Op Dag 31 van ons Lydenstydreeks #VisioDivina luister ons na Emmy Rose wat “Tend” (“Be the gardener of my heart”) sing. Die lirieke verskyn in die video.
Emmy Rose – “Tend” (“Be the gardener of my heart”)
Retief Burger – “Alles vir my”
Op Dag 30 van ons Lydenstydreeks #VisioDivina luister ons na Retief Burger se weergawe van “Alles vir my. Die lirieke verskyn in die video.
Skep asem vir vandag. Bybel dagstukkie vir vandag: 15 Maart 2026
15 Maart
Liewe Vriend
Ek bid dat jy tevrede met dit wat jy van God ontvang sal wees. Hier is die Woord van die Here vir jou.
Tema: Wees tevrede.
Teks: “Help my tog, Here, want selfs gelowiges het opgehou om by my te staan. Hulle wat U gedien het, het tussen neus en oë verdwyn.” (Ps. 12:2 – Die Boodskap)
- Al voel dit soms of almal jou verlaat het, God is nog daar – Hy sal jou nooit alleen los nie.
- Ontevredenheid begin dikwels wanneer ons kyk na wat ander het.
- Ons sien soms nie die mooi en goeie dinge wat ons van die Here ontvang het, raak nie.
- Om tevrede te wees is ‘n keuse – ‘n besluit.
- Wees dankbaar vir wat jy het, nie bitter en ongelukkig oor wat jy nie het nie.
- God is “genoeg” – as jy Hom het, het jy die belangrikste en kosbaarste besitting van almal.
Gebed
Liewe Vader, baie dankie dat U altyd by my bly, ook wanneer andere my verlaat. Help my om tevrede te wees met alles wat U vir my gegee het.
In Jesus se Naam.
Amen.
© NG Kerk Lynnwoodrif – word gebruik met toestemming.
Lig vir die Wêreld! Ds. Charné Viljoen. Joh 9. Sondag 15 Maart 2026
Prediker: Ds. Charné Viljoen
Skriflesing: Johannes 9: 1 – 17; 34-41
Tema: Lig vir die Wêreld!
Datum: 15 Maart 2026
YouTube
Lees meer “Lig vir die Wêreld! Ds. Charné Viljoen. Joh 9. Sondag 15 Maart 2026”Stof tot nadenke: Tevredenheid
1 Tim. 6: 6-820
“Wat wel ‘n groot wins is, is godvresendheid wat met tevredenheid gepaard gaan. Ons het immers niks in die wêreld ingebring nie, en ons kan niks daaruit wegneem nie; maar as ons kos en klere het, laat ons daarmee tevrede wees”
Tevredenheid
Tevredenheid is ‘n toestand van blydskap, vrede en aanvaarding. Dit is ‘n gevoel van vervuldheid, rustigheid en geluk. Dit is ‘n toestand wat ons so dikwels nie vind nie. Ons is so besig om te kyk hoe ander gelukkig lyk, dat ons dikwels nie daardie tevredenheid bereik nie. Ons is te besig om te wens dinge was anders. Tevredenheid is ook ‘n onlosmaaklike deel van dankbaarheid.
Ons kan net tevrede wees, as ons soos Joseph Addison dit so goed stel: ‘Die meeste waarop ons in hierdie lewe kan hoop, is om tevrede te wees met wat ons het.’, deel van ons lewens uitkyk maak. Die lewe van vandag poog gedurig om ons aandag af te lei met mooier, beter, en lekkerder dinge. Alles wat ons nie noodwendig nodig het om aanvaanbaar of gelukkig te wees nie. Dis interessant dat die internet woordeboek ook geluk as sinoniem van tevredenheid uitwys.
Prediker wys ook vir ons uit hoe sinloos die dinge, wat die mens najaag, is. Laat ons poog om tevrede te wees met wat ons het. Dit is so dikwels baie meer as wat ‘n ander het, wat wel in die ware sin van die woord, gebrek lei.
