Erediens
Prediker: Ds. Leon Cronje
Skriflesing: Genesis 12: 1-9
Tema: Kom in beweging!
Datum: 7 Junie 2026
Kom in beweging! Ds. Leon Cronje. Genesis 12. Sondag 7 Junie 2026 10:00
Skep asem vir vandag. Bybel dagstukkie vir vandag: 7 Junie 2026 – Wees eerlik en betroubaar.
7 Junie
Vandag roep God jou op om jou tyd en energie slim te gebruik — Hier is ‘n Boodskap uit die Bybel vir vandag.
Tema: Wees eerlik en betroubaar.
Teks: “Daar is ‘n mens op wie jy net nooit ‘n vat kan kry nie. Hy praat nou sus en later so. Sy woorde is bedrieglik. Jy kan nooit daarop peil trek nie. Met die trek van sy oë, die geskuifel van sy voete en die wys van sy vingers lei hy mense om die bos.” (Spr. 6:12-13 – Die Boodskap)
- God wil nie hê dat jy ooit verkeerde dinge sê nie. Hy wil ook nie dat jy oneerlik sal wees of leuens sal vertel nie — wees eerder die persoon op wie ander met vertroue kan staatmaak. (Ps. 34:13-14 – Die Boodskap)
- Is jy ‘n bedrieglike mens — laat die Bybel jou spieël wees: is jy iemand wie se “ja” altyd “ja” beteken en wie se “nee” altyd “nee” beteken?
- Of – is jy iemand wie se “ja” eintlik “nee of miskien” beteken en wie se “nee” altyd “ja of miskien” beteken?
- Eerlikheid kos soms meer moed as ‘n leuen — maar dit bou verhoudings wat hou, en dit bou ‘n karakter wat God kan gebruik.
- Kies vandag om jou woorde en jou dade in lyn te bring — mense wat op jou kan staatmaak is ‘n kosbare geskenk in enige gemeenskap.
Gebed
Liewe Vader, dankie dat U self altyd betroubaar en getrou is — help my om vandag ‘n mens te wees wie se woord geld en wie se lewe U eer.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 6 Junie 2026 – Identifiseer ‘n bedrieglike persoon.
6 Junie
Vandag wil God jou aanspoor om die beste van jouself te gee — Hier is God se Boodskap uit die Bybel – alles net vir jou.
Tema: Identifiseer ‘n bedrieglike persoon.
Teks: “Daar is ‘n mens op wie jy net nooit ‘n vat kan kry nie. Hy praat nou sus en later so. Sy woorde is bedrieglik. Jy kan nooit daarop peil trek nie. Met die trek van sy oë, die geskuifel van sy voete en die wys van sy vingers lei hy mense om die bos.” (Spr. 6:12-13 – Die Boodskap)
- Die Here wil nie hê dat iemand wat lieg en bedrieg naby jou huis kom nie — Hy wil jou in teen almal wat jou wil mislei, beskerm. (Ps. 101:7 – Die Boodskap)
- God se Woord leer jou om mense wat jou wil bedrieg, te herken en identifiseer.
- Iemand wie se woorde nooit ooreenstem met sy dade nie, moet jy met versigtigheid behandel. So iemand is gevaarlik.
- Bedrieglike mense maak jou dikwels eers verward en dan seer — vertrou jou instink wat die Heilige Gees in jou wakker maak en wakker hou.
- Jy hoef nie naïef te wees nie — God gee jou wysheid en onderskeiding sodat jy die regte mense kan vertrou en die verkeerdes kan vermy.
Gebed
Liewe Vader, dankie dat U my wysheid en onderskeiding gee — help my om vandag die regte mense te herken en in U beskermende hande te bly.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 1 Junie 2026 – Luister, voor jy berou kry
5 Junie
Vandag wil God jou herinner aan die kosbare geskenk van jou lewensmaat — Hier is saadkorrels vir jou vrugbare geestelike grond, net vir jou vir vandag.
Tema: Luister, voor jy berou kry.
Teks: “Jy sal besef dit tref jou omdat jy nie na goeie raad geluister het nie. Jy sal jouself begin verwyt omdat jy nie na jou ouers en ander wyse mense geluister het nie.” (Spr. 5:12-13 – Die Boodskap)
- Die Here belowe: Hy is soos ‘n onderwyser vir jou. Hy vat jou aan die hand om jou met die regte raad op die regte pad te hou. (Ps. 32:8 – Die Boodskap)
- Berou leer ‘n wyse mens: Dit is beter om na goeie raad te luister vóór jy ‘n besluit maak — nie nadat die skade gedoen is nie.
