Etiket: Augustus

Gepubliseer op

Stof tot nadenke: Elke dag in afhanklikheid

“Die God van Sadrag , Mesag en Abednego moet geprys word, wat sy engel gestuur en sy diensknegte gered het – hulle wat op Hom vertrou het, die bevel van die koning verontagsaam het, omdat hulle geen ander god behalwe hulle God sou dien en vereer nie.”
Dan. 3:28

Kan ons, soos Daniël en sy vriende van ouds, so in totale afhanklikheid en met volle vertrou in waarheen God ons lei, elke dag leef? Ons is so besig om ons eie lewens te reël en beplan. So besig om net die beste vir onsself te soek op hierdie verganklike aarde. Ons mis so maklik die doel waarmee God ons elkeen op ons eie unieke lewenspad geplaas het.

Dan luister mens na die getuienis van ‘n hedendaagse ‘Daniël’ in die vorm van Michelle Potgieter, Sy en haar man Ockert wat so duidelik in totale afhanklikheid en met volle oorgawe na die stem van God geluister het. Daar waar Hy hulle heen gelei het om vir Hom te werk op ‘n baie braak land. Dit wat reeds vir daardie ver land beplan was.

Lees meer “Stof tot nadenke: Elke dag in afhanklikheid”
Gepubliseer op

Nuusflitse Week 34+ van 2023

Nuusflitse

Maandag 21 Augustus 2023 : Dankfeesvergadering 18:00
Dinsdag 22 Augustus 2023 : Die Kerkraad vergader om 18:00 in die kerksaal.
Woensdag 23 Augustus 2023 : Kooroefening – 17:15 by die orrel.
Sondag 27 Augustus 2023 : Erediens om 09:00. Prediker: dr Nadia Marais. Bybelsondag. Kategese.
Wolwedans boodskap, sop en brood uitreike vir die derde kwartaal geskied op 6 & 20 Sep.

Gepubliseer op

Madagaskar: Lynette se nuusflits: Die WEEK – 6/08/2023

The man who does most of the foreigners’ visa applications, died earlier this week. Someone made the comment, ‘He was a good man, he did not steal so much.’ How about that as an epitaph on a grave stone? What makes it even more sad is the fact that he was a muslim. The muslim faith has grown on our island and the biggest expansion  occurred over the last five years.    Dries witnessed to a man who is helping him to find steam pipe to build the trailer to take Gabriel out of the water.  The saddest thing is that their works based religion is also mixed up with ancestral worship which makes it particularly challenging.  Please pray for Toto and that by sharing the Gospel with him, would bring him to salvation. 

Lees meer “Madagaskar: Lynette se nuusflits: Die WEEK – 6/08/2023”
Gepubliseer op

Stof tot nadenke: Geloofsekerheid

“Maar ons verlang dat elkeen van julle dieselfde ywer toon om te kom tot die volkome sekerheid van die hoop tot die einde toe; sodat julle nie traag word nie, maar navolgers van hulle wat seur geloof en lankmoedigheid erfgename van die belofte is.”
Heb 6:11-12

So dikwels worstel ons met die vraag of ons volkome sekereheid kan hê van ons geloof in God, die Vader, die Seun en die Heilige Gees. Is dit vir ons moontlik on volkome te vertrou, net soos ‘n drenkeling op sy lewensredder moet vertrou. Kan ons onsself so in totale vertroue en oorgawe aan God gee, en kan ons dan ‘n lewe van oorwinning oor die sonde lewe, te midde van hierdie aandag-afleibare wêreld waarin ons leef.

So dikwels is die antwoord dat ons sondige natuur met ons parte speel. Dat ons sondige natuur maak dat ons keer op keer val en die verkeerde dinge doen en sê. Is dit wat die oorhand oor ons kry, of hou ons ‘n agterdeur oop om tog net ‘n goeie verskoning te hê oor waarom ons keer op keer weer val.