“Omdat sy maag nie tevredenheid ken nie, sal hy nie met sy kosbaarhede wegkom nie. Niks ontkom aan sy vraatsug nie; daarom sal hy nie met sy kosbaarhede wegkom nie.” (1 Pet. 3: 820);
“Ek het gekyk na alles wat gedoen word onder die son: Kyk, dit alles is sinloos, ‘n gejaag na wind. Wat krom is, kan nie reguit word nie; wat ontbreek, kan nie getel word nie.” (Pred. 1: 14-1520);
“Julle leefwyse moet vry wees van geldgierigheid. Wees tevrede met wat julle het, want Hy het gesê, “Ek sal sal jou beslis nie verlaat nie, en jou ook nie in die steek laat nie”…” (Heb. 13: 520)
Om God tevrede te stel
In die Woord van God leer ons dat om God tevrede te stel, baie belangrik is. Dit is wanneer ons in harmonie met die Here leef, en Sy tevredenheid vir ons belangrik is, dat ons volkome tevredenheid en geluk kan vind. Selfs om vrede met jou medemens te kry, moet God tevrede wees met jou lewenspaaie.
Wanneer ons in die hand van God is, en deur Hom goedgekeur is, sal ons ‘n tevredenheid bekom, wat selfs ons eie verstand te bowe gaan. Dan sal ons ook soos Paulus kan sê dat ons praat, nie om mense tevrede te stel nie, maar God alleen. Ons kan mense met mooi praaitjies om die bos lei, maar God ken ons harte. Daar is geen afstand tussen enigeen van ons en God nie.
Laat ons dan in tevredenheid leef, met wat ons het. Laat ons nie die glans en glorie van hierdie wêreld verwar met wat God tevrede stel nie. Ons kan dit nie bereik, sonder God wat ons krag gee nie. Om in nederigheid voor God, die Vader, en met die wete dat Jesus Christus ons verlos het, neer te buig. Dis dan dat die Heilige Gees ons bystaan om die tevredenheid te bereik wat alleen van God kan kom.
Teksverse:
“Wanneer die Here tevrede is met ‘n mens se lewenspaaie, laat Hy selfs sy vyande met hom vrede maak.” (Spr. 16: 720);
“Wie in hulle sondige aard bly, kan God nie tevrede stel nie.” (Rom. 8: 820);
“Danksy die Here stap ‘n jong man met ferm treë; en die Here is tevrede met sy lewenspad. As hy val, sal hy nie neerslaan nie want die Here hou hom aan sy hand.” (Ps. 37: 23-2420);
“Want ons pleidooi is nie uit dwaling, nie uit onsuiwerheid en nie met bedrog nie; maar, soos ons deur God goedgekeur is, sodat die evangelie aan ons toevertrou kon word, so praat ons ook nie om mense tevrede te stel nie, maar God, Hy wat ons harte toets.” (1 Thes. 2: 3-420);
“Ek is besonder bly dat julle nou uiteindelik opnuut aan my gedink het. Eintlik het julle wel aan my gedink, maar julle het net nie die geleentheid daarvoor gehad nie. Ek sê dit nie omdat ek gebrek ly nie, want ek het geleer om in alle omstandighede tevrede te wees. Ek weet wat dit is om min te hê, ek weet wat dit is om oorvloed te hê; ek is in elke opsig in al hierdie dinge ingewy: om versadig te wees, sowel as om honger te ly; om oorvloed te hê, sowel as om gebrek te ly. Tot dit alles is ek in staat deur Hom wat my krag gee.” (Fil. 4: 10-1320)
Nuusflitse Week 12+ van 2026
Sondag 15 Maart 2026 : Erediens en Kategese om 09:00 – GEEN Kleuterkerk,
Sondag 15 Maart 2026 : Alternatiewe Erediens om 17:00-18:00 in die kerksaal
Dinsdag 10 Maart 2026 08:00 tot 09:00: Rek en strek Oefeninge
Woensdag 18 Maart 2026 : Blokbyeenkoms van Blok 12 (Eurekapark) vind om 18:00
Woensdag 18 Maart 2026 : Kooroefening by die orrel om 16:45.
