Jesus vir my, Jesus vir ons, Jesus vir almal.
Nuusbriewe uit Japan
Beste Ondersteuner,
“Gaan jou hele gesin saam?”, vra die student my nou die dag verbaas toe ek vertel van ons beoogde besoek aan Suid-Afrika in 2024. Vir hom—wat in sy 50’s by KRTS kom studeer het, sonder sy gesin vir ‘n volle 4 jaar—is dit nie ‘n gegewe (soos vir ons Westerlinge) dat ek nie alleen vir ‘n paar maande die groot uittog sal aanpak nie …
Lees meer “Missie Japan: Besoek Suid Afrika”
Beste Ondersteuner,
“Wanneer is die beste tyd om Japan te besoek?”, vra jy dalk. Beslis nie in die somer nie! Japannese somers is soos ’n wet sauna – vir 24 uur wurg jy met ’n sopnat kombers om jou. In die middel van die somer is jou energie en jou emosies in flarde. En wat ookal oorbly van jou word deur sonbesies se konstante skreeuery deurboor.
Lees meer “Missie Japan: Opwindende ワクワク SOMER”
ELKEEN TEL!
inspirasie uit ‘n onverwagse hoek
Beste Ondersteuner,
Groete uit Kobe, waar die bedompige reënseisoen se einde plekmaak vir versengende hitte. Ons jaarlikse somer vakansie breek binnekort aan, daarom net ‘n paar opsommende nuusbrokkies oor ons onlangse doen en late.
Lees meer “Missie Japan: ELKEEN TEL! inspirasie uit ‘n onverwagse hoek”
PINKSTER GETUIENIS
DIE HEILIGE GEES WAAI WAAR HY WIL
Beste Ondersteuner
Die jaar 2000 het—vir my—nie net die nuwe millennium ingelui nie. Dit was ook ‘n jaar van beslissende verdieping in my lewensreis oppad met God. Ek was voor ‘n kruispad as vyfde-jaar teologie student. Gaan ek voltyds die kerklike bediening afdraai vat, professioneel probeer rugby speel, óf was daar ‘n ander, derde weg?
Lees meer “Pinkster-Getuienis vanaf Missie Japan”
Beste Ondersteuner,
Pinkster lê voor ons, en ek vertrou daar lê ‘n genotvolle langnaweek agter jou!?
By ons in Japan, terwyl die pienk-pers en wit Tsutsuji (Azalea) blom en die rysboere gereed maak om neon-groen rysplantjies te plant, lig ek net ‘n paar hoogtepunte uit van die afgelope ses weke.
Lees meer “Missie Japan: Veelkleurige momente uit ons lewe en leer”
Tobie en Annalie de Wet se uitstuurdiens by Swellendam Moederkerk, gelei deur leraars (Gawie Gouws en Lounette Engelbrecht) en die gemeente se getuienis leiers Beste Ondersteuner, Tyd vlieg. Lydenstyd is alweer halfpad verby. Hoe draai die seisoen waar jy jou bevind?Daar’s baie aan die gebeur, op klein en groot skaal by ons. Hierdie nuusflits vat — nes onsself die afgelope tyd — net hier en daar grond, met ‘n paar onlangse gebeure vir jou aandag. Dis uiteenlopend, en bietjie langer as gewoonlik (jammer!), maar dankie dat ons kan vra jy dalk end-uit sal lees, meeleef en saam bid en ondersteun.
Lees meer “Missie Japan Nuusbrief vir Maart 2023”
Goeie dag liewe vriende.
Graag deel ons nuus oor die afgelope paar weke se bedrywighede.
Ons is weer volstoom besig met besoeke aan gemeentes. Ons het Clarens, Frankfort, Volksrust en Bethal onlangs besoek. Dit was geseënde geleenthede by elke gemeente. Ons het ‘n wêreldsending kinderboodskap aangebied by Volksrust. Ons het ook vir die mediese ondersoek gegaan wat OMF vereis. Ons moet nou heelwat inentings ontvang. Die mediese goedkeuringsproses is baie volledig, so daar is nog heelwat toetse wat gedoen moet word voordat dit voltooi is.
