Mag jy vandag met ware wysheid en Goddelike insig reageer! Hier is God se Boodskap net vir jou vir vandag:
Tema: Versigtig met spotters
Teks vir vandag: “Dink mooi hoe jy iemand wat met God spot, moet antwoord. As jy hom op sy foute wys, kan hy jou verneder. As jy hard met hom praat, kan hy jou seermaak. Hy kan jou begin haat, jou groot skade aandoen.” Spr. 9:7 (Die Boodskap)
God vra dat jou vriende mense sal wees wat nie met die Here spot nie (Ps. 1:1).
Nie alle mense is oop vir die waarheid nie – sommige sal jou aanval as jy dit vertel of praat.
Bid vir wysheid om te weet wanneer om te praat en wanneer om stil te bly (Spr. 12:18; 14:3; 15:1; Jak 3:2, 5-6).
Beskerm jouself deur weg te bly van mense wat met God spot en jou kan seermaak.
Gebed
Liewe Vader, gee my vandag wysheid om te weet wanneer om te praat en wanneer om stil te bly, en beskerm my teen spotters.
“En meteens het ‘n stem uit die hemele gesê: “Dit is my geliefde Seun or wie Ek My verheug.”” Matt. 3: 1720
Christus, die geliefde Seun van die Vader
In Matt. 3: 1720 spreek God sy liefde uit vir Jesus Christus, net nadat Hy deur Johannes die Doper gedoop is. Dis ‘n baie bekende gedeelte in die Bybel, en word ook in Markus en Lukas goed beskryf, of na verwys. As gevolg van Jesus Christus se opdrag hier op aarde, moes Hy egter ook versoekings deurstaan, om ons menslike swakhede te oorwin.
Hierna word Hy deur die Gees die woestyn ingelei, waar Hy vir veertg dae en veertig nagte lank vas. In hierdie verswakte fisiese toestand kom die versoeker nader en versoek Hom driemaal. Ten spyte van sy fisiese verswakte toestand, het Christus egter geweet, daar is een manier om die versoeking te weerstaan, nl. Kennis van die Woord van God.
Teksverse:
“Hierna is Jesus deur die Gees die woestyn ingelei om deur die Duiwel versoek te word. Veertig dae en veertig nagte lank het Hy gevas, en later honger geword.” (Matt. 4: 1-220);
“Toe het die versoeker nader gekom en vir Hom gesê: As u die Seun van God is, sê dat hierdie klippe brode moet word. Maar Hy antwoord: “Daar staan ook geskryf,” ‘Van brood alleen sal die mens nie leef nie, maar van elke uitspraak wat uit die mond van God kom.’ ” ” (Matt. 4: 3-420)
Versoekings van Christus
Wie van ons was al vir so lank van voedsel ontsê? Wie van ons weet regtig hoe swaar dit is om vir veertige dae en nagte niks oor ons lippe te neem nie? Nie ‘n enkele brokkie nie. Sou ons die versoeking en aanslag kon teenstaan? Sou ons daaraan gedink het om na ‘n aanhaling uit die Bybel te gryp, wanneer ons so versoek word? Ken ons die Bybel goed genoeg om sonder om eers daaroor te dink, teen enige versoeking wat na ons geslinger word, spontaan daarop te reageer?
Tweedens het die Duiwel Jesus probeer versoek deur vir Hom te laat verstaan dat God se engele Hom sou red as Hy van die tempelgebou afspring. Hy sou geen skade opdoen nie. Dit was gedoen deur ‘n aanhaliing uit die Bybel in Ps. 91: 11-1220. Hierop het Christus geantwoord dat ons nie vir God mag versoek nie, want dit staan so geskryf. Hoe dikwels word ons versoek deur die woorde van ander, wat ons paai en sagkens hanteer, maar met duiwelse agendas? Voel jy bestand daarteen? Kom die antwoorde op hierdie versoekings vinnig genoeg?
Derdens het die Satan Jesus Christus al die prag en praal van die koninkryke van die wêreld gewys, en beloof om dit vir Hom te gee indien Hy voor hom sou neerkniel en hom aanbid. Hierop het Jesus Christus vir hom gesê: “Gaan weg Satan! Want daar staan geskryf, “ ‘Die HERE jou God moet jy aanbid en Hom alleen dien.’” (Matt. 4: 1020)
Teksverse:
“Hy het jou nederig gemaak, jou laat honger ly en jou die manna laat eet wat jy nie geken het nie en jou voorouers ook nie geken het nie, sodat Hy jou kon laat verstaan dat die mens nie van brood alleen sal leef nie, maar dat die mens sal leef van elke uitspraak uit die mond van die HERE. ” (Deut. 8: 320);
“Julle mag nie die HERE julle God uitdaag soos julle by Massa gedoen het nie.” (Deut. 6: 1620);
“Vir die Here jou God moet jy ontsag hê: Hom moet jy dien, en slegs in sy Naam moet jy sweer.” (Deut. 6: 1320)
Hoe kan ons weerstand bied?