Kan ons ‘n lewe van sondeloosheid lewe? Is dit in enigeen van ons om, vandat ons ons hart in volkome afhanklikheid aan God gegee het, ‘sonder sonde’ te wees? Paulus maan ons om ons geloof gedurig te ondersoek (2 Kor 13:5). Ons krag om die sonde te oorwin, kom van die Heilige Gees af, wat ons daagliks maan om op die regte pad te bly, om regte besluite te neem, en om tot eer en verheerliking van God te leef.

Dit is soos wanneer mens leer fiets ry. Aanvanklik val en struikel mens gereeld, maar sodra jy die tegniek onder die knie gekry het, kan jy ry sonder om te veel daaroor te dink. Dit gebeur deur ‘spier-herinnering’. Net so kan ons lewens verander deur meer en meer na die beeld van Christus te wees. DIt is nooit uit ons eie krag nie, maar deur die krag van die Heilige Gees wat in ons woon. Dit is moontlik om volkome geloofsekerheid te hê, want Paulus noem in Rom 10:9 dat “As jy met jou mond die Here Jesus bely en met jou hart glo dat God Hom uit die dode opgewek het, sal jy gered word;”. Vir God, wat ons harte ken, kan ons vra dat Hy ons sal vorm om elke dag nader aan die beeld van Christus te wees, sodat die wêreld kan sien dat ons Sy kinders is.

Gepubliseer op

Nuusflitse Week 33+ van 2023

Nuusflitse

Dinsdag 15 Augustus 2023 : • Die Bestuurspan vergader om 17:30 in lokaal 6
Woensdag 16 Augustus 2023 :• Kooroefening – 17:15 by die orrel.
Sondag 20 Augustus 2023 : • Erediens om 09:00. • Prediker: ds Danie Goosen. • Kategese
Wolwedans boodskap, sop en brood uitreike vir die derde kwartaal geskied op 16 Aug en 6 & 20 Sep

Gepubliseer op

Madagaskar sending: Die Week 30 Julie 2023

We were invited to a celebration at the FJKM church on Saturday. It was very special, because we have through the years, shared in the trials and the victories with Pastor Jean-Charles and his family. They are originally from Tana and started here with seventy members and a church building which was blown over by cyclones more than once. He had built a permanent building in less than five years and that was what we commerated yesterday, the 20th anniversary and the fact that there are now 2 200 believers. Their four children are all grown up and serve the Lord. The celebration cake had been the biggest I think this island has ever seen and the children could not tear themselves away from it. We were blessed by beautiful praise and worship and uplifting fellowship. Dries said that I just had to assure you that he did not eat that huge bowl of rice…

Lees meer “Madagaskar sending: Die Week 30 Julie 2023”
Gepubliseer op

Afkondigings 13 – 20 Augustus 2023

Afkondigings - NGK Groot-Brakrivier

Vandag – Sondag 13 Augustus 2023 :

• Baie welkom by die erediens en ’n spesiale verwelkoming aan dr Gerrie van Deventer wat vanoggend se erediens lei.
• Ons skriflesing kom vanoggend uit Genesis 37.

Die tema van die prediking is: Is ons drome verlore?
• Dag van verootmoediging.
• Kategese.
• Sinodale Offer vir Gemeenteontwikkeling by die deure.
• Tee sal bedien word in die kerksaal na afloop van die erediens. Almal is welkom.

Dinsdag 15 Augustus 2023 :
• Die Bestuurspan vergader om 17:30 in lokaal 6 onder die voorsitterskap van Willem du Preez. Ons vra asb u voorbidding vir die vergadering.

Woensdag 16 Augustus 2023 :

• Kooroefening – 17:15 by die orrel. Marida – 082 471 0751.

Alle belangstellendes is welkom.

Sondag 20 Augustus 2023 :

• Erediens om 09:00.
• Prediker: ds Danie Goosen.
• Kategese.
• Spesiale Offer vir Solidariteit Helpende Hand Mosselbaai by die deure.
• Tee sal bedien word in die kerksaal na afloop van die erediens. Almal is welkom.