Lees meer “Sendingnuus: Japan – Elmar en Nadine du Randt van OMF”
Beste Ondersteuner
Hoe het 2023 aan jou kant begin?
Ons is terug op spoed sedert die eerste week van Januarie. Meeste van ons gesin moes onlangs deur ‘n griep episode werk, maar andersins loop dinge sover goed.
Omdat ons weet hoeveel energie die wegspring van ‘n nuwe jaar vereis, wil ons jou nie vermoei met te veel inligting nie, maar deel ons eerder net foto’s met byskrifte van wat die afgelope maand gebeur het. Deur gasvryheid, prediking en vele geleenthede het ons die vreugde van Christus se koms gedeel. Wat ‘n voorreg!
VIDEO VERTEL DIE VERHAAL
Beste Ondersteuner,
Bemoedigend. Versterkend. En veel meer!
Só was die pas afgelope, amptelike besoek van Missie Japan se leiers – dr Nico Mostert en ds Johann Winterbach – aan Japan. Ons het die hoogste waardering vir hulle omgee en heelhartige betrokkenheid, en vir al die kilometers wat hulle moes aflê tot hier asook tydens hulle veelvuldige ontmoetings regoor die land.
こんにちは😁 Konnichiwa, Goeie dag. Ons hoop dit gaan goed met jou. Dit gaan goed met ons gesinnetjie. Leah is alreeds 2 maande oud ☺️. Hierdie maand sing ons saam met mede sendelinge by Kerssangdienste tydens eredienste by 3 gemeentes. Ons sal ‘n Japanese kerslied sing. Vroeg Desember het ons ‘n kursus saam met OMF, waarin ons saam ander sendelinge wat ook oppad na Japan gaan vergader. Ons sien uit om weer gemeentes te begin besoek. Ons sal graag by huidige ondersteunende gemeentes wil uit kom sodat ons, ons sendeling kindjie (Leah) aan almal kan voorstel. Alhoewel ons ook nuwe gemeentes moet probeer besoek. Baie dankie dat jy vir ons bid en ons roeping na Japan ondersteun. ありがとうございます (Baie dankie).
Lees meer “Elmar en Nadine Durandt – こんにちは😁 Konnichiwa, Goeie dag 15 November 2022”
Voet in die hoek! Dis hoe dit hier gegaan het die afgelope maand of twee. Die hekke is nou weer wawyd oop in Japan, ná die 7e vlaag van Corona verby is. Alhoewel alle maskers nog nie die trekpas gekry het nie, is daar beslis meer interaksies en ontmoetings.
Ons is veral dankbaar dat ‘n onlangse jeugbyeenkoms (met ‘n braai ingesluit) en verskeie kampe regtig goed verloop het, in groot getalle. Dit het vir heelwat nie-Christene) ‘n kans gegee om die evangelie te hoor, en verál vir Carina geleentheid gebring om haar getuienis en ervaringe te deel (sien foto, méér in video hierby). Ons is bemoedig en aangespoor. Intussen het Carina heelwat ander aanbiedings en werk as deel van RCJ Kita Kobe gemeente.
TWEE MINUUT VIDEO van ons verlof by die vakansie-oord vir sendelinge in Japan, genaamd Takayama (wat reeds sedert 1888 bestaan).
** FOR ENGLISH ** JUST SCROLL DOWN **
Beste Ondersteuner,
Lewe lank genoeg in Japan en bloot natuurlik absorbeer jy die Japannese kultuur van verslaggewing en dokumentasie, dus hier volg ons vakansie ‘verslag’.
DIE KANS !?
KLIEK HIER OM NA HIERDIE NUUSFLITS TE LUISTER
CLICK HERE TO READ AND/OR LISTEN TO
THIS NEWSLETTER IN ENGLISH Beste Ondersteuner
Dis orals in Japan. Groot, onooglike konstruksies met Engelse name wat lekker rol op die tong. Pachinko’s. “Pachin” is die klank wat die dobbelmasjiene maak en “ko” is ‘n verkleinwoord daarby.