- God het mense in jou lewe gesit wat jou kan help — ouers, raadgewers en geestelike leiers — luister na hulle, want hulle bewaar jou en jou huwelik voor baie seer.
- Jou lewensmaat en die mense die naaste aan jou verdien die beste van jou — koester dit deur die regte raad ernstig op te neem en daarna te lewe.
Gebed
Liewe Vader, dankie dat U wysheid verskaf deur die mense om my — help my om vandag met ‘n oop hart na goeie raad te luister, voor ek berou kry.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 4 Junie 2026 – Vashou aan die inhoud van die Bybel.
4 Junie
Vandag wil God jou toerus met wysheid wat jou lewe verander — Hier is God se Boodskap net vir jou.
Tema: Vashou aan die inhoud van die Bybel.
Teks: “Omdat ‘n mens so maklik kan struikel en die verkeerde dinge kan doen, moet jy tog vashou aan hierdie reëls wat ek jou (uit die Bybel) leer.” (Spr. 4:12 – Die Boodskap)
- Die Here se Woord wys presies hoe jy moet leef. Dit is soos ‘n helder lig wat op ‘n donker wat gery moet word, skyn. (Ps. 119:105)
- Niemand is te sterk of te slim om te struikel nie — maar God se Woord gee jou die riglyne om te bly staan en reg te bly leef.
- Die Bybel is nie ou stories vir ou mense nie — dit is lewende riglyne wat jou elke dag van die slaggate en gevare van die lewe bewaar.
- As jy aan God se Woord getrou bly, is dit een van die verstandigste dinge wat jy in jou lewe kan doen.
- Begin met die eenvoudige stap: lees een vers en leef dit doelbewus uit.
Gebed
Liewe Vader, dankie vir U Woord wat my bewaar teen struikel — help my om vandag daarin te bly sodat my voet nie gly nie.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 3 Junie 2026 – Dien God met alles
3 Junie
Vandag wil God hê dat jy jou hart vir Hom oopmaak — Hier is God se Woord vir vandag.
Tema: Dien God met alles.
Teks: “Dien die Here met jou talente. Gee aan die Here ook ‘n goeie deel van jou geld.” (Spr. 3:8-9 – Die Boodskap)
- Gee jou hele lewe oor aan God. Gee en doen wat Hy vra. Dit is alles maniere om aan Hom dankie te sê — Hy is dit alles werd. (Ps. 50:14)
- God het jou talente gegee om te gebruik — nie om te begrawe nie, maar om Sy nuwe wêreld te dien en ander daarmee gelukkig te maak.
- Wanneer jy gee — of dit nou tyd, geld of talent is — erken jy dat alles in jou lewe van God af kom.
- Die manier hoe jy jou gawes, besittings en jou geld gebruik, vertel God wie jy regtig is.
- Gebruik dit vandag om Hom groot en belangrik te maak. Help ander mense met wat jy het.
Gebed
Liewe Vader, dankie vir elke gawe, besitting, sent of Rand en seëning wat U my gegee het.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Sendingnuus” Missie Japan – Video jaarverslag
Beste vriend
Die somer is met ons in volle glorie. Groen, welig en warm! Oral om ons is die rysboere aan die plant, met groot verwagting vir rekord oeste in ‘n tyd van hemelhoë ryspryse. Verder raak die dae hier al hoe meer bedompig en dreig die eerste tifone om die reën seisoen in Kobe ook te laat aanbreek.
In hierdie nuuflits kyk ons vir ‘n oomblik terug na die sleutelmomente van ons werk as deel van Missie Japan die afgelope jaar. Ons is deurentyd bewus van die feit dat niks hiervan moontlik sou wees sonder die gebede, bemoediging en ondersteuning van ons medewerkers nie. Mense soos jy en gemeentes soos dié waarvan jy deel is.
Ons sê “baie baie dankie!”.
Ons is regtig begenadig en bevoorreg om jou/julle te hê as ons getuienisvennote … Hou asseblief vol daarmee. Om die evangelie te deel in Japan — soos met rysplantery — bly ‘n marathon eerder as ‘n naelloop!
