Kategorie: Stof tot nadenke

Gepubliseer op

Stof tot nadenke: ‘Betrokkenheid!’

“Wie beweer dat hy in Hom bly, behoort self ook te lewe soos Jesus gelewe het.“

1 Joh. 2: 6

Hoe en waar is ons betrokke? Hoe leef ons ons betrokkenheid in die gemeenskap uit? Hoe wys ons vir die wêreld dat ons Christene is? Of is dit maar moeilik vir die mense om ons, om te weet dat ons vir Jesus ken, en graag soos Hy wil wees? Volgens Nina Smit is dit eers wanneer jy iets betekenisvol vir iemand anders doen, daar waar jy ook hulle probleme kan raaksien en daarby betrokke raak, dat jou eie lewe verryk word. Dit is gewoonlik jy wat baie meer verryk word as die persoon wat jy help. Dis hier waar die hemel naby aan ons kom.

Lees meer “Stof tot nadenke: ‘Betrokkenheid!’”
Gepubliseer op

Stof tot nadenke: “Verganklikheid van die mens…”

stof tot nadenke Verganklikheid

“Ek wil weet hoe verganklik ek is.“

Ps. 39: 5

Ons hardloop deur die lewe, van kinderdae tot in die ouderdom, sonder baie gedagte aan hoe verganklik ons is. DIs eers wanneer ons met die dood gekonfronteer word, op welke manier ook al, wat dit mens laat besef hoe verganklik ons as mens is. Vir my was die dood van my pa op 24-jarige ouderdom ‘n skok, maar dit was eers jare later toe ‘n werksvriend, wat toe pas getroud was, en mateloos gelukkig was, oorlede is wat dit ‘n baie traumatiese ervaring was. Hy moes vir werk Suid-Amerika toe gaan, en met die uitry uit die lughawe perseel is hy opslag gedood in ’n motorongeluk, saam met ‘n ewe jong mede werker. Hulle dood, in die fleur van hulle jare, het my totaal en al omgegooi.

Lees meer “Stof tot nadenke: “Verganklikheid van die mens…””
Gepubliseer op

Stof tot nadenke: Beproewings…

Beproewings

“Almal sal met die vuur van beproewing gelouter word.”

Mark. 9: 49

Soms wonder mens hoekom ons as mense dink dat ons enige beproewings sal vryspring? Elkeen van ons word deur ons lewe blootgestel aan ‘n verskeidenheid van beproewings. Dit is iets wat reeds vroeg in mens se lewe kan gebeur, of heelwat later. Een van die groot beproewings van ons tyd, is om aan kanker of een of ander ongeneeslike siekte of onverwagte dood blootgestel te word. Daar is sekerlik bitter min mense wat nie een of ander direkte kontak of verlies gehad het van ‘n geliefde, ouer, vriend, vriendin, broer of suster wat deur erge beproewing moes gaan en heel dikwels die geveg teen die groot K of ongeneeslike siekte verloor het. In ons gemeente was ons die laaste maand blootgestel aan die verlies van verskeie mense, wat baie geliefd was. Omdat ons dit nie altyd verstaan nie, hou dit vir ons ‘n sekere vrees of angs in! Ek kan onthou hoe my Pa eenmaal sy vakansie moes kortknip as gevolg van ‘n gemeentelid se dood aan kanker. Dit het my destyds regtig beangs gelaat. Nie baie jare daarna nie, moes ek my Pa aan die groot K afgee; en dit nadat hy 6 weke gegee is om nog te leef…omtrent tot op die dag.

Lees meer “Stof tot nadenke: Beproewings…”
Gepubliseer op

Stof tot nadenke: Hoe lees ons die Bybel?

Hoe lees ons die Bybel

“Die saad wat egter op die goeie grond gesaai is, dit is hy wat hierdie woord hoor en begryp.“

Matt. 13: 23

In die geesteswetenskappe is daar allerlei teorie oor die verstaan en verklaar van die Bybel. Daar word geredeneer dat ons nie regtig objektief teenoor enigiets in die lewe kan staan nie. Dat dit wat ons raak lees of hoor in ons eie gemoed verwerk word om by ons ervarings te pas. Ons verklaar dinge uit ons eie perspektief. Die vraag ontstaan of dit nie dalk juis die manier is wat God met ons praat nie? Want daar kan antwoorde in ons lewe wees, wat alleen van God af kom. Hoe weet ons dus of dit wat ons hoor wel van God af kom?

Lees meer “Stof tot nadenke: Hoe lees ons die Bybel?”
Gepubliseer op

Stof tot nadenke: Waarheid

Waarheid

“Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie”.“

Joh. 14: 6

Daar word so dikwels met die waarheid gedobbel. Ons dink so dikwels dat ‘n witleuentjie nie so erg is as ‘n ernstige onwaarheid nie. Ons pas dus die waarheid so dikwels aan soos dit ons pas; maar ons moet besef dat ‘n gedeeltelike waarheid, niks anders as ‘n volbloed leuen is nie! Ons moet dus die waarheid dien deur volkome eerlik te wees. Ons moet bereid wees om verantwoordelikheid te aanvaar vir enige besluit, en ook die moontlike nagevolge daarvan, sonder dat dit nodig is dat ons enigsins leuens gebruik om aan gevolge te ontduik. Dit is vir ons as mens nie altyd so maklik nie, maar Christus het vir ons kom lei in die waarheid.

“Hulle kom toe en sê vir Hom:”Meester, ons weet dat u opreg is en u aan niemand steur nie, want u neem nie die aansien van persone in aanmerking nie, maar onderrig die weg van God waarheidsgetrou.” (Mark. 12: 14); “U sê dat Ek ‘n koning is. Hiervoor is Ek gebore en hiervoor het Ek na die wêreld gekom: om oor die waarheid te getuig. Elkeen wie se bestaan in die waarheid gegrond is, luister na My stem.” (Joh. 18: 37)

Jy kan sê dat dit vir ons onmoontlik is as sondige mense, maar is dit? Dit is ‘n behoefte van die Vader dat ons in gees en waarheid sal aanbid! Dit is die waarheid wat ons vrymaak; in alle opsigte. Want wanneer mens begin om onwaarhede in jou lewe toe te laat, hou dit jou gevange.

“En die Woord het vlees geword en onder ons kom woon, en ons het sy heerlikheid aanskou, ‘n heerlikheid soos dié van die unieke Seun van die Vader – vol genade en waarheid.” (Joh. 1: 14); “Daar kom ‘n tyd en dit is nou, dat die ware aanbidders die Vader in gees en waarheid sal aanbid, want die Vader wil juis sulke aanbidders hê. God is Gees, en wie Hom aanbid, moet in gees en waarheid aanbid.” (Joh 4: 23- 24); “…en julle sal die waarheid ken, en die waarheid sal julle vry maak.” (Joh. 8: 32)

Dit is nie vir ons moontlik om te alle tye in beheer van die waarheid te wees sonder die leiding van die Heilige Gees nie. Dit is wanneer ons, ons afhanklikheid van die Vader, die Seun en die Heilige Gees besef, dat die Heilige Gees ons in die waarheid lei, en mens laat besef dat die vermoë om volkome in die waarheid te leef, alleen van Hom af kom. Dit is daardie volkome oorgawe wat ons bevry van onwaarhede, sodat ons in opregtheid en waarheid kan leef.