Nuwe lidmate en lidmaatbesoeke :

Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.

Ds Danie Goosen besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor.

Bestaande lidmate wat ’n besoek verlang kan ook gerus die kerkkantoor kontak of kom inloer.

  • Maandae, Woensdae en Vrydae tussen 08:00 en 13:00.

Gebedsgidse :

Gebedsgidse vir Augustus 2023 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.

Getuienisbediening :

• Wolwedans boodskap, sop en brood uitreike vir die derde kwartaal geskied op 16 Aug en 6 & 20 Sep. Ons wil graag vir elke getroue ondersteuner van hierdie uitreike baie dankie sê vir julle deurlopende en liefdevolle bydraes.  
• Behoeftes vir Getuienisprojekte

◦ Daar is ‘n deurlopende behoefte aan wol, material, gare, borduurgare en keramiek. Baie dankie vir alles wat reeds voorsien is – daar is groot waardering vir elke skenking vanaf die ontvangers daarvan.
◦ Ons benodig van tyd tot tyd hulp met die fisiese uitdeel van die boodskap, sop en brood as ‘n lid van die span siek, uitstedig of op die spesifieke Woensdag dit nie kan maak nie. Geliewe vir Emile Hurter by 082 554 1979 per WhatsApp of sms te verwittig, aangesien hy nie oproepe wat nie van een van sy gelyste kontakte kom, antwoord nie. Hy sal u dan kontak.
• Ons is dringend opsoek na ‘n woning om te huur (maksimum R7 000 pm) vir ‘n gesin van 4 (kinders 7 en 12) wat hul werk tydens covid verloor het en nou werk in Groot-Brakrivier gekry het. Indien enige een dalk kan help kontak asb vir Cassie Erasmus by 064 759 9212.
• Michele Potgieter van die Oekraïne besoek ons gemeente op Dinsdag 15 Augustus 2023 om 16:00. Die preek en haar getuienis gaan dan opgeneem word en enige een is welkom om dit by te woon.
• BAIE DANKIE vir die naaimasjien wat geskenk is! Die ontvanger was oorstelp van vreugde oor die groot geskenk en is baie dankbaar.

Ondersteuningsgroep :
Ons groep wil graag mense ondersteun met:
• Vervoer na doktersafsprake of vir inkopies.
• Emosionele ondersteuning weens verlies van een of ander aard.

Soms het ’n mens net iemand nodig om te luister of by jou te sit.
Skakel ons by Riana Briers – 081 039 8853 / Riëtte Jansen van Rensburg – 082 928 9625.

Omgeebediening : 
• In hierdie gemeente wil ons vir mekaar omgee. Ons wil weet van nood, siekte en eensames wat hulp en ondersteuning benodig.
• Indien u bewus is van iemand wat hulp nodig het kontak u kerkraadslid of die kerkkantoor.
• Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee ens. Enige bydraes help om nood te verlig. Ons het elke maand ’n groot tekort.
• Enige persoon wat graag by die Omgeebediening betrokke wil raak skakel asb vir Corrie Pieters – 082 327 9527.

Hartenbos Bejaardesorgdiens

Hartenbos Bejaardesorgdiens beplan ’n fondsinsameling dmv pekanneute.
Ons wil graag weet of enige iemand ons kan voorsien van ongedopte pekanneute teen ‘n billike prys of indien u van iemand weet wat ons sal kan voorsien daarvan.

Skakel Johan Jacobs by: 044 695 2386/044 604 6803

FEBA RADIO SA: Ons bid vir FEBA Oekraïne

Vier van FEBA Oekraïne se span dien tans in die weermag – twee as kapelane en twee as soldate. Mag hierdie vier lede van ons FEBA-familie ‘n kragtige impak hê op dié wat hulle ontmoet, dat hulle beide vriende en teenstanders na Christus toe sal lei.

Ons gebed vir die week: Bid dat die oorlog tussen Rusland en die Oekraïne tot ‘n einde sal kom. Bid dat die Here ons vier spanlede veilig aan hul gesinne sal terugbesorg, en dat Hy mense sal bewaar teen die toenemende geweld.

