Baie welkom by die erediens en ’n spesiale verwelkoming aan ds Hendrik Saayman wat vanoggend se diens lei.
Ons skriflesing kom vanoggend uit Jesaja 40:3-11.
Die tema van die prediking is: Bring (en wees) die goeie tyding!
Getuienisnaweek.
Kategese (kerksaal) & Kleuterkerk (konsistorie).
Sinodale offer vir Bediening aan Dowes by die deure.
Tee sal bedien word in die kerksaal na afloop van die erediens. Almal is welkom.
Groenkloof preek om 10:00 – Digitaal.
Woensdag 24 September 2025 :
Kooroefening by die orrel om 16:45. Marida – 082 471 0751. Alle belangstellendes welkom.
Sondag 28 September 2025 :
Erediens om 09:00 – Ds Danie Goosen.
Biddag vir Bediening aan die Jode.
Doop.
Kategese (kerksaal) & Kleuterkerk (konsistorie).
Sinodale offer vir Bediening aan die Jode by die deure.
Tee sal bedien word in die kerksaal na afloop van die erediens. Almal welkom.
Groenkloof preek om 10:00 – Ds Danie Goosen.
Gesinskamp 2025 – Antwoord voor 29 September 2025
Gesinskamp 31 Okt * 2 Nov 2025
Verjaarsdae
Verjaarsdae Week 40
Nuwe lidmate en lidmaatbesoeke:
Ons nooi nuwe lidmate om asb na die erediens tot voor die kansel te kom waar ons u graag wil ontmoet. In die voorportaal is ook vorms beskikbaar wat u kan voltooi sodat ons u vinnig kan leer ken.
Die leraars besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak – Maandae, Woensdae en Vrydae tussen 08:30 en 12:30.
Bedieninge
Getuienisbediening :
Wolwedans boodskap, sop en brood
Ons nooi die gemeente om deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die uitreikdatums vir die vierde kwartaal is 8 & 22 Oktober, 5 & 19 November en 10 Desember.
60Plussers
60 Plussers
Ondersteuningsbediening :
Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.
Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:
Rygeleenthede vir dokterafsprake, hospitaal besoeke en dies meer.
Hulp met inkopies.
Ondersteuning deur dààr te wees in moeilike omstandighede.
Uit te reik na die mense om die toenemende probleem van alleen wees en eensaamheid te verlig.
Indien u bewus is van iemand met nood, siekte of wat eensaam is en hulp benodig kontak u kerkraadslid of die kerkkantoor.
Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
Enige persoon wat graag by die Omgeebediening betrokke wil raak skakel asseblief vir Corrie Pieters – Kontak Ons .
Gevulde koffieflesse vir kersfees
Gevulde koffieflesse vir kersfees
Emo Adams
Die Helping Relieve Poverty NPC, nooi u uit na ‘n aand saam met Emo Adams.
Alle winste gaan aan Gemeenskap opheffing in die Groter Groot-Brakrivier area.
Datum: 2 Oktober 2025 Tyd: 19:30 – 21:00 Plek: De Dekke Groot-Brakrivier Prys: Kaartjies vanaf R200 (Quicket)
SS Gemeente konsert
24 Oktober 2025:
Dit beloof om, soos in die verlede, ‘n aand vol pret, stories en lekker lag te wees. Indien jy belangstel om deel te neem, kan jy die kerkkantoor kontak. Sien jou daar!
Dankfees
Dankfees Okt 2025
Dankfeeslyste sirkuleer tans. Bydraes kan ook by die kerkkantoor of deur die internet inbetaal word.
Enige bestanddele is ook baie welkom. Dui dit asb op u lys aan of kontak die betrokke persone. Die bestanddele moet asb ‘n week voor die dankfees by die betrokke sameroeper of by die kerkkantoor ingehandig word.
Ons rekening is:
NG Kerk Groot-Brakrivier, FNB, Rek no 53083186511, Takkode 210314. (Indien ‘n EFT gedoen word, moet u dit asb as “DFees” & Bloknr & Van, merk).
Ons het vrywilligers nodig wie ‘n handjie kan by sit by onderskeie tafels/stalletjies.
Daar is ’n lys by die tee na die erediens waar enigeen wie graag by die basaar as vrywilliger wil help, jou naam kan opgee. Alternatiewelik kan julle vir Ruan kontak – 082 762 0002.
Verdere inligting sal volg.
Basaar Kindertafel
Basaar Kindertafel
Basaar Pannekoek tafel
Basaar Pannekoek tafel
FEBA RADIO SA: Ons bid vir FEBA Oekraïne
“Jy sal tot Hom bid, en Hy sal jou gebed verhoor” (Job 22:27 Afr83).
‘n FEBA Oekraïne-luisteraar, Elena, sê onlangs vir die span: “God straf ons seker. Selfs al kom hulle huis toe van die oorlog af, drink ons mans, broers en pa’s hulself dood. Ek het geen hoop meer dat hierdie oorlog ooit gaan eindig nie.” Soos die aanvalle op Oekraïne vererger, deel baie mense Elena se gevoel.Ons gebed vir die week: Bid dat God die FEBA Oekraïne-span sal bewaar en versterk sodat hulle die Goeie Nuus van ewige vrede kan aanhou uitsaai en weer hoop in mense se harte kan aanwakker
Die webwerf (nggrootbrak.co.za)
1. Erediensbediening:
Die skakel na die YouTube Erediens van 21 September, gelei deur
Ds Hendrik Saayman tydens die Getuienisnaweek, is beskikbaar.