Kyk gerus na die video en deel asseblief die terugvoer verder in jou netwerk.
Vrede en vreugde, in Christus.
Stéphan, Carina en gesin (ook namens Tobie en Annalie de Wet)
Copyright (C) 2026 Mission Japan. All rights reserved.
Our mailing address is:
Shobu Ga Oka 3-1-3, Kita Ku, Kobe City, JAPAN, 651-1306
Skep asem vir vandag. Bybel dagstukkie vir vandag: 2 Junie 2026 – Bly weg van die verkeerde mense af.
2 Junie
Vandag wil God jou bewaar van alles wat jou seer kan maak — Hier is vandag se geestelike saad uit God se Woord.
Tema: Bly weg van die verkeerde mense af.
Teks: “Van sekere tipes mense sal jy wegbly, veral van diegene wat niks van lewensgeluk wil weet nie, hulle wat dit geniet om heeltyd verkeerde dinge te doen.” (Spr. 2:12-14 – Die Boodskap)
- Die Here se opdrag is baie duidelik: Bly weg van slegte dinge af, doen net wat Sy hart bly maak — dan sal jy vir altyd in vrede bly leef. (Ps. 37:27)
- Daar is mense wie se lewenstyl jou af sal trek — God se Woord sê: bly weg van hulle af, want jou geselskap vorm jou karakter.
- Dit is nie hoogmoed om jou van verkeerde invloede te distansieer nie — dit is veel eerder wysheid en gehoorsaamheid aan God.
- Kies vandag jou vriende én jou omgewing vooraf — wie jy in jou lewe toelaat, bepaal ook in watter rigting jou lewe sal ontwikkel.
Gebed
Liewe Vader, dankie dat U my waarsku teen slegte geselskap — help my om vandag met wysheid te kies by wie ek my tyd deurbring.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Skep asem vir vandag. Bybel dagstukkie vir vandag: 1 Junie 2026 – Weier verkeerde optredes..
1 Junie
Vandag nooi God jou om insig, ervaring, waarhede en wyshede in jou lewe te laat werk — Hier is God se Boodskap net vir jou vir vandag.
Tema: Weier verkeerde optredes.
Teks: “As glibberige mense jou deel wil laat hê aan hulle gekonkel, moet jy weier…” (Spr. 1:10 – Die Boodskap)
- Die Here wys jou hoe om die regte keuses te maak en Hy beskerm jou wanneer jy weier om verkeerd te leef. (Ps. 1:6)
- Mense met misleidende planne sal altyd probeer om jou in hulle planne in te trek — maar jy het die vryheid en die krag om “nee” te sê.
- Jou eerste “nee” vir die verkeerde is jou eerste “ja” vir God — elke keuse tel en elke keuse vorm jou karakter.
- God staan aan jou kant as jy teen verkeerde druk sterkstaan — vertrou Hom vandag om jou sterk en standvastig te hou.
Gebed
Liewe Vader, dankie dat U my die krag gee om “nee” te sê vir alles wat verkeerd is — help my om vandag stewig op U pad te bly staan.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Lief en Leed Week 23 van 2026
Verjaarsdae
Baie geluk aan al ons verjaarsdag maats
Afkondigings 31 Mei – 7 Junie 2026
Sondag 31 Mei 2026 :
- Baie welkom by die erediens gelei deur ds Charné Viljoen.
- Ons skriflesing kom vanoggend uit Genesis 1:1-2:4.
- Die tema van die prediking is:Onbegryplik!
- Biddag vir Ekologie & Vervolginsondag.
- GEEN Kleuterkerk. Ouers welkom saam met kinders in die konsistorie.
- Kategese.
- Spesiale Offer vir Ramot by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Digitaal.
- LEEFKerk om 17:00 in die kerksaal – Ds Charné Viljoen.
Woensdag 3 Junie 2026 :
- Getuienisbediening Sop, Brood & Boodskap uitreik.
(Ons moedig die gemeente aan om te volhard in hul deelname aan ons projek waar ons ‘n bemoedigende boodskap, 2 liter sop en ‘n brood voorsien aan 115 gesinne elke tweede week).
- Klub 50 Bingo (sien agterblad vir besonderhede).