Indien ons volkome op die Heilige Gees vertrou, en die Woord van God in nederigheid en ontvanklikheid bestudeer, sal ons die krag ontvang om teen aardse versoekinge weerstand te bied. Want soos Johannes Calvyn dit so goed stel: ‘Ware onderskeiding tussen reg en verkeerd hang nie af van die skerpheid van ons intelligensie nie, maar van die wysheid van die Gees.’
Dan sal ons ook in die voetspore van Jesus Christus, vol van die krag van die Heilige Gees, weerstand kan bied. Net so het Jesus sy volgelinge voorberei teen swaarkry en versoekinge in Mark. 13: 1120, waar Hy belowe het dat as hulle onder die leiding van die Heilige Gees staan, sal Hy vir hulle woorde in hulle mond lê. Laat ons ook so onsself oorgee om deurdrenk van die Heilige Gees te wees, soos Paulus skryf in 1 Kor. 12: 1320, sodat ons Jesus Christus se voorbeeld om versoekings te weerstaan kan navolg.
Teksverse:
“Vol van die krag van die Gees, het Jesus na Galilea teruggegaan, en die nuus oor Hom versprei.” (Luk 4: 1420);
“Wanneer hulle julle gevange neem en julle oorlewer, moet julle nie bekommer oor wat julle moet sê nie, maar wat ook al op daardie oomblik aan julle gegee word, dit moet julle sê; want dit is nie julle wat praat nie, maar die Heilige Gees.” (Mark. 13: 1120);
“En ons is tog almal deur die een Gees deurdrenk.” (1 Kor. 12: 1320);
“…wees in alle omstandighede dankbaar; want dit is God se wil vir julle in Christus Jesus. Moenie die Gees blus nie.” (1 Thes. 5: 18-1920)
Mag jy vandag in nederigheid voor God leef! Hier is God se Boodskap net vir jou vir vandag:
Tema: Nederigheid voor God
Teks vir vandag: “Onthou, wysheid begin by liefde vir die Here. Wie Hom liefhet, haat dinge soos om te veel van jouself te dink. Wysheid verag ‘n verkeerde manier van leef en praat.” Spr. 8:13 (Die Boodskap)
Die Here, die God van alle wysheid leer jou om Hom te dien en lief te hê (Ps. 25:9-10).
Hoogmoed daarteenoor, verblind jou vir jou eie foute en maak dat jy God se leiding ignoreer.
Ware wysheid begin by die erkenning dat jy God nodig het en dat jy sonder Hom niks kan doen nie.
Toets vandag jou hart en vra God om enige trots te verwyder sodat Hy jou kan lei.
Gebed
Liewe Vader, breek vandag alle trots in my hart en help my om nederig voor U te leef en U leiding te volg.
Mag jy vandag wysheid in moeilike tye ontvang! Hier is God se Boodskap:
Tema: Wysheid in krisis
Teks vir vandag: “Wysheid moet gesien word daar waar mense moeilike situasies reg hanteer, daar waar die regte woorde op die regte oomblik gesê word.” Spr. 8:12 (Die Boodskap)
Vlug na God toe as jy bang is. Hy sal jou beskerm. Hy sal jou help (Ps. 46:1).
Ware wysheid bewys homself nie in maklike tye nie, maar wanneer jy voor groot uitdagings staan.
God gee jou die regte woorde en insig op die regte tyd as jy Hom daarom vra.
Vertrou vandag dat God jou sal lei om die regte ding te sê en te doen, al lyk situasies onmoontlik.
Gebed
Liewe Vader, gee my vandag U wysheid om moeilike situasies reg te hanteer en die regte woorde op die regte tyd te sê.