Sondag 22 Maart 2026 : Kategese, Erediens om 09:00 – Ds Leon Cronje Kleuterkerk in die konsistorie.
Woensdag 25 Maart 2026: Wolwedans Boodskap Sop en Brood:
11 April 2026 – Gholfdag
15 April 2026 – Bingo vir 60+ jariges
2 Mei 2026 – Gemeentefees
Lees die volledige afkondigings hier: Afkondigings 15-22 Maart 2026
Lief en Leed Week 12 van 2026
Verjaarsdae
Baie geluk aan al ons verjaarsdag maats
Skep asem vir vandag. Bybel dagstukkie vir vandag: 14 Maart 2026
14 Maart
Liewe Vriend
Ek hoop dat jou oë vir God se liefde en genade in jou lewe sal oopgaan. Hier is Sy boodskap wat jy ernstig moet opneem.
Tema: Die Here voorsien ook wanneer jy swaar kry.
Teks: “Die Here beskerm my! … Die Here doen altyd die regte dinge… Almal wat opreg lewe, sal by die Here ‘n plek hê.” (Ps. 11:1, 7 – Die Boodskap)
- God se beskerming en voorsiening geld ook – en veral – in die tye wanneer dit vir jou moeilik gaan.
- Swaar tye is nie ‘n teken dat God jou vergeet het nie – dit is dikwels die tye wanneer Hy die naaste aan jou is.
- Leef reg voor God, ook wanneer dit moeilik is – Hy sien dit raak en sal jou beloon.
- Kyk terug op moeilike tye in jou lewe. Sien die enkelvoetspore van die Here toe Hy jou gedra het, raak.
Gebed
Liewe Vader, baie dankie dat U my beskerm en voorsien, ook wanneer ek dit nie verwag nie. Help my om U genade en liefde te sien, selfs in moeilike omstandighede.
In Jesus se Naam.
Amen.
© NG Kerk Lynnwoodrif – word gebruik met toestemming.
Afkondigings 15-22 Maart 2026
Sondag 15 Maart 2026 :
- Baie welkom by die erediens gelei deur ds Charné Viljoen.
- Ons skriflesing kom vanoggend uit Johannes 9:1-17; 34-41.
- Die tema van die prediking is: Lig vir die wêreld.
- Vierde Lydensweek.
- GEEN Kleuterkerk. Ouers welkom saam met kinders in die konsistorie.
- Kategese.
- Spesiale offer vir Omgeebediening by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Ds Charné Viljoen.
- Alternatiewe Erediens om 17:00 in die kerksaal, gelei deur ds Charné Viljoen.
Woensdag 18 Maart 2026 :
- Die Blokbyeenkoms van Blok 12 (Eurekapark) vind om 18:00 plaas by Susette Tiran – Suidstraat 10. Kobus Stander – E-Pos Kontak .
- Kooroefening by die orrel om 16:45. Marida – E-Pos Kontak . Alle belangstellendes welkom.
Sondag 22 Maart 2026 :
- Erediens om 09:00 – Ds Leon Cronje.
- Vyfde Lydensweek.
- Kleuterkerk in die konsistorie.
- Kategese.
- Spesiale offer vir Carpe Diem Skool by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Ds Leon Cronje.
- Alternatiewe Erediens om 17:00 in die kerksaal, gelei deur ds Leon Cronje.
Bybelblokraai :
Bybelblokraai & Bybelwoordsoek nommer 31, asook die antwoorde vir nommer 30 is beskikbaar in die voorportaal en by die traliehek van die kerkkantoor.
Mosselbaai Ring Noodfonds
Baie dankie vir alle bydraes gemaak teenoor die noodfonds.
Dankie ook vir al die 5 liter waters wat u bygedra het, die water-insamelings-projek is nou afgesluit.