“Maar wanneer Hy kom, die Gees van die waarheid, sal Hy julle in die volle waarheid lei; want Hy sal nie uit Homself praat nie, maar Hy sal net sê wat Hy hoor, en Hy sal die toekomstige dinge aan julle bekend maak.” (Joh. 16: 13); “Laat ons daarom feesvier, nie met ou suurdeeg, die suurdeeg van kwaad en boosheid nie, maar met die ongesuurde brood van opregtheid en waarheid.” (1 Kor. 5: 8); “In Hom is julle, toe julle die woord van waarheid, die evangelie van julle verlossing, gehoor en tot geloof gekom het, verseël met die Heilige Gees, wat beloof is.” (Ef. 1: 13)

Laat ons die wapenrusting van geloof en waarheid aangord, en in bevryding die waarheid beleef. Want dit is dan dat ons in waarheid teenoor ons naaste kan leef. Laat ons ons oorgee sodat almal die waarheid deur ons leefwyse kan raaksien en beleef. Dan sal ons met vreugde en in vrymoedigheid voor God kan staan, wanneer ons dag aanbreek vir die groot ontmoeting.

“Daarom, vermy die leuen, en praat ellkeen die waarheid met sy naaste, want ons is lede van een liggaam.” (Ef. 4: 25); “Staan dan vas, deur julle heupe te omgord met die waarheid, julle te bedek met die borsplaat van geregtigheid,…” (Ef. 6: 14); “Lê jou daarop toe om jou voor God te stel as iemand wat die toets deurstaan het, as ‘n arbeider wat hom nie hoef te skaam nie, wat met die woord van die waarheid die reguit pad aandui.” (2 Tim. 2: 15); “Kinders, ons moenie net met woorde, met die tong, liefhê nie, maar met die daad, in waarheid. En hieraan sal ons weet dat ons uit die waarheid kom, en met ‘n geruste gewete voor God kan staan: Wanneer ons gewete ons veroordeel, God is groter as ons gewete en Hy weet alles. Geliefdes as ons gewete ons nie veroordeel nie, kan ons met vrymoedigheid voor God staan.” (1 Joh. 3: 18 – 21)

Gepubliseer op

Stof tot nadenke: “Die koninkryk van die hemele”

Koninkryk van die hemele

“Nie elkeen wat vir My sê: ‘Here, Here,’ sal ingaan in die koninkryk van die hemele nie, maar net diegene wat die wil doen van my Vader in die hemele.”

Matt. 7: 21

Ons is nou, na Pinkster, in die Koninkrykstyd op die kerk kalender. Wat beteken dit vir ons? Waarvan praat die Bybel wanneer daar na die koninkryk van die hemele verwys word? Waarvoor is ons veronderstel om ons in hierdie tyd te beywer? Hoe moet ons hierdie tyd benader? Wanneer ons die Bybel lees, sien ons dat dit net Matteus is wat deurgaans verwys na die koninkryk van die hemele, terwyl Markus en Lukas verwys na die koninkryk van God. Ons besef dat dit die hoof rede was vir Jesus Christus se koms na die aarde, sodat ons van ons sondes verlos kan word; en dit tot eer en verheerliking van God se koninkryk!

Lees meer “Stof tot nadenke: “Die koninkryk van die hemele””
Gepubliseer op

Stof tot nadenke: Ontvanklik?

Ontvanklik

“As broers moet julle mekaar altyd liefhê. Moenie nalaat om gasvry te wees nie, want deur gasvry te wees, het sommige mense sonder dat hulle dit geweet het, engele as gaste gehuisves. Dink aan die gevangenes asof julle self ook gevangenes is, en aan dié wat mishandel word, asof julle self ook mishandel word.“

(Heb. 13: 1-3)

Vandag is die tema ‘ontvanklik? ’. Die begrip van ontvanklik word gedefinieer as die manier om iets met openheid, oplettendheid of gewillheid te ontvang, of te aanvaar. Wanneer ons ontvanklik is gee ons aandag aan die behoeftes van ander. Ons luister en kyk met empatie en begrip na ‘n ander se lewe. Dis om te probeeer verstaan hoe dit is om in die skoene van ‘n ander te staan. Dit is nie altyd vir ons maklik om so na ander te kyk nie. Ons is so gewoond aan ons manier van dinge doen; ons is so gewoond aan dinge wat by ons uitkyk inpas, dat ons dikwels nie die emosionele toestand en behoefte van ‘n ander raak sien nie. Wanneer ons lewe sonder uitermate rukke en stote gegaan het, besef ons nie altyd hoe ‘n ander getref kan word, en emosioneel afgebreek kan wees nie.

Tog wys Christus ons daarop om bedag te wees op die behoefte van ander, want in hoedanig ons goed was vir ander, het ons dit vir Christus gedoen!

“Want Ek was honger, en julle het vir My iets te ete gegee; Ek was dors, en julle het vir My iets te drinke gegee; Ek was ‘n vreemdeling, en julle het My as ‘n gas verwelkom; Ek was nakend, en julle het My geklee; Ek was siek, en julle het My versorg; Ek was in die tronk, en julle het My besoek.” (Matt. 25: 35-36);
“Aristargus, my medegevangene, stuur groete vir julle, en ook Markus, Barnabas se neef. Oor hom het julle reeds opdragte ontvang – wanneer hy by julle kom, verwelkom hom.” (Kol. 4: 10)

Menige mense het oor gasvryheid en om ontvanklik vir ander se behoefte te wees gedink en hier is ook enkele aanhalings wat gasvryheid en die implikasies daarvan op ons lewe so goed beskryf, en ek glo, wat ook weerkaats wat Jesus Christus van ons sou verwag. Om ontvanklik te wees om situasies wat anders is as waaraan ons gewoond is te hanteer, is dikwels moeilik, maar kan ongelooflik verrykend wees vir elkeen wat die waagmoed het om in onbekende waters in te beweeg. Ons mense bestaan gaan nie net oor onsself nie, maar oor wat elkeen deur die leiding van die Heilige Gees vir ander mense kan beteken. Ons moet besef dat ons onlosmaaklik aan mekaar verbind is vir ‘n rede; om mekaar te dien soos wat Jesus Christus so wonderlik vir ons kom demonstreer het. Hy was ingestel op die behoefte van ander in nood, en het hulle innig lief gehad.

