Etiket: Dagstukkies

28 November

My wens en gebed is dat jy vandag sal verstaan wat ware verbintenis in die huwelik beteken. Hier is God se Woord vir vandag.

Tema: Tot die einde toe saam in my huwelik

Teks: “Ek sal gaan met Ma, waar Ma ook al heen gaan” (Rut 1:16 – Die Boodskap)

• Rut het besluit om alles agter te laat en ‘n nuwe lewe saam met Naomi te begin.
• Dit is dieselfde beginsel in die huwelik – twee mense kom saam en begin ‘n nuwe lewe.
• Bou aan jou huwelik en help ander net so om ook aan hulle huwelike te bou.
• Verbind jouself geheel-en-al aan jou huweliksmaat in woord en daad, ongeag omstandighede.

Gebed:

Liewe Vader, help my om tot die einde toe aan my huweliksmaat verbind te wees.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

27 November

My wens en gebed is dat jy vandag sal kies om onselfsugtig te leef en goeie verhoudings te bou. Hier is God se Boodskap vir vandag.

Tema: Leef onselfsugtig

Teks: “Jou skoonsuster is terug na haar eie mense toe waar sy weer haar eie geloof kan uitleef. Doen jy dit ook nou” (Rut 1:15 – Die Boodskap)

• Orpa het ‘n keuse gemaak wat vir haar gepas het, maar dit het verhoudinge verbreek.
• Jy kan jou selfgerigte keuses goed motiveer, maar die resultate daarvan is dikwels katastrofies.
• Kies onselfsugtig – verhoudinge groei slegs wanneer jy nie net aan jouself dink nie.
• Stel vandag ander mense se behoeftes eerste – dit bou sterk, blywende verhoudinge!

Gebed

Liewe Vader, help my om onselfsugtig te leef.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

26 November

My wens en gebed is dat jy vandag sal bid vir goeie huweliksmaats vir jouself en jou geliefdes. Hier is God se Boodskap net vir jou.

Tema: Goeie huweliksmaats kom van die Here af

Teks: “Ek bid dat die Here vir julle elkeen weer ‘n goeie huweliksmaat gee” (Rut 1:9 – Die Boodskap)

• Naomi gun vir haar skoondogters goeie mans en nageslag!
• Dit is belangrik om te verstaan dat goeie huweliksmaats van die Here af kom.
• Bid vir jouself, jou kinders en familie dat elkeen die goeie huweliksmaat sal ontvang wat God stuur.
• Vertrou dat die Here die regte persoon op die regte tyd sal bring vir jou en jou geliefdes.

Gebed

Liewe Vader, laat ons die goeie huweliksmaats wat U stuur omarm.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

25 November

My wens en gebed is dat jy vandag sal kies wat die beste vir ander mense is, nie net vir jouself nie. Hier is God se Boodskap vir vandag.

Tema: Dink aan ander mense

Teks: “Mag die Here julle met Sy liefde versorg omdat julle so goed was vir my en julle mans” (Rut 1:8 – Die Boodskap)

• Naomi het nie aan haarself gedink nie, maar aan haar skoondogters.
• Dikwels soek jy na dit wat vir jou gemaklik is, nie wat vir ander die beste is nie.
• Voor jy vandag kies en besluit, dink na oor wat die beste keuse vir ander rondom jou is.
• Maak daardie keuse wat ander sal bevoordeel, selfs al kos dit jou iets.
• Jy sal sien hoe gelukkig dit jou maak as jy so leef.

Gebed

Liewe Vader, help my om so te kies dat ek dit wat vir ander mense goed is, sal doen.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

24 November

My wens en gebed is dat jy vandag sal weet die Here draai altyd die wiel en gee uitkoms. Hier is God se Boodskap.

Tema: Die Here sal uitkoms gee

Teks:“‘n Rukkie later het Naomi… gehoor dat die Here dit weer beter laat gaan het in Juda” (Rut 1:6 – Die Boodskap)

• Die goeie nuus is dat die wiel altyd draai – dinge sal verander.
• Net wanneer jy dink dit kan nie slegter gaan nie, gee die Here uitkoms.
• Hou jou oë oop vir die uitkoms wat wag – dit is reeds daar!
• Gryp die uitkoms wat Hy gee met beide hande aan. Stap vorentoe in geloof.

