13 September
Liewe Vriend,
Om vinnig kwaad te word, wys nie krag nie — mag jy vandag die krag van geduld ontdek. Hier is God se Boodskap net vir jou.
Tema: Wees geduldig
Teks: “’n Geduldige mens is baie verstandig; een wat kort van draad is, stel sy dwaasheid ten toon.” (Spr. 14:29)
- U gee, en hulle eet, U maak U hand oop, en hulle kry meer as genoeg. (Ps. 104:28)
- God is elke dag met ons geduldig — Hy raak nie moeg met ons nie, al maak ons dieselfde foute oor en oor.
- Moenie kort van draad wees nie: ‘n Kort humeur laat jou dinge sê of doen waaroor jy later spyt is — tel eers tot tien voor jy reageer.
- Vra God vandag vir ‘n bietjie ekstra selfbeheersing, geduld en liefde met iemand wat jou irriteer.
Gebed:
Liewe Vader, dankie dat U so geduldig met my is — leer my om ook geduldig te wees.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.