buite tente was heerlike kuierplekke waar mens met bekendes kon sit en gesels, in hierdie ‘besige’ tye waar daar nie altyd tyd is vir kuier nie. Daar was selfs ‘n ‘selfie’ punt, waar mens die oggend kon verewig. Deur die hele loop van die oggend het die vrolike klanke van Miggel-hulle se boerorkes vanuit die kerksaal oor die hele terrein weerklink, en menige voete het gejeuk.
Die naweek is afgesluit, met ‘n goeie opkoms, met die dankbaarheids nagmaal in die kerk, waar die preek deur Ds. Danie Goosen uit Luk. 17: 11-19 met die tema “Regstellende aksie?” ons herinner het daaraan dat ons nie moet vergeet om dankbaar te wees vir die gawes wat ons ontvang nie. Terwyl die preek deur Ds. Gerrie van Deventer by Groenkloof (asook die YouTube opname) met die tema “Die brood van die lewe” ons daaraan herinner dat Christus alleen die brood van die lewe is.
Na die diens is nuwe intrekkers in gesellige luim ontvang met tee ‘met koekies’ om hulle te verwelkom in die gemeente. Dit was ‘n heerlike kenmekaar geleentheid.
Die Betuurspan en die kerkraad van NG Kerk Groot-Brakrivier wil die kerkkantoor personeel, hele gemeente asook almal uit die gemeenskap wat betrokke was by die reëlings, harde werk voor en tydens die fees, asook die ondersteuning wat ons geniet het, almal bedank vir hul betrokkenheid en sukses van die Dankfees.
Vandag – Sondag 29 Oktober 2023 :
Daar is “dankbaarheidskoevertjies” beskikbaar in die voorportaal, waarin u enige bydrae kan insit. Dié koevertjies word tydens vandag se diens opgeneem.
• Baie welkom by die erediens.
• Ons skriflesing kom vanoggend uit Luk 17: 11-19.Die tema van die prediking is: Regstellende Aksie?
• Nagmaal.
• GEEN Kategese.
• Spesiale Offer vir Kindersorg by die deure.
• Nuwe Lidmate 2022-2023 word verwelkom in die kerksaal na afloop van die erediens. Tee en eetgoed sal bedien word. Almal is welkom.
Ned. Geref. Kerk Groot-Brakrivier
22 Oktober 2023 – 29 Oktober 2023
Vandag – Sondag 22 Oktober 2023 :
• Baie welkom by die erediens en ’n spesiale verwelkoming aan dr Frans Hancke wat vanoggend se erediens lei.
• Ons skriflesing kom vanoggend uit Joh 20 en Rom 10.Die tema van die prediking is: Hoor jy die voetstappe?
• Kategese.
• Spesiale Offer vir Gemeente Instandhoudingsfonds by die deure.
• Tee sal bedien word in die kerksaal na afloop van die erediens. Almal is welkom.
Neem asb kennis dat die nagmaal van Sondag 22 Oktober 2023
skuif na Sondag 29 Oktober 2023.
Woensdag 25 Oktober 2023 :
• Kooroefening - 17:15 by die orrel. Marida - 082 471 0751. Alle belangstellendes is welkom.
Vrydag 27 Oktober 2023 :
• Gemeentekonsert om 18:00.Saterdag 28 Oktober 2023 :
• Dankfees om 09:00.Sondag 29 Oktober 2023 :
• Erediens om 09:00.
• Prediker: ds Danie Goosen.
• Nagmaal.
• GEEN Kategese.
• Spesiale Offer vir Kindersorg by die deure.
• Nuwe Lidmate 2022-2023 word verwelkom in die kerksaal na afloop van die erediens. Tee en eetgoed sal bedien word. Almal is welkom. Gebedsgidse :
Gebedsgidse vir Oktober 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
JEUG :
• Kategese vind plaas op Sondagoggende om 09:00.
Indien u enige verdere inligting verlang skakel asb vir Pauline – 079 557 8591.
Daar is “dankbaarheidskoevertjies” beskikbaar in die voorportaal, waarin u enige
bydrae kan insit. Dié koevertjies sal tydens die diens op 29 Oktober opgeneem word. Alternatiewelik kan koeverte by die kerkkantoor ingegee word.
Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Danie Goosen besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak.
Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons gerus: Riana Briers – 081 039 8853 / Riëtte Jansen van Rensburg – 082 928 9625.Getuienisbediening :
• Wolwedans boodskap, sop en brood se uitreike vir die laaste deel van die jaar geskied op 1, 15 & 29 Nov. Ons wil graag vir elke getroue ondersteuner van hierdie uitreike baie dankie sê vir julle deurlopende en liefdevolle bydraes.
• Ons nooi almal weereens uit om deel te neem aan die sopprojek en te help om 100 gesinne te kan bedien. Die voorsiening van sop is ’n deurlopende behoefte en na 18 Oktober se uitreik is ons sop voorrade nóg laag. Baie dankie vir u getroue ondersteuning.
• Behoeftes vir Getuienisprojekte
◦ Daar is ‘n deurlopende behoefte aan wol, material, gare, borduurgare en keramiek. Baie dankie vir alles wat reeds voorsien is – daar is groot waardering vir elke skenking vanaf die ontvangers daarvan.
◦ Ons benodig van tyd tot tyd hulp met die fisiese uitdeel van die boodskap, sop en brood as ‘n lid van die span siek, uitstedig of op die spesifieke Woensdag dit nie kan maak nie. Geliewe vir Emile Hurter by 082 554 1979 per WhatsApp of sms te verwittig, aangesien hy nie oproepe wat nie van een van sy gelyste kontakte kom, antwoord nie. Hy sal u dan kontak.Omgeebediening :
• In hierdie gemeente wil ons vir mekaar omgee. Ons wil weet van nood, siekte en eensames wat hulp en ondersteuning benodig.
• Indien u bewus is van iemand wat hulp nodig het kontak u kerkraadslid of die kerkkantoor.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ens. Enige bydraes help om nood te verlig. Ons het elke maand ’n groot tekort.
• Enige persoon wat graag by die Omgeebediening betrokke wil raak skakel asseblief vir Corrie Pieters – 082 327 9527.
NG Klub 50 nooi sy lede uit!!!
Klub 50 funksie : Afsluitingsete
Datum: Woensdag 1 November
11:30 vir 12:00
Plek: Cattle Baron Langeberg Mall
Koste: R70 pp – Die klub borg die res.
Reël asb eie vervoer.
Bespreek asb voor 27 Oktober per Whatsapp of deur die bestuur te kontak.
Estelle Uys – 072 675 6696
Marie Snyman – 082 229 8316
Johan Snyman – 083 736 5747
Faan Muller – 084 8703 236
SSSSS-Konsert
Die tyd raak min vir die koop/bespreek vir kaartjies van ons Sop- en Sjerriekonsert op
Vrydag 27 Oktober om 18:00.
Buiten ons skitterende plaaslike talent, is Desiré Gardner (Magda Louw), ook op die verhoog te sien. Jy mag dit nie mis nie.
Kaartjies is tydens kantoorure by die kerkkantoor, of Sondag by die saal tydens teedrink, beskikbaar.
Prys: R100pp; R50pp vir deelnemers en laerskool kinders; voorskoolse kinders en persone bo 90jaar gratis.
Groenewaldfonds
Aansoeke deur persone wat kwalifiseer vir studielenings uit die Groenewaldfonds sluit op 30 November 2023. Die voorgeskrewe vorm is by die kerkkantoor beskikbaar. Skakel asb die kerkkantoor indien u enige verdere inligting benodig.
FEBA RADIO SA: Ons bid vir FEBA Thailand
In Thailand, waar Boeddhisme oorheersend is, doen meer as 20,000 studente FEBA se Bybel-korrespondensiekursus. Baie van die studente is in die tronk en het Christus gevind deur die Bybel te bestudeer.
Ons gebed vir die week: Bid dat die studente God se Woord met oop harte en denke sal bestudeer, en dat selfs dié in die tronk, die vryheid wat in Christus is, sal beleef.
Die webwerf (nggrootbrak.co.za)
22 Oktober 2023
1. Erediensbediening:
a) Skakel na die YouTube Preek van 22 Oktober 2023.a) Maandelikse nuusbrief van ‘Innovation of the Blind’.Gemeentefees – Saterdag 28 Oktober 2023 om 09:00
Kom geniet ‘n koppie koffie of tee en iets lekkers te ete en kuier saam.
Ons tema vir die jaar is dankbaarheid. Daar is “dankbaarheidskoevertjies” beskikbaar in die voorportaal waarin u enige bydrae kan insit. Ons sal daardie naweek afsluit met ‘n dankbaarheidsdiens in die kerkgebou. Geldelike bydraes is altyd welkom by die kerkkantoor of per direkte inbetaling in die bankrekening. (Indien ‘n EFT gedoen word, moet u dit asb as “GFees” & Bloknr & Van, merk).