Konnichiwa Nuusbrief
こんにちは “Dit is nie geluk wat ons dankbaar maak nie, dit is dankbaarheid wat ons gelukkig maak”.
Liewe ondersteuner,
dis met groot dankbaarheid dat ons hierdie nuusbrief aan u skryf. Ons is dankbaar vir die Here se onverdiende genade, voorsiening en omgee oor ons lewens. Ons is dankbaar vir elke oop deur en oop hart wat net die Here kon bewerk het. Ons is dankbaar vir ‘n gesonde baba-dogtertjie wat groei, vir elke kerk wat hulle erediens vir ons beskikbaarstel en ons is dankbaar vir elkeen van u.
Beste Ondersteuner
Verwondering. As dit verdwyn is die lewe – en ook ons geloofslewe voor God – kleurloos en krimpend. Die afgelope tyd word ek pal daaraan herinner deur ervaringe en boodskappe wat my pad kruis. Die goue draad deur alles: wees oop vir die verrassende werk van die Gees!
Carina vertel meer
Carina van der Watt is die op-en-wakker vrou aan die sy van dr Stephan van der Watt, predikant en dosent in pastoraat aan die Kobe Reformed Theological Seminary.
Vrypos wou meer weet oor haarself, hul bediening en hul lewe in Japan sedert hul gesin in 2009 daar begin werk het
Konnichiwa Nuusbrief
こんにちは Liewe ondersteuner,Soos ons paasfees gevier het, was ons net weerens herrinner aan die kosbare kruis van Jesus. Die boodskap van die kruis wek ‘n dieper verlange om weer terug te keer na Japan in ons harte op. Na amper drie jaar wat ons in Japan gewoon het, is ons meer as ooit oortuig van ons roeping asook die dringendheid van arbeiders op die sendingveld. Ons is gereeld in kontak met mede-sendelinge wat in Japan woon. Dit maak ons opgewonde om te hoor van al die werk wat die Here besig is om in Japan te doen. Sendelinge het nuwe en kreatiewe bedienings waardeur hulle Japanese mense uitnooi om Jesus te leer ken as hulle Heiland. In die konteks van Japan is dit uiters belangrik om op kreatiewe maniere evangelisasie werk te doen aangesien die meerderheid van Japannese mense selde of selfs nooit die ingang van ‘n kerk betree nie.
Beste Ondersteuner
So ‘n vae gevoel van ontevredenheid … wat laag-laag lê. Dit krap hier, en skaaf daar… jy probeer dit peil en die bron daarvan vind. Jy probeer dit weg “entertain”… maar dit kruip altyd weer terug.
Ontevrede … onvergenoegd. Maak nie saak wat die bron daarvan is nie … dit gebeur meestal omdat ons op onsself fokus. Ek fokus op wat EK ontvang. Die produk van MY werk – wat EK vermag het. Of die terugvoer wat EK kry nadat ek baie tyd en moeite in iets ingesit het. En wanneer die uitset skraal blyk te wees en wanneer die terugvoer meestal afwesig is, of ek nie ontvang wat ek dink ek behoort te ontvang nie, dan is ek ontevrede en onvergenoegd.
Beste Ondersteuner,
Lente-groete uit Kobe! Net ‘n paar gedagtes van hier voor jy die Paasweek ingaan.
Die RCJ (Reformed Church in Japan) Westelike Ring se 34 gemeentes vergader vandag, in Groot Lydensweek. Baie verhale en gebeure word gedeel. ‘n Jong nuwe leraar is aangestel by ‘n gemeente wat vier jaar lank moes wag om hom te kon beroep. ‘n Ander gemeente getuig van hulle pyn en worsteling na hul predikant se bediening gestop moes word omdat hy internet preke misbruik het. In sy plek kom ‘n nuwe leraar wat self deur erge swaarkry is a.g.v. (verbale/emosionele) magsmisbruik in sy vorige gemeente.