Sondag 8 Februarie 2026 : Erediens om09:00 – Kleuterkerk in die konsistorie. Kategese Sondag 8 Februarie 2026 : Alternatiewe Erediens om 17:00-18:00 in die kerksaal Dinsdag 10 Februarie 2026 08:00 tot 09:00: Rek en strek Oefeninge Woensdag 11 Februarie 2026 : Die Blokbyeenkoms van Blok 5 (Kiewietlaan) vind om 18:00 plaas by Sarel en Marina Venter Woensdag 11 Februarie 2026 : Kooroefening by die orrel om 16:45. Donderdag 29 Januarie 2026 : Bloedskenk geleentheid in die kerksaal vanaf 14:00-19:00 Sondag 15 Februarie 2026 : Kategese, Kleuterkerk & Erediens om 09:00 –
Spesiale offer vir Instandhoudingsfonds by die deure.
Tee sal bedien word in die kerksaal na afloop van die erediens. Almal welkom.
Groenkloof preek om 10:00 – Charné Viljoen.
Alternatiewe Erediens om 17:00-18:00 in die kerksaal.
Verjaarsdae Week 7 van 2026 NG Kerk Groot-Brakrivier
NUWE BLOK INDELINGS
Soos waarskynlik aan u bekend het ons blokindelings verander en daarmee saam ook die meeste blokgrense.
Ons gaan dus veranderinge maak aan u huidige WhatsApp groep en in sommige gevalle van julle se nommer moet afhaal en u dan by ‘n “nuwe” blok weer toevoeg. Dit is ‘n omvattende taak en sal so gou moontlik aandag geniet.
Intussen neem asseblief kennis van u nuwe bloknommer hieronder sodat u op die almanak kan seker maak van die datum waarop u blokbyeenkoms plaasvind.
1 Plaaasgedeeltes
2 Voorbrug
3 Mossienes tot Stasieweg
4 Langstraat-Bo & Pine Creek
5 Kiewietlaan
6 Avonddans
7 Onder-Bergsig
8 Groenkloof Groot-Brakrivier
9 Agter Polisiestasie
10 Bergsig – Bo
11 Sandhoogtepad
12 Eurekapark
13 Suiderkruis
14 Die Eiland
15 Dolphin Creek
16 Hersham
17 Pienaarstrand & Dwarswegstrand
18 Outeniquastrand-Onder
19 Outeniquastrand-Bo
20 Glentana tot George
21 St Ellen, Vogelsang, Tuscan Dunes & Melkhout Estate
22 Seester Tergniet
23 Groenkloof Reebok
24 Reebok Village
25 Seegenot tot Tergniethoogte
26 Tergniet-Oos
27 Tergniet-Wes
28 Rheebok Kusweg
29 Reebok-Oos
30 Reebok-Wes & Kleinbrak tot Danabaai
Bedieninge
5 Liters water vir droogtegeteisderde plase
Daar is ‘n behoefte aan drinkbare water op baie plase in ons omgewing weens die feit dat die boorgate opdroog. Ons nooi graag enige persoon wie ‘n 5L water wil/kan skenk om dit hier by die kerk te kom aflewer. Indien u nie in kantoor ure dit kan kom afgee nie, is u welkom om dit by die Total De Dekke vulstasie te gaan afgee, waar ons dit weer sal gaan oplaai en verder sal versprei.
Nooi asseblief u vriende en familie om ons gemeenskap te ondersteun.
Getuienisbediening :
Wolwedans boodskap, sop en brood
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die oorblywende uitreikdatums vir die tweede kwartaal is 11 & 25 Februarie en 11 & 25 Maart.
Resep – 100g sopmengsel, 100g rys, 100g lensies, 150g soja, 1 blokkie aftreksel, 1 pakkie sop. Om gaar te maak roer 3,5 liter water by mengsel en kook tot gaar.
U kan dit skenk in die volgende twee formate:
Droë bestanddele in ‘n glas koffiebottel of
Gekook en gevries in 2 liter roomysbak.
Behoeftes vir Getuienisprojekte
Daar is ‘n deurlopende behoefte aan wol, materiaal, gare, borduurgare, linne, gebreekte keramiek/porselein (vir mosaïek projekte) inkleurkryte en -potlode. Dankie by voorbaat vir u deelname.
Omgeebediening :
Indien u bewus is van iemand met nood, siekte of wat eensaam is en hulp benodig kontak u kerkraadslid of die kerkkantoor.
Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
Enige persoon wat graag by die Omgeebediening betrokke wil raak skakel asseblief vir Corrie Pieters – Kontak ons vorm
Ondersteuningsbediening :
“Want ek het die ellendige gered wat om hulp geroep het, en die wees en hom wat geen helper het nie. Die seën van hom wat klaar was om onder te gaan, het op my gekom; en die hart van die weduwee het ek laat jubel.” Job 29:12-13(AFR33)
Ons voorsien hulp in die vorm van (onder andere) rygeleenthede na doktersafsprake, hulp met inkopies en ondersteuning aan eensames. Want dit is God se hart vir die wees en die weerloses. En as gemeente is dit ook ons hart vir ons medemens en gemeenskap.