• Jafels:Ons benodig asb skenkings vir Flora margerine en “Cook ’n Spray” vir die jafel tafel. Indien u kan help kan u dit afgee by die kerkkantoor of skakel Annatjie Janse van Rensburg – 082 871 0927. Onthou ook om u bestellings te plaas, ons maak alle bestellings vars op die oggend van die basaar.
Pannekoektafel:
Ons benodig helpers vir bak en oprol van die pannekoek, asook donasies (suiker, meel, olie, eiers en kaneel), wat by die kerkkantoor kan afgegee word. Indien u kan help skakel asseblief Piet Snyman – 082 297 3476.
Gebak en Poeding:
Ons benodig produkte vir die koektafel. Enige gebakte items is welkom. Liana – 084 764 6155.
Ons benodig ook asb koue of warm poedings vir die poedingtafel. Dirk – 082 416 3281 / Dorette – 072 400 1991 / Elmari – 073 979 8868.
Kindertafel:
Ons benodig asb geldelike bydraes en/of spesiale lekkergoed en speelgoed vir die jeug se basaartafel. Ook vrywilligers wat kan help met insamelings en by die tafel. Alle skenkings kan asseblief by die kerkkantoor of by De Kaap Eiendomme vir Pauline afgegee word. Pauline Richards – 079 557 8591.
Enige bestanddele is baie welkom. Dui dit asb op u lys aan of kontak die betrokke persone. Die bestanddele moet asseblief ‘n week voor die dankfees by die betrokke sameroeper of by die kerkkantoor ingehandig word.
SAMEROEPERS
Ons dank u vir u volgehoue bydrae en ondersteuning
van die werk van die Here.
Leraar: Danie Goosen – 079 525 3624
Posbus 9, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Vandag – Sondag 15 Oktober 2023 :
• Baie welkom by die erediens en ’n spesiale verwelkoming aan dr Frans Hancke wat vanoggend se erediens lei.
• Ons skriflesing kom vanoggend uit 1 Pet 1.
Op 8 Oktober het ons insameling by die gemeente se deure vir die Gideons. Hulle voorsien Nuwe Testamente aan mense wat daagliks hul pad kruis, asook aan jongmense. Menige van ons, wat bevoorreg was om te reis in Suid Afrika, het ook op verskeie plekke ‘n Gideons bybeltjie raakgeloop.
Die Gideons versprei Bybels en Nuwe Testamente aan Graad 8 leerders, studente by universiteite en kolleges, polisielede, lede van die gewapende magte, gevangenisse, hotelle, gastehuise, spreekkamers en prokureurs-kantore, swangerskap-sentrums, klinieke, sowel as ouetehuise met ʼn kliniek. Daar is meer as 44 miljoen Bybels en Nuwe Testamente sedert die totstandkoming van Die Gideons Internasionaal in Suid Afrika in 1950 uitgeplaas.
Laat ons hulle net so mildelik ondersteun, as wat hulle mildelik die Woord van God versprei.
Vandag – Sondag 8 Oktober 2023 :
• Baie welkom by die erediens.
• Ons skriflesing kom vanoggend uit Matt 21: 33-46.Die tema van die prediking is: Die gevaar van binne?
• GEEN Kategese.
• Spesiale Offer vir Alta du Toit-Skool (Kuilsrivier) by die deure.
• Tee sal bedien word in die kerksaal na afloop van die erediens. Almal is welkom.
Daar is “dankbaarheidskoevertjies” beskikbaar in die voorportaal, waarin u enige bydrae kan insit, vir die tydperk van die Dankbaarheidsfees wat strek oor die naweek van 27-29 Oktober.
Woensdag 11 Oktober 2023 :
• Kooroefening - 17:15 by die orrel. Marida - 082 471 0751. Alle belangstellendes is welkom.
Sondag 15 Oktober 2023 :
• Erediens om 09:00.
• Prediker: dr Frans Hancke.
• Biddag vir Gesondheidsdienste.
• Kategese.
• Spesiale Offer vir Gideons by die deure.
• Tee sal bedien word in die kerksaal na afloop van die erediens. Almal is welkom. Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Danie Goosen besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak.