Gebed

Liewe Vader, laat my U genade raaksien. Dankie dat U altyd uitkoms gee.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

23 November

My wens en gebed is dat jy vandag sal weet die Here dra jou wanneer jou lewe uiteen val. Hier is God se Woord.

Tema: Soms maak dinge net nie sin nie

Teks: “Naomi was toe sonder enige familie van haar eie in die land Moab” (Rut 1:5 – Die Boodskap)

• Naomi het alles verloor – besittings, man en seuns – en dit het geen sin gemaak nie.
• Soms gebeur dinge met jou wat jou lewe uit mekaar skud en geen sin maak nie.
• Hou vandag vas aan die Here omdat Hy steeds saam met jou die pad stap.
• Hy dra jou wanneer dit voel asof jy die wêreld dra omdat jou lewe inmekaarstort.
• Doodloopstrate is slegs rusplekke. Dit is die wegspringplek vir ‘n nuwe seisoen.

Gebed

Liewe Vader, gee my krag om deur my probleme te leef en oorwinning te behaal.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

22 November

My wens en gebed is dat jy vandag sal begin werk aan ‘n persoonlike verhouding met God. Hier is God se Boodskap net vir jou vir vandag.

Tema: Ken God persoonlik

Teks:“Hulle het met mekaar gepraat, en hulle het mekaar persoonlik geken” (Deut. 34:10d – Die Boodskap)

• Die grootste item op Moses se getuigskrif was dat hy en God met mekaar gepraat en mekaar persoonlik geken het.
• Wat ‘n aangrypende getuienis – dat jy met God kommunikeer en julle mekaar persoonlik ken!
• Begin nou skuiwe maak sodat jy deur gebed met God kommunikeer en deur die Bybel Hom hoor praat.
• Werk daaraan om ‘n persoonlike verhouding met Hom te hê, nie net kennis van Hom nie.

Gebed

Liewe Vader, help my om U persoonlik te ken.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

21 November

My wens en gebed is dat jy vandag so sal leef dat ander jou as God se vriend sal beskou. Hier is God se Boodskap net vir jou vir vandag.

Tema: Wees ‘n vriend van God

Teks:“Want die Here het Moses as Sy vriend beskou” (Deut. 34:10c – Die Boodskap)

• Wat ‘n wonderlike item op Moses se getuigskrif – Moses was God se vriend!
• Hoe dink jou gesin, familie en vriende oor jou? Sien hulle jou as God se vriend?
• Begin vandag so leef dat almal wat jou ken jou as die Here God se vriend sal beskou.
• Vriendskap met God kom deur gehoorsaamheid, vertroue en om tyd saam met Hom deur te bring.

Gebed

Liewe Vader, laat ek U voluit dien sodat ek U vriend kan wees.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

20 November

My wens en gebed is dat jy vandag nie skaam sal wees om te sê wat God in Sy Woord leer nie. Hier is God se Boodskap net vir jou vir vandag.

Tema: Luister na dit wat God sê

Teks:“Hy het vir die volk kom sê wat die Here hom beveel het” (Deut. 34:10b – Die Boodskap)

• Moses se getuigskrif was dat hy geluister het na wat die Here gesê het en dit oorgedra het.
• Dit moet ook op jou getuigskrif staan – jy het onwrikbaar die wil van die Here vertel en geglo.
• Moenie skaam of bang wees om te vertel wat God in Sy Woord vir jou sê nie.
• Begin vandag om dit te doen soos Moses dit gedoen het – wees ‘n boodskapper van God se waarheid.

Gebed

Liewe Vader, gee my moed om U waarheid met ander te deel.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

19 November

My wens en gebed is dat jy vandag sal kies om naby die Here te leef en die beste vir ander te soek. Hier is God se Boodskap net vir jou vir vandag.

Tema: Watter getuienis laat jy agter?

Teks:“Daar was nie nog ‘n man soos Moses nie” (Deut. 34:10a – Die Boodskap)

• Moses was uniek omdat hy so naby die Here geleef het. Hy wou net die beste vir die volk gehad het.
• Net so moet jy ‘n punt maak om naby die Here te leef- deur gebed, Bybel te lees en ‘n goeie voorbeeld te stel.
• Soek vandag die beste vir alle ander mense, nie vir jouself nie.
• Jou nabyheid aan die Here God is sigbaar in wyse waarop jy ander mense behandel.