“Wanneer ons hart vol is van onsself, bly daar geen ruimte meer oor om ander gasvry te ontvang nie.” (Vader Deschacht); “Dis die diepste sin van gasvryheid: dat die een mens aan die ander ‘n rusplek verleen op sy groot tog na die ewige huis.” (Romano Guardini); “Gasvryheid gaan nie net oor ander mense nie, maar oor die vermoë om ‘n stukkie van jouself te kan weggee. Gasvryheid is ‘n konkrete manier waarmee jy die genade en goedheid wat jy van God ontvang het, kan aangee.” (Braam Hanekom); “Ons is deur ontelbare bande met mekaar verbind. Ek het ander nodig nie net omdat hulle soveel vir my kan doen nie, maar ook omdat ek soveel vir hulle kan beteken. Ek het oë en ore om ander te ontdek, voete om na hulle te gaan, hande om te gee en te help en ‘n hart om lief te hê.” (Phil Bosmans)

Jesus het besef dat dit nie vir ons maklik sal wees nie, en het dit vir ons duidelik kom sê, dat ons onsself sal verloor! Maar met watter onbeskryflike genade reddingsprys. Ons moet mekaar, en almal om ons liefhê! Dis slegs in innige liefde en deur leiding van die Heilige Gees, wat die omgee vir ‘n ander jou in staat stel om jouself te verloën, en elke dag die kruis op te neem. Laat ons elke dag die genade gawe van die Vader, die Seun en die Heilige Gees in gebed vra, sodat ons die vermoë kan ontwikkel om ontvanklik te wees vir mense wat anders is, en met empatie die nood van ander raak te sien en te verlig; en dit elke dag deel van ons lewe te maak.

“In al hulle nood was ook Hy in die nood. Die Engel van sy teenwoordigheid het hulle verlos. In sy liefde en medelye was dit Hy wat hulle vrygekoop het. Hy het hulle opgetel en hulle gedra, al die jare van lank gelede af.” (Jes. 63: 9);
“Toe het Hy vir almal gesê: “ As iemand My wil navolg, moet hy homself verloën, en elke dag sy kruis opneem en My volg; want wie sy lewe wil red, sal dit verloor, maar wie sy lewe ter wille van My verloor, sal dit red. Want wat help dit ‘n mens as hy die hele wêreld as wins bekom, maar homself verloor of skade aangedoen het?” (Luk. 9: 23-25);
“Bo alles moet julle mekaar innig liefhê, omdat die liefde ‘n menigte sondes bedek”. Wees gasvry teenoor mekaar, sonder om te mor.” (1 Pet 4: 8-9)

Gepubliseer op

Stof tot nadenke: Die Heilig Gees!

Stof tot nadenke - Die heilige Gees

“Deur Christus het ook julle deel geword van die volk van God toe julle die waarheid wat aan julle verkondig is, die evangelie van julle verlossing, gehoor en tot geloof gekom het. In Christus het die Heilige Gees wat deur God belowe is, as die eiendom van God beseël.”

Eff. 1: 13

In hierdie Pinkstertyd, word ons weereens bewus van die aandeel van die Heilige Gees in God se werk. Jesus Christus wat nie net met water gedoop was nie, maar ook met die Heilige Gees gedoop is, in die teenwoordigheid van God self. Christus self het ons attent gemaak op hoe belangrik die Heilige Gees is. Johannes Calvyn het dit ook mooi verwoord: “As ons die Heilige Gees van God erken as die fontein van waarheid, sal ons die waarheid nooit verag nie, in watter vorm dit ook al kan voorkom…”

Lees meer “Stof tot nadenke: Die Heilig Gees!”
Gepubliseer op

Stof tot nadenke: Oorvloed

“…Ek het gekom sodat hulle lewe kan hê, en dit in oorvloed.”

Joh. 10: 10

Oorvloed word deur mense dikwels verskillend geïnterpreteer. Sommige dink dit het te doen met rykdom en finansiële gewin, ander met die genietinge van die lewe. In die Ou Testament is dit dikwels verstaan dat oorvloed uit die Here se hand kom; hetsy of dit oorvloed in rykdom is, of die opbrengs van die jaar, of die liefde in jou lewe. Die hele Ps. 65 is ‘n pragtige danklied aan God, uit wie se hand alles ontvang word. In Christus se woorde het Hy gekom sodat ons lewe in oorvloed kan hê! Weereens is almal se persepsie van wat dit beteken verskillend.

Daar is egter ook ander dinge wat in oorvloed uit God se hand kom, naamlik oorvloed in genade, geloof, kennis, vrede, liefde, vrygewigheid en omgee vir ander.

“Soos julle nou van alles oorvloed het, geloof en welsprekendheid en kennis en alle ywer en die liefde, wat deur ons toedoen onder julle is, sorg dat julle ook in hierdie genadewerk oorvloedig is.” (2 Kor. 8: 7);
“…hulle wat uitverkies is volgens die voorkennis van God, die Vader, om deur die heiligmaking van die Gees gehoorsaam te wees, en met die bloed van Jesus Christus besprinkel te word: Mag genade en vrede in oorvloed aan julle geskenk word!” (1 Pet. 1: 2);
“Judas, dienskneg van Jesus Christus, en broer van Jakobus, aan die geroepenes, diegene wat hulle in die liefde van God die Vader bevind, en vir Jesus Christus bewaar is: Mag barmhartigheid, vrede en liefde in oorvloed aan julle gegee word.” (Jud. 1: 2)

‘n Oorvloedige lewe, met diepte en betekenis, kan lekker en heel eenvoudig wees. Soos wanneer ons ontdek dat God ons elkeen in ons uniekheid lief het, net soos ons is. Daar is ook verseker ‘n spesiale doel vir elkeen van ons. Ons moet leer om almal lief te hê, want liefde is iets wat mens moet uitdeel en weggee. Dit gaan nie net oor onsself nie, en dis wonderlik om die vreugde en dankbaarheid te ervaar van mense wat ontvang.

“Julle huidige oorvloed vul hulle tekort aan, sodat hulle oorvloed weer julle tekort aanvul, en dan so ewewig kan wees. Soos daar geskryf staan: “Die een met baie, het nie te veel gehad nie, en die een met net ‘n bietjie, nie te min nie.”” (2 Kor. 8: 14-15);
“So word julle in elke opsig verryk, om in alles vrygewig te wees, en dit loop deur ons bemiddeling uit op danksegging aan God. Want die hulp van hierdie bediening voorsien nie net in die heiliges se behoeftes nie, maar lei ook tot ‘n oorvloed van baie uitinge van danksegging aan God.” (2 Kor 9: 11-12);
“Beveel die rykes in die huidige wêreld om nie hoogmoedig te wees nie, en nie hulle hoop op die onsekerheid van rykdom te vestig nie, maar op God, wat alle dinge in oorvloed aan ons gee om te geniet. Beveel hulle om eerder goed te doen, ryk aan goeie dade, vrygewig en mededeelsaam te wees, om sodoende vir hulleself ‘n skat op te bou as goeie fondament vir die toekoms, sodat hulle die ware lewe kan verkry.” (1 Tim. 6: 17-19);
“’n Gulhartige persoon geniet oorvloed, en wie ‘n ander se dors les, kry self genoeg te drinke.” (Spr. 11: 25)

Hoe vind ons uit wat ons doel hier op aarde is? Ons moet saam met God die pad stap. Dit is Hy wat ons hier gewil het. Dit is Hy wat weet waarheen ons oppad is. Hoe kan ons uitvind wat ons doel is, as ons nie saam met ons Skepper die pad stap, om uit te vind nie. Deur Jesus Christus as jou Verlosser te aanvaar, en die pad van heiligmaking (om nader aan God te leef) en meer soos Jesus Christus te wees, kan ons onder leiding van die Heilige Gees ons doel bereik; in en deur die genade wat God aan ons geskenk het. ‘n Gesindheid van oorvloed maak jou nie gemaksugtig nie, maar laat jou gemaklik, veilig in die hande van God, want waar God ookal gaan is daar oorvloed.