- 18:00 Blokbyeenkoms Blok 25 (Seegenot tot Tergniethoogte), Blok 26 (Tergniet-Oos) & Blok 27 (Tergniet-Wes) by Maja Wagener, Luckhoffstraat 2. Johan Pretorius – Epos Kontak .
- Kooroefening by die orrel om 16:45. Marida – Epos Kontak
Sondag 7 Junie 2026 :
- Erediens om 10:00 – Ds Leon Cronje.
- Biddag vir blindes.
- Kleuterkerk in die konsistorie.
- Kategese.
- Spesiale Offer vir Innovation for the Blind by die deure.
- Tee sal bedien word in die kerksaal na afloop van die erediens.
- Groenkloof preek om 10:00 – Digitaal.
- LEEFKerk om 17:00 in die kerksaal – Ds Leon Cronje.
Verjaarsdae
GEBEDSGIDSE
Gebedsgidse vir Junie 2026 is beskikbaar in die voorportaal.
Die gebedsgidse, dankofferkoeverte, Kerkbode en Gemeentebriewe is ook by die traliehek van die kerkkantoor beskikbaar.
BLOKINDELING
Die nuwe blokindeling is beskikbaar in die voorportaal indien u nog nie weet in watter blok u val nie. Indien u steeds onseker is, skakel gerus die kerkkantoor tydens kantoorure (Ma, Wo & Vr 08:30-12:30).
Bloedskenk 26 Mei 2026
Eiendomsbediening :
Baie dankie vir u geduld met die stukkende plafon. Fout-opsporing is afgehandel en ’n kontrakteur is aangestel. Ons hoop om die herstelwerk binnekort af te handel.
Nuwe lidmate en lidmaatbesoeke:
In die voorportaal is nuwe lidmaat vorms beskikbaar wat u kan voltooi sodat ons u vinnig kan leer ken.
Ons leraars besoek nuwe intrekkers. Indien u nog nie ’n besoek ontvang het nie kontak of kom loer gerus in by die kerkkantoor om ’n afspraak te maak.
Bestaande lidmate wat ’n besoek verlang kan ook gerus die kerkkantoor kontak of kom inloer om ’n afspraak te maak – Maandae, Woensdae en Vrydae tussen 08:30 en 12:30.
Behoefte vir Roomysbakke en Plastieksakke
Getuienisbediening
Getuienisbediening
Klub 50
FEBA RADIO SA: Ons bid vir FEBA in die Sahelstreek
Die wydverspreide, voortdurende konflik in die Sahelstreek het tot nou toe meer as 4 miljoen mense ontwortel en die syfer sal na raming 5 miljoen oorskry teen einde 2026. Meer as 42 miljoen mense benodig hulp. Almal benodig die evangelie. FEBA saai uit in Tsjad, Mali, Niger en Soedan, waar hulle die Goeie Nuus deel en luisteraars leer hoe om vredemakers te wees in gewelddadige omgewings.
Ons gebed vir die week: Bid vir God se beskerming oor, en voorsiening aan, FEBA se spanne en luisteraars in die Sahelstreek.
Die Webtuiste (nggrootbrak.co.za) – Nuut op 31 Mei 2026
- Erediensbediening:
- Kry die skakel na die YouTube Erediens van 31 Mei 2026 deur ds Charné Viljoen.
- Getuienisbediening:
- ‘n Kort oorsig van die naweek se “’n Seisoen van Konflik, ‘n Seisoen van geleenthede” ontbyt.
- Bybelstudiereekse:
- ‘Skep asem vir vandag’ is ‘n heerlike positiewe begin vir elke dag.
- Die Weeklikse: Stof tot nadenke se tema is: “Genadegawes”.
- Die weeklikse Afkondigings,asook Lief en Leed is op die webtuiste indien u wil seker maak van enigiets.
Ons dank u vir u volgehoue bydrae en ondersteuning van die werk van die Here.
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Epos Kontak
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Skep asem vir vandag: 30 Junie 2025
30 Junie
Liewe ….
My wens is dat jy gelukkig sal wees. Gister het jy gehoor dat dit belangrik is om die regte keuses te maak. Ek bid dat jy jou sonde opreg voor die Here en ander mense sal bely. Hier is ‘n boodskap uit die Woord vir jou.
Tema: Valse belydenisse
Teks:“ Ek het verkeerd gedoen teen julle God, die Here, en teen julle…” (Eks 10:16)
- Dit gebeur dikwels dat wanneer jy in die nood is, jy ‘n belydenis doen net om uit die moeilikheid te kom.