2 Februarie 2026 – Debbie Nel Blok 21 (St Ellen, Vogelsang, Tuscan Dunes & Melkhout Estate. Ons innige meegevoel aan haar familie & vriende.
Gebedsgidse :
Gebedsgidse vir Februarie 2026 is beskikbaar in die voorportaal. Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
Bybelblokraai :
Bybelblokraai & Bybelwoordsoek nommer 30 is beskikbaar in die voorportaal en by die traliehek van die kerkkantoor.
“Luister tog na my, Here, as ek roep; wees my genadig en verhoor my gebed. Ek onthou wat U gesê het: ‘Julle moet My kom dien!’ Ek is hier om U te dien, Here” (Ps. 27:7-8 Afr83).
Die Bybelgenootskap van Suid-Afrika (BSA) is ʼn maatskappy sonder winsoogmerk wat sedert 1820 die Bybel vertaal, publiseer en versprei in Suid-Afrika. Die missie van die BSA is om bekostigbare Bybels te voorsien vir elkeen in hul eie taal en in geskikte formate sodat almal die lewegewende boodskap van die Woord mag ervaar. Die bogenoemde voltydse loopbaangeleentheid is tans beskikbaar by die BSA. Die Verhoudingsleier is verantwoordelik om die BSA se strategie in die spesifieke streek te dryf om te verseker dat volhoubare verhoudings gebou word met donateurs, kerkgenootskappe en Christelike organisasies in die streek. Die posbekleër sal in samewerking met alle kerkgenootskappe Bybelverspreiding in die streek fasiliteer. Daar word van die posbekleër verwag om innoverende fondsinsamelingsinisiatiewe te ontwikkel en daarby betrokke te wees, sodat die BSA effektief bemark word om ondersteuning en befondsing van sleuteldonateurs te verkry om die Bybel beskikbaar te stel. Die posbekleër sal ook verantwoordelik wees vir die bestuur en evaluering van die streek se personeel, asook vir die bestuur van streekkomitees. Die monitering en uitbreiding van die donateursbasis vorm ook deel van hierdie rol. Vereistes: Relevante teologiese kwalifikasie (verkieslik ʼn gelegitimeerde predikant van die NG Kerk) Handhawing van die belydenis dat die Bybel die Woord van God is. Ervaring Is besigheid sal voordelig wees Begrip en kennis van kerklike omgewing en gemeenskap Kennis en ervaring van fondsinsameling en bemarkingsmetodes Bevoegdhede: Sakevernuf Ekumeniese ingesteldheid Samewerkingsvaardighede Verhoudingsbou Sterk kommunikasievaardighede in Afrikaans en Engels Leierskap Vermoë om met mense van verskillende agtergronde te werk Kommersiële bewustheid Hoë aanpasbaarheid Vermoë om ander te motiveer Vaardighede: Fondsinsamelingsvaardighede Openbare redevoering Bemarkings- en verkoopsvaardighede Interpersoonlike vaardighede Onderhandelingsvaardighede Beplannings- en organiseringsvaardighede Aanbiedingsvaardighede Vrywaring: Deur vir hierdie posisie aansoek te doen en jou CV in te dien, bevestig jy dat jy jou persoonlike inligting vrywillig verskaf het en dat die inligting volledig, akkuraat en op datum is, in ooreenstemming met die Wet op Beskerming van Persoonlike Inligting, 4 van 2013 (POPIA). Jy gee hiermee die Bybelgenootskap van Suid-Afrika (BSA) toestemming om jou persoonlike inligting te verwerk vir die doel van werwing en keuring. Jy gee verder toestemming dat die BSA jou persoonlike inligting mag behou op sy databasis vir oorweging van toekomstige werksgeleenthede. Aansoeke sluit op 9 Maart 2026 Indien jy teen 17 Maart 2026 niks van ons gehoor het nie, beskou asseblief jou aansoek as onsuksesvol. Stuur aan hr.bssa@biblesociety.co.za
FEBA RADIO SA: Ons bid vir die FEBA in Thailand en Kambodja
Die 800 km lange grens tussen Thailand en Kambodja is al lank ’n bron van konflik. In die afgelope jaar het die spanning van tyd tot tyd oorgegaan in gewapende konflik. FEBA saai in albei lande uit en in 2025 het die FEBA Kambodja-span spesiaal ’n reis onderneem om radio’s aan die soldate op die grens uit te deel.
