Etiket: 2025

6 Desember

My wens en gebed is dat jy vandag sal verstaan wat ware verbintenis in die huwelik beteken. Hier is God se Woord vir vandag.

Tema: Daar sal in jou behoeftes voorsien word.

Teks: “… Josef het die graanskure oopgesluit en wat daarin was, … begin verkoop. ” (Rut 2:20 – Die Boodskap)

• Die hongersnood breek uit, maar Egipte het genoeg kos –die hele wye wêreld kom haal kos.
• Jy beleef ook dikwels hongersnoodtye, woestyntye en uitdagings.
• Dis die Here wat agter elke uitkoms is.
• Jy kan verseker weet dat vandag en môre in elke omstandigheid aan jou uitkoms sal gee – glo dit!

Gebed

Liewe Vader, ek loof U dat U doelgerig besig is om in elke behoefte van my te voorsien.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

5 Desember

My wens is dat jy ook emosionele genesing van jou pyn sal kry. Hier is God se Woord spesiaal vir vandag.

Tema: Daar sal volkome genesing van jou teleurstellings kom

Teks: “God het my alles laat vergeet: al my swaarkry en alles wat my familie my aangedoen het.” (Rut 2:20 – Die Boodskap)

• God bring emosionele herstel en genesing.
• Dalk het jy ook emosionele genesing nodig. Net die Here kan dit vir jou gee, en Hy wil dit vir jou gee.
• Wees dankbaar en positief oor hierdie genesing.
• Dit gee nuwe energie, hoop en bring groot geluk en vrede.

Gebed

Liewe Vader, baie dankie dat U my volkome van elke letsel van my verlede sal genees.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

4 Desember

My wens en gebed is dat jy vir ander mense sal omgee. Hier is God se Woord aan jou.

Tema: Sorg vir ander mense

Teks: Josef het so baie koring bymekaargemaak dat dit net soveel was as die sand van die see. Hy het later opgehou om aan te teken hoeveel daar was, want dit was te veel om te tel. ” (Rut 2:20 – Die Boodskap)

• Josef het planne gemaak en dit uitgevoer. Hy was suksesvol.
• “If you fail to plan, you plan to fail”, het iemand eendag gesê. Sukses kom wanneer jy jou lewe beplan.
• Dis moeite om so te leef. Begin geleidelik deur jou lewe omgee.
• Jy sal gelukkig wees wanneer jy sien dit gaan ook met ander mense goed.

Gebed

Liewe Vader, help my om die lewe van iemand anders op te hef deur vir hulle om te gee.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

3 Desember

My wens en gebed is dat jy vandag sal verstaan wat ware verbintenis in die huwelik beteken. Hier is God se Woord.

Tema: Beplan vooruit

Teks: “Ons moet vir jou ‘n man kry, sodat jy versorg kan word en jou eie huis en huisgesin kan hê” (Rut 3:1 – Die Boodskap)

• Naomi wil vir Rut ‘n vol lewe gee – sy moet versorg wees, ‘n huis en huisgesin kry. Naomi wil vir Rut ‘n toekoms gee.
• Dit is die een ding wat die God van genade gee, ‘n toekoms en ‘n verwagting op meer en beter.
• Maak jou hart vandag vir die gawes van ons goeie God oop.
• Leef met hierdie verwagting van beter en oorvloed. ‘n Nuwe beter seisoen!

Gebed

Liewe Vader. Gee my wysheid, insig en die wilsvermoë om ‘n beplanner van my lewe en werk te wees.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

2 Desember

My wens is dat jy sal verstaan dat die Here onverstaanbaar is. Hier is ‘n boodskap aan jou.

Tema: Onverstaanbaar, ondenkbaar en onverwags

Teks: “Weet jy, … hy is eintlik een van die mense wat veronderstel is om vir ons te sorg…” (Rut 2:20 – Die Boodskap)

• Wat was die kans dat die twee vroue op iemand se grond sou beland wat volgens die Joodse wet hulle moes versorg – nul. Tog het dit gebeur.
• Die Here laat dinge met jou gebeur wat jy jouself nie kan indink nie. Hy versorg jou!
• Dit sal met jou goedgaan, want die Here sorg vir jou op maniere en plekke wat onverstaanbaar, ondenkbaar en onverwags is.
• Die Here van genade is vol goedheid en guns.
• Ontvang dit nou.

Gebed

Liewe Vader, baie dankie dat U onverstaanbaar werk.

In Jesus se Naam.

Amen.

Vorige dagstukkies

© NG Kerk Lynnwoodrif – word gebruik met toestemming.

1 Desember

My gebed is dat jy jou werklik aan jou huweliksmaat sal verbind. Hier is God se Woord vir vandag.

Tema: Wees saam tot die dood toe

Teks: “Daar waar Ma eendag doodgaan, wil ek doodgaan en daar begrawe word.” (Rut 1:17– Die Boodskap)

• Rut se verbintenis aan Naomi is tot die dood toe.
• Huweliksmaats se verbintenis is ook tot die dood toe.
• Herbelyn vandag jou optrede en verbintenis teenoor jou huweliksmaat – saam tot die dood toe.
• Leef so dat julle bymekaar en gelukkig is.

Gebed

Liewe Vader, gee my die genade om saam met my huweliksmaat tot die dood toe gelukkig te wees.

In die Naam van Jesus Christus die Here
Amen

Vorige dagstukkies

© NG Kerk Lynnwoodrif – word gebruik met toestemming.