Neem asb kennis dat die nagmaal van Sondag 22 Oktober 2023 skuif na Sondag 29 Oktober 2023.
Neem asb kennis dat ds Danie Goosen en Willem du Preez vanaf 15-22 Oktober die algemene sinode sitting in Boksburg bywoon. Dr Frans Hancke sal gedurende hierdie tyd vir ds Danie instaan en sal beskikbaar wees om te kontak – 082 490 5737.
Gebedsgidse :
Gebedsgidse vir Oktober 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons by Riana Briers – 081 039 8853 / Riëtte Jansen van Rensburg – 082 928 9625.Getuienisbediening :
• Wolwedans boodskap, sop en brood se uitreike vir die laaste deel van die jaar geskied op 18 Okt en 1, 15 & 29 Nov. Ons wil graag vir elke getroue ondersteuner van hierdie uitreike baie dankie sê vir julle deurlopende en liefdevolle bydraes.
• Ons nooi almal weereens uit om deel te neem aan die sopprojek en te help om 100 gesinne te kan bedien. Die voorsiening van sop is ’n deurlopende behoefte en na 4 Oktober se uitreik is ons sop voorrade nóg laag. Baie dankie vir u getroue ondersteuning.
• Behoeftes vir Getuienisprojekte
◦ Daar is ‘n deurlopende behoefte aan wol, material, gare, borduurgare en keramiek. Baie dankie vir alles wat reeds voorsien is – daar is groot waardering vir elke skenking vanaf die ontvangers daarvan.
◦ Ons benodig van tyd tot tyd hulp met die fisiese uitdeel van die boodskap, sop en brood as ‘n lid van die span siek, uitstedig of op die spesifieke Woensdag dit nie kan maak nie. Geliewe vir Emile Hurter by 082 554 1979 per WhatsApp of sms te verwittig, aangesien hy nie oproepe wat nie van een van sy gelyste kontakte kom, antwoord nie. Hy sal u dan kontak.Omgeebediening :
• In hierdie gemeente wil ons vir mekaar omgee. Ons wil weet van nood, siekte en eensames wat hulp en ondersteuning benodig.
• Indien u bewus is van iemand wat hulp nodig het kontak u kerkraadslid of die kerkkantoor.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ens. Enige bydraes help om nood te verlig. Ons het elke maand ’n groot tekort.
• Enige persoon wat graag by die Omgeebediening betrokke wil raak skakel asseblief vir Corrie Pieters – 082 327 9527.
Dankies
Bloedskenking :
Die bloedskenking op 28 September 2023 het 51 volpinte bloed opgelewer.
Baie dankie vir die 61 mense wat opgedaag het om te skenk, u skenkings kan lewens red. Ons sal u in kennis stel wanneer die volgende geleentheid plaasvind.
SSSSS-Konsert
Baie dankie vir die oorweldigende belangstelling om deel te wees van die SSSS-Konsert.
Die kaartjies kan by die kerkkantoor, gedurende kantoorure, of Sondae na die erediens by die saal by Johan Smit gekoop word.
– 084 500 4296.
FEBA RADIO SA: Ons bid vir FEBA se luisteraars
Prys God vir die miljoene luisteraars wat die Goeie Nuus al deur FEBA se radiostasies, internet-uitsendings, klanktoestelle en sosiale media-bediening gehoor het. Ongeag die land, taal, kultuur en uitdagings – ons is almal een in Christus.
Ons gebed vir die week: Bid dat ons Vader Sy teenwoordigheid onder Sy kinders bekend sal maak, en hulle die moed sal gee om die waarheid te deel met dié wat oor hul pad kom.
Die webwerf (nggrootbrak.co.za)
8 Oktober 2023
1. Erediensbediening:
a) Skakel na die YouTube Preek van 8 Oktober 2023.
Gemeentefees – Saterdag 28 Oktober 2023 om 09:00
Kom geniet ‘n koppie koffie of tee en iets lekkers te ete en kuier saam.
Lyste met die oog op die gemeentefees sirkuleer tans in die gemeente. Ons tema vir die jaar is dankbaarheid. Daar sirkuleer ook “dankbaarheidskoevertjies” waarin u enige bydrae kan insit. Ons sal daardie naweek afsluit met ‘n dankbaarheidsdiens in die kerkgebou. Geldelike bydraes is altyd welkom by die kerkkantoor of per direkte inbetaling in die bankrekening.
(Indien ‘n EFT gedoen word, moet u dit asb as “GFees” & Bloknr & Van, merk).