Versoek – Hondekos
Daar is ‘n groot behoefte aan hondekos in ons gemeenskap. Indien dit op u hart gelê word, wil ons u versoek om asb droë hondekos te skenk.
U kan dit by die deure in die ingangsportaal van die kerk los met eredienstye of by die kerksaal kom afgee gedurende kantoorure.
Kontak Linda – 082 899 0643

Die webwerf (nggrootbrak.co.za)
13 Augustus 2023
1. Erediensbediening:
a) Skakel na die YouTube Preek van 13 Augustus 2023.

  1. Bybelstudiereeks:
    a) Die Weeklikse: “Stof tot nadenke: Geloofsekerheid.”
  2. Getuienisbediening:
    a) Nuusbrief van Lynette uit Madagaskar.
  3. Gemeente nuus:
    a) Die Algemene Sinode versoek dat elke Gemeente ‘n dag van verootmoediging op Sondag 13 Augustus 2023 sal hou.
    b) FAMSA bied ‘n basiese beradings kursus aan in Augustus.
  4. Die Afkondigings word weekliks op die webwerf geplaas.

Ons dank u vir u volgehoue bydrae en ondersteuning van die werk van die Here.

Leraar: Danie Goosen – 079 525 3624

Posbus 9, Groot-Brakrivier, 6525  044 620 2205
e-pos: kerkkantoor@nggrootbrak.co.za / kassiere@nggrootbrak.co.za
Webbladadres: https://www.nggrootbrak.co.za

Bankbesonderhede: FNB tjekrekening
Rek Nr. 530 831 865 11
Takkode 210314

Gepubliseer op

Stof tot nadenke: Trefkrag van van die Boodskap

“Ons het gawes wat van mekaar verskil, volgens die genade wat aan ons gegee is: As dit ‘n gawe van profesie is, beoefen dit dan in ooreenstemming met die geloof;”
Rom. 12: 6

Mens sit soms in die kerk en luister na die boodskap en soms is daar geen boodskap vir jou spesifiek nie. Het ek dit verkeerd verstaan? Is daar dan nou fout met my? Hoekom is ek nie vandag begeester nie? Is die vrae wat dadelik by jou opkom. Jy kan nie onthou dat jou gedagtes afgedwaal het nie. Is ek dan nou een van die mense waarna Jesus in Matt. 13:14 , ‘wat hoor, maar nie verstaan nie; en sien maar nie insig het nie’? Wanneer mens dan 1 Kor 12: 7 “Aan elkeen egter word die openbaring van die Gees gegee, met die oog op wat bevorderlik is.” lees, besef mens dat daar moontlik ook ‘n ander kant aan hierdie situasie kan wees. Of is dit net ‘n poging om my eie onkunde te regverdig? Ook in 1 Kor. 14:6 hoor ons dat indien die spreek in tale nie bevorderlik is vir die gemeente nie, het dit geen nut nie. Waar trek mens die streep oor wat bevorderlik en wat nie bevorderlikis nie?

In 2 Pet. 1:20-21 noem Petrus dat geen profesie op die uitleg van ‘n mens berus nie, aangesien die prediker se woorde deur die Heilige Gees ingestel moet wees. Dan alleen sal die woorde, deur mense uitgespreek, van God afkomstig wees. Timoteus maan in 1 Tim. 4:7 dat die prediker noulettend moet wees op homself, asook op die leer van Jesus Christus, sodat jy jouself kan red, asook die wat na jou luister. Dis ‘n besonder groot verantwoordelikheid. Pred. 1:17 noem dat hy hom daaraan toegewy het om wysheid en kennis, domheid en dwaasheid te verstaan. Hy het die sinlose lewensbestaan in baie detail genoem, maar in Pred. 3: 14 kom hy tot die besef “dat alles wat God doen vir altyd sal bestaan. Daaraan kan niks toegevoeg word nie, en daarvan kan niks weggeneem word nie. God het dit gedoen sodat hulle (ons) ontsag vir Hom sal hê.”