“U kroon die jaar met u goeie gawes. Waar U ook gaan, is daar oorvloed.” (Ps. 65: 12)

Die lewe saam met God, die Vader, Jesus Christus, die Verlosser en die Heilige Gees, die Trooster gee ons ‘n innerlike vrede en onuitspreeklike vreugde. Jesus Christus is die weg en die waarheid en die lewe!

“Die doel was dat dit duidelik sou blyk dat die egtheid van geloof – ‘n egtheid wat baie kosbaarder is as goud, wat verganklik is, maar nogtans met vuur getoets moet word – uitloop op lof en heerlikheid en eer wanneer Jesus Christus geopenbaar word. Hom het julle lief, al het julle Hom nie gesien nie; en al sien julle Hom nie nou nie, glo julle in Hom, en jubel julle met ‘n onuitspreeklike en heerlike blydskap, omdat julle reeds deel het aan die doel van julle geloof…” (1 Pet. 1: 7-9):
“Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie.”” (Joh. 14: 6)

Gepubliseer op

Stof tot nadenke: Lewe met oorgawe

“Daarom sê Ek vir julle, moet julle nie bekommer oor julle lewe, oor wat julle sal eet, of oor wat julle sal drink, of oor julle liggaam, wat julle sal aantrek nie. Is die lewe dan nie belangriker as kos en die liggaam as klere nie? Let op die voëls van die hemel: Hulle saai nie en hulle maai nie, en hulle versamel niks in skure nie. Tog sorg julle hemelse Vader vir hulle. Is julle nie meer werd as hulle nie?”

Matt. 6: 25-26

Hoe kom ons by die punt om in totale oorgawe aan God te leef? Ons is so besig om te beplan, te bespreek, beangs te wees oor die toekoms, om bymekaar te maak, sodat ons genoeg kan hê in ons oudag. Tog het Christus self vir ons daarop gewys hoe sinloos dit alles is. Net soos God vir die insekte, die voëls en alle ander diere sorg, deur middel van die seisoene. Plante groei sonder kunsmis en produseer die saad en vrugte, volgens elke plant se tyd, wat elke dier nodig het om te oorleef. God wys ons elke dag hoe Hy sorg vir die wêreld. Dis nie nodig om ons te bekommer oor die dag van môre nie. Ons kan slegs wik, maar God beskik oor wat op die lewenspad gebeur.

Hierdie oorgawe beteken nie noodwendig dat mens alles wat jy doen met oorgawe doen nie; veral nie as jy dit wat jy doen op eie inisiatief aanpak en alles insit wat jy het nie. Dit moet deur God geïnisieer wees en gedryf deur die leiding van die Heilige Gees. Elke ding wat jy doen moet tot eer van God wees. Ons moet dus elke dag met volle oorgawe aan God leef. In ons woorde; in ons dade; in ons gedagtes, moet elke ding tot eer van God wees. ‘n Anonieme aanhaling stel dit so goed: “My lewe is ‘n melodie van God. Op my eie kan ek slegs klank voortbring, maar as my lewe ten volle aan Hom oorgegee is, sing Hy sy lied deur my – ‘n perfekte melodie.”

“Want wie sy lewe wil red, sal dit verloor, maar wie sy lewe ter wille van My verloor, sal dit vind. Wat sal dit ‘n mens dan baat as hy die hele wêreld as wins bekom, maar sy lewe verloor?” (Matt. 16: 25-26)

Dit is nie altyd so maklik nie. Hoe maklik vorm ons ‘n verkeerde oordeel oor iemand, of iets wat iemand doen? Dit is asof ons net regstaan om fout te vind in wat ander doen of aanpak. Ons ken dikwels nie die agtergrond, of het enige idee van die rede vir ‘n daad van diens van ‘n ander nie. Tog vind ons dit so maklik om daardie splinter in ‘n ander se oog raak te sien. Laat ons mekaar as broers en susters aanvaar as mense wat ook met oorgawe vir Christus wil leef. Want Christus het ons duidelik daarop gewys dat ons nie Sy volgeling kan wees, as ons nie vir Hom liewer het as enigeen waaraan ons kan dink in hierdie wêreld nie.

“Want ook die Seun van die Mens het nie gekom om gedien te word nie, maar om te dien en sy lewe te gee as losprys.” (Mark. 10: 45); “As iemand na My kom en My nie liefhet bo sy vader en moeder en vrou en kinders en broers en susters, ja selfs sy eie lewe nie, kan nie my dissipel wees nie.” (Luk. 14: 26)

Laat elkeen van ons na Jesus Christus kom en deur ons oorgawe word soos die borrelende fontein, wat Christus vir ons kom moontlik maak het. Laat ons die woorde van Christus inneem sodat ons ook deur die Gees kan lewe in die lig. Laat ons ook in verwondering praat oor God, die Vader, die Seun, Jesus Christus, en die Trooster, die Heilige Gees, wat dit vir ons moontlik maak om in oorgawe te kan leef, deur die genade wat hulle ons gegee het. Laat ons saam sing tot eer en verheerliking van al hulle wonder dade elke dag van ons lewe.