Pannekoektafel:
Ons benodig helpers vir bak en oprol van die pannekoek, asook donasies (suiker, meel, olie, eiers en kaneel), wat by die kerkkantoor kan afgegee word. Indien u kan help skakel asseblief Piet Snyman – 082 297 3476.
Gebak en Poeding:
Ons benodig produkte vir die koektafel. Enige gebakte items is welkom. Liana – 084 764 6155.
Ons benodig ook asb koue of warm poedings vir die poedingtafel. Dirk – 082 416 3281 / Dorette – 072 400 1991 / Elmari – 073 979 8868.
Kindertafel:
Ons benodig asb geldelike bydraes en/of spesiale lekkergoed en speelgoed vir die jeug se basaartafel. Ook vrywilligers wat kan help met insamelings en by die tafel. Alle skenkings kan asseblief by die kerkkantoor of by De Kaap Eiendomme vir Pauline afgegee word. Pauline Richards – 079 557 8591.
Enige bestanddele is baie welkom. Dui dit asb op u lys aan of kontak die betrokke persone. Die bestanddele moet asseblief ‘n week voor die dankfees by die betrokke sameroeper of by die kerkkantoor ingehandig word.
SAMEROEPERS
1. KERRIE-EN-RYS:
250 ml @ R15 & 500 ml @ R30. Corita du Preez – 084 265 9487. Kontak ons indien u wil help deur maalvleis te skenk.
2. JAFELS: @ R20 elk: Daar sal jafels op die dag beskikbaar wees, maar om teleurstelling te voorkom en ons ook te help met beplanning sal ons dit waardeer indien u asseblief u bestellings per WhatsApp of sms by Annatjie Janse van Rensburg – 082 871 0927 of
Corrie Pieters – 082 327 9527 plaas.
3. ROOSTERKOEKE: Heel @ R15 elk / Konfyt @ R20 elk / Konfyt en Kaas @ R25 elk / Hoender Mayo @ R25 elk. Amelia – 072 975 0917.
4. PANNEKOEK: @ R5 elk. Piet Snyman – 082 297 3476.
5. SOSATIES: Sosaties @ R16 elk. Asseblief geen bestellings! Eddie Drost – 082 920 1829.
6. GEBAK EN TEETUIN:
Liana Boshoff – 084 764 6155 / Michelle Roon – 064 674 9756 / Marie Snyman – 082 229 8316.
7. GROENTE: Robert Crause – 071 243 9181.
8. WIT OLIFANT: Bring asseblief enige goedere na die kantoor en ons sal dit daar sorteer. Ek sal goedere enige tyd by die huise gaan oplaai indien moeilik om self in te bring.
Annalene de Swardt – 082 495 5011.
9. KINDERTAFEL: Pauline Richards – 079 557 8591.
10. POEDING: 350ml@ R15 elk: Kontak Dirk Visser – 082 416 3281 / Dorette Visser – 072 400 1991 / Elmari Olsen – 073 979 8868 indien u ‘n poeding wil skenk of graag wil help.
Dui asseblief net aan of dit ‘n warm of koue poeding is.
11. BOEKE: Enige ou boeke sal waardeer word. Bring dit asseblief solank na die kerkkantoor of kontak Ina Blom – 083 651 4517.
12. WORSBROODJIES: Heerlike worsbroodjies met ’n lekker sous daarby @ R25 elk.
James Erasmus – 078 505 5880.
13. LEWERKOEKIES: Slegs vir vooraf bestelling en om Saterdag af te haal.
Groot (9cm deursnit) @ R10 elk of R50 vir 6. Vries goed. Corrie Pieters – 082 327 9527.
14. VLEISTAFEL: Daar sal ’n verskeidenheid vleisprodukte wees teen bekostigbare pryse. Kom egter vroeg om teleurstelling te voorkom.
Ons dank u vir u volgehoue bydrae en ondersteuning van die werk van die Here.
Leraar: Danie Goosen – 079 525 3624
Posbus 9, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Takkode 210314
Die Ondersteuningsgroep bied hoofsaaklik rygeleenthede aan persone in die gemeenskap vir doktersafsprake en so meer. Wat dit so besonders maak, is die feit dat die bestuur van ons Kerk ons so goed gesind is en ons finansieël bystaan om dit te doen. Ek het ook groot waardering vir die gewillige groep mense wat soms op kort kennisgewing bereid is om iemand te help. Kosbare vriendskappe word ook hierdeur gesmee.