- Die regte hartseer, die soort wat Hy vra, bring jou egter by God uit (2 Kor 7:10).
- Dit bring jou by die ware lewe uit en daaroor was niemand nog ooit spyt nie (2 Kor 7:10).
- As jy aan die ander kant net oor jouself hartseer is, en nie ook jou probleme na God neem nie, mis jy die betekenis van belydenis (2 Kor 7:10).
- Dan is jy met jou trane en al op pad na die doderyk toe (2 Kor 7:10).
- Wanneer jy bely, bely omdat jy God seer gemaak het. Dit is wat die genadige God van jou vra.
- Wees nou vry!
Gebed
Liewe Vader, baie dankie dat ek opreg my sonde voor U kan bely.
Amen.
© NG Kerk Lynnwoodrif – word gebruik met toestemming.
Stof tot nadenke: Hoe lees ons die Bybel?
“Die saad wat egter op die goeie grond gesaai is, dit is hy wat hierdie woord hoor en begryp.“
Matt. 13: 23
In die geesteswetenskappe is daar allerlei teorie oor die verstaan en verklaar van die Bybel. Daar word geredeneer dat ons nie regtig objektief teenoor enigiets in die lewe kan staan nie. Dat dit wat ons raak lees of hoor in ons eie gemoed verwerk word om by ons ervarings te pas. Ons verklaar dinge uit ons eie perspektief. Die vraag ontstaan of dit nie dalk juis die manier is wat God met ons praat nie? Want daar kan antwoorde in ons lewe wees, wat alleen van God af kom. Hoe weet ons dus of dit wat ons hoor wel van God af kom?
Lees meer “Stof tot nadenke: Hoe lees ons die Bybel?”Skep asem vir vandag: 29 Junie 2025
29 Junie
Liewe ….
Ek hoop dat jy vandag vrede en rustigheid sal ervaar. Jy weet nou dat jy ‘n persoonlike verhouding met God moet hê. My gebed is dat jy God as die Een wat regverdig is, sal leer ken. Hier is Sy Woord vir jou.
Tema: Kies reg
Teks:“Die Here sal onderskeid maak tussen die vee van Israel en die van Egipte… “(Eks. 9:4)
- Dikwels kies ons verkeerd. Verkeerde keuses het slegte dinge tot gevolg: vir jou, vir ander mense, vir diere en selfs vir die natuur of skepping.
- Dikwels kies ons reg. Goeie keuses het goeie gevolge : vir jou, vir ander mense, vir diere en selfs vir die natuur of skepping.
- As jy die pad van die Here kies, stap jy die pad na die lewe toe (Ps. 119:30).
- ‘n Wyse mens kies sy woorde reg en is stadig voor hy praat (Spr. 16:21, 23).
- Kies wat jy wil doen: Kies geluk en lewe of kies straf en dood (Deut. 30:19).
- Wanneer jy die lewe en geluk kies sal jy voorspoedig wees, geluk ervaar en vreugde beleef (Deut. 30:19).
- Kies lewe! Wees gelukkig!
Gebed
Liewe Vader, baie dankie dat ek deur U Gees reg kan kies.
In Jesus se Naam.
Amen.
© NG Kerk Lynnwoodrif – word gebruik met toestemming.
Erediens: Laat dit Skyn! Sondag 29 Junie 2025 Ds. Charné Viljoen. 2 Korintiërs 3: 1-11 NG Kerk Groot-Brakrivier
Prediker: Ds. Charné Viljoen
Skriflesing: 2 Korintiërs 3: 1-11
Tema: Laat dit skyn!
Datum: 29 Junie 2025
Lees meer “Erediens: Laat dit Skyn! Sondag 29 Junie 2025 Ds. Charné Viljoen. 2 Korintiërs 3: 1-11 NG Kerk Groot-Brakrivier”Nuusflitse Week 27+ van 2025
Sondag 29 Junie 2025 : Doop. Erediens om 10:00 GEEN Kategese. Doop ouers: Ruan & ds Charné Viljoen (seuntjie – Sion Viljoen
Woensdag 2 Julie 2025 – GEEN Kooroefening nie.