Ons gebed vir die week: Bid vir vrede tussen Thailand en Kambodja. Vra dat FEBA se programme soldate in albei lande sal inspireer om hul harte vir Christus te gee.
Die webwerf (nggrootbrak.co.za) Nuut op 8 Februarie 2026
Erediensbediening: Die skakel na die YouTube Erediens van 8 Februarie 2026, deur Ds Leon Cronje, is beskikbaar.
Getuienisbediening: a) Die weeklikse nuusbrief van Lynette uit Madagaskar is beskikbaar. b) Sendingnuus vanaf Missie Japan – Kyoto Kuns Onnie word Pastoor.
Bybelstudiereekse: a) ‘Verheerlikingsondag’, die afsluiting van Epifanie. b) Februarie se ‘Skep asem vir vandag’ is ‘n goeie begin vir elke dag. c) Die Weeklikse: Stof tot nadenke se tema is: “Versoeking: Die voorbeeld van Christus”
Gemeentenuus: Inligting van die Alternatiewe Eredienste wat op 8 Februarie begin.
Die weeklikse Afkondigings en Lief & Leed is op die webtuiste indien u wil seker maak van enigiets.
Ons dank u vir u volgehoue bydrae en ondersteuning van die werk van die Here.
Eredienste: Junie, Julie en Augustus Sondae 10:00 Res van die jaar Sondae 09:00
Kategese: Junie, Julie en Augustus Sondae 10:00 Res van die jaar Sondae 09:00
Mag jy vandag ‘n hardwerkende gees hê! Hier is God se Woord vir vandag:
Tema: Werk met toewyding
Teks vir vandag: “Luiaard, gaan leer by die mier hoe om te werk. Sonder ‘n baas wat hom druk… ‘n toesighouer… wat hom dophou of ‘n bestuurder wat sy program reël, werk hy dag vir dag.” Spr. 6:6 (Die Boodskap)
Bid dat jou planne voorspoedig en suksevol sal wees – God maak hardwerkende mense gelukkig (Ps. 90:17).
Die mier werk uit innerlike dissipline, nie omdat iemand dophou nie – so moet jy ook leef.
Om uit te stel of om lui te wees lei tot armoede en vernedering’
Pligsbesef en hardwerkendheid lei tot vooruitgang en geluk.
Wees selfgedrewe en toegewyd in jou take wat jou te doen staan. Moenie uitstel nie.
Gebed
Liewe Vader, gee my vandag ‘n hardwerkende gees en die dissipline om met toewyding te leef.
Mag jy vandag groeí in kennis van God! Hier is God se spesiale Boodskap net vir jou:
Tema: Groei in Goddelike kennis
Teks vir vandag: ‘n Belangrike reël vir die lewe is om meer en meer van die regte soort kennis in die hande te kry. Dan sal jy meer op jou gemak voel. Jy sal weet hoe om in die alledaagse lewe op te tree.” Spr. 4:7 (Die Boodskap)
God se Woord is soos ’n helder lig wat in die donker skyn – dit wys jou om die regte pad te kies (Ps 119:105).
Kennis van God se Woord gee jou selfvertroue om die regte besluite te neem.
Hoe meer jy God ken, hoe beter verstaan jy hoe om in moeilike situasies te reageer en op te tree.
Belê vandag in jou geestelike groei deur meer tyd met die Bybel deur te bring.
Gebed
Liewe Vader, laat my vandag groei in kennis van U sodat ek met wysheid deur my dag kan beweeg.
Mag jy vandag die seën van ‘n wyse lewe ervaar! Hier is God se Woord vandag vir jou:
Tema: Wys leef bring geluk
Teks vir vandag: ‘n Wyse manier van leef het groot waarde. Baie gelukkige dae, baie opwindende lewensjare, groot blydskap kom daaruit voort.” Spr. 3:1-2 (Die Boodskap)
Jy maak God se hart bly wanneer jy Sy Woord geniet – dan is jy soos ’n stewige boom wat langs die water staan. Hy sal jou sommer baie gelukkig maak (Ps. 1:1-3).
Om wys te leef beteken om God se beginsels elke dag in jou verhoudings, keuses en optrede, toe te pas
Die vrug van wysheid is nie net geluk nie, maar ook ‘n lang, vol en gelukkige lewe van vrede.