Ons het as groep die Youth Cafe in Greenhaven besoek op 7 September.
Lees meer “Ondersteuningsgroep besoek Youth Cafe en ander aksies”
Vandag – Sondag 1 Oktober 2023 :
• Baie welkom by die erediens.
• Ons skriflesing kom vanoggend uit Matt 21: 23-32.Die tema van die prediking is: ‘n Gesplete persoonlikheid?
• Biddag vir Bejaardes.
• Bediening aan die Jode.
• GEEN Kategese.
• Spesiale Offer vir Eljada-Nasorg (Oudtshoorn) by die deure.
• Daar is GEEN tee die week na afloop van die erediens nie.
Woensdag 4 Oktober 2023 :
• Daar sal GEEN Kooroefening wees gedurende die skoolvakansie nie. Oefening hervat weer op 11 Oktober 2023. Marida - 082 471 0751. Sondag 8 Oktober 2023 :
• Erediens om 09:00.
• Prediker: ds Danie Goosen.
• GEEN Kategese.
• Spesiale Offer vir Alta du Toit-Skool (Kuilsrivier) by die deure.
• Tee sal bedien word in die kerksaal na afloop van die erediens. Almal is welkom. Nuwe lidmate en lidmaatbesoeke :
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Ds Danie Goosen besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak.
Gebedsgidse :
Gebedsgidse vir Oktober 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Neem asb kennis dat die nagmaal van Sondag 22 Oktober 2023 skuif na Sondag 29 Oktober 2023.
Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.
Soms het ’n mens net iemand nodig om te luister of by jou te sit.
Skakel ons by Riana Briers – 081 039 8853 / Riëtte Jansen van Rensburg – 082 928 9625.Getuienisbediening :
• Wolwedans boodskap, sop en brood se uitreike vir die laaste deel van die jaar geskied op 4 & 18 Okt en 1, 15 & 29 Nov. Ons wil graag vir elke getroue ondersteuner van hierdie uitreike baie dankie sê vir julle deurlopende en liefdevolle bydraes.
• Ons nooi almal weereens uit om deel te neem aan die sopprojek en te help om 100 gesinne te kan bedien. Die voorsiening van sop is ’n deurlopende behoefte en na 20 Sept se uitreik is ons vrieskaste dolleeg. Baie dankie vir u getroue ondersteuning.
• Behoeftes vir Getuienisprojekte
◦ Daar is ‘n deurlopende behoefte aan wol, material, gare, borduurgare en keramiek. Baie dankie vir alles wat reeds voorsien is – daar is groot waardering vir elke skenking vanaf die ontvangers daarvan.
◦ Ons benodig van tyd tot tyd hulp met die fisiese uitdeel van die boodskap, sop en brood as ‘n lid van die span siek, uitstedig of op die spesifieke Woensdag dit nie kan maak nie. Geliewe vir Emile Hurter by 082 554 1979 per WhatsApp of sms te verwittig, aangesien hy nie oproepe wat nie van een van sy gelyste kontakte kom, antwoord nie. Hy sal u dan kontak.
• Die gesin van 4 (kinders 7 en 12), wat hul werk tydens covid verloor het en nou werk in Groot-Brakrivier gekry het, kon tydelike verblyf kry tot Desember, maar soek asseblief na permanente verblyf vanaf Januarie 2024 (maksimum R7 000 pm). Indien enige een kan help kontak asseblief vir Cassie Erasmus – 064 759 9212.Omgeebediening :
• In hierdie gemeente wil ons vir mekaar omgee. Ons wil weet van nood, siekte en eensames wat hulp en ondersteuning benodig.
• Indien u bewus is van iemand wat hulp nodig het kontak u kerkraadslid of die kerkkantoor.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee ens. Enige bydraes help om nood te verlig. Ons het elke maand ’n groot tekort.
• Enige persoon wat graag by die Omgeebediening betrokke wil raak skakel asb. vir Corrie Pieters – 082 327 9527.
JEUG :
• Kategese vind plaas op Sondagoggende om 09:00.
Indien u enige verdere inligting verlang skakel asb vir Pauline – 079 557 8591.
Klub 50
Klub 50 nooi alle lede, en moontlike nuwe lede, om op
Woensdag 4 Oktober
deel te hê aan ‘n pretdag van speletjies en ‘n bring en braai.
