Op 12 Augustus 2026 is daar Bybels uitgedeel by die 60Plussers van Wolwedans.
Die geleentheid is op gepaste wyse met samesang en gebed geopen. 48 Bybels met groot druk is ontvang vanaf die Bybel genootskap, na die aanvoor werk van beide Aletia Nortje, wat die behoefte geïdentifiseer het, en Ds. Leon Cronje wat die skrywe aan die Bybel genootskap gerig het.
Die Bybels is met dankbaarheid ontvang. Ds. Leon Cronje het ‘n pragtige boodskap gebring oor die waarde daarin om ‘n Bybel te besit, en hoe mens meer van God kan verstaan, en wat Hy vir ons gedoen het.