Kies vandag vir die pad van wysheid, al lyk dit moeiliker as die kortpad om op eie insig en met eie planne keuses te maak.
Jy sal baie gelukkig wees.
Gebed
Liewe Vader, help my om vandag volgens U wysheid te leef sodat ek die blydskap en vrede wat daaruit voortkom kan ervaar.
Mag jy vandag deur God se wysheid gelei word! Hier is die Boodskap net vir jou:
Tema: Wysheid kom van God
Teks vir vandag: “Onthou egter net een saak: wysheid om reg te leef kom net van die Here af… Dit sal ons aanspoor om gelukkig te lees.” Spr. 2:6-7 (Die Boodskap)
Die Here God is soos ’n onderwyser wat jou hand vat en op die regte pad lei (Ps. 32:8).
Die wêreld se wysheid het grense, maar God se wysheid is volmaak sonder grense – dit lei tot ware geluk.
Wanneer jy erken dat jy God se wysheid nodig het, maak jy die deur vir Sy geluk in jou lewe oop.
Bid vandag vir wysheid en insig voordat jy enige belangrike besluite neem.
Gebed
Liewe Vader, gee my vandag U wysheid en insig sodat ek reg kan leef en die vreugde kan ervaar wat U beloof het.
Sondag 1 Februarie 2026 : Erediens 09:00 Dinsdag3 Februarie 2026 08:00 tot 09:00: Rek en strek Oefeninge Woensdag 4 Februarie 2026 :Klub 50 se eerste vergadering om 10:00 Woensdag 4 Februarie 2026 : Kooroefening by die orrel om 16:45. Woensdag 4 Februarie 2026: Die blokbyeenkoms van Blok 3 (Mossienes tot Stasieweg) & Blok 4 (Langstraat-Bo) vind om 18:00 plaas in die sysaal by die kerk Donderdag 29 Januarie 2026 : Bloedskenk geleentheid in die kerksaal vanaf 14:00-19:00 Sondag 8 Februarie 2026 : Erediens om 09:00 – Kleuterkerk in die konsistorie. Kategese Sondag 8 Februarie 2026 : Alternatiewe Erediens om 17:00-18:00 in die kerksaal
Dit is met leedwese dat ons kennis neem van die heengaan van Gert Engelbrecht op 27 Januarie 2026 – – Blok 26 (Tergniet-Oos). Ons innige meegevoel aan sy familie & vriende.
Welkom by die erediens gelei deur ds Charné Viljoen en ’n spesiale verwelkoming aan die familie en vriende van die doop ouers: Jaco & Leandra Jonker (dogtertjie – Jolene).
Ons skriflesing kom vanoggend uit 1 Korintiërs 1:18-31.
Die tema van die prediking is: DieBoodskap van die Kruis.
Kleuterkerk in die konsistorie.
Kategese.
Spesiale offer vir Hartenbos Versorgingsoord by die deure.
Tee sal bedien word in die kerksaal na afloop van die erediens. Almal welkom.
“Die God wat die wêreld gemaak het en alles wat daarin is. Hy wat Here is van hemel en aarde, woon nie in tempels wat met hande gemaak is nie. Hy word ook nie deur mense hande bedien, asof Hy aan iets beheofte het nie – dit is Hy wat aan almal lewe en asem, ja alles, gee. Uit een mens het Hy al die nasies van die mensdom gemaak om die hele aarde te bewoon. Hy het vir hulle vasgestelde tye gegee en die grense van hulle woongebied bepaal, sodat hulle God kon soek, en miskien na Hom sou uitreik en Hom sou vind, aangesien Hy nie ver van een van ons af is nie. Want deur Hom leef ons, beweeg ons en bestaan ons, soos sommige van julle digters inderdaad gesê het, “’Ons is ook van sy geslag.’”
Sondag 25 Januarie 2026 : Erediens om 09:00 – Ds Charné Viljoen Dinsdag 27 Januarie 2026 10:00 : Lofdans Dinsdag 27 Januarie 2026 08:00 tot 09:00: Rek en strek Oefeninge Woensdag 28 Januarie 2026 : Kooroefening by die orrel om 16:45. Marida Woensdag 28 Januarie2026 Wolwedans Boodskap Sop en Brood Donderdag 29 Januarie 2026 : Bloedskenk geleentheid in die kerksaal vanaf 14:00-19:00 Sondag 1 Februarie 2026 : Erediens om 09:00 Woensdag 4 Februarie 2026 10:00: Klub 50