Tyd: 10:00
Plek: NG Kerkgrond
Om saam te bring: kampstoel, bord, beker, eetgerei, vleis en drinkgoed.
Die klub verskaf: pap en slaai, koffie/tee en kole vir braai.
Maak solank litte los. Dit gaan groot pret wees!
Navrae: Estelle Uys
– 072 675 6696
SSSSS-Konsert
Dit is op 27 Oktober 2023 weer ons jaarlikse sagtebaard SSSSS (Sop, Sap Sjerrie, Stoepstories en ander Stuitighede) – konsert!
Enige “vermaaklikheidskunstenaar” wat ’n storie het om te vertel of iets “lafs” wil opvoer, kan vir Johan Smit kontak – 084 500 4296.
Gemeentefees – Saterdag 28 Oktober 2023 om 09:00
Kom geniet ‘n koppie koffie of tee en iets lekkers te ete en kuier saam.
Lyste met die oog op die gemeentefees sirkuleer tans in die gemeente. Ons tema vir die jaar is dankbaarheid. Daar sirkuleer ook “dankbaarheidskoevertjies” waarin u enige bydrae kan insit. Ons sal daardie naweek afsluit met ‘n dankbaarheidsdiens in die kerkgebou. Geldelike bydraes is altyd welkom by die kerkkantoor of per direkte inbetaling in die bankrekening.
(Indien ‘n EFT gedoen word, moet u dit asb as “GFees” & Bloknr & Van, merk).
Pannekoektafel:
Ons benodig helpers vir bak en oprol van die pannekoek, asook donasies (suiker, meel, olie, eiers en kaneel), wat by die kerkkantoor kan afgegee word. Indien u kan help skakel asseblief Piet Snyman – 082 297 3476.
Gebak en Poeding:
Ons benodig produkte vir die koektafel. Enige gebakte items is welkom. Liana – 084 764 6155.
Ons benodig ook asb koue of warm poedings vir die poedingtafel. Dirk – 082 416 3281 / Dorette – 072 400 1991 / Elmari – 073 979 8868.
Kindertafel:
Ons benodig asb geldelike bydraes en/of spesiale lekkergoed en speelgoed vir die jeug se basaartafel. Ook vrywilligers wat kan help met insamelings en by die tafel. Alle skenkings kan asseblief by die kerkkantoor of by De Kaap Eiendomme vir Pauline afgegee word. Pauline Richards – 079 557 8591.
Enige bestanddele is baie welkom. Dui dit asb op u lys aan of kontak die betrokke persone. Die bestanddele moet asseblief ‘n week voor die dankfees by die betrokke sameroeper of by die kerkkantoor ingehandig word.
SAMEROEPERS
Die webwerf (nggrootbrak.co.za)
1 Oktober 2023
Nuut op 1 Oktober 2023
1. Erediensbediening:
a) Skakel na die YouTube Preek van 1 Oktober 2023.
Ons dank u vir u volgehoue bydrae en ondersteuning
van die werk van die Here.
Leraar: Danie Goosen – 079 525 3624
Posbus 9, Groot-Brakrivier, 6525 044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za
Bankbesonderhede: FNB tjekrekening
Rek Nr. 530 831 865 11
Takkode 210314
22 September 2023
Goeiemôre gemeente
Ons is tans in Koninkrykstyd in die kerklike jaar. Dit bevestig dat God deur die werk van Jesus Christus Sy ryk gevestig het, en ons as koningskinders deur die werking van die Heilige Gees hierin deel. Dit is ‘n genadegeskenk (gawe) van God. Mag ons elkeen met danksegging leef!
Ons het daarom goedgedink om ons fees einde Oktober ‘n dankfees te maak. Ons begin die Vrydagaand met ‘n humoristiese konsert wat beloof om die lagspiere te prikkel. Die Saterdag skop die verrigtinge af om 09:00 waar talle produkte te koop sal wees. Ons poog om meer produkte op elke tafel te hê, maar kom vroeg om teleurstelling te voorkom en lekker gesellig saam te verkeer. Ons sluit die naweek af die Sondag met nagmaal in die kerk om 09:00 en 10:00 by Groenkloof. By die erediens is daar geleentheid om u dankbaarheidskoevertjie te bring soos wat u goeddink. Die koevertjie is bloot iets tasbaar wat u tydens die erediens kan ingooi, of andersins kan dit by die kerkkantoor ingegee word. Dit verhoed u nie om ‘n EFT te doen indien u dit verkies nie.