Omgeebediening :
- Indien u bewus is van iemand met nood, siekte of wat eensaam is en hulp benodig kontak u kerkraadslid of die kerkkantoor.
- Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
- Enige persoon wat graag by die Omgeebediening betrokke wil raak skakel asseblief vir Corrie Pieters – E-Pos Kontak .
Eiendomsbediening :
Die Eiendomsbediening vra dat u asseblief geduldig sal wees met die gat in die plafon. Ons wil van die geleentheid gebruik maak om fout-opsporing te doen en toeganklikheid te verleen vir die herstelwerk aan die dak.
Getuienisbediening :
Wolwedans boodskap, sop en brood
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 115 gesinne elke tweede week. Die laaste uitreikdatum vir die tweede kwartaal is 25 Maart. Die uitreikdatums vir die derde kwartaal is 8 &22 April, 6 & 20 Mei en 3 &17 Junie.
Behoeftes vir Getuienisprojekte
Die Getuienisbediening se uitreikarm na Wolwedans begin ‘n kunsvlyt projek en skenkings van die volgende sal ons baie help: skêre, ou tydskrifte, Pritt of gom, ou waterverf, akrielverf, ou kwassies, inkleurpotlode, naalde, garing, en wol. En dan is daar ook nood vir ‘n ou yskas en stoof of twee-plaat kookstofie. Baie, baie dankie vir u volgehoue meelewing, omgee en ondersteuning!
Ondersteuningsbediening :
“Want ek het die ellendige gered wat om hulp geroep het, en die wees en hom wat geen helper het nie. Die seën van hom wat klaar was om onder te gaan, het op my gekom; en die hart van die weduwee het ek laat jubel.” Job 29:12-13(AFR33)
Ons voorsien hulp in die vorm van (onder andere) rygeleenthede na doktersafsprake, hulp met inkopies en ondersteuning aan eensames, want dit is God se hart vir die wees en die weerloses en as gemeente is dit ook ons hart vir ons medemens en gemeenskap.
Vir meer inligting kontak:
Riana Briers – E-Pos Kontak / Riëtte Jansen van Rensburg – E-Pos Kontak .
FEBA RADIO SA: Ons bid vir FEBA Indonesië
In Januarie is jongmense in Aceh, Indonesië, genadeloos gestraf omdat hulle die sharia-wet oortree het. FEBA Indonesië saai ’n program uit oor Christen-wees in plekke waar sharia-wet afgedwing word. Die program beoog om gelowiges te bemoedig en om nie-gelowiges in te lig oor die Christelike geloof. Die program word tot dusver goed ontvang, maar omsigtigheid bly noodsaaklik.
Ons gebed vir die week: Bid vir die Christene wat in dele van Indonesië woon waar sharia-wet geld. Vra vir God se beskerming en wysheid waar FEBA Indonesië daar onder luisteraars bedien.
Die Webtuiste (nggrootbrak.co.za)
Nuut op 15 Maart 2026
- Erediensbediening:
Die skakel na die YouTube Erediens van 15 Maart 2026, deur Ds Charné Viljoen, is beskikbaar.
- Getuienisbediening:
a) Lekker artikel oor die inspirerende storie van die Wolwedans se florerende
Jeugkerk.
- Bybelstudiereekse:
a) Lydenstyd se Visio Divinia reeks is op webtuiste beskikbaar.
b) ‘Skep asem vir vandag’ is ‘n goeie begin vir elke dag.
c) Die Weeklikse: Stof tot nadenke se tema is: “Tevredenheid”.
- Gemeentenuus:
a) ‘n Opsommende artikel van die Groot-Brakrivier gemeenskap se Wêreld Biddag vir Vroue se mooi geleentheid van 6 Maart 2026.
b) Daar is weer heerlike nuwe geestelike liedere om te luister op die webtuiste.
- Die weeklikse Afkondigings, asook Lief en Leed is op die webtuiste indien u wil seker maak van enigiets.