Gebed

Liewe Vader, laat ek naby U leef en die beste vir ander mense soek.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

18 November

My wens en gebed is dat jy vandag sal leef op so ‘n manier dat mense jou geestelike voorbeeld sal mis. Hier is geestelike brood vir vandag.

Tema: Sal mense jou dan ook mis?

Teks: “Die mense van Israel was baie hartseer oor Moses, hulle leier” (Deut. 34:8)

• Die Israeliete het lank oor Moses getreur omdat hy hulle geestelike leier was.
• Mense treur oor die verlies van baie dinge – rykdom, status, besittings of selfs vriende en familie.
• Rou jy oor geestelike agteruitgang???
• Leef so dat as jy sterf, mense sal treur omdat hulle jou liefde en geestelike voorbeeld gaan mis.
• Maak vandag ‘n verskil in mense se geestelike lewens, nie net in hulle omstandighede nie.

Gebed

Liewe Vader, laat ek so leef dat mense my geestelike voorbeeld raaksien.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

17 November

My wens en gebed is dat jy vandag sal glo en vertrou in die unieke, Almagtige God. Hier is God se Boodskap net vir jou vir vandag.

Tema: Die Here is uniek

Teks:“Daar is niemand soos die God van Israel nie!… Hy is die Koning van die heelal” (Deut. 33:26 – Die Boodskap)

• Die Here God is uniek, spesiaal, heilig en Almagtig – niemand is soos Hy nie.
• Dit is omdat Hy so groot is dat Hy die verlede, hede en toekoms bepaal en uitvoer.
• Glo en vertrou hierdie enigste ware God wat oor alles is en heers.
• Hy sal jou, jou hele lewe lank ondersteun en wysheid gee.
• Hy is die Koning van die heelal.

Gebed

Liewe Vader, help my om te glo en te vertrou dat U die Koning van die heelal is.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

16 November

My wens en gebed is dat jy vandag sal kies om ander mense te seën en voorspoed toe te wens. Hier is God se Woord.

Tema: Wens mense voorspoed toe

Teks:“Toe het Moses die Israeliete voorspoed toegebid” (Deut. 33:1 – Die Boodskap)

• Hoe wonderlik is dit om mense te seën en voorspoed toe te wens nie.
• Ongeag hoe jy in die lewe voel, fokus op die positiewe en wens ander voorspoed toe.
• Wees vandag ‘n bron van seën en hoop vir almal wat jou pad kruis.
• Wees ‘n hoopdraer. Skep ‘n oase van hoop. Bou ‘n omgewing van hoop!

Gebed

Liewe Vader, help my om ander mense te seën.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

15 November

My wens en gebed is dat jy vandag sal weet daar wag nog beter dinge vir jou in die toekoms. Hier is God se Boodskap net vir jou vir vandag.

Tema: Daar wag beter dinge vir jou

Teks: “Daarom sal jy die land net op ‘n afstand sien, die land wat Ek vir jou volk gaan gee” (Deut. 32:52 – Die Boodskap)

• Al het Moses nie die Beloofde Land ingegaan nie, het hy wel gesien wat die vrugte van sy werk was.
• Soms kry jy nie wat jy verwag nie, maar die Here sal vir jou steeds goeie dinge gee. Dit is beter as jou eie drome.
• Wanneer jy sien wat die Here vir jou gee, gryp dit aan en woeker daarmee – maak dit meer en beter.
• Leef met verwagting dat God se beste nog vir jou voorlê, selfs al lyk dit nou nie so nie.
• Hy doen die onmoontlike. Wat vir mense onmoontlik is, is by God moontlik!

Gebed

Liewe Vader, wys vir my watter seëninge op my wag.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

14 November

My wens en gebed is dat jy vandag sal besef al die goeie dinge in jou lewe kom van die Here af. God het hierdie goeie nuus vandag vir jou.

Tema: Jy sal mooi dinge ontvang

Teks:“Dis die Here wat vir Sy volk hierdie mooi land gegee het… Die Here het dit vir hulle gegee” (Deut. 32:13, 14 – Die Boodskap)

• Dit was nie Israel wat self die mooi land verkry het nie – dis die Here wat alles gegee het.
• Jy kan niks self regkry nie, die Here God gee mooi en goeie dinge. Jy kry dit nie self nie.
• Gryp elke goeie geleentheid wat die Here gee. Benut dit ten volle.
• Erken vandag dat jou volle geluk ‘n geskenk van die Hom is.