Bybelstudiereeks:
Die ‘Skep asem vir vandag’, ‘n wonderlike begin vir elke dag.
Vind die Weeklikse: “Stof tot nadenke: Hoop”
Gemeentenuus:
‘n Goeie begin vir die bejaardesorg van Wolwedans gemeenskapsprojek.
Die Kommunikasiebediening sê Baie Dankie aan al ons besoekers op die webtuiste. Ons het die merk van “100 000” totale besoeke oorskry.
Die weeklikse Afkondigings is op die webtuiste, indien u wil seker maak van
enigiets.
Ons dank u vir u volgehoue bydrae en ondersteuning van die werk van die Here.
My wens en gebed is dat jy vandag sal soek na God se planne vir jou lewe. Hy het die oplossings voordat jy dit vind. Hier is God se Boodskap vir vandag.
Tema: Die Here beplan jou beste oplossings.
Teks: “… wat op die pad voor julle vooruit gegaan het om kampplekke vir julle uit te soek”(Deut. 1:32b)
God weet alles, daarom weet Hy ook wat die beste vir jou is.
Hy het reeds die beste planne en oplossings vir jou lewenspad en uitdagings gemaak.
Vandag sal jy voor keuses staan – kies God se planne bo jou eie idees.
Soek God se wil en voer dit onverskrokke uit; dit sal jou gelukkig maak.
Leef gelukkig!
Gebed
Vader, help my om die geloof te hê om U oplossings te soek en dit uit te voer.
Op 10 September 2025 het die lank verwagte Bejaardesorg Gemeenskapprojek ‘n aanvang geneem, onder die bekwame leiding van Aletia Nortje en andere van die Getuienisbedieng (NG Kerk) en in samewerking van verskeie ander Kerke (o.a die AGS en ander Charismatiese Kerke) asook die Gemeenskapsforum van Groot-Brakrivier.
My wens is dat jy vandag terug sal kyk op jou lewe en die getroue God wat altyd hulp gee, helder sal sien. Vandag se boodskap uit God se Woord is hier om jou te bemoedig.
Tema: Die verhaal van jou lewe is ’n verhaal van God wat geluk bring.
Teks: “Julle het in die woestyn ondervind hoe die Here julle God … julle tot hier toe … gedra het” (Deut. 1:31)
Wanneer jy moedeloos raak, kyk terug en sien hoe God jou in die verlede gehelp het.
Net soos Hy jou deur vorige “woestyntye” gelei het, sal Hy jou ook nou lei.
Die verhaal van jou lewe is vol van God wat ingryp en help.
Die God wat jou gister gehelp het, help jou vandag en sal jou môre ook help.
Leef met vrede en gemoedsrus!
Gebed
Vader, baie dankie dat U rus in my gemoed bring. In die Naam van Jesus Christus die Here Amen
Op 17 September 2025 het die kerksaal gevul met gelag en musiek tydens Seeds of Hope en die Ondersteuningsbediening se spesiale viering vir ons lieflike 60 jaar en ouer gemeentelede. Die doel was eenvoudig én kragtig: om harte te verwarm met ’n heerlike bederfdag.
Daar was lekkernye, koffie en tee in oorvloed, maar die ware kos was die vreugde van verbinding. Ouer mense het aan tafels gesit, nuwe vriende gemaak en selfs telefoonnommers uitgeruil, wat die bande van gemeenskap versterk het. Die talentvolle Wilidia Crause, op klavier begelei deur Franco Engelbrecht, het die saal betower met haar lieflike sang.
Die pret het ’n hoogtepunt bereik met die Voete Skommel-speletjie, wat lag en vrolikheid ontketen het. Die dag was ’n pragtige herinnering dat ons nooit te oud is om te speel, te kuier en nuwe vriende te maak nie. Dit is deur sulke prettige oomblikke dat ons saam die skaduwees van eensaamheid verdryf en hoop laat blom.
My gebed is dat jy vandag sal beleef hoe die Here voor jou uitgaan. My wens is dat jy ervaar hoe Hy jou in alles wat jy moet doen lei. Vind krag uit God se Boodskap vir vandag.
Tema: Volg die Here.
Teks: “Die Here julle God gaan voor julle uit …”(Deut. 1:30)
Die Here gaan altyd voor jou uit en maak die pad glad en gereed.
Net soos Hy die Israeliete gehelp en geseën het, sal Hy ook jou help en gelukkig maak.
Volg Sy leiding. Doen wat Hy vra. Luister na Sy stem. Sien Sy rigting raak.
Geniet die geluk, rustigheid en vrede wanneer jy die Here volg.
Gebed
Vader, gee my Goddelike wysheid sodat ek sal doen soos U sou gedoen het as U vandag hier was. In die Naam van Jesus Christus die Here Amen
“Ek vertel julle egter die waarheid: Dit is voordelig vir julle dat Ek weggaan. As Ek nie weggaan nie, sal die Parakleet nie na julle kom nie. As Ek egter weggaan, sal Ek Hom na julle stuur. En wanneer Hy kom, sal Hy die wêreld oortuig van sonde en van geregtigheid en van oordeel:…”
Klub50 het ‘n pret dag gehad op 3 September 2025 in Hartenbos. Daar is meegeding om die beste punte op die Puntebord te kry. Dit was’ n genoeglike dag in goeie gees en wenners en nie-wenners het dit ewe veel geniet.