Ons dank u vir u volgehoue bydrae en ondersteuning van die werk van die Here.
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Kontak ons vorm
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Skep asem vir vandag. Bybel dagstukkie vir vandag: 13 Maart 2026
13 Maart
Liewe Vriend
My gebed is dat jy deur-en-deur eerlik en opreg sal wees. Hier is Sy Boodskap vir jou.
Tema: Die gevaar om oneerlik te wees.
Teks: “Here, waarom maak U asof U my nie ken nie? Dit voel asof U baie ver van my af is… Gryp in Here! God, wys dat U die sterkste isVriend” (Ps. 10:1, 12a – Die Boodskap)
- Wanneer dit voel asof God ver is, is dit dikwels omdat julle verhouding wat vertroebel het – dalk het jy Hom afgeskeep?!
- Jy moet Ja sê en Nee sê en dit bedoel – bedrog begin deur klein dingetjies, maar dit groei en vernietig jou geloofwaardigheid.
- God sien alles wat verkeerd gedoen word, maar Hy vergewe en herstel jou wanneer jy berou het.
- Wees vandag eerlik in elke gesprek en elke transaksie – jou integriteit is jou grootste bate.
Gebed
Liewe Vader, baie dankie dat U die God van waarheid is. Help my om vandag deur-en-deur eerlik in alles wat ek sê en doen, te wees.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 12 Maart 2026
12 Maart
Liewe Vriend
Ek bid dat jy regverdig teenoor ander mense sal optree. Hier is die Woord van die Here vir vandag.
Tema: Tree reg en billik op.
Teks: “Met alles binne-in my wil ek die Here prys! Ek wil praat oor die wonderlike dinge wat U gedoen het.” (Ps. 9:1 – Die Boodskap)
- ‘n Lewe van dankbaarheid en lof aan God lei tot regverdige optrede teenoor alle mense.
- Iemand moet die eerste stap neem om reg en regverdig op te tree – neem die eerste stap daartoe.
- God is goed teenoor jou. Wees daarom ook goed en billik teenoor almal – die rykes, die armes, die mooies, die lelikes, ja, jou vriende en vyande.
- Toets jou optrede teenoor die mense in jou lewe – is jy regtig regverdig, eerlik en billik?
Gebed
Liewe Vader, baie dankie vir al die wonderlike dinge wat U in my lewe gedoen het. Help my om vandag reg en billik teenoor elke persoon op te tree.
In Jesus se Naam.
Amen.
© NG Kerk Lynnwoodrif – word gebruik met toestemming.
“Laat U Koninkryk hier kom”, deur Jannie du Toit
Op Dag 29 van ons Lydenstydreeks #VisioDivina luister ons na ‘n “Laat U Koninkryk hier kom”, soos gesing deur Jannie du Toit, op sy CD: Palet.
“Die mostersaad in my”, deur die musiekgroep,“Manne wat glo.”
Op Dag 28 van ons Lydenstydreeks #VisioDivina luister ons na “Die mostersaad in my”, deur die musiekgroep,“Manne wat glo.” Hierdie mans is Willie Joubert, Jan de Wet, Leon Ferreira, Rudi Muller
Uit die lirieke:
Hy’t die mosterdsaad kom plant in my
Met Sy Woord het Hy dit nat gelei
En ‘n sonstraal van liefde daaroor laat skyn
En die mosterdsaad word ‘n lewensboom
Gewortel, langs
‘n Waterstroom en dra vrugte van geloof, liefde en hoop
En as jy my vra, hoe ek staande bly
In ‘n stukkende wereld rigting kry
Dan kan ek bely
Dis die mosterdsaad in my.
The Sower’s Song”, deur Andrew Peterson.
Op Dag 27 van ons Lydenstydreeks #VisioDivina luister ons na “The Sower’s Song”, deur Andrew Peterson.