Die gelykenisse van die saaier (Matt. 13: 1-23), asook die gelykenis van die onkruid tussen die koring (Matt. 13:24-30) maak ons bewus daarvan dat die woorde van die prediker nie altyd vir almal ewe effektief bereik nie, en dat die vrug wat gedra word nie altyd in dieselfde mate gemeet kan word nie. God laat ook toe dat die onkruid tussen die koring kan groei, ten spyte van moontlike drastiese negatiewe gevolg op die ou end, omdat Hy nie die goeie koring verkeerdelik uitgehaal wil sien, wanneer die onkruid uitgetrek word nie. In alles sien ons God se liefde vir ons nietige mense raak.

Maar hoe onderskei ons as gelowiges of die boodskap bevorderlik of nie bevorderlik is nie? Hoe onderskei ons tussen vals en ware profete. Volgens my beskeie mening is daar net een manier om dit te doen. Dit is om die boodskap te meet aan die Evangelie van Jesus Christus. Het die boodskap die Evangelie verkondig? Was die boodskap bevordelik vir die geestelike opbou van die gemeente? Het die trefkrag van die boodskap eer gebring aan God die Vader, die genade van Jesus Christus se offer, en die nabyheid van die Heilige Gees beklemtoon? Ons moet egter ook onthou, God ken elkeen se hart en aan Hom alleen kom die oordeel toe, ook die ordeel teen valse profete (Jer. 23).

Gepubliseer op

Afkondigings 6 – 13 Augustus 2023

Afkondigings

Vandag – Sondag 6 Augustus 2023 :

• Baie welkom by die erediens en ’n spesiale verwelkoming aan die familie en vriende van die doopouers:
  • Pieter & Sharné Janse van Rensburg (dogtertjie- Larah).
    • Ons skriflesing kom vanoggend uit Mark 10: 13-17.
    Die tema van die prediking is: Uit die mond van die suigeling?
    • Nagmaal.
    • GEEN Kategese.
    • Spesiale Offer vir Groenewaldfonds by die deure.
    • Tee sal bedien word in die kerksaal na afloop van die erediens. Almal is welkom.
Lees meer “Afkondigings 6 – 13 Augustus 2023”
Gepubliseer op

Nuusflitse Week 32+ van 2023

Nuusflitse

Woensdag 9 Augustus 2023 : • Kooroefening – 17:15 by die orrel. Marida – 082 471 0751.
Sondag 13 Augustus 2023 : Erediens om 09:00. • Prediker: dr Gerrie van Deventer. • Dag van verootmoediging. • Kategese.
Op Dinsdag 15 Augustus vind die kwartaalikse bestuursvergadering plaas
Op Dinsdag 22 Augsutus die kwartaalikse kerkraadsvergadering. 
Wolwedans boodskap, sop en brood uitreike vir die derde kwartaal geskied op 16 Aug en 6 & 20 Sep.

Gepubliseer op

Dankie vir Bloedskenkings

Skenk Bloed

Die bloedskenking op 3 Augustus 2023 het 63 volpinte bloed opgelewer.

Baie dankie vir die 68 mense wat opgedaag het om te skenk, u skenkings kan lewens red. Ons sal u in kennis stel wanneer die volgende geleentheid plaasvind.

Gepubliseer op

Madagaskar: Lynette se weeklikse nuusflits: Die WEEK – 23/07/2023

I can hardly believe that it has been almost a month since the end of the school year. I have been in ‘sorting out’ mode as Dries says. Last week we finally emptied our container which we had brought with us when we first came to Madagascar. Long overdue you might say. There was not much of worth in the container, but as we were not using it and wanted to give it to Pastor Jean-Charles of the FJKM church, we jumped in and got it done.

Lees meer “Madagaskar: Lynette se weeklikse nuusflits: Die WEEK – 23/07/2023”
Privaatheidsbeleid Trots aangedrewe deur WordPress