Woensdag 2 Julie 2025 : Klub 50 Bingo – 10:00
Woensdag 9 Julie 2025: Ondersteuningsgroep 60+ bederf 10:00
Sondag 6 Julie 2025 : Erediens 10:00 GEEN Kategese.
Wolwedans boodskap, sop en brood: 9 & 23 Julie, 6 & 20 Augustus, 3 & 17 September
Lief en Leed Week 27 van 2025
Sterftes 2025 
.
Sterftes 2025:
Dit is met leedwese dat ons kennis neem van die afsterwe van:
21 Junie – Matthys Johannes Engelbrecht: Wyk 01
22 Junie – Hannes van Eeden: Wyk 14 Ons innige meegevoel aan hul familie & vriende.
Ons enige meegevoel aan hul familie en vriende.
Verjaarsdae
Afkondigings 29 Junie 2025 – 6 Julie 2025 NG Kerk Groot-Brakrivier
Sondag 29 Junie 2025 :
- Baie welkom by die erediens gelei deur ds Charné Viljoen en ’n spesiale verwelkoming aan die familie en vriende van die doop ouers: Ruan & ds Charné Viljoen (seuntjie – Sion Viljoen).
- Ons skriflesing kom vanoggend uit 2 Korintiërs 3:1-11.
- Die tema van die prediking is: Laat dit skyn.
- GEEN Kategese.
- Spesiale offer vir Jan Kriel-Instituut (Kuilsrivier) by die deure.
- Tee sal bedien word in die kerksaal na afloop van die erediens. Almal is welkom.
- Groenkloof preek om 10:00 – Digitaal.
Woensdag 2 Julie 2025 :
Lees meer “Afkondigings 29 Junie 2025 – 6 Julie 2025 NG Kerk Groot-Brakrivier”Skep asem vir vandag: 28 Junie 2025
28 Junie
Liewe ….
My wens vir jou is dat jy vandag gelukkig sal wees. My wens is dat jy ‘n goeie dag sal beleef. Gister het jy gehoor dat jy nie moed moet opgee as jy teenstand kry nie, want dit kom. Ek bid dat jy die onverstaanbare God daarom persoonlik sal leer ken. Ontvang Sy spesiale Woord vandag.
Tema: Ken God persoonlik
Teks:“’Ek is wat Ek is’… ‘ Ek is’ het my na julle toe gestuur” (Eks 3:14)
- “Ek is wat Ek is” of “Ek wat is” is God se persoonlike naam. Jy kan God nou ook persoonlik op die naam ken.
- Hy stel in jou belang. Hy wil die persoonlike verhouding tussen jou en Hom laat groei.
- Hy help jou. Hy gee vir jou om. Hy omarm jou. Hy gee warmte en liefde aan jou.
- Hy bevry jou. Hy verlos jou. Hy red jou. Hy gee jou ook dié ewige lewe.
- Buiten Hom is daar geen Helper en Redder nie.
Gebed
Liewe Vader, dankie dat ek “Ek is wat Ek is” persoonlik as my liefdevolle Redder kan ken.
In Jesus se Naam.
Amen.
© NG Kerk Lynnwoodrif – word gebruik met toestemming.
Skep asem vir vandag: 27 Junie 2025
27 Junie
Liewe ….
Mag dit met jou geestelik, fisies en emosioneel goed gaan. Jy weet nou reeds dat jou omstandighede vandag jou vir jou toekoms voorberei. Hier is God se Woord vir jou.
Tema: Soms wag daar teenstand en uitdagings
Teks:“… Maar Ek sal hom hardkoppig maak, en hy sal die volk nie laat gaan nie. ” (Eks 4:21)
- Jou lewe is nie altyd net maanskyn en rose nie – daar wag soms ook moeilike tye, teenstand en uitdagings op jou.
- Wanneer dit so gaan, verloor jy soms perspektief op die lewe en dink dat alles sleg is.
- Tog, God hou Sy Woord en daarom sal Hy altyd vir jou sorg.
- Wanneer jy om hulp vra, sal Hy jou help en in enige krisis bystaan (Ps. 91:15).
- Moenie moed opgee nie. Gryp die dag en leef met hoop.
Gebed
Liewe Vader, baie dankie dat U uitdagings gebruik om my te leer sodat dit oorwinnings kan word.
In Jesus se Naam.
Amen.
© NG Kerk Lynnwoodrif – word gebruik met toestemming.