Uit die lirieke:
Oh God, I am furrowed like the field
Torn open like the dirt
And I know that to be healed
That I must be broken first
I am aching for the yield
That You will harvest from this hurt
Abide in me
Let these branches bear You fruit
Abide in me, Lord
As I abide in You
The Sower’s Song · Andrew Peterson
The Burning Edge of Dawn
℗ 2015 Andrew Peterson, under exclusive license to Centricity Music Producer:
Andrew Peterson
Composer, Lyricist: Andrew Peterson Composer,
Lyricist: Ben Shive
The Acapella Company – Psalm 51: “Create in me a clean heart.”
Margaret Rizza – “Take my hand.”
Op Dag 25 van ons Lydenstydreeks #VisioDivina luister ons na die komponis, Margaret Rizza – ‘n merkwaardige vrou. Sy is gebore in 1929, en het eers in 1997 begin komponeer en vandaar een van die bekendste komponiste van kerkmusiek geword. Vandag luister ons na haar komposisie, “Take my hand.” Ek plaas die volledige lirieke vir jou om te volg:
Lirieke / Lyrics
Take my hands, Lord, to share in Your labours
Take my eyes, Lord, to see Your needs
Let me hear the voice of lonely people
Let my love, Lord bring riches to the poor
Take my hands, Lord, to share in Your labours
Take my eyes, Lord, to see Your needs
Let me hear the voice of lonely people
Let my love, Lord bring riches to the poor
Give me someone to feed when I’m hungry
When I’m thirsty give water for their thirst
When I stand in need of tenderness
Give me someone to hold who longs for love
Give me someone to feed when I’m hungry
When I’m thirsty give water for their thirst
When I stand in need of tenderness
Give me someone to hold who longs for love
Keep my heart ever open to others
May my time, Lord, be spent with those in need
May I tend to those who need Your care
Take my life, Lord, and make it truly Yours
Keep my heart ever open to others
May my time, Lord, be spent with those in need
May I tend to those who need Your care
Take my life, Lord, and make it truly Yours
Skep asem vir vandag. Bybel dagstukkie vir vandag: 11 Maart 2026
11 Maart
Liewe Vriend
My gebed is dat dit vandag met jou goed sal gaan en dat jy goeie gesondheid beleef. Hier is die Boodskap van die Here vir vandag.
Tema: Help iemand anders.
Teks: “Here, God, hoe groot is U nie; U word oor die hele aarde geprys! Alles wat U in die hemelruim gemaak het, vertel hoe groot U regtig is.” (Ps. 8:2 – Die Boodskap)
- Ons Almagtige, Alwyse en Groot God plaas ons in mekaar se lewens.
- In hierdie groot wêreld is daar mense wat jou hulp nodig het – sien hulle raak.
- So sal ons mekaar ondersteun en opbou.
- Dikwels vind jy rustigheid wanneer jy ander help – jy kry perspektief wanneer jy na ander uitreik.
- Doen iets konkreets vir iemand anders – ‘n vriendelike woord, ‘n praktiese daad van liefde, of net ‘n gebed.
Gebed
Liewe Vader, baie dankie dat U so ‘n groot en goeie God is. Help my om vandag my oë oop te hou vir iemand wat my hulp nodig het.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 10 Maart 2026
10 Maart
Liewe Vriend
Mag jy die uitkoms wat onverwags kom, raaksien en dit met oop arms aangryp. Hier is God se Woord vir jou.
Tema: Die uitkoms is daar – sien dit raak.
Teks: “Here my God, as ek dinge gedoen het wat nie in U oë reg is nie, wys dit vir my!”(Ps. 7:4 – Die Boodskap)
- Die Here God stuur soms oplossings op onverwagte maniere – wees oop en verwag dit.
- God wil jou nie net help nie – Hy wil ook jou oë oopmaak sodat jy self jou deel kan doen.
- Wees eerlik voor God oor jou eie aandeel in jou probleme – so maak jy ruimte vir Sy hulp en groei.