“Die water wat Ek hom gee, sal in hom ‘n fontein van water word wat opborrel tot die ewige lewe.” (Joh. 4: 14): “…julle ondersoek die Skrifte, omdat julle dink dat die ewige lewe daarin te vinde is. Maar julle wil nie na My kom, sodat julle lewe kan hê nie.” (Joh. 5: 39-40); “Die woorde wat Ek tot julle gespreek het, is Gees en is lewe.” (Joh. 6:63); “Wie My volg, sal beslis nie in die duisternis leef nie, maar sal die lig van die lewe hê” (Joh. 8: 12); “Sing vir Hom, besing Hom; praat met oorgawe oor al sy wonderwerke.” (1 Kron. 16: 9)

Gepubliseer op

Stof tot nadenke: Keuses

Keuses - stof tot nadenke

“Ek roep vandag die hemel en die aarde as getuies teen julle. Die lewe en die dood, die sëen en die vervloeking, hou ek aan jou voor” Kies dan die lewe, sodat jy kan leef, jy en jou nageslag, deur die Here jou God lief te hê, na sy stem te luister en aan Hom vas te hou. ”

Deut. 30: 19-20

Ons hele lewe is deurspek met keuses wat ons moet maak. Volgens Nina Smit kan ‘Verkeerde keuses jou lewensritme versteur, terwyl die regte keuses jou in harmonie brng met hoe die Here jou gemaak het. Net soos jou verhouding met God jou hele lewe bepaal, word ook jou keuses gebore uit jou eie verhouding met die Here. Omdat jy Hom ken en dien, weet jy baie goed watter keuses jou negatief sal beïnvloed en watter positief.’ Ons het dus ook die keuse om vrylik te besluit watter keuses ons maak. Omdat dit vandag moedersdag is het ek dit goed gedink om ook ‘n paar vroue uit die Bybel uit te lig, wat lewens-omkeerende keuses moes maak.

Maar ons kies dikwels die verkeerde pad, of is selfs dit deur God so gewil? As mens nou dink aan Jakob wat eerstens sy broer se eergeboortereg van hom afgekoop (afgepers?) het. Esau darenteen het nie baie erg gehad aan die eersgeboortereg op daardie stadium nie, want hy was uiters moeg, en honger. Toe Rebekka Jakob aanpraat om sy Pa, Isak, om die bos te lei, het hy besef dat alhoewel sy Pa nie meer goed kan sien nie, hy defnitief die verskil tussen die twee broers sou kon onderskei, as gevolg van hulle fisiese verskille. Hy het dus geweet wat hy doen is verkeerd, maar het tog voort gegaan om die eersgeboortereg van Isak te ontvang. En so het Jakob met bedrog die seën ontvang wat staande sou bly. Maar hy moes vlug vir sy lewe.

”Jakob was besig om ‘n gereg gaar te maak, toe Esau van die veld af kom – hy was uitgeput. Esau sê toe vir Jakob: “Gee vir my asseblief ‘n sluk van die rooi goed, hierdie rooi goed, want ek is uitgeput.” Jakob het geantwoord: “Verkoop eers jou eersgeboortereg aan my,” Toe sê Esau “Kyk, ek is op die punt om dood te gaan; wat is ‘n eersgeboortereg dan vir my werk?” ” (Gen. 25: 29-33); “Jakob sê toe vir sy vader: “EK is Esau, u eersgeborene. Ek het gedoen wat u vir my gesê het. Kom regop, sit en eet van my wildsvleis, sodat u my kan seën.”” (Gen. 27: 19).

Dan is daar die vrou Hanna, Samuel se ma. Wat kinderloos was, en so ‘n groot behoefte gehad het om kinders te hê. Haar man Elkana het nie verstaan hoekom hy nie genoeg vir haar was nie, maar in ‘n moederhart, waarvan die skoot leeg bly, is dit ‘n dringende behoefte. Sy het besluit om vir die Here te bid, en het ‘n eed afgelê dat sy, indien die Here vir haar ‘n seun sal gee, sal sy hom aan die Here teruggee. Die Here verstaan ons pyn hier op aarde en sal mens nie versaak, wanneer jy jou gelofte aan Hom nakom nie, net soos hy met Hanna gedoen het nie. Kan u dit indink om jou kindjie af te gee aan die opvoeding van ‘n ander? Dis verseker ‘n uiters traumatiese ervaring vir ‘n vrou.

”Sy was bitter ongelukkig en het tot die Here gebid terwyl sy onbedaarlik huil. Sy het ‘n gelofte afgelê en gesê: “Here, Heersere oor alle magte, as U tog net die ellende van u slavin raaksien een aan my sal dink en u slavin nie vergeet nie, en as U aan u slavin ‘n manlike nasaat sal gee, dan sal ek hom aan U, Here, teruggee so lank as hy leef.” (1 Sam. 1: 10-11)

As ons ook aan Rut dink, wat die keuse gemaak het om haar skoonmoeder, Naomi, te volg na ‘n land wat sy nie geken het nie. Sy was bereid om hierdie vrou wat ‘n baie goeie skoonmoeder moes gewees het, te volg, en die keuse vir God is op die einde ryklik beloon. Sy kon nie die manier van geloof en lewe van haar skoonma agterlaat nie. Sy moes ‘n besondere liefde ervaar het uit die hart van Naomi, asook die lewenswyse en aanbidding van God, om so ‘n keuse te maak.

”Naomi sê vir haar : “Kyk, jou skoonsuster het omgedraai na haar volk en haar gode toe. Gaan terug, agter jou skoonsuster aan.” Maar Rut het geantwoord: “Moet my nie probeer dwing om u te verlaat nie of om van u af weg te gaan nie, want waar u gaan, sal ek gaan, en waar u bly, sal ek bly. U volk is my volk en u God is my God. Waar u sterf, sal ek sterf, en daar sal ek begrawe word. Die Here kan my maar swaar straf as ek nie woord hou nie: Net die dood sal ons skei.”” (Rut 1: 15-17)

Wanneer ons aan die verhaal van Ester dink, wat bereid was om te sterf ter wille van haar volk, laat dit mens besef dat daar op verwagte en onverwagte plekke keuses gemaak moet word. Sy was geliefd deur die koning, maar sou sterf indien sy sonder om geroep te word, aan die koning sou verskyn. Ter wille van al die mense wat sou sterf, het sy die keuse gemaak om tog tot begenadiging van haar volk te vra.

”Gaan versamel al die Jode wat hulle in SUsan bevind, en vas ter wille van my. Moet drie dae lank, dag en nag, niks eet of drink nie; ook ek en my diensmeisies sal so vas. Daarna sal ek na die koning gaan, al is dit teen die wet. As ek so moet omkom, kom ek so om.” (Est. 4: 16)

So plaas die Here ons ook in situasies, soms onverwags en onbeplan. Dit is dan wanneer ons die keuse vir God moet oorlaat. Want Hy help ons om te kies. Hy onderrig ons en rig ons gesonde verstand deur die voorbeeld van Jesus Christus en deur die leiding van die Heilige Gees, om die regte keuses te maak. Sodat ons nie weeskinders in die heelal hoef te wees nie; soos die wat bewustelik of onbewustelik kies om God te ignoreer nie. Want God gee altyd die beste aan hulle wat Hom toelaat om te kies.

Gepubliseer op

Stof tot nadenke: “Wat laat ons groei?”