Ons is dankbaar vir die volgende:
– vir Onse Hemelse Vader vir wie Hy is en wat Hy doen.
– vir mense, mense soos u en talle ander wat ten spyte van hul broosheid streef om die goeie te doen.
– vir ons gemeente en elke gawe wat die gemeente rig en bou.
– vir ons gesonde finansies dat die werk van die Here kan voortgaan en blymoedige gewers soos u wat dit moontlik maak.
– talle onderhoudswerk wat afgehandel kon word.
– ons kerkraad, bestuurspan en personeelkorps wat hard saamwerk. In hierdie verband het ons die vakante leraarspos geadverteer en die sluitingsdatum vir die aansoeke is 30 Oktober 2023. Nominasies van leraars of finalejaarstudente kan ook deur lidmate by die kerkkantoor ingedien word. Ons het wel gedink dat die persoon nie ouer as 40 jaar moet wees nie.
Soos u weet sou ons die lys nog kon aanvul, maar ons wil u ook vra om ons te kontak waar ons dalk ‘n paar koninkryksake miskyk.
Laat weet die kerkkantoor indien u ‘n besoek verlang of voorbidding nodig het. Ons
sal so spoedig moontlik reageer.
Ons wil elkeen van u aanmoedig om in onseker tye voort te gaan met die goeie werk waartoe Christus ons geroep het. Ons sluit af met die volgende woorde: “Terwyl ons dan so groot geloofskare rondom ons het, laat ons elke las van ons afgooi, ook die sonde wat ons maklik verstrik.”(Hebr 12:1-2)
Groete in Christus.
______________
Willem du Preez
Nms die kerkraad
Vandag – Sondag 24 September 2023 :
• Baie welkom by die erediens en ’n spesiale verwelkoming aan dr Gerrie van Deventer wat vanoggend se erediens lei.
• Ons skriflesing kom vanoggend uit 2 Tim 1:1-14.Die tema van die prediking is: Erfenis.
• Erfenisdag.
• GEEN Kategese.
• Sinodale Offer vir Bediening aan die Jode by die deure.
• Tee sal bedien word in die kerksaal na afloop van die erediens. Almal is welkom.
Vandag – Sondag 17 September 2023 :
• Baie welkom by die erediens en ’n spesiale verwelkoming aan dr Frans Hancke wat vanoggend se erediens lei.
• Ons skriflesing kom vanoggend uit 2 Kor 5.Die tema van die prediking is: Wie dink jy is jy?
Die betekenis of implikasies van gelowiges se identiteit in Christus:
2 Tim 1:9; Ef 1:4; Rom 8:38–39; Ef 1:7; 2 Kor 1:20; 1 Kor 1:2; Fil 4:19;
Fil 4:7; Rom 6:23; 1 Kor 15:22.
• Kategese.
• Sinodale Offer vir Arbeidsbediening by die deure.
• Tee sal bedien word in die kerksaal na afloop van die erediens. Almal is welkom.
Vandag – Sondag 10 September 2023 :
• Baie welkom by die erediens.
• Ons skriflesing kom vanoggend uit Matt 18: 15-20.Die tema van die prediking is: ‘n Wenspan?
• Leprosiedag (Melaatse).
• Toerustingsondag.
• Kategese.
• Spesiale Offer vir Sending onder Melaatses by die deure.
• Tee sal bedien word in die kerksaal na afloop van die erediens. Almal is welkom.
27 – 29 Oktober
Kom kuier saam by ons Oktober gemeentefees. Ons begin die naweek met ‘n vrolik en prettige Vrydagaandkonsert. Saterdag kan u kom saam kuier om ‘n koppie koffie of tee en iets lekkers te ete; of kuier saam om die pannekoektafels en sosatie braai vleisvuur. Vir die kinders sal daar ook pret aktiwiteite wees.
Ter voorbereiding word lyste met die oog op die gemeentefees gesirkuleer in die gemeente. Ons tema vir die jaar is dankbaarheid. Daar sirkuleer ook “dankbaarheidskoevertjies” waarin u enige bydrae kan insit. Die naweek word afgesluit met ‘n dankbaarheidsdiens in die kerkgebou. Geldelike bydraes kan by die kerkkantoor of per direkte inbetaling in die bankrekening gedoen word. (Indien ‘n EFT gedoen word, moet u dit asb as “GFees” & Bloknr & Van, merk).
SAMEROEPERS