- Sien raak hoe God reeds besig is om dinge reg te maak, al is dit nie altyd sigbaar nie.
Gebed
Liewe Vader, baie dankie dat U uitkoms vir my beplan as dit moeilik gaan. Help my om eerlik voor U te staan en U uitkoms raak te sien.
In Jesus se Naam.
Amen.
© NG Kerk Lynnwoodrif – word gebruik met toestemming.
Die Inspirerende Storie van die Wolwedans se florerende Jeugkerk
In die hart van ons gemeenskap blom iets moois. Dit is ‘n storie van deernis, geloof en die eenvoudige, kragtige daad van opstaan vir mekaar. Wat begin het as ‘n warm maaltyd vir diegene in nood, het geblom in ‘n lewendige beweging van geloof wat die lewens van dosyne kinders elke week raak. Dit is die storie van die Wolwedans Gemeenskapsinisiatief en sy florerende Jeugkerk – ‘n bewys van wat gebeur wanneer ‘n gemeenskap besluit om die hande en voete van Jesus te wees.
‘n Fondasie van Deernis
Elke groot storie het ‘n begin, en die Wolwedans Jeugkerk het nie binne die vier mure van ‘n gebou begin nie, maar rondom die eenvoudige waardigheid van ‘n gedeelde maaltyd. Die Wolwedans Gemeenskapsinisiatief is gebore uit ‘n begeerte om ‘n tasbare behoefte in ons omgewing te vervul. Dit het begin as ‘n weeklikse sopkombuis – ‘n baken van warmte en voeding vir diegene wat dit die nodigste gehad het.
Maar soos die vrywilligers week na week bymekaargekom het, sop uitgeskep en brood gedeel het, het hulle iets diepgaandes besef. Hulle het mae gevul, ja, maar hulle het ook ‘n ruimte vir verbinding geskep. Hulle het verhoudings gebou, na stories geluister en ‘n vertroude teenwoordigheid in die lewens van gesinne geword. Dit was in hierdie omgewing van liefde en praktiese sorg dat ‘n nuwe, God-grootte visie begin wortel skiet het. Hulle het die kinders gesien, vol energie en nuuskierigheid, en ‘n roeping gevoel om nie net hul liggame te koester nie, maar ook hul gees. En so, uit hierdie vrugbare grond van diens, is die Jeugkerk gebore.
Die Jeugkerk: ‘n Plek om te Behoort en te Glo
Die Wolwedans Jeugkerk is geskep met ‘n enkele, kragtige doelwit: om kinders meer oor Jesus te leer en hulle te lei na ‘n persoonlike, lewensveranderende verhouding met Hom. Dit is ‘n vreugdevolle, energieke en verwelkomende ruimte wat spesifiek ontwerp is vir die jongste lede van ons gemeenskap.
Elke Vrydagmiddag, van 14:30 tot 15:30, word die atmosfeer lewendig met die klank van lag, gebed en lofprysing. Die deure is oop vir almal, van kleuters wat hul eerste wankelrige treë gee tot selfversekerde kinders in Graad 7. En die reaksie was niks minder as wonderbaarlik nie. Sommige weke kom ‘n klein, intieme groepie van 30 kinders bymekaar; ander weke loop die ruimte oor met die vreugdevolle chaos van meer as 100 jong siele wat gretig is om te leer en te speel.
Stel jou die toneel voor: klein stemmetjies wat in sang verhef word, saam bid met onskuldige geloof, en oë wyd oop van verwondering terwyl hulle stories uit die grootste Boek ooit geskryf hoor.
Bybel gefundeerde program
Die program is noukeurig gestruktureer, volgens ‘n handleiding wat ‘n swaar klem plaas op die Bybel as die uiteindelike bron van waarheid en wysheid. Elke les, elke liedjie, elke gebed wys terug na die onwrikbare liefde van God.