Gebed:

Liewe Vader, dankie vir die mooi dinge wat U aan my gee.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

13 November

My wens en gebed is dat jy vandag sal weet jy is die Here se oogappel en Hy vertroetel jou. Hier is God se Woord.

Tema: Jy is die Here se oogappel

Teks:“Die Here het sy volk omhels, hom vertroetel en versorg soos die appel van sy oog” (Deut. 32:10)

• Hoewel dit vir Israel gevoel het asof hulle alleen is, het die Here hulle vertroetel soos Sy oogappel.
• Wanneer jy stoksiel alleen en in ‘n donker put voel, onthou dan, dit is nie die werklikheid nie.
• Die waarheid is: Jy is die Here se oogappel! Hy sal jou vertroetel en omhels.
• Al jou probleme sal verdamp soos vog met sonsopkoms.
• Leef vandag met die sekerheid dat jy kosbaar en geliefd in God se oë is.

Gebed

Liewe Vader, laat ek glo dat ek U oogappel is.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

12 November

My wens en gebed is dat jy vandag sal leer om volkome op die Here te vertrou vir alle uitkomste. Hier is God se Boodskap net vir jou.

Tema: Die Here gee aan jou die uitkoms

Teks:“Julle kan maar op Hom vertrou” (Deut. 32:4e – Die Boodskap)

• Wanneer jy angstig raak, maak jy jou eie planne. Dit is egter God wat werklike uitkomste gee.
• Glo en vertrou dat Hy alleen jou op jou lewenspad kan help – niemand anders nie.
• Stap hierdie pad agter Hom aan, al vra dit praktiese geloof en praktiese vertroue.
• Laat Hom die uitkomste bepaal terwyl jy gehoorsaam volg.
• Jy sal verwonderd wees oor die wonders wat Hy in jou liewe waar maak.

Gebed

Liewe Vader, gee my vertroue in U.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

11 November

My wens en gebed is dat jy vandag sal raaksien hoe goed die Here altyd vir jou is. Hier is God se Boodskap net vir jou vir vandag.

Tema: Die Here is goed vir jou

Teks:“Alles wat Hy doen is goed en reg. … Hy doen net goed aan ons” (Deut. 32:4d – Die Boodskap)

• Die Here behandel jou nie sleg nie – Hy behandel jou net goed en mooi.
• Selfs in jou moeilike tye is dit Hy wat jou bystaan – so kan jy dit oorwin.
• Hou jou oë oop vir die oorwinnings wat die Here oor jou pad bring.
• Erken vandag sy hulp .

Gebed

Liewe Vader, dankie dat U net goed vir my is.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

10 November

My wens en gebed is dat jy vandag sal besef die Here sal jou nooit verkeerd behandel nie. Hier is God se Woord vir jou.

Tema: Die Here benadeel jou nooit nie

Teks:“Hy staan by ons, en Hy doen nooit iets verkeerd teenoor ons nie” (Deut. 32:4c – Die Boodskap)

• Die Here kom jou nooit te na nie, maak jou nooit seer nie en tree nooit verkeerd teenoor jou op nie.
• Jou probleme is dikwels weens die wêreld se gebrokenheid, nie God se skuld nie.
• Wees vandag bly, want jy dien die Here wat net die beste vir jou wil gee.
• Vertrou en weet dat Hy vandag en in die toekoms slegs goeie dinge vir jou beplan.

Gebed

Liewe Vader, laat ek die goeie dinge wat U in my lewe doen, raaksien.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.

9 November

My wens en gebed is dat jy vandag sal weet die Here hanteer jou regverdig en sonder diskriminasie. Hier is God se Boodskap net vir jou vir vandag.

Tema: Die Here diskrimineer nie teenoor jou nie

Teks:“Hy tree altyd reg en goed teenoor almal op” (Deut. 32:4b – Die Boodskap)

• Anders as mense, hanteer die Here alle mense dieselfde – Hy diskrimineer nie.
• Die Here hanteer jou dieselfde as wat Hy belangrike mense hanteer – dit is jou troos.
• Doen vandag dieselfde as Hy – hanteer alle mense dieselfde, ongeag hulle status.
• Wees ‘n instrument van God se regverdigheid deur alle mense met respek te behandel.
• Hanteer ander mense met menswaardigheid, en hulle sal jou versorg.

Gebed

Liewe Vader, help my om alle mense dieselfde te hanteer.
In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.