“Laat altwee saam groei tot met die oes. In die oestyd sal ek vir dié wat oes, sê: ‘Maak eers die onkruid bymekaar en bind dit in bondels om dit te verbrand, maar bring die koring na my skuur toe.’ ”

Matt. 13: 30

Ons weet dat ons hele lewe hier op aarde ‘n proses van groei is. Van voor geboorte vind daar groei plaas vanaf saad. Ons ontwikkel in baie klein mensies en ons hou nooit op groei tot ons fisiese volwassenheid bereik nie. Tydens hierdie fisiese groei proses, en selfs nadat ons fisiese volwassenheid bereik het, moet ons egter ook leer groei in begrip van ons aardse bestaan. Ons moet leer en groei om ook emosionele volwassenheid te bereik. Sodoende leer ons om werklik te lewe. Daar is ‘n bekende Ierse spreekwoord: “Dit maak nie saak hoe lank jou oupa was nie, jy moet self groei.” So moet ons elkeen groei tot volle potensiaal, wat ons slegs kan doen, as ons besef dat ons nooit regtig op ‘n punt kom waar ons kan ophou groei in hierdie lewe nie.

Daar is vele gesegdes en spreekwoorde oor groei, waarvan die een van Robert Browning nogal treffend is. “As jy tevrede is met wat jy is, het jy alreeds ophou groei. As jy sê’ “Dit is genoeg!” is jy verlore. Hou aan met loop, beweeg immer vorentoe, streef na die eindstreep. Moenie op die pad stilhou nie, of terugdraai nie, of van die pad afwyk nie.” So is ook die gesegde van Frank A Clark baie toepaslik op hierdie aardse bestaan: “Ons vind veiligheid en vertroosting tussen hulle wat met ons saamstem, maar groei tussen hulle wat van ons verskil.” In Matt. 13: 30 se gelykenis van die koring en die onkruid, hoor ons duidelik in die woorde van Jesus Christus ‘dat die onkruid en die koring saam sal groei op die land, maar dat dit aan die einde van mekaar geskei sal word’. Ons moet dus groei in die teenwoordigheid van die wat anders as ons is en selfs soms vir ons wil verdring.

Die groei van ‘n gelowige Christen is nou gekoppel aan God. Want dis God wat die groei nader aan Hom, in ons bewerkstellig. IL de villiers het dit so mooi gestel: “Maar wat ons vir God doen, is deel van die koninkryk, sê Jesus. Dit groei en word ongemerk ‘n groot boom. Laat ons maar werk en glo: God sal laat groei. God voorsien die saad in ons lewens wat ons laat groei nader aan Hom.

“Ek het geplant, Appolos het natgegooi, maar dit is God wat laat groei het. Dit gaan dus nie om die een wat plant of die een wat natgooi nie, maar om God wat laat groei. Die een wat plant en die een wat natgooi, staan op gelyke voet: God sal elkeen beloon volgens sy werk.” (1 Kor 3: 6-8); “God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ‘n ryk oes laat oplewer.” (2 Kor. 9: 10); “Uit Christus groei die hele liggaam, ondersteun deur die gewrigte en saamgebind deur die spiere, soos God dit laat groei.” (Kol. 2: 19)

Wat is die belangrikste groeipunt vir ons lewens? Ons moet groei in die liefde. Liefde vir God en die liefde vir ons medemens. Daardie medemens waartussen ons geplaas is, deur God self. Dit is hoe ons nader aan God en Jesus Christus groei. Al kan ons as mense vergelyk word met die belangrike daaglikse speserye, soos sout, peper en ook ander kruie, vul ons mekaar aan om die perfekte samestelling vir God se verheerliking te bewerkstellig. Ons moet besef dat wanneer ons ons oorgee aan die groei wat God in ons bewerkstellig, maak dit vir ons die pad oop om meer soos Christus te wees.

“Nee, ons sal in liefde by die waarheid bly en so in alle opsigte groei na Christus toe. Hy is immers die hoof, en uit Hom groei die hele liggaam. Die verskillende liggaamsdelee pas by mekaar en vorm saam ‘n eenheid. Elkeen van hulle vervul sy funksie, en so bou die liggaam homselfop in liefde.” (Eff. 4: 15-16); “Mag God on Vader self en ons Here Jesus ons pad na julle toe oopmaak! En mag die Here julle liefde vir mekaar en vir alle mense laat groei en oorvloedig maak, net soos ons liefde vir julle. So sal Hy julle innerlik sterk maak dat julle onberispelik en heilig voor God ons Vader sal staan wanneer ons Here Jesus kom saam met al sy heilige engele.” (1 Tess. 3: 11: 13)

Laat ons groei in die liefde vir God en die liefde vir mekaar en dan sal ons dalk ook soos Israel van harte liefgehê kan word, wanneer God se toorn afgewend is. Want dan sal God vir ons wees soos die dou vir die plante, en ons sal geil kan groei en sterk wees soos die olyfboom.

“Jy moet die Here jou God liefhê met jou hele hart en met jou hele siel en met jou hele verstand en met al jou krag. Die tweede is: Jy moet jou naaste liefhê soos jouself. Geen ander gebod is groter as dié twee nie.” (Mark. 12: 30-31); “Ek sal hulle van harte liefhê. Wanneer my toorn van hom afgewend is, sal Ek vir Israel wees soos die dou. Hy sal bloei soos ‘n lelie en hy sal vas staan soos die Libanon. Hy sal geil groei. Hy sal so sterk wees soos die olyfboom en hy sal ruik soos die plante van Libanon.” (Hos. 14: 5-7))

Gepubliseer op

Stof tot nadenke: Watter getuienis laat jy agter?

“Ons aanvaar mense se getuienis, hoeveel te meer die getuienis van God, want dit is God wat getuig, en die getuienis handel oor sy Seun.”

1 Joh. 5: 9

Ons het almal die opdrag om te getuig al reeds ontvang by die aanneem van Jesus Christus as Verlosser. Hoe getuig ons deur ons lewe, sodat daar by die mense om ons ‘n sekerheid kan wees dat ons wel gelowiges is? Is ons daar waar God elkeen van ons in die lewe geplaas het, voldoende getuie, sodat almal kan weet ons is God se kinders. Of is die aanhaling van Henry Ward Beecher “As ‘n mens nie ‘n getuie vir Christus kan wees op die plek waar Hy jou geplaas het nie, kan jy nêrens vir Hom ‘n getuie wees nie”, op ons van toepassing? Laat jy die mense om jou met ‘n heerlike soet nasmaak soos van ‘n nartjie? Of laat jy die wrang smaak van ‘n onversoete pomelo agter? Skep jy die vrede van Jesus Christus om jou, of laat jy mense met verwarde gedagtes agter?

Is jy ook een van daardie mense wat liewer ‘n preek sien, as om een te hoor? Doen dan so. Ons is geroep om God se getuies te wees, en nie sielewenners nie! Dit is die Heilige Gees wat die ware sielewenner is; maar ons moet as getuies optree, elke dag; elke plek waar ons beweeg; elke ding wat ons doen; elke projek wat ons aanpak; dis waar ons wesenlik en opreg moet getuig! Want wie in die Seun van God glo, besit die getuienis in die hart.

