Etiket: Dagstukkies

8 November

My wens en gebed is dat jy vandag sal weet jy is veilig by die Here omdat Hy jou onwrikbare fondament is. Hier is God se Boodskap net vir jou vir vandag.

Tema: Jy is veilig by die Here

Teks: “Hy is die Rots waarop ons ons lewe bou, en ons is veilig omdat ons by Hom is” (Deut. 32:4a – Die Boodskap)

• Die Here is onveranderlik, permanent, betroubaar en veilig – anders as aardse goed.
• Jou sekuriteit is nie werklik in die beveiliging van jou huis, jou werk, finansies, jou eiendom of kontrakte nie – dit alles is wisselvallig.
• Ware veiligheid lê by die Here – soek eers beskerming en hulp by Hom.
• Bou jou lewe vandag op die Rots wat nooit skuif nie – dan sal jy veilig en rustig leef.

Gebed

Liewe Vader, laat ek in U as die Rots van my lewe glo.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

7 November

My wens en gebed is dat jy vandag sal kies om eerder aan ander mense te dink as net aan jouself. Hier is God se Boodskap.

Tema: Dink aan ander mense

Teks:“Hy (Moses) het tot die laaste woord toe alles neergeskryf wat die Here van Sy volk verwag” (Deut. 31:24 – Die Boodskap)

• Hoewel Moses op sterwe was, het hy steeds alles wat vir hulle goed was, neergeskryf.
• Jy moet ook eerder aan ander mense as aan jouself dink – dis hoe Christene optree.
• Kies vandag om vir ander mense te leef – soek dit wat vir hulle goed is.
• Doen vandag mooi en goeie dinge vir ander – dit is wat ware leierskap en diensbaarheid beteken.

Gebed

Liewe Vader, help my om die beswil van ander mense te soek.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

6 November

My wens en gebed is dat jy vandag sal weet die Here sal jou meer as genoeg gee van alles wat jy nodig het. Word getroos deur vandag se boodskap.

Tema: Jy sal genoeg ontvang

Teks:“Ek gee vir hulle ‘n land wat oorgenoeg van alles het” (Deut. 31:20 – Die Boodskap)

• Soms laat die Here jou ‘n lang pad stap, maar op die ou einde kry jy meer as genoeg.
• God se voorsiening is nie min nie – Hy gee oorgenoeg van alles wat jy werklik nodig het.
• Hou jou oë vandag oop vir die dinge wat jy van die Here sal ontvang.
• Verwag meer as wat jy nou dink jy gaan ontvang – Hy is ‘n God van oorvloed.

Gebed

Liewe Vader, dankie dat U aan my meer as genoeg gee.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

5 November

My wens en gebed is dat jy weet dat God Sy beloftes altyd nakom. Hier is God se Boodskap net vir jou vir vandag.

Tema: Leef met verwagting

Teks: “Hy het dit reeds vir hulle oupagrootjies belowe” (Deut. 31:7 – Die Boodskap)

• Die Here hou Sy beloftes wat Hy aan jou gemaak het – Glo dit! Wees verseker daar! Vertrou Hom!
• Wat nou in jou lewe gebeur, het Hy reeds vooraf beplan en belowe.
• Kyk na die storie van jou lewe. Sien jy dat God Sy beloftes gister en vandag waar gemaak het.
• Vertrou dat Hy dit more weer sal doen. Hy hou Sy Woord.
• Wees gerus! Wees tevrede! Word nou rustig!

Gebed

Liewe Vader, laat ek glo dat U vir my sorg.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

4 November

Ek hoop dat jy vandag sal raaksien dat God nuwe geleenthede vir jou gee. Hier is God se Woord.

Tema: Begin ‘n nuwe lewe

Teks:“Jy moet hierdie volk die land inlei wat die Here belowe het om vir hulle te gee” (Deut. 31:7 – Die Boodskap)

• Soos Moses aan Josua nuwe opdragte gegee het, gee God ook aan jou nuwe opdragte, geleenthede en nuwe seisoene.
• Kyk nuut na jou lewe en sien hoe God se beloftes in jou lewe waar word.
• Verwag dat die Here ook vandag nuwe geleenthede aan jou sal gee – wees gereed daarvoor!
• Gryp elke nuwe seisoen en nuwe begin wat Hy bied met beide hande aan.
• Stap hierdie nuwe seisoen met volle vertroue vorentoe.

Gebed

Liewe Vader, help my om nuut te leef.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

3 November

My wens en gebed is dat jy vandag sal weet dat jy nooit alleen is nie, want die Here is altyd by jou. Hier is God se boodskap.

Tema: Jy is nie alleen nie

Teks: “Hy sal julle nie in die steek laat nie. Julle is nie alleen nie. Die Here is saam met julle.” (Deut. 31:6 – Die Boodskap)

• Die Here belowe: ongeag jou uitdagings sal Hy jou nooit in die steek laat nie.
• Met jou God kan jy ’n oormag oorwin (Ps. 18:30).
• Met die Almagtige God by jou kan jy oor ’n muur spring (Ps. 18:30).
• Leef vandag met moed en geloof, omdat jy weet Hy wat oorwinnings gee, is by jou.
• Begin vandag waag en stap vorentoe, omdat die Almagtige God aan jou kant is.

Gebed

Liewe Vader, gee my die geloof om te waag, omdat U by my is.
In die Naam van Jesus Christus, die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

2 November

My wens en gebed is dat jy vandag sal leer om agter die Here aan te stap. Laat Hy jou gevegte veg. Hier is God se Woord.

Tema: Stap agter die Here aan

Teks: “Die Here trek voor julle uit. Hy sal julle vyande verslaan.” (Deut. 31:6 – Die Boodskap)

• Wil jy sukses behaal? Stap agter die Here aan. Laat Hy jou reuse oorwin.
• Verstaan wat Sy wil is en doen dit – Hy sal die res hanteer.
• Leef en werk met vrede en rustigheid; jy weet die Here stap voor jou (Ps. 37:3).
• Jy kan dit doen omdat Hy wat almagtig is, voor jou uitgaan. Hy gee wat jou hart begeer (Ps. 37:4).

Gebed

Liewe Vader, help my om te weet hoe om agter U aan te stap.
In die Naam van Jesus Christus, die Here.
Amen.

Vorige dagstukkies

© NG Kerk Lynnwoodrif – word gebruik met toestemming.

1 November

My wens en gebed is dat jy vandag sal leef met geloof, moed en vertroue, omdat die Here vir jou sorg. Hier is God se boodskap net vir jou vir vandag.

Tema: Leef met geloof en moed

Teks: “Wees sterk! Wees dapper en vol geloofsvertroue! Moenie bang wees vir al hierdie mense nie!” (Deut. 31:6 – Die Boodskap)

• God roep jou op om nie negatief oor die toekoms te wees nie – Hy sorg immers.
• Al is jy bang oor jou eie omstandighede, jou gesin, gesondheid, finansies of die land se situasie – vertrou Hom.
• Hy doen die onmoontlike (Jer. 32:17, 27).
• Wees vandag spesifiek positief, dapper en emosioneel sterk.
• Grýp elke geleentheid waar jy vandag is met moed aan en maak ’n positiewe verskil.

Gebed

Liewe Vader, gee my geloofsvertroue en maak my dapper en sterk.
In die Naam van Jesus Christus, die Here.
Amen.

Vorige dagstukkies

© NG Kerk Lynnwoodrif – word gebruik met toestemming.