Geloof in Aksie: Leer Deur Liefde en Spel
Die span agter die Jeugkerk verstaan dat kinders die beste leer wanneer hulle betrokke is en pret het. Terwyl die kern van elke byeenkoms toegewy is aan saam aanbidding en die delf in God se Woord, weet hulle ook hoe belangrik dit is om kinders kinders te laat wees.
Daarom word die program liefdevol afgewissel met goeie outydse pret. Van tyd tot tyd word die Bybels en lesplanne opsy gesit vir ‘n lewendige speletjiesmiddag. Dit is in hierdie oomblikke – tydens ‘n vurige sokkerwedstryd, ‘n afloswedloop of ‘n gedeelde giggel – dat vriendskappe gesmee word en die liefde van die span op ‘n ander, maar ewe kragtige, manier getoon word. Dit is ‘n pragtige herinnering dat ons geloof nie net gaan oor wat ons weet nie, maar hoe ons mekaar in gemeenskap leef en liefhet.
‘n Interkerklike Familie
Een van die mooiste aspekte van die Wolwedans Jeugkerk is sy hart vir eenheid. Dit is ‘n interkerklike inisiatief, ‘n pragtige tapisserie geweef uit verskillende drade van die Christelike geloof, alles verenig deur ‘n gemeenskaplike liefde vir Jesus en ‘n gedeelde passie vir die volgende geslag. Dit staan as ‘n kragtige herinnering dat, alhoewel ons Sondag in verskillende geboue mag aanbid, ons almal deel is van een familie onder God. Hierdie gees van eenheid maak dit ‘n ware gemeenskapspoging, wat die hart van die Evangelie weerspieël wat mure afbreek en brûe van liefde bou.
Jy word uitgenooi om deel te wees van die storie
Die werk van die Jeugkerk is ‘n arbeid van liefde, maar dit is ook ‘n betekenisvolle onderneming. Om tot 100 kinders elke week te bereik, verg energie, kreatiwiteit en ‘n toegewyde span gewillige harte. En dit is waar jy inkom.
Dit is ‘n oproep om nie net van ver af te kyk nie, maar om in ‘n storie te tree wat God in ons midde skryf. Jy hoef nie ‘n teoloog of ‘n jeugpastoor te wees om ‘n verskil te maak nie. Jy benodig net ‘n hart wat vir kinders klop en ‘n begeerte om hulle te sien floreer.
Daar is soveel maniere om betrokke te raak. Kan jy ‘n uur van jou tyd op ‘n Vrydagmiddag aanbied? Miskien kan jy help om ‘n wedstryd te lei, ‘n samewerking aanbied.
Skep asem vir vandag. Bybel dagstukkie vir vandag: 9 Maart 2026
9 Maart
Liewe Vriend
Vandag bid ek vir jou. Ek bid dat jy die tweede, derde en vierde kanse wat die Here vir jou gee sal raaksien en aangryp. Hier is spesiale boodskap aan jou.
Tema: ‘n Tweede kans.
Teks: “Ek is lam van moedeloosheid. Wat gaan U doen, Here? Hoe lank gaan dit nog so aanhou? Help my, Here! Red my…!” (Ps. 6:4-5a – Die Boodskap)
- Het jy al gevoel dat dit te laat is om oor te begin, dat jy te veel foute gemaak het? God gee tweede kanse!
- Die Here sien jy is moedeloos – Hy is nie moeg vir jou nie. Hy gee nie op met jou nie.
- Elke nuwe dag is ‘n tweede, ‘n derde of selfs ‘n vierde kans wat God gee om anders te kies en nuut te begin.
- Gryp vandag die geleentheid wat God vir jou gee aan.
- Dit is nooit te laat om te weer oor en nuut te begin nie – Jou nuwe lewe begin nou!
Gebed
Liewe Vader, baie dankie dat U my elke keer weer ‘n nuwe kans gee. Help my om dit raak te sien en met dankbaarheid aan te gryp.
In Jesus se Naam.
Amen.
© NG Kerk Lynnwoodrif – word gebruik met toestemming.