“Wie in die Seun van God glo, besit die getuienis in die hart; wie God nie glo nie, maak Hom tot leuenaar, omdat hy nie die getuienis glo wat God oor sy Seun gelewer het nie. ” (1 Joh. 5: 10); “”Ek is ‘n mededienaar van jou medegelowiges wat aan die getuienis vashou want Jesus gelewer het. Aanbid God, want dit is Jesus wat die getuienis gelewer het, en dit is die Gees wat die profesie gee het.”” (Open. 19: 10)

Daar is altyd verskillende reaksie op ‘n mens se getuienis. Dit kan positief of negatief wees. Dit kan seermaak en kwets; of dit kan opbouend van aard wees. Ons is nie altyd voorbedag op die reaksie wat ons gaan kry, deur te lewe na die getuienis van Jesus Christus, nie. So wees voorbereid op ‘n tuimeltreinrit. Indien mens dit regkry om Jesus se voorbeeld uit te leef, doen ons dit nie uit eie krag nie, maar word mens deur die krag van die Heilige Gees gelei.

“Hulle was almal en verbaas en uit die veld geslaan. Party het vir mekaar gevra: “Wat kan dit tog beteken?” Maar party het gespot en gesê: “Hulle is dronk”” (Hand. 2: 12-13); “Hy het geantwoord: “Dit is nie vir julle om die tyd en omstandighed te weet wat die Vader in sy eie mag bepaal het nie. Maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judea en in Samaria en tot aan die uithoeke van die wêreld”” (Hand. 1: 7-8)

Soos Emil Brunner dit so goed gestel het: “Soos vuur nie anders kan as om te brand nie, kan die kerk nie anders as om te getuig nie”. Besluit self watter getuienis jy agter jou laat. Dan Green stel dit ook goed: “Om te getuig van Hom wie se Naam ons dra, is nie ‘n soort stokperdjie of ‘n een-keer-per week-tydverdryf nie. Dis ‘n manier van lewe. ‘n Mens preek of praat nie oor getuienis nie. Jy is ‘n getuie”. As gelowiges, weet ons verseker dat as ons die opdrag van die Vader uitvoer, soos voorgelê deur Jesus Christus en deur die krag van die Heilige Gees, sal ons ook soos Dawid van ouds sal kan getuig.

“Van Hom sê Dawid: “Ek het die Here altyd voor oê. Hy is aan my regterhand; ek sal nie wankel nie. Daarom is my hart bly en my tong jubel, ja meer, ek het die verwagting dat my liggaam sal lewe, want U sal my nie aan die doderyk oorlaat nie; U sal nie toelaat dat u troue dienaar vergaan nie. U het my die paaie van die lewe geleer; u teenwoordigheid sal my met vreugde vul.” (Hand. 2: 25-28); “Ek het die Here altyd by my: omdat Hy by my is, sal ek nie struikel nie. Daarom is ek bly en juig ek en voel ek my veilig. U gee my nie oor aan die dood nie. U laat u troue dienaar nie in die graf kom nie. U leer my hoe om te lewe. By U is daar oorvloedige blydskap. Uit u hand km net wat mooi is.” (Ps. 16: 8-11)

Gepubliseer op

Stof tot nadenke: “Die dood kon Hom nie bind nie…”

“Die Sondagmôre vroeg, toe dit nog donker was, kom Maria Magdalena by die graf en sien dat die klip weggerol is.”

Joh. 20: 1

Soos wat ons mense nou maar is, dink ons dadelik mense het iets gedoen. Dit was ook nie anders met Maria Magdalena nie. Sy het dadelik vermoed dat iemand Jesus se liggaam geskuif het. Sy wou nog die laaste eer betoon aan Christus. Daar was egter engele om haar te verseker dat dit nie die geval was nie. Dit was omdat Jesus Christus opgewek is uit die dood. Maria wat buite die graf gestaan en huil het, het Christus se verheerlikte liggaam met die van die tuinopsigter verwar. Sy is gou reggehelp, en het Hom herken.

“Die vroue het groot geskrik en met hulle gesig na die grond toe gebuig. Toe sê die manne vir hulle: “Waarom soek julle die Lewende by die dooies? Hy is nie hier nie. Hy is uit die dood opgewek”” (Luk. 24: 5-6); ”Nadat sy dit gesê het, het sy omgedraai en vir Jesus daar sien staan, maar sy het nie geweet dat dit Hy is nie. Jesus vra haar toe: “ Mevrou, waarom huil jy? Vir wie soek jy?” Sy het gedink dit is die tuinopsigter, en sy het vir hom gesê: “Meneer, as u Hom weggevat het, sê vir my waar u Hom begrawe het, en ek sal Hom daar gaan haal.” Jesus het vir haar gesê: “Maria!” Sy draai na Hom toe en sê in Hebreeus vir Hom: Rabboeni!” Dit beteken leermeester.” (Joh. 20: 14-16)

Ons kan ons die vreugde indink, toe Maria Magdalena vir Jesus herken. Sy het haar gehaas om die dissipels te vertel dat sy Hom gesien het. Hulle wou haar nie glo nie, en moes self ondersoek instel. Petrus en Johannes het inderhaas na die graf gegaan, en dit net so gekry soos wat Maria Magdalena vertel het. Die dood kon Jesus Christus nie bind nie. Alles het so gebeur soos wat Hy hulle voor die tyd vertel het. Hy sou gekruisig word en sterf, maar sou op die derde dag weer opstaan, en sodoende vir ewig ons van ons sondes verlos.

”Petrus en die ander dissipel het toe uitgekom en na die graf toe gegaan. Die twee het saam begin hardloop, maar die ander dissipel het vinniger as Petrus gehardloop en eerste by die graf gekkom. Toe hy vooroor buk, sien hy die doeke lê, maar hy het nie ingegaan nie. Ná hom het Simon Petrus ook daar aangekom, en hy het in die graf ingegaan. Hy sien toe die doeke daar lê, oook die doek wat om Jesus se kop was…” (Joh. 20: 3-7).

Na hierdie gebeure, nog dieselfde aand, het Jesus Christus aan die dissipels, waar hulle agter geslote deure was, verskyn. Hy het hulle sy hande gewys, waar die letsels van die kruisiging nog duidelik was, en hulle was in ekstase. Hy groet hulle met “Vrede vir julle!”, en herhaal weer die boodskap dat hulle die evangelie moet gaan verkondig.

“Daardie Sondagaand was die dissipels bymekaar. Alhoewel die deure gesluit was omdat hulle bang was vir die Jode, het Jesus gekom en tussen hulle gaan staan en vir hulle gesê: “Vrede vir julle!” (Joh. 20: 19); “Vrede vir julle!” sê Hy weer vir hulle. “Soos die Vader My gestuur het, stuur Ek julle ook.” Nadat Hy dit gesê het, blaas Hy oor hulle en sê: “Ontvang die Heilige Gees!”” (Joh. 20: 21-22)

So het Jesus Christus verskeie kere aan ook ander mense verskyn, sodat hulle verseker kon weet dat daar geen twyfel is oor die feit dat die dood geen houvas op Hom kon kry nie! Selfs die gekonkel van die priesterhoofde nadat die wagte die berig aangebring het, moes geweet het, al het hulle ‘n leuen versprei, dat Jesus Christus waarlik opgestaan het. Die groot genade wat aan ons bewys is deur hierdie oorwinning van die dood kan ons dikwels nie begryp nie. Ons hoef geen vrees te hê wanneer ons in geloof vashou aan hierdie waarheid. Jesus Christus het regtig opgestaan, en daarom kan ons nou ook oorwinnaars wees in geloof. God, die Vader, die Seun, Jesus Christus en die Trooster, Die Heilige Gees het ons so lief dat ons nooit alleen hoef te stry teen die sonde nie. Dit is reeds oorwin. Glo in die opstanding van Jesus Christus, en jy kan verseker weet dat ons niks het om te vrees nie; maar ons het ook die opdrag gekry om dit vir die Wêreld te vertel!

“Terwyl die vroue oppad was, kom party van die wagte in die stad aan en vertel vir die priesterhoofde alles wat gebeur het.” (Matt. 28: 11); ”Later het Jesus aan die elftal self verskyn terwyl hulle aan tafel was. Hy het hulle verwyt oor hulle ongeloof en hardheid van hart, omdat hulle dié wat Hom na sy opstanding gesien het, nie geglo het nie. Hy het vir hulle gesê: “Gaan uit, die hele wêreld in, en verkondig die evangelie aan die hele mensdom. Wie tot geloof gekom het en gedoop is, sal gered word; wie nie glo nie, sal veroordeel word.” (Mark. 16: 14-16)

Gepubliseer op

Stof tot nadenke: “Dit is volbring!”

Stof tot nadenke Dit is volbring

“Nadat Jesus die suur wyn gekry het, het Hy gesê: “Dit is volbring” (Joh. 19: 30)

Dit is hierdie komende week die sewende en groot lydensweek. Dit week waarin ons herinner word aan wat Jesus Christus moes deur maak vir elkeen van Sy dissipels, asook elkeen wat deur hulle woorde tot geloof sou kom en wat in Hom glo. Hy het uitsluitlik na hierdie wêreld gekom, met die enigste doel voor oë, om verlossing te bring vir elkeen wat in Hom glo. Jesus Christus is deur God gestuur en Sy opdrag was om God te verheerlik en die evangelie na hierdie aarde te bring, en uiteindelik hierdie donker week te deurleef. Sodoende is die uitvoering van God se opdrag volbring deur aan die kruis te kom sterf.

Lees meer “Stof tot nadenke: “Dit is volbring!””
Gepubliseer op

Stof tot nadenke: Christus se alleen wees…

“Daarna kom Jesus met sy dissipels by ‘n plek met die naam Getsemane, en Hy sê vir hulle: “Sit hier terwyl Ek daar gaan bid.” Hy het vir Petrus en die twee seuns van Sebedeus saamgeneem. Toe het Hy bedroef en beangs geword en vir hulle gesê: “Ek voel doodsbenoud. Bly hier en waak saam met My. Hy het ‘n entjie verder gegaan en daar gekniel met die gesig teen die grond en gebid: “My Vader, as dit moontlik is, laat hierdie lydensbeker by My verby gaan. Moet nogtans nie doen soos Ek wil nie, maar soos U wil.”

Matt. 26: 36-39

Lees meer “Stof tot nadenke: Christus se alleen wees…”
Gepubliseer op

Stof tot nadenke: Die Enigste Pad

Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie.”

Joh. 14: 6

Ons almal is baie bekend met die die gebed van Koos du Plessis wat noem : “…elke afdraai paadjie ken ek…”. Wie van ons het nog nie so gevoel nie. Elkeen van ons het al so dikwels daardie afdraaipaadjie geneem, in stede van op die regte pad te bly. Daar is so baie keuses om te maak wanneer ons by daardie kruispaaie kom, waar die verleidings en die versoekings van hierdie aarde vir ons so aanloklik lyk, dat ons besluit om tog net vir ‘n kort wyle op daardie afdraaipaadjie te wandel. Maar telkens wys God ons daarop dat daar net een weg.

Lees meer “Stof tot nadenke: Die Enigste Pad”
Gepubliseer op

Stof tot nadenke: Die Nuwe gebod

“Ek gee julle ‘n nuwe gebod: Julle moet mekaar liefhê. Net soos Ek julle liefgehad het, moet julle ook mekaar liefhê. Dit is hoe almal sal weet dat julle my dissipels is – as julle liefde teenoor mekaar het.”

Joh. 13: 34-35

Die persepsie van die liefde, in vandag se tyd, word so verdraai, dat dit soms moeilik is om by die ware bedoeling van die Liefde, soos wat dit in die Woord bedoel word, uit te kom. Ons as mense is sulke fisiese wesens, dat ons so maklik weggevoer word na die aardse liefdes begrip. Vrouens dink as hulle mans nie ‘Vatentynsdag’ onthou nie of gereeld blomme aangedra word, ontbreek die nodige liefde! As die vrou nie altyd die kos kook waarvoor die man lus is nie, of nie dadelik regstaan wanneer die man moeg by die huis aankom, word daar maklik verwyte van liefdeloosheid rond geslinger. Ons verloor so maklik die realiteit van wat die Liefde van Christus vir ons kom wys het.

Lees meer “Stof tot nadenke: Die Nuwe gebod”
Gepubliseer op

Stof tot nadenke: Regverdige Oordeel

Stof tot Nadenke - NG Kerk Groot-Brakrivier

“Uit Myself kan Ek niks doen nie. Ek oordeel volgens wat Ek hoor, en My oordeel is regverdig, omdat Ek nie my wil nastreef nie, maar die wil van Hom wat My gestuur het.”

Joh. 5: 30

In hierdie aardse bestaan van ons, soek ons altyd iemand of iets om te beskuldig, wanneer dinge nie volgens ons eie plan of menslike oordeel gebeur nie. Wanneer iets verkeerd gaan, soek ons ‘verskonings’ oor hoekom dit nie ons eie skuld is nie, om so enige blaam van onsself af weg te keer. Ons is altyd baie vinnig om ‘n oordeel oor die situasie te fel, sonder dat ons die wil van God gevra het. Ons blameer selfs ons menslike natuur en begeertes, waarteen ons sogenaamd geen verweer het nie. Ons moet egter besef dat ons verantwoordelikheid moet neem vir enigiets, waar ons, teen die wil van God, verkeerde besluite geneem het en dus na enige verkeerde dinge en oordele gelei het. Die eintlike vraag vandag is of ons wel regverdig oor enigiets kan oordeel? Ons word herhaaldelik gemaan om nie net te oordeel nie!

Lees meer “Stof tot nadenke: Regverdige Oordeel”
Privaatheidsbeleid Trots aangedrewe deur WordPress